1-3. Ke dintshitshire tsa mošaga mang tso di ka makang gore malata ya Jehova ma šinye ma lle?

 O YYE wa lla leng la mafelelo? Nnete ke gore, ka dinako tse dingwana re llisa ke go jabola. Mara ga go tlala re lla ka taba la gore go na le se sengwana sa gore se re thunugiye. Mo re beyisa, re ka lla re llisa ke gore ye mongwana wa lešaga o hlokofele. Mogageru ye mongwana wa mosadi ye ba reng ke Lorilei wa gore o tšwa United States o ngwadiye gore: “Mo morwediya waka a sa tšwa go hlokofala ne ke kwa go baba ka matla la go šinya ke kwa nkare a se šiyo so se ka nkgomoletsang. Ne ke sa nagane gore le nna tšatši le lengwana tsa go kwa go sasamela di nyoko ba kawone ke mokane ka tikwa ke le motho.” *

² Go na le tse dingwana tso di ka makang gore motho a šinye a lle. Mogageru wa mosadi ye ba reng ke Hiromi wa gore ke mošupatsela wa go tšwa Japan o yitseri: “Ka dinako tse dingwana ke mo ke kgongwetsa ke batho bo ke ba tšhomayelelang ka taba la gore ne ba sa nyake go theetsela mo ke ba botsa ka Bhayibele. Ne ke kgopela Jehova nkene ke fogafoga dinepedi gore a n’gelepe ke kraye motho wa gore o nyakana le nnete.”

³ Ayitsano le wene o fela o tikwa go tshwana le mogageru yela wa mosadi wa gore re bolabodiye ka yene ka ho kgakala? Ba go tlala ba rune go fo ba ka mokgonone. (1 Pet. 5:9) Re ya di nyaka go “berekela Jehova re jabodiye,” mara ka dinako tse dingwana re ya lla ka taba la gore go na le tsa go re kgongwetsa le gore mathatha ya re gahlanang nawo ma re kutetsa la go šinya re kwa di thathafa go dula re tshepegela Modimo. (Pis. 6:6; 100:2) Re ka maka byang mo dilo tsa mošaga wonone di ka re tlela?

4. Ga hlogotaba yowa re nyoko petapeta ka ying?

 ⁴ Re ka tšhuta ga mošupetso wa Jeso. Ka dinako tse dingwana le yene ne a gahlana le tsa go maka gore a šinye ‘a lle.’ (Joh. 11:35; Luk. 19:41; 22:44; Maheb. 5:7) Tla re boneneng gore ke difeng. Ke mokane re nyoko lebelela gore re ka tšhuta ying ga taba yonone. Fote re nyoko bona le gore re ka maka ying mo re ka gahlana le seyemo sa mošaga wonone sa gore se maka gore re šinye re lle.

5. Taba yo yi leng ga Johane 11:32-36 yi re tšhutisa ying ka Jeso?

⁵ Ka 32 C.E., monghana wa Jeso ye ba reng ke Lazaro o yye a lwala a boya a kgwa. (Joh. 11:3, 14) Lazaro ke mo a na le bosesi ka babedi Mariya le Mata fote Jeso ne a kwana le ba mutši wone ka matla. Bosesi bowa ka babedi ne ba hlakahlakanne ka taba la gore bhuti wa bona ne a hlokofele. Ka nthago ga mo Lazaro a kgwile, Jeso o yye a vakašela mo Mariya le Mata ne ba dula gona ku Bhethani. Mo Mata a di kwelela gore Jeso wa tla, o yye a tšwa ka go yakgoswa ke mokane a mo gahlanetsa. O fo nagana gore ke mo a kgongwele go segela kaye mo a šinya a re: “Morena, hala o le howa, bhuti waka nke a sa kgwa.” (Joh. 11:21) Ka nthagonyana ga mo Jeso a bona Mariya le ba bangwana ba lla le yene di yye dya mo khwešogela ke mokane “a lla.”​—Bala Johane 11:32-36.

6. Ke ntaba Jeso a yye a lla?

⁶ Ke ntaba Jeso a yye a lla? Puku ya Insight on the Scriptures yi fetola ka gore: “Likgu la monghanage Lazaro le go lla ga bosesi wa Lazaro go makiye gore Jeso a ‘kwe go baba ka matla a fetse le yene a lla.’” * Di ka makega gore Jeso ne a nagana ka monghanage gore ne a kwa go baba go segela kaye nakwela a lwala le gore Lazaro ke mo a tikwa byang mo a bona gore o šele a le thina le go kgwa. Nnete ke gore, Jeso di yye dya mo tšhofa gore a lle mo a bona ka mokgo Mariya le Mata ba kwileng go baba ka taba la likgu la bhuti wa bona. Mo nkare le wene o hlokofalele ke monghana kela lešaga, a re kamake gore le wene o yye wa kwa go baba go tshwana nabo. Lebelela kararo ya tso o ka di tšhutang ga taba yowa.

7. Taba ya gore Jeso o yye a llela banghana bage yi re tšhutisa ying ka Jehova?

 ⁷ Jehova o kwisisa ka mokgo o tikwang. Jeso o “yemela so Modimo a leng sona.” (Maheb. 1:3) Nakwela Jeso a lla ke mo a šupetsa ka mokgo Papage a tikwang. (Joh. 14:9) Mo nkare o hlokofalele ke lešaga, o sa kamake gore Jehova wa di bona fote o go kwela go baba. O tikemisele go yalafa ba dipelo tsa gore di kwile go baba.​—Pis. 34:18; 147:3.

8. Ke ntaba re sa kamake gore Jeso o nyoko tsosa mašaga ya rune ya gore ma hlokofele?

⁸ Jeso o tikemisele go tsosa mašaga yago. Ka nthagonyana ga mo Jeso a soko lla o yye a tshepisa Mata gore: “Bhuti wago o nyoko tsoga.” Mata o yye a mo tshepa ga Jeso. (Joh. 11:23-27) Ka taba la gore Mata ke mo go le lelata la Jehova la go tshepega a re kamake gore ne a sa gopola gore ku botala Eliya le Eliša ba yye ba tsosa batho ba gore ne ba kgwile. (1 Mag. 17:17-24; 2 Mag. 4:32-37) Fote o yye a di kwelela gore Jeso le yene o yye a tsosa bo ba kgwileng. (Luk. 7:11-15; 8:41, 42, 49-56) Le wene o sa kamake gore mašaga yago ya gore ma hlokofele o nyoko boya o ma bona fote. Taba ya gore Jeso o yye a lla nakwela a kgomoletsa banghana bage ba gore ba kwile go baba, yi napa yi re šupetsa gore o fo kwa nkare nako ya go tsosa bo ba hlokofeleng nke yi šele yi segele!

9. Go fo tshwana le Jeso, re ka ba kgomoletsa ka mokgo mang bo ba gore ba kwile go baba? Beyisa.

⁹ Le wene o ka ba kgomoletsa bo ba gore ba kwile go baba. Jeso a sanka a fo lla le Mata le Mariya mara o yye a ba theetsela a boya a ba kgomoletsa. Le rune re ka maka ka mokgonone ga bo ba gore ba kwile go baba. Dan wa gore ke mogolo wa go dula ku Australia, o yitseri: “Ka nthago ga mo mosadi waka a hlokofele, ke mo ke di nyaka ka matla gore ba n’kgomoletse. Magageru ya go tlala ya banna le basadi ya gore mašadhiye ke mo ma dula ma mvakašela go fo re ma tle ma ntheetsele. Ba yye ba nlisetsa gore ke ba kgotolele so ke se kwang fote le mo ke lla ne di sa ba tšebisi. Mo ke kwa ke šitega go gongwana ne ba n’gelepa ka dilo tsa go tshwana le go nhlatswela koloyi, ba ye nrekela tsa go ja setolo ba boya ba ro n’yapegela. Fote ba yye ba rapela le nna gatleletlele. Ba tišupetsiye gore ke banghana ba mannete fote ke magageru le ka ‘dinako tsa mo go bifiye.’”​—Diy. 17:17.

10. King tso di yyeng dya makega tsa gore di ga Luka 19:36-40.

¹⁰ Jeso o segele Jerusalema ka Nisani 9, 33 C.E. Mo a šele a bakiye gana hone polekeng mogoba wa batho wo yye wa kgobakana ke mokane wa yatlala dikobo tsa wona ho fase mahlong gage go šupetsa gore wo mo yamogela go le Kgoši. Di fo ba lekgwaying gore ne ba jabodiye ka matla. (Bala Luka 19:36-40.) Byalo, di ka makega gore malata yage ma makatsiye ke tso ne di nyoko makega. “Mo [Jeso] a šutela thina le Jerusalema, a yi lebelela fote a yi llela.” Jeso o bolabodiye a kene a lla ka tsa go baba tso ne di nyoko makegela batho bo ba dulang Jerusalema.​—Luk. 19:41-44.

11. Ke ntaba Jeso a yye a llela bo ba dulang Jerusalema?

¹¹ Jeso ke mo a kgongwetsa ke taba ya gore ne a di tšiba tsa gore ba go tlala nageng ya gabo ba ka sa yamogele molayetsa wa Mmušo. Ka nako yonone, mo Jerusalema ba yi psyitlanya fote go krayega go na le Majuda ya gore ma phonne ba nyoko ma yisa bobhantiting. (Luk. 21:20-24) Sa go kwisa go baba ke gore dilo tso Jeso a di hlayyeng di makegiye ka mokgonone, ba go tlala ba yye ba sa mo yamogele. Batho ba go tlala ba mo wene o dulang ba wo tseya byang molayetsa wa Mmušo? Mo nkare go fo ba paranyana ya bona bo ba yamogelang go tšhuta nnete, o ka tšhuta ying ga taba ya Jeso ya gore o yye a llela bayagelane bage? Lebelela kararo ya tso o ka di tšhutang.

12. Taba ya gore Jeso o yye a llela bayagelane bage yi re tšhutisa ying ka Jehova?

 ¹² Jehova wa tihlupa ka batho. Taba ya gore Jeso o yye a lla yi re gopotsa ka mokgo Jehova a hlupegang ka matla ka batho. “Aa nyake gore go kgwe le motho ka wwoši mara o nyaka gore ka mokana ga bona ba sokologe.” (2 Pet. 3:9) Lekgono, re šupetsa bayagelane ba rune gore re ba nyaka ka matla mo re ba tšhutisa ditaba tsa go bafala ka mokgwa wa go ba tikisa dipelo.​—Mat. 22:39. *

13-14. Jeso o yye a šupetsa batho ka mokgo mang gore o ba kwela go baba fote mokgwa wone re ka wo kopisela byang?

¹³ Jeso o yye a karakara ka matla ga mmereko wa go tšhomayela. Mo go thulega lešuba o yye a šupetsa batho gore o ba nyaka ka matla ka go fo ya mahlong a ba tšhutisa. (Luk. 19:47, 48) King so se mo tšhofiyeng gore a make ka mokgonone? Jeso ke mo a ba kwela go baba. Ka dinako tse dingwana batho ba go tlala ne ba nyaka go theetsela mantsu ya Jeso la go šinya yene le malata yage “ba sa kraye le nako ya go ja.” (Mar. 3:20) Jeso ke mo a tikemisele go bolabola le morene mongwana wa gore ne a nyaka gore ba gahlane bošego. (Joh. 3:1, 2) Ba go tlala ba gore ba yye ba theetsela Jeso a sanka gwa ba malata yage. Mara ka mokana ga bona bo ba yyeng ba mo theetsela a sanka ba ba teyela mošašaša mo ba ba tšhomayelela. Le lekgono lowa re nyaka go thulela ye mongwana le ye mongwana lešuba la gore a kwe ditaba tsowa tsa go bafala. (Meber. 10:42) Gore re thogo segelela tsotsone, di nyaka re tšhentšhatšhentšhe matšhomayelelo ya rune.

¹⁴ Tikemisele go tšhentšhatšhentšha mo di nyaka o make ka mokgonone. Mo re ka sa tšhentšhatšhentšhe dinako tsa go ye tšhomayeleng di ka makega gore re sa kote le ka wwoši wa gore o jabolela ditaba tsa go bafala. Mošupatsela ye mongwana ye ba reng ke Matilda o yitseri: “Nna le monnaka re liketsa go ye tšhomayelela batho ka dinako tsa go sa tshwane. Re tšhomayela go sa ka bošego ga dipoleke tsa dibhizinisi. Motshegare re tšhomayela re berekisa sekoloyyane mo go tlele batho ba go fetafeta. Ka malobana di ba lula gore re kraye batho ka mitšing ya bona.” Re sa jabolele go bereka tšhomo ka nako yo yi berekelang runebeng mara di nyaka re tikemisele go  tšhomayela ka nako yo batho ba krayegang ka yona. Mo re ka maka ka mokgonone, a re kamake gore tsotsone di nyoko jabodisa Jehova la go sa hlayisege.

15. Luka 22:39-44, yi re king so se yyeng sa makega bošego bya mo Jeso a soko kgwa?

¹⁵ Mo go šele go le ka malobana ka Nisani 14, 33 C.E., Jeso yye a ya polekeng ya Ghetsemane. Gana hone o yye a kgotolela Jehova tso di leng ka pelong. (Bala Luka 22:39-44.) Ka nako yonone ke mo go le ka dinako tsa go thathafa tsa gore Jeso o yye “a kgopela . . . a lla ka sethaga a boya a tšwa le dinepedi.” (Maheb. 5:7) Jeso o yye a rapelela ying ka dinako tsa mafelelo bošego bya mo a soko kgwa? O yye a rapelela lešiši la gore a dule a tshepega ga Jehova a boye a make tso Jehova a di nyakang. Jehova o yye a theetsela mo Morwayi wage a rapela di tšwa pelong ke mokane a romela lengeloyi gore le mo tiyise.

16. Ke ntaba Jeso ne a kwa di mo kgahleletsiye nakwela a rapela a le ku Ghetsemane?

¹⁶ A re kamake gore mo Jeso a kene a rapela a le ku Ghetsemane, ke mo a lla ka taba la gore ne a kgahleletsiye ke tso batho ba di naganang tsa gore ba mo tseya go le motho wa go dhelela lebitso la Modimo. Ke mo a di tšiba gore go dula a tshepega a boya a hlupega ka lebitso la Modimo ke sona selo se segolo ka matla. Mo nkare le wene o ga seyemo sa go go kgahleletsa sa gore se liketsa taba ya gore wa tshepega ga Jehova, o ka tšhuta ying ga taba ya gore Jeso o yye a lla? Lebelela kararo ya dilo tse dingwana tso o ka di tšhutang.

17. Taba ya gore Jehova o yye a theetsela mo Jeso a mo kgopela di mmaba yi re tšhutisa ying?

¹⁷ Jehova wa theetsela mo o mo kgopela. Jehova o yye a theetsela mo Jeso a mo kgopela di mmaba. Ke ntaba? Ka taba la gore Jeso ne a kokona ke taba ya gore o nyaka go dula a tshepega a boya a hlupega ka matla ka lebitso la Modimo. Mo nkare le rune re kokona ke taba ya gore re nyaka go dula re tshepega ga Jehova re boya re hlupega ka lebitso lage, a go jiki o nyoko yi fetola merapelo ya rune ya gore re kgopela gore a re gelepe.​—Pis. 145:18, 19.

18. Ke byang re ka reng Jeso ke monghana wa gore wa kwisisa fote o na le pelo ye butši?

¹⁸ Jeso o kwisisa ka mokgo o tikwang. Mo go na le tsa go re šekedisa, di re thoba dipelo ka matla go ba le monghana wa gore o kwisisa ka  mokgo re tikwang. Jeso ke monghana yenene. Wa di tšiba gore di byang mo motho a tikwa a lelemela le mo a nyaka gore ba mo gelepe. Wa di kwisisa mo go na le tsa go re lelemetsa fote o tikemisele go re gelepa “ka nako ya gona.” (Maheb. 4:15, 16) Go fo tshwana le mo Jeso a yye a yamogela gore lengeloyi le mo gelepe ku Ghetsemane, le rune di nyaka re tikemisele go yamogela mo Jehova a re gelepa a berekisa dikgatiso, dividiyo, dipolabolo, mo re vakašele ke mogolo wa gore o tl’le re tiyiseng kela magageru ya mangwana ya gore ma butšwiye.

19. O ka tiyisa king mo o gahlana le tsa go go kgahleletsa tsa go liketsa taba ya gore wa tshepega ga Modimo? Beyisa.

¹⁹ Jehova “o nyoko maka gore le bebe” Jehova o nyoko re tiyisa ka mokgo mang? Mo re rapela ‘Modimo o nyoko maka gore re bebe, batho ba šala ba sa kwisisi.’ (Mafil. 4:6, 7) Taba ya gore Jehova o maka gore re bebe yi re gelepa gore re kgibe re boye nagane gabutši. Tsotsone ke tso di yyeng dya makegela mogageru wa mosadi ye ba reng ke Luz. O yitseri: “Ke ga go tlala ke kwa nkare ke fo ba ke ntoši. Ka dinako tse dingwana, tsotsone di maka gore ke fele ke tikwa nkare Jehova aa na taba le nna. Mara mo tsotsone di ntlela, ke rapela Jehova ka nako yonone ke mmotsa ka mokgo ke tikwang. Go rapela go n’gelepa gore ke kwe pelo yaka yitseri kgehle.” Tso di mo makegeleng di fo re šupetsa gore go rapela go ka maka gore re bebe.

20. Re tšhutiye ying ga taba ya gore Jeso o yye a lla?

²⁰ Taba ya gore Jeso o yye a lla yi re tšhutisa se sengwana, fote a yi go kgomoletsana ga yona wa tšiba! Yi re gopotsa gore re kgomoletse banghana ba rune ba gore baa lla fote re tshepe taba ya gore Jehova le Jeso ba ka sa tsoge le ka tšatši la mohlolo ba re lahliye mo re hlokofalele ke mašaga ya rune. Re fo kwa di re tšhofa gore re tšhomayele re boye re tšhutise batho go šupetsa gore re ba kwela go baba ka taba la gore Jehova Modimo le Jeso Kreste mokgwa wone wa go kwelana go baba le bona ba nawo. Fote di ya re kgomoletsa go tšiba gore Jehova le Morwayi wage ba kwisisa ka mokgo re tikwang, ba re kwela go baba mo re lelemela fote ba kwana natso tsa go re gelepa gore re tiyisele. Koriyeneng mahlong re kene re berekisa tso re di tšhutiyeng go segela mo Jehova a maka dilo tsa go tikisa pelo tso a di tshepisiyeng tsa gore o nyoko ‘sula dinepedi ka moka maahlong ya rune’!​—Kut. 21:4.