1. Di nyaka re make ying gore re thogo phona letšatši la Jehova?

 BHAYIBELE mo yi bolabola ka “letšatši la Jehova,” yi rela ka nako ya mo Jehova a fetsa ka manaba yage ke mokane a phonisa batho bage. Ku botala, Jehova ne a fela a yahlula ditšhaba tse dingwana. (Jes. 13:1, 6; Hezek. 13:5; Zef. 1:8) Ka dinako tso tsa rune, “letšatši la Jehova” le thomisa mo bo ba go yetamahlong ba dipolotiki ba fetsa ka Bhabhilona ye Mogolo ke mokane la totometsa ka ntwa ya Aremaghedoni. Gore re thogo phona “letšatši” lone, di nyaka re tilukiselele go sa le gana byalo. Jeso o tšhutisiye gore a di nyake re fo tilukiselela “motšhatšhamelo wo mogolo” fela, mara di nyaka re ‘dule re ntshiye maahlo dikwakweng.’​—Mat. 24:21; Luk. 12:40.

2. Ke ntaba lengwalo la Mathesalonika wa Mathomo le ka re berekela?

² Pawulo wa lepostola mo a ngwalela Mathesalonika lengwalo la mathomo a tšhofa ke moya wa go hlawolega, o yye a berekisa mešupetso ya go tlalanyana gore a thogo gelepa Makreste gore ma dule ma ramele letšatši la Jehova le legolo la go yahlula. Pawulo ke mo a di tšiba gore letšatši lone le ka sa segele ka nako yonone. (2 Mathes. 2:1-3) Le mo go le ka mokgonone, o hlohletsele magagabo gore ma tilukiselele letšatši lone tsa nkare le segela ka motshwana wa gona, fote le rune re ka ma berekisa mayele yage. Tla re lebeleleneng gore o di hlatolla ka mokgo mang dilo tsa go latela, ke tsowa: (1) ka mokgo letšatši la Jehova le nyoko segelang, (2) ke bomang ba gore ba ka sa phone letšatši lone, le gore (3) re ka tilukiselela ka mokgo mang gore re thogo phona.

3. Letšatši la Jehova le segela go fo tshwana le wa go yetswa mo a tla bošego, ka mokgo mang mara? (Lebelela le sethombhe.)

³ “Go fo tshwana le wa go yetswa mo a tla bošego.” (1 Mathes. 5:2) Wowa ke mošupetso wa mathomo ga kararo ya wona ya gore ba yi  berekisiye mo ba hlatolla letšatši la Jehova. Bo ba go yetswa ga go tlala ba maka dilo ka go yakgoswa fote ba segela bošego mo batho ba sa nagana. Letšatši la Jehova le lona le nyoko fo re palakata, la juma batho ba go tlala. Le mong Makreste ya mannete ma ka fo makatsa nka mokgo dilo di makegang ka go yakgoswa. Mara rune re ka sa tshwane le bo ba go sa loka, re nyoko phona.

4. Letšatši la Jehova le tshwana le lešoko ka mokgo mang?

⁴ “Go fo tshwana le mo mosadi wa go yima a tlela ke lešoko.” (1 Mathes. 5:3) Mmane wa gore o yimme a ka sa yi tšibi nako yo a nyoko belegang ka yona. Mara aa kamake le ka gonyana gore nako yone yi nyoko segela. Mo yi segela, lešoko lone le ka fo re palakata, le baba ka matla fote a ka sa kgone go le thibelela. Go fo ba ka mokgonone, le rune a re tšibi letšatši le awara yo letšatši la Jehova le nyoko thomang. Mara, a re kamake le ka gonyana gore le ye tla fote mo Modimo a fetsa ka batho ba go sa loka tsotsone di nyoko fo re palakata fote a go na le ka wweši ye a nyoko tšhabang.

5. Motšhatšhamelo wo mogolo wo tshwana le mo bo yi sa ka mokgo mang?

⁵ Go tshwana le mo go thomisa letšatši le lengwana, mo bo yi sa. Mošupetso wa Pawulo wa kararo wo bolabola ka ba go yetswa bošego. Mara gana byalo Pawulo o šupetsa a tshwanisa letšatši la Jehova le mo bo yi sa. (1 Mathes. 5:4) Bo ba go yetswa bošego di ka makega gore ba sa di bone gore nako ya ba teya. Bo ka sa ba sa tilibele ke mokane tsa bona dya tšhipa. Motšhatšhamelo wo mogolo le wona wo nyoko gonyolla bo ba go tshwana le ba go yetswa, ba gore ba kwana le go dula matshwifing gore ba thogo ya mahlong ba maka dilo tsa gore Modimo aa kwane natso. Byalo, rune a di nyake re tshwana nabo, di nyaka re dule re tilukiselele ka go gana go maka dilo tsa gore Jehova aa kwane natso re boye “re be le dipelo tsa gabutši, re make dilo tsa gabutši fote re make dilo tsa go loka.” (Maef. 5:8-12) Pawulo mo a ya mahlong o berekisa mešupetso ka mmedi ya gore ya yelana ya gore fote yi bolabola ka bo ba gore ba ka sa phone.

6. Ba ra byang mo ba re batho ba go tlala ba yetsele? (1 Mathesalonika 5:6, 7)

⁶ “Bo ba gore baa yetsela.” (Bala 1 Mathesalonika 5:6, 7.) Pawulo o tshwanisiye bo ba gore ba ka sa phone letšatši la Jehova le batho ba gore ba yetsele. A ba di boni dilo tso di makegang kela mo nako yi kene yi sepela. Byalo, a ba tšibi mo go makega taba ye kgolo fote a ba tšibi gore ba re king mo yi makega. Batho ba go tlala lekgono ba tshwana le batho ba gore ba yetsele. (Marom. 11:8) A ba tshepe dilo tso di šupetsang gore re phela ga “dinako tsa mafelelo” le gore motšhatšhamelo wo mogolo wo nyoko segela go se botala. Mo go makega dilo tse dikgolo mo lefaseng, ba bangwana ba thomisa go jabolela molayetsa wa rune ka Mmušo wa Modimo. Mara, ba go tlala ba boyela go ye yetseleng, a ba duli ba hlahlamme. Le mong bo ba gore ba dumela ga letšaši la go yahlula, ba tseya gore letšatši lone le sa le kgole. (2 Pet. 3:3, 4) Le mo go le ka mokgonone, rune re tseya taba ya go dula re hlahlamme letšatši le lengwana le le lengwana go le ye kgolo ka matla.

7. Bo ba gore Modimo o nyoko ba psyitlanya ba tshwana le batho ba gore ba tlayidiye ka mokgo mang?

⁷ “Bo ba gore baa tlayila.” Pawulo wa lepostola o tshwanisiye batho ba gore ba nyoko psyitlanya ke Modimo le bo ba gore baa tlayila. Batho ba gore ba tlayidiye di ba tseya nako go bona gore go makega ying fote a ba segelele dipheto tsa gabutši. Go fo ba ka mokgonone le ka bo ba go maka tsa go sa loka, a ba re selo ka dilo tso Modimo a ba pasopisang ka tsona. Ba kgeta go phela lephelo la gore le nyoko ba bolayisa. Mara Makreste ba ma botsa gore ma šupetse gore ma nagana gabutši, ma sa tshware plaka kela go tlayila. (1 Mathes. 5:6) Morene mongwana wa gore o tšhutele Bhayibele o hlaya gore motho wa gore aa tlayila o dula a kgibiye, aa hlakahlakane fote o nagana gabutši gore a thogo segelela dipheto tsa gabutši. Ke ntaba di nyaka gore re dule re kgibiye fote re sa tekateki? Gore re sa tikraye re kenne ga ditaba tsa dipolotiki kela tso di makegang lekgono. Mo letšatši la Jehova le kene le šutela re ka fo kwa re gapeletsega gore re kgete gore re wela ka kaye ga ditaba tsowa. Le mo go le ka mokgonone, a di nyake re šekedisa ke taba ya gore re fetola re re king. Moya wa go hlawolega wa Modimo wo ka re gelepa gore re dule re kgibiye, re sa tšhoge gore re thogo segelela dipheto tsa go šupetsa gore re hlalefiye.​—Luk. 12:11, 12.

8. Mathesalonika wa Mathomo 5:8 yi re beyisele ka mokgo mang mekgwa ya gabutši ya gore yi nyoko re gelepa gore re dule re hlahlamme le go nagana gabutši? (Lebelela le sethombhe.)

⁸ Re yapare “sephemo sa ho sekgubeng . . . le . . . karapo.” Pawulo o re tshwanisa le masole ya gore ma hlahlamme ya gore fote ma yaparele go ya ntweng. (Bala 1 Mathesalonika 5:8.) Batho ba yemele gore lesole le dule le tilukiselele go lwa ka nako ye nngwana le ye nngwana mo go na le ntwa. Go fo ba ka mokgonone le ga rune. Re dula re tilukiselele letšatši la Jehova ka go yapara sephemo sa ho sekgubeng go leng go nyakanana le tumelo ya rune re boye re yapare lekarapo la gore ke tshepo ya rune. Mekgwa yowa ya gabutši yi ka re gelepa la go sa hlayisege.

9. Tumelo yi tšhireletsa ka mokgo mang?

⁹ Sephemo sa ho sekgubeng ke mo se tšhireletsa pelo ya lesole. Tumelo le go nyakanana di tšhireletsa pelo ya rune ya go tshwanisela. Di nyoko re gelepa gore re dule re berekela Modimo re boye re latelele Jeso. Tumelo yi maka gore re sa kamake gore Jehova o nyoko re rufa mo re mo nyaka ka dipelo tsa rune ka moka. (Maheb. 11:6) Yi nyoko re tšhofa gore re dule re tshepega ga Moyetamahlong wa rune, Jeso, le mo di nyaka gore re tiyisele dintshitshire. Re ka tiyisa tumelo ya rune gore re thogo tiyisela dintshitshire ka go tšhuta ga mešupetso ya matšatši yawa ya bo ba gore ne ba dula ba tshepega le mo ba kene ba hlorisiwa kela ba gayela sekwetše. Fote re ka kganela kgole le molabo wa go kwana ka matla le tšheleta le go ba le dilo tsa majabajaba mo re ka kopisela bo ba  gore ba yye ba phela lephelo la lula gore ba thogo yetisa tsa Mmušo wa Modimo mahlong. b

10. Mo re nyaka Modimo ka matla le bayagelane ba rune tsotsone di re gelepa gore re tiyisele, ka mokgo mang?

¹⁰ Wa tšiba, taba ya go nyakanana le yona ke ye kgolo ka matla gore re thogo dula re hlahlamme le go šupetsa gore re nagana gabutši. (Mat. 22:37-39) Taba ya go nyaka Modimo ka matla yi re gelepa gore re thogo tiyisela mo re tšhomayela le mo tsotsone di ka re leyela mathatha. (2 Thim. 1:7, 8) Ka taba la gore go nyakanana ga rune re go šupetsa le ga bo ba gore a ba berekele Jehova, re fo ya mahlong re tšhomayela fote re bereka tšhomo yo ba re neyyeng re boya re tšhomayela re berekisa fowunu le mangwalo. A re lahle tewu, re dula re na le tshepo ya gore bayagelane ba rune ba nyoko tšhentšha ke mokane ba thomisa go maka dilo gabutši.​—Hezek. 18:27, 28.

11. Go nyaka magageru ka matla go re gelepa ka mokgo mang? (1 Mathesalonika 5:11)

¹¹ Ga taba ya go nyaka bayagelane ba rune ka matla, gana hone go kena le magageru. Re šupetsa go nyakanana gone mo re ‘kgomoletsana fote re tiyisana.’ (Bala 1 Mathesalonika 5:11.) Go fo tshwana le mo masole ma lwa ma yemme thina le thina, le rune re ya tiyisana. Ke nnete gore, lesole le ka tšhoga le kwaletsiye lesole le lengwana mo ba le ntweng, mara le ka sa le kwaletsi ka bomu. Go fo ba ka mokgonone le ga rune, re ka sa tsoge re polanne go kwisa magageru go baba kela ra patedisa tsa go befa ka tsa go befa. (1 Mathes. 5:13, 15) Fote re šupetsa go nyakanana ga rune mo re hlompa magageru ya gore ma yeta mahlong ka ho phutegong. (1 Mathes. 5:12) Mo Pawulo a ngwala borifi byowa, phutego ya Thesalonika ke mo yi soko bane yi fetsa mongwaga yi le gona. Banna bo ba ba hlawodiyeng di ka makega gore ne ba soko bane ba tšiba mmereko gabutši fote go na le tso ba kekemisiyeng ga tsona. Le mo go le ka mokgonone, ne di nyaka gore ba hlompiwe. Mo motšahtšhamelo wo mogolo wo kene wo šutela, di ka nyaka gore re tithege ka bagolo ba phutego ya rune go phala ka mokgo re makang gana byalo. Di ka makega gore magageru ya ntlo ye kgolo ya lefase le magageru ya ofising ya lekala ma sa kgone go re botsa gore re make ying; nka taba lo go leng selo se segolo stereka gore gana byalo re tšhute go nyaka bagolo ba rune ka matla re boye re ba hlompe. Byalo, le mo go ka makega ying, tla re duleneng re šupetsa gore re nagana gabutši, re sa duli re lebelele dilo tso ba di kekemisang, mara re dule  re ntshiye maahlo dikwakweng ga taba ya gore Jehova o berekisa Jeso gore a yetetse banna bowa ba go tshepega.

12. Tshepo ya rune yi tšhireletsa ka mokgo re naganang, byang?

¹² Go fo tshwana le mo lekarapo le tšhireletsa hlogo ya lesole, tshepo ya rune ya gore re nyoko phona yi tšhireletsa menagano ya rune fote yi re gelepa gore re nagane gabutši. Mo re na le tshepo ya go tiya, re thogo bona gore dilo tso lefase lowa le re tshepisang tsona a di re selo. (Mafil. 3:8) Tshepo ya rune yi re gelepa gore re dule re kgibiye fote re sa thogathoge. Taba yowa yi makegiye tsa mannete ga Wallace le Laurinda, ba gore ne ba bereka Bethele ya Afrikha. Go soko bane go fela kararo ya mabeke, ye mongwana le ye mongwana wa bona o hlokofalele ke mmelegi. Ka taba la bolwele bya go sabalala bya COVID-19, ne ba sa kgone go boyela gaye gore ba thogo ba le ba mitši ya bona. Wallace o ngwadiye gore: “Tshepo ya gore go nyoko ba le tsogo ya bo ba hlokofeleng yi n’gelepa gore ke nagane ka bona, yi seng ka mokgo ne ba le ka gona ka matšatši ya bona ya mafelelo ho lefaseng, mara ka mokgo ba nyoko bang ka gona ka matšatši ya bona ya mathomo ga lefase la nyuwane. Tshepo yowa yi maka gore ke kgibe mo taba ya go kwa baba kela go hlokofalela ke motho yi ntshwarisiye ntshitshire.”

13. Re ka maka ying gore re thogo kraya moya wa go hlawolega?

¹³ “Le sa šitisi moya wa Modimo wa gore wo ho ga lune.” (1 Mathes. 5:19) Pawulo o yitseri moya wa go hlawolega wo bereka ho ga rune. Mo re sa wo šitisi gore wo make mmereko wa wona, re nyoko ba le matšato fote ra kwa di re tšhofa gore re make dilo gabutši le go ba le matšhika ya go berekela Jehova. (Marom. 12:11) Re ka maka ying gore re thogo kraya moya wa go hlawolega? Re ka rapela gore ba re neye wona, ra bala Lentsu la Modimo fote ra dula re na le mokgahlo wage wa gore o wo yetetsa ka moya wage. Mo re maka ka mokgonone, tsotsone di nyoko re gelepa gore re be le “diyengwa tsa moya wa go hlawolega.”​—Magal. 5:22, 23.

14. Di nyaka re kganele kgole le ying mo nkare re nyaka go dula re kraya moya wa go hlawolega wa Modimo? (Lebelela le sethombhe.)

¹⁴ Ka nthago ga gore Modimo a re neye moya wage wa go hlawolega, di nyaka re pasope gore re ‘sa šitisi moya wa Modimo wa gore wo ho ga rune.’ Modimo o neya moya wage fela bo ba gore  ba karakara ka matla gore ba dule ba nagana dilo tsa go yela le ba gore ba titshwara gabutši. A ka sa yi mahlong a re neya moya wage mo nkare re dula re nagana dilo tsa go sa yela re boya re di maka. (1 Mathes. 4:7, 8) Fote gore re dule re kraya moya wa go hlawolega, di nyaka re “sa make nkare diporofeto a di re selo.” (1 Mathes. 5:20) Ga temanyana yowa, lentsu “diporofeto” le rela le melayetsa ya gore yi tšwa ga Modimo a berekisa moya wage wa go hlawolega, go tokegela le ya go bolabola ka letšatši la Jehova le go yakgoswa ga dinako tsa rune. A re tseyi gore letšatši la Jehova kela Aremaghedoni yi ka sa segele ka dinako tsa mo rune re sa phela. Mara, re šupetsa re tseya gore yi nyoko makega go se botala​—re dula re nagana ka yona​—ka go dula re tshwaraganne ka “tso tsa go tlalela ga Modimo” ka moka matšatši.​—2 Pet. 3:11, 12.

15. Re ka maka byang gore re sa lahletsi ke ditaba tsa gore a yi tsona le matsaka ya gore ma kutšetsele ke madimona? (1 Mathesalonika 5:21)

¹⁵ Go se botala, bo ba gore ba phigisa Modimo ba nyoko hlaya gore: “Go bebiye fote go tšhireletsegiye!” (1 Mathes. 5:3) Dilo tsa gore ba nyoko di hlaya tsa gore di kutšetsele ke madimona di nyoko tlala lefase ka mokana ga lona, di lahletsa batho ba go tlala. (Kut. 16:13, 14) Rune gee? Ba ka sa re tshokanyi mo re ka fo ‘nyakolla gore dilo ka mokana ga tsona ke nnete.’ (Bala 1 Mathesalonika 5:21.) Lentsu la Segerika la gore “nyakolla” ke mo ba le berekisa go hlatolla ka mokgo batho ne ba tutsa dilo tsa go tshwana le gholdi le silva gore ba thogo bona gore ayitsano ke tsa mannete. Nka taba lo di nyakang re tutsa tso re di kwang kela tso re di balang gore re thogo bona gore ke nnete. Taba yone ke mo yi le ye kgolo ga Mathesalonika, fote ga rune yi napa yi ba ye kgolo ka matla mo motšatšhamelo wo mogolo wo kene wo šutela. A di nyake re fo tshepa selo se sengwana le se sengwana, mara di nyaka re berekiseneng matšhika ya rune ya go nagana gore re thogo bona gore ayitsano dilo tso re di balang kela tso re di kwang le tso Bhayibele le mokgahlo wa Jehova wo di hlayang ke nnete. Mo re maka ka mokgonone, re ka sa lahletsi ke matsaka ya madimona.​—Diy. 14:15; 1 Thim. 4:1.

16. Re na le tshepo yifeng ya gore a re yi kamake, fote re tikemisele go go maka ying?

¹⁶ Re ya di tšiba gore batho ba Jehova ba nyoko phona motšhatšhamelo wo mogolo go le mogoba. Mara, mo di tla ga ye mongwana le ye mongwana wa rune, a re di tšibi gore la ka motshwana le re tshwarele difeng. (Jak. 4:14) Le mo re ka phela go šinye go segele motšhatšhamelo wo mogolo kela ra kgwa wo soko bane wo segela, re nyoko rufiwa ka lephelo la go ya go yye mo re ka fo dula re tshepega. Bo ba go tlotsiwa ba nyoko ba le Kreste ku legedimong. Dinku tse dingwana di ko ba di le ga lefase la gore ke pharadeyisi. Wa tšiba, nkare ka mokana ga rune re ka dula re lebelele tshepo ya rune ya go bafala stereka fote re dule re ramele letšatši la Jehova!