1. Mo mogageru wa mosadi a hlawola ye a nyakang go šadha naye di nyaka a tiputsisa diputsiso difeng?

MAKRESTE ka mokana ga wona ma lawola ke Jeso Kreste wa gore o yenele. Mara mo mosadi wa gore ke Mokreste a tseyiwa, o nyoko lawola ke monna wa gore aa felegelela. Phela tsotsone go nyoko ro ba ntshitshire. Byalo di nyaka gore mo a hlawola ye a nyakang go tseyana naye a tiputsise gore: ‘Ke bona ka ying gore mogageru yewa o nyoko ba hlogo ya mutši ya gabutši? Nje tso tsa Modimo o di yetisa mahlong mo a kene a phela? Mo nkare a go ka mokgonone king so se makang gore ke nagane gore mo re šele re šadhiye o nyoko gelepa gore re dule re na le senghana sa thina le Jehova?’ Di gabutši ka matla gore mogageru wa mosadi a tiputsise le gore: ‘Ke mekgwa yifeng ya gabutši ya gore yi ka gelepa ga mošadho wowa? Nje ke motho wa go lefisa pelo fote a ke konane? Nje senghana saka le Jehova se tiye?’ (Mmo. 4:9, 12) Gore mosadi a thogo jabolela mošadho wage di ya ka dipheto tso a di segeleleng mo a soko bane a tseyiwa.

2. Re nyoko petapeta ka ying ga hlogotaba yowa?

² Dimiliyone tsa magageru ya basadi ba gore ke Makreste ke mošupetso wa gabutši ga taba ya go theetsela banna ba bona ba boya ba ba hlompa. Tla re ba thanakeneng barena ša! Go berekela Jehova ggoši le basadi ba mošaga wonone ba gore baa tshepega dya re natefela wa tšiba! Ga hlogotaba yowa re nyoko petapeta ka kararo ya diphetolo tsa diputsiso tsowa: (1) Ke dintshitshire difeng tso basadi ba gahlanang natso? (2) Ke ntaba mosadi a hlawola go theetsela monna wage a boya a mo hlompa? (3) King so banna le basadi ba gore ke Makreste ba ka se tšhutang ga taba ya  go theetsela le go hlompa ga mošupetso wa Jeso, Abhigheyili le Mariya mosadi wa Josefa wa gore ke mmane wa Jeso?

3. Ke ntaba mošadho o na le dintshitshire?

³ Mošadho ke selo sa go felegelela sa gore re se neyye ke Modimo mara batho a baa felegelela. (1 Joh. 1:8) Nka taba lo Lentsu la Modimo le pasopisang bo ba šadhang gore ba nyoko gahlana le tsa go ba ghula tsa go hlatodiwa go le “dintshitshire tsa go sa fele.” (1 Makor. 7:28) Lebelela dintshitshire tse dingwana tso mosadi a ka gahlanang natso.

4. Ke ntaba mosadi a ka kwa nkare go hlompa monna wage dya mo tšebisa?

⁴ Ka dinako tse dingwana mosadi a ka kwa di mo tšebisa tsa go hlompa monnage go le ka taba la ka mokgo a gudisiwweng ka gona. Marisol wa gore o dula ku United Sates o re, “Mo ke guleleng gona basadi ba ba kutšetsela gore ba lekane le banna ga dilo ka moka. Ke ya di tšiba gore Jehova o neyye banna matšhika ya gore ba lawole fote o nyaka basadi gore ba tinyanafatse mara ba hlompiwe. Mara tso batho ba di hlayang di maka gore di sa be lula go hlompa bohlogo bya monna wage.”

5. Banna ba bangwana ba tseya basadi ka mokgwa wofeng wa gore a yi wona?

⁵ Ka nako ye nngwana, di ka makega gore mosadi a ka ba a šadhiye le monna wa gore o tseya basadi go se selo. Mogageru wa mosadi ye ba reng ke Ivon wa go dula ku Borwa bya Amerikha o re: “Mo ke dulang gona go thomisa go ja banna ke mokane basadi ba latela ka nthago. Bana ba bannyana ba bereka go yapega le go yedisa mara bo ba bašomanyana ba berekela ke bommane wa bona le bosesi wa bona fote ba ba botsa gore ke bona ‘dikgoši tsa mutši.’” Mogageru wa mosadi ye ba reng ke Yingling wa go dula ku Asia o re: “Ga mmolabolo wa geru ba fela ba re basadi a di nyake ba hlalefa kela ba di kgone go maka dilo. Sa bona ke go maka mmereko ka mokana ga wona ho gaye mara ba sa leketse ba hlaya so ba se naganang ga banna ba bona.” Monna wa go maka dilo ka mokgwa wa go sa yelane le mangwalo o maka gore lephelo la mosadi wage le gakge, tsa go kopisela Jeso dya mo šita fote o silikisa Jehova.—Maef. 5:28, 29; 1 Pet. 3:7.

6. King so basadi ba tshwaneleng ba se make gore ba thogo tiyisa senghana sa bona le Jehova?

⁶ Hlogotaba ya go fela yitseri Jehova o nyaka banna ba gore ke Makreste ba pasope ba mutši wa bona ga tso tsa Modimo, ba make gore ba tikwe gore ba nyakiwa ka matla ba boye ba ba pasope ka tso ba di gayelang gore ba thogo phela. (1 Thim. 5:8) Le mo magageru ya basadi ya gore ma tseyiwwe, ma dula ma tshwaraganne di nyaka ma be le nako ya go bala Lentsu la Modimo ma ghayele ma boye ma rapele Jehova di tšwa pelong. Tsotsone a di lula. Basadi ba dula ba tshwaraganne, ba ka kwa nkare a ba na nako kela matšhika ya go maka dilo tsone mara di nyaka ba tikona se sengwana gore ba be le nako yone. Ke ntaba? Ka taba la gore Jehova o nyaka ka mokana ga rune re nghanelane naye re be le mong senghananghana.—Meber. 17:27.

7. King tso di ka makang gore di be lula ga mosadi gore a make mmereko wage?

⁷ Dya kwala gore di nyaka mosadi a karakare ka matla gore a thogo theetsela monnage wa gore aa felegelela a boye a mo hlompe. Mara mo a ka kwisisa mangwalo ya gore ke ntaba di nyaka a theetsela monnage a boya a mo hlompa di nyoko ba lula gore a make mmereko wo Jehova a mo neyyeng wona.

8. Maefeso 5:22-24, yi re ke ntaba mosadi wa Mokreste a hlawola go hlompa bohlogo bya monnage?

⁸ Mosadi wa gore ke Mokreste o hlawola go theetsela monna wage a boya a mo hlompa ka taba la gore ke so Jehova a se nyakang. (Bala  Maefeso 5:22-24.) Mosadi wa gore ke Mokreste o tshepa Papage wa legedimong ka taba la gore wa di tšiba gore tso a mo kgopelang gore a di make di nyoko mo gelepa.—Dot. 6:24; 1 Joh. 5:3.

9. Go makega ying mo mosadi wa gore ke Mokreste a hlompa bohlogo bya monnage?

⁹ Lefase la Sathane le kutšetsela basadi gore ba phagele melawo ya Jehova ku kgo le ba boye ba tseye taba ya go hlompa bohlogo go le selo sa go tšebisa. Nnete ke gore bo ba sabalatsang dilo tsa mošaga wonone a ba tšibi Modimo. Le ka letšatši la mohlolo Jehova a ka sa tsoge a neyye barwediya bage ba gore o ba nyaka ka matla molawo wa gore o nyoko ba tšebisa. Mogageru wa mosadi wa gore o karakara ka matla go maka tso Jehova a nyakang gore a di make tsa go theetsela monnage a boya a mo hlompa, ka mutšing wage go dula go bebiye. (Pis. 119:165) Tsotsone di berekela yene mong, monnage di boya di berekela le bana ba bona.

10. Re ka tšhuta ying ga tso Carol a di hlayyeng?

¹⁰ Mosadi wa gore o hlompa monna wage wa gore aa felegelela o šupetsa gore ga Jehova ye a makiyeng gore go be le bohlogo o mo nyaka ka matla fote wa mo hlompa. Carol wa gore o dula ku Borwa bya Amerikha o re: “Ke ya di tšiba gore monnaka o nyoko fela a kekemisa go gongwana. Fote ke ya di tšiba gore tso ke di makang mo monnaka a kekemisa di šupetsa gore senghana saka le Jehova ke se tseyela gedimo go segela kaye. Byalo ke leketsa ka matla go dula ke theetsela monnaka ke boya ke mo hlompa ka taba la gore ke nyoko jabodisa Papaka wa ku legedimong.”

11. King so se gelepiyeng mogageru wa mosadi ye ba reng ke Aneese gore a sa tshwarane ka pelo fote rune re ka tšhuta ying ga tso a di hlayyeng?

¹¹ Mosadi a ka kwa go le ntshitshire go theetsela le go hlompa monnage mo a bona nkare a yise felo ka tso a di naganang le ka mokgo a tikwang. Mara lebelela gore mogageru wa mosadi ye ba reng ke Aneese o maka ying mo tsotsone di makega. O re: “Ke leketsa gore ke sa nape ke fufulela. A ke lebale gore ka mokana ga rune re fela re kekemisa go gongwana. So ke nyakang go se segelela ke gore ke tshwane le Jehova wa gore aa tshware motho ka pelo. Mo ke sa tshwarane ka pelo ke fo kwa ke yitse tswee.” (Pis. 86:5) Mosadi wa gore aa tshwarane ka pelo o kwa di le lula go theetsela a boya a hlompa monnage.

12. King tso re ka se tšhutang ga mešupetso yo yi leng ka ho Baebeleng?

¹² Ba bangwana ba ka nagana gore motho wa gore wa theetsela a boya a hlompa ke leghwala. Mara tsotsone ke letsaka la letsaka. Baebele yi na le mešupetso ya go tlala ya batho ba gore ne ba theetsela ba boya ba hlompa mara ne go se maghwala. Tla re lebeleleneng tso re ka di tšhutang ga Jeso, Abhigheyili le Mariya.

13. Ke ntaba Jeso a theetsela a boya a hlompa Jehova? Hlatolla.

¹³ Jeso o theetsela a boya a hlompa Jehova mara tsotsone a di rele gore aa hlalefa kela go na le tso a sa kgoneng go di maka. Phela ka mokgo Jeso ne a tšhutisa ka gona di šupetsa gabutši gore o hlalefiye. (Joh. 7:45, 46) Jehova na sa tseyele fase tso Jeso a kgonang go di maka, nka taba lo a yyeng a bereka naye mo a maka legedimo le lefase. (Diy. 8:30; Maheb. 1:2-4) Fote ka nthago ga ho Jehova a tsosiye Jeso o mo neyye ‘matšhika ya go lawola legedimong le lefaseng.’ (Mat. 28:18) Le mo Jeso go le segele sa go kgona go maka dilo o sa na a di nyaka tsa gore Jehova a mo yetetse. Ke ntaba mara? Ka taba la gore ga papage o mo nyaka ka matla.—Joh. 14:31.

14. Banna ba ka tšhuta ying (a) ga taba ya ka mokgo Jehova a tseyang basadi ka gona ? (b) ga tso Diyema 31 yi di hlayang?

¹⁴ So banna ba ka se tšhutang. Taba ya gore Jehova o makiye mosadi gore a hlompe monna wage a yi rele gore o tseya basadi go se selo. Tsotsone Jehova o di šupetsiye gabutši ka go hlawola basadi le banna gore ba lawole ggoši le Jeso. (Magal. 3:26-29) Jehova o šupetsiye gore o tshepa Morwayi wage ka go mo neya matšhika ya go lawola. Go fo tshwana le Jehova monna wa go hlalefa o nyoko lesetsa gore dilo tse dingwana di lawole ke mosadi wage. Mo Lentsu la Modimo le hlatolla mebereko yo mosadi a tshwaneleng a yi make le re, a ka wokamela ka mutšing, a reka a boya a rekisa mašomo fote a pasopa tsa bhisinisi. (Bala Diyema 31:15, 16, 18.) A yi lebhantiti la gore le tshwanele le fo re tsee. Mara monna wage wa mo tshepa a boya a mo theetsela mo a tla le dipolane. (Bala Diyema 31:11, 26, 27.) Mo monna a ka šupetsa mosadi wage gore wa mo hlompa, mosadi yene o nyoko jabodisa ke go mo hlompa.

15. Basadi ba ka tšhuta ying ga mošupetso wa Jeso?

¹⁵ So basadi ba ka se tšhutang. Le mo Jeso a segelele dilo tsa go tlala aa kwe di mo tšebisa go hlompa bohlogo bya Jehova. (1 Makor. 15:28; Mafil. 2:5, 6) Go fo tshwana le mosadi wa gore o karakara ka matla wa gore o latelela mošupetso wa Jeso a di mo tšebise go hlompa monna wage. O thega monna wage ka taba la gore ga Jehova o mo nyaka ka matla fote wa mo hlompa.

16. Samuwele wa Mathomo 25:3, 23-28, yi re ke dintshitshire difeng tso Abhigheyili a yyeng a gahlana natso? (Lebelela sethombhe sa ka tawong.)

¹⁶ Abhigheyili ke mo a na le monna ye ba reng ke Nabhala. Ke mo go le monna wa go tinaganela a ntoši, wa magetla fote wa go sa leboge selo. Le mo go le ka mokgonone, Abhigheyili a sanka a leketsa go mo šiya. Mola a di nyaka tsotsone nke a f’lo re tse a lesetsa Dafita le masole yage ma fetsa ka monnage. Mara o makiye so a ka se kgonang gore a thogo phonisa Nabhala le ba mutši wa bona ka moka. O fo nagana ka lešiši lo Abhigheyili a tshwaneleng a be nalo gore a thogo yema mahlong ga 400 ya masole ke mokane a lukise ditaba le Dafita a kene a šupetsa gore wa mo hlompa. Ke mo a tikemisele go fetana le molato wa tso monna wage a di makiyeng. (Bala 1 Samuwele 25:3, 23-28.) Dafita o di bonne gabutši gore Jehova o romele mosadi yewa gore a tle a mo pasopise a soko bane a sinya ka matla.

17. Banna ba ka tšhuta ying ga taba ya Dafita le Abhigheyili?

¹⁷ So banna ba ka se tšhutang. Abhigheyili ke mo go le mosadi wa go hlalefa. Ka taba la gore Dafita le yene o hlalefiye o yye a mo theetsela.  Tsotsone di mo phonisiye gore a sa be le molato wa go bolaya batho. Le monna wa gore o hlalefiye o nyoko ghayela ka tso mosadi wage a di hlayyeng mo a nyaka go segelela dipheto. Di ka makega gore tso mosadi wage a di hlayyeng di ka mo gelepa gore a sa segelele dipheto tsa go šupetsa nkare aa hlalefa.

18. Basadi ba ka tšhuta ying ga mošupetso wa Abhigheyili?

¹⁸ So basadi ba ka se tšhutang. Mosadi wa gore ga Jehova o mo nyaka ka matla fote wa mo hlompa a ka gelepa ba mutši wage le mo monnage a sa berekele Jehova kela a sa theetsele melawo yage. A ka sa leketse go šiya mošadho wage ka bošakašakane. Mara mo a theetsela a boya a hlompa o nyoko maka gore monnage a nyake go tšhuta ka Jehova. (1 Pet. 3:1, 2) Le mo go bonala nkare mošupetso wage wa gabutši a wo kgwate motho mara Jehova wa jabola mo a bona mosadi a theetsela a boya a hlompa monna wage.

19. Ke mo go ro maka byang mo mosadi a šinya a šitega go theetsela monna wage?

¹⁹ Mosadi wa Mokreste a ka sa ye ka monna wage mo a nyaka gore a phakgele melawo le ditšhiko tsa Baebele ku kgo le. Mo re beyisa, tla re fo re mogageru wa mosadi wa gore monna wage a yi hlatse o mo kutšetsela gore a bolabole matsaka, a yetswe kela a make bošakašakane. Makreste ka mokana ga wona go tokegela le magageru ya basadi ya gore ma šadhiye, ye ba tshwaneleng go tihlupa ka matla gore ba thogo mo jabodisa ke Jehova Modimo. Mo nkare mogageru wa mosadi ba mo kgopela gore a sa theetsele ditšhiko tsa Baebele, a sa fo dumela, a hlatolle a bebiye fote a kene a tiyisiye ganong gore ke ntaba a ka sa di make tsotsone.—Meber. 5:29.

20. Re di tšibela kaye tsa gore Mariya ke mo a na le senghana sa thina ka matla le Jehova?

²⁰ Mariya ke mo a na le senghana sa thina ka matla le Jehova. Mo go le Mangwalo ke mo a ma tšiba gabutši. Mo Mariya a kene a bolabola le Elizabetha mmane wa Johane wa go kolobetsa o bolabodiye ka Mangwalo ya go teya ka ku ga 20 ya Seheberu. (Luk. 1:46-55) Fote nagana ka taba ye nngwana ke yowa: Le mo Mariya ne a tshepisanne le Josefa gore ba nyoko šadha, lengeloyi la Jehova a sanka la thomisa ka go nyarela ga Josefa. Lengeloyi le latiye Mariya ke mokane la mmotsa gore o nyoko belega Morwayi wa Modimo. (Luk. 1:26-33) Jehova ne a tšiba Mariya gabutši fote ne a sa kamake gore o nyoko  mo gudisela Morwayi wage gabutši. A re kamake gore Mariya o yye a fo dula a na le senghana sa gabutši ka matla le Jehova le ka nthago ga ho Jeso a yye legedimong.—Meber. 1:14.

21. Banna ba ka tšhuta ying ga tso Baebele yi di bolabolang ka Mariya?

²¹ So banna ba ka se tšhutang. Monna wa gore o hlalefiye wa jabola mo mosadi wage a tšiba Mangwalo gabutši. Aa kwe nkare mosadi wage wa mo phala. Wa di tšiba gore mo mogageru yene wa mosadi a tšiba Baebele le ditšhiko tsa yona gabutši o nyoko gelepa mutši ka mokana ga wona. Nnete ke gore le mo mosadi a tšhutegiye ka matla go phala monna wage, ke mmereko wa monna gore a ba yetetse ga morapelo wa mutši le ga tse dingwana tsa Mmušo wa Modimo.—Maef. 6:4.

22. Basadi ba ka tšhuta ying ga Mariya?

²² So basadi ba ka se tšhutang. Mosadi di nyaka a theetsela monna wage mo a mo yetetsa mara le yene mong di nyaka a titšhutisa ga tso tsa Modimo. (Magal. 6:5) Mara gore a thogo maka tsotsone, di nyaka a be le nako ya go tšhuta a boye a ghayele. Tsotsone di nyoko mo gelepa gore ga Jehova a mo nyake ka matla a boye a mo hlompe fote taba ya go hlompa monna wage yi ka sa mo robe.

23. Basadi ba gore baa theetsela ba boya ba hlompa, tsotsone di berekela bona, ba mutši wa bona le phutego ka mokgo mang?

²³ Basadi ba gore ba dula ba theetsela le go hlompa banna ba bona ka taba la gore ba nyaka Jehova ka matla, ba dula ba jabodiye fote ba kgotsofele go phala bo ba gore a ba yise felo ka bohlogo bo Jehova a makiyeng gore bo be gona. Fote ke mošupetso wa gabutši ga bo ba gore ba sa gola. Ba gelepa gore go bebe ka ho mutšing le ka ho phutegong. (Tito 2:3-5) Ga malata ya go tshepega ya Jehova lekgono, ba go tlala ba gona ke basadi. (Pis. 68:11) Ka mokana ga rune banna kela basadi re na le mmereko wo re tshwaneleng re wo make ka ho phutegong. Ga hlogotaba ya go latela re nyoko petapeta ka taba ya gore ye mongwana le ye mongwana a ka maka mmereko wone ka mokgo mang.