1. Jehova o tseyela lephelo la rune gedimo ka mokgo mang?

 O FO nagana monghanago a go neya sethombhe sa botala sa gore ba se thalathadiye mara ka mokgo se turang o ka sa se reke. Se tšwile khala, se na le mokgolodi fote se tšharoganne. Le mo se se gabutši mara o ka se kraya ka dimiliyone tsa didhola. Ke nnete gore sethombhe sone o nyoko se tseyela gedimo o boya o se pasopa. Le Jehova o re neyye selo sa gore re ka se tseyela gedimo go leng lephelo. Gabutšibutši, Jehova o šupetsiye gore o tseyela lephelo la rune gedimo mo a šinya a neyela ka Morwayi wage gore a re lepolle.—Joh. 3:16.

2. Makorente wa Bobedi 7:1, yi re king so Jehova a se nyakang ho ga rune?

² Lephelo le tšwa ga Jehova. (Pis. 36:9) Pawulo wa lepostola le yene o yema nayo taba yone fote o yitseri: “Re ya phela, re ya sepela fote re gona ka taba lage.” (Meber. 17:25, 28) Byalo, re ka hlaya re sa kamake gore lephelo re le neyye ke Modimo. Fote o re neya ka go di nyaka tso re di hlokang gore re thogo phela. (Meber. 14:15-17) Mara Jehova aa re makele mohlolo gana byalo gore re fo ya mahlong re kene re phela. O nyaka gore re make tso re ka di kgonang gore re dule re philegiye fote re ye mahlong re kene re mmerekela. (Bala 2 Makorente 7:1.) Ke ntaba di nyaka re maka so re ka se kgonang gore re dule re philegiye gabutši fote re ka di maka ka mokgo mang tsotsone?

3. Ke selo sefeng se segolo so se makang gore re liketse ka matla go dula re philegiye?

³ Se sengwana so se re tšhofang gore re liketse ka matla go dula re philegiye, ke gore re nyaka go maka so re ka se kgonang gore  re thogo berekela Jehova. (Mar. 12:30) Re nabela nkare re ka neyela ka ‘mmele wa rune gore go be dihlabelo tsa go hlawolega le tsa go yamogelega ga Modimo,’ byalo re kganela kgole le go maka dilo tsa gore di ka re lwadisa. (Marom. 12:1) Ke nnete gore go na le tsa go tlala tso re ka di makang gore re dule re philegiye. Mara re karakara ka matla gore re dule re philegiye ka taba la gore re nyaka go šupetsa Papa wa rune wa legedimong gore re tseyela gedimo lephelo lo a re neyyeng.

4. King so Kgoši Dafita ne a tikemisele go se maka?

⁴ Kgoši Dafita o hlatolliye gore ke ntaba a tseyela gedimo lephelo lo Modimo a mo neyyeng lona mo a šinya a ngwala gore: “Ayitsano go na le ye a ko krayang se sengwana mo ke kgwa, mo ke sobelela ke ya ku fase mokoting? Ayitsano lerole le ka go thanaka? Ayitsano le ka botsa ba bangwana gore wene wa tshepega?” (Pis. 30:9) Di ka makega gore Dafita o ngwadiye mantsu yane mo a šele a le thina le go kgwa. Mara ne a tikemisele go dula a phela gore a thogo ya mahlong a kene a berekela Jehova. A re kamake gore ka mokana ga rune mo re yitsa re tikwa go tshwana naye.

5. King so re ka se makang le mo re tsofele kela re lwala?

⁵ Mo re lwala kela re tsofala di ka makega gore re sa sa kgona go maka dilo tsa go tlala tso ne re kgona go di maka. Tsotsone di ka maka gore re hlakahlakane re boye re kgongwele. Mara a di nyake re napa re lahla tewu ke mokane re thomisa go sa sa tilekelela. Ke ntaba mara? Ka taba la gore le mo re ka tsofala kela ra lwala re ka di kgona go thanaka Jehova go tshwana le Kgoši Dafita. Phela di re kgomoletsa ka matla go tšiba gore Modimo wa rune o sa na a re tseyela gedimo le mo re lwala kela re tsofele! (Mat. 10:29-31) Le mo re ka kgwa, Modimo o ko fo kwa nkare nako ya gore a re tsose nke yi šele yi segele. (Jobo 14:14, 15) Byalo, mo re kene re sa phela, re nabela nkare re ka karakara ka matla gore re titšhireletse fote re dule re philegiye.

6. Jehova o nyaka gore re make ying mo di tla ga taba ya gore re nyoko ja byang fote ra nwa byang?

⁶ Le mo Bhayibele go se puku ya gore yi re botsa gore re tilekelele ka mokgo mang gore re thogo philega kela ya go re botsa gore re je tsa mošaga mang, yi re botsa tsa go tlala tso Jehova a di naganang ga ditaba tsa mošaga wonone. Mo re beyisa, o re hlohletsela gore re “kganele kgole le dilo tsa go kwaletsa” tsa gore di ka sinya mmele wa rune. (Mmo. 11:10) Bhayibele yi re re sa kwane le go ghimbha ka matla kela go gaputlela mokgete ka taba la gore dilo tsone, le go re bolaya di ka re bolaya. (Diy. 23:20) Jehova o nyaka gore re be le mokgwa wa go titshwara mo di tla ga taba ya gore re nyoko ja byang fote ra nwa byang.—1 Makor. 6:12; 9:25.

7. Diyema 2:11 yi re gelepa ka mokgo mang gore re segelele sepheto sa gabutši mo di tla ga taba ya go dula re philegiye?

⁷ Ke rune beng bo re ka segelelang sepheto sa go šupetsa gore re ya mo leboga ga Modimo gore o re neyye lephelo ka go berekisa monagano wa rune gabutši. (Pis. 119:99, 100; bala Diyema 2:11.) Mo re beyisa, re nyoko šupetsa ka go kgeta gabutši tso re di jang. Mo nkare go na le tsa go ja tso re kwanang natso ka matla mara di re lwadisa, di nyaka tsa go ja tsa mošaga wonone le go di lebelela re sa di lebelele. Fote re šupetsa gore re berekisa monagano gabutši, mo re sa tikone boroko, re tiwolola ka moka matšatši, re dula re yediye runebeng fote re sa tshwatele taba ya go yedisa ka mutšing ga rune.

8. Bhayibele yi re tšhutisa ying ga taba ya gore Jehova o hlupega ka matla gore re tšhireletsege?

⁸ Ga Melawo yo Jehova a yi neyyeng setšhaba sa Israyele ne go na le tsa go ma pasopisa ga taba ya gore ma ka titšhireletsa byang mo go nyarela kotsi ka mutšing kela mmerekong. (Ek. 21:28,  29; Dot. 22:8) Mo ye mongwana a ka bolaya motho a sa tikemisela go nyoko ba le molato wo mogolo. (Dot. 19:4, 5) Molawo ne wo re ba wolole le mong ba gore ba kwaletsa ngwana wa gore aa soko belegiwa. (Ek. 21:22, 23) Mangwalo ma di beya lekgwaying gore Jehova o nyaka gore re kganele kgole le dilo tsa gore di ka maka kotsi.

9. King tso re tshwaneleng re di make gore re thogo kganela kgole le dikotsi? (Lebelela dithombhe.)

⁹ Re šupetsa gore re leboga lephelo lo Modimo a re neyyeng lona ka go le tšhireletsa mo re le gaye le mo re le mmerekong. Mo re beyisa, mo nkare di nyaka re lahla dilo tsa gore di ya sega, dikhemikhale tsa gore go ka ba tšhefu kela dihlare, di nyaka re di lahle ga gore di ka sa kwaletsi ba bangwana fote re ka di beya ga gore bananyana ba ka sa kgone go di segelela. Mo re gotsa mollo, re bidisa meetši fote re berekisa dithulusu tse dingwana re dula re ntshiye maahlo dikwakweng gore re sa tloge re di šiya di ntoši. Re ka sa dhrayivi koloyi mo nkare go na le dihlare tso re di nwang tsa gore di ka re kobodisa ke mokane ra maka kotsi, ra dhrayiva re kene re tlayila kela mo nkare re tinnwe kela re sa yetsela gabutši fote a re ya tshwanela go dula re ngangarele difowunu tsa rune re kene re dhrayiva.

10. Re ka maka ying mo go soko segela kela mo go šele go segele tsa go maka gore lephelo le sasamele?

¹⁰ Ka dinako tse dingwana re ka sa kgone go thibelela seyemo sa gore se kotsi gore se makege. Tsotsone go ro ba nnete ka matlamatla mo re wela ke kotsi ya hlago, bolwele bya go sabalala le dintwa. Mara mo dilo tsa mošaga wonone tsa go sasamela di nyarela, re liketsa ka matla gore re dule re tšhireletsegiye ka go theetsela melawo, go tloga mo ba re re tloge re boya re theetsela bo ba go lawola ba mmušo. (Marom. 13:1, 5-7) Ke nnete gore di ya kgonega gore re ka tilukiselela ga dikotsi tse dingwana tsa gore di re tlela re sa nagana, byalo re ko ba re maka gabutši mo re theetsela tso ba go lawola ba mmušo ba re yetetsang ka tsona gore re thogo dula re yitse phagaphaga. Mo re beyisa, di ka re berekela mo re ka dula re na le meetši, tsa go ja tsa gore a di bole le tsa go sipidisana le tsa go yalafa.

11. King so re tshwaneleng re se make re sa tšhofe ke motho mo nkare bolwele bya go sabalala bo kene bya neyetsela mo re dulang?

¹¹ King so re tshwaneleng re se make mo nkare bolwele bya go sabalala bo kene bya neyetsela mo re dulang? Di nyaka re theetsele tso ba re yetetsang ka tsona tsa go tshwana le taba ya go hlapa matsogo, go sa šutelelane thina, go yapara sa go thiba nko le molomo le go tikwalela re le ntoši. Mo re ka maka dilo tsone ka mokana ga tsona re ko ba re šupetsa gore re le leboga re sa fetsi lephelo lo Modimo a re neyyeng lona.

12. Diyema 14:15 yi re gelepa ka mokgo mang mo di tla ga taba ya gore re theetsela ditaba difeng mo go na le kotsi?

¹² Mo re kene re le ga seyemo sa gore se re tlele re sa nagana re nyoko kwa dilo tsa go tlala tsa gore a yi nnete tsa go tšwa ga banghana ba rune, bayagelane le ditabeng. A di nyake re theetsela “lentsu le lengwana le le lengwana” mara re ko ba re maka gabutši mo re ka theetsela tsa gore ke nnete tsa go tšwa ga ba mmušo le ga ditogotela. (Bala Diyema 14:15.) Mogoba wa go Lawola le ba ofisi ya lekala ba maka so ba ka se kgonang gore ba kraye nnete ya taba ba soko bane ba hlaya gore megahlano ya phutego le mmereko wa go tšhomayela di nyoko makiwa byang. (Maheb. 13:17) Mo re latelela tso ba re yetetsang ka tsona, re ba re titšhireletsa runebeng re boya re tšhireletsa le ba bangwana gore ba sa kwalele. Fote re gelepa ba bangwana gore ba tseye Dihlatse Tsa Jehova gabutši.—1 Pet. 2:12.

13. Re šupetsa ka mokgo mang gore lephelo re le tseyela gedimo mo di tla ga taba ya go tšhela madi?

¹³ Dihlatse Tsa Jehova di tšibega go le batho ba go hlompa madi ka taba la gore ma hlawolegiye. Re šupetsa gore re theetsela molawo wa Jehova mo re gana go tšhela madi, le mo re lwala ka matla. (Meber. 15:28, 29) Mara tsone a di rele gore re nyaka go kgwa. Lephelo re ro le tseyela gedimo ka matla. Nka taba lo re yang ga bo ba gore ba tšhutele tsa go yalafa ba gore ba tikemisele go re yalafa ba sa berekisi madi.

14. Re ka maka byang gore re sa tikraye di nyaka ba re maka ophareyišene?

¹⁴ Mo re ka pasopa lephelo la rune ka go maka dilo tso re bolabodiyeng ka tsona ga hlogotaba yowa, nakwenngwana di ka sa nyake re makiwa diophareyišene kela ba re yalafa ga tse dingwana tse dikgolo. Fote mo nkare re philegiye, tsotsone di ko re gelepa gore re yakgoswe re fola mo go hlokega gore re make ophareyišene. Fote ka ho mutšing kela mo re berekang gona, re ka poma dilo tsa gore di ka re kwaletsa la go šinya di nyaka ba re make ophareyišene fote se sengwana ke gore re latelele melawo ya ho pateng.

15. (a) Ke ntaba di nyakega gore re gobagobe le lekhate la madi la gana byalo? (Lebelela sethombhe.) (b) Ga vidiyo yowa, o ka segelela dipheto tsa gabutši ka mokgo mang mo di tla ga taba ya go tšhela madi?

¹⁵ Ka taba la gore lephelo re le tseyela gedimo ka matla, re tlatsa lekhate ya madi (la go re  yetetsa gore re ka yalafiwa ka mokgo mang) fote re gobagoba nalo ka dinako ka moka. b Lekhate lowa le re gelepa go hlaya tso re di nyakang ga taba ya go tšhela madi le gore re nyaka ba re yalafe byang ga tse dingwana. Ayitsano lekhate lago la madi ke la gana byalo? Mo nkare o nyaka go tlatsa lekhate la madi kela go le lukisa go gongwana, o sa jikajiki maka gana byalo. Byalo, di napa di šupetsa gabutši gore mo o ka tlatsa lekhate lowa le nyoko go gelepa gore go sa be le selo so se šitisang taba ya gore ba go yalafe ka go yakgoswa. Fote re ko ba re gelepa le bo ba gore ba tšhutele tsona tsa go yalafa gore ba sa re yalafe ka mokgwa wa gore wo ka beya lephelo la rune kotsing kela ba re neya maphilisi ya gore ma ka re kwaletsa. c

16. Re ka maka byang ho nkare go fo re tsho ga taba ya go tlatsa lekhate la madi?

¹⁶ Di sa yi ka gore ke wene ye monyana go segela kaye kela o philegiye gabutši ho mmeleng, ye mongwana le ye mongwana wa rune a ka makegela ke kotsi kela a lwala. (Mmo. 9:11) Byalo, o ko ba o hlalefiye ho o ka tlatsa lekhate la madi. Mo nkare a wo di tšibi gore o ka le tlatsa byang, kgopela mogolo wa phutegong yago gore a go gelepe go le tlatsa. Ba liketsa ka matla gore ba tlwayelane le go tlatsa lekhate lone, mara ba ka sa go  tseyele dipheto tsa gore ba go yalafe ka mokgo mang. Phela tsone di ro nyaka wene mong. (Magal. 6:4, 5) Mara ba ka go gelepa gore o thogo kwisisa tso o di kgetang ba boya ba go gelepa gore o tlatse lekhate lone.

17. Re ka šupetsa ka mokgo mang gore re ya kwisisa mo di tla ga taba ya tsa go yalafa?

¹⁷ Dipheto tso re di segelelang ga taba ya gore re nyaka ba re yalafe ka mokgo mang, re di tseya ga tso re di tšhutiyeng ka ho Bhayibeleng. (Meber. 24:16; 1 Thim. 3:9) Mo re segelela dipheto fote re bolabola le ba bangwana ka tsona, re ko ba re maka gabutši go berekisa tšhiko yo yi leng ga Mafilipi 4:5 ya gore: “Makaneng gore go kwisisa ga lune go tšibe ke batho ka mokana ga bona.” Mo re kwisisa, a re nape re šekela ka taba ya gore re philegiye byang, kela ra gapeletsa ba bangwana gore ba dumele tso rune re di naganang. Magageru re ma nyaka ka matla fote re ya ma hlompa le mo ma sa segelele dipheto tsa go tshwana le tsa rune.—Marom. 14:10-12.

18. Re ka šupetsa ka mokgo mang gore lephelo lo ba re neyyeng lona re le leboga re sa fetsi?

¹⁸ Re ba re šupetsa Jehova gore re ya mo leboga Yene ye a re neyyeng lephelo mo re le pasopa re boya re mo makela tso re ka di kgonang. (Kut. 4:11) Tsa gana byalo re lebanne le taba ya go lwala le tsa go sasamela. Mara re di tšiba gabutši tsa gore a yi ka mokgo ye a re Makiyeng ne a nyaka gore re phele ka gona. Go se botala, o nyoko re neya lephelo la go ya go yye la gore ga lona a go na tsa go baba le mong likgu. (Kut. 21:4) Ye lune, phela di gabutši ka matla mo re kene re phela re tšwa re tshwere taba ya go berekela Papa wa rune wa ku legedimong wa gore o re nyaka ka matla, Jehova!