1-2. (a) Ke ntaba ba go tlala di ba thathafela go tshepa bo ba go lawola? (b) Re nyoko petapeta ka ying ga hlogotaba yowa?

LEKGONO ba go tlala di ya ba thathafela go tshepa ba go lawola. Ba di bonne gore bo ba molawo le bo ba dipolotiki ba kwana ka matla le batho ba gore ba ghannye le ba gore ba na le matšhika ya go lawola mara bo ba go tihlupegela ba ba phakgela ku thoko. Bhayibele a ya pumutsa mo yi re: “Mo motho a lawola ye mongwana wa mo kwaletsa.” (Mmo. 8:9) Go tokegela gana hone, tso di makang ke bo ba go yeta dikereke mahlong di ya tshwatisa ke tsona tso di makang gore batho ba bangwana ba sa sa nyaka go kwa selo ka Modimo. Byalo mo motho a dumela go tšhuta Bhayibele le rune, di re bakela mmereko wa gore re thomise ka go mo gelepa gore a thomise ka go tshepa Jehova le bo a ba kgetiyeng.

² Nnete ke gore, taba ya go tshepa Jehova le mokgahlo wage a yi fo nyakega fela ga bo ba tšhutisiwang Bhayibele. Le ga bo ba gore ke mengwagangwaga ba tšiba nnete, di nyaka ba tiyisa tshepo ya bona ga taba ya gore Jehova aa pumutse. Ka dinako tse dingwana, go nyarela seyemo sa gore se ka maka gore re sa sa tšiba gore re yemme kaye ga taba yowa. Ga hlogotaba yowa, re nyoko bolabola ka dilo ka diraro tsa gore mo re kene re di maka tumelo ya rune yi ka liketsega: (1) mo o bala tse dingwana ka ho Bhayibeleng, (2) mo o yetetsa ke mokgahlo wa Jehova le (3) mo o gahlana le dintshitshire ku mahlong.

3. Taba ya gore re ya mo tshepa ga Jehova yi ka liketsega byang mo re kene re bala Bhayibele?

 ³ Mo re kene re bala Lentsu la Modimo, o ka kraya re tiputsisa  gore anthe Jehova o yi bereka berekiye byang taba yowa le gore dipheto tse dingwana o di segelele byang. Mo re beyisa, ga puku ya dipalo re bala gore, Jehova o yye a yahlula gore Leisrayele le lengwana le bolayiwe ka taba la gore le yye la kotela mahlare go le Sabatha. Ga Samuwele wa bobedi, re tšhutiye gore mengwaga ka nthago, Jehova o yye a tshwarela Kgoši David ga taba ya go maka bonghwahla le go bolaya. (Dip. 15:32, 35; 2 Sam. 12:9, 13) Di ka makega gore re ya tiputsisa gore ke ntaba Jehova a yye a tshwarela Dafita ka taba ya go bolaya a boya a maka bonghwahla mara a makiye gore ba bolaye monna ye wa gore di bonala nkare aa sinya ka matla?’ Gore re thogo fetola putsiso yowa, lebelela dilo ka diraro tsa gore re ko ba re maka gabutši mo re ka sa di lebale mo re kene re bala Bhayibele.

4. Genesi 18:20, 21 le Dotoronoma 10:17 di re gelepa ka mokgo mang ga taba ya go sa kamake gore Jehova o yahlula gabutši?

⁴Bhayibele a yi duli yi re thuletsela ditaba ka mokana ga tsona. Mo re beyisa, re di tšiba gabutši gore Dafita o yye a tisola a resa ga tso a di makiyeng. (Pis. 51:2-4) Anthe morene wa gore o tshidiye molawo wa Sabatha ne go le motho wa mošaga mang? Ayitsano ne a tisola ka tso a di makiyeng? Ayitsano ne go le la mathomo a tshela molawo wa Jehova? Kela o yye a fo tiwomisa hlogo neng neng mo ba re baa mo wolola? Bhayibele a yi hlaye. Le mo go le ka mokgonone re di tšiba gabutši gore: Jehova “a ka sa make tsa go hlawolana.” (Dot. 32:4) Mo a segelela dipheto o thomisa a lebelela mahlaya ka moka—aa yi ka tso batho ba di hlayang, go hlawola motho, kela tse dingwana tso di ka tlonyang batho gore ba sa yahlule gabutši. (Bala Genesi 18:20, 21; Dotoronoma 10:17.) Mo re kene re tšhuta ka Jehova le melawo yage, re nyoko napa re di tshepa tsa gore o yahlula gabutši. Le mo tso re di balang ka Bhayibeleng di ka maka gore re tiputsise diputsiso tsa gore a re kgone go di fetola gana byalo, so re se tšibang ke gore Modimo wa rune “o lukiye ga dilo ka mokana ga tsona.”—Pis. 145:17.

5. Taba ya gore a re ya yenela yi re šitisa ka mokgo mang gore re bone dilo gabutši? (Lebelela lebhokisi la gore, “ Ka taba la gore a re ya yenela re ka sa kwisisi dilo gabutši.”)

⁵Re ka sa duli re bona dilo gabutši ka taba la gore a re ya yenela. Modimo o re makiye ka setshwano sage, nka taba lo re nabelang gore batho ba ba tshware gabutši. (Gen. 1:26) Mara ka taba la gore a re ya yenela, di ka re phukulusa ra sa bone dilo gabutši, le mo re  tseya nkare re tšiba dilo ka moka. Mo re beyisa, o fo nagana ka mokgo Jona ne a kwatisiye ke sepheto so Jehova a se segeleleng sa gore a kwele batho ba Ninive go baba. (Jona 3:10–4:1) Mara, lebelela so se makegiyeng. Maninive 120 000 ya wona ma yye ma phonisiwa! Ye ne di nyaka a potolle go gongwana ke Jona, go seng Jehova.

6. Ke ntaba Jehova di sa mo tleme gore a re hlatollele ka dipheto tso a di segelelang?

⁶Jehova a di mo tleme gore a hlatollele batho ga sepheto so a se segeleleng. Nnete ke gore, Jehova ne a kene a dumelela malata yage ya botala gore ma mo thuletsele ka mokgo ma tikwang ka dipheto tso a di segeleleng kela tso a tikemiseleng go di segelela. (Gen. 18:25; Jona 4:2, 3) Ka dinako tse dingwana ne a hlatolla gore ke ntaba a segelele sepheto sa mošaga wonone. (Jona 4:10, 11) Le mo go le ka mokgonone, Jehova a di mo tleme gore a šinye a re hlatollele. Ka taba la gore ke yene ye a re Makiyeng, tsa gore o makiye ying kela o tikemisele go maka ying, a di pasisi ke rune.—Jes. 40:13, 14; 55:9.

7. Re ka ghulana le tsa mošaga mang, fote ke ntaba?

⁷ A re kamake gore Jehova o dula a maka tsa go loka. Mara taba ya go tshepa bo a ba kgetiyeng go ka ba mong ntshitshire ho ga rune. O ka kraya re tiputsisa gore ayitsano bo Jehova a ba beyyeng gore ba yete mahlong ka ho mokgahlong wage, ba maka tso a ba yetetsang ka tsona kela ba maka tsa go tšiba ke bona. Di ka makega gore ba bangwana bo ba phidiyeng ku botala ne ba tseya dilo ka mokgonone. Lebelela mošupetso wo wo leng ga  serele 3. Di ka makega gore lešaga la monna yela wa go tshela molawo wa Sabatha, ne le tiputsisa gore ayitsano Moše o thomisiye a butsisa Jehova mo a šinya a re monna yene ba mmolaye. Fote di ka makega gore monghana wa Uriya wa Lehethe, wa gore mosadi wage o makiye bonghwahla le Dafita, o yye a fetsa ka gore mayemo ya Dafita ya gore ke yene kgoši ma mo phonisiye ga taba ya gore a tlele ke tsa go sasamela tso ne di mo tshwanele. Re ko ba re titshwara ka lebelebele mo re tipotsa gore re tshepa Jehova mara re šitega go tshepa bo a ba kgetiyeng ba gore fote wa ba tshepa.

8. Taba yo yi leng ga Mebereko 16:4, 5 yi yelana byang le ka mokgo phutego yi berekang lekgono?

⁸ Lekgono Jehova o yetetsa mokgahlo wage wa ho lefaseng a berekisa “lelata la go tshepega la gore fote le hlalefiye.” (Mat. 24:45) Go fo tshwana le mogoba wa go lawola wa ku botala, lelata lowa le yetetsa batho ba Modimo lefaseng ka mokana ga lona le boya le yetetsa le bagolo ka diphutegong. (Bala Mebereko 16:4, 5.) Ke mokane bagolo ba berekisa tso ba ba yetetsang ka tsona ka diphutegong. Re šupetsa gore re ya mo tshepa ga Jehova mo re theetsela tso mokgahlo wage le bagolo ba re yetetsang ka tsona.

9. Ke kaye ga gore re ka kwa di roba go theetsela dipheto tso bagolo ba di segelelang, fote ke ntaba?

⁹ Ka dinako tse dingwana, re ka kwa di roba go kwana le sepheto so bagolo ba se segeleleng. Mo re beyisa, diphutego le dipoleke tso mopotulugi a berekang ga tsona di yye dya tšhentšha. Ka dinako tse dingwana bagolo ba yye ba kgopela batšhomayedi gore ba thege diphutego tse dingwana, gore Diholo tsa Mmušo di thogo berekisiwa gabutši. Mo ba ka re kgopela gore re ye ga phutego ya nyuwane re ka kraya di thathafa gore re šiye banghana le mašaga ya rune. Ayitsano tsotsone tsa gore bagolo ba romela batšhomayedi ka kaye ba di kwa ka Modimo? Dho. Fote taba yonone yi ka maka gore di re thathafele go theetsela tso ba re yetetsang ka tsona. Mara Jehova yene wa  di tshepa tsa gore bagolo ba nyoko segelela dipheto tsa gabutši ga taba yone, byalo di nyaka le rune re ba tshepa. *

10. Maheberu 13:17, yi re ke ntaba di nyaka re tshwarisane le bagolo?

¹⁰ Ke ntaba di nyaka re tshwarisana le bagolo re boya re thega dipheto tso ba di segeleleng le mo yi le gore dipheto tsone a re nape re kwana natso ka matla? Ka taba la gore mo re maka ka mokgonone re nyoko maka gore batho ba Modimo ba mamarelane go be selo ka ssoši. (Maef. 4:2, 3) Diphutego di ya tiyelela mo ka mokana ga rune re tinyanafatsa re yamogela dipheto tso di segeleleng ke mogoba wa bagolo. (Bala Maheberu 13:17.) Selo se segolo ka matla ke gore re šupetsa Jehova gore re ya mo tshepa mo re tshwarisana le bo a tshepang gore ba nyoko re pasopa gabutši.—Meber. 20:28.

11. King so se ka re gelepang gore re sa kamake mo bagolo ba re yetetsa?

¹¹ Re ka sa kamake tso bagolo ba re yetetsang ka tsona mo re ka dula re gopola gore baa rapela ba kgopela moya wa go hlawolega mo go na le tso di yamang phutego. Fote ba lebelela ditšhiko tsa Bhayibele tso di yelanang le taba ba boya ba nyakolla ga tso mokgahlo wa Jehova wo ba yetetsang ka tsona. So ba se nyakang ka matla ke gore ba jabodise Jehova fote ba pasope batho bage ka mokgo ba ka kgonang. Banna bowa ba go tshepega ba di tšiba gabutši gore mo ba kene ba maka mmereko wa bona ba nyoko tla ba di yemela mahlong ga Modimo. (1 Pet. 5:2, 3) Lebelela taba ke yowa: Ga lefase lowa la gore le yahluganne go ya ka mehlobo, sedumedi le dipolotiki, batho ba Jehova ba rapela Modimo ka wwoši wa mannete. Tsotsone di ka makega fela mo Jehova a thega mokgahlo wage!

12. Ke dilo difeng tso di nyakang bagolo ba di lebelela mo motho a re wa resa gore mo a re o sokologiye?

¹² Jehova o neyye bagolo mmereko wa go roba wa gore ba tshwanele ba bone gore phutego yi dula yi yediye. Mo Mokreste a ka sinya ka matla Jehova o lebelele gore bagolo ba nyakolle gore ayitsano motho yene a ka ya mahIong a kene a le ka phutegong kela awwa. Ga dilo tse dingwana tso ba ka di lebelelang di nyaka ba kraye gore ayitsano motho yene o tisola a resa ga tso a di makiyeng. A ka fo bolabola ka molomo a re o sokologiye, mara ayitsano o šupetsa a nyenya tso a di makiyeng? Nje o tikemisele go sa sa boyelela tsetsela a di sinnyeng? Mo nkare o ro gorometsa ke banghana ba go sa loka ayitsano o tikemisele go kganela kgole le banghana ba mošaga wonone? Bagolo baa rapela ke mokane ba lebelela le gore mangwalo ma re king, ba kene ba sa yi takisi maahlo taba ya gore ye a sinnyeng o tseya dilo ka mokgo mang. Ke mokane ba segelela sepheto sa gore ayitsano motho yene wa gore o sinnye o nyoko ya mahlong a le ka phutegong kela dho. Ka dinako tse dingwana di ka nyaka gore a ntshiwe ka phutegong.—1 Makor. 5:11-13.

13. Re ka hlupa ke tsa mošaga mang mo ba ka ntsha monghana kela lešaga ka phutegong?

¹³ Taba ya gore re tshepa bagolo yi ka liketsega ka mokgo mang? Mo nkare motho ye ba mo ntshiyeng ka phutegong a yi monghana kela lešaga la rune, re ka kwa di le lula go yamogela sepheto so bagolo ba se segeleleng. Mara tla re fo re motho yene ba mo ntshiyeng ka phutegong re tlwayelanne naye. O ka kraya re hlupa ke taba ya gore ayitsano bagolo ba lebelele ditaba ka moka, kela wa kraya re tiputsisa gore nje bagolo ba yahludiye ka mokgo  Jehova ne a ka yahlula ka gona. King so se ka gelepang gore sepheto so ba se segelelang re se tseye gabutši?

14. Re ka gelepa king mo nkare sepheto so bagolo ba se segeleleng ka motho ye a sinnyeng le rune se ya re yama?

¹⁴ Re ko ba re maka gabutši mo re ka sa lebale taba ya gore Jehova ke yene a beyyeng gore mo motho a sinya ba mo ntshe ka phutegong fote tsotsone di ka gelepa phutego le ye a sinnyeng. Motho wa gore o sinnye a boya a sa tisole mo ba ka fo mo lisetsa ka ho phutegong a ka kutšetsela le ba bangwana. (Magal. 5:9) Go tokegela gana hone, a ka fo tseya gore tso a di sinnyeng a yi selo, a boya a sa bone so se mo tšhofang gore a tšhentšhe ka mokgo a naganang kela tso a di makang gore Jehova a thogo mo yamogela. (Mmo. 8:11) A re kamake gore mo bagolo ba šinya ba fetsa ka gore motho ba mo ntshe ka phutegong ba thomisiye ba yi nagana gabutši taba yone. Baa di tšiba tsa gore go fo tshwana le bo ne ba yahlula ku Israyele ya botala, di nyaka mo ‘ba yahlula ba sa makele batho mara ba makele Jehova.’—2 Dikor. 19:6, 7.

15. Ke ntaba di nyaka re napa re tshepa mo Jehova a re yetetsa gana byalo?

¹⁵ Mo lefase lowa le kene le bakiye mafelelong di nyaka re tshepe taba ya gore Jehova aa pumutse. Ke ntaba? Ga motšhatšhamelo wo mogolo re ka kwa nkare tso ba re yetetsang ka tsona a di ya tlwayelega, di ka sa make kela a di kwale. Nnete ke gore di ka sa makege gore Jehova a re bolabodise ka boyene. Mara a ka re yetetsa a berekisa bo a ba kgetiyeng. Yone a yi nako ya go kamaka tso ba re yetetsang ka tsona kela go solasola re boya re butsisa gore ‘Ayitsano tsotsone di tšwa ga Jehova kela magageru ya ma re yetetsang ma fo timakela tsa go tšiba ke bona?’ Ayitsano wene o nyoko mo tshepa ga Jehova o boya o tshepa le mokgahlo wage ga nako yonone ya mo go befiye? Tsotsone di ya ka gore wene o tseya dilo byang mo Jehova a go yetetsa gana byalo. Mo nkare o tshepa tso ba re yetetsang ka tsona lekgono fote o tikemisele go theetsela, di nyoko ba lula le ga dinako tsa motšhatšhamelo wo mogolo.—Luk. 16:10.

16. Taba ya gore re ya di tshepa tsa gore Jehova aa pumutse mo a yahlula, yi nyoko liketsiwa ka mokgo mang ku mahlong?

¹⁶ Go na le taba ye nngwana ya gore mo re ka yi maka gabutši re nyoko ba re di teyye, taba ya mo Jehova a yahlula ga dinako tsa mafelelo. Ye lune, phela re gatiye monwana wo mogolo, re tšhugele ba go tlala ba gore gana byalo a ba berekele Jehova re rela le mašaga ya rune. Mara ka nako ya Aremaghedoni, Jehova o nyoko berekisa Jeso mo a segelela sepheto  sa mafelelo sa gore go nyoko makega ying ka bona. (Mat. 25:31-33; 2 Mathes. 1:7-9) A yi rune bo re nyoko segelelang sepheto sa gore Jehova o nyoko kwela bomang go baba fote ke bomang bo a ka sa ba kweleng go baba. (Mat. 25:34, 41, 46) Nje re nyoko di tshepa tsa gore Jehova aa pumutse mo a yahlula kela di nyoko re phiriketsa? Di fo ba lekgwaying gore di nyaka re tiyisa taba ya go tshepa Jehova gore re thogo teya re feta ku mahlong.

17. Taba ya gore Jehova o nyoko yahlula ka dinako tsa mafelelo yi nyoko re berekela ka mokgo mang?

¹⁷ O fo nagana gore re nyoko tikwa byang ga lefase la nyuwane la Modimo mo Jehova a fetsiye go yahlula. Go ko ba go fediye ka dikereke tsa matsaka, ba go lawola dibhizinisi ba go ba le dipawu le mekgahlokgahlo ya dipolotiki ya gore ke botala yi maka gore lephelo la batho le gakge. Bolwele, go tsofala le taba ya go kgwela ke mašaga ya rune re ka sa sa di bona. Sathane le madimona yage ba ko ba ba kwalele sekete sa mengwaga. Tsa go sasamela tso ba di leyyeng ka taba la go tiwomisa dihlogo di ka sa sa ba gona. (Kut. 20:2, 3) Ye lune, phela ka nako yonone re ka sa tisole ga taba ya gore re yye ra tshepa gore Jehova aa pumutse!

18. Mošupetso wa Maisrayele wo wo leng ga Dipalo 11:4-6 le 21:5 wo re tšhutisa ying?

¹⁸ Ayitsano lephelo ga lefase la nyuwane la Modimo le ka re leyela dilo tsa go re di nyoko re ghula ke mokane di liketsa taba ya gore ga Jehova re ya mo tshepa gore aa pumutse? Mo re beyisa, o fo lebelela gore go makegiye ying ka nthago ga mo Maisrayele ba ma ntshiye bobhantiting ku Egepita. Ba bangwana ba yye ba fo thomisa go kokola ba gopola tsa go ja tso ne ba di ja ku nthago, ke mokane ba thomisa go tshwatisa ke manna ya Jehova ne a ba neyye go le tsa go ja tsa bona. (Bala Dipalo 11:4-6; 21:5.) Ayitsano le rune re ka tseya dilo ka mokgonone ka nthago ga motšhatšhamelo wo mogolo? A re tšibi gore mmereko wa go yedisa le wa go maka lefase lowa gore go be pharadeyisi wo ko ba wo gudiye go segela kaye. Di ka makega gore, mo di sa thoma mmereko go ko ba go le wo mogolo ka matla fote lephelo le ko ba le se lula. Ayitsano re ka fo ya mahlong re kokolela tso Jehova a re neyang tsona ka nako yonone? So re se tšibang ke gore: Mo re ka leboga tso Jehova a re neyang tsona gana byalo, le ku mahlong re nyoko fo maka ka mokgonone.

19. Ke dilo difeng tso o di tšhutiyeng ga hlogotaba yowa?

¹⁹ Jehova a ka sa tsoge a pumutsiye le ka tšatši la mohlolo. Tsotsone di nyaka re sa di kamake le ka gonyana. Fote di nyaka re sa kamake bo Jehova a tshepang gore ba nyoko maka ka mokgo a hlayyeng. O sa lebale mantsu yaa Jehova a ma bolabodiyeng a berekisa moporofeta wage Jesaya, mo a re: “O ko ba le matšhika mo o dula o bebiye fote o šupetsa gore o na le tshepo.”—Jes. 30:15.