1-2. Ka Pentekoste ya 33 C.E. go makegiye ying sa gore a se lebalege?

KE MO go le ka Lesonto, go sa le ka bošego ku Jerusalema. Go le ka letšatši la Pentekoste ya mongwaga wa 33 C.E. Mogoba wa 120 ya malata wo gahlanele ga kamara ya ka gedimo. (Meber. 1:13-15; 2:1) Ke mo go se botala Jeso a ba butsiye gore ba sa tloge Jerusalema ka taba la gore ke mo ba nyoko neyiwa selo sengwana sa go hlawolega. (Meber. 1:4, 5) Byalo go makegiye ying ka nthago ga mone?

² “Ka go yakgoswa gwa kwagala lešata la go tšwa legedimong, la go tshwana le moya wo mogolo wa go tšutla ka lebelo.” Modumo wone wo tlala ntlo ka mokana ga yona. Byalo “mollo wa nkare ke lleme” wo bonala gedimo ga dihlogo tsa malata yane, ke mokane ka mokana ga bona ba “tlala ka moya wa go hlawolega.” (Meber. 2:2-4) Jehova o tshollwela moya wage wa go hlawolega ga mogoba wone ka mokgwa wowa wa go makatsa. (Meber. 1:8) Ke bona ba mathomo ba go tlotsiwa ka moya wa go hlawolega * le go neyiwa tshepo ya go ya go lawola le Kreste legedimong.

3. Ke ntaba bo ne ba le ga Pentekoste ba sa kamake gore ba tlotsiwwe ka moya wa go hlawolega?

³ Hala yi le gore le wene ne o le ye mongwana wa malata ya ne ma le ka kamareng ya ka gedimo ka letšatši lone, nnete ke gore ne o ka sa le lebale. Selo se sengwana sa nkare ke mollo wa go  tshwana le lleme, se fo tla se dula gedimo ga hlogo yago ke mokane wa thoma go bolabola ka mebolabolo ya mehlobohlobo! (Meber. 2:5-12) O ka sa kamake gore nnete o tlotsiwwe ka moya wa go hlawolega. Ayitsano ka mokana ga bona bo ba tlotsiwweng ka moya wa go hlawolega, ba tlotsiwa ka mokgwa wa go makatsa fote go le ka nako ka yyoši? Awwa. Re di tšiba byang tsotsone?

4. Ayitsano ka mokana ga bona bo ba tlotsiwweng ka dinako tsa mapostola ba yye ba tlotsiwa ka nako ka yyoši? Hlatolla.

⁴ Tla re bolaboleneng ka nako yo motho a ka tlotsiwang ka yona. Makreste yala 120 ya wona ke mo go se wona fela ya ma tlotsiwweng ka moya wa go hlawolega ka Pentekoste ya 33 C.E. Ka nthagonyana ka lona letšatši lone, ba bangwana ba go teya gana hala ga 3 000 ba yye ba neyyiwa moya wa go hlawolega. Go tlotsiwa ga bona ka moya wa go hlawolega go makegiye mo ba kolobetsiwa. (Meber. 2:37, 38, 41) Mo go šele go fitiye mengwaganyana, ke mo go se Makreste ya go tlotsiwa ka mokana ga wona ya gore ma yye ma tlotsiwa mo ma kolobetsiwa. Masamariya ma yye ma tlotsiwa ka nthago ga gore ma kolobetsiwe. (Meber. 8:14-17) Koroneliyo le ba mutši wage bona ba yye ba tlotsiwa le mo ba soko bane ba kolobetsiwa, tsotsone ke mo di sa tlwayelega.—Meber. 10:44-48.

5. Makorente wa Bobedi 1:21, 22 yi re go makega ying mo motho a tlotsiwa ka moya wa go hlawolega?

⁵ Tla re bolaboleneng ka taba ya gore king so se makegang mo motho a tlotsiwa ka moya wa go hlawolega. Ba bangwana ba ka kwa di roba go dumela gore Jehova o ba hlawodiye. Ba ka tiputsisa gore, ‘Ke ntaba Modimo a kgetiye nna?’ Mara ga ba bangwana di ka fo sa be ka mokgonone. A go na taba gore go makega ying, Pawulo wa lepostola o hlatolla so se makegelang ka mokana ga bona ba gore ba hlawodiwwe, o re: “Ka nthago ga gore le dumele, le neyiwwe setwaba * ka go tshepisiwa moya wa go hlawolega, wa gore ke tshepiso ya mo le soko kraya tso le nyoko neyiwang tsona.” (Maef. 1:13, 14) Byalo Jehova o berekisa moya wage wa go hlawolega gore di be lekgwaying ga Makreste ya a ma kgetiyeng. Ka mokgonone, moya wa go  hlawolega ke “tshepiso” yo ba neyiwang yona gore ba tshepe gore ku mahlong, ba nyoko phela go ya go yye legedimong, go se mo lefaseng.—Bala 2 Makorente 1:21, 22.

6. King so Mokreste wa go tlotsiwa a tshwaneleng go se maka gore a thogo kraya patela yage ya legedimong?

⁶ Mo Mokreste a tlotsiwwe, ayitsano di ra gore a go na so se ka mo phireketsang gore a ye legedimong? Se ka ba gona. Aa kamake gore o kgetiwwe gore a ye legedimong. Mara o tshwanele a gopole taba yowa: “Magageru, le garagare ka matla ga taba ya go bitsiwa le go hlawodiwa ga lune, ka taba la gore mo le ka fo ya mahlong le maka ka mokgonone, le ka sa šitege le ka go nyana.” (2 Pet. 1:10) Byalo le mo Mokreste wa gore o tlotsiwwe a hlawodiwwe, kela a bitsiwwe gore a ye legedimong, o nyoko kraya patela yage mo nkare o ko dula a tshepega.—Mafil. 3:12-14; Maheb. 3:1; Kut. 2:10.

7. Bo ba go tlotsiwa ba tšiba ka ying gore ba ya legedimong?

⁷ Mara motho o tšiba byang gore o hlawodiwwe gore a ye legedimong? Phetolo yi ga mantsu ya gore Pawulo o ma ngwalele bo ba leng ku Roma ba gore ke mo “ba re ke ba go hlawolega.” O ba butsiye gore: “A sanka la yamogela moya wa bobhantiti wa go maka gore le tšhabe fote, mara le yamogele moya wa gore le tseyiwwe le le barwayi, ka taba la moya wonone re yahlamela re re: ‘Abba, Papa!’ Moya ka bowona wo yema le rune gore ke rune bana ba Modimo.” (Mrm. 1:7; 8:15, 16) Byalo Modimo o berekisa moya wage wa go hlawolega gore di be lekgwaying ga bo ba go tlotsiwa gore nnete ba ye phela legedimong.—1 Mathes. 2:12.

8. Johane wa Mathomo 2:20, 27 yi šupetsa byang gore a go hlokege gore Makreste ya go tlotsiwa ma butsiwe gore nnete ma tlotsiwwe?

⁸ Jehova o maka gore bo ba go tlotsiwa ba sa kamake le ka go nyana, taba ya bona ya gore ba ya legedimong. (Bala 1 Johane 2:20, 27.) Nnete ke gore Makreste ya gore ma tlotsiwwe, le wona di nyaka ma tšhutise ke Jehova, a berekisa phutego yage go fo tshwana le Makreste ya mangwana. Mara a ma yemele go botsa ke motho ye mongwana gore wona ma tlotsiwwe. Jehova o berekisa matšhika ya go feta matšhika ka moka, moya wa go hlawolega, gore ba thogo di bona gabutši gore ba tlotsiwwe!

9. Maefeso 1:18 yi re mo ye mongwana a tlotsiwa, o tšhentšha ka mokgo mang?

⁹ Lekgono, malata ya go tlala ya Modimo ma ka kwa di si lula go kwisisa gore gabutšibutši motho mo a tlotsiwa o makegela king. Tsone a di makatse ka taba la gore malata yane, a maa tlotsiwa. Modimo o makiye batho gore ba phele go ya go yye mo lefaseng, go se legedimong. (Gen. 1:28; Pis. 37:29) Mara Jehova o kgetiye ba bangwana gore ba ye phela legedimong. Byalo mo a ba tlotsa, o maka gore tshepo ya bona le ka mokgo ba naganang go tšhentšhe ka go yakgoswa, gore ba dule ba naganne ka go ye phela legedimong.—Bala Maefeso 1:18.

10. Go “belegiwa fote” di ra gore king? (Lebela setwaba.)

¹⁰ Mo Makreste ma tlotsiwa ka moya wa go hlawolega, ma “belegiwa fote” kela ma “belegiwa go tšwa gedimo.” * Jeso le yene o bolabodiye gore a di lula go hlatollela motho wa gore aa tlotsiwa gore di kwala byang go “belegiwa fote” kela go “belegiwa ka moya.”—Joh. 3:3-8.

11. Monagano wa motho wa gore o tlotsiwwe wo tšhentšha ka mokgo mang? Hlatolla.

¹¹ Makreste ma thoma go nagana ka mokgo mang mo ma tlotsiwwe? Mo Jehova a soko bane a tlotsa Makreste yawa, ke mo ma tseyela gedimo ka matla taba ya go phela ho lefaseng go ya go yye. Ke mo ma dula ma nagana ka taba ya mo Jehova a ko ba a tlusiye dilo tsa go befa ka mokana ga tsona, ke mokane lefase lowa yi ba pharadeyisi.  Di ka makega gore ke mo ma tipona ma gahlanetsa mašaga kela banghane ya wona ya gore ba kgwile. Mara ka nthago ga gore ma tlotsiwe, ma yye ma tšhentšha ka mokgo ma naganang. Ke ntaba? A maa thoma go bona nkare go phela ho lefaseng a yi sa le selo. A maa tšhentšha menagano ya wona ka taba la mo ma kwa tsa go ma kgahleletsa kela ma kwa ma kwele tsa go sasamela tsa lefase lowa. A maa fo thoma ma nagana gore go phela ho lefaseng go ya go yye go nyoko tshwatisa. Mara Jehova o yye a berekisa moya wage wa go hlawolega go tšhentšha ka mokgo ma naganang le tshepo yo ne ma yi tseyela gedimo ka matla ya go phela ho lefaseng.

12. Petro wa Mathomo 1:3, 4 yi re Makreste ya gore ma tlotsiwwe ma tikwa byang ka tshepo yo ma nang nayo?

¹² Motho wa gore o tlotsiwwe a ka fo kwa nkare taba ya go tlotsiwa a ya mo tshwanela. Mara aa kamaki le ka go twii, gore Jehova o mo kgetiye. Fote o jabola la go sa hlayisege mo a nagana ka tso di mo yemeleng ku mahlong.—Bala 1 Petro 1:3, 4.

13. Bo ba go tlotsiwa ba tikwa byang ka taba ya go phela ho lefaseng?

¹³ Ayitsano tsotsone di rela gore bo ba go tlotsiwa baa di nyaka go kgwa? Pawulo wa lepostola o fetola putsiso yone. O yye a tshwanisa mmele wa motho le letente mo a re: “Gabutšibutši, rune bo re leng ga letente lowa la go sasamela, re ya lelemela, ka taba la gore wowa a re nyake go wo yapola, mara re nyaka go yapara wo mongwana, gore sa gore se ya kgwa se hlule ke lephelo.” (2 Makor. 5:4) Makreste yawa a maa ngalela lephelo, la go šinya ma nyaka go yakgoswa ma kgwa. Le mo go le sone, ma jabolela lephelo fote ma nyaka go berekela Jehova ma na le ba mutši ya wona le banghane ba wona ka moka matšatši. Mara, le mo ma ka fo ba ma maka ying, a ma lebale tshepo ya go jabodisa ka matla yo yi ma yemeleng ku mahlong.—1 Makor. 15:53; 2 Pet. 1:4; 1 Joh. 3:2, 3; Kut. 20:6.

14. Ke dilo difeng tso di sa šupetseng gore motho o tlotsiwwe ka moya wa go hlawolega?

¹⁴ O ka fo ba o tiputsisa gore ayitsano le wene o tlotsiwwe ka moya wa go hlawolega. Mo nkare go sone, nagana ka diputsiso ke tsowa: Ayitsano o kwa o tšhuba ke taba ya go nyaka go maka so Jehova a se nyakang? Ayitsano o tikwa o na le matšato ga mmereko wa go tšhomayela? Ayitsano ke wene motho wa go bala Lentsu la Modimo, wa gore o kwana le go tšhuta “dilo tsa go kenelela tsa Modimo”? (1 Makor. 2:10) Ayitsano o kwa nkare Jehova o go makiye gore o phomelele ga mmereko wa go tšhomayela? Ayitsano o kwa di go tšhofa gore o nyake go gelepa ba bangwana ga tso tsa Modimo? Ayitsano o di bonne gabutši gore Jehova o go gelepiye ka mekgwa ya go tlala lephelong lago? Mo nkare o fetodiye diputsiso tsowa ka, eya, ya go kwagala, ayitsano di rela gore le wene o hlawodiwwe gore o ye legedimong? E-e, a di rele sone. Ke ntaba? Ka taba la gore ka mokana ga bona bo ba berekelang Modimo ba tikwa ka mokgonone, ba gore ba tlotsiwwe le ba gore a baa tlotsiwa. Jehova a ka neya ye mongwana le ye mongwana wa malata yage matšhika a berekisa moya wa go hlawolega, a go na taba gore o tlotsiwwe kela aa tlotsiwa. Gabutšibutši, mo nkare wa tiputsisa gore ayitsano o tlotsiwwe ka moya wa go hlawolega, go kamaka ga mošaga wonone go rela gore a wa tlotsiwa. Bo Jehova a ba hlawodiyeng a ba kamake gore ba tlotsiwwe! Baa di tšiba!

15. Re di tšiba byang gore a yi ka mokana ga bona bo ba krayyeng moya wa Modimo wa go hlawolega ba kgetiwweng gore ba ye legedimong?

¹⁵ Ka ho Baebeleng, go na le mešupetso ya go tlala ya banna le basadi ba go šupetsa gore ba na le tumelo ba gore ba yye ba neyiwwa moya wa go hlawolega; mara ke mo ba se na tshepo ya go phela legedimong. Dafita ke mo a yetetsa ke moya wa go hlawolega. (1 Sam. 16:13) Moya wa  go hlawolega wo mo gelepiye gore a kwisise dilo tsa go kenelela ka Jehova, fote wo mo yetetsiye gore a ngwale dikopa tse dingwana tsa Baebele. (Mar. 12:36) Le mo go le sone, Petro wa lepostola o yitseri, Dafita “aa yinugela magedimong.” (Meber. 2:34) Johane wa go Kolobetsa ke mo a “tlele ka moya wa go hlawolega.” (Luk. 1:13-16) Jeso o yitseri ke mo go se na motho ye mogolo go phala Johane, mara o bolabodiye gore Johane aa badiwa ga Mmušo wa legedimo. (Mat. 11:10, 11) Jehova o berekisiye moya wage wa go hlawolega go neya banna bowa matšhika ya go maka dilo tsa go makatsa, mara aa berekisa moya wone go ba kgeta gore ba ye phela legedimong. Ayitsano taba ya gore aa ba kgeta, yi rela gore ke mo ba sa tshepege gore ba ka ye lawola legedimong? Awwa. Yi fo ba yi rela gore Jehova o nyoko ba tsosa gore ba phele Pharadeyising ho lefaseng.—Joh. 5:28, 29; Meber. 24:15.

16. Malata ya go tlala ya Modimo lekgono ma yemele patela yifeng ku mahlong?

¹⁶ Lekgono, malata ya go tlala ya Modimo mo lefaseng a ma na tshepo ya go ye phela legedimong. Go fo tshwana le Abhrahama, Sara, Dafita, Johane wa go Kolobetsa le banna le basadi ba bangwana ba go tlala ba dinako tsa mo go ngwadiwa Baebele, ba nyoko phela mo lefaseng mo Mmušo wa Modimo wo lawola.—Maheb. 11:10.

17. Re nyoko petapeta ka diputsiso difeng ga hlogotaba yo yi tlang?

¹⁷ Ka taba la gore mo ga batho ba Modimo lekgono go sa na le ba bangwana ba go tlotsiwa, di ka makega gore re šale re tiputsisa diputsiso. (Kut. 12:17) Mo re beyisa, bo ba gore ba tlotsiwwe, ba tshwanele ba titseye ka mokgo mang? Mo ye mongwana phutegong ya lune a thoma go ja selalelo Segopotsong, o tshwanele o mo tshware byang? Re nyoko re king mo bo ba reng ba tlotsiwwe ba fo ya ba kene ba yeketsega? Ayitsano taba yone yi tshwanele yi go hlupe? Re ko fetola diputsiso tsone ga hlogotaba ya go latela.