1. Jeso o yitseri king ga malata yage mo di tla ga nako yo dilo di nyoko makegang ka yona fote o yye a re king mo a ma pasopisa?

 MO GO šele matšatšinyana gore Jeso ba mmolaye, kanne ya malata yage ma mmutsisiye gore: “Re nyoko bona ka ying gore . . . go šele go le dinako tsa mafelelo?” (Mat. 24:3) Di ka makega gore malata yane ne ma tiputsisa gore ma nyoko bona ka ying gore nako yi šele yi segele ya gore Jerusalema le tempele yi psyitlanyiwe. Jeso mo a ma fetola, aa bolabola ka go psyitlanyiwa ga Jerusalema le tempele fela mara o bolabodiye le ka “dinako tsa mafelelo” go leng tso rune re phelang ga tsona gana byalo. Mo di tla ga nako yo dilo tso di nyoko makegang ka yona, Jeso o yitseri: “A go na ye a tšibang gore dilo tsone di nyoko makega leng, le mangeloyi ya legedimong le mong Morwayi a ba di tšibi, mara go tšiba Papa a ntoši.” Ke mokane a pasopisa malata yage gore ma ‘dule ma hlahlamme’ fote ma ‘dule ma ntshiye maahlo dikwakweng.’—Mar. 13:32-37.

2. Ke ntaba ne go le taba ye kgolo gore Makreste ya ku botala ma dule ma ntshiye maahlo dikwakweng?

² Makreste ya Majuda ya ku botala ne di nyaka ma dula ma ntshiye maahlo dikwakweng; phela tsotsone ne di rela lephelo la wona. Jeso o butsiye bo ba mo latelelang gore king so ba tshwaneleng ba se bone se makega gore ba thogo tšiba gore dinako tsa Sejuda di šele di segele mafelelong. O yitseri: “Mo le bona Jerusalema yi kgobakanele ke masole, le nape le di tšiba gore yi thina le go psyitlanyiwa.” Ka nako yonone ne di nyaka ba theetsele tso Jeso a ba pasopisiyeng ka tsona ke mokane “ba thomise go tšhabela dithabeng.” (Luk. 21:20, 21) Bo ba yyeng ba yi tseyela hlogong taba yowa ba yye ba phona mo Maroma ma fetsa ka Jerusalema.

3. Re nyoko handahanda ka ying ga hlogotaba yowa?

 ³ Lekgono re phela mong mafelelofelelong ya dinako tsa mafelelo ya lefase lowa la go befa. Byalo, le rune di nyaka re dule re ntshiye maahlo dikwakweng fote re sa kobole. Ga hlogotaba yowa, re nyoko fo re handahanda ka mokgo re ka likaniselang mo re kene re lebelele tso di makegang ho lefaseng, ka mokgo rune re ka tipasopang le ka mokgo re ka yi berekisang gabutši nako yo yi šeleng.

4. Ke ntaba di nyaka re jabolele go bona ka mokgo dilo tso di makegang ho lefaseng gana byalo di makang gore seporofeto sa Bhayibele se makege?

⁴ Go na le tso di makang gore re nyake go tšiba ka mokgo dilo tso di makegang ho lefaseng gana byalo, di šupetsang tso Bhayibele yi diporofitiyeng. Mo re beyisa, Jeso o re butsiye ka dilo tso di nyoko makegang go re gelepa gore re thogo tšiba mo go šutela nako ya gore go fele ka lefase la Sathane. (Mat. 24:3-14) Petro wa lepostola o re hlohletsele gore re ntshe maahlo dikwakweng mo diporofeto di makega gore tumelo ya rune yi dule yi tiyelele. (2 Pet. 1:19-21) Puku ya mafelelo ya Bhayibele yi thomisa ka mantsu ya gore: “Dilo tsowa di wunyulliye ke Jeso Kreste. Modimo o mmutsiye tsona, gore a šupetse lelata lage gore king tso di nyoko makegang go se botala.” (Kut. 1:1) Byalo, re jabolela go bona dilo tso di makegang ho lefaseng gana byalo fote le go tšiba ka mokgo di nyoko makang gore seporofeto sa Bhayibele se makege. Fote re ka jabolela go bolabodisana ka dilo tso di makegang.

5. Di nyaka re kganele kgole le ying mara di nyaka re make ying? (Lebelela dithombhe.)

⁵ Mara mo re kene re handahanda ka seporofeto sa Bhayibele di nyaka re kganele kgole le taba ya go fo naganela. Ke ntaba? Ka taba la gore a re nyake go tikraya re šele re hlayye dilo tsa gore di ka maka gore ka ho phutegong re sa mamarelane. Mo re beyisa, re ka fo kwa bo ba go yetamahlong ba lefase ba bolabola ka mokgo ba ka lukisang ditaba ke mokane ba maka gore go bebe fote go tšhireletsege. Wa tšiba a di nyake re naganela gore taba yone ba yi hlayyeng yi rela gore seporofeto so se leng ga 1 Mathesalonika 5:3 se ya makega, mara di nyaka re dula re sipidisana le tsa nyuwane tso ba di gatisiyeng. Mo dilo tso re petapetang ka tsona di tšwa ga dikgatiso tsa gore di makiye ke mokgahlo wa Jehova, re gelepa gore phutego yi dule yi le selo ka ssoši ‘ga tso yi di naganang.’—1 Makor. 1:10; 4:6.

6. King tso re di tšhutang ga 2 Petro 3:11-13?

⁶ Bala 2 Petro 3:11-13. Petro wa lepostola wa re gelepa ga taba ya gore di nyaka re likanisele mo re pombhola seporofeto sa Bhayibele. O re hlohletsela gore re be re ‘kene re nagana fote re kene re gopola letšatši la Jehova.’ Ke ntaba mara? A yi taba la gore re nyaka go tšiba gore “dilo tsone di nyoko makega leng” mo Jehova a leya Aremaghedoni, mara nka taba la gore re nyaka go berekisa nako yo yi šeleng gore re thogo maka “tsa go tlalela ga Modimo le … tsa go hlawolega.” (Mat. 24:36; Luk. 12:40) Ka mantsu ya mangwana, re nyaka go titshwara gabutši fote le dilo ka mokana ga tsona tso re di makelang Jehova re nyaka go di maka go le ka taba la gore re mo nyaka ka matla. Phela gore re thogo dula re ntshiye maahlo dikwakweng, di nyaka re tipasopeneng barena.

7. Re ka šupetsa ka mokgo mang gore re tipasopiye? (Luka 21:34)

⁷ Jeso o butsiye malata yage gore ma dule ma ntshiye maahlo dikwakweng ga dilo tso di makegang ho lefaseng fote ma boye ma tipasope. Taba yone yi napa yi ba lekgwaying ga mantsu ya ma leng ga Luka 21:34. (Bala.) Lebelela mantsu ya Jeso a ma hlayyeng ya gore: “Le tipasopeneng.” Motho wa gore o tipasopiye o thogo bona kotsi ye nngwana le ye nngwana ya gore yi ka sinya senghana sage le Jehova ke mokane a maka se sengwana  gore a kganele kgole nayo. Ka mokgonone, o maka gore Modimo a thogo ya mahlong a mo nyaka.—Diy. 22:3; Juda 20, 21.

8. King tso Pawulo wa lepostola a di butsiyeng Makreste?

⁸ Pawulo wa lepostola o butsiye Makreste gore ma tipasope. Mo re beyisa, o butsiye Makreste ya ku Efeso gore: “Le pasopeneng gore le sa make dilo go tshwana le batho ba go sa hlalefa mara le di make go tshwana le batho ba gore ba hlalefiye.” (Maef. 5:15, 16) Phela Sathane o dula a liketsa go šehlollanya senghana sa rune le Jehova, byalo Bhayibele yi re yeletsa gore ‘re karakareneng gore re make tso Jehova a di nyakang’ gore re thogo titšhireletsa ga dilo ka mokana ga tsona tso Sathane a re bošang ka tsona.—Maef. 5:17.

9. Re di tseya ka mokgo mang tso Jehova a nyakang go re makela tsona?

⁹ Bhayibele a yi nape yi thuletsela dilo ka mokana ga tsona tsa gore di ka sinya senghana sa rune le Jehova. Ga go tlala di nyaka re segelele dipheto ga ditaba tsa gore Mangwalo a ma nape ma di beya lekgwaying gore re make byang. Gore re thogo segelela dipheto tsa gabutši, di nyaka re karakare gore re make “tso Jehova a di nyakang.” Re ka maka tsotsone ka go dula re bala Lentsu la Modimo re boya re ghayela ka lona. Mo re kwisisa tso Jehova a di nyakang gabutši fote re liketsa go “nagana go tshwana le Kreste,” a go jiki re nyoko sepela go tshwana le “batho ba gore ba hlalefiye,” le mo go se na molawo wa go re botsa gore re make dilo byang. (1 Makor. 2:14-16) Di lula ka dinako tse dingwana gore re thogo bona dilo tso re tshwaneleng go kganela kgole natso mara ka dinako tse dingwana o kraya di re tlonnye.

10. Ke dikotsi difeng tso re tshwaneleng go kganela kgole natso?

¹⁰ Dikotsi tse dingwana tso di nyakang re kganele kgole natso ke go nabela motho o sa tikemisela selo ka yene, go gaputlela mokgete, go ja ka matla, go bolabola dilo tsa gore di kwaletsa ba bangwana le go lebelela dilo tsa gore di na le bokgohlane, batho ba go sa tšwara le tse dingwana tsa go tshwana le tsone. (Pis. 101:3) Lenaba la rune Diyabolo, le dula le ramele lešuba la gore le sinye senghana sa rune le Jehova. (1 Pet. 5:8) Mo re ka sa pasope, Sathane o nyoko gaša dipewu tsa gore a yi tsona ka ho dipelong le menaganong ya rune tsa go tshwana le go ba le mona, go sa tshepege, dipawu, go hloyana, go ba le magetla le go kwata. (Magal. 5:19-21) Mo di sa thomisa, o ka nagana gore dilo tsowa a di se kotsi. Mara mo re ka fo di lisetsa ra sa make se sengwana gore re di tomole, di nyoko fo ya mahlong di gola go tshwana le semelane sa gore se na le tšhefu fote di nyoko re leyela mathatha.—Jak. 1:14, 15.

11. Ke kotsi yifeng ya gore a yi nape yi tišupetsa yo di nyakang re je fase mo re yi bona fote ke ntaba?

¹¹ Kotsi ye nngwana ke go nghanelana le batho ba go sa loka. Nagana ka seyemo sowa ša. O bereka le ye mongwana wa gore a yi Hlatse ya Jehova. O nyaka gore motho yene o berekang naye a nagane tsa gabutši ka Dihlatse Tsa Jehova, byalo o dula o makela ba bangwana tsa gabutši fote o gelepana. Ka dinako tse dingwana o ja naye tsa go ja tsa ledhina. Ke wene yela, o šele o ja naye ka moka matšatši. Motho yela o fela a bolabola ka dilo tsa gore a dya hlamatsega, ke mokane wene o thomisa ka go sa kwane natso o boya o sa mo fetole ga tsona. Mara mo nako yi kene yi ya, o tlwayela ka mokgo motho yene a bolabolang fote le dilo tso a di hlayang a di sa go hlupa. Ke mokane tšatši le lengwana, ye o berekang naye o go mema gore mo le tšhayisa mmerekong le ye kraya sa go kolobisa segologolwane, ke mokane le wene wa dumela. Mo nako yi kene yi ya, o thomisa go nagana go tshwana le ye o berekang naye. Go tlugisela gana hone, o nagana gore di nyoko go tseya nako ya go teya kaye o soko bane o thomisa go maka dilo go tshwana naye? Nnete ke gore re tshwara ba bangwana gabutši fote re hlompa batho ka mokana ga bona, mara di nyaka re gopole gore re nyoko feleletsa re tshwana le batho bo re fetsang nako ya go tlala re le nabo.  (1 Makor. 15:33) Mo re ka maka ka mokgo Jeso a re hlohletseleng ke mokane ra tipasopa, re nyoko kganela kgole le banghana ba gore a ba phele ka melawo ya Jehova. (2 Makor. 6:15) Re nyoko bona kotsi ke mokane ra ja fase.

12. Malata ya Jeso ne ma tshwanele ma make ying mo ma kene ma yemele gore dinako tsa mafelelo di segele?

¹² Jeso ke mo a nyaka gore malata yage ma dule ma tshwaraganne mo ma kene ma yemele dinako tsa mafelelo gore di segele. Jeso o ma neyye mmereko. O ma butsiye gore ma tšhomayele ditaba tsa go bafala “Jerusalema ka mokana ga yona le Judiya le Samariya, go segela dipolekeng tsa kgole tsa lefase.” (Meber. 1:6-8) Phela wone ne go le mmereko wo mogolo! Ma yye ma berekisa nako ya wona gabutši ka go maka tso ma ka di kgonang gore ma tšhomayelele ba bangwana.

13. Ke ntaba re tshwanele go berekisa nako ya rune gabutši? (Makolosi 4:5)

¹³ Bala Makolosi 4:5. Gore re thogo tipasopa, di nyaka re tineye nako ya go naganisisa ka mokgo re ka berekisang nako ya rune gabutši. “Dilo tso di fo makegang re sa di yemela” di ka tlela ye mongwana le ye mongwana. (Mmo. 9:11) Re ka fo tsoga re ragiye pakete.

14-15. Nako ya rune re ka yi berekisa gabutši ka mokgo mang? (Maheberu 6:11, 12) (Lebelela sethombhe.)

¹⁴ Re ka berekisa nako ya rune gabutši ka go maka tso Jehova a di nyakang fote re tiyise senghana sa rune naye. (Joh. 14:21) Di nyaka ‘re sa  tekateki, re karakare ga tso tsa Morena.’ (1 Makor. 15:58) Ke mokane mo go ka fela ka rune kela gwa segela nako ya gore go fele ka lefase lowa, re ka sa tisole le ka gonyana re nabela gore nke re makele Jehova tsa go tlala.—Mat. 24:13; Marom. 14:8.

¹⁵ Le lekgono lowa, Jeso o sa na a ya mahlong a yetetsa malata yage mo ma kene ma tšhomayela ka Mmušo wa Modimo lefaseng ka mokana ga lona. O makiye tso a di tshepisiyeng. Jeso o berekisa mokgahlo wa Jehova gore a re tšhutise go tšhomayela fote o re neya dithulusi tso re di hlokang gore re thogo sabalatsa ditaba tsa go bafala. (Mat. 28:18-20) Re maka mmereko wa rune wa go tšhomayela le wa go tšhutisa ka matšato fote re dula re ntshiye maahlo dikwakweng mo re kene re sa yemele Jehova gore a fetse ka lefase lowa. Mo re ka berekisa mayele ya ma leng ga Maheberu 6:11, 12, re nyoko dula re ngangarele tshepo ya rune “go segela mafelelong.”—Bala.

16. Re tikemisele go maka ying?

¹⁶ Jehova o šele a beyye letšatši le nako yo a nyoko fetsang ka lefase lowa la Sathane. Mo letšatši lone le segela, Jehova o nyoko maka dilo ka mokana ga tsona tso a di porofitiyeng ka Lentsung lage. Ka dinako tse dingwana re ka tseya nkare nako ya gore go fele ka lefase lowa ya diyega. Mara letšatši la Jehova “le ka sa diyegi!” (Habak. 2:3) Byalo, tla re tikemiseleneng go ‘dula re ramele Jehova,’ re šupetsa “mokgwa wa go yemela Modimo [wa rune] wa go re phonisa.”—Mmik. 7:7.