1-2. Bhayibele yi re botsa ying ka magoši ya mangwana ya Israyele?

 BHAYIBELE yi re botsa ka banna ba go teya ka ku ga 40 ba gore ba yye ba lawola go le magoši ya Israyele. a Fote yi re botsa yi sa jikajiki, ka dilo tso ba bangwana ba bona ba di makiyeng. Mo re beyisa, le mong magoši ya gabutši ma makiye dilo tsa go befa. Tseya ka Kgoši ya gabutši yo ba reng ke Dafita. Jehova o yitseri: “Lelata laka Dafita wa gore ne a . . . nlatelela ka pelo yage ka moka, fote a maka dilo tsa gore di lukiye mahlong gaka.” (1 Mag. 14:8) Mara, morenene o yye a maka bonghwahla le mosadi wa gore o šadhiye ke mokane a polanela monna wa mosadi yene gore ba mmolaye ntweng.—2 Sam. 11:4, 14, 15.

² Mara ka nthoko ye nngwana, magoši ya go tlala ya gore ne ma sa tshepege ma yye ma maka dilo tsa gabutši. Tseya ka Rehobhowamo. Jehova o yye a hlatolla Rehobhowamo go le kgoši ya gore ne yi “maka dilo tsa go befa.” (2 Dikor. 12:14) Le mo go le ka mokgonone, Rehobhowamo o yye a maka dilo tse dingwana tsa gabutši. Mo re beyisa, o yye a theetsela Jehova mo a mmotsa gore a sa lwi le lesome la maloko ya Israyele fote a ba lisetse ba tikgetele kgoši. Fote o yye a maka gore mitši ya go tlala ya gore yi ka tlase ga mmušo wage yi tiyisiwe gore a thogo tšhireletsa batho ba Modimo ga manaba ya bona.—1 Mag. 12:21-24; 2 Dikor. 11:5-12.

3. Go nyarela putsiso yifeng ye kgolo, fote re nyoko handahanda ka ying ga hlogotaba yowa?

³ Byalo, go nyarela putsiso ye kgolo. Mo nkare magoši ya Israyele ma yye ma maka dilo tsa gabutši le tsa go befa, Jehova o ba a lebelele ying mo a šinya a segelela sepheto sa gore kgoši yone ya tshepega? Phetolo ya putsiso yone yi nyoko re gelepa gore re thogo kwisisa so Jehova a se lebeleleng ga rune. Re nyoko fo re handahanda  ka kararo ya dilo tso Jehova ne a di tseyela hlogong mo a kene a kala magoši ya Israyele: so se leng ka pelong ya wona, ka mokgo ma yyeng ma sokologa ka gona le ka mokgo ma yyeng ma ngangarela morapelo wa mannete.

GA JEHOVA O MO NYAKE KA PELO YAGO KA MOKA

4. Ke selo sefeng ka ssoši so magoši ya gore ne ma tshepega le ya gore ne ma sa tshepege ma fapanang ka sona?

⁴ Magoši ya gore ne ma jabodisa Jehova ma mmerekele ka dipelo b tsa wona ka moka. Kgoši ya go loka yo ba reng ke Jehošafate, o yye a “nyakela Jehova ka pelo yage ka moka.” (2 Dikor. 22:9) Mo Bhayibele yi bolabola ka Josiya, yi re: “A go na kgoši ya go tshwana naye ga tsa ku nthago ya gore yi yye ya boyela ga Jehova ka pelo ya yona ka moka.” (2 Mag. 23:25) Re re king ka Solomoni, wa gore ka nthago ga mengwaga o yye a maka tsa go sa loka? “O yye a sa sa nyaka Jehova Modimo wage ka pelo yage ka moka.” (1 Mag. 11:4) Fote mo Bhayibele yi bolabola ka kgoši ya go sa tshepege yo ba reng ke Abhijamo, yi re: “Ne a sa berekele Jehova Modimo wage ka pelo yage ka mokana ga yona.”—1 Mag. 15:3.

5. Hlatolla gore ba ra byang mo ba re go berekela Jehova ka pelo ka moka.

⁵ Anthe ba ra go re king mo ba re go berekela Jehova ka pelo ka moka? Motho wa gore o berekela Jehova ka pelo yage ka moka aa fo mmerekela nje ka gore ke so a tshwaneleng a se make. Mara, o mmerekela ka taba la gore o mo nyaka ka matla fote o tineyele. Go tokegela gana hone, o ya mahlong a nyaka Jehova ka matla le go mo hlompa lephelo lage ka moka.

6. Re ka maka byang gore ga Jehova re dule re mo nyaka ka pelo ka moka? (Diyema 4:23; Matewu 5:29, 30)

⁶ Re ka ma kopisela byang mara magoši ya go tshepega ya gore ne ma nyaka Jehova ka dipelo tsa wona ka moka? Ka go kganela kgole le dilo tsa gore di ka re fokola. Mo re beyisa, dilo tsa go tijabodisa tsa gore a dya loka di ka maka gore pelo ya rune yi yahlugane. Re ra le banghana ba go sa loka le go dula o naganne ka dilo tsa majabajaba. Mo re bona nkare go na le se sengwana se thomisa go tšhela santa ga taba ya rune ya go nyaka Jehova ka matla, di nyaka re nape re se tlosa ka go yakgoswa.—Bala Diyema 4:23; Matewu 5:29, 30.

7. Ke ntaba go le taba ye kgolo go kganela kgole le tsa go re kutšetsela gore re make tsa go befa?

⁷ Di nyaka re sa lisetse pelo ya rune yi yahlugana. Mo re ka sa pasope, re ka titshokanya ra tseya gore mo re ka fo yeketsa ga mmereko wo re wo makelang Jehova, a di nyake re kganela kgole le batho kela dilo tsa go re kutšetsela gore re make dilo tsa go befa. Re ka fo beyisa ka mokgo, tla re fo re ke wene yewa o ka tawong ga ntlo fote tšatši lone go na le moya fote go ro batisa tse dingwana tsa gore o ka tšwa le lesina. Mo o segela ntlong, o bulela hitara. Go nyoko makega ying mara mo o ka fo šiya sekwalo se bulegiye? Phefo yi nyoko yakgoswa yi tlala ntlo yago. Anthe re liketsa gore king? A di nyake re fo maka tso tsa Modimo fela tsa gore di maka gore senghana sa rune le Jehova se belabele. Di nyaka re boye re kwale sekwalo mo go nyarela dilo tsa go re kutšetsela gore re make dilo tsa go befa, go re “phefo” ya gore ya bata kela mekgwa ya go sa sipidisane le tsa Modimo, yi sa kene ka dipelong tsa rune ke mokane ya di yahluganya.—Maef. 2:2.

BA SOKOLOGIYE GA TSO BA DI SINNYENG

8-9. Kgoši Dafita le Kgoši Hezekiya ba f’lo re king mo ba ba wolola? (Lebelela sa ka tawong.)

⁸ Re šele re badiye ga serele sa mathomo gore Kgoši Dafita o yye a sinya ka matla. Mara mo Nathane wa go porofeta a mmotsa ka mokgo Jehova a tikwang ka tso a di sinnyeng, Dafita o yye a sokologa a kene a tinyanafatsiye. (2 Sam. 12:13) Dafita a sanka a timakisanya nkare wa tisola a  makela gore Nathane a tseye nkare o sokologiye kela a makisa ke gore o nyaka ba sa mo wolole. Mara, Dafita ke mo a sokologiye tsa mannete. Mantsu yaa Dafita a ma ngwadiyeng ga Pisalema 51, ma re šupetsa gore ke mo a tisola a resa.—Pis. 51:3, 4, 17, mantsu ya mathomo.

⁹ Kgoši Hezekiya le yene o yye a sinyela Jehova. Bhayibele mo yi bolabola ka yene yi re: “O yye a ba le magetla, tsotsone dya maka gore Modimo a mo kwatele ka matla a boye a kwatele Juda le Jerusalema.” (2 Dikor. 32:25) Ke ntaba Hezekiya a yye a ba le magetla? Nakwenngwana nka taba la gore Jehova o yye a maka gore a ghanye, a mo gelepa gore a hlule Maasiriya kela a mo yalafa ga bolwele byage bya gore bya bolaya. Di ka makega gore taba ya go ba le magetla yi mo kutšetsele gore a kganyisele Mabhabhilona dilo tso a ghannyeng ka tsona, ke mokane tsotsone dya maka gore Jesaya wa go porofeta a mo kgale. (2 Mag. 20:12-18) Mara go fo tshwana le Dafita, Hezekiya o yye a tinyanafatsa ke mokane a sokologa. (2 Dikor. 32:26) Mafelelong Jehova o yye a tseya Hezekiya ka mokgo mang? O yye a mo tseya go le kgoši ya go tshepega ya gore yi “f’lo ya mahlong [yi] maka dilo tsa go loka.”—2 Mag. 18:3.

10. Kgoši Amaziya o yye a maka byang mo ba mo wolola?

¹⁰ Kgoši Amaziya wa Juda a sanka a tshwana le Dafita le Hezekiya, o yye a maka tsa gabutši “mara go se ka pelo ka moka.” (2 Dikor. 25:2) O yi lahliye mo di tla kaye? Ka nthago ga gore Jehova a mo gelepe gore a hlule Maedomo, Amaziya o yye a kgotamela medimo ya wona. c Ke mokane mo moporofeta wa Jehova a mmolabodisa ka yona, kgoši yone yi yye ya phihla molala ya sa mo theetsele ya boya ya mo raka.—2 Dikor. 25:14-16.

11. Makorente wa Bobedi 7:9, 11, yi re re tshwanele re make ying gore Jehova a thogo re tshwarela? (Lebelela le dithombhe.)

¹¹ Re tšhuta ying ga mešupetso yowa? Di nyaka re sokologe ga tso re di sinnyeng ke mokane re make so re ka se kgonang gore re sa di boyelele. Byalo, re re king mo bagolo ba phutego ba re yeletsa ga se sengwana, le mong ga selo sa gore re tseya nkare a se hlupe? A di nyake re tseya nkare Jehova aa re nyake kela bagolo baa re nyakisa. Phela le mong magoši ya go loka ya Israyele ne di nyaka ba ma yeletse le go ma wolola. (Maheb. 12:6) Mo ba re wolola, di nyaka (1) re tinyanafatse, (2) re tšhentšhe mo di nyakang re tšhentšha gona fote (3) re berekele Jehova ka dipelo tsa rune ka moka. Mo re sokologa ga tso re di sinnyeng, Jehova o nyoko re tshwarela.—Bala 2 Makorente 7:9, 11.

BA YYE BA NGANGARELA MORAPELO WA MANNETE

12. Ke selo sefeng so se makiyeng gore magoši ya go tshepega ma fapane ka matla le magoši ya gore ne ma sa tshepege?

¹² Magoši yala Jehova a yitsering maa tshepega, ma yye ma ngangarela morapelo wa mannete. Fote ma yye ma hlohletsela batho ba Jehova gore le bona ba make ka mokgonone. Ke nnete gore re šele re di bonne gore ma yye ma kekemisa. Mara ma yye ma rapela Jehova a ntoši fote ma karakara ka matla gore ma fetse ka medimo ya dithombhe hone nageng. d

13. Ke ntaba Jehova a yye a yahlula Kgoši Ahaba go le wa go sa tshepege?

¹³ Ke ntaba Jehova a yye a yahlula magoši ya mangwana go le ya go sa tshepege? Phela ne ma sa fo dulela go maka dilo tsa go befa fela. Mo re beyisa, ka nthago ga mo Kgoši Ahaba a di kwelele tsa gore Nabhothe ba mmolayye ka taba lage, o yye a tinyanafatsa fote a šupetsa a kwa go baba. (1 Mag. 21:27-29) Fote o yye a yaga mitši a boya a hlula ga  dintwa tsa Israyele. (1 Mag. 20:21, 29; 22:39) Mara ke mo go na le selo sa gore se bifiye ka matla so Ahaba a se makiyeng. Mosadi wage o yye a mo kutšetsela gore a hlohletsele taba ya go rapela edimo ya dithombhe. A sanka a sokologa ka taba la tsotsowa.—1 Mag. 21:25, 26.

14. (a) Ke ntaba Jehova a yye a tseya Kgoši Rehobhowamo go le wa go sa tshepege? (b) Magoši ya go tlala ya go sa tshepege ma tshwana ka selo sefeng?

¹⁴ Nagana ka kgoši ye nngwana ya gore ne yi sa tshepege—Rehobhowamo. Ga serele sa mabedi re šele re kwile gore o makiye dilo tsa go tlala tsa gabutši nakwela go lawola yene. Mara ka nthago ga gore a be kgoši ya go ba le matšhika, o yye a lisetsa go theetsela Molawo wa Jehova ke mokane a thomisa go rapela medimo ya matsaka. (2 Dikor. 12:1) Ka nthago ga hone o yye a gata ka ho le ka ho, ga morapelo wa mannete le wa matsaka. (1 Mag. 14:21-24) Rehobhowamo le Ahaba ke mo go se bona fela magoši ya gore ma yye ma keketlela kgole le morapelo wa mannete. Gabutšibutši, magoši ya go sa tshepege ya go tlala ya wona ma yye ma rapela medimo ya matsaka ma boya ma kutšetsela le ba bangwana gore ba make ka mokgonone. Di fo ba lekgwaying gore ga Jehova, taba ya go ngangarela ga morapelo wa mannete ke yona ye kgolo ka matla yo a kalang ka yona gore ayitsano kgoši yone yi lukiye kela a ya loka.

15. Ke ntaba go ngangarela morapelo wa mannete go le selo se segolo ga Jehova?

¹⁵ Ke ntaba morapelo ne go le selo se segolo ga Jehova? Taba ye nngwana ke gore ne go le mmereko wa kgoši gore yi gelepe batho gore ba rapele Jehova ka mokgwa wa gabutši. Se sengwana ke gore mo batho ba rapela medimo ya matsaka, tsotsone di maka gore ba sinye ka matla le ga tse dingwana fote ba sa tshware ba bangwana gabutši. (Hos. 4:1, 2) Go tokegela gana hone, magoši ya Israyele le Maisrayele ke mo ba tineyele ga Jehova. Byalo, mo ba sa tshepege ga Jehova ba boya ba rapela medimo ya matsaka, Bhayibele yi re ke mo go le setšha ba maka bonghwahla. (Jer. 3:8, 9)  Mo motho a maka bonghwahla, o kwisa motho wage go baba ka matla. Go fo tshwana le mo lelata la Jehova le tšhela letsogo ga morapelo wa matsaka, le mo kwisa go baba ka matla ga Jehova. e—Dot. 4:23, 24.

16. Go ya ka Jehova, ke selo sefeng so se makang gore motho wa go loka a fapane le wa pelo ye phifadu?

¹⁶ King so re se tšhutang? Di fo ba lekgwaying gore di nyaka re tikemisele go kganela kgole le morapelo wa matsaka. Mara di nyaka re ngangarele morapelo wa mannete fote re dule re tshwaraganne ka mmereko wa Jehova. Malaki wa go porofeta o napiye a yi yedisa gore king so se makang gore motho wa go loka a fapane le wa go sa loka. O ngwadiye gore: “O ko thogo bona motho wa go loka le motho wa pelo ye phifadu, le ye a berekelang Modimo le wa gore aa mmerekele.” (Mal. 3:18) Byalo, a di nyake re yikela selo—re ra le mong go sa yenela ga rune le tso re di kekemisang—di re kgongwetsa la go šinya re lisetsa go berekela Modimo. Phela re ko ba re sinya ka matla mo re lisetsa go berekela Jehova.

17. Motho ye re kgetang go šadha naye a ka yama taba ya go nyaka ga rune Jehova ka mokgo mang?

¹⁷ Mo nkare a o soko šadha fote o nagana ka taba ya go šadha, mantsu ya Malaki ma ka go gelepa gore o thogo kgeta motho wa gabutši ye o ka šadhang naye. Nagana ka sowa ša: Motho a ka fo ba a na le mekgwa yo a tšibegang ka yona ya gabutši, mara mo nkare motho yene aa berekele Modimo wa mannete, ayitsano Jehova o mo tseya go le wa go loka? (2 Makor. 6:14) Mo o ka fo šadha le motho yene, ayitsano o nyoko go gelepa gore o dule o tshepega ga Jehova? Lebelela taba yowa: Basadi ba Kgoši Solomoni ne ba ka fo ba ba na le mekgwa ya gabutši yo ba tšibegang ka yona. Mara ke mo ba sa rapele Jehova, fote ka gonyana ka gonyana ba yye ba maka gore pelo ya Solomoni yi yarogele ga medimo ya matsaka.—1 Mag. 11:1, 4.

18. Babelegi di nyaka ba tšhutise bana ba bona ying?

 ¹⁸ Lune babelegi, le ka berekisa mešupetso ya magoši ya ka ho Bhayibeleng gore le gelepe bana ba lune ba kwe ba nabela go berekela Jehova. Ba gelepeneng gore ba thogo kwisisa gore magoši yaa Jehova a yyeng a ma yamogela ke ya gore ne ma mo rapela ma boya ma hlohletsela batho gore ba mo rapele. Tšhutisaneng bana ba lune ka tso le di hlayang le tso le di makang tsa gore di le gelepa gore le dule le le thina le Jehova—tsa go tshwana le go tšhuta Bhayibele, go ya megahlanong le go tšhela letsogo ga mmereko wa go tšhomayela—ke mong tsona dilo tse dikgolo mo lephelong. (Mat. 6:33) Mo le sa make ka mokgonone, bana ba lune ba nyoko fo tseya gore go ba Hlatse ya Jehova a di rele selo, go fo ba nje “sedumedi sa ka ho mutšing.” Ke mokane tsotsone dya feleletsa ka gore ba tseye gore go rapela Jehova a yi selo se segolo kela dya makega gore ba nape ba lisetse go mmerekela.

19. Motho wa gore o lisetsiye go berekela Jehova o na le tshepo yifeng? (Lebelela le lebhokisi la gore “ O ka Boyela ga Jehova!”)

¹⁹ Ayitsano motho wa gore o lisetsiye go berekela Jehova go padiye ka yene? Awwa, ka taba la gore a ka sokologa ke mokane a boyela ga morapelo wa mannete. Gore a thogo maka tsotsone, di ka nyaka gore a tinyanafatse ke mokane a yamogele gore bagolo ba phutego ba mo gelepe. (Jak. 5:14) Mara, gore a thogo ba monghana wa Jehova fote, di nyaka a karakare ka matla!

20. Mo re ka kopisela ga magoši ya gore ne ma tshepega, Jehova o nyoko re tseya byang?

²⁰ Re ka re re tšhutiye ying ga magoši ya Israyele? Re ka tshwana le magoši ya go tshepega mo re ka dula re nyaka Jehova ka dipelo tsa rune ka moka. Di nyaka re tšhute ga dilo tsa go kekema tso re di makiyeng, re sokologe fote re potolle mo go nyakegang. Fote nkare re ka dula re gopola ka mokgo go leng taba ye kgolo go dula re ngangarele morapelo ka wwoši wa Modimo wa mannete. Mo o ka fo dula o tshepega ga Jehova, o nyoko go tseya o le motho wa gore o maka tsa go loka mahlong gage.