1-2. Malata ya Jehova ya go tlala ma gahlana le dilo tsa mošaga mang fote tsotsone di maka gore ma tikwe byang?

NAGANA ka dilo tsowa kararo ya tsona. Mogageru ye mongwana wa mosogana o tshwere ke bolwele bya gore o fo tikwa a lelemela. Mogageru ye mongwana ke yewa, o felela ke mmereko, le mo a leketsa ka matla gore a kraye mmereko wo mongwana, go fo re tshu. Mogageru wa mosadi wa gore wa tshepega o nyaka go berekela Jehova, mara go tsofala gwa mo kgerela.

² Mo nkare le wene o lebanne le tsa mošaga wonone, di ka makega gore o tikwe nkare a yi wene motho. Dilo tsa mošaga wonone, di ka re kona mojabolo, tsa maka gore re titseyele fase fote senghane sa rune le ba bangwana sa thoma go kgwelakgwehla.

3. Sathane le batho bo a ba kutšetselang ba tseya lephelo ka mokgo mang?

³ Batho ba tseya lephelo la motho go fo tshwana le ka mokgo Sathane a le tseyang ka gona. Ke botala Sathane a kene a tseyela batho fase. O makiye Efa lešidi ka go mmotsa gore o nyoko lokologa mo a ka sa theetsele Modimo, mara a kene a di tšiba gabutši gore tsotsone, di nyoko maka gore a kgwe. Sathane o thomisiye botala go lawola lefase lowa ga tsa dibhizinisi, dipolotiki le dikereke. Byalo a di makatse mo bo ba dibhizinisi, ba dipolotiki le bo ba yetang dikereke mahlong ba tseyela batho fase fote ba sa ba hlompe.

4. Re nyoko bolabola ka ying ga hlogotaba yowa?

⁴ Jehova yene o nyaka gore re tikwe re le batho fote mo re gahlana le tsa go re maka gore re tikwe re se selo, wa re gelepa.  (Pis. 136:23; Mrm. 12:3) Ga hlogotaba yowa, re nyoko bolabola ka mokgo Jehova a re gelepang mo re tlela ke dilo tsowa: (1) Mo re lwala, (2) mo re gayela tšheleta, le (3) mo re tsofele re bona nkare a se šiyo so re ka se makelang Jehova. Sa mathomo, tla re boneneng gore ke ntaba ka mokana ga rune re sa kamake gore Jehova o re tseyela gedimo.

5. Ke ntaba wene o di tshepa tsa gore Jehova o tseyela batho gedimo?

⁵ Le mo re makiwwe ka lerole la mobu, ke rune makolwane. (Gen. 2:7) O fo nagana nje ka dilo tso di makang gore re dumele taba ya gore Jehova o re tseyela gedimo. O re makiye re na le mekgwa ya go tshwana le yage. (Gen. 1:27) Tsotsone di šupetsa gore o makiye gore re phale dilo ka mokana ga tsona tso a di makiyeng, a boya a re re lawole lefase le dipholwane.—Pis. 8:4-8.

6. King se sengwana so se makang gore re dumele gore Jehova o re tseyela gedimo le mo re sa felegelela?

⁶ Le ka nthago ga gore Adamo a sinye, Jehova o yye a fo ya mahlong a kene a tseyela batho gedimo. O re tseyela gedimo ka matla la go šinya a re neya Jeso, yene Morwayi wage wa gore o mo nyaka ka matla, gore a thogo re lepolla ga taba ya go dulela go sinya. (1 Joh. 4:9, 10) Jehova o nyoko berekisa sehlabelo sa Jeso gore a tsose bo ba kgwileng ka taba la go sinya ga Adamo, “ba gore ba lukiye le ba gore a baa loka.” (Meber. 24:15) Lentsu la Modimo le re botsa gore ke rune makolwane gage, a go na taba gore re ya lwala, re ya tihlupegela kela re ya tsofala.—Meber. 10:34, 35.

7. King se sengwana so se makang gore re tshepe gore Jehova o re tseyela gedimo?

⁷ Re na le tse dingwana tso di makang gore re tshepe gore Jehova o re tseyela gedimo. O makiye gore re šutele thina gage a lebelele ka mokgo re yyeng ra yamogela ditaba tsa go bafala ka gona. (Joh. 6:44) Nakwela re thoma go šutela thina le Jehova le yene o yye a šutela thina le rune. (Jak. 4:8) Jehova o berekisa nako le matšhika yage a re tšhutisa, sosone se šupetsa gore nnete ke rune makolwane. O re tšiba gabutši, fote so re ka kgonang go se segelela o se tšiba gabutši. Wa re wolola ka taba la gore o re nyaka ka matla. (Diy. 3:11, 12) Tsowa di fo šupetsa gabutši gore Jehova o re tseyela gedimo ka matla!

8. Mantsu ya ma leng mo ga Pisalema 18:27-29 ma ka maka gore tso di re ghulang re di tseye byang?

⁸ Ba bangwana ke mo ba tseya Kgoši Dafita yi se selo, mara yene ke mo a di tšiba tsa gore Jehova o mo nyaka ka matla fote aa mo lahla. Tsotsone di gelepiye Dafita gore a tiyisele fote a sa kokole. (2 Sam. 16:5-7) Mo re tikwa re kgongwele kela re gahlana le tsa go re ghula, Jehova a ka re gelepa gore re sa lahle tewu, fote o nyoko re gelepa gore re teye re feta ga tso di leketsang go re phiriketsa. (Bala Pisalema 18:27-29.) Mo Jehova a na le rune, a go na selo so se ka re rakelang go ya mahlong re mmerekela re jabodiye. (Mrm. 8:31) Tla re boneneng dilo tsone ka ditharo tsa gore mo di re tlela, re sa lebale gore Jehova wa re nyaka fote o re tseyela gedimo.

9. Go lwala go ka maka gore re titseye byang?

⁹ Go lwala go ka re gatelela tsa nkare ke moka, gwa maka gore re tikwe nkare re ka sa sa di kgona go gelepa ba bangwana. Re ka tšeba mo batho ba bona gore a re kgone go maka dilo tse dingwana, kela mo di nyaka re kgopele ba bangwana gore ba re gelepe. Le mo di ka makega gore ba bangwana ba sa di bone gore re ya lwala, di ka makega gore rune beng re lwe le taba ya go titseyela fase ka taba la mo go na le tso re šitegang go di maka. Mo re tlela ke dilo tsone tsa go roba, Jehova o nyoko re gelepa. Ka mokgo mang?

10. Diyema 12:25 yi re king so se ka re gelepang mo re lwala?

 ¹⁰ “Lentsu la gabutši” le ka maka gore re hlohlotele mo re lwala. (Bala Diyema 12:25.) Jehova o makiye gore Baebele yi be le mantsu ya gabutši gore yi thogo re gopotsa gore wa re kwela le mo re ka ba re le dikoka. (Pis. 31:19; 41:3) Mo re bala re boya re bala ga tleletlele mantsu yane ya go butšwelediwa, Jehova o nyoko re gelepa gore bolwele byago bo sa nape bo maka gore o kwe nkare a yi wene motho.

11. Jehova o mo gelepiye byang ga mogageru ye mongwana?

¹¹ Tseya ka so se makegeleng Jorge. Mo a sa le mosogana, o yye a tshwara ke bolwele bya go fo tikwa a lelemela, fote bo fo yeketsega ka matla, tsotsone ke mo di maka gore a tikwe nkare go fo ba selo nje. Jorge o re: “Ka mokgo bolwele byaka bo mmakiyeng gore ke tikwe ka gona, le go tšeba ka taba la mo batho ba dula ba ntibelele, ke mo ke sa tseye gore dilo tsone di ka makega ho gaka. Mo bolwele byaka bo kene bo yeketsega, ke yye ka nagana ka dilo tse dingwana tso di nyoko tšhentšhang mo lephelong laka. Ke yye ka hlakahlakana ka matla, mara ke kgopele Jehova gore a n’gelepe.” Jehova o mo gelepiye byang? O re: “Ka taba la gore monagano waka ke mo o dula o tlalaganne, di yye tsa ntšhofa gore ke bale dikopa tsa puku ya Dipisalema tso di šupetsang gore Jehova o kwela malata yage. Ka moka matšatši ke mo ke bala mangwalo yane fote ke ma boyelela, nnete ke gore ke mo ma nkgomoletsa ma boya ma ntiyisa. Mo go-ya go-ya, le batho ba yye ba thoma go di bona gore ke mo ke sa fetse go ngwalangwala. Fote ba kwa ba tiyelela mo ba bona ke dula ke jabodiye. Mo ke rapela Jehova, ke di bonne gabutši gore merapelo yaka a ya wela fase! Ka taba la gore o n’gelepiye gore ke tikwe ke le motho. Ke yye ka sa takisi mahlo ga so Lentsu lage le se bolabolang ga taba ya gore o ntseya byang le mo ke le sekoka.”

12. Jehova a ka go gelepa ka mokgo mang mo o lwala?

 ¹² Mo nkare wa lwala, o sa kamake gore Jehova wa di tšiba tsa gore o hlakana le tsa mošaga mang. Mo llele, gore a go gelepe gore o thogo tseya seyemo sago gabutši. Bala Baebele gore o kraye mantsu ya Jehova ya gore ma ka go kgomoletsa. Lebelela ka matla mangwalo ya ma šupetsang ka mokgo Jehova a tseyelang malata yage gedimo. Mo o maka ka mokgonone, o ko di boneng gore Jehova o ba kwela go baba bo ba mmerekelang ka go tshepega.—Pis. 84:11.

13. Hlogo ya mutši yi ka tikwa byang mo yi ka felela ke mmereko?

¹³ Hlogo ya mutši wo mongwana le wo mongwana yi di nyaka ka matla tsa go pasopa ba mutši wa yona ka tso ba di hlokang. Mara di ka makega gore mogageru a felele ke mmereko le mo a sa sinya selo. O leketsa ka matla go nyaka mmereko wo mongwana, mara a di make. Mo a kene a le ga seyemo sone, di ka makega gore a tikwe nkare a yi yene motho. Go dula a naganne ka tso Jehova a di tshepisang go ka mo gelepa byang?

14. Ke ntaba Jehova a dula a maka tso a di tshepisiyeng?

¹⁴ Jehova o dula a maka tso a di tshepisiyeng. (Još. 21:45; 23:14) Go na le tso di mo tšhofang gore a make ka mokgonone. Sa mathomo, lebitso lage le ka mokgo re tšibang a maka dilo ka gona, di ka sinyega. Jehova o tshepisiye gore o nyoko pasopa malata yage ya go tshepega fote o kwa di mo tšhofa go maka ka mokgo a tshepisiyeng. (Pis. 31:1-3) Go tokegela gana hone, Jehova wa di tšiba tsa gore di ka sa make mo a ka sa pasope bo go leng ba mutši wage. O tshepisa go re neya tso re di hlokang le go re gelepa gore senghane sa rune naye se sa šehle, fote a ka sa šitege go maka tso a di tshepisiyeng!—Mat. 6:30-33; 24:45.

15. (a) Makreste ya dinako tsa mapostola ma yye ma gahlana le tsa mošaga mang? (b) Pisalema 37:18, 19 yi re gelepa gore re sa kamake ying?

 ¹⁵ Mo re sa lebale gore ke ntaba Jehova a dula a maka tso a di tshepisiyeng, ga taba ya go gayela sekwetše re nyoko fo teya re feta. Tseya ka mošupetso wa Makreste ya dinako tsa mapostola. Mo phutego ya ku Jerusalema yi thoma go hlorisiwa, “ka mokana ga bona ba yye ba tlalagana, gwa fo šala mapostola fela.” (Meber. 8:1) O fo nagana nje gore ne go nyoko makega ying. Ke mo ba nyoko hlupega! Makreste ke mo sa sa na magaye le dibhizinisi. Mara Jehova a sanka a ba lahla fote ba yye ba fo dula ba jabodiye. (Meber. 8:4; Maheb. 13:5, 6; Jak. 1:2, 3) Jehova o yye a thega Makreste yane ya go tshepega, byalo le rune a ka sa re lesetse, o nyoko re thega.—Bala Pisalema 37:18, 19.

16. Ke dilo difeng tso di ka makang gore re tikwe nkare Jehova aa jabolele ka mokgo re mmerekelang?

¹⁶ Mo re kene re tsofala, re ka thomisa go nagana gore ga Jehova re mmerekela ka go nyana. Kgoši Dafita a ka fo ba a yye a tikwa ka mokgonone mo a kene a tsofala. (Pis. 71:9) Jehova a ka re gelepa ka mokgo mang?

17. Re ka tšhuta ying ga tso di yyeng tsa makegela mogageru ye mongwana wa mosadi ye ba reng ke Jheri?

¹⁷ Nagana ka tso di yyeng tsa makegela mogageru wa mosadi ye ba reng ke Jheri. Ba yye ba mo mema gore a tle ga mogahlano wa gore ke mo wo nyoko ba Holong ya Mmušo, gore a tle a tšhute tsa go lukisa Diholo tsa Mmušo, mara ke mo a sa nyake go ya. Jheri o re: “Ke tsofele, ke kgwele ke monna, fote a ke na le selo le ka ssoši so ke se tšibang sa gore Jehova a ka se berekisa. Ke fo ba motho nje.” Bošego bya mo go soko tšhutisiwa, o rapele Jehova di mmaba. Ka motshwana wa gona, mo a segela Holong ya Mmušo, ke mo a kene a tiputsisa gore nje wa nyakega gana hone. Mo letheto le kene le ya  mahlong, ye mongwana wa bo ne ba tšhutisa o yye a šihlela taba ya gore selo se segolo so motho a tshwaneleng go se maka ke gore a lesetse Jehova a mo tšhutise. Jheri o re: “Ke yye ka di bona gore tsone nka di kgona! Mo ke bona gore Jehova o fetodiye thapelo yaka, ke yye ka lla. Ka napa ke di bona gabutši gore ke mo a šihlela taba ya gore ke na le so nka mo neyang sona, fote yene ke mo a tikemisele go ntšhutisa!” Mo Jheri a hlayisa o re: “Mo ba thoma go re tšhutisa ke mo ke hlagasela, ke kgongwele fote ke tikwa ke fo ba selo nje. Mara mo re fetsa, ke yye ka tikwa ke šišimele, ke na le matšhika fote ke bona gore le nna go na le so nka kgonang go se maka!”

18. Baebele yi šupetsa byang gore mo re berekela Jehova le mo re kene re tsofala, o sa fo ya mahlong a tseyela gedimo tso re di makang?

¹⁸ A re kamake gore Jehova o sa nyaka go re berekisa le mo re ya mahlong re kene re tsofala. (Pis. 92:12-15) Jeso o re tšhutisiye gore le mo go na le tso re sa kgoneng go di maka kela re bona nkare tso re di makang a yi selo, Jehova yene o di tseyela gedimo. (Luk. 21:2-4) Maka tso o kgonang go di maka. Mo re beyisa, o ka maka tsa go tshwana le tsowa, wa bolabola ka Jehova, wa rapelela magageru wa boya wa ma tiyisa gore ma dule ma tshepega. Jehova o tseya go le wene motho wa gore o bereka naye, go se ka taba la gore o na le tso o kgonang go di maka, mara go le ka taba la gore o nyaka go maka tso a di nyakang o sa tšhofe ke motho.—1 Makor. 3:5-9.

19. Maroma 8:38, 39 yi re gelepa gore re tshepe ying?

¹⁹ A yi go jabodisa ga tsona wa tšiba go berekela Jehova, Modimo wa gore o tseyela bo ba mmerekelang gedimo! O re makele gore re thogo maka tso a di nyakang, fote mo re mo rapela ka mokgo a nyakang, ke tsona tso di makang gore re di tšibe gore re phelela ying. (Kut. 4:11) Le mo batho ba ka re tseyela fase, Jehova yene a ka sa ro re tseyela fase. (Maheb. 11:16, 38) Mo malwele, go gayela sekwetše kela go tsofala go re kgongwetsa, a di nyake re lebala gore a go na so se ka re yahloganyang le ka mokgo Papa wa rune wa legedimong a re nyakang ka gona.—Bala Maroma 8:38, 39.