1. Johane wa Boraro 3, 4 yi re king so se makang gore re jabole?

O NAGANA gore Johane wa lepostola o yye a tikwa byang mo a kwa gore bo a yyeng a ba gelepa gore ba tšhute nnete ke mo ba ya mahlong ba berekela Jehova ka go tshepega? Ba yye ba ghulana le dintshitshiri tsa go sa fele mara Johane o yye a karakara ka matla gore a tiyise tumelo ya Makreste ya go tshepega ya gore ke mo a ma tseya go le bana bage ga tso tsa Modimo. Byalo, le rune re jabola ka matla mo bana ba rune le bo go leng bana ba rune ga tso tsa Modimo ba tineyela ga Jehova ba boya ba sa lesetse go mmerekela.—Bala 3 Johane 3, 4.

2. Ke ntaba Johane a yye a ngwala mangwalo?

² Di ka makega gore Johane ke mo a dula ku Efeso kela ku thina le gona ka dinako tsa mapostola. Fote di ka makega gore o yye a rurela gona ka nthago ga gore a tšwe jele ya ku ga poleke ya go dukuluga ke meetši ya Patimosi. Ka nako yonone, moya wa Jehova wo yye wa mo hlohletsela gore a ngwale mangwalo ka mararo. Ke mo go ngwadiwwe mangwalo yane gore ma tiyise Makreste ya go tshepega gore ma thogo ngangarela ga tumelo yo ma nang nayo ga Jeso le go ya mahlong ma sepela nneteng.

3. Re nyoko fetola diputsiso difeng?

³ Johane ke mo go le lepostola la mafelelo la gore le sa phela fote ke mo a hlupegiye ka matla ka tso ne di makega ka taba la tso ne di tšhutisiwa tsa matsaka ka phutegong. * (1 Joh. 2:18, 19, 26) Batho bone ba go kgeloga ke mo ba tipotsa gore bona ba tšiba Modimo mara ke mo ba sa latelele melawo ya Jehova. Tla re boneneng dilo tso Johane wa lepostola a yyeng a tšhofiwa gore a ba yeletse ka tsona. Mo re kene re maka ka mokgonone, re nyoko fetola diputsiso  ka ditharo ke tsowa: Di ra gore king go sepela nneteng? Re ghulana le dilo tsa mošaga mang? Fote re ka gelepana byang gore re dule re le nneteng?

4. Mo o bala Johane wa Mathomo 2:3-6 le Johane wa Bobedi 4, 6, ba ra byang mo ba re go sepela nneteng?

⁴ Gore re thogo sepela nneteng di nyaka re tšibe nnete yo yi leng ka Lentsung la Modimo Baebele. Go tokegela gana hone, di nyaka gore re “kwisise melawo ya [Jehova]” fote re boye re make tso wo di bolabolang. (Bala 1 Johane 2:3-6; 2 Johane 4, 6.) Jeso o yye a re beyela mošupetso wa gabutši ka go dula a maka tso Jehova a di nyakang. Byalo, mokgwa wo mongwana wo re ka šupetsang gore re theetsela Jehova ke mo re yekisela Jeso ka mokgo re ka kgonang.—Joh. 8:29; 1 Pet. 2:21.

5. King so re sa tshwanelang go se kamaka?

⁵ Gore re dule re sepela nneteng, di nyaka re sa kamake gore Jehova ke yene Modimo wa mannete le gore dilo ka mokana ga tsona tso a re botsang tsona tsa gore di ka Lentsung lage Baebele, ke nnete. Fote di nyaka re sa kamake gore Jeso ke yene Mesiya ye ne re tshepisiwwe yene. Ba go tlala lekgono, baa kamaka gore Jeso ke yene ye a hlawodiwweng gore go be Kgoši ya Mmušo wa Modimo. Johane o yye a pasopisa ka “bo ba go fokola ba go tlala” ba gore ke mo ba fokola bo ba go sa tikemisela go yemelela nnete yo ba yi tšibang ka Jehova le Jeso. (2 Joh. 7-11) Johane o ngwadiye gore: “Wa go bolabola matsaka ke mang, ke wa go phigisa gore Jeso ke Kreste?” (1 Joh. 2:22) Tsela ka yyoši yo yi ka re gelepang gore re sa fokodiwi, ke go tšhuta Lentsu la Modimo. Mo re ka maka ka mokgonone, re ko tšiba Jehova le Jeso gabutši. (Joh. 17:3) Fote re ka sa tsoge re thomme le go kamaka le ka gonyana.

6. King so Makreste ya ma sa golang ma ghulanang naso?

⁶ Makreste ka mokana ga wona di nyaka gore ma pasope gore ma sa fokole ke dilo tso batho ba di tšhutisang tsa gore ba ro tikhandela. (1 Joh. 2:26) Ka matlamatla Makreste ya ma sa golang, ke wona ya di nyakang ma ntshe maahlo dikwakweng. Mogageru wa mosadi wa go bolabola Sefora wa gore o na le 25 ya mengwaga ye ba reng ke Alexia * o re: “Mo ke sa le ye monyana, ke mo ke hlupa ke ka mokgo batho ba hlatollang dilo ka gona go fo tshwana le taba ya gore dilo di f’lo timakegela le dilo tso batho ba di tšhutisang tsa gore ba ro tikhandela. Ka dinako tse dingwana, dilo tso ne ba di tšhutisa ke mo ke kwa nkare di ya  kwagala. Mara ke yye ka kwa gore nka sa fo theetsela tso ba di tšhutisang ku sekolong ke mokane ka sa nyake go tšiba gore Jehova o re king ka tsona.” Alexia o yye a tšhuta puku ya gore Life—How Did It Get Here? By Evolution or by Creation? Ka nthago ga dibekenyana, o yye a thomisa go sa sa kamaka. Alexia o re: “Ke yye ka di bona gabutši gore Baebele yi ngangarele nnete. Ka boya ka di bona gore go phela ka melawo ya Baebele go nyoko maka gore ke jabole fote ke dule ke bebiye.”

7. Re tshwanele re kganele kgole le ying fote ke ntaba?

⁷ Makreste ka mokana ga wona, ya ma sa golang le ya gore ke botala ma kene ma ja mabele, di nyaka gore ma kganele kgole le taba ya go maka nkare ke Makreste mara ma kene ma maka dilo tsa gore a di yi ka tsela. Johane o bolabodiye gabutši gore di ka sa kgonege gore re sepele nneteng ka ho thoko re kene re maka dilo tsa go sa hlamatsega. (1 Joh. 1:6) Mo nkare re nyaka gore Modimo a re yamogele gana byalo le ku mahlong di nyaka re make dilo re kene re tšiba gore dilo ka mokana ga tsona tso re di makang di fo ba lekgwaying. Gabutšibutši re ka sa re mo re sinnye ka matla ra tseya nkare Jehova aa di bone, ka taba la gore dilo ka mokana ga tsona gage di fo ba lekgwaying.—Maheb. 4:13.

8. Di nyaka re kganele kgole le ying?

⁸ A di nyake re lesetsa ka mokgo batho ba lefase ba tseyang go sinya go re tshelela. Johane wa lepostola o ngwadiye gore: “Mo re hlaya gore, ‘A re sinyi,’ re ko ba re titshokanya.” (1 Joh. 1:8) Ka dinako tsa Johane, bo ba go kgeloga ke mo ba tseya gore motho a ka fo sinya ka mokgo a nyakang ke mokane a ya mahlong a na le senghana sa gabutši le Modimo. Lekgono re phela le batho ba gore ba nagana ka mokgonone. Ba go tlala ba re ba dumela ga Modimo mara a ba dumelelane le ka mokgo Jehova a tseyang taba ya go sinya ka gona, ka matlamatla ga taba ya go yetsela ga monna le mosadi. Tso Jehova a di tseyang go le go sinya ka matla, bona ba tseya go le taba ya gore motho a ka tikgetela gore yene mong o nyaka go phela byang.

9. Tso Baebele yi di tšhutisang di ka berekela bo ba gore ba sa gola ka mokgo mang mo nkare ba di ngangarele?

 ⁹ Makreste ya ma sa golang ma ka kgahleletsa ke ka mokgo bo ba kenang nabo sekolo kela bo ba berekang nabo ba tseyang taba ya go yetsela ga monna le mosadi ka gona. Tsotsone ke tso di yyeng dya makegela Aleksandar. O re: “Bannyana ba bangwana ku sekolong ke mo ba nkutšetsela gore ke make tsa maroga nabo. Ba yye ba re ka taba la gore a go na ngwannyana ye ke kwanang naye, di ra gore ke kwana le bašomanyana.” Mo nkare o ghulana le tsa mošaga wonone, o sa lebale gore mo o ngangarele ga so se tšhutisang ke Baebele, wene mong o ko ba o pasopa serithi sago, o ka sa kene ke malwele, go ka sa be le so se go kokonang fote senghana sago le Jehova se ko dula se le gabutši. Nako ye nngwana le ye nngwana mo o gana go maka so go seng sona, di nyoko ba lula gore o make tsa gabutši. Phela o sa lebale gore dilo tso batho ba lefase ba di tšhutisang ka taba ya go yetsela ga monna le mosadi ke dilo tso di tšhutisang ke Sathane. Byalo mo o gana go maka dilo tso batho ba lefase lowa ba di makang o ko ba o ‘hludiye ye wa pelo ya go befa.’—1 Joh. 2:14.

10. Johane wa Mathomo 1:9 yi re gelepa byang gore re berekele Jehova ka lekwalo la go yela?

¹⁰ Re di tšiba gabutši gore Jehova ke yene wa go ka re botsa gore mo ba re motho o sinya ka matla ba ra mo a maka ying. Byalo re maka so re ka se kgonang gore re sa sinyi ka matla. Mara mo re sinya ka matla, re rapela Jehova re mmotsa tso re di makiyeng. (Bala 1 Johane 1:9.) Fote mo re sinnye ka matla, re kgopela bagolo bo Jehova a ba hlawodiyeng gore ba re pasope gore ba re gelepe. (Jak. 5:14-16) Mara a di nyake re kokona ke dilo tsa go kekema tso re yyeng ra di maka ku botala. Ke ntaba mara? Ka taba la gore Papa wa rune wa go re nyaka ka matla o makiye gore go be le sehlabelo sa go re lepolla ka Morwayi wage gore re tshwarediwe ga tsa go kekema tso re yyeng ra di maka. Mo Jehova a re o ko re tshwareleng ga tsa go kekema mo re tisola, aa re tshokanyi. Byalo, a se šiyo le ka ssoši so se ka makang gore re sa sa  berekela Jehova ka lekwalo la go yela.—1 Joh. 2:1, 2, 12; 3:19, 20.

11. Re ka pasopa menagano ya rune ka mokgo mang ga dilo tso di tšhutisiwang tsa gore di ka kwaletsa tumelo ya rune?

¹¹ Di nyaka re kganele kgole le dilo tso di tšhutisang ke batho ba go kgeloga. Go tlugisela mo phutego ya Sekreste yi thoma, Diyabolo ke mo a kene a berekisa batho ba go fokolana gore ba make malata ya Modimo ya go tshepega ma thomise go kamaka ga dilo tse dingwana. Byalo, di nyaka gore re tšibe ka mokgo re ka bonang so go leng nnete le so go leng matsaka. * Manaba ya rune ma ka berekisa Inthanete go maka gore re sa sa tshepa Jehova le gore re sa sa kwana le magageru. O sa lebale gore ke mang ye a makang dilo tsa mošaga wonone fote di nyaka re sa di dumelele gore di re kene!—1 Joh. 4:1, 6; Kut. 12:9.

12. Ke ntaba di nyaka gore re šupetse gore re leboga ka matla nnete yo re yi tšhutiyeng?

¹² Gore re thogo phigisa dilo tso Sathane a re fošang ka tsona, di nyaka gore re tshepele ga Jeso le ga dilo tso a di makang gore dilo tso Modimo a di nyakang di makege. Di nyaka re tshepele ga mokgwa ka wwoši wo Jehova a wo berekisang lekgono. (Mat. 24:45-47) Mo re bala Lentsu la Modimo ka moka matšatši re ko ba re kikitela tshepo ya rune. Byalo, tumelo ya rune yi ko tshwana le sehlare sa gore tšhika ya sona yi ku fasefase. Pawulo o yye a bolabola ka taba yone nakwela a ngwalela phutego ya Makolosi. O yitseri: “Go fo tshwana le ka mokgo le yamogeleng Kreste go le Morena Jeso ka gona, byalo ariyeneng mahlong le sepela ggoši naye, le tsike le yagiwe gage le boye le ngangarele ga so le se dumelang.” (Makol. 2:6, 7) A se šiyo le mong ka ssoši so Sathane kela batho ba gore ba kutšetsela ke yene ba ka se makang so se ka tekatekisang Mokreste wa gore tumelo yage yi tiyye.—2 Joh. 8, 9.

13. King so re tshwaneleng go dula re se ramele fote ke ntaba?

¹³ Re sa makale mo lefase lowa le re hloya. (1 Joh. 3:13) Johane o re gopotsa gore “lefase ka mokana ga lona le lawola ke wa pelo ye phifadu.” (1 Joh. 5:19) Mo lefase lowa le kene le ya mafelelong, Sathane o ro napa a ro belelana. (Kut. 12:12) O berekisa dilo tsa go sa bonale go re hlasela, tsa go tshwana le go maka tsa maroga kela matsaka ya ma bolabolang ke bo ba go kgeloga. O boya a maka gore re hlorisiwe go baba. Sathane wa di tšiba gore o šalele ke nako ye nyana go leketsa gore a šitise mmereko wa go tšhomyela le go maka gore tumelo ya rune yi kgwelakgwehle. A di makatse gore mmereko wa rune wa go tšhomayela ba wo rakele ga dipoleke tse dingwana. Le mo go le ka mokgonone, magageru ga dinaga tsone ma ya mahlong ma tiyisela. Ma šupetsa gabutši gore le mo Sathane a ka re hlasela ka tsa mošaga mang, re ko fo hlula!

14. Ke mokgwa wofeng wo mongwana wo re ka wo berekisang gore re gelepe magageru gore ma dule ma le nneteng?

¹⁴ Gore re thogo gelepa magageru gore ma dule nneteng, re tshwanele go ma šupetsa gore ra ma kwela. (1 Joh. 3:10, 11, 16-18) Di nyaka re šupetsane gore re nyakanana ka matla, mo dilo di re sepelela gabutši le mo di sa re sepelele gabutši. Mo re beyisa, ayitsano o tšiba ye mongwana wa gore o nyaka go kgomoletsiwa ka taba la gore o hlokofalele ke motho ye a mo nyakang ka matla kela o nyaka go gelepiwa ka se sengwana? Kela o tšiba magageru ya mangwana ya gore ma lobiye dilo tsa wona ka taba la kotsi ya hlago ya gore fote ma nyaka go gelepiwa gore go yagiwe Diholo tsa Mmušo kela dintlo? Re šupetsa gore re nyaka magageru ka matla fote re ma kwela go baba ka tso re di bolabolang le ka tso re di makang.

15. Johane wa Mathomo 4:7, 8, yi re king so re tshwaneleng re se make?

¹⁵ Re yekisela Papa wa rune wa legedimong mo re šupetsana gore re ya nyakanana. (Bala 1 Johane 4:7, 8.) Mokgwa wo mongwana wo re ka šupetsanang gore re ya nyakanana ke mo re tshwarelana. Mo re beyisa, motho ye mongwana  a ka fo re kwisa go baba mara a kgopela gore re mo tshwarele. Re ko ba re šupetsa gore re mo nyaka ka matla mo re mo tshwarela fote re lebala ka tso a re makiyeng tsona. (Makol. 3:13) Mogageru ye mongwana ye ba reng ke Aldo o yye a hlakana le dilo tsa mošaga wonone mo a kwa mogageru ye mongwana wa gore ke mo a mo hlompa ka matla a bolabola dilo tsa go kwisa go baba ka setšo sage. Aldo o re: “Ke yye ka rapela Jehova ke sa fetsi gore ke sa nagane dilo tsa go befa ka mogageru yene.” Mara Aldo o yye a maka se sengwana. O yye a kgopela go sepela le mogageru yene tšhomong. Mo ba kene ba bereka ggoši, Aldo o yye a mo hlatollela gore dilo tso mogageru yene a di bolabodiyeng di mo kwisiye go baba ka matla. Aldo o re, “Mo mogageru yene a kwa ka mokgo ke kwileng go baba ka gona ka taba la dilo tso a di bolabodiyeng, o yye a kgopela gore ke mo tshwarele. Ka mokgo ne a bolabola ka gona, ke mo ke di bona gore wa tisola ka dilo tso a di hlayyeng. Re yye gaye re šele re le banghana re lebele ka tso di makegiyeng.”

16-17. King so di nyakang re tikemisele go se maka?

¹⁶ Johane wa lepostola ke mo a hlupegiye ka matla ka senghana so magageru ke mo ma le naso le Jehova, sosone se bonala gabutši ga marifi ka mararo ya a yyeng a ma ngwalela magageru ya gore moya wa go hlawolega wo yye wa mo tšhofa gore a ma ngwale. A yi go jabodisa ga tsona go tšiba gore banna le basadi ba go tshwana naye ba tlotsiwwe gore ba ye lawola le Kreste ku legedimong!—1 Joh. 2:27.

¹⁷ Wa tšiba nkare dilo tso re bolabodiyeng ka tsona re ka di tseyela hlogong barena. Nkare re ka tikemisela go sepela nneteng fote re kwa Jehova ga dilo ka mokana ga tsona mo re kene re phela. Titšhutise Lentsu la Modimo fote o le tshepe. Tiyisa go dumela gago ga Jeso. Ganetsa dilo tso batho ba di tšhutisang tsa gore ba ro tikhandela fote o sa theetsele bo ba go kgeloga. Kganela kgole le go phela nkare o Mokreste ka ho thoko o kene o maka dilo tsa go kekema. Dula o berekisa melawo ya Jehova ya go yi phala ka mokana ga yona. Fote mo re tshwarela magageru mo ma re sinyele, re ko ba re ma gelepa gore ma dule ma tiyelele le go boya re ma gelepa ka tse dingwana. A go na taba gore re hlakana le dintshitshiri tsa mošaga mang mara re ko dula re sepela nneteng.