1. King so se gelepang ba mutši wa Jehova gore go be selo ka ssoši?

TABA ya gore ke rune ba mutši wa Jehova yi re jabodisa ka matla. Ke ntaba mutši wa geru wo bebiye fote go le selo ka ssoši? Tsotsone di maka ke gore ka mokana ga rune re tseyela gedimo bohlogo bo Jehova a makiyeng gore bo be gona. Gabutšibutši, mo re ka kwisisa gore bohlogo bo bereka ka mokgo mang, re nyoko napa re mamarelana ka matla.

2. Ga hlogotaba yowa re nyoko fetola diputsiso difeng?

² Ga hlogotaba yowa re nyoko bona gore taba ya bohlogo yi bereka ka mokgo mang ka phutegong. Fote re nyoko fetola diputsiso tsowa: Mmereko wa magageru ya basadi ke wofeng? Ayitsano ke nnete gore mogageru ye mongwana le ye mongwana ke hlogo ya mogageru ye mongwana le ye mongwana wa mosadi? Ayitsano bagolo ba na le matšhika ya go lawola magageru go fo tshwana le mo hlogo ya mutši yi lawola ba mutši wa yona? Sa mathomo, tla re boneneng ka mokgo re ka tseyang magageru ya basadi ka gona.

3. Re ka šupetsa ka mokgo mang gore mmereko wo wo makang ke magageru ya basadi re ya wo leboga?

³ Magageru ya basadi ya gore ma karakara ka matla gore ma pasope ba mutši ya wona, ma tšhomayela ditaba tsa go bafala ma boya ma thega phutego, re ma leboga re sa fetse. Re nyoko šupetsa gore re ma leboga ka matla mo re ka lebelela ka mokgo Jehova le Jeso ba ma tseyang ka gona. Fote mo re ka lebelela ka  mokgo Pawulo a yyeng a tshwara basadi ka gona, di nyoko re berekela.

4. Baebele yi re šupetsa ka mokgo mang gore Jehova o tseyela basadi le banna gedimo?

⁴ Baebele yi šupetsa gore Jehova o tseyela basadi le banna gedimo. Mo re beyisa, di šupetsa gore ka dinako tsa mapostola, Jehova o neyye basadi le banna moya wa go hlawolega gore ba thogo maka mmereko wa go makatsa wa go tshwana le go bolabola mebolabolo ye mengwana. (Meber. 2:1-4, 15-18) Bo ba tlotsiwweng ka moya wa go hlawolega gore ba ye lawola le Kreste ke banna le basadi. (Magal. 3:26-29) Bo ba nyoko krayang lephelo la go ya go yye ho lefaseng, ke basadi le banna. (Kut. 7:9, 10, 13-15) Fote mmereko wa go tšhomayela le wa go tšhutisa ka ditaba tsa go bafala, ba wo neyye banna le basadi. (Mat. 28:19, 20) Gabutšibutši, puku ya Mebereko yi bolabola ka mogageru wa mosadi ye ba reng ke Phrisilla le mmonage ye ba reng ke Akhwila, ba gore ba yye ba hlatollela morene mongwana wa go tšhutega ka matla ye ba reng ke Apholo nnete gabutši.—Meber. 18:24-26.

5. Luka 10:38, 39, 42 yi re Jeso ke mo a tseya basadi ka mokgo mang?

⁵ Jeso ke mo a hlompa basadi. Ke mo a sa latelele setšo sa Mafaraseyi ya gore ne ma tseyela basadi fase fote ne ma sa nyake go bolabola nabo mo go tleleng batho, mo go le go bolabola nabo ka tsa go tšwa mangwalong, a re sa hlaya. Mara mo Jeso a bolabola le malata yage ka tso tsa Modimo, le basadi ne ba le gona. * (Bala Luka 10:38, 39, 42.) Mo Jeso a kene a sepela a tšhomayela, ne a sa gane go sepela le basadi. (Luk. 8:1-3) Jeso o šupetsiye gore o tseyela basadi gedimo mo a maka gore go be bona ba botsang mapostola gore o tsugiye bakgung.—Joh. 20:16-18.

6. Pawulo wa lepostola o šupetsiye ka mokgo mang gore o hlompa basadi?

⁶ Pawulo wa lepostola o yye a gopotsa Thimothi gore a hlompe basadi. O mmutsiye gore a tseye “basadi ba gore ba šele ba gudiye go le bommane” ke mokane a tseye “basadi ba gore ba sa gola go le bosesi.” (1 Thim. 5:1, 2) Nnete ke gore Pawulo ke yene a gelepiyeng Thimothi gore a gole ga tso tsa Modimo, mara ne a sa takisi maahlo taba ya gore Thimothi ‘mangwalo’ o ma tšibiye ka mmane wage le kokwane wage. (2 Thim. 1:5; 3:14, 15) Ga lengwalo lo Pawulo a le ngwaleleng Maroma, mo a tamisa magageru ya basadi o ma hlayye le ka mabitso. Pawulo ke mo a tseyela gedimo mmereko wo magageru ya basadi ba wo makiyeng a boya a ba leboga a sa fetse.—Mrm. 16:1-4, 6, 12; Mafil. 4:3.

7. Re nyoko bolabola ka diputsiso difeng gana byalo?

⁷ Direle tsa go fela di šupetsiye gabutši gore Baebele a yi kwane le taba ya gore magageru ya basadi ma tseyediwe fase. Magageru ya basadi ya gore maa nyakanana fote a ma konane ke makolwane fote bagolo ba tshepele ga wona gore ma make gore ka phutegong go bebe fote re be selo ka ssoši. Mara diputsiso tse dingwana re ka sa ro di tšhabelela. Re ka beyisa ka gore: Ke ntaba Jehova a nyaka gore mogageru wa mosadi a khurumele hlogong ka dinako tse dingwana? Ka taba la gore ke magageru ya banna ya ma hlawodiwang go le bagolo le malata ka ho phutegong, ayitsano tsotsone di rela gore mogageru ye mongwana le ye mongwana ke hlogo ya mogageru ye mongwana le ye mongwana wa mosadi ka ho phutegong?

8. Ayitsano Maefeso 5:23, yi re mogageru ye mongwana le ye mongwana ke hlogo ya mogageru ye mongwana le ye mongwana wa mosadi? Hlatolla.

⁸ Ayitsano mogageru ye mongwana le ye mongwana ke hlogo ya mogageru ye mongwana  le ye mongwana wa mosadi? Dho, hlogo ya phutego ke Kreste. (Bala Maefeso 5:23.) Ka mutšing, monna o na le matšhika ya go lawola mosadi wage. Morwayi wa gore o kolobetsiwwe a yi hlogo ga mmane wage. (Maef. 6:1, 2) Le ka phutegong, bagolo ba na le matšhika ya go lekanela ya go lawola magageru. (1 Mathes. 5:12; Maheb. 13:17) Basadi ba gore a ba soko tseyiwa fote a ba sa dula le bopapa le bommane ba bona ba ya mahlong ba hlompa babelegi ba bona le bagolo. Mara go fo tshwana le banna ba ka ho phutegong, hlogo ya mogageru yene wa mosadi ke Jeso.

9. Ke ntaba ka dinako tse dingwana di nyaka magageru ya basadi ma khurumela hlogong?

⁹ Nnete ke gore Jehova o hlawodiye banna gore ba yete mahlong ka go tšhutisa le ka go rapela ka ho phutegong, mara mmereko wone aa wo neya basadi. (1 Thim. 2:12) Ke ntaba? Phela sosone ke sona so se makiyeng gore Jehova a hlawole Jeso gore go be hlogo ya monna—gore dilo ka phutegong di sepele ka letheto. Mo di ka makega gore mogageru wa mosadi di nyaka a make mmereko wa gore gatlele wo maka ke mogageru, Jehova o nyaka gore mogageru yene wa mosadi a khurumele hlogong. * (1 Makor. 11:4-7) Mo Jehova a kgopela magageru ya basadi gore ma make ka mokgonone, a yi ka taba la gore o ma tseyela fase mara o nyaka ma šupetsa gore ma hlompa bohlogo byo yene a makiyeng gore bo be gona. Mo re sa le ga taba yonone, tla re fetoleneng putsiso yowa: Dihlogo tsa mutši le bagolo ba na le matšhika ya go lawola go segela kaye?

10. Ke ntaba mogolo ka dinako tse dingwana a ka nyaka go beyela phutego melawo?

¹⁰ Bagolo ga Jeso ba mo nyaka ka matla fote  le “dinku” tso Jehova le Jeso ba ba neyyeng tsona gore ba di pasope, ba di nyaka ka matla. (Joh. 21:15-17) Ka taba la gore mogolo o nyaka phutego ka matla, a ka berekisa bohlogo nkare ke papa wa ka ho phutegong. A ka fo nagana gore mo nkare hlogo ya mutši yi na le matšhika ya go maka molawo gore yi thogo pasopa ba mutši wa yona, di ra gore le mogolo a ka fo maka molawo gore a thogo pasopa dinku tsa Modimo. Fote magageru ya mangwana ma ka hlohletsela bagolo gore ba make tsotsone ka go ba kgopela gore ba ba segelelele dipheto. Mara ayitsano bagolo ba ka ho phutegong le dihlogo tsa mutši ba na le matšhika ya go lawola ya go tshwana?

11. Mmereko wa dihlogo tsa mutši le wa bagolo wo yelana ka mokgo mang?

¹¹ Pawulo wa lepostola o yitseri mmereko wo wo makang ke hlogo ya mutši le wo wo makang ke mogolo wa yelana. (1 Thim. 3:4, 5) Mo re beyisa, Jehova o nyaka gore ka mokana ga bona ka ho mutšing ba hlompe hlogo mutši. (Makol. 3:20) Fote o nyaka bo ba leng ka ho phutegong ba theetsele bagolo ba bona. Jehova o nyaka dihlogo tsa mutši le bagolo ba gelepe bo ba ba pasopang gore ba tlalele ga tso tsa Modimo. Fote di nyaka ba make gore bo ba ba pasopang ba tikwe ba nyakiwa ka matla. Go fo tshwana le hlogo ya mutši ya gabutši, bagolo di nyaka ba gelepe bo ba ba pasopang mo go na le tsa  go ba ghula. (Jak. 2:15-17) Go tokegela gana hone, Jehova o nyaka gore bagolo le dihlogo tsa mutši ba tšhutise ba bangwana melawo yage mara ‘ba sa make dilo ka go fetelela le tsa gore a di šiyo ka Mangwalong.’—1 Makor. 4:6.

12-13. Maroma 7:2, yi re mmereko wo wo makang ke dihlogo tsa mutši le wo wo makang ke bagolo wo fapana ka mokgo mang?

¹² Le mo go le ka mokgonone, go na le tso di sa tshwaneng ka mmereko wo wo makang ke mogolo le wo wo makang ke hlogo ya mutši. Mo re beyisa, Jehova o neyye bagolo mmereko wa go yahlula, a boya a ba neya mmereko wa gore ba ntshe bo ba ganang go sokologa ka ho phutegong.—1 Makor. 5:11-13.

¹³ Ka nthoko ye nngwana, matšhika ya go lawola ya Jehova a ma neyyeng dihlogo tsa mutši a ma tshwane le ya a ma neyyeng bagolo. Mo re beyisa, o dumelele hlogo ya mutši gore yi make melawo yi boye yi bone gore ba wo theetsela. (Bala Maroma 7:2.) Mo re beyisa, hlogo ya mutši yi na le matšhika ya go hlawola gore bana ba ka boya gaye nako mang. Fote yi na le matšhika ya go wolola bana ba yona mo ba ka sa theetsele molawo wone. (Maef. 6:1) Nnete ke gore, hlogo ya mutši yi nyoko thomisa ka go bolabodisana le mosadi wa yona mo yi soko bane yi beya molawo, phela bona ba le ka babedi ke “nama ka yyoši.” *—Mat. 19:6.

14. (a) Mareka 10:45, yi re ke ntaba di sa makatse gore Jehova o hlawodiye Jeso gore go be hlogo ya phutego? (b) Mmereko wa bo ba Mogoba wa go Lawola ke wofeng? (Lebelela lebhokisi la gore “ Mmereko wa bo ba Mogoba wa go Lawola.”)

¹⁴ Jehova o berekisiye sehlabelo sa go lepolla go reka lephelo la ye mongwana le ye mongwana  ka phutegong, gabutšibutši la batho ka mokana ga bona. (Bala Mareka 10:45; Meber. 20:28; 1 Makor. 15:21, 22) Byalo a di makatse mo a hlawodiye Jeso gore go be yene hlogo ya phutego ka taba la gore o re kgwele gore re thogo kraya lephelo. Ka taba la gore Jeso ke hlogo ya rune, o na le matšhika ya go maka molawo a boya a bone gore ye mongwana le ye mongwana ka mutšing le ka phutegong wa wo latelela. (Magal. 6:2) Mara Jeso aa fo maka molawo fela. Wa re pasopa a boya a šupetsa gore o nyaka ye mongwana le ye mongwana wa rune.—Maef. 5:29.

15-16. O tšhuta ying ga tso mogageru wa mosadi ye ba reng ke Marley le mogageru ye ba reng ke Benjamin ba di hlayyeng?

¹⁵ Magageru ya basadi ma šupetsa gore ma hlompa Kreste ka go latelela tso magageru ya gore o ma hlawodiye ma ma yetetsang ka tsona. Mogageru wa mosadi ye ba reng ke Marley wa gore o dula ku United States, o bona dilo go tshwana le magageru ya mangwana ya basadi. O re: “Ke ya di tšiba tso mosadi a tshwaneleng a di make ka gaye le ka phutegong. Di nyaka ke karakare ka matla gore ke hlompe bohlogo byo Jehova a bo neyyeng monnaka le bagolo. Mara monnaka le magageru ka phutegong ba maka gore di be lula ka taba la gore baa nhlompa fote ba leboga mmereko wo ke wo makang ba sa fetse.”

¹⁶ Mo magageru ma hlompa ma boya ma tseyela magageru ya basadi gedimo, ma šupetsa gore ma kwisisa taba ya bohlogo gabutši. Mogageru ye ba reng ke Benjamin wa gore o dula ku England, o re: “Ke tšhutiye tsa go tlala ga magageru ya basadi mo ma fetola mogahlanong le mokgwa wo mongwana wo nka wo berekisang mo ke tšhuta le gore nka lokotša matšhomayelelo yaka ka mokgo mang. Ke nagana gore mmereko wo ba wo makang ke wo mogolo ka matla.”

17. Ke ntaba di nyaka re hlompe tšhiko ya Baebele ga taba ya bohlogo?

¹⁷ Mo ka mokana ga bona ka phutegong—banna, basadi, dihlogo tsa mutši le bagolo—ba kwisisa le go hlompa tšhiko ya Baebele ga taba ya bohlogo, phutego yi nyoko tikwisa ka go beba. Sa go di phala ka moka ke gore, re nyoko thanaka Papa wa rune wa legedimong le wa gore fote o re nyaka ka matla, Jehova.—Pis. 150:6.