GA ‘DINAKO tso tsa mafelelo,’ ka mokana ga rune re ya di tshepa tsa gore Jehova ke yene a yetetsang batho bage le go ba tiyisa gore ba tlalele ka matla ka ho gage. (2 Thim. 3:1) Mara di ga rune gore re ya mo theetsela kela byang. Seyemo sa rune re ka se tshwanisa le nakwela Maisrayele ma le ku hlageng. Ke mo di nyaka ba make tso porompita yi reng ba di make.

Jehova ke mo a butsiye Moše gore a make diporompita ka dipedi tsa siliva tsa go ‘bitsa setšhaba mo se tshwanele go gahlana le mo go le nako ya go rura.’ (Dip. 10:2) Maprista ke mo ma teya diporompita ka mekgwa ya go sa tshwane gore batho ba tšibe so ba tshwaneleng go se maka. (Dip. 10:3-8) Lekgono, go berekisiwa mekgwa ya go sa tshwane go yetetsa batho ba Modimo. Tla re bolaboleneng ka mekgwa ka meraro yo yi re gopotsang ka taba ya mo ba teya diporompita ku botala. Batho ba Modimo lekgono baa ya mo go na le megahlano ye megolo, go fela go ba le nako ya go tšhutisa bagolo, fote diphutego ka mokana ga tsona di tšhutisiwa dilo tsa go tlala, tse dingwana go ba go le tsa nyuwane.

Mo Jehova a nyaka gore “setšhaba ka mokana ga sona” se gahlane gheyiting ya ka bohlabela bya tabarnakele, maprista ke mo ma teya diporompita ka dipedi ga tsona. (Dip. 10:3) Meloko ka mokana ga yona yo ne yi hlomme matente fote yi makiye megoba ka mene thina le tabarnakele, ke mo yi kwa modumo wone. Ba gore ke mo ba dula thina ka matla le tabarnakele, ke mo ba yakgoswa ba segela. Ba bangwana ke mo ba dula kgolenyana, byalo ke mo di ba tseya nako fote ne di nyaka gore ba karakare ka matlanyana. Le mo mayemo ya bona ma sa tshwane, Jehova ke mo a nyaka gore setšhaba ka mokana ga sona se gahlane gore se tšhutisiwe.

Lekgono, a re gahlanele tabarnakeleng, mara re sa na re butsiwa mo batho ba Modimo ba gahlana. Re ya ga megahlano ye megolo le megahlano ya go hlawolega, ga gore baa re yetetsa le go re tšhutisa dilo tso re di nyakang re di tseyela hlogong. Lefaseng ka mokana ga lona, batho ba Jehova ba tšhutisiwa dilo tsa go tshwana. Byalo, bo ba leketsang go segela mo ba bitsiwa, ba jabolela go ba ggoši le magageru. Ba bangwana ba sepela leyeto la go lefa, ba bangwana ba fo ya gana ho thina. Mara ka mokana ga bona bo ba tlileng baa di bona tsa gore nnete a baa sinya nako ya bona.

Byalo bo ba gore ba dula ga dipoleke tsa kgole ka matla tsa gore a go lula go segela ga megahlano ya mošaga wonone gee? Re berekisa theknoloji gore ba go tlala ba thogo kraya letheto la tso re di tšhutang fote a ba kwi nkare ba fo ba ba le ntoši ka dinako tsa megahlano yone. Mo re beyisa, mo ye a yemelang ntlo ya lefase ka mokana ga lona ya Dihlatse tsa Jehova a vakašele lekala la Benin, ba yye ba maka gore letheto lone le segelele le batho ba ku Arlit, Niger ya gore ke toropo ya mmayini ya ku  Sahara Desert. Gana hone ke mo go gahlanne 21 ya magageru ya banna le basadi le bo ba gore ba jabolela ditaba tso. Ke mo ba le kgole ka matla, mara ba yye ba tikwa ba le selo ka ssoši le 44 131 ya magageru ya mangwana. Mogageru ye mongwana o ngwadiye gore: “Ke leboga ka matla gore ba re gelepiye gore le rune re bone letheto lowa. Di fo šupetsa gabutši gore a baa re lebala.”

Mo maprista ya Maisrayele ma teya porompita ka yyoši, ke mo di rela gore ke ‘dindhuna fela, bona ba gore ba yeta mahlong dikwata tsa batho ba go segela ga sekete,’ ba gore ba tshwanele ba tle letenteng la mogahlano. (Dip. 10:4) Mo ba le gana hone, Moše ke mo a ba botsa ditaba a boya a ba tšhutisa. Sosone ke mo se ba gelepa gore ba thogo maka mmereko wa bona wa go pasopa setšhaba. Hala le wene o le ye nngwana ya dindhuna tsone, ayitsano ne o ka sa karakare gore o ye ga megahlano ya mošaga wonone gore o tšhute se sengwana?

Bagolo ba diphutego tsa rune a yi “dindhuna” fote morape wa Modimo wo ba wo pasopang a wo lawole ke bona. (1 Pet. 5:1-3) Mara baa karakara gore ba wo pasope gabutši morape wowa. Byalo, mo ba memiwa gore ba tle ga Sekolo sa Bagolo, baa ya. Mo bagolo bowa ba kene ba le ga sekolo sone, ba tšhuta mokgwa wa go pasopa ditaba tsa phutego. Sosone se maka gore ba tlalele ka matla ga tso tsa Modimo. Le mo wene o soko bane o ya ga sekolo sone, nnete ke gore o tšhuta se sengwana ga bo ba tšwang gona.

Ka dinako tse dingwana, maprista ya Maisrayele ke mo ma teya medumo ya go ya gedimo le tlase ka porompita. Modumo wone, ke mo wo rela gore Jehova o nyaka gore setšhaba ka mokana ga sona se tloge se kene tseleng. (Dip. 10:5, 6) Mo setšhaba se kene se tloga, dilo ke mo di makiwa ka letheto le lengwana la go makatsa ka matla mara fote ke mo go se lula ga ba bangwana. Di ka makega gore ba bangwana ke mo ba tshwatisa ke go dula ba yisiwa tlase le kgakala. Ke ntaba mara?

Di ka makega gore ba bangwana ke mo ba tseya gore porompita yowa yi lla thina le thina fote ya ba juma. “Ka dinako tse dingwana liru ke mo le fo yema go tlugisela ka malobana go segela ka bošego.” Ka dinako tse dingwana ke mo le yema “matšatši ka mabedi, kgwedi kela go feta hone.” (Dip. 9:21, 22) Gabutšibutši setšhaba se yye sa rura gakaye? Dipalo tema 33 yi re Maisrayele ma hlomme matente ma boya ma hlomola ga dipoleke tsa go segela gana hala ga 40.

Di ka makega gore ba bangwana ke mo ba kraya poleke ya gabutši ya go ba le morithi. Di šupa nkare mo motho a le gana hone “hlageng ye kgolo ya go tshosa,” ke mo a jabola mo a krayye poleke ya go tshwana le yonone. (Dot. 1:19) Byalo, o ka kraya gore ba bangwana ke mo ba fo re bona a ba yi felo.

Mo moloko wa mathomo wa Maisrayele wo thoma go tloga, di ka makega gore ke mo di se lula go yemela gore go segele nako ya gore ba bangwana ba tloge. Setšhaba ka mokana ga sona ke mo se kwa porompita, mara ke mo se sa tshwanela go tloga ka nako ka yyoši. Modumo wa go ya gedimo le tlase wa mo go teyiwa porompita, ke mo wo re go sepele ba meloko ya go dula ka bohlabela, bona ke ba moloko wa Juda, wa Isakhara le wa Zebhuloni. (Dip. 2:3-7; 10:5, 6) Mo ba šele ba tlugiye, maprista ke mo ma teya porompita la bobedi gore go tloge ba meloko ka meraro ya go dula borwa. Maprista ke mo ma maka tsotsone go šinye go sepele Maisrayele ka mokana ga wona.

Di ka makega gore le wene o yye wa kwa o hlakana hlogo mo dilo di tšhentšha mo mokgahlong wa Modimo. Kela o yye wa fo kwa di go tshwatisa mo dilo tso di tšhentšhang di tla di tlele, fote di fo go juma. Kela wene ne o fo bona dilo di sepela gabutši, go se na ga gore go nyaka go wolodiwa. Seyemo so ne o le ga sona se ka fo ba se go šupetsiye gore di nyaka o lefise pelo ka matlanyana, wa thomisa go tšhuta taba yone, le mo di tsere nako. Mara mo re leketsa go maka tso re butsiwang tsona, re ko di boneng mo Modimo a re rufa.

Ka dinako tsa Moše, Jehova o yye a yetetsa dimiliyoni tsa banna, basadi le bananyana ku hlageng. Hala ba sa pasopiwi fote ba sa yetetsiwi, nke re bolabola tse dingwana. Lekgono, re thogo tlalela ka matla ga tso tsa Jehova ka taba la gore re yetetsa ke yene. Gabutšibutši re ro hluhlutela! Byalo, nkare ka mokana ga rune re ka ro tipotsa gore re nyoko tseyela ga Maisrayele yala ya go tshepega, re make tso porompita yi reng re di make!