1. King tso di ka kutšetselang monna ka mokgo a tseyang bohlogo ka gona?

LENTSU lowa “bohlogo” o le kwa byang mara? Banna ba bangwana ba dumelela setšo kela ka mokgo ba gudisiwweng ka gona di kutšetsela ka mokgo ba tshwarang basadi ba bona le bana ba bona. Mogageru wa mosadi ye ba reng ke Yanita wa go dula Yuropo o re, “Mo ke dulang batho ba go tlala ba tseya basadi go se selo fote ba ba tshwara nkare ke mabhantiti.” Fote mogageru ye ba reng ke Luke wa gore o dula ku United States o re, “Bo papa ba bangwana ba tšhutisa barwayi ba bona gore ba sa kwe ka basadi ka taba la gore tso ba di bolabolang a yi tsa selo.” Mara, Jehova aa nyake gore banna ba berekise bohlogo bya bona ka mokgonone. (Tshwanisa le Mareka 7:13.) Byalo, monna a ka di tšhuta byang go ba hlogo ya gabutši ya mutši?

2. Hlogo ya mutši di nyaka a tšiba ying fote ke ntaba?

² Gore monna a thogo ba hlogo ya gabutši ya mutši di nyaka a thomisa go kwisisa gore king tso Jehova a di nyakang ho gage. Di nyaka a di tšibe gore ke ntaba Jehova a makiye gore go be le bohlogo fote ka matlamatla a tšibe ka mokgo a ka kopiselang mošupetso wa Jehova le Jeso. Ke ntaba monna a tshwanele a di tšibe tsotsone? Ka taba la gore Jehova o neyye dihlogo tsa mutši matšhika ya go lawola ya gore ma lekanele fote o nyaka gore di ma berekise gabutši.—Luk. 12:48b.

3. Re ka tšhuta ying ga tso Makorente wa Mathomo 11:3 yi di hlayang ka bohlogo?

³ Bala Makorente wa Mathomo 11:3. Temanyana yowa yi hlatolla ka mokgo Jehova a makiyeng gore mutši wage wa legedimong le wa ho lefsaeng o be ka gona. Bohlogo bo sepela le dilo ka  dipedi—matšhika ya go lawola le go yemela taba. Jehova ke yene “hlogo,” kela ye a nang le matšhika ka mokana ga wona ya go lawola fote bana bage ka mokana ga bona go leng mangeloyi le batho ba lawola ke yene. (Mrm. 14:10; Maef. 3:14, 15) Jehova o neyye Jeso matšhika ya go lawola phutego mara taba ya gore Jeso o re tshwara ka mokgo mang Jehova o yi tseyela gedimo. (1 Makor. 15:27) Fote Jehova o neyye monna matšhika ya go lawola mosadi wage le bana bage mara taba ya gore monna o tshwara ba mutši wage ka mokgo mang Jehova le Jeso ba yi tseyela gedimo.—1 Pet. 3:7.

4. Jehova le Jeso ba na le matšhika ya go segela kaye ya go lawola?

⁴ Ka taba la gore Jehova ke yene hlogo ya ba mutši wage wa legedimong le wa lefaseng ke yene a beyelang bana bage melawo ya gore ba tshwanele ba phele ka mokgo mang, a boye a bone gore melawo yone ba yi latelela. (Jes. 33:22) Ka taba la gore Jeso ke hlogo ya phutego ya Makreste dya mo tshwanela gore a make melawo a boye a bone gore ya latelediwa.—Magal. 6:2; Makol. 1:18-20.

5. Hlogo ya mutši ya gore ke Mokreste yi na le matšhika ya go lawola yafeng fote ma segela kaye?

⁵ Go fo tshwana le Jehova le Jeso, hlogo ya mutši ya gore ke Mokreste yi na le matšhika ya go segelelela ba mutši wa yona dipheto. (Mrm. 7:2; Maef. 6:4) Le mo go le ka mokgonone, matšhika ya a nang nawo ya go lawola go na le mo ma kgerang gona. Mo re beyisa, melawo yo a yi beyang di nyaka yi tšwe ga ditšhiko tso di leng ga Lentsu la Modimo. (Diy. 3:5, 6) Fote hlogo ya mutši yi na le matšhika ya go lawola ba mutši wa yona go seng batho ba bangwana. (Mrm. 14:4) Taba ye nngwana ke gore, mo barwayi le barwediya bage ba šele ba tšwile setense ba ko fo ya mahlong ba mo hlompa mara ba ka sa sa kwa ka yene.—Mat. 19:5.

6. Ke ntaba Jehova a makiye gore go be le bohlogo?

⁶ Jehova o makiye gore go be le bohlogo ka taba la gore o nyaka ba mutši wage ka matla. Ke selo sa mayemo ya gedimo so a re neyyeng sona. Bohlogo bo maka gore mutši wa Jehova wo dule wo bebiye fote dilo di sepele ka letheto. (1 Makor. 14:33, 40) Mo di ka sa bonale gore hlogo ke mang, mutši wa Jehova wo nyoko hlakahlakana fote mojabolo dho. Mo re beyisa re ka sa tšibi gore ke mang ya tshwaneleng go segelela dipheto fote a boye a bone gore dya makega.

7. Maefeso 5:25, 28, yi re Jehova o nyaka banna ba tshware basadi ba bona ka mokgo mang?

⁷ Mo nkare bohlogo ke selo sa gabutši so Modimo a se makiyeng byalo ke ntaba basadi ba go tlala lekgono ba kwa nkare banna ba bona ba ba tshwara bošidi fote ba ba lawola ka matla? Ka taba la gore banna ba go tlala ba takisiye maahlo melawo ya Jehova ya go bolabola ka mitši ke mokane ba hlawola go latelela ditšo. Ba tshwara basadi ba bona go baba go fo re ba tikwe ba yitse tswee. Mo re beyisa, monna a ka tshwara mosadi wage go baba a llela go hlompiwa kela go šupetsa ba bangwana gore yene ke yene “mong monna.” A ka tipotsa gore a ka sa kgone go maka mosadi wage gore a mo nyake ka matla mara a ka kgona go maka gore a mo tšhabe. Ke mokane a ka berekisa go tšhoga gone gore a thogo mo lawola. * Banna ba go maka dilo ka mokgonone a ba hlompe basadi ka mokgo ba tshwaneleng ba ba hlompe ka gona fote sosone ke so Jehova a sa se nyakeng.—Bala Maefeso 5:25, 28.

8. Monna a ka tšhuta go ba hlogo ya mutši ya gabutši ka mokgo mang?

⁸ Mo monna a ka kopisela ka mokgo Jehova le Jeso ba berekisang bohlogo a ka tšhuta go ba hlogo ya gabutši ya mutši. Lebelela mekgwa ka mmedi yo Jehova le Jeso ba yi šupetsiyeng ke mokane o bone ka mokgo hlogo ya mutši yi ka  šupetsang mekgwa yowa ga mosadi wa yona le bana ba yona.

9. Jehova o šupetsa ka mokgo mang gore o tinyanafatsiye?

⁹ Go tinyanafatsa. Jehova o re phala ka moka ka go hlalefa mara o theetsela malata yage mo ma na le so ma se naganang. (Gen. 18:23, 24, 32) Wa di nyaka go kwa gore bo a ba lawolang ba bona dilo ka mokgo mang. (1 Mag. 22:19-22) Jehova o felegelele mara aa yemela gore re make dilo ka moka go tshwana naye. Mara o gelepa malata yage ya gore a maa yenela gore ma thogo maka dilo gabutši. (Pis. 113:6, 7) Gabutšibutši Baebele yi hlatolla Jehova go le “ye a re gelepang.” (Pis. 27:9; Maheb. 13:6) Kgoši Dafita o yitseri o kgonne go maka mmereko wo mogolo wo ba mo neyyeng wona ka taba la gore Jehova o ro tinyanafatsa ke mokane a mo gelepa.—2 Sam. 22:36.

10. Jeso o šupetsiye ka mokgo mang gore o tinyanafatsiye?

¹⁰ Tseya ka mošupetso wa Jeso. Le mo malata ya Jeso ma mo tseya go le Morena mara o yye a ma hlapisa mawoto. Ke ntaba Jehova a makiye gore taba yowa yi ngwadiwe ka ho Baebeleng? Ke mo a makela batho mošupetso wa gabutši wo ba tshwaneleng go wo latelela ka matlamatla dihlogo tsa mutši. Jeso o yitseri: “Ke le beyele mošupetso gore tso ke le makeleng tsona le lune le di make.” (Joh. 13:12-17) Le mo Jeso ne a na le matšhika ya go lawola ke mo a sa tlela go berekediwa. Mara ke mo a tlele go berekela ba bangwana.—Mat. 20:28.

11. Hlogo ya mutši yi ka tšhuta ying ga mošupetso wa Jehova le Jeso ga taba ya go tinyanafatsa?

¹¹ Tso re di tšhutang. Di tlele tso hlogo ya mutši yi ka di makang go šupetsa gore yi tinyanafatsiye. Mo re beyisa, wa di tšiba gore mosadi wage le bana bage a baa yenela. O tseyela gedimo tso ba mutši wage ba di naganang le mo ba sa bone dilo go tshwana. Marley wa gore o dula ku United States o re: “Nna le monna waka ka dinako tse dingwana a re bone dilo go tshwana. Mara ke ya di tšiba gore o ntseyela gedimo fote wa nhlompa ka taba la gore o thoma ka go mputsisa gore ke nagana ying ke mokane a ghayela ka yona gore a thogo segelela sepheto.” Go tokegela gana hone monna wa gore o tinyanafatsiye o tikemisele go bereka mmereko wo mongwana le wo mongwana ka ho gaye, le mo yi le gore ga poleke yo a dulang ga yona ba tseya mmereko wone go le wa basadi. Taba yone go ka ba ntshitshire. Ke ntaba? Mogageru wa mosadi ye ba reng ke Rachel o re “mo ke tšwang gona mo nkare monna o gelepa mosadi  wage go hlatswa ditša kela go yedisa ntlo, bayagelane bage le mašaga ba nyoko butsisa gore nje ke ‘monna wa mannete.’ Ba nyoko tseya gore mosadi wage o mo goga ka nko.” Mo nkare batho ba poleke ya mo o dulang ga yona ba tseya dilo ka mokgonone, o sa lebale gore Jeso o yye a hlapisa malata yage mawoto le mo e le gore batho ne ba tseya gore ke mmereko wa go maka ke mabhantiti. Monna wa gore ke hlogo ya gabutši ya mutši aa na taba le gore batho ba mo tseya byang mara so a hlupegang ka sona ka matla ke gore mosadi wage le bana bage ba dule ba jabodiye. Go tokegela ga taba ya go tinyanafatsa, ke mokgwa wofeng wo mongwana wo hlogo ya mutši yi tshwaneleng go ba nawo?

12. Go nyakanana go tšhofiye Jehova le Jeso gore ba make ying?

¹² Go nyakanana. Dilo ka mokana ga tsona tso Jehova a re makelang tsona o di maka ka taba la gore o re nyaka ka matla. (1 Joh. 4:7, 8) O re pasopa ga tso tsa Modimo a berekisa Lentsu lage—Baebele—le mokgahlo wage. O re gelepa gore re tikwe re pasopegiye ka go šupetsa gore o re nyaka ka matla. Byalo re re king ka tso re di gayelang gore re thogo phela? Jehova “o re neya dilo ka mokana ga tsona tso di makang gore re jabole.” (1 Thim. 6:17) Mo go na le mo re kekemisang wa re wolola mara aa lesetse go re nyaka ka matla. Nka taba la gore Jehova o re nyaka ka matla mo a šinya a re lepolla. Mo go le Jeso yene o re nyaka ka matla la go šinya a re kgwela. (Joh. 3:16; 15:13) A go na le mong selo ka ssoši so se ka makang gore Jehova le Jeso ba lesetse go ba nyaka ka matla batho ba go tshepega.—Joh. 13:1; Mrm. 8:35, 38, 39.

13. Ke ntaba di nyaka hlogo ya mutši yi šupetse ba mutši wa yona gore yi ba nyaka ka matla? (Lebelela lebhokisi “ Monna wa Gore a yi Botala a Šadhiye a ka Maka Byang Gore Mosadi Wage a mo Hlompe?”)

¹³ Tso re di tšhutang. Dilo ka mokana ga tsona tso hlogo ya mutši yi di makang di nyaka yi di make ka taba la gore yi nyaka ba mutši wa yona ka matla. Ke ntaba go le selo se segolo? Johane wa lepostola o fetola ka gore: “Ye a sa nyakeng bhuti wage [kela wa gabo], wa gore wa mmona, a ka sa nyake Modimo wa gore a sanka a mmona.” (1 Joh. 4:11, 20) Mo re sa yi jikajiki, monna wa go nyaka ba mutši wage ka matla fote wa gore wa di nyaka go kopisela ga Jehova le Jeso, o nyoko  pasopa ba mutši wage ka tso tsa Modimo, o nyoko tseyela gedimo ka mokgo ba tikwang a boya a ba pasopa ka tso ba di gayelang gore ba thogo phela. (1 Thim. 5:8) O ko tšhutisa fote a wolola bana bage. Fote o nyoko dula a segelela dipheto tsa gore di thanakisa Jehova di boya di berekela ba mutši wage. Tla re lebeleleneng dilo tso hlogo ya mutši yi tshwaneleng yi di make fote re boye re bone gore yi ka kopisela Jehova le Jeso ka mokgo mang.

14. Hlogo ya mutši yi ka pasopa ba mutši wa yona ga tso tsa Modimo ka mokgo mang?

¹⁴ Hlogo ya mutši yi pasopa ba mutši wa yona ga tso tsa Modimo. Jeso o šupetsiye gabutši gore o tshwana le papage ka taba la gore ne a gelepa malata yage gore tumelo ya wona yi dule yi tiyye . (Mat. 5:3, 6; Mar. 6:34) Go fo tshwana le hlogo ya mutši so yi tshwaneleng yi se yetise mahlong ke go pasopa ba mutši wa yona ka tso tsa Modimo. (Dot. 6:6-9) Di nyaka a bone gore ba mutši wage ba bala le go tšhuta Lentsu la Modimo, ba ya mogahlanong, ba tšhomayela ditaba tsa go bafala le go dula ba na le senghana sa thina le Jehova.

15. Hlogo ya mutši yi ka gelepa ba mutši wa yona ka mokgo mang gore ba tikwe ba pasopegiye?

¹⁵ Hlogo ya mutši yi tseyela gedimo ka mokgo ba mutši wa yona ba tikwang. Jehova ke mo di sa mo tšebisi go botsa Jeso gore o mo nyaka ka matla. (Mat. 3:17) Jeso ke mo a tikwa a lukulugiye go botsa malata yage gore o ma nyaka ka matla a boya a šupetsa le ka tso a di makang. Ke mokane le wona ma yye ma šupetsa gore ma mo nyaka ka matla. (Joh. 15:9, 12, 13; 21:16) Hlogo ya mutši yi ka šupetsa ba mutši wa yona gore yi ba nyaka ka matla ka tso yi di makang tsa go tshwana le go tšhuta Baebele nabo. Di nyaka a botse ba mutši wage gore o ba nyaka ka matla fote o ba tseyela gedimo, mo go sa sinyegi selo a ba thanake le mo go na le batho ba bangwana.—Diy. 31:28, 29.

16. King se sengwana so hlogo ya mutši yi tshwaneleng yi se make fote king so yi tshwaneleng go kganela kgole naso?

¹⁶ Hlogo ya mutši yi pasopa ba mutši wa yona ka tso ba di gayelang gore ba thogo phela. Le mo Jehova a yye a wolola Maisrayele ka taba la go sa kwe mara ke mo a sa ba kone tso ba di gayelang gore ba thogo phela. (Dot. 2:7; 29:5) Le rune lekgono o re neya tso re di gayelang gore re thogo phela. (Mat. 6:31-33; 7:11) Jeso le yene o yye a neya malata yage tsa go ja. (Mat. 14:17-20) Fote o yye a yalafa ba go tlala. (Mat. 4:24) Gore hlogo ya mutši yi thogo jabodisa Jehova di nyaka yi pasope ba mutši wa yona ka tso ba di gayelang. Le mo go le ka mokgonone di nyaka di sa mo tlonyi. Di nyaka a pasope gore mmereko wone wo sa tseye nako yage ya go tlala la go šinya a šitega go pasopa ba mutši wage ga tso tsa Modimo le ka mokgo ba tikwang.

17. Jehova le Jeso ba re beyisela ka mokgo mang ga taba ya go tšhutisa le go wolola?

¹⁷ Hlogo ya mutši yi tšhutise ba mutši wa yona. Jehova wa re tšhutisa a boya a re wolola ka taba la gore o re nyakela tsa gabutši. (Maheb. 12:7-9) Jeso le yene go fo tshwana le papage o tšhutisa bo a ba lawolang a kene a ba šupetsa gore o ba  nyaka ka matla. (Joh. 15:14, 15) Mo a wolola o tiyisa ganong mara a kene a na le pelo ya gabutši. (Mat. 20:24-28) Wa di kwisisa gore a ra yenela fote re ka kekemisa go gongwana.—Mat. 26:41.

18. King so hlogo ya mutši ya gabutši di nyakang yi sa se lebale?

¹⁸ Hlogo ya mutši ya gore yi kopisela ga Jehova le Jeso yi ka sa lebale gore ba mutši wa yona a baa yenela. Mosadi wage le bana bage aa ba “kwatele ka matla”. (Makol. 3:19) Mara o berekisa tšhiko yo yi leng ga Magalata 6:1, a boya a leketsa go ba wolola a kene a “kgibiye” a sa lebale gore le yene aa yenela. Go fo tshwana le Jeso wa di tšiba gore di nyaka a be mošupetso wa gabutši.—1 Pet. 2:21.

19-20. Mo hlogo ya mutši yi tshwanele yi segelele dipheto yi ka kopisela ga Jehova le Jeso ka mokgo mang?

¹⁹ Aa segelele dipheto tsa gore di jabodisa yene mong. Mo Jehova a segelela dipheto o dula a naganne ka ba bangwana. Mo re beyisa mo a šinya a maka gore go be le lephelo ke mo a sa makele yene mong mara ke mo a maka gore le bangwana ba le jabolele. A go na le ye ne a ka mo tšhofa gore a re neye Morwayi wage gore go be sehlabelo. O hlawodiye go maka tsotsone ka taba la gore ne a nyaka go gelepa rune. Jeso le yene o segelele dipheto tsa gore ka matlamatla ne di gelepa batho ba bangwana. (Mrm. 15:3) Mo re beyisa, o f’lo ya mahlong a tšhutisa moririmane a sa llele go khutsa.—Mar. 6:31-34.

²⁰ Hlogo ya gabutši ya mutši ya di tšiba gore selo sa go thathafa ka matla so yi tshwaneleng yi se make ke go segelelela ba mutši wa yona dipheto fote tsotsone yi di tseyela gedimo ka matla. O kganela kgole ga taba ya go segelela dipheto go ya ka mokgo yene a tikwang ka nako yonone. Mara o lesetsa Jehova gore a mo tšhutise. * (Diy. 2:6, 7) Ka mokgonone o nyoko thogo nagana ka batho ba bangwana go seng ka yene mong.—Mafil. 2:4.

21. Re nyoko petapeta ka ying ga hlogotaba ya go latela?

²¹ Jehova o neyye dihlogo tsa mutši mmereko o mogolo fote o nyaka mmereko wone di wo make gabutši. Mara mo monna a leketsa ka matla go latelela mošupetso wa Jehova le Jeso o nyoko ba hlogo ya mutši ya gabutši ka matla. Fote mo mosadi a maka so a tshwaneleng go se maka ka mo mutšing ba nyoko dula ba jabodiye mošadhong wa bona. Mosadi di nyaka a tseya bohlogo ka mokgo mang fote o nyoko ghulana le tsa mošaga mang? Hlogotaba ya go latela yi nyoko fetola diputsiso tsone.