1. O tšhutiye ying nakwela o thomisa go tšhuta Bhayibele?

 AYITSANO o sa gopola mo o thomisa go tšhuta Bhayibele? O ka fo ba o makatsiye ke taba ya gore Modimo o na le lebitso. Nakwenngwana o yye wa re ekgu, mo o kwa gore Modimo aa gadiki batho diheleng. Fote di ka makega gore o jabodisiye ke tshepo ya gore o nyoko boya o bona mašaga yago ya gore ma šele ma hlokofele le go phela nawo ga lefase la gore ke pharadeyisi.

2. Go tokegela ga taba ya go tšhuta nnete ya Bhayibele, ke dilo difeng tso o yyeng mahlong o di maka? (Maefeso 5:1, 2)

² Mo o kene o ya mahlong o tšhuta Lentsu la Modimo, taba ya go nyaka Jehova ka matla yi napiye yi gula. Taba ya gore o mo nyaka ka matla yi go hlohletsele gore o berekise tso o di tšhutiyeng. O segelele dipheto tsa gabutši ka matla o berekisa ditšhiko tsa Bhayibele. O tšhutiye go nagana le go maka dilo gabutši ka taba la gore ne o nyaka go jabodisa Modimo. Go fo tshwana le mo ngwana a yekisela mmelegi wa gore o mo nyaka ka matla, le wene ne o yekisela Papago wa ku legedimong.​—Bala Maefeso 5:1, 2.

3. Ke diputsiso difeng tso re ka tiputsisang tsona?

³ Re ka tiputsisa gore: ‘Ayitsano gana byalo ga Jehova ke mo nyaka ka matla go phala nakwela ke sa thomisa go ba Mokreste? Go tlugisela nakwela ke kolobetsiwa, ayitsano ke nagana ke boya ke maka dilo go tshwana le Jehova​—ka matlamatla mo di tla ga taba ya go šupetsa magageru gore ke ma nyaka ka matla?’ Mo nkare taba ya go nyakanana yi fodiye fote a yi sa “tshwana le mathomisong,” o sa kgongwele. Phela le Makreste ya ku botala ma yye ma makegela ke taba ya go tshwana le yonone. Jeso aa ma ngalela fote le rune a ka sa re ngalele. (Kut. 2:4, 7) Wa di tšiba gore re ka rotetsa go nyakanana ho re go kwileng nakwela re thomisa go tšhuta nnete.

4. Re nyoko petapeta ka ying ga hlogotaba yowa?

 ⁴ Hlogotaba yowa yi nyoko petapeta ka gore re ka maka byang gore re ye mahlong re tšheletsa taba ya go nyaka Jehova le ba bangwana. Ke mokane re nyoko tšhuta ka dilo tse dingwana tsa gabutši tsa gore di nyoko makega mo re nyaka Jehova le magageru ka matla.

5-6. Pawulo wa lepostola o gahlanne le dintshitshire difeng ga mmereko wage wa go tšhomayela, mara king so se mo hlohletseleng gore a ye mahlong a berekela Jehova?

⁵ Pawulo wa lepostola ne a kgotsofatsa ke go berekela Jehova, mara ke mo a gahlana le dintshitshire tsa go tlala. Pawulo ne a dula a sepela mayeto ya go lefa fote ke mo di se lula go tseya leyeto ka dinako tsone. Ga mayeto yage, Pawulo ne a feta le ‘dinokeng a makegela ke tsa go thathafa’ fote “go gongwana ke mo go na le dikgohlane.” Ka dinako tse dingwana ne a tula ke manaba yage. (2 Makor. 11:23-27) Fote magagabo ya gore ke Makreste ne ma sa duli ma šupetsa Pawulo gore maa mo leboga ga dilo tso a di makiyeng gore a thogo ma gelepa.​—2 Makor. 10:10; Mafil. 4:15.

⁶ King so se gelepiyeng Pawulo gore a thogo ya mahlong a berekela Jehova? Ka ho Mangwalong, Pawulo o tšhutiye dilo tsa go tlala ka Jehova gore ke motho wa mošaga mang le ga tso yene a gahlanneng natso. Pawulo o napiye a yi tshepa taba ya gore Jehova Modimo o mo nyaka ka matla. (Marom. 8:38, 39; Maef. 2:4, 5) Fote le yene ne a kwana ka matla le Jehova. Pawulo o šupetsiye gore ga Jehova o mo nyaka ka matla ‘ka go berekela bo ba go hlawolega fote a kene a ya mahlong a ba berekela.’​—Maheb. 6:10.

7. Re ka maka byang gore re tšheletse taba ya go nyaka Jehova ka matla?

⁷ Wa tšiba, re ka tšheletsa taba ya go nyaka Modimo ka matla ka go tšhuta Lentsu lage gabutši. Mo o kene o bala Bhayibele, liketsa go lebelela gore taba yone o yi balang yi go botsa ying ka Jehova. Tiputsise gore: ‘Taba yowa yi šupetsa ka mokgo mang gore Jehova o nnyaka ka matla? Ke dilo difeng tso yi mpotsang tsona tsa go maka gore ga Jehova ke mo nyake ka matla?’

8. Go rapela go ka re gelepa ka mokgo mang gore re thogo gudisa taba ya go nyaka Modimo ka matla?

⁸ Mokgwa wo mongwana wa gore re ka gudisa taba ya go nyaka Jehova ka matla, ke go dula re mo kgotolela so se leng ka ho dipelong tsa rune ka thapelo. (Pis. 25:4, 5) Ke mokane Jehova yene, o nyoko fetola merapelo ya rune. (1 Joh. 3:21, 22) Mogageru wa mosadi ye ba reng ke Khanh wa hala Asia, o re: “Mathomisong, ne ke nyaka Jehova ka taba la tso ke di tšhutiyeng ka yene, mara mo ke mmona a fetola merapelo yaka, ke napiye ke mo nyaka tsa nkare ke moka. Taba yowa yi makiye gore ke nyake go maka dilo tsa gore di ya mo jabodisa.” b

9. Thimothi o šupetsiye ka mokgo mang gore o ya mahlong a šupetsa gore wa nyakanana?

⁹ Ka nthago ga mengwaganyana mo Pawulo go šele go le Mokreste, o yye a gahlana le mosogana wa gore wa hlompega ye ba reng ke Thimothi. Thimothi ne a mo nyaka ka matla ga Jehova fote ne a kwana le batho. Pawulo o butsiye Mafilipi gore: “A go na ye mongwana wa go tshwana [le Thimothi] ye nka mo romang wa gore o nyoko le pasopa di mmaba.” (Mafil. 2:20) Pawulo howa ne a sa bolabole ka taba ya gore Thimothi o kgona go lukiselela dilo kela o thogo bolabola gabutši mo go tleleng batho, mara Pawulo ke mo a jabodisiye ke Thimothi ka taba la gore ga magagabo ne a ma nyaka ka matla. A re kamake gore diphutego tso Thimothi ne a berekela ga tsona ne di dula di mo yemele ka maahlo ya makhubedu gore a di vakašele.​—1 Makor. 4:17.

10. Anna le monnage ba šupetsiye ka mokgo mang gore ba nyaka magagabo ka matla?

¹⁰ Le rune re nyakana le mekgwa yo re ka  gelepang bobhuti le bosesi ba rune ba gore ke Makreste. (Maheb. 13:16) Lebelela tso di gahlanneng le Anna ye go bolabodiwweng ka yene ga hlogotaba ya go fela. Ka nthago ga sedingwane se segolo, yene le monnage ba vakašele mutši wo mongwana wa Dihlatse ke mokane ba kraya gore sedingwane sela se rutlumulannye masenke ya ntlo ya mutši wone. Ka taba la tsotsone, ba mutši wone ke mo ba se na dikobo tsa gore di yediye. Anna o re: “Re tsere dikobo tsa bona, ra di šugela ke mokane ra di busetsa ga bona re di ayiniye fote di phutegiye gabutši. Phela ga rune ke mo yi se taba ya go hlupa, mara yi makiye gore senghana sa rune se nape se ro tiyelela go segela le lekgono lowa.” Taba ya gore Anna le monnage ba nyaka magageru ka matla yi ba hlohletsele gore ba ba hakolle.​—1 Joh. 3:17, 18.

11. (a) Batho ba bangwana ba tikwa byang mo re ba šupetsa gore re ba nyaka ka matla? (b) Diyema 19:17 yi re Jehova o re king mo re šupetsa ba bangwana gore re ba nyaka ka matla?

¹¹ Phela mo re tshwara ba bangwana gabutši re boya re ba šupetsa gore re ba nyaka ka matla, ba thogo di bona gore re liketsa go kopisela ga Jehova. Fote ba ka tseyela gedimo ka matla taba ya gore re na le dipelo tsa gabutši go phala ka mokgo re naganang. Khanh ye re bolabodiyeng ka yene, o ba gopola gabutši bo ba yyeng ba mo gelepa. O re: “Ke ma leboga ke sa fetsi magageru ka mokana ga wona ya basadi ya gore ma yye le nna tšhomong. Ma nlatiye gaye, ma mmema gore ke tle ke je le wona, ke mokane ma mpeya gaye ke tšhireletsegiye. Gana byalo ke ya di bona gore ke mo di nyaka gore ma karakare go le mong letogo. Mara ke mo ma jabolela go di maka.” Ke nnete gore, a yi batho ka moka bo ba ka re lebogang gore re ba makele se sengwana. Khanh mo a bolabola ka bo ba mo gelepiyeng, o re: “Ke nabela nkare nka ba patela ga dilo ka moka tsa gabutši tso ba mmakeleng tsona, mara a ke tšibi mo ba dulang ka mokana ga bona. Mara, Jehova wa di tšiba fote ke rapela gore o nyoko mpatelela bona sekala.” Wa tšiba Khanh wa resa. Jehova o bona le mong se senyananyana  sa gabutši so re se makelang ba bangwana. O se tseya go le sehlabelo sa mayemo ya gedimo ka matla fote go le sekoloto sa gore o nyoko se patela.​—Bala Diyema 19:17.

12. Magageru ma ka šupetsa phutego ka mokgo mang gore ma yi nyaka ka matla? (Lebelela le dithombhe.)

¹² Mo nkare ke wene mogageru, o ka šupetsa ba bangwana byang gore o ba nyaka ka matla o boya o maka tse dingwana gore o ba gelepe? Mogageru wa gore o sa gola ye ba reng ke Jordan, o yye a butsisa mogolo ye mongwana gore a ka maka ying tse dingwana gore a thogo gelepa ka phutegong. Mogolo yela o yye a mo thanaka ga tso a šeleng a yyeng mahlong a di maka ke mokane a mo yeletsa ka gore a ka maka byang gore a thogo maka tsa go tlala tsa go feta hone. Mo re beyisa, o yye a botsa Jordan gore a ka yakgoswa a segela Holong ya Mmušo gore a thogo tsosela ba bangwana, a fetole megahlanong, a dule a na le mogoba wage wa tšhomo mo ba tšhomayela fote a nagane ka dilo tso a ka di makang gore a gelepe ba bangwana. Mo Jordan a maka dilo tsowa, o tšhutiye go maka le dilo tse dingwana mara o yye a tšhuta fote le go nyaka magagabo ka matla. Jordan o tšhutiye gore mo mogageru a ba lelata la ka ho phutegong, aa thomisi go gelepa ba bangwana; mara o ya mahlong a ba gelepa.​—1 Thim. 3:8-10, 13.

13. Taba ya go nyakanana yi hlohletsele mogageru ye ba reng ke Christian ka mokgo mang gore a tshwanelege go ba mogolo fote?

¹³ Re re king mo nkare sa le wa bereka o le lelata la ka ho phutegong kela o le mogolo? Jehova o gopola mmereko wo o wo makiyeng ku botala le taba ya gore o mo nyaka ka matla ke yona yi go hlohletseleng gore o mmerekele. (1 Makor. 15:58) Fote o lebelele mo o kene o ya mahlong o šupetsa go nyakanana. Mogageru ye ba reng ke Christian ke mo a kgongwele mo ba re go sa sa ba mogolo. Mara o re: “Ke tiputsiye gore ke nyoko maka so nka se kgonang gore ke berekele Jehova​—ke le mogolo kela dho.” Mo nako yi kene yi ya, ba yye ba mo kgeta gore go be mogolo fote. Christian o re: “Taba ya gore ke nyoko  maka mmereko wowa fote, ne yi ntshosa ka gonyana. Mara ka fetsa ka gore, mo nkare Jehova o nyaka gore ke bereke ke le mogolo fote, nko wo makeng mmereko wowa ka taba la gore ke mo nyaka ka matla fote le magageru ke ma nyaka ka matla.”

14. O tšhuta ying ga tso di hlayyeng ke mogageru wa mosadi wa hala Georgia?

¹⁴ Malata ya Jehova ma boya ma šupetsa le bayagelane ba wona gore ma ba nyaka ka matla. (Mat. 22:37-39) Mo re beyisa, mogageru wa mosadi ye ba reng ke Elena, wa go tšwa nageng ya Georgia, o re: “Mathomisong, selo so ne se ntšhofa gore ke tšhomayele ke taba ya gore ga Jehova ke mo nyaka ka matla. Mara mo taba ya go nyaka Papaka wa legedimong yi fo ya yi gula, le taba ya go nyaka ba bangwana yi napiye yi gula le yona. Ke liketsiye go nagana ka mathatha ya ba gahlanang nawo le tso ba ka jabolelang go bolabola ka tsona. Mo nkene ke nagana ka bona ka mokgo, tsotsone di napiye di maka gore ke nyake go ba gelepa.”​—Marom. 10:13-15.

15-16. Ka mokgo ba šupetsiyeng ga dithombhe tsowa, re ka rufega ka mokgo mang mo re šupetsa ba bangwana gore re ba nyaka ka matla?

¹⁵ Mo re šupetsa magageru gore re ma nyaka ka matla, tsotsone a di berekele wona fela. Ka nthago ga mo go thomisiye bolwele bya go sabalala bya COVID-19, mogageru ye ba reng ke Paolo le mosadi wage ba yye ba gelepa magageru ya basadi ya gore ma šele ma gudiye gore ma tšhute go berekisa dilo tsa wona tsa elekthroniki  gore ma thogo tšhomayela. Mogageru wa mosadi ka wweši ke mo di mo thathafela mathomisong gore a berekise selo sa elekthroniki mara mafelelong o yye a phomelela. O yye a berekisa sona gore a meme mašaga yage Segopotsong. Go yye gwa tla 60 ya wona ma berekisa vidiyo! Mogageru yene wa mosadi le mašaga yage ka mokana ga wona ba berekele ke tso Paolo le mosadi wage ba di makiyeng. Ka nthagonyana, mogageru yela wa mosadi o ngwalele Paolo gore: “Re ya leboga gore le ya re tšhutisa rune ba gore re šele re gudiye. Nka sa tsoge ke libele ka mokgo Jehova a tihlupang ka rune le ka mokgo le yyeng la karakara gore le re gelepe.”

¹⁶ Dilo tso Paolo a gahlanneng natso di mo tšhutisiye taba ye kgolo. Di mo gopotsiye gore taba ya go nyakanana yi phala go tšiba dilo kela go kgona go maka dilo ka hlago. O re: “Ne ke bereka ke le mopotulugi. Lekgono ke ya di kwisisa gore le mo magageru ma ka fo ba ma libele dipolabolo tsaka, mara ma sa na ma gopola dilo tso ke ma makeleng tsona.”

17. Mo re šupetsa gore re ya nyakanana, tsotsone di nyoko berekela le bomang?

¹⁷ Mo re šupetsa ba bangwana gore re ba nyaka ka matla, tsotsone di re berekela ka mekgwa ya gore ke mo re sa yi nagana. Jonathan wa go tšwa hala New Zealand, wa yi dumela taba yowa. Ka Mokibela wo mongwana wa gore ne go fisa ka sethewo, o bonne mogageru ye mongwana wa gore ke mošupatsela a tšhomayela pateng a le ntoši. Jonathan o yye a thomisa go bereka le mošupatsela yene ka Mekibela ka sethewo. Ka nako yonone ke mo a sa di bone ka mokgo taba yone yi nyoko mmerekelang. Jonathan o hlaya gore, “Ka dinako tsotsone, ne ke sa kwane le tšhomo. Mara mo nkene ke theetsela ka mokgo mošupatsela yene a tšhutisang le ka mokgo a bang le maphomela ya gabutši ga mmereko wage wa go tšhomayela, ke yye ka thomisa go kwana le go tšhomayela. Fote ke tikrayele monghana wa gabutši wa gore o n’gelepiye gore ke gule ga tso tsa Modimo, ke jabolele tšhomo ke boye ke šutele thina ka matla le Jehova.”

18. Jehova o nyaka gore re make ying?

¹⁸ Jehova o nyaka gore ka mokana ga rune re tšheletse taba ya go mo nyaka ka matla le go nyaka ba bangwana. Re šele re tšhutiye gore re ka tšheletsa taba ya go nyaka Jehova ka matla ka go bala Lentsu lage, re ghayele ka lona fote re bolabole naye ka thapelo. Re ka gudisa taba ya go nyaka magageru ka go ma makela dilo tse dingwana. Mo go nyakanana ga rune go ya mahlong go gula, re nyoko napa re šutela thina ka matla le Jehova le magageru. Fote re nyoko tikwisa ka senghana sone go ya go yye!