1-2. Anthe Zadoke ne go le mang gabutši? (1 Dikoronika 12:22, 26-28)

 NAGANA ka taba ke yowa. Mogoba wa banna ba go teya ka ku ga 340 000 wo gahlanne gore wo beye Dafita setulong a be kgoši ya Israyele ka mokana ga yona. Go fediye kararo ya matšatši banna ba duli ga memmoto ya matlapa thina le Hebhrone go kene go kwala mantsu ya gore baa bolabola, baa tshega ba boya ba ro yepelelela Jehova dikoša tsa go mo thanaka. (1 Dikor. 12:39) Phela gana hone gare ga mogoba wone ne go na le mosogana ye ba reng ke Zadoke. Mara, Jehova o makiye gore re di tšibe gore Zadoke ne a le gona. (Bala 1 Dikoronika 12:22, 26-28.) Anthe Zadoke ne go le mang gabutši?

² Zadoke ne go le moprista wa gore o bereka thina le Moprista ye Mogolo ye ba reng ke Abhiyathara. Fote Modimo o makiye gore Zadoke a hlalefe a boye a thogo kwisisa tso Yene a di nyakang. (2 Sam. 15:27) Phela le batho ne ba ya ga Zadoke mo ba nyaka ba ba yeletsa ka tsa go hlalefa. Fote morenewa ne a šišimele stereka. Byalo, ga hlogotaba yowa re nyoko tšhuta gore Zadoke o šupetsiye ka mokgo mang gore o na le lešiši.

3. (a) Ke ntaba di nyaka gore malata ya Jehova ma šišimale? (b) Re nyoko petapeta ka ying ga hlogotaba yowa?

³ Ka dinako tsowa tsa mafelelo, Sathane o liketsa ka matla gore a kwaramollanye senghana sa rune le Jehova. (1 Pet. 5:8) Di nyaka re šišimale mo re kene re yemele Jehova gore a fetse ka Sathane le lefase lowa lage la go bifisa mohlolo. (Pis. 31:24) Tla re lebeleleneng mekgwa ka meraro ya gore re ka kopisela lešiši la Zadoke.

THEGA MMUŠO WA MODIMO

4. Ke ntaba di nyaka malata ya Jehova ma be le lešiši gore ma thege Mmušo wa Modimo? (Lebelela le sethombhe.)

⁴ Rune malata ya Jehova re thega Mmušo wa Modimo ka dipelo tsa rune ka moka mara gore tsotsone di sa re tsose fase di  nyaka re karakare ka matla gore re be le lešiši. (Mat. 6:33) Mo re beyisa, ga lefase lowa la go befa di nyaka re be le lešiši gore re phele ka melawo ya Jehova le gore re tšhomayele ditaba tsa go bafala tsa Mmušo wa Modimo. (1 Mathes. 2:2) Fote di nyaka re be le lešiši gore re dule re ntshiye maahlo dikwakweng re sa tikraye re kenakena ga tsa dipolotiki tsa gore di fo ya di kene di yahluganya lefase lowa. (Joh. 18:36) Ba go tlala bo go leng malata ya Jehova baa hlupega ka taba la go gayela sekwetše, baa tudiwa kela le mong go hlahlediwa jele ka go fo re ba gana go kenakena ga tsa dipolotiki kela go kenela tsa bosole.

5. Ke ntaba ne di nyaka gore Zadoke a šišimale gore a thege Dafita?

⁵ Phela Zadoke a sanka a ya Hebhrone go fo re a ye a jabolele taba ya bogoši bya Dafita. O yye a yemme gabutši fote a tilukiselele ntwa. (1 Dikor. 12:38) Ne a tikemisele go latelela Dafita mo ba ya ntweng a boya a lwela Israyele ga manaba ya yona. Le mo yi le gore Zadoke ne go se segele ga tso tsa go lwa mara ne go le monna wa lešiši.

6. Dafita o yye a beyela Zadoke mošupetso wa go ba le lešiši ka mokgo mang? (Pisalema 138:3)

⁶ Anthe moprista wa go tshwana le Zadoke o tšhutiye kaye go ba le lešiši? Ne a dula le batho ba gore ba na le matšhika fote ba šišimele. A re kamake gore mošupetso wa bona wo mmerekele. Mo re beyisa, mošupetso wa Dafita wa go ba le lešiši ke wona wo yyeng wa “yetetsa Israyele ntweng” wa maka gore Israyele ka mokana ga yona yi mo thege ka dipelo tsa go felegelela. (1 Dikor. 11:1, 2) Dafita ne a dula a tshepela ga Jehova gore a mo gelepe a hlule manaba yage. (Pis. 28:7; bala Pisalema 138:3.) Fote Zadoke o yye a tšhuta taba ya go ba le lešiši ga banna ba go tshwana le Jehoyada le morwayi wage wa lesole ye ba reng ke Bhenaya le 22 ya dindhuna tse dingwana tsa gore ne di thega Dafita. (1 Dikor. 11:22-25; 12:26-28) Banna bowa ka mokana ga bona ne ba tikemisele go maka gore Dafita go be kgoši ya bona ba boya ba mo tšhireletsa.

7. (a) Ke mošupetso wofeng wa dinako tsa gana byalo wa gore re ka tšhuta ga wona gore re be le lešiši? (b) King so o se tšhutang ga mošupetso wa Mogageru Nsilu mo o lebelele vidiyo yowa?

⁷ Re nyoko ba le matšhika le lešiši mo re ka  lebelela mešupetso ya bo ba yyeng ba thega Jehova le Mmušo wage ba kene ba šišimele. Kgoši ya rune Kreste Jeso o yye a yema a sa thogathoge ga taba ya go ganana le go kenakena ga dilo tsa dipolotiki tsa lefase lowa la Sathane. (Mat. 4:8-11; Joh. 6:14, 15) Ke mo a dula a tshepela ga Jehova gore a mo neye matšhika. Fote le ga dinako tso tsa rune re na le mešupetso ya magageru ya gore ma sa gola ya gore ma yye ma gana go kenela tsa bosole kela go tšhela letsogo ga tsa dipolotiki. Ke ntaba o sa kene ga jw.org ke mokane wa sekela tse dingwana tso ba gahlanneng natso? a

GELEPA MAGAGERU

8. Ke mo go ro maka byang mo go šinya di nyaka bagolo gore ba be le lešiši la go gelepa magagabo?

⁸ Batho ba Jehova ba kwana natso tsa go gelepana. (2 Makor. 8:4) Mara ka dinako tse dingwana di nyaka lešiši gore o make ka mokgonone. Mo re beyisa, mo go ka fo ba le ntwa bagolo ba gana hone polekeng baa di bona gore magagabo ma nyaka ba ma tiyisa, ba ma thega fote ba ma gelepa ga tso tsa Modimo kela ka sela le sela gore ma thogo phela. Ka taba la gore bagolo ba di nyaka ka matla dinku, ba beya maphelo ya bona kotsing go fo re ba gelepe ka tso di nyakegang. (Joh. 15:12, 13) Mo ba maka ka mokgonowa, di fo šupetsa gore ba latelela mošupetso wa Zadoke wa go ba le lešiši.

9. Samuwele wa Bobedi 15:27-29, yi re Dafita o butsiye Zadoke gore a make ying? (Lebelela le sethombhe.)

⁹ Lephelo la Dafita ne le le kotsing. Morwayi wage ye ba reng ke Abhsalomo ke mo a tikemisele go mo ketula setulong sage sa go lawola. (2 Sam. 15:12, 13) Ye naa, phela ne di nyaka gore Dafita a tloge Jerusalema ka nako yonone! O yye a re ga malata yage: “Tlogamelaneng re tšhabeneng, ka taba la gore a go na ye a ka phonang ga Abhsalomo!” (2 Sam. 15:14) Mo malata yane ma kene ma sepela, Dafita o bonne go ka ba kawone gore ye mongwana a šale gore a ko thogo ba botsa tso Abhsalomo a di polanneng.  Byalo, o yye a roma Zadoke le maprista ya mangwana gore ba boyele nthago ku mutšing ba ko thogo ba botsa gore ditaba nka di kaye. (Bala 2 Samuwele 15:27-29.) Phela ne di nyaka gore ba make tsotsone ka mokgwa wa go šupetsa gore a ba tlatlawuwele. Tso Dafita a butsiyeng maprista yane gore ma di make ne di le kotsi ka matla. O fo nagana gore Abhsalomo wa gore ke monna wa go ba le magetla, wa go kwana le go butsetsa fote tsa go tshepega a yi layini yage nke a yye a ba maka ying ga Zadoke le maprista ya mangwana hala a f’lo di kwelela gore ne go le dimpimpi go fo re ba tšhireletse Dafita!

10. Zadoke le bo ne a le nabo ba yye ba mo tšhireletsa ka mokgo mang ga Dafita?

¹⁰ Dafita o yye a kgopela Zadoke le monghanage ye mongwana wa gore wa tshepega ye ba reng ke Hušayi gore ba gahlanise dihlogo ga taba ya go maka polane. (2 Sam. 15:32-37) Ne di nyaka gore Hušayi a make nkare o thega Abhsalomo ka go mo yeletsa gore a ka mo kutulugela ka mokgo mang ga Dafita, phela tsotsone ne di ko maka gore Dafita a be le nako ya go dula a tilukiselele gore go ka fo tupa lerole ka nako ye nngwana le ye nngwana. Mo Abhsalomo a hlwarolla ditsebe a theetsela tso Hušayi a mo yetetsang ka tsona, Hušayi o botsa Zadoke le Abhiyathara polane. (2 Sam. 17:8-16) Banna ka babedi ba yye ba di kgona go romela Dafita molayetsa. (2 Sam. 17:17) Jehova o gelepiye Zadoke le maprista yaa a berekisanang nawo gore ba make taba ye kgolo ya go tšhireletsa lephelo la Dafita.—2 Sam. 17:21, 22.

11. Mo re gelepa magageru re ka yekisela lešiši la Zadoke ka mokgo mang?

¹¹ Mo ba ka re kgopela gore re gelepe magageru ka dinako tsa mo go bifiye, re ka šupetsa byang gore re na le lešiši go tshwana le Zadoke? (1) Latelela tso ba go yetetsang ka tsona. Ga seyemo sa mošaga wonone, di ka ba gabutši ka matla gore re dule re mamarelanne re le ngata ka yyoši. Theetsela tso ofisi ya gana hone ga lune ya lekala yi go yetetsang ka tsona. (Maheb. 13:17) Bagolo di nyaka ba dula ba lebelela gore ba ba yetetsa ba re king ga taba ya gore motho a ka tilukiselela byang mo go nyarele tsa go baba  le gore go makiwe ying mo di fo re palakata. (1 Makor. 14:33, 40) (2) Šišimala mara o ntshe maahlo dikwakweng. (Diy. 22:3) Hlahlama. O sa kgane ka mollo o yapere lesaka. (3) Tisamele ka Jehova. O sa lebale gore Jehova o nyaka go bona wene le magagenu le dula le tšhireletsegiye. A ka go gelepa gore o thuše magagenu.

12-13. King so o se tšhutang ga tso Viktor le Vitalii ba yyeng ba gahlana natso? (Lebelela le sethombhe.)

¹² Tseya ka magageru ka mabedi ya gore ke bagolo ba re ke Viktor le Vitalii, ba gore ba yye ba bereka go khita tsa go ja le meetši ga magagabo ku Ukraine. Viktor o re, “Re yye ra boya ra ro bhahla re sepela re nyakana le tsa go ja. Ke ga go tlala re kwa go lla dithunya thina le mo ne re le gona. Mogageru ye mongwana o yye a neyela ka tsa go ja tsa go tšwa ga setolo sage. Phela tsotsone a neyeleng ka tsona di yye dya gelepa batšhomayedi ba go tlala ga tso ne ba di hloka ka nako ya go lefanyana. Mo re kene re layiša dilo tsone ga lori ya rune, ba yye ba thunyisa bhomu gana hala ga 20 ya dimitha le mo ne re le gona. Motshegare wowa ka mokana ga wona, ke yye ka rapela Jehova ke kgopela gore a nneye lešiši lo ke le hlokang gore ke ye mahlong ke gelepa batšhomayedi.”

¹³ Vitalii o yitseri, “Ne re hloka mong lona lešiši. Leyeto laka la mathomo le ntsere 12 ya diawara. Ne ke sepela ke rapela Jehova le pata yowa ka mokana ga yona.” Vitalii ke mo a šišimele fote a ntshiye maahlo dikwakweng. O tokegele ka gore: “Ke yye ka sa lisetsi go kgopela Jehova gore a nhlalefise ke boye ke tšibe mo ke kgerang. Ne ke sepela ga dipata tsa gore bo ba go lawola ne ba dumela gore re sepele ga tsona. Di yye dya mperekela ka matla go bona ka mokgo magageru ne ma berekisana ggoši ka gona. Ba yye ba tlosa tso ne ba thibiye pata ka tsona, ba layišulla tsa go ja, tsa go yapara le ditlokwatlokwane tsa gore dya hlokega tso ne di le loring ke mokane ba di neya nna le Viktor.”

DULA O TSHEPEGA GA JEHOVA

14. Di ka re tshwara byang mara mo ye mongwana ga bo re ba nyakang ka matla a sa sa tshepega ga Jehova?

¹⁴ Selo se segolo ka matla so se ka re šiyang re kgongwele ke mo ye mongwana ka ho mutšing kela monghana a lisetsa Jehova. (Pis. 78:40; Diy. 24:10) Mo motho o mo nyaka ka matla, di thathafisa mohlolo go yamogela seyemo. Mo nkare seyemo sone sa go baba se yye sa go tlela, mošupetso wa Zadoke wa gore o yye a tshepega wo ka go tiyisa.

15. Ke ntaba ne di nyaka gore Zadoke a be le lešiši gore a thogo dula a tshepega ga Jehova? (1 Magoši 1:5-8)

¹⁵ Zadoke o yye a dula a tshepega ga Jehova le mo monghanage wa thina ka matla ye ba reng ke Abhiyathara a kgeta go keketlela. Tsotsone di yye dya makega nakwela Dafita a fetsisela go lawola. Mo Dafita a le thina le gore selampane se time, morwayi wage ye ba reng ke Adonija o yye a liketsa go tseya setulo sa gore gabutši Jehova ne a se tshepisiye Solomoni. (1 Dikor. 22:9, 10) Abhiyathara o yye a kgeta go thega Adonija. (Bala 1 Magoši 1:5-8.) Ye barena, phela tsotsone Abhiyathara a di makiyeng ke mo di šupetsa go sa tshepege ga Dafita re ra le mong ga Jehova! Mara wa di kwisisa gore Zadoke ke mo a kgongwele fote a pawogiye go segela kaye? Phela go fediye mengwaga ya go tlala ka matla yene le Abhiyathara ba bereka ggoši go le maprista. (2 Sam. 8:17) Ba yye ba pasopa “Areka ya Modimo wa mannete” ba le ggoši. (2 Sam. 15:29) Ka mokana ga bona ba yye ba thega Dafita ka gore ke kgoši ya bona fote ba makiye dilo tsa go tlala ka ho ga Jehova.—2 Sam. 19:11-14.

16. Mara king so se yyeng sa gelepa Zadoke gore a dule a tshepega?

¹⁶ Le mo yi le gore Abhiyathara a sanka a tshepega ga Jehova a boya a sepela Dafita ka fase, Zadoke o yye a fo dula a ngangarele Jehova. Dafita le yene ke mo a mo tshepa ga Zadoke. Mo ditaba tsa Adonija di wunyuluga, Dafita o yye a kgopela Zadoke, Nathane le Bhenaya gore ba  tlotse Solomoni a be kgoši. (1 Mag. 1:32-34) Phela go fo ba le malata ya Jehova ya go tshepega, go tshwana le Nathane le ba bangwana bo ba yyeng ba thega Kgoši Dafita, di ka fo ba di yye dya tiyisa Zadoke dya boya dya maka gore a sa thogathoge. (1 Mag. 1:38, 39) Mo Solomoni a ba kgoši o yye a “beya Zadoke gore go be moprista sekgaleng sa Abhiyathara.”—1 Mag. 2:35.

17. Wene o ka mo yekisela ka mokgo mang ga Zadoke mo ye mongwana wa gore o thina ka matla naye a lisetsa go theetsela Jehova?

¹⁷ O ka mo yekisela ka mokgo mang ga Zadoke? Mo nkare ye mongwana wa gore o thina ka matla nago a kgeta go lisetsa Jehova wene maka gore tso o di kgetang di be lekgwaying gore o kgetiye Jehova. (Još. 24:15) Jehova o nyoko go tiyisa gore o make tsa gore ke tsona. Šupetsa gore o tshepele gage ka go mo rapela fote o dule o na le banghana bago ba gore le bona baa tshepega gage. Taba ya gore wa tshepega, Jehova a yi tseyi ka gonyana fote o nyoko go rufela tsotsone.—2 Sam. 22:26.

18. King tso o di tšhutang ga tso Marco le Sidse ba yyeng ba gahlana natso?

¹⁸ Lebelela mošupetso wa Marco le mosadi wage ye ba reng ke Sidse ba gore barwediya ba bona ba gore ba šele ba gudiye ba yye ba lisetsa nnete. Marco o re: “Mo bana bago ba sa tšwa go belegiwa o ba nyaka la go sa hlayisege. O nyoko fo dula o le thina ho ga bona gore ba sa makegele ke sa go ba kwaletsa. Byalo, mo ba kgeta go lisetsa Jehova pelo yowa nkare ba ro yi hlaba ka sabola.” Mo a ya mahlong a bolabola o yitseri: “Mara Jehova ne a fo dula a na le rune. O yye a maka gore mo ke lelemela, mosadi waka a tiyelele fote mo yene a lelemela nna ke ya tiyelela.” Sidse o tokegele ka gore: “Nke re se ba selo hala go se Jehova a re neyang matšhika ya re ma hlokang gore re tiyisele. Ne ke hlupa ke taba ya go tisola ka gore go na le tso ke sa di makang gabutši, byalo ke yye ka kgotolela Jehova ka mokgo ke tikwang. Ka nthagonyana ga nako, mogageru ye mongwana wa mosadi wa gore ke mengwagangwaga ke sa mmone o yye a tla ho gaka ke mokane a beya matsogo yage mo gedimo ga magetla yaka a fetsa a nlebelela ka maahlong a re: ‘Gopola wene Sidse, a wa sinya selo!’ Jehova o mmakiye motho wa tšiba, ka gore ke di kgonne go dula ke jabodiye mo nkene ke mmerekela.”

19. Wene o tikemisele go maka ying?

¹⁹ Jehova o nyaka gore malata yage ka mokana ga wona ma šišimale go tshwana le Zadoke. (2 Thim. 1:7) Mara, aa nyake re tshepela ga matšhika ya runebeng. O nyaka re tshepega gage. Byalo, mo o ka tikraya o le ga seyemo sa gore se nyaka o šišimale, bolabola le Jehova. Phela o ka sa kamake gore o nyoko maka gore le wene o šišimale go tshwana le Zadoke!—1 Pet. 5:10.