1. King so Pawulo wa lepostola ne a se tšiba?

PAWULO wa lepostola ke mo a di tšiba le yene gore ga go tlala, o fela a lelemela. Ke mo a di tšiba tsa gore mmele wage wo “felela ke matšhika,” fote ke mo a di tšiba gore Jehova ke mo a ka sa duli a fetola merapelo yage ka mokgo ne a nyaka ka gona, tsotsone ne di maka gore a kwe di thathafa gore a make tsa gabutši. (2 Makor. 4:16; 12:7-9; Mrm. 7:21-23) Pawulo ke mo a tšiba le gore bo ba go mo phigisa ke mo ba mo tseya go le motho wa go lelemela. * Mara a sanka a dumelela ka mokgo batho ne ba mo tseya ka gona kela tso a felang a kekemisa ga tsona di maka gore a tikwe go se yene wa selo.—2 Makor. 10:10-12, 17, 18.

2. Makorente wa Bobedi 12:9, 10 yi re Pawulo o yye a tšhuta ying se segolo?

² Pawulo o tšhutiye selo se sengwana se segolo, gore motho a ka ba le matšhika le mo a ka ba a tikwa a lelemela. (Bala 2 Makorente 12:9, 10.) Jehova o butsiye Pawulo gore matšhika yage ‘ma bonala mo motho a lelemela,’ sosone se rela gore Jehova ne a nyoko yeketsela Pawulo matšhika ya ne a ma gayela. Sa mathomo, tla re boneneng gore ke ntaba di sa nyake di re hlupa mo ba bangwana ba re rogelela.

3. Ke ntaba di nyaka re jabole mo re rogelediwa?

³ A go na ye a jabodisang ke go rogelediwa. Mara mo nkare manaba ya rune maa re rugelela fote tsotsone di re kwatisa, di nyoko maka gore re kgongwele. (Diy. 24:10) Byalo mo bo ba go re phigisa ba re rogelela, re ka maka ying? Go fo tshwana le Pawulo,  le rune re ka ‘jabola mo re rogelediwa.’ (2 Makor. 12:10) Ke ntaba mara? Ka taba la gore go rogelediwa le go phigisiwa ke tsona tso di šupetsang gore re mong wona malata ya Jeso. (1 Pet. 4:14) Jeso o yitseri malata yage ma nyoko hlorisiwa. (Joh. 15:18-20) Tsotsone di yye dya makega ka dinako tsa mapostola. Ku nthago, bo ne ba kutšetsele ke setšo sa Magerika ke mo ba tseya Makreste go le diphokophoko fote go le batho ba go sa re selo. Majuda ya mangwana ke mo ma tseya Makreste go le batho ba go sa ‘tšhutega fote go fo ba batho nje,’ go fo tshwana le Petro wa lepostola le Johane wa lepostola. (Meber. 4:13) Makreste ke mo ma tišupetsa ma sa kgone selo, ma sa kenakene ga tsa dipolotiki kela tsa bosole fote batho ke mo ba sa ma hlompe.

4. Makreste ya ku botala ke mo ma maka ying mo bo ba go ba phigisa ba sa ma tseye gabutši?

⁴ Ayitsano Makreste ya ku botala ma yye dumelela bo ba go ma phigisa gore ba make gore ma lesetse mmereko wa wona? Awwa. Mo re beyisa, Petro wa lepostola le Johane wa lepostola ke mo ba tseya go hlorisiwa ka taba la go latelela Jeso le go tšhutisa ka yene go le selo se segolo ka matla. (Meber. 4:18-21; 5:27-29, 40-42) Malata yane ke mo go sena selo sa go kwala so ne se ba tšebisa. Ka nthago ga nako ya go lefa, Makreste yane ya ku botala ya go tinyanafatsa ma makele batho dilo tsa gabutši go phala bo ba gore ke mo ba ma phigisa. Mo re beyisa, dipuku tsa Baebele tsa gore di yye dya ngwala ke Makreste ya mangwana di yye dya ya mahlong di gelepa batho le go neya batho ba dimiliyoni tshepo. Mmušo wo ne ba wo sabalatsa wo gona fote go se botala wo nyoko lawola batho ka mokana ga bona. (Mat. 24:14) Mara mmušo wo ne go le wonawona wa Roma ya ku botala wa gore ke mo wo hlorisa Makreste go fediye ka wona, mola malata ya go tshepega go le magoši ku legedimong. Bo ba go phigisa ba kgwile fote mo ba ka tsusiwa ba nyoko lawola ke Mmušo wo ne wo sabalatsa ke Makreste ya ne ba ma hloyye.—Kut. 5:10.

5. Johane 15:19 yi re ke ntaba batho ba Jehova ba tseyediwa fase?

⁵ Lekgono, ka taba la gore ke rune batho ba Jehova, ka dinako tse dingwana re tseyediwa fase, re poyidiwa ka gore ba re re diphokophoko fote re fo ba batho ba go sa re selo. Ke ntaba mara? Ka taba la gore a re dumelelane le mekgwa ya batho bo re phelang nabo. Re leketsa ka matla gore re tinyanafatse, re loke fote re be batho ba go theetsela. Mara batho ba lefase lowa ba jabodisa ke mo motho a na le magetla, a sa nyake go butsiwa selo le wa gore o na le tšhinghi. Go tokegela gana hone, a re kene ga tsa dipolotiki fote a re kenele tsa dintwa ga lefase le lengwana le le lengwana. A re tshwane le batho ba lefase lowa, byalo re tseya ba bangwana ba re phala.—Bala Johane 15:19; Mrm. 12:2.

6. Jehova o berekisa batho bage gore a segelele ying?

⁶ Le mo batho ba lefase lowa ba tseya gore a yi rune batho ba selo mara Jehova o berekisa rune gore a thogo segelela dilo tsa go tlala. O maka gore mmereko wa go tšhomayela wa gore a sanka wa ba gona wo phomelele. Lekgono, malata yage ma hlatolla le go sabalatsa dipuku tsa go tlala ka matla lefaseng ka mokana ga lona fote ma berekisa Baebele go gelepa dimiliyoni tsa batho gore ba tšhentšhe maphelelo. Go thanakiwa Jehova ga dilo ka mokana ga tsona tso di segelediwweng, yene ye a berekisang batho ba go tseyediwa fase go maka mmereko wo mogolo. Byalo rune re kena kaye? Ayitsano Jehova a ka re gelepa gore re be le matšhika? Mo nkare go ka mokgonone, re ka maka ying gore a re gelepe? Tla re lebeleleneng dilo ka ditharo tso re ka di tšhutang ga mošupetso wa Pawulo wa lepostola.

7. Ke selo sefeng so re se tšhutang ga mošupetso wa Pawulo?

⁷ So re se tšhutang ga mošupetso wa Pawulo ke sowa: O sa tshepele ga matšhika yago kela  dilo tso o kgonang go di maka mo o berekela Jehova. Go ya ka mokgo batho ne ba bona dilo ka gona, ke mo di kwagala gore Pawulo a ka ba le magetla a boya a titshepa. O gulele toropong ye kgolo yo ba reng ke Tareso phrovensing ya Roma. Tareso ke mo yi tlele ka batho ba go ghanya fote go na le yunivesithi ya go tšibega ka matla. Pawulo ke mo a tšhutegiye ka matla fote o tšhutisiye ke morene mongwana wa go hlompega wa moyetamahlong wa Majuda ye ba reng ke Ghamaliyele. (Meber. 5:34; 22:3) Ka dinako tse dingwana Pawulo ke mo a tseyediwa gedimo ke setšhaba sa Majuda. O yitseri: “Ga sedumedi sa Majuda ke mo ke ya mahlong gabutši go phala dithaka tsaka.” (Magal. 1:13, 14; Meber. 26:4) Mara Pawulo ke mo a sa tshepela ga yene mong.

8. Mafilipi 3:8 yi re Pawulo ke mo a di lebelela byang dilo tso a yyeng a di lesetsa fote ke ntaba a yye a ‘jabola mo a lelemela’?

⁸ Pawulo a sanka a kokola mo a lesetsa dilo tso ke mo di maka gore a tseyediwe gedimo setšhabeng. Gabutšibutši ke mo a tseya dilo tsa lefase tso ne a le natso tsa majabajaba go fo ba “ndhudhuma ya dithila” (Bala Mafilipi 3:8.) Pawulo o di kwile gore go ba lelata la Kreste a yi taba ya go kgana. Ke mo a hloyye ke mong setšhaba sa gabo. (Meber. 23:12-14) O yye a tudiwa stereka a boya a bošela ke Maroma ya gabo jele. (Meber. 16:19-24, 37) Go tokegela gana hone, Pawulo ke mo a kwa go baba mo a bona gore go na le dilo tsa go mo kgerela. (Mrm. 7:21-25) A sanka a dumelela bo ba go mo phigisa kela dilo tsa go kekema tso a yyeng a di maka di mo maka gore a thwale mara o yye a “jabola mo a lelemela.” Ke ntaba mara? Ka taba la gore o bonne matšhika ya Modimo ma bereka mo a lelemela lephelong lage.—2 Makor. 4:7; 12:10.

9. Re tshwanele re di tseye byang dilo tsa go re di ka re kgongwetsa kela dya re lelemetsa?

⁹ A di nyake re nagana gore go ba le matšhika, go tšhutega, setšo kela go ghanya ke tsona tso di makang gore Jehova a re yamogele. Dilo tsone a yi tsona tso di makang gore Jehova a re berekise. Gabutšibutši, a yi batho ba Modimo ka mokana ga bona ba go ba le ‘mahlalefelo ya lefase lowa, ba gore ba na le matšhika fote ba belegediwwe bogošing.’ Mara, Jehova o kgetiye go berekisa ‘dilo tsa go tseyediwa fase tsa lefase lo.’ (1 Makor. 1:26, 27) Byalo, o sa lesetse selo le ka  ssoši sa go go kgongwetsa kela sa go go lelemetsa se maka gore o sa berekele Jehova. Mara tseya dilo tsone go le lešuba la go bona matšhika ya Jehova ma bereka gago. Mo re beyisa, mo o tikwa o tšhoga ka taba la bo ba go makang gore o kamake so o se dumelang, rapela Jehova gore a go neye lešiši mo o yemela so o se dumelang. (Maef. 6:19, 20) Mo nkare o roba ke taba ya gore o thwadiye, kgopela Jehova gore a go neye matšhika gore o dule o karakara ka mokgo o ka kgonang go dula o mmerekela. Nakwenngwana le ye nngwana mo o bona Jehova a go gelepa, le wene mong o ro napa o tiyelela ka matla.

10. Ke ntaba di nyaka re tšhute ka mešupetso ya batho ba go tshepega ba ka ho Baebeleng ba go tshwana le bo go bolabodiwang ka bona ho ga Maheberu 11:32-34?

¹⁰ Pawulo ke mo a topele ga taba ya go bala Mangwalo. O yye a tšhuta dilo tsa go tlala go tokegela gana hone o yye a tšhuta le ga dilo tso di makegeleng batho bo go bolabodiwang ka bona ka ho Baebeleng. Mo Pawulo a ngwalela Makreste ya Maheberu, o yye a ma kgopela gore ma ghayele ka mešupetso yo yi beyyeng ke malata ya go tshepega ya Jehova. (Bala Maheberu 11:32-34.) Tseya ka mošupetso wa Kgoši Dafita. Ke mo a tshwanele a tiyisele mo a phigisa ke manaba yage le ba gore ba yye ba ba banghana bage. Mo re kene re lebelele mošupetso wa Dafita, re ko di boneng gore Pawulo o yye a kgona go ba le matšhika ka go ghayela ka tso di yyeng dya makegela Dafita fote le ka mokgo rune re ka yekiselang Pawulo.

11. Ke ntaba Dafita a yye a bonala nkare wa lelemela? (Lebelela sethombhe sa ka tawong.)

¹¹ Segoboro so ba reng ke Gholiyate ke mo se tseya Dafita go fo ba lephephe nje. Mo Gholiyate a bona Dafita o yye a mo “tseyela fase.” Nnete ke gore Gholiyate ke mo go le ye mogolo ka matla, a na le tsa go lwa ka tsona fote a tšhutele ntwa. Mo go le Dafita yene, ke mo go fo ba mošumanyana wa go sa tšibi selo wa gore ke mo a bonala nkare aa na le tsa go lwa ka tsona. Mara Dafita o yye a tšhentšha selo so ne se bonala go le sa go mo lelemetsa gore go be matšhika. O yye a tshepela ga Jehova gore a mo neye matšhika ke mokane a hlula lenaba lage.—1 Sam. 17:41-45, 50.

12. Ke ntshitshiri yifeng yo Dafita ne di nyaka a lebane nayo?

¹² Dafita ke mo di nyaka a lebane le ntshitshiri ya gore di ka makega gore ke mo yi maka gore a tikwe a lelemela a boya a se na matšhika. Dafita ka go tshepega o yye a berekela kgoši ya Israyele yo ba reng ke Sawulo ya gore ke mo yi kgetiye ke Jehova. Kgoši Sawulo o thomisiye a mo hlompa ga Dafita. Mo go-ya-go-ya, Sawulo o yye a ba le magetla ke mokane a thomisa go jelasela Dafita. Sawulo o yye a tshwara Dafita go baba a boya a leketsa le go fetsa ka yene.—1 Sam. 18:6-9, 29; 19:9-11.

13. Dafita o yye a maka ying mo kgoši Sawulo a mo tshwara go baba?

¹³ Le mo Kgoši Sawulo a yye a tshwara Dafita go baba mara Dafita o yye a ya mahlong a hlompa kgoši yowa ya gore yi hlawodiye ke Jehova. (1 Sam. 24:6) Dafita aa sola Jehova ka taba la dilo tso Sawulo ne a mo maka tsona tsa go befa. Mara o yye a tshepela ga Jehova gore a mo neye matšhika ya ne a ma hloka gore a thogo hlula ntshitshiri yo ne a hlakanne nayo.—Pis. 18:1, mantsu ya ma leng ka ku kgakala ga tema.

14. Pawulo wa lepostola o yye a lebana le seyemo sefeng sa go tshwana le sa Dafita?

¹⁴ Pawulo wa lepostola o yye a lebana le seyemo sa go tshwana le so Dafita a yyeng a lebana naso. Manaba ya Pawulo ke mo ma mo teya kgole ka matšhika. Ba go yeta mahlong ba go tlala ba gore ke mo ba tšibega ke mo ba mo hloyye ka matla. Ga go tlala, ke mo ba kutšetsela ba bangwana gore ba mo tule ba boye ba mo fošele jele. Pawulo le yene o yye a tshwariwa go baba go fo tshwana le Dafita ke batho ba gore  ke mo go le banghana bage. Ba bangwana ka phutegong ya Sekreste ke mo ba mo phigisa. (2 Makor. 12:11; Mafil. 3:18) Mara Pawulo o yye a hlula batho ka mokana ga bona bo ne ba mo phigisa. Ka mokgo mang? O yye a ya mahlong a tšhomayela le mo ne a phigisiwa. O yye a ya mahlong a tshepega ga magageru ya banna le ya basadi le mo ne ma maka dilo tsa go mo tšebisa. Fote o yye a tshepega ga Jehova go segela a kgwa. (2 Thim. 4:8) O yye a hlula dintshitshiri tse dikgolo yi se ka taba la gore ke mo a na le matšhika mara go le ka taba la gore ke mo a tshepela ga Jehova.

15. King so re nyakang go se segelela fote re ka se segelela byang?

¹⁵ Ayitsano o poyila kela o hlorisa ke bo o kenang nabo sekolo, bo o berekang nabo kela ba mutši wa genu ba gore a yi Dihlatse? Ayitsano go na le motho ye a yyeng a go tshwara go baba ka ho phutegong? Mo nkare go ka mokgonone, nagana ka mošupetso wa Dafita le wa Pawulo. O ka ya mahlong o “lwisana le tsa go befa ka tsa gabutši.” (Mrm. 12:21) Mo batho ba re phigisa, a re lwe nabo go tshwana le ka mokgo Dafita a yyeng a lwa le Gholiyate. Mara re leketsa ka matla go gelepa batho gore ba tšhute ka Jehova le ka tso di leng ka ho Baebeleng. Tsotsone o ka di segelela mo o ka fo lesetsa Baebele gore go be yona yo yi fetolang diputsiso tso batho ba nang natso, o šupetsa gore wa ba hlompa, o tshwara gabutši bo ba go makang lešidi, o makela batho ka moka tsa gabutši le mong bo go leng manaba yago.—Mat. 5:44; 1 Pet. 3:15-17.

16-17. Pawulo aa lebala ying?

¹⁶ Mo Pawulo wa lepostola a soko bane a ba lelata la Kreste, ke mo go le mošumanyana wa go sa hlompe fote a hlorisa bo ne ba latelela Jeso. (Meber. 7:58; 1 Thim. 1:13) Jeso ka boyene o yye a maka gore Pawulo wa gore ke mo ba re ke Sawulo gore a sa sa hlupa phutego ya Sekreste. Jeso o yye a bolabola le Pawulo a le ku legedimong ke mokane a mo maka gore a popele maahlo. Gore Pawulo a thogo bona fote, o yye a kwa di mo tšhofa gore a ye ga batho bo ne a ba hlorisa gore ba mo gelepe. Pawulo o yye a dumela gore lelata lo ba reng ke Ananiyase le mo gelepe gore a boyele a bone ka taba la gore ke mo a tinyanafatsiye.—Meber. 9:3-9, 17, 18.

 ¹⁷ Le mo nkare Pawulo o yye a feleletsa a tšibega ka matla go le mogageru ka phutegong ya Sekreste mara a sanka a lebala so Jeso a yyeng a mo tšhutisa sona nakwela a le tseleng ya go ya Damasekhase. O yye a dula a tinyanafatsiye a boya a lesetsa magageru gore ma mo gelepe. Ke mo a di bonne gabutši gore ‘ke wona ya ne ma mo tiyisa.’—Makol. 4:10, 11.

18. Ke ntaba ka dinako tse dingwana re ka tikwa re sa nyake gore ba bangwana ba re gelepe?

¹⁸ King so re ka se tšhutang ga Pawulo? Nakwela re thoma go gahlana le batho ba Jehova di ka makega gore ke mo re dula re sa gane mo ba re gelepa, re di bona gabutši gore re sa le ba banyana ga tso tsa Modimo fote go sa na le tsa go tlala tso re tshwaneleng go di tšhuta. (1 Makor. 3:1, 2) Mara gana byalo gee? Mo nkare go šele go fitiye mengwaga ya go tlala re kene re berekela Jehova fote re šele re tšiba dilo tsa go tlala, di ka makega gore re tikwe re sa nyake ba bangwana ba re gelepa ka matlamatla mo re kraya re gelepiwa ke ye mongwana wa gore a yi botala a krayye nnete. Mara Jehova o dula a berekisa magageru gore ma re tiyise. (Mrm. 1:11, 12) Gore Jehova a thogo re neya moya wage wa go hlawolega di nyaka re sa lebale nnete ya gore o berekisa magageru ka mokana ga wona.

19. Ke ntaba Pawulo a yye a phomelela ga dilo tsa go tlala?

¹⁹ Pawulo o yye a maka dilo tsa go tlalanyana ka nthago ga go thomisa go ba Mokreste. Ke ntaba? Ka taba la gore o tšhutiye gore go phomelela a di nyake gore motho a be le matšhika, a tšhutege, a ghanye kela a be a belegiwwe ga mutši wa batho ba gore ba ghannye mara di fo nyaka gore a tinyanafatse fote a tisamele ka Jehova. Nkare ka mokana ga rune re ka yekisela Pawulo ke mokane re (1) tisamele ka Jehova, (2) re tšhute ka mešupetso ya ka ho Baebeleng fote (3) re sa gane mo magageru ma nyaka go re thuša. Le mo re ka tikwa re lelemela tsa nkare ke moka, Jehova o nyoko re neya matšhika!