Papa le Mmane ne go le Makhatolika. Mara mo ba tšhuta ka ho Bhayibeleng tsa gore lebitso la Modimo ke Jehova, ka babedi ga bona ba yye ba ba Dihlatse Tsa Jehova. Papa o yye a lisetsa go betla dithombhe tsa Jeso. Mara o yye tšhentšha ntlo ya rune ya ka tlase a yi maka Holo ya mathomo ya Mmušo hala San Juan del Monte, toropong ya Manila, ya gore yi ku toropong ye kgolo ya Philippines.

Mo ke šele ke belegiwwe ka 1952, babelegi baka ba yye ba thomisa go ntšhutisa ka Jehova go fo tshwana le ka mokgo ne ba kene ba tšhutisa kanne ya bobhuti baka ba gore ne ba mfeta le kararo ya bosesi baka ba gore ne go le ba bagolo gaka. Mo nkene ke gola, papa o yye a nhlohletsela gore ke bale tema ka yyoši ya ka ho Bhayibeleng ka moka matšatši, fote ne a bala le nna dikgatiso tsa mohlobohlobo tsa go bolabola ka tsa ka Bhayibeleng. Babelegi baka ne ba fela ba mema bapotulugi le magageru ya go tšwa lekaleng gore ma tl’le dula ku gaye. Di makiye gore re šale re jabodiye ka matla fote ne re tiyisa ke mo magageru yane ma re botsa tso di ba makegeleng, tsotsone di makiye gore ka mokana ga rune re yetise mmereko wa tšhomo mahlong.

Ke tšhutiye tsa go tlala ga babelegi baka ba gore ne ba tshepega ga Jehova. Ka nthago ga gore mmane a hlokofale ka taba la bolwele, nna le papa re yye ra thomisa go ba mašupatsela ka 1971. Mara ka 1973 mo ke na le 20 ya mengwaga, papa o yye a hlokofala. Ne ke fo kwa nkare ka mo teng gaka go fo ba lešuba ka nthago ga gore babelegi baka ba hlokofale. Mara tso re tshepelang ga tsona tsa go maka gore re sa “thogathoge” tsa gore di tšwa ka Bhayibeleng di re gelepiye gore re dule re tseya dilo gabutši le go dula re le thina le Jehova. (Maheb. 6:19) Mo go fitiye senakonyana papa a hlokofele, ke yye ka ba mošupatsela wa go hlawolega ga poleke ya go dukuluga ke meetši ya Coron, nageng ya Palawan.

Ke mo ke na le 21 ya mengwaga mo ke segela Coron. Ka gore ke golele toropong, ke mo ke makele mo ke di bona gore poleke yowa ya go dukuluga ke meetši ne yi na le ga gore a go na mohlagase kela meetši fote ne go se na dikoloyi tsa go tlala. Le mo nkare ne  go na le paranyana ya magageru, ne go se na ye nka dulang ke tšhomayela naye fote ka dinako tse dingwana ne di nyaka gore ke tšhomayele ke le ntoši. Ka kgwedi ya mathomo, ne ke hlologele ba ku gaye le banghana baka ka matla. Mo go le bošego, ne ke lebelela dinanedi nkene ke fogafoga dinepedi. Ne ke fo kwa nkare nka lisetsa ka ya gaye.

Ka dinako tsone, ne ke kgotolela Jehova tso ne ke di nagana le tso ne di le ka pelong yaka. Ne ke nagana ka dilo tso ke di tšhutiyeng Bhayibeleng le ga dikgatiso tsa rune. Ne ke fela ke gopola ka Pisalema 19:14. Ne ke di bona gore Jehova ne a nyoko ba “Letlapa laka le wa go Mphonisa” mo ke nagana ka dilo tsa gore ne di mo jabodisa tsa go tshwana le tso a di makiyeng le tso a tšibegang ka tsona. Sewokamelo sa go ba le hlogotaba ya gore “A o Ntoši” a se n’gelepiye ka matla. Ke se badiye gatleletlele. Mo ke le ntoši, ne ke tikwa gore ke na le Jehova fote ne go le dinako tsa gabutši tsa gore ke thogo rapela, go tšhuta le go ghayela.

Go soko bane go fela nako ke le Coron, ba yye ba nhlawola gore ke be mogolo. Ka gore ne go le nna mogolo ke le ntoši, beke ye nngwana le ye nngwana ne ke maka Sekolo sa go gelepa ka Tšhomo, Mogahlano wa gare ga beke, Puku ya Phutego le Sewokamelo. Ne ke beya polabolo ya batho ka moka beke ye nngwana le ye nngwana. Selo sa gore ne ke sa se kamake ke gore—ne ke sa sa teya ke bodutu!

Mmereko waka hala Coron wo yye wa ba le maphomela ya gabutši fote ba bangwana ba gore ne ke tšhuta nabo ba yye ba kolobetsiwa. Mara ne go na le tsa go mphiriketsa. Ka dinako tse dingwana ne di nyaka ke sepela ampore letšatši ka moka gore ke ye tšhomong, ne ke sa di tšibi gore ke ye beya hlogo kaye. Tšhomo ya phutego ya rune ne yi na le dipoleke tsa go tlala tsa go dukuluga ke meetši. Ne ke fela ke ya ga tsona ka sekepe, ka dinako tse dingwana lewatle le kwatiye le mo nkare ne ke sa di tšibi tsa go hlapela! Ga dinako tsowa tsa go thathafa, Jehova ne a mpasopa a boya a ntiyisa. Ka nthago, ke di bonne gore Jehova ne a nlukiselela dinako tsa go thathafa ka matla ga mmereko wa gore ne a nyoko nneya wona.

Ka 1978, ba nkgopele gore ke ye Papua New Guinea ka lebowa la Australia. Papua New Guinea ke poleke ya gore yi tlele ka dithaba, ampore yi lekana le Spain. Ne ke makele mo ke di kwelela gore kararo ya dimiliyoni tsa batho ba gore ba dula gana hone ne ba bolabola mebolabolo ya go teya ka ku ga 800. Sa go jabodisa ke gore batho ba go tlala ne ba kgona go bolabola Melanesian Pidgin, ya gore ba tlwayele go yi bitsa gore ke Tok Pisin.

Go soko bane go fela nako ya go lefa ba yye ba n’yisa ga phutego ya Sekgowa ya gore ne yi le toropong ya Port Moresby. Mara ke yye ka ya phutegong ya Tok Pisin ka thomisa go tšhuta mmolabolo wone. Ke mo ke berekisa so ne ke se tšhuta tlelaseng mo ke le tšhomong. Ba n’gelepiye gore ke tšhute mmolabolo wone ka go yakgoswa. Go soko fela nako, ne ke šele ke kgona go beya polabolo ya batho ka moka ka mmolabolo wa Tok Pisin. Ne ke makele mo ba maka gore ke be mopotulugi wa diphutego tsa Tok Pisin ga dipoleke tsa go tlala le mo nkare ne ke soko fetsa le mongwaga ke le Papua New Guinea.

Ka taba la gore diphutego tsone ne di le kgole le kgole, ne go tshwanele gore go be le megahlano ye megolonyana ya go tlala fote ne di nyaka gore ke sepele ka matla mo ke vakašela diphutego tsone. Mathomisong, ne ke tikwa ke le ntoši ka taba la gore ne go se botala ke segele ga poleke ya nyuwane ga gore go bolabodiwa mmolabolo wa gore a ke wo tšibi gabutši, ga gore fote go na le setšo sa go sa tshwane  le saka. Ne ke sa kgone go vakašela diphutego ka koloyi ka taba la gore ne go na le dithaba fote naga ya gona ne yi sa sepelege. Byalo ne di nyaka gore ke berekise elebhreyi ampore beke ye nngwana le ye nngwana. Ka dinako tse dingwana ne ke fo ba ke le ntoši ga elebhreyi ye nyana ya gore ne yi kwile go baba. Mayeto yane ne ma maka gore ke šekele go fo tshwana le mo ke sepela ka sekepe!

Ne go fo ba paranyana ya batho ba gore ne ba na le difowunu, byalo ne ke bolabola le diphutego re berekisa marifi. Ga go tlala, ne ke segela diphutegong marifi yaka ma soko segela, byalo ne di nyaka ke butsise batho ba gana hone gore Dihlatse di dula kaye. Nako le nako mo ke kraya magageru yane, le mo nkare ne ba leboga fote ba nšupetsa gore baa nnyaka, tsone ne di n’gopotsa gore ke ntaba ke ba vakašela. Ne ke di bona gore Jehova wa n’gelepa, ke napiye ke šutela thina naye ka matla.

Ga mogahlano waka wa mathomo ga poleke ya go dukuluga ke meetši ya Bougainville, monna le mosadi wage ba gore ne ba ngwalangwala ba tlile gaka ke mokane ba re, “Nje o sa re gopola?” Ke gopola ke tšhomayelela monna le mosadi wage mo ke segela Port Moresby. Ne ke šele ke thomisiye go tšhuta Bhayibele nabo ke mokane ka ba neya mogageru wa gana hone gore a ye mahlong a tšhuta nabo. Ke mo ba šele ba kolobetsiwwe! Tsowa ke tse dingwana tsa dilo tso Jehova a nrufiyeng ka tsona ga kararo ya mengwaga ya gore ke yi fetsiye ke le Papua New Guinea.

Mo ke soko tloga Coron ka 1978, ke yye ka gahlana le sesi wa go bafala, wa go sa konane wa gore ba re ke Adel. Ke mo go le mošupatsela wa nako ka moka wa gore ne a gudisa bana ka babedi, Samuel le Shirley. Ka nako yonone, ke mo a pasopa mmane wage wa gore o tsofele. Ka May 1981, ke boyele Philippines gore ke šadhe le Adel. Ka nthago ga gore re šadhe, re yye ra ba mašupatsela ya nako ka moka fote ra pasopa mutši wa rune ggoši.

Le mo nkare ne ke na le mutši, ka 1983, ba yye ba nkgeta gore ke be mošupatsela wa go hlawolega fote, ke mokane ba re ke ye ga poleke ya go dukuluga ke meetši ya Linapacan, ya gore yi ga poleke ya Palawan. Ka mokana ga rune re yye ra rurela ga mutši wone wa gore ne wo le kgole ga gore ne go se na le Hlatse ka yyoši. Mmane wa Adel o yye a hlokofala mo go soko fela mongwaga. Mara, re yye ra karakara ka matla tšhomong, sosone se re gelepiye gore re sa kgongwele ka matla. Re yye ra thomisa go tšhuta Bhayibele le batho ba gore ne ba nyaka go tla megahlanong ya phutego, tsa gore ne di šele di nyaka re kraye Holo ya Mmušo ye nyana. Byalo, re yye ra tiyagela yona. Ka nthago ga kararo ya mengwaga re le Linapacan, di re jabodisiye ka matla mo re bona 110 ya batho ba tla Segopotsong, fote ba go tlala ba bona ba yye ba kolobetsiwa.

Ka 1986, ba yye ba re ke ye Culion, poleke ya go dukuluga ke meetši ya gore ne yi na le batho ba go ba le bolwele bya go jega dinama bya gore ba re ke lephera. Ka nthago ga hone, Adel le yene ba yye ba maka gore a be mošupatsela wa go hlawolega. Mathomisong, ke mo re tšhaba go tšhomayelela batho ba gore ne ba kenne ke lephera. Mara batšhomayedi ba gana hone ba makiye gore dipelo tsa rune di dudisege mo ba re botsa gore bo ba gore ba kenne ke lephera ba krayye dihlare, ba ka sa re tshiletse. Ba bangwana ga bo ne ba kenne ke lephera ne ba tshwara megahlano mutšing wa mogageru ye mongwana wa mosadi. A di ya re tseya nako, ke mo re šele re sa sa na bothatha mo re tšhomayelela batho  bala ba gore ba kenne ke lephera, fote ne di jabodisa mo re bolabola le batho bala ba gore ne ba kwa nkare Modimo le batho a ba sa yi kena ya bona, re ba botsa ka tshepo yo re nang nayo ya ka Bhayibeleng. Ne di jabodisa stereka mo batho ba gore ne ba lwala ka matla ba jabola mo ba tšhuta gore tšatšenngwana ba ka fo phelega ba sa sa lwala.—Luk. 5:​12, 13.

Go yye gwa makega ying ka bana ba rune ku Culion? Nna le Adel re yye ra mema magageru ya basadi ya gore ma sa gola ka mabedi ya go tšwa Coron gore bana ba rune ba tijabodise le batho ba gabutši. Samuel, Shirley, le magageru yane ya basadi ya gore ma sa gola ba jabodisiye ke go gelepa bana ba ku tšhomong gore ba tšhute nnete, nna le Adel ne re tšhuta le babelegi ba bana bone. Gabutšibutši, go na le nako ya gore ne re tšhuta le 11 ya mitši. Mo go soko feta nako ya go tlala, ne re šele re tšhuta Bhayibele le batho ba gore ne ba nghanelana le Jehova ba gore ba kgonne go thoma phutego ya nyuwane!

Mathomisong, mogolo ne go fo ba nna ke le ntoši gana hone. Byalo, ofisi ya lekala yi nkgopele gore ke tshware megahlano ya beke ye nngwana le ye nngwana ke wo tshwarela mabala ya batšhomayedi ku Culion fote ne ke maka ka mokgonone ga mutši wa Marily wa gore ne wo na le nkokwane ya batšhomayedi, ga gore ne di ntseya kararo ya diawara gore ke segele ke berekisa sekepe. Ka nthago ga megahlano gana hone, re le mutši, ke mo re tseya nako ya go lefa re feta ga poleke ya gore yi tlele dithaba gore re ye tšhuta Bhayibele le batho ba mutši wa Halsey.

Batho ba go tlala ba yye ba tla ka phutegong ku Marily le ku Halsey ga gore re yye ra fetsa re yagiye Diholo tsa Mmušo ga dipoleke tsone. Go fo tshwana le hala Linapacan, magageru le bo ba go jabolela ditaba tsa go bafala ba neyele ka dilo tsa go tlala ba boya ba gelepa ka go yaga. Ga Holo ya ku Marily ne go kena 200 ya batho fote ne di le lula gore ba yi gudise, sosone ne se maka gore re kgone go ba le megahlano ye mogolonyana gana hone.

Ka 1993 mo bana ba rune ba šele ba gudiye, nna le Adel re yye ra thomisa go potuluga hala Philippines. Ke mokane ka 2000, ke yye Sekolong sa go Tšhutisa Malata gore ba ntšhutise gore le nna ke thogo tšhutisa ba bangwana ga sekolo sone. Ne ke fo bona nkare a di ntshwanele gore nka tšhutisa hone sekolong, mara Adel ne a dula a ntiyisa. O n’gopotsiye gore Jehova o nyoko nneya matšhika gore ke thogo maka  mmereko waka wa nyuwane. (Mafil. 4:13) Adel ne a di tšiba gore Modimo o nyoko maka ka mokgonone ka taba la gore le yene ne a maka mmereko wage wa nyuwane le mo a kene a sa phelega gabutši.

Ka 2006 mo nkene ke tšhutisa hone, ba yye ba kraya gore Adel o na le bolwele bya gore ba re ke Parkinson. Ne re makele ka matla! Nakwela ke re re lisetse mmereko wa rune gore ke thogo mo pasopa, Adel o yitseri, “Ke kgopela o kraye togotela ya gore yi nyoko n’gelepa ka bolwele byowa, fote ke ya di tšiba gore Jehova o nyoko re gelepa ka mmereko wa rune.” Go fediye kobodi ya mengwaga Adel a kene a makela Jehova mmereko fote a sa kokole. Mo a sa sa kgona go sepela, ke mo a tšhomayela a ke ne a duli gedimo ga wheelchair. Hala a sa sa kgona go bolabola gabutši, ne a hlaya lentsu ka lloši kela ka mabedi mo a fetola megahlanong. Go segela a hlokofala ka 2013, magageru ya go tlala ne ma kene ma romela Adel melayetsa ya go fo mo leboga gore ke mošupetso wa gabutši wa go tiyisela. Ke fetsiye mengwaga ya go teya ka ku ga 30 ke na le Adel, mosadi waka wa go tshepega wa gore fote wa nyakanana, byalo mo a hlokofala ke yye ka thomisa go kgongwela le go teya ke bodutu fote.

Adel ne a nyaka gore ke ye mahlong ka mmereko waka, ke f’lo maka ka mokgonone. Ne ke dula ke tshwaregiye ka se sengwana, tsotsone di n’gelepiye gore ke sa sa teya ke bodutu ka matla. Go tlugisela ka 2014 go segela ka 2017, ba kgopele gore ke ye ga diphutego tsa go bolabola Setagalog ga dinaga tsa gore mmereko wa rune ne ba wo rakele. Ka nthago ga hone, ke vakašele diphutego tsa go bolabola Setagalog hala Taiwan, United States, le Canada. Ka 2019, ne ke tšhutisa ga tlelase ya Sekgowa ya Sekolo sa Batšhomayedi ba Mmušo ku India le Thailand. Mebereko yowa ka mokana ga yona yi makiye gore ke jabole. Di jabodisa ka matla mo ke berekela Jehova.

Ga mmereko wo mongwana le wo mongwana wa nyuwane, ne ke šutela thina ka matla le magageru ya gore ne ke gahlana nawo, byalo ne di se lula gore ke ma šiye. Ka dinako tsotsone, ke tšhutiye gore ke nape ke tshepela ga Jehova. Ne ke dula ke di bona gore ke mo a mpasopa, tsone di n’gelepiye gore ke thogo yamogela mo dilo di tšhentšha. Gana byalo, ke mošupatsela wa go hlawolega hala Philippines. Ke dudisegiye ga phutego yaka ya nyuwane, ya gore yi n’gelepa ka matla. Fote ke ya jabola mo ke bona Samuel le Shirley ba yekisela tumelo ya mmana bona.—3 Joh. 4.

Nnete ke gore ke gahlanne le dilo tsa go tlala tsa go n’ghula, gana hone go kena le taba ya go bona mosadi waka wa gore ke mo nyaka ka matla a hlupega go segela a kgwa ka taba la bolwele bya go baba. Fote ne di nyaka ke yamogele seyemo saka mo se tšhentšha. Mara ke di bonne gore Jehova “o thina le ye mongwana ke ye mongwana wa rune.” (Meber. 17:27) Letsogo la Jehova a “yi le le kopana” gore a ka šitega go gelepa le go tiyisa malata yage, le mo ba le ga dipoleke tsa gore di kgole. (Jes. 59:1) Jehova, yene Letlapa laka, ne a na le nna mo nkene ke phela, fote ke ya mo leboga. A sanka ka ba ntoši.