1. O mo tseya byang nyana ga Jehova?

 AYITSANO o yye wa tiputsisa gore Jehova a ka fo ba a yemegiye byang? Mo o kene o mo rapela, o ba o nagana ying nyana? Jehova aa bonale, mara Bhayibele yi berekisa mekgwa ya mohlobohlobo mo yi bolabola ka yene. Ba re Jehova ke “letšatši le morithi” fote ke “mollo wa go gagara.” (Pis. 84:11; Maheb. 12:29) Mo a le gona, ba re go tshwana le letlapa la mayemo, tshipi ya go gadima le molalatladi wa go bafala tsela tsa go kraya le wene o sa sa tšiba. (Ezek. 1:26-28) Go gongwana mo ba mo hlatolla ga Jehova, re ka šala re yahlamme kela mong go ro hlagasela.

2. Ba bangwana ba ka šitisa king gore ba šutele thina ga Jehova?

² A re kgone go mmona ga Jehova, byalo o ka kraya di roba go tshepa mo re kwa ba re wa re nyaka. Ba bangwana ba tšwile moropologo ka taba la tso ba fitiyeng ga tsona tsa lephelo, byalo a ba tshepe gore nnete le bona Jehova wa ba nyaka. O ka kraya le papa wa gore o ba nyaka ka matla ba sa ka ba ba naye. Jehova wa di kwisisa tsotsone le gore di re maka ying. O re thuletsela ka Lentsu lage gore o na le dilo tsa go bafala tso a tšibegang ka tsona.

3. Ke ntaba di nyaka re tšhute ka matla ka taba yo ya gore Jehova o re nyaka ka matla?

³ Nnete ya gore yi wolologiye ke ya gore Jehova o re nyaka ka matla. (1 Joh. 4:8) Tsa go nyakanana re tšhuta gage. O tšhofa ke go nyakanana mo a maka selo se sengwana le se sengwana. Modimo o re nyaka tsela tsa nkare ke moka fote aa timakisi, o šinya a šupetsa le bo ba gore a ba yi kene yage gore yene o kwana nabo stereka. (Mat. 5:44, 45) Ga hlogotaba yowa, re nyoko tšhuta ka matla ka Jehova ka boyene le gore o re nyaka ka matla. Mo re napa re kenelela re tšhuta ka Modimo ye wa rune, le rune re ko kweng gore taba ya rune naye yi napa yi dura.

JEHOVA O RE NYAKA TSA NKARE KE MOKA

4. Wene o tikwa byang ka taba yo ya gore Jehova wa re kwela? (Lebelela le sethombhe.)

⁴ ‘Jehova o nyakanana ka matla.’ (Jak. 5:11) Ka ho Bhayibeleng,  o titshwanisa le mmane wa go kwelana. (Jes. 66:12, 13) O fo nagana ka mmane wa gore aa nyake go kwa selo ka ngwananyana wage. O mo kganakganisa ho diropeng a maka nkare wa mo kaba, a mmolabodisa a kgibiye, di šala di ro natefela. Mo ngwananyana yene a lla kela a kwa go baba, mmane wage o yakgoswa a mo neya so a se hlokang. Mo re kwa go baba, re ka tisamela ka Jehova gore o re nyaka ka matla. Mopisalema o ngwadiye gore: “Mo ke roba ke mešekelo, o yye wa nkgomoletsa wa boya wa ro mpapatela.”—Pis. 94:19.

5. O yi tseya byang yo ya gore Jehova aa tšhentšhatšhentšhi mo a re wa re nyaka?

⁵ Jehova aa tšhentšhatšhentšhi. (Pis. 103:8) Mo re kekemisa, aa nape a re šiya re ntoši a re re ko tikweleng. Setšhaba sa Israyele se mo tšebisiye gatleletlele ga Jehova; mara o šupetsiye batho bage ba gore baa tisola gore ba ro ba ho pelong yage mo a re: “Ke yye ka le tseyela gedimo ka matla, ka le beya mayemong, ka le šupetsa gore ke le nyaka tsa nkare ke moka.” (Jes. 43:4, 5) Ga taba yo ya gore Modimo o re nyaka ka matla, o sa na a fo ba ka mokgonola. Re ka dula re yi tshepa. Le mo re ka fo ba re yye ra kekemisa ka matla, Jehova aa re lahle. Mo re tisola ke mokane re sologa re ya ga Jehova, re nyoko fo mo kraya a re nyaka go fo tshwana le maloba wenela. O re tshepisa gore “o nyoko re tshwarela ka matla ya magolo.” (Jes. 55:7) Bhayibele mo yi bolabola ka go tshwarela howa yi re ke go leya “dinako tsa go timuluga … tsa go tšwa ga Jehova ka boyenemong.”—Meber 3:19.

6. Zakariya 2:8 yi re tšhutisa ying ka Jehova?

⁶ Bala Zakariya 2:8. Tsa gore Jehova o re nyaka ka matla di napa di ro mo tšhofa gore a hlupege ka rune gore re tikwa byang fote a kwe a nabela go re pasopa. Ho re kwa go baba, le yene o kwa go baba. Di napa di ro kwagala mo re rapela re re: “Mpasope go tshwana le todi ya lihlo lago.” (Pis. 17:8) Ho mmeleng, lihlo a yi selo sa go fo kganakganela ga sona fote re le tseyela gedimo ka matla. Byalo mo Jehova a re tshwanisa le todi ya lihlo lage, ke setšha a re: ‘Motho wa go kwaletsa lune batho baka, o lebela nna.’

7. Ke ntaba di nyaka re nape re yi kikitele yo ya gore Jehova o re nyaka tsa mannete?

⁷ Jehova aa nyake o kamaka yo ya gore wene o le ntoši o go nyaka ka matla. Mara wa di tšiba gore tso re yyeng ra feta ga tsona di ka maka gore re sa tshepe gore o re nyaka tsa mannete. Kela o ka fo kraya re le ga seyemo se sengwana gana byalo sa go maka gore re sa nape re di tshepa tsa gore Jehova wa resa mo a re wa re nyaka. Tshepo ya rune yi ka tiyisa king? Yi ka tiyisa ke ho re ka tšhuta ka mokgo Jehova a šupetsang Jeso gore o mo nyaka ka matla, ka mokgo a šupetsang bo ba go tlotsiwa le rune ka moka.

 JEHOVA O RE ŠUPETSA KA YING GORE O RE NYAKA TSA MANNETE?

8. Jeso o makiye king gore a sa kamake le ka gonyana gore nnete Papage wa mo nyaka?

⁸ Jehova le Morwayi wage ba kwana ka matla, fote a yi lekgono ba kene ba mamarelanne. Ke bona ba mathomothomo ba go mamarelana go tlugisela. Jehova o yi yedisiye ya gore ga Jeso o mo nyaka ka matla, re di bala ho ga Matewu 17:5. Ke mo di ka sa hlupe le hala Jehova a f’lo re, ‘Ke kgetiye yewa.’ Mara ke mo a nyaka re di tšiba tsa gore o tikwa byang ka Jeso, a re, “Morwayi waka ye ke mo nyakang ka matla.” Jehova ke mo a titeya sekguba ka Jeso le ka so ne a le thina le go se maka. (Maef. 1:7) Le Jeso ke mo a sa kamake gore o thina ka matla le pelo ya Papage. Jeso ke mo a ro di bona tsa gore Jehova o mo nyaka tsa nkare ke moka, a ro di kwa ka ku tengteng. O hlayye gatleletlele a sa kamake gore Papage o mo nyaka la go sa hlayisege.—Joh. 3:35; 10:17; 17:24.

9. Ke mantsu ya gore king ya go yedisa taba ya gore Jehova o ba nyaka ka matla bo ba go tlotsiwa? Hlatolla. (Maroma 5:5)

⁹ Le bo ba go tlotsiwa baa di bona tsa gore Jehova o ba nyaka ka matla. (Bala Maroma 5:5.) Go na le lentsu la gore wa ba “šupetsa.” Puku ye nngwana ya go hlatolla mantsu yi re gabutšibutši lentsu lo le ra gore Modimo o re nyaka ka matla ya magolo tsa nkare go “ro ba meetši mo ya yela moyeding.” Ya gore Jehova o ba nyaka go segela kaye bo ba go tlotsiwa yi fo re kwatla! Ba di tšiba gabutši gore ‘Modimo o ba nyaka ka matla.’ (Juda 1) Johane wa lepostola o šupetsiye gore ba yi tseya byang taba yo mo a ngwala gore: “Mara le ya di bona gore Papa o šupetsiye gore wa re nyaka ka mokgo mang! Phela o makiye gore re bitsiwe bana ba Modimo!” (1 Joh. 3:1) Ayitsano Jehova o felela mo ga bo ba go tlotsiwa? Awwa, Jehova o makiye gore ka mokana ga rune re di bone tsa gore o re nyaka tsa mannete.

10. King gago sa go napa se go šupetsa gore Jehova o go nyaka la go sa hlayisege?

¹⁰ Yo ya gore Jehova o re nyaka ka matla yi maka king gore yi šale yi yitseri nghee? Yi maka ke taba ya go lepolla batho—a se šiyo legedimong le lefaseng sa nkare se ka šutela ga taba yo ya go šupetsa batho gore ba nyakiwa stereka! (Joh. 3:16; Mrm. 5:8) Jehova o neyye batho Morwayi wage wa gore aa mo tseyele fase, a mo lisetsa gore a kgwele batho ka mokana ga bona gore a thogo re tshwarela ga tso re di sinnyeng ke mokane re nghanelane naye. (1 Joh. 4:10) Mo re fo ya mahlong re ghayela ka so Jehova le Jeso ba se pateleng, di napa di ro re yelela gore ba re nyaka ka matla, ye mongwana le ye mongwana wa rune. (Magal. 2:20) Taba ya go lepolla ke mo ba sa yi makele moyano. Yi re šupetsa gore re nyakiwa la go sa hlayisege. Jehova o re šupetsiye gore o re nyaka tsa mannete ka go ro napa a re neya mong motho wa gore o mo tseyela gedimo go feta se sengwana le se sengwana—yene Jeso. Jehova o mo lisetsiye ga Morwayi wage gore ba mo hlupegise a boya a ro kgwa, a re o makela rune.

11. Re tšhuta ying ga Jeremiya 31:3?

¹¹ Re di bonne tsa gore Jehova aa fo kutela, mara wa re thuletsela gore wa re nyaka (Bala Jeremiya 31:3.) Jehova o re gogele gage ka taba la gore nnete wa re nyaka. (Tshwanisa le Dotoronoma 7:7, 8.) A se šiyo sa gore se ka re mamarolla ga taba yo ya gore o re nyaka ka matla, le mo re ka ba re le kaye. (Mrm. 8:38, 39) Wene o tikwa byang mara ka taba yowa? Bala Pisalema 23, o bone gore Dafita yene di mo makiye ying mo a di bona tsa gore nnete Jehova wa mo nyaka fote wa mo pasopa, le gore rune ka moka di ka maka gore re tikwe byang.

O RE KING WENE KA TABA YA GORE JEHOVA O RE NYAKA KA MATLA?

12. O ka fo re king mo o re ntshela monopo wa Pisalema 23?

¹² Bala Pisalema 23:1-6. Pisalema 23 ke koša ya go šupetsa gore nnete Jehova o re nyaka ka matla fote wa re pasopa. Pisalema yo yi ngwadiye ke Dafita, o hlaya gore yene le Ye wa go mo Disa, Jehova, ba kwana mong go kwana. Dafita ke mo a kwa a le gabutši mo a lisetsa Jehova gore  a mo yetetse, a šiya dilo ka moka Naye. Dafita ke mo a di tšiba tsa gore Jehova o nyoko fo dula a mo nyaka lephelo lage ka mokana ga lona. Ke mo a maka king gore a di tshepe ka matla tsotsone?

13. Dafita o makiye king gore a sa kamake gore Jehova wa re pasopa?

¹³ “Nka sa gayele selo.” Pelo ya Dafita ke mo f’lo re kgehle ka taba la gore Jehova ke mo a dulela go mo neya tso a di hlokang. Fote Dafita ke mo go le monghana wa Jehova, a mo tshwere gabutši. Ke mo a sa kamake gore le mo go ka teya leduma la mošaga mang, Jehova o sa na a nyoko mo neya dilo ka mokana ga tsona tso a di hlokang. Dafita ke mo a le nayo mešekelo, mara ke mo a ngangarele ga yo ya gore Jehova o mo nyaka ka matla, sosone se makiye gore a jabole ka ku tengteng, a fo re tswee.—Pis. 16:11.

14. Jehova a ka fo re pasopa ka mokgwa mang go šupetsa gore o re nyaka tsa mannete?

¹⁴ Jehova wa re pasopa go šupetsa gore o re nyaka ka matla, ka matlamatla mo re tlela ke tsa go befa. Claire a o fetsiye mengwaga ya go teya ka ku ga 20 a bereka Bethele, byalo o yye a tapega matšhika mo tsa go sasamela di tlela ba gabo di pepulanne. Papage o yye a teya ke setorowuku, sesi wage ye mongwana ba yye ba mo ntsha ka phutegong, ke mokane bhizinisinyana yela ya gabo ya wa, ba šala ba sa sa na ga go dula. Jehova o šupetsiye ka ying gore wa ba pasopa fote o ba nyaka ka matla? Claire o re: “Jehova o makiye gore ba ku gaye ba be le tso ba di hlokang ka moka matšatši. Jehova ke mo a dulela go ba neya tsa gore di feta kgole tso nna ne ke di nagana! Ga go tlala ke nagana ka dinako tso le nna ke bonneng gore Jehova o nnyaka ka matla, dinako tsone ke di tseyela gedimo. Go gopola dilo tsowa go ntiyisiye mo ke tlela ke tsa go mphika.”

15. Dafita o makiye king gore a šale a timulugiye? (Lebelela le sethombhe.)

¹⁵ “Wa ntimula.”  Dafita ke mo a fela a kwa di mo roba mo a tlela ke mathata ka moka le tsa go  mo phika. (Pis. 18:4-6) Mara o yye a timula ke taba ya gore nnete Jehova wa mo nyaka fote wa mo pasopa. Jehova o yye a yetetsa monghana ye wage wa gore ke mo a tinnwe, a mo yisa gore a ye “kgula go gotala” le “ga poleke ya go khutsa ya gore ba yi tšheletsa gabutši.” Dafita o yye a hlakarela, a tlogamela.—Pis. 18:28-32.

16. Wene yi go timula ka mokgwa mang yo ya gore Jehova o go nyaka tsa mannete?

¹⁶ Le lekgono, re gahlana le tsa go re babela fote re fela re goga thabeng, mara “a go soko fela ka rune ka taba la gore Jehova o re nyaka ka matla.” (Dil. 3:22; Makol. 1:11) Theetsela taba ya Rachel. Ke mo a yemme hlogo ka nako ya COVID-19 mo monnage a re aa sa mo nyaka fote le ya go berekela Jehova aa sa yi kena. Jehova o mo makele ying ga mmane yewa? O re: “Jehova o nkwisiye gore ba sa na ba le gona ba gore ba nnyaka ka matla. O nleyele banghana ba go fokatsa le nna, ba nleyela tsa go ja, ba nromela melayetsa ya gabutši le mangwalo, ba ngwalangwala le nna ba boya ba n’gopotsa gatleletlele gore Jehova wa mpasopa. Ga Jehova ke dula ke mo leboga gore o nneyye mutši wo mogolo wa gore wo nšupetsa gore wo kwana le nna stereka.”

17. Ke ntaba Dafita a yitseri aa “tšhabe sa gore se ka mo kwaletsa”?

¹⁷ “A ke tšhoge sa gore se ka nkwaletsa, ka taba la gore o na le nna.” Dafita ba mo phukiye gatleletlele fote ke mo a na le manaba ya go tlala ya go ba le matšhika. Mara ke mo a fo kwa a yitseri kgehle ka taba la go tšiba gore Jehova o mo nyaka tsa mannete. Dafita ke mo a di bona tsa gore Jehova o naye ga seyemo se sengwana le se sengwana, a kwa di mo tiyisa ka matla. O šinnye a yepelela a re: “[Jehova] o mphonisiye ga dilo ka mokana ga tsona tsa gore ke mo ke di tšhoga.” (Pis. 34:4) Dafita ke mo a tšhaba dilo tsa mannete, mara tsa go hlagasela ke mo di poma ke gore ga taba ya go mo nyaka ga Jehova aa šepisi.

18. Mo o kwa nkare wa hlagasela, taba yo ya gore Jehova o re o nyoko dula a šupetsa gore o go nyaka tsa mannete yi go tiyisa go segela kaye?

¹⁸ Mo re kwa re hlagasela, taba yo ya gore Jehova o re o nyoko dula a šupetsa gore o re nyaka tsa mannete yi re tiyisa go segela kaye? Mošupatsela ye ba reng ke Susi wa hlaya gore yene le monnage ba yye ba tikwa byang mo morwayi wa bona a tipolaya, o re: “Mo di makega o sa nagana, o ka kwa nkare wa lora. Mara taba ya gore Jehova o re nyaka ka matla yi makiye gore re fo ba gabutši nje fote re kwe re pasopegiye.” Rachel yela re bolabodiyeng ka yene o gopola taba ye nngwana, o re: “Tšatši le lengwana bošego ke yye ka kwa mo pelong go baba la go sa hlayisege, ke mo ke šekela fote ke tšhugiye, ke yye ka gotla ke llela Jehova. Ka nako yonone ke napiye ke di kwa tsa gore o ro mpapatela, a n’gelepa gore ke  kgibe, go tshwana le mmane mo a maka ga ngwanage, ka napa ke ya ka boroko. Yone nka sa tsoge ke yi libele.” Mogolo ye ba reng ke Tasos o fetsiye kanne ya mengwaga jele ka taba la go gana go ya bosoleng. O bonne ka ying gore Jehova o mo nyaka ka matla fote wa mo pasopa? O re: “Jehova o yye a nneya dilo ka mokana ga tsona tso ke di hlokang le tsa go feta tsone. Sosone se nšupetsiye gore nnete nka ro napa di tisamela ka yene. Fote Jehova o berekisiye moya wage go maka gore ke fo kwa ke jabodiye le mo go na le tsa go nkgahleletsa. Sosone se makiye gore ke nape ke di bona gore mo nkene ke bereka ke le ho thina gage, o nyoko ntshwara gabutši. Byalo ke thomisiye go mmerekela ke le mošupatsela wa nako ka moka ke sa le jele.”

ŠUTELA THINA GA MODIMO WAGO WA GORE NNETE WA GO NYAKA

19. (a) Tsa gore Jehova o re nyaka ka matla di ka re gelepa ka mokgwa mang ga tso re di hlayang mo re rapela? (b) Wene o tikisa ke yifeng ka matla mo ba re yedisela tsa gore Jehova o re nyaka tsa mannete? (Lebelela lebhokosi la gore “ Mantsu ya go Napa ma re Kwisa Gore Nnete Jehova wa re Nyaka.”)

¹⁹ Dilo ka mokana ga tsona tso re petapetiyeng ka tsona di napa di šupetsa gore Jehova, “Modimo wa go re nyaka ka matla,” o na le rune! (2 Makor. 13:11) Ye mongwana le ye mongwana wa rune o mo jabodisa ka matla. A re kamake gore o re “dukulugiye go šupetsa gore aa tšhentšhi mo a re wa [re] nyaka.” (Pis. 32:10) Mo re fo ya mahlong re ghayela ka taba yo ya gore o re šupetsiye gore wa re nyaka, re nyoko napa re mo tseya go le mong wa mannete, ra napa re šutela thina naye. Re ka sa tšhabe go hlaya gore a re šupetse a sa fetsi barena gore o re nyaka ka matla. Re ka mmotsa mešekelo ya rune ka mokana ga yona, re sa kamake gore wa re kwisisa fote o di yemele ka maahlo ya makhubedu go re gelepa.—Pis. 145:18, 19.

20. Taba ya gore Jehova o re nyaka ka matla yi re šutetsa thina naye ka mokgwa mang?

²⁰ Mo go bata, re kwa re nyaka go ba thina le mollo; mo re mmona ga Jehova gore o re nyaka ka matla, re kwa re nabela go ba thina naye. Taba yo ya gore Jehova o re nyaka tsa mannete yi na le matšhika ka matla, mara fote ya bešabeša. Byalo ho lephelong lago, yamogela ka matsogo ka mabedi gore Jehova o go nyaka tsa nkare ke moka. Fote nkare ka mokana ga rune re ka šupetsa gore le rune re mo nyaka ka matla, re hlaye gore: “Nnete ga Jehova ke mo nyaka re sa timakisi”!—Pis. 116:1.