Bhayibele a yi re botse gore ke ntaba. Mara yi re botsa ditaba tse dingwana tsa go jabodisa tsa gore di ka fo ba di makiye gore ba sa kgete go boyela nthago ku Nazareta ka dinako tsela.

Lengeloyi le butsiye Mariya gore o nyoko yima ke mokane a belega ngwana. Nakwela lengeloyi le yisiye molayetsa wowa, Mariya le Josefa ke mo ba dula Nazareta ga mutši wo Josefa a guleleng ga wona ku Galeliya. (Luk. 1:26-31; 2:4) Ka nthago ga mo ba tšwa Egepita ba yye ba sologa ba boyela Nazareta. Jeso o golele gana hone gwa ba le Lenazareta (Mat. 2:19-23) Byalo, mo re bolabola ka mabitso ya batho bowa ka bararo—Jeso, Josefa le Mariya—re fo nanaga Nazareta.

Mariya ke mo a na le lešaga lo ba reng ke Elizabheta, wa gore ke mo a dula Juda. Elizabheta ke mo go le mosadi wa moprista Zakariya fote go le mmane wa Johane wa go Kolobetsa. (Luk. 1:5, 9, 13, 36) Mariya o yye a vakašela Elizabheta ku Juda a dula naye kararo ya dikgwedi. Ke mokane a boyela Nazareta. (Luk. 1:39, 40, 56) Nka taba lo Mariya ke mo a tšiba poleke yone.

Mo go ya go ya, Josefa o yye a theetsela molawo wa gore “batho ka mokana ga bona howa lefaseng ba ngwadisiwe.” Ke mokane Josefa a tloga Nazareta a ya Bhetlelehema ya gore ke mo go le “mutši wa Dafita” ga gore Mesiya ke mo ba nyoko mmelegela gona ka mokgo seporofeto se hlayyeng. (Luk. 2:3, 4; 1 Sam. 17:15; 20:6; Mmik. 5:2) Ka nthago ga mo Mariya a belegiye Jeso gana hone, Josefa aa gapeletsa Mariya gore a tseye leyeto la go lefa la gore ba boyele Nazareta le sengwananyana sone sa gore go fo ba mong meetši. Ba yye ba dula Bhetlelehema, ya gore ke mo go le gana hala ga nkokwane ya dikhilomitha mo o tloga Jerusalema. Ke mo yi nyoko ba lula ga bona gore ba tseye leseya la bona ke mokane ba ye tempeleng nalo gore ba ye ba make sehlabelo go ya ka Molawo.—Lef. 12:2, 6-8; Luk. 2:22-24.

Mathomisong lengeloyi le yye la botsa Mariya gore morwayi wage wo nyoko kraya “setulo sa go lawola sa Dafita” fote “o nyoko lawola go le Kgoši.” Ayitsano Josefa le Mariya ne ba kwisisa gore ke taba ye kgolo gore Jeso ba mmelegele mutšing wa Dafita? (Luk. 1:32, 33; 2:11, 17) Nakwenngwana ba yye ba nagana gore go ko ba ba šupetsa go hlalefa ho ba ka dula gana hone ke mokane ba yemele Modimo gore a ba botse gore ba make ying ka nthago.

A re tšibi gore ba duli Bhetlelehema nako ya go segela kaye mo banna ba go berekisa dinanedi mo ba pombhola tsa ku mahlong ba segela gana hone. Ka nako yone ke mo ba šele ba na le ntlo fote morwayi wa bona ke mo go šele go le ‘ngwana,’ go seng leseya. (Mat. 2:11) Di šupetsa nkare a baa boyela Nazareta mara ba yye ba dula Bhetlelehema nako ya go lefa.

Heroda o hlaye gore “bana ba bašomanyana ku Bhetlelehema . . . ba gore ba na le mengwaga ka mmedi go ya tlase” ba ba bolaye. (Mat. 2:16) Lengeloyi le yye la pasopisa Josefa ka taba yone, Josefa le Mariya ba yye ba tšhabela Egepita le Jeso ke mokane ba dula gana hone go segela Heroda a kgwa. Ka nthago, Josefa o tsere ba mutši wage a ba yisa Nazareta. Ke ntaba ba sa boyela Bhetlelehema? Ka taba la gore ka nako yonone morwayi wa Heroda ye ba reng ke Akhilayase ne a lawola Judiya fote ke mo a na le lešidi. Fote ka taba la gore lengeloyi le yye la pasopisa Josefa gore a sa yi gana hone. Nazareta ke mo go le poleke ya gore yi pasopegiye ya gore Josefa a ka gudisa Jeso ga yona gore a thogo rapela Jehova.—Mat. 2:19-22; 13:55; Luk. 2:39, 52.

Di šupetsa nkare Josefa o hlokofele mo Jeso a soko bane a bula tsela ya gore ba batho ba bangwana ba ye phela ku legedimong. Byalo, Josefa ba nyoko mo tsosa gore a tlele phela ho lefaseng. Ba go tlala ba nyoko mmona fote ba tšhuta tsa go tlala gage le gore ke ntaba yene le Mariya ba yye ba dula Bhetlelehema ka nthago ga mo Jeso a belegiwwe.