1. Jehova o yitseri go nyoko makega ying ga dinako tso tsa rune?

JEHOVA o bolabodiye botala ka dinako tso tsa rune gore: “Lesome la banna ba go tšwa ga mebolabolo ka mokana ga yona ya ditšhaba ba nyoko tshwara, eya, ba nyoko ngangarela kobo ya Lejuda, ke mokane ba re: ‘Re nyaka go ya le lune, ka taba la gore re di kwelele tsa gore Modimo o na le lune.’” (Zak. 8:23) “Lejuda” lowa le yemela bo Modimo a ba tlotsiyeng ka moya wa go hlawolega. Ka dinako tse dingwana ba re “ke Israyele ya Modimo.” (Magal. 6:16) “Lesome la banna” le yemela bo ba nyoko phelang go ya go yye ho lefaseng. Baa di tšiba tsa gore Jehova o rufiye bo ba gore ba tlotsiwwe fote taba yowa ya go rapela Modimo ggoši ba yi tseya go le selo se segolo ka matla.

2. “Lesome la banna” le ‘ya’ ka mokgo mang le bo ba go tlotsiwa?

² Le mo go se lula go tšiba mabitso ya bo ba tlotsiwweng ba gore ba ho lefaseng, * tsotsone a di rele gore bo ba nyoko phelang ho lefaseng ba ka sa di kgone “go ya le” bo ba go tlotsiwa. Ka mokgo mang? Baebele yi re “lesome la banna” le nyoko “ngangarela kobo ya Lejuda, ke mokane ba re: ‘Re nyoko ya le lune, ka taba la gore re di kwelele tsa gore Modimo o na le lune.’” Temanyana yowa ya Baebele ku mathomisong yi bolabola ka Lejuda ka lloši. Mara mo temanyana yowa yi ya mahlong yi re “lune.” Sosone se rela gore Lejuda lowa a yi motho ka wweši mara ke mogoba ka mokana ga wona wa bo ba go tlotsiwa. Bo ba gore a baa tlotsiwa  ba berekela Jehova ba na le bo ba go tlotsiwa. Mara, a ba tseye magageru ya go tlotsiwa go le bona bo ba ba yetang mahlong, ba di tšiba gabutši gore Jeso ke yene ye a yetiyeng mahlong.—Mat. 23:10.

3. Re nyoko fetola diputsiso difeng?

³ Le lekgono go sa na le Makreste ya go tlotsiwa mo ga batho ba Modimo, byalo ba bangwana ba ka tiputsisa gore: (1) Bo ba go tlotsiwa ba tshwanele ba titseye byang? (2) Re tshwanele re ba tshware byang bo ba jang selalelo Segopotsong? (3) Taba ya gore bo ba jang ba fo ya ba kene ba yeketsega, ayitsano yi tshwanele yi re hlupe? Hlogotaba yowa yi nyoko fetola diputsiso tsone.

4. Ke taba yifeng ye kgolo yo go bolabodiwang ka yona mo ga Makorente wa Mathomo 11:27-29, ya gore bo ba go tlotsiwa ba tshwanele ba yi tseyele hlogong fote ke ntaba?

⁴ Bo ba go tlotsiwa ba tshwanele ba yi tseyele hlogong taba yo yi leng mo ga Makorente wa Mathomo 11:27-29. (Bala.) Nje di ka kgonega gore mogageru wa gore o tlotsiwwe a je selalelo Segopotsong mara “a sa tshwanela”? Eya, tsotsone o nyoko di maka mo o kraya a ja sekgwa a boya a nwa wayini mara a sa sa latelela melawo ya Jehova ya go loka mo a kene a phela. (Maheb. 6:4-6; 10:26-29) Bo ba go tlotsiwa baa di tšiba tsa gore ba tshwanele ba dule ba tshepega gore ba thogo kraya ‘patela ya go bitsiwa ku  legedimong ke Modimo a berekisa Kreste Jeso.’—Mafil. 3:13-16.

5. Makreste ya go tlotsiwa ma tshwanele ma titseye byang?

⁵ Moya wa Jehova wa go hlawolega wo gelepa malata yage gore ma tinyanafatse fote ma sa be le magetla. (Maef. 4:1-3; Makol. 3:10, 12) Byalo bo ba go tlotsiwa a ba titseye gore bona ke bona. Baa di tšiba tsa gore Jehova aa ba neye moya wa go hlawolega go phala malata ya mangwana. A ba tseye gore ba kwisisa dinnete tsa Baebele ka matla go phala ba bangwana. Fote ba ka sa ro botsa motho ye mongwana gore o tlotsiwwe le gore byalo o tshwanele go thoma go ja selalelo Segopotsong. Mara ba di tšiba gabutši gore ke Jehova a ntoši ye a kgetang batho gore ba ye legedimong.

6. Makorente wa Mathomo 4:7, 8 yi re Makreste ya gore ma tlotsiwwe ma tshwanele ma titshware byang?

⁶ Le mo bo ba go tlotsiwa ba jabolela taba ya gore ba kgetiwwe gore ba ye legedimong, a baa yemela gore batho ba bangwana ba ba tshware nkare ke makata. (Mafil. 2:2, 3) Fote baa di tšiba tsa gore mo Jehova a ba kgeta, aa maka gore taba yone yi tšibe ke batho ba bangwana. Byalo ye a tlotsiwweng a ka sa makatse ke mo ba bangwana ba sa yakgoswe ba tshepa taba ya gore nnete o tlotsiwwe. O kwisisa gore Baebele yi re botsa gore re sa fo yakgoswela go tshepa motho wa go fo re Modimo o mo neyye mmereko wa go hlawolega. (Kut. 2:2) Mokreste wa gore o tlotsiwwe aa fo tipitsela mahlo ya batho ka go fo tsama a botsa bo a gahlang nabo la mathomo gore yene o tlotsiwwe. Fote a ka sa kganyisele ba bangwana ka taba yone.—Bala 1 Makorente 4:7, 8.

7. King so bo ba tlotsiwweng ba sa tshwanelang go se maka, fote ke ntaba?

⁷ Bo ba Makreste ya go tlotsiwa a ba nagane gore ba tshwanele ba fo dula ba na le batho ba gore ba tlotsiwwe fela, nkare ba na le mokgahlo wa bona ba ntoši. A ba tsame ba nyakana le ba bangwana ba go tlotsiwa, gore ba thogo bolabodisana ka taba ya bona ya go tlotsiwa kela go nyaka go thoma go tšhuta Baebele go le bona ba ntoši. (Magal. 1:15-17) Mo bo ba go tlotsiwa ba ka fo maka tsotsone, phutego yi nyoko yahlogana. Ba ko ba ba sa berekisane le moya wa go hlawolega, wa gore wo gelepa batho ba Modimo gore ba dule ba bebiye fote go le selo ka ssoši.—Mrm. 16:17, 18.

8. Ke ntaba di nyaka gore re pasope ka mokgo re tshwarang bo ba jang selalelo Segopotsong? (Lebelela setwaba.)

⁸ Re tshwanele re ma tshware byang magageru ya banna le ya basadi ya gore ma tlotsiwwe? Di ko ba di se gabutši go gadimisa motho ka matla, le mo go ka ba go le bhuti wa Kreste wa go tlotsiwa. (Mat. 23:8-12) Mo Baebele yi bolabola ka  bagolo, yi re hlohletsela gore re “yekisele tumelo ya bona” mara a yi re botse gore re make motho ye mongwana gore go be moyetamahlong wa rune. (Maheb. 13:7) Ke nnete gore Baebele yi re ba bangwana “ba tshwanele ke go hlompiwa ka matla.” Mara yi bolabola ka mokgonone ka taba la gore “ba wokamela gabutši” fote “ba bereka ka matla ga taba ya go bolabola le go tšhutisa,” go se ka taba la gore ba tlotsiwwe. (1 Thim. 5:17) Mo re gadimisa re boya re tseyela bo ba go tlotsiwa gedimo ka matla, re ka maka gore ba tšebe. * Sa go napa se sinya ka matla, ke mo re ka maka gore ba feleletse ba ba le magetla. (Mrm. 12:3) Aa šiyo le ka wweši wa rune ye a ka nyakang go tikraya a makiye gore ye mongwana wa Makreste ya go tlotsiwa kela bobhuti wa Kreste a feleletse a makiye dilo tsa gore a yi tsona!—Luk. 17:2.

9. Re ka maka ying go šupetsa gore re hlompa Makreste ya gore ma tlotsiwwe?

⁹ Re ka maka ying go šupetsa gore re hlompa bo Jehova a ba tlotsiyeng? Re ka sa ba butsisi gore di tlele byang gore ba tlotsiwe. Tsone ke ditaba tsa bona, a di nyake rune. (1 Mathes. 4:11; 2 Mathes. 3:11) Fote a ra tshwanela go fetsa ka gore, di ra gore banna kela basadi ba bona, babelegi kela ba bangwana ba ka mutšing wa bona le bona ba tlotsiwwe. Go ya legedimong a yi taba ya gore motho o belegiwa nayo. O ro kgeta ke Modimo. (1 Mathes. 2:12) Fote a di nyake re butsisa diputsiso tsa go ka kwisa ba bangwana go baba. Mo re beyisa, re ka sa butsisi mogageru wa mosadi wa gore monna wage o tlotsiwwe gore o tikwa byang ka taba ya gore o nyoko phela go ya go yye ho lefaseng, mo monna wage a le ku legedimong. Nnete ke gore a re kamake gore ga lefase la nyuwane, Jehova o nyoko “yenetsa so se nabelang ke se sengwana le sengwana sa gore se ya phela.”—Pis. 145:16.

10. Re titšhireletsa ka mokgo mang mo re sa “nabele go ba batho ba bangwana”?

¹⁰ Re ya titšhireletsa mo re sa tseyele gedimo ka matla magageru ya gore ma tlotsiwwe, go phala ba bangwana. Ka mokgo mang? Baebele yi re botsa gore ba bangwana ba bo ba go tlotsiwa ba ka fo sa duli ba tshepega. (Mat. 25:10-12; 2 Pet. 2:20, 21) Mara mo re kganela kgole le taba ya go “nabela go ba batho ba bangwana” re ka sa šalašale batho nthago, le mo go le bo ba go tlotsiwa, ba go tuma kela ba gore ke botala ba berekela Jehova. (Juda 16) Byalo, mo di ka makega gore ba sa sa tshepega kela ba lesetsa phutego, tumelo ya rune ga Jehova yi ko fo dula yi le gona fote re ka sa ro lesetsa go mmerekela.

11. King so ne se kene se makega ka nombhoro ya bo ba jang selalelo Segopotsong?

¹¹ Ku botala, nombhoro ya bo ba jang selalelo Segopotsong ke mo yi kene yi pomega. Mara mengwaganyana ya go fela, nombhoro yone yi fo ya yi kene yi yeketsega. Ayitsano taba yowa yi tshwanele go re hlupa? E-e. Tla re boneneng dilo tso re sa tshwanelang go di lebala.

12. Ke ntaba di sa nyake re hlupega ka taba ya gore nka bakaye bo ba jang selalelo Segopotsong?

¹² “Jehova o tšiba bo go leng bage.” (2 Thim. 2:19) Magageru ya ma balelang bo ba jang selalelo Segopotsong a ba tšibi gore ke mang ye a tlotsiwweng, ke mang ye a sa tlotsiwang, mara Jehova yene wa di tšiba. Gana hone go badiwa le bo ba naganang gore ba tlotsiwwe mara go se sone. Mo re beyisa, ba bangwana bo ne ba kene ba ja ka nthagonyana ba yye ba lesetsa go ja. Ba bangwana di ka makega gore ba na le bothatha bya monagano kela bya ka mokgo ba tikwang ka gona, ke mokane ba fetsa ka gore le bona ba ye lawola le Kreste legedimong. Nnete ke gore a re di tšibi tsa gore go šele ka bakaye ho lefaseng ba gore ba tlotsiwwe.

13. Nje Baebele ya hlaya gore go ko ba go šele batho ka bakaye ba go tlotsiwa ho lefaseng mo motšhatšhamelo wo mogolo wo thoma?

 ¹³ Ga dipoleke tsa go tlala ho lefaseng go ko ba go sa na le bo ba go tlotsiwa mo Jeso a tl’le ba tseyeng gore ba ye legedimong. (Mat. 24:31) Baebele ya hlaya gore ga dinako tsa mafelelo, bo ba go tlotsiwa ba ko ba ba sa tlala ho lefaseng. (Kut. 12:17) Mara a yi hlayi gore go ko ba go šele ka bakaye mo motšhatšhamelo wo mogolo wo thoma.

14. Maroma 9:11, 16 yi re re tshwanele re kwisise ying ka taba ya go kgetiwa ga bo ba go tlotsiwa?

¹⁴ Jehova ke yene ye a hlawolang gore o nyoko kgeta leng bo ba go tlotsiwa. (Mrm. 8:28-30) Jehova o yye a thoma go hlawola bo ba go tlotsiwa ka nthago ga gore Jeso a tsusiwe. Di šupa nkare Makreste ka mokana ga wona ya dinako tsa mapostola ke mo ma tlotsiwwe. Mara ka nthago ga dinako tsa mapostola, ba go tlala bo ne ba bolabola gore ke bona Makreste ke mo ba sa latelele Kreste. Mara le ka dinako tsotsone, Jehova o yye a tlotsa ba bangwana ba gore ne go le Makreste ya nnete. Ke mo ba tshwana le korong yo Jeso a hlayyeng gore yi nyoko mela gare ga ngwere. (Mat. 13:24-30) Le ga dinako tso tsa mafelelo, Jehova o yye mahlong a kene a hlawola batho ba gore ba nyoko badiwa ga bo ba 144 000. * Byalo mo Modimo a kgeta go hlawola ba bangwana re soko bane re segela mafelelong, a ra tshwanela go kokola re re nje o kgetiye gabutši. (Bala Maroma 9:11, 16.) * Re tipasope gore re sa tikraye re tshwana le babereki bala Jeso a bolabodiyeng ka bona ga wo mongwana wa mešupetso yage. Ba yye ba kokola ka mokgo mong wa bona a yyeng a tshwara bo ba thomisiyeng  go bereka ka awara ya mafelelo.—Mat. 20:8-15.

15. Ayitsano ka mokana ga bona bo ba go tlotsiwa ba wela ga “lelata la go tshepega le la go hlalefa,” lo go bolabodiwang ka lona mo ga Matewu 24:45-47? Hlatolla.

¹⁵ Bo ba yang go phela legedimong, a yi ka mokana ga bona bo go leng “lelata la go tshepega le la go hlalefa.” (Bala Matewu 24:45-47.) Go fo tshwana le ka dinako tsa mapostola, le lekgono lowa Jehova le Jeso ba berekisa magageru ya go sa tlala go fepa kela go tšhutisa batho. Ka dinako tsa mapostola, a yi magageru ya go tlotsiwa ka mokana ga wona ya gore ke mo ma berekisiwa go ngwala Mangwalo ya Sekreste ya Segerika. Le lekgono lo, a maa tlala magageru ya go tlotsiwa ya gore ma maka mmereko wa go neya batho ba Modimo “tsa go ja ka nako ya gona.”

16. O tšhutiye ying ga hlogotaba yowa?

¹⁶ Hlogotaba yowa yi re tšhutisiye ying? Yi re tšhutisiye gore Jehova o hlawodiye go neya batho bage ba go tlala lephelo la go ya go yye ho lefaseng, ke mokane go phela legedimong, a go neya bo ba yang go lawola le Jeso. Jehova o rufa malata yage ka mokana ga wona, “Lejuda” le “lesome la banna” fote o nyaka gore ka mokana ga bona ba latelele melawo ya go tshwana fote ba dule ba tshepega. Ka mokana ga bona ba tshwanele go dula ba tinyanafatsiye. Ka mokana ga bona ba tshwanele ba mmereke ggoši ba le selo ka ssoši. Ka mokana ga bona ba tshwanele ba karakare gore go dule go bebiye ka phutegong. Nkare re ka ya mahlong re berekela Jehova fote re latelele Kreste re le “morape ka wwoši” mo re kene re bakiye ku mafelelong.—Joh. 10:16.