Di bonala gabutši gore Jeso o yye a ba Moprista ye Mogolo nakwela a kolobetsiwa ka 29 C.E. Re di tšiba byang tsotsone? Mo Jeso a kolobetsiwa, o yye a šupetsa gore ke mo a di nyaka go neyela ka lephelo lage gore go be sehlabelo ga aletare ya go tshwanisela ya Modimo go leng ‘go maka tso Modimo a di nyakang.’ (Magal. 1:4; Maheb. 10:5-10) Ka taba la gore aletare ke selo se sengwana so se leng gona ka tempeleng, byalo tempele ya go sa bonale yi yye ya thomisa go ba gona mo Jeso a kolobetsiwa. Tempele ye kgolo ya Jehova ya go sa bonale yi yemela dilo ka mokana ga tsona tso di makang gore re kgone go mo rapela ka mokgwa wo yene a wo nyakang a berekisa sehlabelo sa Jeso.—Mat. 3:16, 17; Maheb. 5:4-6.

Ka taba la gore tempele ye kgolo ya go sa bonale ne yi šele yi le gona, byalo ke mo di nyaka gore go be le moprista ye mogolo. Sosone se makiye gore Jehova a hlawole Jeso ka go mo tlotsa “ka moya wa go hlawolega le matšhika.” (Meber. 10:37, 38; Mar. 1:9-11) Mara king so nnete-nnete se re šupetsang gore Jeso o yye a tlotsiwa gore go be Moprista ye Mogolo mo a soko bane a kgwa le mo a soko bane a tsusiwa? Mošupetso wa Aroni le maprista ya magolo ya ma tlileng ka nthago gage ma nyoko re gelepa gore re fetole putsiso yone.

Molawo wo Jehova a wo neyyeng Moše ke mo wo bolabola gore ke moprista ye mogolo fela wa gore a ka kena ga poleke ya go Hlawolega ka Matla ya tebarenakele ke mokane ka nthago a kena ga poleke ya go Hlawolega ka Matla ya tempele. Poleke yowa ya go Hlawolega ke mo yi kgeriwwe ka legaredheni. Moprista ye mogolo ke mo a feta ga legaredheni lone ka Letšatši la go Tiyisa Senghana le Modimo. (Maheb. 9:1-3, 6, 7) Go fo tshwana le mo Aroni le bo ba yyeng ba tla ka nthago gage ba ba tlotsiye gore go be maprista ya magolo le mo yi le gore ke mo ba soko bane ‘ba feta ga legaredheni la mannete’ la tebarenekele, di ra gore Jeso o yye a tlotsiwa gore a be Moprista ye Mogolo wa tempele ya Jehova ya go sa bonale mo a soko bane a kgwa ke mokane ka nthago ga mone “a feta ga legaredheni, go leng mmele wage” gore a ye go phela legedimong. (Maheb. 10:20) Nka taba lo Pawulo wa lepostola a bolabolang ka Jeso gore o tla “go le moprista ye mogolo” ke mokane a feta “ga tente ye kgolo ya go felegelela ya gore a ya makiwa ka matsogo,” ke mokane a ya “legedimong ka bolona.”—Maheb. 9:11, 24.

Taba ya gore kwano ya nyuwane yi teyiwwe setempe neng, le gore yi thomisiye neng go bereka, dilo tsone ka dipedi a di fapane. Ke ntaba re reyano? Mo Jeso a ya legedimong ke mokane a yisa lephelo lage la go felegelela ka taba la rune, ke mo a makela gore kwano ya nyuwane yi bereke. Tsotsone a di makiyeng di yye dya maka gore kwano ya nyuwane yi thomise go bereka mmereko wa yona. Ke dilo difeng tso di yyeng dya makiwa gore taba yone yi bereke?

Sa mathomo, Jeso o yye a segela ga Jehova; sa bobedi, Jeso o yye a neya Jehova patela ya sehlabelo sage; ke mokane sa boraro, Jehova a yamogela so madi ya ma falatsiwweng ya Jeso ma kgonang go se maka. Kwano ya nyuwane yi yye ya thomisa go bereka mo dilo tso ka mokana ga tsona di makiwwe.

Baebele a yi re botse gore gabutšibutši Jehova o yye a yamogela patela ya sehlabelo sa Jeso neng. Byalo, re ka sa nape re di tšiba gabutši gore kwano ya nyuwane yi yye ya teyiwa setempe neng. Le mo go le ka mokgonone, so re se tšibang ke gore Jeso o yye a boyela legedimong ka nthago ga lesome la matšatši mo go soko segela nako ya Pentekoste. (Meber. 1:3) Ka nako yonone ye nyana, Jeso o yye a neya Jehova patela ya sehlabelo sage ke mokane Jehova a se yamogela. (Meber. 9:12) So se yyeng sa makega ka Pentekoste ya 33 C.E se šupetsa gore nnete Jehova o yye a yamogela sehlabelo sa Jeso. (Meber. 2:1-4, 32, 33) Ke mo di le lekgwaying gore kwano ya nyuwane ke mo yi šele yi bereka.

Mo re šele re fo yi beya nje, kwano ya nyuwane yi yye ya teyiwa setempe ke mokane ya thomisa go bereka mo Jehova a šele a yamogele patela ya madi ya ma falatsiwweng ya Jeso. Byalo kwano ya nyuwane yi yye ya thomisa go bereka yi na le Moprista ye Mogolo, go leng Jeso, yene wa go maka gore rune le Modimo re kwane.—Maheb. 7:25; 8:1-3, 6; 9:13-15.