1-2. Mo basadi ba segela ku lebitleng la Jeso, lengeloyi le ba botsa ying fote Jeso o yitseri ba ye kaye?

GO SA le ka phu, ka di 16 tsa Nisani 33 C.E. Ke mo go šele go fitiye letšatši le sekopa go bolokiwwe setopo sa Morena Jeso Kreste, mogoba wa basadi ba gore ga Modimo ba mo hlompa ka matla, ba ya lebitleng lage ka dipelo tsa go baba. Ke mo ba yye lebitleng lone gore ba thogo tlotsa setopo sa Jeso ka dilo tsa go maka gore se sa yakgoswe se bola, le go se tlotsa ka makgura ya go nkgela, mara mo ba segela, ba makatsiye ke gore ka hone lebitleng go f’lo re nghwee! Lengeloyi le botsa malata yane ya basadi gore, Jeso o tsusiwwe, ke mokane la tokegela ka gore: “Gana byalo, o le yeta mahlong o ya Galeliya. Le ko mmona gana ku.”—Mat. 28:1-7; Luk. 23:56 le 24:10.

² Mo basadi bone ba šele ba tlugiye mone lebitleng, Jeso wa ba hlakanetsa, ke mokane o ba botsa gore: “Byalo, botsaneng bobhuti waka gore ba ye Galeliya, ke mokane ba ko mpona gana ku.” (Mat. 28:10) Selo sa mathomo so Jeso a se makiyeng mo a sa tšwa go tsusiwa, ke gore a hlakane le malata yage, sosone se šupetsa gore ke mo go na le tso a nyakang go ma botsa tsona, tsa gore ne a nyaka ma di tseyela hlogong!

3-4. Ke ntaba re ka re so se bolabodiwang mo ga Matewu 28:19, 20 ke mo se sa yi ga mapostola ma ntoši? (Lebelela sethombhe sa ka tawong.)

³ Bala Matewu 28:16-20. Mo Jeso a gahlanne le malata yage, o ma butsiye ka mmereko wo ma tshwaneleng ma wo make, mmereko wone, le rune re kene re ya mahlong re wo maka. Jeso o yitseri: “Byalo, ariyeneng le ye maka batho ba ditšhaba ka mokana ga tsona  gore go be malata, . . . le ba tšhutise go latelela dilo ka mokana ga tsona tso ke le butsiyeng tsona.”

⁴ Jeso o nyaka gore bo ba mo latelelang ba tšhomayele. Taba yone ya go tšhomayela ke mo a sa re yi make ke 11 ya mapostola yage ya go tshepega fela. Re di tšiba byang tsotsone? Ayitsano ke mo go na le mapostola fela ku thabeng ya Galeliya, nakwela Jeso a bolabola gore go makiwe batho malata? O sa lebale so lengeloyi le se butsiyeng basadi bala sa gore: ‘Le  ko mmona gana ku Galeliya.’ Byalo di ka makega gore le basadi ba go tshepega ne ba le gona ga mogahlano wone. Mara ke mo go se bona fela. Pawulo wa lepostola o bolabodiye gore Jeso o yye a “nyarela ga magageru ya go teya ka ku ga 500 ka nako ka yyoši.” (1 Makor. 15:6) Kaye?

5. Re tšhuta ying ga 1 Makorente 15:6?

⁵ Re ko ba re sa pumutse mo re tseya gore Pawulo ke mo a naganne ka mogahlano wa ku Galeliya, wo go bolabodiwang ka wona mo ga Matewu tema 28. Ke ntaba re reyano? Sa mathomo, malata ya Jeso ya go tlala ke mo go le Magaleliya. Byalo, go gahlanela thabeng ya ku Galeliya ke mo go le kawone ka matla, go phala go gahlanela mutšing wa motho ye mongwana ku Jerusalema, ka taba la gore batho ke mo ba tlele. Sa bobedi, Jeso ke mo a šele a gahlanne le 11 ya mapostola, ga mutši wa ye mongwana ku Jerusalema. Mo nkare Jeso ke mo a nyaka gore taba yo ya go tšhomayela le ya go maka batho malata go be ya mapostola yage fela, nke a makiye ka mokgonone ku Jerusalema, nke a sa kgopela malata yage, basadi bala le batho ba bangwana gore ba gahlane naye ku Galeliya.—Luk. 24:33, 36.

6. Matewu 28:20 yi šupetsa byang gore taba yowa ya go maka batho gore go be malata ya bereka le lekgono, fote yi makiwa go segela kaye?

⁶ Selo sa boraro so re tshwaneleng re se tseyele hlogong ke sowa. Taba ya go maka batho gore go be malata yo Jeso a bolabodiyeng ka yona a ya felela ga Makreste ya dinako tsa mapostola. Re di tšiba byang tsotsone? Mo Jeso a šele a kwala taba yage, o butsiye bo ba mo latelelang gore: “Ke na le lune ka moka matšatši go segela mafelelong ya masipidiselo yawa ya dilo.” (Mat. 28:20) Ye lune, tso Jeso a di bolabodiyeng di fo re kwatla, le lekgono lowa, mmereko wa go maka batho gore go be malata wo makiwa lefase ka mokana ga lona. O fo nagana nje! Batho ba go teya gana hala ga bo 300 000 mongwaga wo mongwana le wo mongwana baa kolobetsiwa gore go be Dihlatse tsa Jehova fote ba boya ba ba malata ya Jeso Kreste!

7. Re nyoko bolabola ka ying gana byalo fote ke ntaba?

⁷ Ba go tlala bo ba balang Baebele ba feleletsa ba kolobetsiwwe. Mara, ba bangwana bo re balang nabo Baebele ba tšhaba go ba malata. Ba fo jabodisa ke go tšhuta Baebele, mara a ba thogathoge gore ba thogo kolobetsiwa. Mo o na le ye o balang naye Baebele, a re kamake gore o nyaka go mo gelepa gore a berekise dilo tso a di tšhutang ke mokane a feleletse go le lelata la Kreste. Hlogotaba yowa, yi nyoko bolabola ka taba ya ka mokgo re ka segelelang pelo ya ye re balang naye Baebele, le gore re ka mo gelepa byang gore a kwane le tso tsa Modimo. Ke ntaba di nyaka re bolabole ka taba yowa? Ka taba la gore nakwenngwana go ka makega gore re segelele sepheto sa gore re lesetse go bala le motho yene kela re ye mahlong.

8. Ke ntaba di se lula go tikisa pelo?

⁸ Jehova o nyaka gore batho ba mmerekele ka taba la gore ba mo nyaka tsa mannete. Byalo so re nyakang go se segelela ke go gelepa bo re balang nabo gore ba kwisise gore Jehova o hlupega ka bona fote o ba nyaka ka matla. Re nyaka go ba gelepa gore ba tseye Jehova go le “papa wa ditšhuwana, fote o tšhireletsa basadi ba gore ba kgwele ke banna.” (Pis. 68:5) Mo bo o balang nabo Baebele ba thomisa go di bona gore Modimo o ba nyaka ka matla, sosone se nyoko ba tikisa dipelo, ke mokane le bona ba nyoko kwa ba mo nyaka ka matla ga Modimo. Ba bangwana bo o balang nabo Baebele di ka ba thathafela go tseya Jehova go le Papa wa bona wa go ba nyaka ka matla, ka taba la gore bopapa ba bona ba šitegiye go ba šupetsa gore ba ba nyaka ka matla le go ba kwela. (2 Thim.  3:1, 3) Mo o kene o bala le motho, šihlela mekgwa ya Jehova ya go jabodisa. Gelepa bo o balang nabo go kwisisa gore Modimo wa go re nyaka ka matla, o nyaka gore ba kraye lephelo la go ya go yye fote o tikemisele go ba gelepa gore ba le kraye. Se sengwana so re ka se makang king?

9-10. Di nyaka re berekise dipuku difeng mo re balela batho fote ke ntaba go le tsona tso go nyakang re di berekisa?

⁹ Berekisa puku ya “Anthe Mara Baebele yi re Tšhutisa Ying?” le ya “Tso re ka di Makang Gore Modimo a Dule a re Nyaka.” Dipuku tsone di makiwwe ka mokgwa wa gore di thogo re gelepa gore re tikise dipelo tsa bo re balang nabo. Mo re beyisa, tema ya mathomo ya puku ya Anthe Mara Baebele yi re Tšhutisa Ying? yi fetola diputsiso tsowa: Ayitsano Modimo wa tihlupa ka rune kela o na le lešidi?, Ayitsano Modimo di ya mo kokona ho batho ba hlupega? le gore Ayitsano di ya kgonega gore o be monghana wa Jehova? Go tokegela gana hone, go na le puku ya Tso re ka di Makang Gore Modimo a Dule a re Nyaka. Puku yowa, yi gelepa ye o balang naye gore a kwisise ka mokgo a tshwaneleng go berekisa ditšhiko tsa ka ho Baebeleng gore a be le lephelo la gabutši fote senghane sage le Jehova se tiye. Le mo o šele o badiye le ba bangwana dipuku tsowa, di gabutši gore o boye o  lukiselele gabutši mo o nyoko ya gwe tšhutisa motho ye mongwana Baebele, o kene o naganne ka dilo tso o nyakang go mo gelepa ga tsona.

¹⁰ Di ka makega gore ye o balang naye a nyake go tšiba ka taba ye nngwana ya gore a yi šiyo ga dilo tso di leng ga Lebhokisi la go Tšhutisa. O ka fo mo hlohletsela gore a tipalele puku yone, gore o thogo ya mahlong o bala naye o berekisa dipuku tso re di berekisang mo re balela batho Baebele.

11. Re ka thomisa leng go bula le go kwala ka thapelo fote o ka yi thoma byang taba yone?

¹¹ Thoma ka go rapela mo le šele le nyoko bala. Nnete ke gore di gabutši ka matla gore o yakgoswe o tšhela taba ya go bula le go kwala ka thapelo, o ka maka ka mokgonone ga mabekenyana ya mathomo ka nthago ga mo le kwanne gore le ko ya mahlong le kene le bala ggoši. Re nyaka go gelepa ye re balang naye gore a di bone gore re thogo kwisisa Lentsu la Modimo mo re gelepa ke moya wa Modimo. Mo batšhomayedi ba bangwana ba nyaka go tšhela taba yowa ya go bula le go kwala ka thapelo, ba thoma ka go bala Jakobo 1:5 ya gore yi re: “Mo nkare go na le ye a nyakang go hlalefa, a ye mahlong a kene a kgopela Modimo.” Ke mokane motšhomayedi o butsisa ye a balang naye gore, “Re ka kgopela Modimo byang gore a re hlalefise?” Ga go tlala ye o balang naye a ka fetola ka gore di nyaka re rapele Modimo.

12. O ka berekisa Pisalema 139:2-4 byang go gelepa ye o balang naye gore a thogo lukisa hala le hala ga merapelo yage?

¹² Tšhutisa ye o balang naye gore a rapele ka mokgo mang. Mmotse gore Jehova wa di nyaka go kwa merapelo yage ya go tšwa pelong. Mo re rapela re le ntoši re thogo botsa Jehova tso di leng ho dipelong tsa rune, re mmotsa ka mokgo re tikwang kela dilo tsa gore re ka fo kraya re kamaka go di botsa motho ye mongwana. Nnete ke gore Jehova o šele a tšiba tso re di naganneng. (Bala Pisalema 139:2-4.) Fote re ka hlohletsela ye re balang naye gore a kgopele Modimo gore a mo gelepe gore a tšhentšhe dilo tso a di naganang tsa go sa loka le go lesetsa mekgwa ya gore a yi yona. Mo re beyisa, tla re fo re ye mongwana wa gore ke botala a kene a tšhuta Baebele o kwana ka matla le matšatši ya gore ma thomme ga dikereke tsa matsaka. O di tšiba gabutši gore a di ya loka, mara o maka tsotsone ka taba la gore o kwana le dilo tse dingwana tso di makiwang ka letšatši lone. Mo hlohletsele gore a botse Jehova ka mokgo a tikwang ka gona fote a mo kgopele gore a mo gelepe gore a kwane ka matla le tso Modimo a di nyakang.—Pis. 97:10.

13. (a) Ke ntaba di nyaka re sa jikajiki go mema bo re balang nabo Baebele gore ba tle mogahlanong? (b) Re ka maka byang gore bo re balang nabo Baebele ba lokologe mo ba le Holong ya Mmušo?

¹³ O sa jikajiki go mema ye o mmalelang Baebele gore a tle mogahlanong. Dilo tso ye o balang naye Baebele a di kwang a boya a di bona megahlanong ya Sekreste, di ka mo tikisa pelo, tsa mo gelepa gore a ye mahlong a tšhuta. Mo šupetse vidiyo ya gore Go Makega Ying ka Holong ya Mmušo? ke mokane o kgopele gore a ye nago. Kela o ka mmotsa gore o ko mo gelepa ka sa go kalama mo di ka kgonega. Di gabutši ka matla gore o sa fo dula o sepela le motšhomayedi ka wweši, di nyaka o ba tšhentšhatšhentšhe mo o ya ga ye o balang naye. Mo o maka tsotsone, ye o balang naye o nyoko tlwayelana le ba bangwana ka ho phutegong, fote o nyoko lokologa mo a tla megahlanong ya rune.

14. King so se ka hlohletselang ye o balang naye gore a gole ga tso tsa Modimo?

¹⁴ So re nyakang go se segelela ke go gelepa bo re balang nabo Baebele gore ba gole ga tso tsa Modimo. (Maef. 4:13) Mo motho a dumela go tšhuta Baebele, gabutšibutši o ba a nyaka go bona ka mokgo yi ka mmerekelang. Mo a thomisa go kwa a mo nyaka ka matla ga Jehova, o nyoko thoma go bona ka mokgo a ka gelepang ba bangwana, go tokegela le bo ba leng ka ho phutegong. (Mat. 22:37-39) Mo nako ya gabutši yi segela, o sa tšhabe go mmotsa ka taba ya moneyelo, wa gore wo gelepa mmereko wa rune wa go tšhomayela gore wo ye mahlong.

15. Re ka mo gelepa byang motho ye re balang naye gore a thogo tšiba so a tshwaneleng go se maka mo a gahlana le tsa go mo ghula?

 ¹⁵ Tšhutisa ye o balang naye gore a tšibe so a tshwaneleng go se maka mo a gahlana le tsa go mo ghula. Mo re beyisa, tla re fo re ye o balang naye Baebele, wa gore go šele go le motšhomayedi wa gore aa kolobetsiwa, o go botsa gore go na le ye a sa mo tshwarang gabutši ka ho phutegong. Mo šupetse so Baebele yi se bolabolang ka seyemo sone, go sa be le ye o yemang naye. A ka fo tshwarela mogageru yene, mo nkare a ka sa di kgone go fo lesetsa taba yone, di ko nyaka gore a bolabole le motho yene a bebiye fote a šupetsa gore so a nyakang go se segelela ke gore yene le ‘mogageru ba boyelane’. (Beyisa ka Matewu 18:15.) Gelepa ye o balang naye Baebele gore a lukiselele tso a nyoko di bolabolang. Mo tšhutise go berekisa JW Library^® app, Tlhahlo ya go Dira Nyakišišo ya Dihlatse tša Jehofa [Thulusi ya go Nyakolla ya Dihlatse tsa Jehova] le go kena ga wepsayete ya jw.org^® gore a thogo tšhuta ka mokgo a ka lukisang ditaba tsage. Mo a kene a tšhuta ka mokgo a ka lukisang mathatha yage a soko bane a kolobetsiwa, o ka sa kraye go le motho wa go fo dula a tubele ba bangwana ka ho phutegong.

16. Mo o ya le motšhomayedi ye mongwana ga ye o balang naye Baebele, tsotsone di ka gelepa ka ying?

¹⁶ Kgopela ba bangwana ka ho phutegong kela mopotulugi mo a vakašele phutego ya lune gore a ye nago ga ye o balang naye Baebele. Ke ntaba? Go tokegela ga tso re šeleng re bolabodiye ka tsona, batšhomayedi ba bangwana ba ka kgona go gelepa ye o balang naye Baebele ka dilo tse dingwana tso wene o ka sa kgoneng go mo gelepa ga tsona. Mo re beyisa, di ka makega gore ye o balang naye Baebele o leketsiye ga tleletlele go lesetsa go kgokga mara o fo šitega. Kgopela Hlatse ya gore yi kgonne go lesetsa mokgwa wone, ya gore le yona yi leketsiye ga tleletlele go lesetsa mara yi šitega, gore yi ye nago ga ye o balang naye Baebele. Mogageru yene, a ka thogo bolabola le ye o balang naye ka dilo tso di ka mo gelepang. Mo o bona nkare o ka sa lokologe go badisa ye o balang naye Baebele mo o na le mogageru wa gore ke segele ga taba ya go tšhutisa, o ka fo mo kgopela gore go be yene ye a mmadisang. Nako ye nngwana le ye nngwana mo o ya le magageru ye mongwana ga ye o balang naye Baebele, o ko di boneng gore go na le so a se tšhutang ga tso di makegeleng ba bangwana. O sa lebale gore so re nyakang go se segelela ke go gelepa ye o balang naye Baebele gore a tiyelele ga tso tsa Modimo.

17-18. Ke dilo difeng tso o tshwaneleng go di lebelela mo o soko bane o nagana go lesetsa go bala le motho?

¹⁷ Mo nkare ye o balang naye Baebele aa tšhentšhe maphelelo yage, di ka nyaka gore o tiputsise gore, ‘Ayitsano ke tshwanele ke lesetse go bala naye Baebele?’ Mo o kene o pombhola seyemo, di nyaka o sa lebale tso motho a kgonang go di maka. Ba bangwana baa di kgona go yakgoswa ba berekisa tso ba di tšhutang, mara ba bangwana di ba tseyela nako. Tiputsise gore: ‘Ayitsano ye ke balang naye o berekisa tso a di tšhutang go ya ka mokgo seyemo sage se mo dumelelang ka gona?’ ‘Ayitsano o šele a thomme “go maka,” kela go berekisa dilo tso a di tšhutang?’ (Mat. 28:20) Ye o  balang naye Baebele a ka fo sa yakgoswe a tšhentšha maphelelo yage, mara go tshwanele go bonale gore wa tšhentšha ga tse dingwana.

¹⁸ Byalo re nyoko maka byang mo go le botala re bala le motho mara a sa šupetse gore taba ya go tšhuta Baebele o yi tseyela hlogong? Tseya ka mošupetso ke wowa: Ye o balang naye Baebele o fetsiye go bala puku ya Anthe Mara Baebele yi re Tšhutisa Ying, kela o šele o thomme go bala puku ya, Tso re ka di Makang Gore Modimo a Dule a re Nyaka, mara aa soko bane a tla le ga mogahlano le ka wwoši kela Segopotsong! Fote o fo dula thisa gore le sa bale ka taba la dilo tsa go sa re selo. Mo nkare go sone, di nyaka o ro bolabola naye o sa jikajiki. *

19. O ka fo re king ga motho wa gore aa tseyele taba ya go tšhuta Baebele hlogong, fote ke dilo difeng tso o tshwaneleng go nagana ka tsona?

¹⁹ O ka fo thoma ka go mmutsisa gore, ‘O nagana gore king so se makang gore o šitege go ba Hlatse ya Jehova?’ Ye o balang naye Baebele a ka fetola ka gore, ‘Tsa go tšhuta a di nhlupi, mara nka sa be ye mongwana wa Dihlatse tsa Jehova!’ Mo nkare ke botala le kene le bala mara a sa fo tikwa ka mokgonone, nje di sa nyaka le ya mahlong le bala? Mara di ka makega gore ye o balang naye, a thome go bolabola tso di mo tshwereng gore a sa yi mahlong. Mo re beyisa, a ka fo ba a tikwa gore a ka sa di kgone tsa go tšhomayela ka mutši ka mutši. Ka taba la gore wene o šele o tšiba gore yene o tikwa byang, o ka kgona go mo gelepa.

20. Go kwisisa so Mebereko 13:48 yi se bolabolang, go ka re gelepa byang gore re thogo kgeta gore re ya mahlong re bala le motho kela re lesetse?

²⁰ Di kwisa go baba go bona gore ba bangwana bo re balang nabo Baebele ba tshwana le Maisrayele ya dinako tsa Hezekiyele. Jehova o bolabodiye ka bona a botsa Hezekiyele gore: “Lebelela! O tshwana le koša ya gore ba yi yepelelela batho ba gore ba nyakanana ka matla, ba yi yepelela ka lentsu la go bafala fote yi kganiwa gabutši ka matla ka selo sa nkare ke katara. Ba ko kwa mantsu yago, mara go ka sa be le ye a makang tso a di kwileng.” (Hezek. 33:32) Re ka kwa di roba go botsa motho gore re nyoko lesetsa go bala naye. Nnete ke gore “nako yo yi šeleng ke ye nyana.” (1 Makor. 7:29) A re nyake go ba re kene re sinya nako ya go tlala re bala le motho wa gore aa thogathoge, di nyaka re nyake ye mongwana wa go šupetsa gore o “tlalele gabutši ga tsa lephelo la go ya go yye.”—Bala Mebereko 13:48.

21. Temanyana ya mongwaga wa 2020 yi re king, fote yi nyoko re gelepa gore re make ying?

²¹ Temanyana ya mongwaga wa 2020 yi nyoko re gelepa gore re lokotše ka mokgo re makang mmereko wa rune wa go maka batho gore go be malata. Gana mone go kena le mantsu yala Jeso a ma bolabodiyeng ga mogahlano wela wa go sa lebalege, wa gore ke mo wo tshwarediwwe thabeng ya Galeliya, o yitseri: “Byalo, ariyeneng le ye maka batho gore go be malata . . . , le ba kolobetseneng.”—Mat. 28:19.