1-2. Ke ka mokgo mang Mokreste ba ka mo tshwanisang le moyago wa go lefa? (1 Makorente 15:58)

 KA BO 1978 go yye gwa yagiwa moyago wa go lefa ka matla ku Tokyo, Japan. Batho ke mo ba tiputsisa gore ayitsano moyago wone wo ka sa khwešogane ka taba la gore hone toropong ke mo go dula go tekateka lefase. Ba yye ba maka byang mara? Bo ba go tšhutela tsa go yaga ba yye ba maka moyago wone gore wo tiyelele mara ka ho nthoko ba maka gore wo thogo wobega-wobega gore le mo go ka thomisa go roromela ka taba la go tekateka ga lefase go ka sa ro makega selo. Makreste le wona ma tshwana le moyago wone. Ka mokgo mang?

² Mokreste ye mongwana le ye mongwana di nyaka a likanisele ga taba ya go yema a sa thogathoge le ga taba ya go wobega-wobega. Di nyaka a tiyelele fote a sa tekateki mo di tla ga taba ya go tikemisela go dula a theetsela melawo ya Jehova. (Bala 1 Makorente 15:58.) A “tikemisele go theetsela” fote a sa jikajiki. Se sengwana ke gore di nyaka a “naganelana” kela a temateme mo seyemo se dumela kela le mo go hlokega. (Jak. 3:17) Mokreste wa gore o yi kwisisa gabutši taba ya go likanisela a ka sa nape a tiyisa letsogo ga se sengwana le se sengwana kela a loke tsela tsa go napa a ro fetelela. Ga hlogotaba yowa, re nyoko lebelela gore re ka maka byang gore re sa tekateki. Fote re nyoko gonyolla le kapheta ya dilo tso Sathane a di makang gore di sa be lula ga rune gore re theetsele Jehova re boya re tšhuta ka mokgo re ka hlulang mathayithayi yage.

3. Ke melawo yifeng ya go tšwa ga ye Mogolo wa go Neya Molawo wa gore re wo kraya ga Mebereko 15:28, 29?

³ Ka taba la gore Jehova ke yene ye Mogolo wa go Neya Molawo o makiye gore di be lula ga batho bage gore ba kwisise melawo yone. (Jes. 33:22) Mo re beyisa, mogoba wa go lawola wa dinako tsa Makreste ya ku botala wo hlayye kararo ya dilo tsa gore di nyaka Makreste ma yeme ma sa thogathoge, ke tsowa: (1) go  kganela kgole le go rapela medimo ya dithombhe, go rapela Jehova a ntoši, (2) go hlompa go hlawolega ga madi le (3) go latelela so Bhayibele yi se hlayang ga taba ya go kganela kgole le bonghwahla. (Bala Mebereko 15:28, 29.) Makreste lekgono, ma ka maka byang gore ma dule ma theetsela Jehova mo di tla ga dilo tsowa kararo ya tsona?

4. Re ka rapela Jehova a ntoši ka mokgo mang? (Kutullo 4:11)

⁴ Rune a re rapele medimo ya dithombhe, re rapela Jehova a ntoši. Jehova o yye a botsa Maisrayele gore ma rapele yene a ntoši. (Dot. 5:6-10) Fote nakwela Jeso a liketsa ke Diyabolo o yye a yi beya lekgwaying gore di nyaka re rapele Jehova a ntoši. (Mat. 4:8-10) Byalo, le mong medimo ya dithombhe a re yi rapele. Fote a re make batho medimo ya rune​—le mo go ka ba bo ba go yeta dikereke mahlong, ba go lawola ba tsa dipolotiki, ba gore ba tumme ka matla ga tsa mekgano, ba go kgana ga tsa TV kela ba go yepelela. Re yema le Jehova fote re rapela yene a ntoši wa gore o “makiye dilo ka mokana ga tsona.”​—Bala Kutullo 4:11.

5. Ke ntaba re theetsela molawo wa Jehova ga taba ya go hlawolega ga lephelo le madi?

⁵ Re theetsela molawo wa Jehova ga taba ya go hlawolega ga lephelo le madi. Ke ntaba? Ka taba la gore Jehova o re madi ma yemela lephelo la gore ke selo sa go bafala sa gore se tšwa gage. (Lef. 17:14) Nakwela Jehova a botsa batho ba mathomo gore ba je nama, o yye a re ba sa ji madi. (Gen. 9:4) Taba yone o yye a yi boyelela nakwela a botsa Israyele a berekisa Molawo wa Moše. (Lef. 17:10) Fote o yye a yetetsa ba mogoba wa go lawola ba ku botala gore ba botse Makreste ka mokana ga wona gore, “le sa je madi.” (Meber. 15:28, 29) Molawo wone re wo theetsela re sa thogathoge mo di tla le ga taba ya tso re di yamogelang mo ba re yalafa. b

6. King so re karakarang ka matla gore re se make gore re thogo phela ka melawo ya Jehova ya mayemo ya gedimo?

⁶ Re ngangarela melawo ya Jehova ga taba ya go titshwara. (Maheb. 13:4) Pawulo wa lepostola o re yeletsa ka gore re ‘bolayeneng’ tso di leng mmeleng wa rune​—tsotsone ne di rela gore di nyaka re make so re ka se kgonang gore re kganele kgole le selo se sengwana le se sengwana so re se nabelang sa gore a se ya loka. Re kganela kgole le go lebelela kela go maka se sengwana le sengwana sa gore se ka maka gore re feleletse re maka bonghwahla. (Makol. 3:5; Jobo 31:1) Mo re tlela ke tsa go re liketsa, re yakgoswa re ganana le tso re ka di naganang kela tso re ka di makang tsa gore di ka sinya senghana sa rune le Modimo.

7. King so di nyakang re tikemisele go se maka fote ke ntaba?

⁷ Jehova o nyaka re mo “theetsela … di tšwa pelong.” (Marom. 6:17) Tso a re yetetsang ka tsona di dula di re berekela fote melawo yage re ka sa yi tšhentšhi. (Jes. 48:17, 18; 1 Makor. 6:9, 10) Re karakara ka matla gore re jabodise Jehova fote a re šiyane kgole le mopisalema wa gore o yitseri: “Ke fetsiye le pelo gore ke nyoko theetsela melawo yago ka mokana ga yona go segela ga wa mafelelo.” (Pis. 119:112) Mara, Sathane a ka sa tinwi go maka gore re fo ya re kene re lelemela. Mara ke mekgwa yifeng yo a yi berekisang?

8. Sathane o berekisa go hlorisiwa ka mokgo mang gore a thogo maka gore re nape re lelemela re sa sa tsoga?

⁸ Mo re hlorisiwa. Diyabolo o berekisa bokgohlane le tsa go re kgahleletsa gore le mo re re re tsosa hlogo yi fo pala. O tšwa le tete ga taba ya gore o nyaka “go kgwisa” ye mongwana go fo re a sinye senghana sa rune le Jehova. (1 Pet. 5:8) Makreste ya ku botala ke mo ba ma tshosetsanya, ba ma tula ba boya ba ro ma bolaya ka taba la gore ma tikemisele go yema ma sa  thogathoge. (Meber. 5:27, 28, 40; 7:54-60) Le lekgono lowa, Sathane o sa fo ya mahlong a berekisa go hlorisiwa. Tsotsone re ro di bona ka mokgo di makegang ka gona ku Russia le ga dinaga tse dingwana ga gore bo ba go re phigisa ba tshwara Dihlatse Tsa Jehova bošidi kela ba hlasela magageru ka mekgwa ya go sa tshwane.

9. Re beyisele gore ke ntaba di nyaka re ntsha maahlo dikwakweng mo di tla ga mathayithayi.

⁹ Mathayithayi. Sathane o berekisa “mathayithayi” a tokegela ga taba ya go re hlorisa. (Maef. 6:11) Nagana ka tso di yyeng dya makegela mogageru ye ba reng ke Bob, wa gore ne a le sepetlele di nyaka ba mo make ophareyišene ye kgolo. O yye a botsa botogotela gore a ka sa tsogi a tšhediye madi. Togotela ya gore yi bereka ka tsa diophareyišene yi yye ya hlompa sepheto sage. Mara, bošego bya mo ba soko maka Bob ophareyišene, togotela ye nngwana yi yye ya tla gage ka nthago ga mo ba mutši wage ba sipidiye ba yye gaye. O yye a botsa Bob gore botogotela ba ka sa berekisi madi mara wona ma nyoko fo ba gona nje, go fo re mo ma hlokega. Di ka makega gore togotela yone ne yi nagana gore Bob o nyoko tšhentšha monagano ka taba la gore ba mutši wage a ba šiyo ho thina. Mara Bob o yye a yema le taba yage a sa thogathoge a šinya a hlaya le gore a ka sa tšhele madi le mo go ka teya leduma la mošaga mang.

10. Ke ntaba re re ka mokgo batho ba tseyang dilo ka gona go kotsi? (1 Makorente 3:19, 20)

¹⁰ Ka mokgo batho ba tseyang dilo ka gona. Mo nkare re tseya dilo ka mokgo batho ba di tseyang, o ka kraya re thomisa go kganyela Jehova le melawo yage. (Bala 1 Makorente 3:19, 20.) Ga go tlala “mahlalefelo ya lefase lowa” ma kutšetsela batho gore ba sa theetsele Modimo. Makreste ya mangwana ku Phegama le Thiyathira ma yye ma kutšetsela ke batho bo ba yagelanneng nabo ba gore ne ba maka tsa go sa hlamatsega fote ba rapela medimo ya dithombhe. Jeso o yye a wolola diphutego tsone a tiyisiye letsogo ka taba la gore ne di sa sa tseya bonghwahla go le selo sa go hlupa. (Kut. 2:14, 20) Lekgono, re gahlana le tsa go re kgahleletsa tsa gore re fo dumela matsaka re kene re ma lebelele. Mašaga le batho ba gore re ba tlwayele, ba ka liketsa ka matla gore re dumele taba ya gore re ya gatelelana le gore re sa theetsele melawo ya Jehova. Mo re beyisa, ba ka fo re di ka sa re gelepe ka selo tsa go dula re titshwere gabutši ba boya ba re melawo ya go tšwa ka Bhayibeleng a yi ya lekgono ke ya mong botalatala.

11. Mo re kene re yemme re sa thogathoge, king so di nyakang re kganela kgole naso?

¹¹ Ka dinako tse dingwana, re ka fo re tso Jehova a re yetetsang ka tsona a di ya napa di yela gabutši. O ka kraya re liketsega le ga taba ya gore re sa ‘make tso di ngwadiwweng.’ (1 Makor. 4:6) Ba go yeta dikereke mahlong ba dinako tsa Jeso tsotsone ne di ba kokona. Ba yye ba tokegela tsa bonabeng ga Molawo ke mokane tsotsone dya maka gore di sa be lula ga batho nje gore ba theetsele molawo wone. (Mat. 23:4) Jehova o re yetetsa a berekisa Lentsu lage le mokgahlo wage. A se šiyo so se ka makang gore re yeketse ga tso a re yetetsang ka tsona. (Diy. 3:5-7) Byalo, a re make dilo tso Bhayibele yi sa hlayang gore re di make kela ra beyela magageru melawo ga dilo tsa gore a di re nyake.

12. Sathane o berekisa “bošakašakane” ka mokgo mang?

¹² Bošakašakane. Sathane o maka gore a re “tshokanye ka dilo tsa gore a di šiyo” le “dilo tsa gore batho ba lefase lowa ba di tseyela gedimo” gore a thogo re šohlometsa a boya a yahluganya batho. (Makol. 2:8) Ku botala, ga taba ya ka mokgo batho ba tseyang dilo ka gona ne go kena le bo ba gore ba tšhutele tsa gore ba f’lo tikhandela, tso di tšhutisang ke Majuda tsa gore ne di sa tšwe ka Mangwalong fote le tso ne ba di tšhutisa tsa gore Makreste di nyaka ma theetsele Molawo wa Moše. Taba yone yi yye ya tshokanya batho ka taba la gore ba yye ba sa sa lebelela Jehova  ye go hlalefa ga mannete go Tšwang gage. Lekgono, Sathane o berekisa Inthanete gore a sabalatse mabarebare le ditaba tsa matsaka tsa gore bo ba go yeta mahlong ba dipolotiki ba yema natso. Ditaba tsone tsa go tlala tsa gore ke matsaka, re di bonne ka nakwela ya bolwele bya go sabalala bya COVID-19. c Dihlatse tsa Jehova tsa gore di theetsele tso mokgahlo wa rune wo re yetetsang ka tsona, a sanka dya ba le mešekelo ya gore yi leyye ke go theetsela ditaba tsa gore di ya lahletsa, go tshwana le bo ba yyeng ba di theetsela.​—Mat. 24:45.

13. Ke ntaba di nyaka re pasope gore re sa tikraye re ba le dilo tsa go re lebatsa?

¹³ Tsa go re lebatsa. Di nyaka re sa yi takisi maahlo taba ya “tso di tshwaneleng go yeta mahlong.” (Mafil. 1:9, 10) Tsa go re lebatsa di ka re jela nako ya go tlala dya boya dya re tapa le matšhika. Dilo tsa gore re dula re di maka​—tsa go tshwana le go ja, go nwa, tsa go tijabodisa le go thewogela, mo re ka sa pasope di ka re lebatsa mo nkare re di yetisa mahlong mo re kene re phela. (Luk. 21:34, 35) Go tokegela gana hone, ka moka matšatši re kwa re boya re bala ka ba go toyatoya le ka ditaba tsa ba dipolotiki. Di nyaka re bone gore re sa tikraye re lebatsa ke go sa kwane hone. Phela o ka kraya re šele re yema le ye mongwana ka monagano kela ka pelo. Sathane o berekisa dilo tso di leng ka ho kgakala ka mokana ga tsona a nyaka go segelela taba ya gore re lisetse go tikemisela go maka tsa gabutši. Tla re boneneng gore re ka ma hlula byang mathayithayi yane yage re sa thogathoge.

14. King sa gore se ka re gelepa gore re dule re yemme ka nthoko ga Jehova re sa thogathoge?

¹⁴ Nagana ka gore ke ntaba o tineyele ga Jehova o boya o kolobetsiwa. O makiye tsotsone ka taba la gore o nyaka go yema ka nthoko ga Jehova. O sa lebale so se yyeng sa go gelepa gore o sa kamake taba ya gore o krayye nnete. O tšibiye Jehova ke mokane wa thomisa go mo hlompa wa boya o mo nyaka ka matla go le Papago wa legedimong. O thomisiye go ba le tumelo fote tsotsone di go tšhofiye gore o sokologe. O lisetsiye go maka dilo tsa gore Jehova o di hloyye ke mokane wa maka tso a di nyakang. O  kwa pelo yowa yi f’lo re kgehle mo o di bona gore Modimo o go tshwarele. (Pis. 32:1, 2) O thomisiye go ya megahlanong ya Sekreste ke mokane wa sa koni ba bangwana tsa go bafala tso o di tšhutiyeng. Ka taba la gore o Mokreste wa gore o tineyele o boya o kolobetsiwa gana byalo o sepela ga pata ya lephelo, barena tikemisele go sepela ga pata yowa.​—Mat. 7:13, 14.

15. Taba ya go tšhuta o boya o ghayela yi ka berekela motho ka mokgo mang?

¹⁵ Tšhuta Lentsu la Modimo o boye o ghayele ka lona. Mohlare wo ka di kgona go yema wo tiyye mo nkare midu ya gona yi segele fase, byalo le rune mo nkare re na le tumelo ya go tiya ga Jehova re ka di kgona go yema re sa thogathoge. Mo mohlare wone wo kene wo gola, midu ya gona yi napa yi ro kenelela fase yi boya yi ro naama. Mo re tšhuta re boya re ghayela re tiyisa tumelo ya rune fote re napa re sa kamake gore ditsela tsa Modimo ke mong tsona. (Makol. 2:6, 7) Nagana ka mokgo molawo wa Jehova, tso ne a yetetsa malata yage ya ku botala ka tsona le ka mokgo ne a ma tšhireletsa di yyeng dya ma gelepa ka gona. Mo re beyisa, lengeloyi le yye la yi meta gabutši tempele yo Hezekiyele a yi bonne ka mmono. Mmono wone wo yye wa tiyisa Hezekiyele ka matla fote wo re tšhutisa tsa go tlala ga taba ya ka mokgo re ka thegang melawo ya Jehova ga morapelo wa go yela. d (Hezek. 40:1-4; 43:10-12) Le rune di ya re berekela mo re fetsa nako re tšhuta re boya re ghayela re kenelela ga dilo tso di leng ka Lentsung la Modimo.

16. Taba ya gore Bob ne a na le pelo ya go tiyelela di mo tšhireletsiye ka mokgo mang? (Pisalema 112:7)

¹⁶ Maka gore pelo yago yi tiyelele. Kgoši Dafita o yitseri a ka sa tsoge a lisetsanne le Jehova nakwela a yepelela a re: “Pelo yaka yi tiyelele, Barena Modimo.” (Pis. 57:7) Le rune re ka ba nayo pelo ya go tiyelela mo re tshepa Jehova ka go felegelela. (Bala Pisalema 112:7.) Lebelela ka mokgo tsotsone di gelepiyeng Bob yela re šeleng re bolabodiye ka yene. Nakwela ba mmotsa gore ba ko fo beya madi ka thoko go fo re ma be ka bothina mo ma nyakega, o yye a fetola ka gore mo nkare ba nyoko liketsa ba re ba mo tšhela madi o nyoko tseya so go leng sage ke mokane a tšwa hone sepetlele a sa lebelele le nthago. Ka nthago, Bob o hlayye gore, “Tso ne ke nyoko di maka ne ke sa di kamake fote ne ke sa šekedisi ke selo.”

17. Mošupetso wa Bob wo ka re tšhutisa ying? (Lebelela le sethombhe.)

 ¹⁷ Bob ke mo a sa thogathoge ka taba la gore o segelele botala sepheto sa go yema a sa tekateki a soko bane a ya sepetlele. Sa thoko, ke mo a nabela go jabodisa Jehova. Sa mabedi, o di tšhutiye gabutši tso di hlayang ke Bhayibele le dikgatiso tsa rune ga taba ya go hlawolega ga lephelo le madi. Sa kararo, ke mo a sa kamake taba ya gore go latelela mo Jehova a re yetetsa di nyoko re berekela go ya go yye. Le rune re ka ba nayo pelo ya go tiyelela le mo re ka gahlana le dintshitshire tsa mošaga mang.

18. Mošupetso wa Bharake wo re tšhutisa ka mokgo mang gore re tshepe Jehova? (Lebelela sethombhe sa ka tawong.)

¹⁸ Tshepela ga Jehova. Lebelela ka mokgo Bharake a yyeng a phomelela ka taba la go tshepela ga Jehova mo a mo yetetsa. Le mo ka nako yonone batho ba Israyele ne ba sa tilukiselela ntwa fote ba se na le digale tsa go lwa ka tsona, mara Jehova o yye a botsa Bharake gore a ye a lwe le masole ya gore ma na le tsa go lwa ka tsona ya Makanana ya kgoši Sisera. (Bay. 5:8) Moporofeta wa mosadi ye ba reng ke Debhora o butsiye Bharake gore a thewogele dithabeng ga gore ke molala a ye a lwe le Sisera le dikoloyi tsage 900 ya tsona. Le mo yi le gore ne go nyoko fo ba moroba ga dikoloyi tsone gore di sepele ga gore ke molala mara Bharake o yye a fo theetsela. Mo masole yane ma kene ma thewogela fase Thabeng ya Tabhore, Jehova o yye a maka gore go ne pula ye kgolo. Dikoloyi tsa Sisera di yye dya potlomelanya marageng ke mokane Jehova a maka gore Bharake a hlule. (Bay. 4:1-7, 10, 13-16) Le rune Jehova o nyoko maka gore re hlule mo re ka mo tshepa re boya re tshepa tso a re yetetsang ka tsona a berekisa mokgahlo wage.​—Dot. 31:6.

19. Ke ntaba di nyaka o tikemisele go dula o tsikiye?

¹⁹ Re nyoko fo dula re le ntweng ya go lwela gore re sa tekateki mo re kene re sa phela ga lefase lowa la mohlolo. (1 Thim. 6:11, 12; 2 Pet. 3:17) Tla re tikemiseleneng go dula re sa thogathoge go le ka taba la go hlorisiwa, mathayithayi, ka mokgo batho ba tseyang dilo ka gona, bošakašakane le ka tsa go re lebatsa. (Maef. 4:14) Mara, tla re tiyeleleneng, re tsike ga taba ya go nyaka Jehova ka matla fote re sa tekateki mo di tla ga taba ya go mo theetsela. Fote di nyaka re sa lebale taba ya go naganelana. Ga hlogotaba ya go latela, re nyoko petapeta ka gore ke ka mokgo mang Jehova le Jeso go leng mešupetso ya gabutši ga taba ya go naganelana.