KE MO go le ka Laboraro la di-18 tsa January 2023 mo ba hlaya taba ya go hlawolega ho ga jw.org, ya gore Mogageru Gage Fleegle le Mogageru Jeffrey Winder ba ba kgetiye gore ba be ga Mogoba wa go Lawola wa Dihlatse Tsa Jehova. Magageru yawa ka mabedi ga wona ke botala ma kene ba berekela Jehova ka go tshepega.

Mogageru Fleegle o gulele hala bodikela bya Pennsylvania, U.S.A., a gudisa ke babelegi ba gore ga Modimo baa mo tšhaba. Mo a le mengwageng ya bosogana, ba gabo ba yye ba rurela ga setoropane se sengwana sa magayeng ga gore ke mo go gayela batšhomayedi. Go se botala, a kolobetsiwa ka di-20 tsa November 1988.

Babelegi ba Mogageru Fleegle ke mo ba dulela go mo hlohletsela go kena ga mmereko wa nako ka moka. Ga go tlala ke mo ba bitsa bapotulugi le magageru ya Bhethele gore ba tle ba ba vakašele, fote Mogageru Fleegle ke mo a di bona tsa gore magageru yawa ba jabodiye. Ke mo go se botala a kenne meetšing mo a thomisa go ba mošupatsela wa nako ka moka ka di-1 tsa September 1989. Mo go fela mengwaga ka mmedi, a yi segelela taba yela a tiputsiyeng yona a sa na le 12 ya mengwaga, ya gore o nyoko ya Bhethele. O thomisiye go bereka hala Bhethele ya Brooklyn ka October 1991.

Mo Mogageru Fleegle a le Bhethele, o berekiye mabala ya mengwaga hala ga gore ba Tlema dipuku ke mokane ka nthago a ye bereka ga Ba go Garagara. Ka nako yonone, ke mo a le ga phutego ya Serussia ga gore o fetsiye mengwaganyana a le ga yona. Ka 2006, o yye a šadha le Nadia ke mokane ba tla ba bereka Bhethele ba le ka babedi. Ka babedi ga bona ba berekiye ga tšhomo ya Sepotokisi ke mokane ba fetsiye mengwaga ya go teya ka ku ga lesome ba le ga tšhomo ya Sepaniši. Mogageru o berekiye mengwaga ya go tlala ho ga Ba go Garagara ke mokane ba mo yisa ga Ofisi ya Komiti ya go Tšhutisa, ka nthago a ya ga Ofisi ya Komiti ya go Garagara. Ka March 2022 ba yye ba mo kgeta gore a gelepe ga Komiti ya go Garagara ya Mogoba wa go Lawola.

 Mogageru Winder o gulele hala Murrieta, California, U.S.A. Babelegi bage ba mo gudisele nneteng ke mokane a kolobetsiwa ka di-29 tsa March 1986. Ka kgwedi ya go latela, a napa a tseya bošupatsela bya go gelepa. Ke mo a kwa bo mo natefela a sa nyake le go lisetsa. Ka morago ga dikgwedi a kene a le mošupatsela wa go gelepa, o thomisiye go ba mošupatsela wa nako ka moka ka October 1, 1986.

Mo Mogageru Winder go sa le mosogana, o yye a vakašela bobhuti wage ba bagolo ba gore ke mo ba le Bhethele ka nako yone. Mo a le gana ku, a kwa a di nabela ka matla go tl’le bereka Bhethele mo a šele a gudiye. Ke mokane ka May 1990, ba yye ba mmitsa gore a tle Bhethele ya hala Wallkill.

Mo Mogageru Winder a le Bhethele, o makiye mebereko ya mehlobohlobo, o berekiye ga Ba go Yedisa, Ba go Lima le ga Ofisi ya Bhethele. O šadhiye le Angela ka 1997, ba napa ba bereka ba le ka babedi Bhethele. Ka 2014, ba yye ba ba yisa Warwick, ga gore Mogageru Winder ke mo a gelepa ga tsa go yaga ntlo ye kgolo ya lefase ka mokana ga lona. Ka 2016 ba yye ba ba yisa hala ga Poleke ya Dikolo Tsa Watchtower hala Patterson, ga gore Mogageru Winder ke mo a bereka le ba go Bereka ka Tsa go Theetsela/Dividiyo. Ka nthago ga kanne ya mengwaga, ba yye ba boyela Warwick, ke mokane Mogageru Winder a kena ga Ofisi ya Komiti ya ba go Bereka. Ka March 2022, ba yye ba mo kgeta gore a gelepe ga Komiti ya ba go Bereka ya Mogoba wa go Lawola.

Re rapela gore Jehova a ba rufe la go sa hlayisege “banna [bowa] ba gore ba kgona go maka dilo” mo ba kene ba ya mahlong ba karakara ga mmereko wa Mmušo.—Maef. 4:8.