1. Re ka maka king gore re fele re tšhoga?

 RE FELA re tšhoga ka mokana ga rune. Mara a re sa tšhaba batho ba gore ba timele, dilo tsa go ba le matšhika ya go sa tšibegi le go tšhaba tsa ku mahlong, ka taba la gore re tšhutiye Bhayibele. Mara re sa na re phela ga dinako tsa gore re “bona dilo tsa go tshosa,” tsa go tshwana le dintwa, bokgohlane le malwele. (Luka 21:11) O ka kraya go gongwana re tšhaba batho, memmušo ya go re kgahleletsa le mong ba mašaga ya rune ba gore ba phigisana le morapelo wa mannete. Ba bangwana baa tšhoga gore ba nyoko šitega go tiyisela ga tso ba fetang ga tsona gana byalo kela tsa gore di sa nyoko ba tlela ku mahlong.

2. Hlatolla gore ke mo go makiye byang nakwela Dafita a le hala Ghathe.

² Dafita le yene o yye a tšhoga. Mo re beyisa, nakwela Kgoši Sawulo a lelekisana naye a nyaka go fetsa ka yene, Dafita o yye a kgeta go tšhabela ga mutši wa Mafilisita wo ba reng ke Ghathe. Kgoši ya Ghathe yo ba reng ke Akhiši yi yakgoswiye yi di kwelela tsa gore Dafita ke monna wa go ba le matšhika wa go lwa dintwa wa gore ba yye ba mo thanaka ka koša ba re o bolayye ‘diketekete’ tsa Mafilisita. Dafita o yye “a thomisa go tšhoga ka matla.” (1 Sam. 21:10-12) Ke mo a šekedisa ke gore Akhiši a ka mo maka ying. Dafita o yye a di hlula ka mokgwa mang tso tsa gore ke mo di mo tshosa?

3. Pisalema 56:1-3, 11 yi šupetsa gore Dafita o di hludiye byang tso ne di mo tshosanya?

³ Ga Pisalema 56, Dafita wa hlaya gore ke mo a tikwa byang nakwela a le Ghathe. Pisalema yo yi napa yi ro di beya lekgwaying tso ne di mo tshosa ga Dafita, mara yi thuletsa le taba ya gore o di hludiye ka mokgwa mang. Mo Dafita a kwa nkare matolo yage maa kgwelakgwehla, o yye a tshepa Jehova. (Bala Pisalema 56:1-3, 11.) Ke mo a sa mo tshepe mahala. Jehova o yye a mo rufa ke mokane Dafita a timakela polane ya gore a ya tlwayelega mara yi  mmerekele: O yye a maka nkare wa hlanya! Gana byalo mo Akhiši a libelela Dafita, ke mo a sa sa mo tšhoga mara a bona a mo tinisa; Dafita a napa a krayye lešuba.—1 Sam. 21:13–22:1.

4. Re ka maka byang gore re mo tshepe ka matla ga Jehova? Beyisa.

⁴ Le rune re ka yi hlula taba yo ya go tšhoga mo re ka fo mo tshepa ga Jehova. Mara re yi tiyisa ka mokgwa mang taba yo ya go mo tshepa ga Jehova, ka matlamatla ka nako ya mo re sa sa tšiba gore re ka kena kakaye? Mošupetso ke wowa. Mo o thomisa go di kwelela tsa gore o kenne ke bolwele, di ka fo go tshosa. Mara o ka fo tikwa o kgibiye mo o ka tshepa togotela yago. A ka fo ba a yalafiye batho ba go tlala bolwele bya mohlobo wonone. A ka fo theetsela gabutši, a boya a go botsa gore wa kwisisa gore o tikwa byang. A ka boya a hlaya gore go ka ba kawone gore bolwele byo a bo yalafe byang go tshwana le ga ba bangwana. Le rune re tiyisa taba ya go mo tshepa ga Jehova mo re nagana ka tsa gore o šele a di makiye, tsa gore wa di maka gana byalo le tsa gore o sa nyoko di maka. Dafita o makiye tsotsone. Mo re kene re petapeta ka mantsu yage ya mangwana ya ma leng ga Pisalema 56, o fo nagana gore wene o ka yi tiyisa ka mokgwa mang taba ya go mo tshepa ga Jehova gore tsa go go tshosa di sa go yilametsi.

JEHOVA O ŠELE A MAKIYE YING?

5. Ke dilo difeng tsa gore Dafita o yye a ghayela ka tsona gore a thogo hlula tsa go mo tshosanya? (Pisalema 56:12, 13)

⁵ Mo Dafita a kene a feta ga tsa gore ba ka tšhoga ba mmolayye, o yye a nagana ka matla ka tsa gore Jehova o šele a di makiye. (Bala Pisalema 56:12, 13.) Ke mo go ro ba mokgwa wa Dafita go nagana ka mokgo. Mo re beyisa, ke mo a fela a ghayela ka dilo tsa gore Jehova o ro di maka, ke mokane a gopola gore Jehova o na le matšhika ya go tshosa fote batho o kwana nabo stereka. (Pis. 65:6-9) Dafita o yye a ghayela le ka tso Jehova a di makeleng ba bangwana. (Pis. 31:19; 37:25, 26) Ka matlamatla o yye a ghayela ka tso Jehova a mo makeleng tsona yene beng. Jehova o yye a mo thega a boya a mo pasopa ga Dafita go tlugisela go sa le leseya. (Pis. 22:9, 10) O fo nagana nje gore Dafita o napiye a mo tshepa ka matla go segela kaye ga Jehova mo a fetsa go ghayela ka mokgo!

6. Mo re kwa re tšhaba, re nyoko gelepa king gore re mo tshepe ga Jehova?

⁶ Mo o kwa o tšhaba, tiputsise gore, ‘King sa  gore Jehova o šele a se makiye?’ O fo nagana ka dilo tso a šeleng a di makiye. Mo re beyisa, mo re ‘lebelela gabutši’ ka mokgo Jehova a pasopang dinonyane le mabhlomu—tsa gore aa di maka ka setshwano sage le tsa gore a di kgone go mo rapela—sosone se nyoko maka gore re nape re mo tshepa gore le rune o nyoko re pasopa. (Mat. 6:25-32) Nagana le ka so Jehova a se makeleng bo ba mo rapelang. O ka fo bala ka motho wa ka Bhayibeleng wa gore o šupetsiye gore o na le tumelo ya go tiya, kela o ka fo bala ka ditaba tsa lelata la Jehova la gana byalo. a Go tokegela gana hone, ghayela ka taba ya gore Jehova o šele a šupetsiye gore wa tihlupa ka wene. O makiye byang mo a go goga gore o tle nneteng? (Joh. 6:44) O go fetodiye ka mokgwa mang mo o rapela? (1 Joh. 5:14) Di go gelepa go segela kaye ka moka matšatši tso Morwayi wage wa gore o mo nyaka ka matla a go makeleng tsona ka sehlabelo sage?—Maef. 1:7; Maheb. 4:14-16.

7. Tso moporofeta Daniyele a fitiyeng ga tsona di mo gelepiye byang ga Vanessa gore a hlule tsa go mo tshosanya?

⁷ Vanessa, b ke mogageru wa mosadi wa hala Haiti, o yye a gahlana le seyemo sa gore se ro tlogamedisa le meriri. Monna ye mongwana wa poleke yo a dulang ga yona ke mo a mo fowunela a boya a mo romela molayetsa ka moka matšatši a mo kgetisa, a mo tšhofa gore a mo dumele. Vanessa o yye a gana a sa tshege. Mara monna yene aa lahla tewu a boya a ro mmotsa gore o nyoko mo kwaletsa. Sesi ye wa rune o re, “Ke mo ke tšhugiye.” Vanessa o di hludiye byang tso tsa go mo tshosa? O yye a maka tse dingwana gore a tipasope. Bagolo ba yye ba mo gelepa gore a bolabole le ba tsa molawo. Mara a nagana le ka taba ya gore Jehova o yye a gelepa malata yage ku botala. Vanessa o re, “Motho wa mathomo ye ke mo naganneng ke mo go le moporofeta Daniyele. Le mo a se na molato, ba yye ba mo lahlela sekoting sa gore ke mo se na le ditawu tsa go kwa tlala. Mara Jehova o yye a ba naye. Ke yye ka kgopela Jehova gore a lawole seyemo so ka moka. Mo ke fetsa, ka fo kwa ke yitseri tswee.”—Dan. 6:12-22.

JEHOVA O MAKA YING GANA BYALO?

8. Dafita ke mo a sa kamake ga taba yifeng? (Pisalema 56:8)

⁸ Ke mo di ka makega gore Dafita ba fetse ka yene nakwela a le hala Ghathe, mara aa hlagasela. O yye a fo tikgetela go nagana ka so Jehova ne a mo makela sona ka nako yonone. Dafita o di bonne tsa gore Jehova ke mo a mo yetetsa a boya a mo pasopa fote ke mo A di kwisisa tsa gore o tikwa byang. (Bala Pisalema 56:8.) Fotefote Dafita ke mo a na le banghana ba go tshwana le Jonathane le Moprista ye Mogolo ye ba reng ke Ahimeleke ba gore ba yye ba yema naye le mo go bifiye ba boya ba mo gelepa. (1 Sam. 20:41, 42; 21:6, 8, 9) Kgoši Sawulo ke mo a nyaka go fetsa ka Dafita, mara o teyye fase gatleletlele. Yene Dafita o yye a di bona gabutši tsa gore Jehova ke mo a di tšiba tso di mo phikang le gore dilo tsone di mo kgahleletsa go segela kaye.

9. King sa gore Jehova wa se bona ga ye mongwana le ye mongwana wa rune?

⁹ Mo nkare o ghula ke tsa gore dya go tshosanya, o sa lebale gore Jehova wa di bona tso o fetang ga tsona le gore di maka gore o tikwe byang. Mo re beyisa, Jehova o yye a di bona nakwela Maisrayele ba ma maka lešidi hala Egepita a boya a bona ‘tso di ba kwisang go baba.’ (Ek. 3:7) Dafita o yye a yepelela a re Jehova a bone “mehlupego” yage le “tsa go napa di ro [mo kgahleletsa].” (Pis. 31:7) Le nakwela batho ba Modimo ba tlela ke tsa go sasamela—go le bona beng ba makiyeng tsa go tšiba ke bona—“di yye dya mo kgongwetsa.” (Jes. 63:9) Mo o kwa o tšhaba, Jehova wa di kwisisa tsa gore o tikwa byang fote o fo kwa di mo tšhofa gore a go gelepe o thogo hlula tso di go tshosang.

10. Wene o maka king gore o di tshepe tsa gore Jehova wa tihlupa ka wene fote o nyoko go gelepa ga se sengwana le se sengwana sa go go ghula?

 ¹⁰ Mara fote o ka makatsa ke gore Jehova wa go gelepa mo o kene o tlela ke tsa go go ghula tsa go tshosa. Byalo mo kgopele gore a go gelepe o thogo bona mo a go thega. (2 Mag. 6:15-17) Ke mokane o tiputsise gore: Ayitsano go yye gwa ba le polabolo kela ye mongwana a fetola megahlanong ya phutego wa šala o kwa o tiyelele? Ayitsano kgatiso, vidiyo kela koša yi yye ya go tiyisa? Ayitsano go na le motho wa gore o yye a go botsa taba kela a go balela lengwalo wa kwa di go tikisa pelo? O ka kraya re di tseyela fase tsa gore re na le magageru fote re na le tsa go ja tsa go re šutetsa thina ga Modimo. Mara dilo tsowa ke mong tse dikgolo ka matla tsa gore Jehova o re neyye tsona. (Jes. 65:13; Mar. 10:29, 30) Dilo tsowa di fo ba di šupetsa gore wa tihlupa ka wene. (Jes. 49:14-16) Di boya di ro šupetsa gore di nyaka o mo tshepe.

11. Aida o gelepiye king gore a šišimale?

¹¹ Aida, wa gore o dula hala Senegal, o di bonne tsa gore Jehova ke mo a le naye mo a feta ga tsa go mmabela. Ke yene letšibula gagabo, byalo babelegi bage ke mo ba yemele gore a bereke a boye a yi tipe ka masaka gore a thogo tipasopa a boye a pasope le bona. Mara mo Aida a kene a liketsa go sa hlekeletsi dilo tsa go tlala gore a thogo ba mošupatsela, o yye a thomisa go di bona tsa gore aa sa na sekwetše. Ba gabo ba yye ba thomisa go kwata ba boya ba mmotsa tsa go gakga. O re: “Ke mo ke tshosa ke gore ke nyoko šitega go gelepa babelegi baka fote batho ka mokana ga bona ba ka sa sa kwana le tsa gaka. Ke yye ka ro šinya ke mo sola le ga Jehova gore o f’lo n’lisetsa ke goromela a kene a nlibelele.” Ke mokane o yye a kwa polabolo mogahlanong wa phutego. O re: “Ye a beyang polabolo o yye a re gopotsa gore le mo re ka fo ba re kwalele byang ka ho pelong, Jehova wa di tšiba. Bagolo le batho ba bangwana ka ho phutegong ba yye ba nneya mayele, ke mokane ka fo ya nkene ke hluhlutela, ka napa ke ro di bona tsa gore Jehova o nnyaka la go sa hlayisege. Ke yye ka thomisa go mo rapela ga Jehova ke šele ke mo tshepa ka matla gana byalo, ka di kwa le mo pelo yo yi kgehlemela mo ke mmona a fetola merapelo yaka.” Mo nako yi kene yi ya, Aida o yye a kraya mmereko wa gore ke mo wo kgona go phidisa yene a kene a le mošupatsela, a boya a kgona go gelepa babelegi bage le batho ba bangwana ka sekwetše. O re: “Ke tšhutiye gore ga Jehova di nyaka ke mo tshepe mong go mo tshepa. Gana byalo lo, mo ke  fetsa go rapela, ga go tlala tsa go ntshosa di fo napa di ya.”

JEHOVA O SA NYOKO MAKA YING?

12. Pisalema 56:9 yi re ke ga yifeng taba ya gore Dafita ke mo a sa kamake?

¹² Bala Pisalema 56:9. Temanyana yowa yi re thuletsela tsela ye nngwana ya gore Dafita o yye a hlula tsa go mo tshosa. Le mo a di bona tsa gore ba ka fo fetsa ka yene nako ye nngwana le ye nngwana, o yye a ghayela ka dilo tsa gore Jehova ke mo a sa na a nyoko mo makela tsona. Dafita ke mo a di tšiba tsa gore Jehova o nyoko mo phonisa ka nako ya gabutši. Akere phela ke mo go hlayye yene Jehova a re o nyoko beya Dafita gore go be kgoši ya go latela ya Israyele. (1 Sam. 16:1, 13) Se sengwana le se sengwana sa gore se tshepisa ke Jehova, ga Dafita ke mo go le setšha se šele se makegiye.

13. Re ka mo tshepa ga Jehova gore o nyoko maka ying?

¹³ Jehova o tshepisiye gore o nyoko go makela ying wene? A ra yemela gore a re phimise mathatha ka mokana ga wona. c Mara a go na taba gore bothatha byo wene o ka gahlanang nabyo ga lefase lo bo byang ka khala, Jehova o nyoko fetsa ka byona ga lefase la nyuwane la gore le kene le ya šutela. (Jes. 25:7-9) Wa tšiba Ye a re makiyeng o na le matšhika ya magolo ya go tsosa bo ba gore ba hlokofele, go re yalafa le go fetsa ka batho ka mokana ga bona ba gore baa re phigisa.—1 Joh. 4:4.

14. Re ka ghayela ka ying?

¹⁴ Mo o kwa nkare wa tšhaba, ghayela ka tso Jehova a nyoko di makang ku mahlong. O fo nagana nje gore o nyoko tikwa byang mo Sathane a sa sa le šiyo, mo go sa sa na batho ba dipelo tse diphifadu, go na le ba dipelo tsa go bafala fela, le ka nako yo re ko bang re fo ya re yenela ho mmeleng ka moka matšatši. Go yye gwa ba le mošupetso ga mogahlano wo mogolo wa 2014, wa gore ke mo wo šupetsa tso re ka di makang gore re ghayele ka tshepo yo re nang nayo. Ga mošupetso wone, papa ye mongwana ke mo a bolabola le ba mutši wage ka 2 Thimothi 3:1-5, a šupetsa gore mo mantsu yane ma šele ma bolabolela Pharadeyisi ma ka fo re king, a re: “Ga lefase la nyuwane go nyoko ba go le mong la mathomo re kwa re jabodiye ka matla. Ka taba la gore batho go nyoko ba ba go kwana ka matla le ba bangwana, ba go kwana le nnete, ba go tipeya fase, ba go tinyanafatsa, ba go thanaka Modimo, ba go theetsela babelegi, ba go leboga, ba go tshepega, ba gore ba kwana ka matla le ba mitši ya bona, ba gore baa dumelelana ka dilo, ba gore ba dula ba bolabola tsa gabutši ka ba bangwana, ba go kgona go titshwara, ba go temeka, ba go kwana le tsa loka, ba go tshepega, ba go sa be le magaba, ba gore a ba na magetla, ba gore ga Modimo ba mo nyaka ka matla go feta tsa go tijabodisa, ba gore ba maka tso Modimo a di nyakang ba sa tšhofe ke motho; fote batho ba mohlobo wonone o nape o ro ba mamarela.” Ayitsano wene wa di tshwara ditaba le ba mutši wago kela magageru ka ho phutegong tsa go fo re lephelo le nyoko ba le le byang ga lefase la nyuwane?

15. Tanja ke mo a tšhugiye, mara o gelepiye king gore di sa mo hlagasedisi?

¹⁵ Hala Lebowa la Masedoniya go na le mogageru wa mosadi ye ba reng ke Tanja wa gore o yye a hlula tsa go mo tshosanya ka go ghayela ka tso a nyoko rufegang ka tsona tsa ku mahlong. Babelegi bage ke mo ba sa nyake go kwa selo le ka gonyana ka taba yo yage ya gore o tšhuta Bhayibele. O re: “Selo se sengwana sa gore ke mo ke tšhoga gore se ka fo makega se yye sa makega. Mmane ke mo a nteya ka moka nako mo ke tšwa megahlanong. Babelegi baka ba yye ba mpotsa gore mo nka fo thoma nje ke re ke ba Hlatse ya Jehova, ba nyoko ntlopola segologolowane so.” Tanja ba yye ba šinya ba mo raka gaye. O yye a maka byang byalo? O re: “Ke yye ka nagana ka taba ya gore ke nyoko tla ke jabola go ya go yye ka taba la gore ke yye ka kgeta go tshepega. Fote ke yye ka nagana gore Jehova o nyoko tla a nrufa  ga lefase la nyuwane ka dilo tsa gore di ka fo nlahlegela ga lefase lowa le gore re nyoko lebala ka dilo ka mokana ga tsona tsa go befa.” Tanja o yye a fo dula a tshepega. Fote Jehova o yye a mo gelepa gore a kraye ga go dula. Lekgono Tanja o šadhiye le mogageru wa gore wa tshepega fote ka babedi ga bona ba maka mmereko wa nako ka moka ba kene ba jabodiye.

NAPA O MO TSHEPA KA MATLA LEKGONO LO

16. Re nyoko gelepa king gore re sa kwi re hlagasela mo re bona tso di hlayyeng ke Luka 21:26-28?

¹⁶ Ka nako ya motšhatšhamelo wo mogolo, batho ba go tlala ba nyoko “tšhoga ka matla ba šinya ba yidibala.” Mara batho ba Modimo ba nyoko fo re kikinini ba boya ba šišimala. (Bala Luka 21:26-28.) Re nyoko maka king gore re sa yilametsi ke go tšhoga? Re nyoko maka ke gore re nyoko ba re tšhutiye go mo tshepa ga Jehova. Tanja, yela wa gore re bolabodiye ka yene, o re dilo tsa gore o yye a feta ga tsona lephelong di mo gelepa gore a yeme a tiyye mo tsa ku mahlong di šupa nkare di nyoko roba. O re: “Ke tšhutiye gore a go na seyemo sa gore Jehova a ka šitega go maka gore re phomelele ga sona. Go gongwana mo o lebelele, o ka fo bona nkare dilo tse dingwana di lawola ke batho, mara nnete ya taba ke gore Jehova ke yene wa go ba le matšhika ya go lawola go feta bona. Le mo o feta ga tsa gore di thathafa ka matla, taba ke gore di nyoko feta.”

17. Temanyana ya mongwaga wa 2024 yi nyoko re gelepa ka mokgwa mang? (Lebelela sethombhe sa ka tawong.)

¹⁷ Tsa go tshosa re phela natso. Mara tla re tseyeleneng ga Dafita, re sa lisetsi tso tsa go tšhogatšhoga di re yilametsa. Temanyana ya rune ya mongwaga wa 2024 ke mantsu ya Dafita nakwela a rapela Jehova a re: “Mo ke tšhugiye, ke tshepela gago.” (Pis. 56:3) Puku ye nngwana ya go hlatolla Bhayibele mo yi bolabola ka temanyana yowa yi yitseri, Dafita “aa dulele go nagana ka tso di mo tshosang kela go fo dula a di gorolele maahlo, mara o lebelela ga Ye wa go mo Phonisa gore a mo fitise ga tsona.” O be o kene o nagana ka temanyana yo ya mongwaga ga dikgwedi tsa go latela, ka matlamatla mo o gahlana le seyemo sa gore se ya go hlagasedisa. O be le nako ya go nagana ka dilo tso Jehova a di makiyeng botala, tsa gore wa di maka gana byalo le tsa gore o sa nyoko di maka ku mahlong. Mo o maka tsotsone, o ko hlayeng go tshwana le Dafita o re: “Ke tshepiye Modimo; a ke tšhabe selo.”—Pis. 56:4.