1-2. Ke ntshitshire yifeng yo Makreste lekgono ma gahlanang nayo ya gore yi tshwana le ya Llota?

 MO RE bona ka mokgo lefase lekgono le kutšetselang mokgwa wa go titshwara wa gore a wa hlamatsega, re fo napa re tikwa ka mokgo Llota ne a tikwa ka gona. Ke “mo a kgongwetsa ke dilo tsa go sa loka tso batho ba go ba le tšhinghi ne ba di maka,” ka taba la gore ne a di tšiba tsa gore Papa wa rune wa legedimong o di hloyye mo batho ba maka dilo tsa go sa hlamatsega. (2 Pet. 2:7, 8) Ka taba la gore Llota ke mo a tšhaba Modimo fote a mo nyaka ka matla, ke mo a hloyye mekgwa ya go sa hlamatsega ya batho bo ne a yagelanne nabo. Le rune re phela le batho ba gore a ba yisi felo kela a ba hlompe melawo ya Jehova ya go titshwara. Le mo go na go yitsa, re ka dula re yediye ga taba ya go titshwara mo re ka fo dula re nyaka Modimo ka matla re boya re tšhuta go mo hlompa ka matla.​—Diy. 14:2.

² Jehova o re gelepa gore re thogo maka ka mokgonone a berekisa puku ya Diyema gore yi thogo re tiyisa le go re hlohletsela. Makreste ka mokana ga wona ya banna le ya basadi, ya gore ma sa gola le ya gore ma šele ma gudiye, ma ka berekela ke taba ya go lebelela mayele ya go hlalefa ya gore ma krayega ga puku yone.

3. Diyema 17:3 yi re king so se makang gore re nyake go tšhireletsa dipelo tsa rune? (Lebelela le sethombhe.)

³ Selo se segolo so se makang gore re tšhireletse dipelo tsa rune tsa go fo tshwanisela, nka taba la gore Jehova o nyakolla dipelo tsa rune. Tsotsone di rela gore wa di bona dilo tso ba bangwana ba sa kgoneng go di bona fote o tšiba le gore ke rune batho ba mošaga mang. (Bala Diyema 17:3.) Phela o ko re nyaka ka matla mo re ka dula re nagana ka mayele yage ya gore ma ka re gelepa gore re phele go ya go yye. (Joh. 4:14) Ka mokgonone, re ka sa tsoge re kwaletsiye ke go sa titshware gabutši, matsaka ya Sathane le batho ba dipelo tse di phifadu ba lefase lage. (1 Joh. 5:18, 19) Mo re kene re šutela thina le Jehova, taba ya gore re mo nyaka ka matla le go mo hlompa yi nyoko napa yi tsifa. Ka taba la gore a re nyake go kwisa Papa wa rune go  baba, re nyoko hloya le mong go nagana ka taba ya go sinya. Mo re kwa di re woka tsa gore re make selo sa go tšwa pateng, di nyaka re tiputsisa gore, ‘Mara nje nko re ke makisa king mo ke šinya ke mo kwisa go baba ka bomu Motho ye a nšupetsiyeng gore o nnyaka la go sa hlayisege?’​—1 Joh. 4:9, 10.

4. Taba ya go tšhaba Jehova, yi mo tšhireletsiye ka mokgo mang mogageru wa mosadi gore a sa make tsa go tšwa pateng?

⁴ Hala Croatia go na le mogageru wa mosadi ye ba reng ke Marta, wa gore o yye a liketsega gore a make dilo tsa go sa hlamatsega, o ngwadiye gore: “Ke mo di nthathafela gore ke nagane gabutši le go lwa le taba ya go nabela go maka tsa go tšwa pateng. Mara go tšhaba Jehova go ntšhireletsiye.” b Go tšhaba Modimo go di makiye ka mokgo mang tsotsone? Marta o re o ghayele ka dilo tsa go sasamela tso di ka makegang ka nthago ga mo a makiye dilo tsa go sa hlamatsega. Le rune re ka maka ka mokgonone. Sa go babisa pelo ke gore re nyoko kwisa Jehova go baba ke mokane ra šitega le go mmerekela go ya go yye.​—Gen. 6:5, 6.

5. O tšhuta ying ga mošupetso wa Leo?

⁵ Mo re tšhaba Jehova, re dula re pasopa gore re sa nghanelane le batho ba go maka dilo tsa go befa. Leo wa gore o dula Congo, o di bonne gabutši tsotsone. Mo a šele a na le kanne ya mengwaga a kolobetsiwwe, o yye a nghanelana le batho ba go sa loka. Ke mo a tipotsa gore solanka yene a sa di make dilo tsone tsa go befa, ke mo a sa mo sinyele ga Jehova. Mara di so yi kgole, banghana bone bage ba go sa loka ba mo kutšetsele gore a gaputlele mokgete fote a make le bonghwahla. Mara o yye a thomisa go nagana ka tso babelegi bage ba gore ke Makreste ba mo tšhutisiyeng tsona le ka mokgo ne a jabodiye ka gona mo a berekela Jehova. O feleletsiye ka go maka ying? O yye a thomisa go nagana gabutši fote. Bagolo ba yye ba mo gelepa ke mokane a boyela ga Jehova. Lekgono o jabolela go bereka go le mogolo le mošupatsela wa go hlawolega.

6. Ke basadi bafeng ka babedi ba go tshwanisela bo re nyoko petapetang ka bona gana byalo?

⁶ Tla re lebeleleneng Diyema tema 9, ga gore re ko bala ka basadi ka babedi. Ye mongwana wa bona o yemela go hlalefa ke mokane ye mongwana  yene o yemela bophokophoko. (Gore o thogo bona mešupetso ye mengwana ya gore Bhayibele yi hlatolla dilo yi maka nkare ke batho, lebelela Maroma 5:14; Magalata 4:24.) Mo re kene re ya mahlong, o dule o gopola gore lefase la Sathane le dula le naganne ka go maka bonghwahla le go lebelela dithombhe tsa batho ba go sa tšwara. (Maef. 4:19) Byalo, ke taba ye kgolo gore re ye mahlong re tšhuta go tšhaba Modimo re boye re kganele kgole le dilo tsa go sa loka. (Diy. 16:6) Nka taba lo ka mokana ga rune, o monna kela o mosadi, o ka berekela ke tso tema yowa yi di tshwereng. Basadi bowa ka babedi ba ba hlatolla ba mema bo ba gore “a baa hlalefa.” Ye mongwana le ye mongwana nkare o hlaya gore, ‘Feta ka ho ntlong yaka re je tsa go ja.’ (Diy. 9:1, 5, 6, 13, 16, 17) Mara tso di makegelang batho bo ba yamogelang mo ba mema ke basadi bowa ka babedi a di tshwane le ka gonyana.

7. Diyema 9:13-18 yi re go makega ying ka bo ba yamogelang mo ba mema ke mosadi wa sephokophoko? (Lebelela le sethombhe.)

⁷ Lebelela sememo sa go tšwa ga “mosadi wa sephokophoko.” (Bala Diyema 9:13-18.) O mema bo ba gore a ba tšibi selo a se na dihlong gore ba tle ka ntlong yage ba je tsa go ja naye. Go makega ying ka bona? “Bo ba gore ba hludiye ke likgu ba gana hone.” O ka fo ba o sa gopola go bolabola ga go fo tshwanisela ga gore re go krayye ga Diyema. Ba re pasopisa ka “nghwahla” le “mosadi wa gore aa titshwara gabutši.” Ba re botsa gore: “Go ya ntlong yage go tshwana le mo o ya go kgweng.” (Diy. 2:11-19) Diyema 5:3-10 yi pasopisa ka “nghwahla” ye nngwana ya gore ‘mawoto ya yona ma bobomela likgung.’

8. Ke sepheto sefeng so re tshwaneleng re se segelele?

⁸ Bo ba kwang “mosadi wa sephokophoko” di nyaka ba segelele sepheto: Ayitsano ba nyoko yamogela mo a ba mema kela ba nyoko gana? Le rune re ka tikraya di nyaka re segelele sepheto sa mošaga wonone. Re nyoko maka byang mo ye mongwana a liketsa go re makisa selo sa go sa hlamatsega kela mo re sa le ga Inthanete, ra gahlana le dithombhe tsa batho ba go sa tšwara?

9-10. Re maka king mo re šinya re kganela kgole le bonghwahla?

⁹ Wa tšiba go na le dilo tso di makang gore re kganele kgole le bonghwahla. “Mosadi wa sephokophoko” ba mo hlatolla a hlaya gore: “Meetši ya gore ba ro ma yetswa maa tswetswenya.” King “meetši ya gore ba ro ma yetswa”? Bhayibele yi tshwanisa taba ya mo monna le mosadi ba gore ba šadhiye ba maka tsa mapaying le meetši ya gore maa timula. (Diy. 5:15-18) Monna le mosadi ba gore ba šadhiye ba ba dumelele gore ba tikwise ka go maka tsa mapaying ba le ggoši. Mara taba yowa yi fapanne kgole le “meetši ya gore ba ro ma yetswa.” Ma ka rela go maka tsa maroga o sa tshwanela. Ga go tlala taba yone yi makega ka makhukhung, go fo tshwana le wa go yetswa, ga go tlala o yetswa ka makhukhung. “Meetši ya gore ba ro ma  yetswa” ma ka šupetsa ma tswetswenya ga bo ba makang taba yone mo nkare ba tseya gore a go na ye a ko tšibang ka so ba se makiyeng. Phela ba ro titshokanya! Jehova o bona dilo ka moka. A se šiyo selo sa go galaka go phala go sa yamogele ke Modimo, fote ga taba yone a go na sa go “tswetswenya.” (1 Makor. 6:9, 10) Mara go sa na le tse dingwana.

¹⁰ Phela bonghwahla bo ka maka gore o tikwe o tšebiye, o tikwe o le motho wa go sa re selo, bya re mpa mmaa motho a sa tikemisela fote bya pshyaya le mitši. Di fo ba lekgwaying gore re ko ba re šupetsa gore re hlalefiye mo re ka kganela kgole le “ntlo” ya mosadi wa sephokophoko le tsa go ja tsage. Go tokegela ga go lahlegela ke senghana sa bona le Jehova, ba go tlala ba gore ke mo ba sa titshwara gabutši ba kotiye malwele ya gore ma yakgoswa ma ba bolaya. (Diy. 7:23, 26) Temanyana 18 ya tema 9 yi korisela ka gore: “Divakaši tsage di mong tengteng ga Lebitla.” Mara ke ntaba ba go tlala ba yamogela sememo sage sa gore se ba leyela tsa go sasamela?​—Diy. 9:13-18.

11. Ke ntaba go lebelela dithombhe tsa batho ba go sa tšwara go kotsi ka matla?

¹¹ Molabo wa gore wo tlwayelegiye wa gore di nyaka re kganela kgole nawo ke go lebelela dithombhe tsa batho ba go sa tšwara. Ba bangwana ba nagana gore a go sinyegi selo mo ba lebelela dithombhe tsa batho ba go sa tšwara. Mara dithombhe tsa mošaga wonone di kwaletsa batho, di maka gore ba sa sa hlompega le go hlompa ba bangwana fote a di lula gore ba lisetse go di lebelela mo ba šele ba logele ga tsona. Dithombhe tsa batho ba go sa tšwara di nama mawoto ka ho monaganong fote a di lula gore di sulege. Go tokegela gana hone, dithombhe tsa batho ba go sa tšwara a di bolaye go nabela go maka dilo tsa go sa hlamatsega; di napa di ro rotetsa. (Makol. 3:5; Jak. 1:14, 15) Eya, batho ba go tlala ba gore ba lebelela dithombhe tsa ba go sa tšwara di napa di ba roma gore ba ye ba make bonghwahla.

12. Re ka šupetsa ka mokgo mang gore re liketsa go kganela kgole le dithombhe tsa gore di maka gore re nabele go maka dilo tsa go sa hlamatsega?

¹² Rune Makreste di nyaka re make ying mo go ka fo tšhoga go nyarele sethombhe sa motho wa go sa tšwara ho ga dilo tsa rune tsa elekthroniki? Di nyaka re lebelele ku thoko ka go yakgoswa. Tsotsone di ko ba lula go di maka mo re ka dula re gopola gore selo so re se tseyelang gedimo ka matla so re nang naso ke senghana sa rune le Jehova. Gabutšibutši, le mong dithombhe tsa gore a di nape di wela ga tsa batho ba go sa tšwara di ka maka gore re nagane kela re nabele go maka dilo tsa go sa hlamatsega. Ke ntaba di nyaka re kganele kgole natso? Ka taba la gore a re nyake go nagana le mong ka go twii go maka bonghwahla ka dipelong tsa rune. (Mat. 5:28, 29) Mogolo ye mongwana wa hala Thailand ye ba reng ke David o re: “Ke tiputsisa gore: ‘Le mo dithombhe tsowa go sa nape go le tsa batho ba go sa tšwara, mara ayitsano Jehova o nyoko jabola mo nka fo ya mahlong ke di gurulele maahlo?’ Go tseya dilo ka mokgonone, go n’gelepa gore ke make dilo ke šupetsa gore ke hlalefiye.”

13. Re ka gelepa king gore re make dilo re šupetsa gore re hlalefiye?

¹³ Mo re tšhaba go maka selo sa gore se ka kwisa Jehova go baba, tsotsone di nyoko re gelepa gore re make dilo gabutši. Go tšhaba Modimo ke “mathomo,” kela ke fandhiši ya go šupetsa “go hlalefa.” (Diy. 9:10) Taba yone re yi bona hala mathomisong ya Diyema tema 9, ga gore ba tshwanisiye “go hlalefa ga mannete” le mosadi ye mongwana.

14. Ke sememo sefeng se sengwana so re balang ka sona ga Diyema 9:1-6?

¹⁴ Bala Diyema 9:1-6. Mowa re bala ka sememo sa go tšwa ga Jehova, yene ye a re Makiyeng wa gore fote go hlalefa go tšwa gage. (Diy. 2:6; Marom. 16:27) Ga taba yowa re bala ka ntlo ye kgolo ya gore yi na le kašupa ya dikholomo. Taba yowa yi šupetsa ka mokgo Jehova a nang le pelo ye butši ka gona fote o yamogela ka moka bo ba nyakang go tšhuta gage gore ba thogo hlalefa.

15. Modimo o re mema gore re make ying?

¹⁵ Jehova o na le pelo ye butši fote mo a Neyana o ro kgotolela. Ga mošupetso wa mosadi wa gore  o yemela ke “go hlalefa ga mannete,” re tšhuta gore Jehova aa konane fote o re neya dilo tsa go tlala tsa gabutši. Ditemanyana tsowa di re mosadi yewa wa go tshwanisela o memme divakaši gore di kene ka ntlong yage gore di tl’le ja tsa go ja tso a di lukiseleleng tsa go ba le nama le wayini tsa gore monate wa gona o wo kwa le ka ho sekoding. (Diy. 9:2) Go tokegela gana hone, ditemanyana 4 le 5 di re: “[Mosadi wa go tshwanisela go hlalefa ga mannete] o botsa ye wa gore aa hlalefa gore: ‘Tlang, o tle o je sekgwa saka.’” Ke ntaba di nyaka re ye ntlong ya mosadi wa go hlalefa ga mannete mo a re mema tsa go jeng? Jehova o nyaka gore bana bage ba hlalefe fote ba tšhireletsege. Aa nyake gore re tšhute lephelo go baba​—re kwe ka letlalo fote re dulela go tisola. Nka taba lo ‘a tseyelang gedimo go hlalefa ga bo ba gore baa tshepega.’ (Diy. 2:7) Mo re hlompa Jehova ka matla, re ko fo kwa re nyaka go mo jabodisa. Re ya theetsela mo a re neya mayele re boya re jabolela go ma berekisa.​—Jak. 1:25.

16. Go tšhaba Modimo go mo gelepiye ka mokgo mang ga Alain gore a thogo segelela sepheto sa go šupetsa gore o hlalefiye, fote go yye gwa ba le maphomela mafeng?

¹⁶ Lebelela gore taba ya go tšhaba Modimo yi mo gelepiye ka mokgo mang ga Alain gore a thogo segelela sepheto sa gabutši. Alain ke mogolo ka phutegong fote ke thitšere ya sekolo, o yitseri: “Banna ba go tlala bo ke berekang nabo ba tseya taba ya go lebelela difilimi tsa go šupetsa batho ba go sa tšwara go le mokgwa wa go ba tšhutisa go maka tsa ka mapaying.” Mara ke mo a di tšiba gore tsone a yi nnete. O yitseri: “Ka taba la gore ga Jehova ke mo nyaka ka matla fote ke ya mo hlompa, ke ganne go lebelela difilimi tsone ke sa tshegatshegi. Ka boya ke hlatollela bo ke berekang nabo gore ke ntaba ke sa di lebelele.” Ke mo a berekisa mayele ya go tšwa ga wa “go hlalefa ga mannete” gore a ‘sepele a ye mahlong ka pata ya go kwisisa.’ (Diy. 9:6) Gana byalo, mathitšere ya mangwana ma tšhuta Bhayibele ma boya ma ya le megahlanong ya Sekreste ka taba la gore ne ma jabodisiye nka mokgo Alain a yemeleng taba yage a sa hlagasele.

17-18. Ke dilo difeng tsa gabutši tso batho bo ba yamogelang mo ba mema ke wa “go hlalefa ga mannete” ba di krayang, fote ba yemele ying ku mahlong? (Lebelela le sethombhe.)

¹⁷ Jehova o berekisa mešupetso ya basadi bone ka babedi go re šupetsa gore re ka maka byang gore re thogo jabola ku mahlong. Bo ba yamogelang mo “mosadi wa sephokophoko” a ba mema ba liketsa go tijabodisa ka dilo tsa go sa hlamatsega. Gabutšibutši, ba fo tikwisa tsa nako yonone fote ba takisa maahlo tso di ba yemeleng ku mahlong. Phela tso ba di makang di nyoko ba bolaya.​—Diy. 9:13, 17, 18.

¹⁸ Bo ba yamogelang mo mosadi ye a tshwaniselang “go hlalefa ga mannete” mo a ba mema, ku mahlong ba yemele ke tsa go fapana le bala ba bangwana. Divakaši tsage di jabolela monyanya wa tsa go ja tsa gore di tiyisa mmele fote tsa go ja tsa tso tsa Modimo ba di lukiselele gabutši. (Jes. 65:13) Jehova o berekisiye moporofeta Jesaya go hlaya gore: “Ntheetseleneng gabutši, fote le jeneng  tsa gore di gabutši, le nyoko jabodisa ke tsa gore di tsifiye.” (Jes. 55:1, 2) Re tšhuta go kwana le tso Jehova a kwanang natso fote ra hloya tso a di hloyyeng. (Pis. 97:10) Fote di re jabodisa ka matla mo re mema ba bangwana gore ba tle ba tšhute ga ye wa “go hlalefa ga mannete.” Re fo tshwana le dibereki mo di yahlamela di le gedimo ga mutši di re: ‘Ye mongwana le ye mongwana wa gore aa tšibi, a kene ka howa.’” Dilo tso re di krayang le bo ba yamogelang mo re yahlamela, a yi fo ba tsa gana byalo fela. Di ya tshwarelela, di boya di re gelepa gore re “phele” go ya go yye mo re kene re ‘sepela re ya mahlong ka pata ya go kwisisa.’​—Diy. 9:3, 4, 6.

19. King so re tshwaneleng go tikemisela go se maka sa gore se sipidisana le Mmolabodi 12:13, 14? (Lebelela lebhokisi la gore “ Taba ya Gore ga Modimo re ya mo Tšhaba ya re Gelepa.”)

¹⁹ Bala Mmolabodi 12:13, 14. Nkare go tšhaba Modimo go ka tšhireletsa dipelo tsa rune go boye go re gelepe gore re dule re na le maphelelo ya go yela fote re dule thina naye ga dinako tsowa tsa gore di bifiye tsa mafelelo. Re nyoko ya mahlong re mema ba go tlala ka mokgo re ka kgonang gore le bona ba tle ba nyake “go hlalefa ga mannete” fote ba tšhute gage ka taba la gore ga Jehova re mo nyaka ka matla fote re mo hlompa ka dipelo tsa rune ka moka.