Ditemanyana tsowa, di šupetsa nkokwane (9) ya mekgwa ya gabutši ya Makreste, mo yi re: “Diyengwa tsa moya ke go nyakanana, go jabola, go beba, go lefisa pelo, go ba le pelo ya gabutši, go loka, tumelo, go temeka le go titshwara.” Mara a di nyake re tseya gore diyengwa tsone tsa gabutši, ke tsona fela tso moya wa go hlawolega wo ka kgonang gore gelepa gore re be natso.

Lebelela so Pawulo wa lepostola a se ngwadiyeng ga ditemanyana tse dingwana, o yitseri: “Mebereko ya nama . . . ke bonghwahla, go sa yele, go maka dilo ka tšhinghi, go rapela medimonyana, boloyi, go kwata, go šuhlašuhlana, go ba le jelasi, go fufulela, go phigisana, go gogela thoko, go timakela megoba, mona, go tlayila, menyanya ya go sa lawolege le dilo tsa mošaga wonone.” (Magal. 5:19-21) Hala Pawulo a di nyakiye, nke a bolabodiye ka mekgwa ye mengwana ya gore ke “mebereko ya nama,” ya go tshwana le yo go bolabodiwang ka yona ga Makolosi 3:5. Le nakwela a fetsa go bolabola ka nkokwane ya mekgwa ya gabutši, o yitseri: “A go na molawo wa gore wo lwisana le dilo tsa mošaga wone.” Byalo, Pawulo ke mo a sa leketse go bolabola ka mekgwa ka mokana ga yona ya gore moya wa go hlawolega wo ka re gelepa gore re be nayo.

Taba yowa yi fo ba lekgwaying mo re nagana ka letheto la diyengwa tsowa, le letheto lo Pawulo a le ngwaleleng phutego ya Maefeso mo a re: “Go khanya, go yengwa mehlobo ka mokana ga yona ya dilo tsa gabutši le tsa go loka le tsa nnete.” (Maef. 5: 8, 9) “Dilo tsa gabutši,” go loka le nnete ke tse dingwana tsa gore di ‘yengwa ke go khanya’ fote dilo tsone di ‘yengwa ke moya.’

Go na le kobodi ya dilo tsa gabutši tso Pawulo a yyeng a botsa Thimothi gore a be natso, dilo tsone ke “go ya mahlong a maka tsa go loka, go tineyela ga Modimo, go ba le tumelo, go nyakanana, go tiyisela le go dula a kgibiye.” (1 Thim. 6:11) Ga diyengwa tsowa ka mokana ga tsona, nka ditharo fela tso go bolabodiwang ka tsona gore ke “diyengwa tsa moya,” tsona ke tumelo, go nyakanana le go kgiba. Thimothi le yene ke mo a ka nabela gore moya wa go hlawolega wo mo gelepe gore a thogo ba le mekgwa ye mengwana ya gabutši, ya go tshwana le: go loka, go tineyela ga Modimo le go tiyisela.—Tshwanisa le Makolosi 3:12; 2 Petro 1:5-7.

Byalo, a yi gore Magalata 5:22, 23 yi bolabola ka mekgwa ka mokana ga yona ya Makreste. Moya wa Modimo wa go hlawolega wo ka re gelepa gore re be le nkokwane ya diyengwa tsa “moya wa go hlawolega.” Mara go na le mekgwa ye mengwana yo re tshwaneleng re be nayo mo re kene re tiyelela ga tso tsa Modimo re boya re “yapara mekgwa ya nyuwane yo yi makiwweng go ya ka so se nyakang ke Modimo, ka go loka ga mannete le go tshepega.”—Maef. 4:24.