1. Ke ntaba di se lula go tšiba gore mo motho a re o go tshwarele o rela ying?

 “KE YA GO TSHWARELA.” Mantsu yane ma kgomoletsana ka matla, ka matlamatla mo nkare o hlayye kela wa maka selo sa gore se kwisiye ye mongwana go baba! Mara mantsu yawa ya gore “ke ya go tshwarela” gabutšibutši ma rela gore king? Ayitsano motho ye o mo kwisiyeng go baba o sa hlaya gore le sa le mong banghananghana? Kela o fo ba a sa sa nyaka le bolabola ka taba yone? Batho ba bangwana mo ba re ba go tshwarele tsotsone di ba di bolabolela dilo tsa go tlala.

 2. Mokgwa wo Jehova a tshwarelanang ba wo hlatodiye byang ka ho Mangwalong? (Lebelela le setwaba.)

² Ka mokgo Jehova a re tshwarelang ka gona rune batho ba gore a re ya yenela, go fapana kgole le ka mokgo runebeng re tshwarelanang ka gona. A go na motho wa go tshwarelana go tshwana le Jehova. Mopisalema mo a bolabola ka Jehova o yitseri: “Wene o tshwarelana tsa mannete, gore o šale o hlompiwa.” a (Pis. 130:4) Eya, mo Jehova a tshwarelana, o “tshwarelana tsa mannete.” Ke yene a re šupetsang gore mo ba re go tshwarelana ba ra ying. Ga ditemanyana tse dingwana ga mangwalo ya Seheberu, bo ba ngwadiyeng Bhayibele ba hlatolla ka mokgo Jehova a tshwarelanang ka gona ba berekisa lentsu la gore ba ka sa tsoge ba le berekisiye ba rela batho.

 3. Mokgwa wo Jehova a tshwarelanang wo fapana byang le wa rune? (Jesaya 55:​6, 7)

³ Mo Jehova a tshwarela motho, tso motho yene a di sinnyeng di ya sudiwa tsa nkare a sanka dya ba gona. Re ka di kgona go ba  le senghana sa thina ka matla le Jehova. Re yi leboga re sa fetsi taba ya gore Jehova o dula a re tshwarela.—Bala Jesaya 55:​6, 7.

 4. Jehova o re gelepa byang gore re thogo kwisisa gore go tshwarelana ga mannete go rela ying?

⁴ Mo nkare Jehova aa tshwarelane ka mokgo batho ba makang ka gona, rune batho ba gore a re ya yenela re ka di kwisisa byang tso go tshwarelana ga mannete go relang tsona? Jehova o berekisa mešupetso ya gabutši gore a thogo re gelepa gore re kwisise gore o tshwarelana byang. Ga hlogotaba yowa re nyoko lebelela ye mengwana ya yona. Re nyoko di bona gore mo re tisola, Jehova o sula tso re di sinnyeng ke mokane a re thulela lešuba la gore re lukise senghana sa gore ne se hlafolannye ke taba ya go sinya. Mo re kene re lebelela re sa yi takisi maahlo mešupetso yowa, re nyoko napa re mo leboga re sa fetsi ga Papa wa rune wa gore o kwelana go baba, yene wa gore o re tshwarela ka mekgwa ya go tlala.

JEHOVA O TLOSA TSO RE DI SINNYENG

 5. Go makega ying mo Jehova a re tshwarela ga tso re di sinnyeng?

⁵ Ka ho Bhayibeleng, tso re di sinnyeng ba di tshwanisa le merwalo ya go roba. Kgoši Dafita o hlatolla tso a di sinnyeng ka gore: “Tso ke kekemisiyeng ga tsona di tlele ka matla; go tshwana le morwalo wa go roba, a ke kgone le go di rwala ka taba la gore di tlele ka matla.” (Pis. 38:4) Mara Jehova o tshwarela bo ba gore baa sinya ga tso ba di sinnyeng. (Pis. 25:18; 32:5) Lentsu la Seheberu la gore ba le hlatolliye go le “go tshwarela” le rela “go kakola” kela “go rwala.” Re ka fo tseya Jehova go le sekokotla sa gore se re rola tso re di sinnyeng tsa go re roba ke mokane a di tlatega ku kgole le rune.

 6. Jehova o di tlatega go segela kaye tso re di sinnyeng?

⁶ Bhayibele yi berekisa mošupetso wo mongwana wa go šupetsa gore Jehova o di tlatega ku kgole tso re di sinnyeng. Pisalema 103:12 yi re botsa gore: “Go fo tshwana le mo bohlabela bo le kgole le bodikela, le rune tso re di kekemisiyeng o di tlategiye ku kgole.” Bohlabela bo kgole ka matla le bodikela. Dilo tsowa ka dipedi di ka sa tsoge di gahlanne. Re ka fo re tso re di sinnyeng, Jehova o di lahlela ku kgole ga gore di ka sa sa gopolega. Phela sowa se napa se tempela gore Jehova wa re tshwarela!

 7. Bhayibele yi re Jehova o maka ying ka tso re di sinnyeng? (Mmika 7:​18, 19)

⁷ Le mo Jehova a lahlela tso re di sinnyeng ku kgole ka mokgwa wa go fo tshwanisela, ayitsano o dulela go di gopola? Dho. Kgoši Hezekiya mo a bolabola ka Jehova o ngwadiye gore: “Tso ke di sinnyeng ka mokana ga tsona, wene o di bošele ga gore o ka sa sa di gopola.” Kela ka mokgo setwaba se yi beyang ka gona, “o tlusiye tso ke di sinnyeng ka mokana ga tsona ho mahlong gago.” (Jes. 38:​9, 17) Sowa se rela gore Jehova o lahlela kgole tso motho wa gore wa tisola a di sinnyeng ke mokane a sa sa di lebelela fote. Taba yowa yi ka beyiwa ka mokgo: “Wene o makiye gore [tso ke di sinnyeng] di fo ba nkare a sanka dya makega.” Bhayibele yi ya mahlong yi šihlela taba yowa ga mošupetso wo mongwana wa gore wo ga Mmika 7:​18, 19. (Bala.) Ditemanyana tsone di hlaya gore Jehova o bošela tso re di sinnyeng ku tengteng ga lewatle. Ku botala, ne ba ka sa kgone go bona selo sa gore ba se bošele ku tengteng ga lewatle.

 8. Re tšhutiye ying go segela gana byalo?

⁸ Bhayibele yi di beya lekgwaying gore mo Jehova a re tshwarela, o tlosa tso re di sinnyeng a sa šiyi le mong mawudu gore re sa šale re kikita ke lekwalo. Dafita o yitseri, “go jabola bo ba gore ba tshwarediwwe ga dilo tso ba di makiyeng tsa go sa sipidisane le molawo le tso ba di sinnyeng; go jabola motho wa gore Jehova aa fo dula a naganne ka dilo tso a di sinnyeng.” (Marom. 4:​7, 8) Phela mo re bolabola ka go  tshwarediwa tsa mannete re ba re bolabola ka tsotsone!

JEHOVA O SULA TSO RE DI SINNYENG

 9. Bhayibele yi re gelepa byang gore re thogo di bona gore Jehova o re tshwarela mong go re tshwarela?

⁹ Jehova o berekisa mešupetso ye mengwana gore a thogo re gelepa gore re leboge taba ya gore o sula tso di sinnyeng ke bo ba gore ba sokologiye a berekisa sehlabelo sa go lepolla. Mo re fo tshwanisela nje, mowa ba bolabola ka Jehova a hlatswa a boya a supula tso re di sinnyeng. Tsotsone di maka gore bo ba go sinya ba šale ba yitseri paa. (Pis. 51:7; Jes. 4:4; Jer. 33:8) Mo Jehova a bolabola ka maphomela ya gona, o re: “Le mo tso le di sinnyeng di ka kgubala go tshwana le madi, di nyoko tšhwewufala go tshwana le kapoko; le mo go le tse dikhubedu go tshwana le llapi la go kgubala nkare ke madi, di nyoko tshwana le wulu.” (Jes. 1:18) Ke mmereko wo mogolo ka matla go tlosa letsoku kela bokhubedu bya nkare ke madi ga llapi. Mara Jehova o berekisa mošupetso wowa go fo re šupetsa gore tso re di sinnyeng di ka hlatswiwa dya šala di sa sa bonala.

10. Bhayibele yi hlatolla byang mokgwa wo Jehova a re tshwarelang ka wona?

¹⁰ Go fo ya ka mokgo ba hlayyeng ga hlogotaba ya go fela, re ka tshwanisa tso re di sinnyeng le “dikoloto.” (Mat. 6:12; Luk. 11:4) Byalo, ka moka nako mo re sinyela Jehova, di fo ba nkare re teya mowalawala re logela dikolotong. Phela re mo kolota mong lebotha wa tšiba! Mara mo Jehova a re tshwarela, di ba nkare o sula sekoloto sone re mo kolotang. Tsa go sinya tso a šeleng a re tshwarele ga tsona aa sa nyaka re mo patela. Ye lune, phela mošupetso wowa wo napa wo maka gore re tikwe re yitseri ekgu mo Jehova a re tshwarela!

11. Bhayibele yi ra gore king mo yi re tso re di sinnyeng baa di ‘sula’? (Mebereko 3:19)

¹¹ Jehova aa fo sula dikoloto tsa rune kela tso re di sinnyeng, mara o napa a ro di tlosa di sa sa ba gona. (Bala Mebereko 3:19.) Mo re beyisa, nagana mo ye mongwana a thala molayini ga tšheleta yo o yi kolotang. Batho ba ka kgona go bona tso di ngwadiwweng ka tlase ga molayini wone. Mara tsotsone a di tshwane le mo o sula. Gore re thogo kwisisa mošupetso wowa, di nyaka re sa lebale gore inki yo batho ne ba yi berekisa ku botala ke mo di le lula go yi tlosa ka meetši. Motho ke mo a ka tseya sepontši sa gore se kolobiye ke mokane a sula tso ba di ngwadiyeng. Byalo, mo tso re di kolotang ba di ‘sula,’ di ka sa sa ba gona. Batho ba ka sa kgone go bona tso ne di ngwadiwwe. Di ba nkare a sanka gwa ba le sekoloto sone. Di re jabodisa ka matla go di tšiba gore mo Jehova a re tshwarela, di ba nkare a sanka dya makega!—Pis. 51:9.

12. King so re se tšhutang ga mošupetso wa maru ya gore ma tlemme?

¹² Go na le mokgwa wo mongwana wo wo hlatollang ka mokgo Jehova a re tshwarelang lela la go napa a ro sula tso re di sinnyeng. O yitseri: “Ke nyoko sula tsa go befa tso le di makiyeng go tshwana le mo ke di kogetsa ka liru fote tso le di sinnyeng dya bonala nkare ke di kogetsiye ka maru ya gore ma tlemme.” (Jes. 44:22) Mo Jehova a re tshwarela, di ba nkare maru ya gore ma tlemme ma kogetsa tso re di sinnyeng gore re sa sa di bona le yene a sa sa di bona.

13. Re tikwa byang mo Jehova a re tshwarela ga tso re di sinnyeng?

¹³ Mešupetso yowa yi re tšhutisa ying? Mo Jehova a re tshwarela ga tso re di sinnyeng, a di nyake re fo dula re kokoropanne re kikita ke lekwalo. Sehlabelo sa Jeso se napiye se patelela tso re di sinnyeng. Phela le gore re yye ra sinya, a di sa bonala. Mo re tisola ka taba la tso re di sinnyeng, wowa ke mokgwa wa gore Jehova wa wo berekisa gore a thogo re tshwarela.

 JEHOVA O RE YAMOGELA GORE RE BE BANGHANA BAGE FOTE

14. Ke ntaba re ka di tshepa gore Jehova o nyoko re tshwarela? (Lebelela le dithombhe.)

¹⁴ Mo Jehova a re tshwarela tsa mannete, tsotsone di maka gore re be le senghana sa gabutši naye. Phela tsotsone di re gelepa gore o sa kraye re kikita ke lekwalo. A di nyake re tšhoga gore Jehova o re tshwere ka pelo fote o nyakana le mokgwa wa go re wolola. Tsone di ka sa tsoge di makegiye. Ke ntaba re ka mo tshepa ga Jehova mo a re o re tshwarele? Jehova o butsiye Jeremiya wa go porofeta gore: “Ke nyoko ba tshwarela ga tso ba sa di makang gabutši, fote nka sa sa gopola tso ba di sinnyeng.” (Jer. 31:34) Pawulo wa lepostola ne a bolabola ka mantsu yawa nakwela a re: “Ke nyoko lebala ka tso ba di sinnyeng.” (Maheb. 8:12) Mara ne a ra gore king?

15. Ba ra gore king mo ba re Jehova aa sa gopola tso re di sinnyeng?

¹⁵ Ka ho Bhayibeleng, lentsu lowa la gore “gopola” a le dule le rela mo motho a nagana ka selo sa gore se makegiye botala. Mara le ka rela ga motho wa gore o maka se sengwana. Sekgohlane sela sa gore ne ba se kokotele phateng thina le Jeso se kgopele gore: “Jeso, o [‘n’gopole,’ NWT] mo o kena Mmušong wago.” (Luk. 23:​42, 43) Ke mo se kgopela Jeso gore a se makele se sengwana ka nako yonone. Tso Jeso a di hlayyeng di šupetsa gore o nyoko maka se sengwana gore a tsose sekgohlane sone. Byalo, mo Jehova a re aa sa gopola tso re di sinnyeng, o rela gore a ka sa re jumi, a re wolola re sa nagana. A ka sa re wolole ku mahlong ka taba la tso re di sinnyeng tsa gore o šele a re tshwarele ga tsona.

16. Bhayibele yi hlaya gore re tshwana le ying?

¹⁶ Bhayibele yi berekisa mošupetso wo mongwana go re gelepa gore re thogo kwisisa go lokologa ga gore re go kraya ka taba la go tshwarediwa ga mannete. Yi hlaya gore ka taba la gore ke rune batho ba go sa yenela, re tshwana le “mabhantiti ya tso tsa go sinya.” Mara mo Jehova a re tshwarela, re tshwana le lebhantiti  la gore ba le “lokolliye ga tso tsa go sinya.” (Marom. 6:​17, 18; Kut. 1:5) Mo re di tšiba gore Jehova o re tshwarele, re ka jabola go tshwana le lebhantiti la gore ba le lokolliye.

17. Go tshwarediwa go maka gore motho a yalafege ka mokgo mang? (Jesaya 53:5)

¹⁷ Bala Jesaya 53:5. Bhayibele yi re ka taba la gore re ya sinya, re tshwana le batho ba gore ba kenne ke bolwele bya go bolaya. Ka taba la sehlabelo sa go re lepolla sa gore Jehova o re makele sona a berekisa Morwayi wage, di fo ba nkare o re yalafiye. (1 Pet. 2:24) Go lepolliwa go maka gore re thogo lukisa senghana sa rune le Jehova, sa gore ke mo se kwalele mong go kwalela. Go fo tshwana le mo motho wa gore o fodiye ga bolwele bya gore bya bolaya a jabola stereka, le rune di re jabodisa ka matla mo senghana sa rune le Jehova se hlakarele a boya a re yamogela fote.

MO JEHOVA A RE TSHWARELA, TSOTSONE DI RE BEREKELA KA MOKGO MANG?

18. Re tšhutiye ying ga mešupetso ya go bolabola ka taba ya gore Jehova wa tshwarelana? (Lebelela le lebhokisi la gore “Jehova o re Tshwarela ka Mokgo Mang?”)

¹⁸ King tso re di tšhutiyeng ga mešupetso ya go bolabola ka taba ya gore Jehova wa tshwarelana? Mo Jehova a re tshwarela, di ba nkare a sanka ra sinya fote a re kamake gore a ka sa tsoge a re wolodiye ka taba la tso re di sinnyeng botala. Tsotsone di rela gore re ka ba le senghana sa gabutši le Papa wa rune wa ku legedimong. Fote a re lebale gore go tshwarelana ga mannete ke selo sa gore ba re neyye sona. Jehova o re neyye sona ka gore wa nyakanana fote o kwelana go baba, tsotsone o di makela batho ba gore baa sinya. A yi selo sa gore batho ba ka se nyaka ka tšhinghi.—Marom. 3:24.

19. (a) King so re tshwaneleng re se leboge re sa fetsi? (Maroma 4:8) (b) Re nyoko petapeta ka ying ga hlogotaba ya go latela?

¹⁹ Bala Maroma 4:8. Di re jabodisa ka matla gore Jehova ke Modimo wa go “nyakanana tsa mannete”! (Pis. 130:4) Mara, mo nkare re nyaka Jehova a re tshwarela, di nyaka re make selo se sengwana se segolo. Jeso o hlayye gore: “Mo le tshwarela bo ba le sinyeleng, le Papa wa lune wa ku magedimong o nyoko le tshwarela.” (Mat. 6:​14, 15) Byalo, di nyaka re yekisele Jehova ke mokane re tshwarele ba bangwana. Mara re ka di maka byang tsotsone? Hlogotaba ya go latela yi nyoko re šupetsa gore re ka di maka byang tsotsone.