Ke belegiwwe ku St. Paul, Minnesota, U.S.A. ka 1954 ka mutšing wa Makhatolika wa gore ne re sa ghanya fote ne re sa hlupegi. Gagešu re 5 ya bana ke mokane nna ke wa bobedi. Ke mo ke kena sekolo sa Makhatolika fote ke nna ye ne ke gelepa moprista wa kereke gore a make mmereko wage. Mara ne ke sa nape ke tšiba tsa go tlala ka Baebele. Le mo ne ke dumela gore go na le Modimo ye a makiyeng dilo ka mokana ga tsona, kereke ke mo ke sa yi tshepe le ka gonyana.

Ga mongwaga wa mathomo mo ke le ga Kholitši ya go tšhutisa tsa Molawo yo ba reng ke William Mitchell, go yye gwa makega gore Dihlatse tsa Jehova di tle gaye gaka. Ka nako yonone ke mo ke hlatswa dikobo ke mokane monna yene le mosadi wage ba yye ba tshepisa gore ba ko boyeng. Mo ba boya ke mo ke nyaka go ba butsisa diputsiso ka dipedi: “Ke ntaba batho ba go loka ba sa phomelele ho lefaseng?” le gore “Motho o tshwanele a make ying gore a jabole?” Ba yye ba nneya puku ya gore The Truth That Leads to Eternal Life [Nnete yo yi Yisang Lephelong la go ya go Yye] le Baebele ya New World Translation of the Holy Scriptures ya gore ke mo yi bafele ka matla ka sekwakwapi sa yona se se tala. Ke yye ka dumela gore ba ntšhutise Baebele. Nnete yo ke yi tšhutiyeng Baebeleng yi n’gelepiye gore ke populuge maahlo. Mo ke kwa taba  ya gore Mmušo wa Modimo ke wona wo wo nyakegang gore wo lukise mathatha ya batho ka mokana ga wona ho lefaseng, ke yye ka jabola stereka. Ke di bonne gabutši gore mo batho ba tilawola yi fo pala, lefase le fo ya mahlong le tlala ka dilo tsa go baba, mohlupego, batho ba go sa tshware ba bangwana gabutši le dikotsi.

Mathomisong ya 1982 ke yye ka tineyela ga Jehova ke mokane mo mongwaga wo ya mafelelong ka kolobetsiwa ga Mogahlano wo Mogolo wa hlogotaba ya gore “Nnete ya Mmušo” wa gore ke mo wo le ku St. Paul Civic Center. Ga beke ya go latela ke yye ka ya Minnesota gore ke ye ke ngwale tso ne di nyoko mmaka gore ke feleletse ke le loyara. Mathomisong ya October, ke yye ka phasa ga tso ne ke ye di ngwaleng ku sekolong gore ke thogo ba loyara.

Ga Mogahlano wone wo Mogolo wa hlogotaba ya gore “Nnete ya Mmušo” ke yye ka gahlana le Mike Richardson wa gore ke mo a berekela ku Bethele ya Brooklyn a nhlatollela gore go thomiwwe ofisi ya go berekana le tsa molawo ku ntlokgolo. Ke yye ka gopola mantsu ya ma bolabodiyeng ke Leithopiya Io go bolabodiwang ka lona ga Mebereko 8:36 ke mokane ka tiputsisa gore, ‘Ke šitisa king gore ke ye bereka ga Ofisi ya Molawo ku ntlokgolo?’ Byalo ke yye ka tlatsa difomo tsa Bethele.

Babelegi baka ke mo ba kwatiye ka matla ka taba la gore ke hlawodiye go ba Hlatse ya Jehova. Papaka o yye a mputsisa gore go berekela Watchtower ga tso tsa molawo go nyoko nneya ying. Ke yye ka mo hlatollela gore nko ba ke sa berekele tšheleta. Ka mmotsa gore nko ba ke kraya tšheleta ye nyana kgwedi ye nngwana le ye nngwana go fo tshwana le batho ka mokana ga bona bo ba berekang Bethele.

Ka nthago ga go fetsa dilo tso ne ke tshwanele ke di make ku mmerekong, ke yye ka thoma go bereka Bethele ya ku Brooklyn, New York, ka 1984. Ba yye ba re ke bereke Ofising ya tsa Molawo. Tso ke gahlanneng natso nakwela ke bereka khoto, di yye dya mperekela ku mahlong.

Moyago wa Stanley Theater ku Jersey City, New Jersey, wo rekiwwe ka November ya 1983. Magageru ma yye ma romela mangwalo ya go kgopela gore ba ma dumelele semmušo gore ma lukise dilo tsa go sipidisana le mohlagase le meetši ga holo yone. Mo ba gahlana le bo ba mmušo, magageru ma yye ma ba hlatollela gore ma nyaka go berekisa moyago wa Stanley Theater go tshwarela megahlano ye megolo ya Dihlatse Tsa Jehova. Taba yone yi yye ya tsosa bothatha. Molawo wa Toropo ya ku Jersey ke mo wo sa dumelele dikereke gore di be toropong. Moyago wa Stanley Theater ke mo wo le ga poleke ya dibhisinisi, byalo sosone se makiye gore bo ba mmušo ba ganele magageru gore ma tshwarele mogahlano mone ga wona. Ka taba la gore ke mo ma sa phomelela la mathomo, ma yye ma boyela ga bona ka taba yonone mara gwa fo tshwana.

 Ka beke ya mathomo ya mo ke sa tšwa go segela Bethele, mokgahlo wo yye wa yisa bothatha bya wona khoto gore ba lle ka taba ya mo ba ba ganela gore ba berekise moyago wone go tshwarela mogahlano. Ke mo ke na le mengwaga ka mmedi ke bereka khoto ya ku St. Paul, Minnesota, byalo ke mo yi se la mathomo ke gahlana le dilo tsa mošaga wonone. Ye mongwana wa diloyara tsa rune o yye a bolabola gore moyago wa Stanley Theater ke mo ba wo berekisela mekgano ya mohlobohlobo, ya go tshwana le go lebelela dimuvi, go yepelela le go jayiva. Byalo go ko ba go sinyega kaye mo go tshwarediwa mogahlano gona? Khoto yi yye ya pombhola taba yone ke mokane ya re ba mmušo ba Toropo ya Jersey a baa yahlula taba yone gabutši. Khoto yi yye ya re ba dumelele magageru gore ma lukise moyago wone gore ma thogo wo berekisa, ka nako yonone ke napiye ke di bona gabutši gore Jehova o rufiye mokgahlo wage ka go maka gore wo be le ofisi ya go bereka ka tsa molawo gore mmereko wage wo ye mahlong. Taba ya gore ke tšhediye letsogo yi njabodisiye la go sa hlayisege.

Magageru ma yye ma thoma mmereko wo mogolo wa go lukisa moyago, ke mokane diyalogane tsa tlelase ya bo-79 ya Sekolo sa Gilead di yye dya yaloga ka di 8 tsa September 1985 ga Holo yone ya Megahlano ya Jersey City, mo go soko bane go fela mongwaga mmereko wa go lukisa holo wo thomme. Taba ya gore ne ke bereka ofising ya go bereka ka tsa molawo gore dilo tsa Mmušo wa Modimo di ye mahlong yi njabodisiye ka matla fote ke yye ka tikwa ke sa gayele selo le ka gonyana ka taba la gore mmereko wo ne ke wo maka Bethele wo njabodisiye ka matla go phala wo ne ke wo maka botala. Le nna mong ke mo ke sa di tšibi gore Jehova o nyoko mperekisa ga dilo tsa go tlala tsa go sipidisana le molawo.

Ka bo-1980 ditogotela le ba dipetlele ke mo ba sa hlompe Hlatse mo yi gana go tšhela madi. Mo mosadi a yimme ke mo go le ntshitshiri ka taba la gore bo ba go yahlula ditaba ke mo ba dumela gore go ya ka molawo wa naga mosadi aa tshwanela go gana go tšhediwa madi. Bo ba go yahlula ke mo ba nagana gore mo mmane wa ngwana a ka gana go tšhela madi sosone se ka maka gore mmane yene a feleletse a hlokofele.

Ka di-29 tsa December 1988, Mogageru ye mongwana wa mosadi ye ba reng ke Denise Nicoleau o yye a tšwa madi ya go tlala ka nthago ga gore a belege morwayi wage. Ka taba la gore ne di ka makega gore a hlokafale, togotela yage ke mo yi nyaka gore a dumele gore a tšhediwe madi. Mara mogageru yene wa mosadi ye ba reng ke Nicoleau o yye a gana. Ka motshwana wa gona ka bošego, sepetlele se yye sa kgopela khota gore yi dumele gore mogageru yewa wa mosadi a tšhediwe madi. Khota yi yye ya dumelela sepetlele gore se tšhele mogageru yene wa mosadi Nicoleau madi le mo ba sa bolabodisana naye kela go fo mmotsa tso ba nyakang go di maka ka yene kela go botsa monnage.

Ka Labohlano la di-30 tsa December, bo ba berekang sepetlele ba yye ba tšhela Nicoleau madi le mo yi le gore monnage le mašaga yage ba gore ne ba kene ba yemme ka thoko ga mpeta wo ne a yetsele ga wona ne ba gana gore a tšhediwe madi. Ka malobana wone, mašaga yage ya go tlalanyana le mogolo kela bagolo  ka babedi ba yye ba ba tshwara ba ba yisa jele ka taba la gore nakwela ba tšhela Nicoleau madi ne ba dukulugele mpeta wage. Ka Mokibela ka bošego bya di-31 tsa December, New York City le ditaba tsa Long Island di yye dya bolabola ka taba ya go tshwariwa ga bona.

Ka bošego bya Mosopologo, ke yye ka bolabola le wa go yahlula ga khota ye kgolo ye ba reng ke Milton Mollen. Ke yye ka mo hlatollela gore ye a yahludiyeng taba ya Nicoleau o yye a tšeketa maphephe ya gore ba dumelele sepetlele gore a tšhediwe madi ba sa bolabola ka yona. Mollen o yye a nkgopela gore ka malobana ke tle ofising yage gore re bolabodisane ka taba yone le go bona gore molawo wo re king ka yona. Philip Brumley wa gore ne ke wokamela ke yene o yye a ya le nna ofising ya Mollen wa gore ke mo yi le ye mogolo ga tso tsa molawo. Mollen ke mo a kgopele bo ba yemelang sepetlele gore le bona ba tle ga mogahlano wone. Polabodisano yone ke mo yi fisa. Mo re kene re bolabodisana, Mogageru Brumley o yye a ngwala sepukwaneng sage a mpotsa gore “ke kgibe.” Ke dumela gore o yye a n’yeletsa gabutši ka gore ne ke šele ke thoma go kwata ka taba la go leketsa go šupetsa gore bo ba yemelang sepetlele ka tsa molawo a baa maka tsona ga taba ya go tšhela Nicoleau madi.

Ka nthago ga awara, Mollen o yye a re taba yowa go ko ba yona ya mathomo yo go bolabodiwang ka yona ka motshwana ka bošego. Mo re tloga ofising yage, Mollen o yye a bolabola gore bo ba yemela sepetlele ka tsa molawo ba na le “mmereko wo mogolo ka motshwana.” Tsotsone ke mo di rela gore bo ba go yemela sepetlele ka tsa molawo ne ba nyoko thathafela ke go šupetsa gore Nicoleau o dumele gore ba mo tšhele madi. Ke yye ka di bona tsa gore Jehova ke mo a nšupetsa gore taba ya rune yi kwagala ka matla. Di njabodisiye ka matla go bona ka mokgo Jehova ne a re berekisa ka gona go maka gore go makege tso yene a di nyakang.

Re berekiye bošego ka moka re lukiselela tso ne re nyoko bolabola ka tsona ka motshwana wa gona. Ka taba la gore khota ne yi le thina le Bethele ya Brooklyn, ba go tlalanyana bo ne ba bereka ga Ofisi ya go bereka ka tsa Molawo ba yye ba tisipelela ka mawoto. Ka nthago ga gore 4 ya ba go yahlula ba kwe tso ne re lla ka tsona, ba yye ba re ke mo ba sa tshwanela gore ba ba dumelele gore Nicoleau a tšhediwe madi. Khota ye kgolo yi yye ya yema le taba ya go sa tšhediwi ga Nicoleau madi ke mokane ya thoma taba ya gore go ko ba go le go tshela molawo mo motho a tšhediwa madi ba sa thomisa ba bolabodisana naye.

Khota ye kgolo ya ku New York yi yye ya yema le Mogageru wa mosadi Nicoleau gore a sa tšhediwi madi. Taba yowa ke mo go le ya mathomo ga 4 tsona tso mokgahlo wo yyeng wa mperekisa ga tsona ku khota ye kgolo. (Lebelela lebhokisi la gore  “ Tso ba Yyeng ba di Hlula ku Khota ye Kgolo.”) Ke yye ka ya le ba bangwana ba go berekana le tsa molawo ba go tšwa Bethele mo go bolabodiwa ka ditaba tsa go tshwana le go lwela taba ya go pasopa bana, go hlalana, melawo ya lefase le meyago.

Mo ke gahlana la mathomo le Dawn wa gore go feleletsiye go ba mosadi waka, ke mo a hlalanne le monnage fote a kene a gudisa bana ka bararo. Ke mo a bereka ka mo thoko a kene a le mošupatsela. Lephelo ke mo le se lula gage, mara ke mo ke jabodisa ke go bona ka mokgo ne a tikemisele ka gona go berekela Jehova. Ka 1992 re yye ra ya ga Mogahlano wo Mogolo wa hlogotaba ya gore “Bo ba Tshwereng Malampa” ku New York City ke mokane ka mmotsa gore ke ya mo nyaka. Ka nthago ga mongwaga re yye ra šadha. Taba ya gore mosadi waka ke mo go le motho wa go tlalela ka matla ga tso tsa Modimo fote go le motho wa go nyakanana, ne go le so Jehova a nrufiyeng ka sona. Nnete ke gore Dawn o nleyele tsa gabutši fela lephelo la rune ka mokana ga lona.—Diy. 31:12.

Mo nna le mosadi waka re šadha, bana ke mo ba na le 11, 13, le 16 ya mengwaga. Ke mo ke nyaka go ba papa wa gabutši ga bona, byalo ke yye ka bala ka boya ka berekisa dilo tso ne ke di bala tsa go bolabola ka go gudisa bana ba gore a yi bago. Mo nako yi kene yi ya, go na le tso ke yyeng ka ghulana natso mara so se njabodisang ke gore bana bowa ba yye ba ntseya ke le monghana wa bona wa mannete le papa wa go ba nyaka ka matla. Ke mo re sa gane gore banghana ba bana ba rune ba ba vakašele, sosone se makiye gore ntlo ya rune yi phele yi tlele ka bo ba sa golang ba gore ba na le matšato.

Ka 2013, nna le Dawn re yye ra ya Wisconsin gore re thogo gelepa babelegi ba rune ba gore ke mo ba tsufele. Sa go njabodisa ke gore ke yye ka kgona go ya mahlong ke bereka Bethele. Ba yye ba nkgopela gore ke fele ke gelepa mokgahlo ga dilo tsa go sepedisana le molawo.

Ka September 2018, ke yye ka thoma go ba le bothatha mo segologolong fote mo ke nyaka go bolabola ne ke thoma ka go gohlola. Togotela yi yye ya mpombhola mara a sanka a bona gore bothatha king. Ka nthago togotela ye nngwana yi yye ya mpotsa gore ke ye ga togotela ya go bereka ka dilo tso di sipidisanang le ka mokgo byoko bo berekang ka gona. Ka January 2019, togotela yone yi yye ya bona gore dilo tse dingwana ho byokong byaka a di bereke tsona tso ba reng ke progressive supranuclear palsy (PSP).

Ka nthago ga matšatši ka mararo, mo re kene re kgana mokgano wo ke kwanang nawo ka matla wa ice skating, ke yye ka wa ke mokane ka robega letsogo la go ja. Ne yi se la mathomo ke kgana mokgano wone; ne ke wo tšiba go tloga le go dula. Byalo ke napiye ke thoma go di bona tsa gore ke šele ke šitega go lawola mmele waka. Mo bolwele byaka bo gola ka go yakgoswa ke mo di thoma go nšita go bolabola gabutši, go sepelasepela le go kgwesa.

Go berekela Jehova ke thuša mokgahlo wage ka tso tsa molawo go njabodisiye ka matla ka taba la gore tsotsone ne di maka gore mmereko wa Mmušo wa Modimo wo ye mahlong. Fote taba ya gore ke yye ka ngwala dimaghazini tsa go tlala tsa gore ne di bala ke ditogotela, diloyara le bo ba go yahlula yi njabodisiye ka matla. Ke yye ka kgona go bolabola ga go tlala megahlanong ya ditogotela lefaseng ka mokana ga lona, ke bolabolela batho ba Jehova gore a go na selo so se tshwaneleng go ba šitisa go hlawola gore ba yalafiwe go sa berekisiwi madi. Mo ke fo beya so se bolabolang ke Luka 17:10 nka fo re: ‘Nna ke fo ba sebereki sa go sa re selo. So ke se makiyeng ke sona so ne ke tshwanele ke se make.’