1-2. Jehova o mema malata yage ya go tshepega gore ma tle kaye?

 NE O ka re king mo motho ye mongwana a ka go butsisa gore, ‘Jehova king ho gago?’ O ka fo fetola ka gore, ‘Jehova ke Papaka, Modimo waka fote ke Monghanaka.’ Fote o ka nagana le ka mantsu ya mangwana yaa o ka ma berekisang gore o thogo hlatolla Jehova. Mara, ayitsano o mo tseya go le motho wa gore a ka go yamogela o le sevakaši?

² Kgoši Dafita o tshwanisiye Jehova le motho wa go yamogela divakaši ke mokane a tshwanisa bo ba rapelang Jehova ka go tshepega le divakaši Tsage. O yye a re: “Wene Jehova, mara go ka vakaša mang letenteng lago? Ke mang a ka dulang thabeng yago ya go hlawolega?” (Pis. 15:1) Ga temanyana yowa, re tšhuta gore di ya kgonega gore re be divakaši tsa Jehova re boye re be banghana bage. Ayitsano tsotsone a di šupetse gore Jehova o ro re mema?

JEHOVA O NYAKA GORE RE BE DIVAKAŠI TSAGE

3. Ke mang wa gore ke mo go le sevakaši sa Jehova sa mathomo fote Jehova le sevakaši sage ne ba tikwa byang?

³ Jehova ke mo a le ntoši mo a soko bane a maka dilo ka mokana ga tsona. Mara o yye a yamogela Morwayi wage wa letšibula ga letente lage la go fo tshwanisela. Jehova ke mo a jabodiye ka matla ga taba ya gore ke la mathomo a yamogela sevakaši. Bhayibele yi re Jehova ke mo a mo “nyaka ka matla” ga Morwayi wage. Phela sevakaši sone sage ke mo se ‘dula se jabodiye mo se na le Jehova.’—Diy. 8:30.

4. Jehova o yye a mema bomang ka nthago gore ba be divakaši ga letente lage?

 ⁴ Jehova a ya mahlong a maka le mangeloyi, a ma mema gore le wona go be divakaši tsage. Mangeloyi yage ba re ke “barwayi ba Modimo” fote ba ma hlatolla ma jabodiye mo ma na le Jehova. (Jobo 38:7; Dan. 7:10) Go fediye mengwagangwaga banghana kela divakaši tsa Modimo go le bo ba dulang ku legedimong fela. Ka nthagonyana, a maka batho ho lefaseng ke mokane le bona gwa ba banghana bage. Mo nako yi kene yi takamela, ga batho bo ne a kwana nabo ka matla ne go le Inoko, Nnowa, Abhrahama le Jobo. Ka taba la gore ne ba mmerekela ba tshepega ne ba re ke banghana ba Modimo kela ba gore ba sepela “le Modimo wa mannete.”—Gen. 5:24; 6:9; Jobo 29:4; Jes. 41:8.

5. Re ka tšhuta ying ga seporofeto so se leng ga Hezekiyele 37:​26, 27?

⁵ Ku botala, Jehova o yye a ya mahlong a kene a mema banghana bage gore go be divakaši tsage. (Bala Hezekiyele 37:​26, 27.) Mo re beyisa, ga seporofeto sa Hezekiyele re tšhuta gore Modimo o nyaka gore bo ba mo rapelang ba kene ba tshepega ba be le senghana sa thina naye. O tshepisiye gore o nyoko maka “kwano ya go beba nabo.” Seporofeto sone se rela ka nako ya mo bo ba nang le tshepo ya go phela legedimong le bo ba nang le tshepo ya go phela ho lefaseng ba nyoko bang ba le selo ka ssoši ga letente la Jehova ba le “morape ka wwoši.” (Joh. 10:16) Phela nako ya gona ke yonowa!

MODIMO O RE PASOPA GO GONGWANA LE GO GONGWANA MO RE LENG

6. Motho a ka ba sevakaši letenteng la Jehova ka mokgo mang fote letente lage le krayega kaye?

⁶ Ka dinako tsa Bhayibele kela ku botala, letente la motho ne go le poleke ya gore a ka khutsela ga yona a boya a tšhireletsega le mo bo ka sa byang. Ye a vakašiyeng ka letenteng la ye mongwana ne a lebelela ye a mo vakašeleng gore a mo pasope. Mo re tineyela ga Jehova, re fetsa re ba divakaši letenteng lage. (Pis. 61:4) A re hloki selo ga taba ya go maka gore senghana sa rune le Jehova se dule se tiyye fote re na le senghana le ba bangwana ba gore le bona ba thomisiye go ba divakaši tsa Jehova. Batho ba dinaga ka mokana ga tsona ba ka ba divakaši ka letenteng lage. Di ka makega gore o yye wa vakašela ga naga ye nngwana ke mokane wa ya mogahlanong wo mogolo ga gore o gahlanne le ba bangwana ba gore ba jabolela go ba ka letenteng la Modimo. Letente la Jehova le go gongwana le go gongwana mo malata yage ya go tshepega ma leng gona.—Kut. 21:3.

7. Ke ntaba re re bo ba gore ba kgwile ba tshepega, ba sa na ba le divakaši letenteng la Jehova? (Lebelela le sethombhe.)

 ⁷ Byalo re re king ka ba go tshepega ba gore ba šele ba kgwile? Ayitsano re ka fetsa ka gore go sa le divakaši ga letente la Jehova? Eya! Ke ntaba re reyane? Ka taba la gore Jehova o sa na a ba gopola, gage ba sa phela. Jeso o yi beyye ka gore: “Ga taba yela ya mohlare wa go dura mollo, Moše o hlayye gore bo ba gore ba kgwile ba nyoko tsusiwa, nakwela a bitsa Jehova gore ‘ke Modimo wa Abhrahama, wa Isaka le wa Jakobo.’ Modimo a yi Modimo wa batho ba gore ba kgwile, mara ke Modimo wa batho ba go phela ka taba la gore gage baa phela ka mokana ga bona.”—Luk. 20:​37, 38.

KE DILO DIFENG TSO RE NYOKO DI KRAYANG MARA RE TSHWANELE RE MAKE YING?

8. Di re berekela ka mokgo mang go ba ka letenteng la Jehova?

⁸ Letente la Jehova le tšhireletsa divakaši tsage ga se sengwana le se sengwana sa gore se ka kwaletsa senghana so a nang naso nabo fote le ba neya tshepo ya mannete ka tsa ku mahlong. Mo re ka dula re le thina le Jehova, Sathane a ka sa re kwaletsi go ya go yye nkare o ro šitela dinhlwa. (Pis. 31:23; 1 Joh. 3:8) Ga lefase la nyuwane, Jehova o nyoko fo ya mahlong a kene a tšhireletsa banghana bage ba go tshepega ga malalakwayele ya gore ma ka kwaletsa senghana sage nabo a boya a ba tšhireletsa le mong ga likgu.—Kut. 21:4.

9. Jehova o nyaka gore divakaši tsage di titshware byang?

⁹ Wa tšiba ke taba ye kgolo ka matla gore motho a tikraye a le sevakaši ga letente la Jehova ga gore re ba le senghana naye sa gore a yi sa mokokotelo. Di nyaka re titshware byang mo nkare re nyaka go dula re le divakaši tsage? Mo nkare ba go memme legayeng la ye mongwana, nnete o nyoko nyaka go tšiba gore mong wa legaye lone o jabolela gore o titshware byang. Mo re beyisa, a ka nyaka gore o šiye diyeta mo o kena ho monyako fote wene o nyoko maka tsotsone go se na mo go babang. Go fo tshwana le ga Jehova re nyaka go tšiba gore bo ba nyakang go ya mahlong ba le divakaši ga letente lage o nyaka ba make ying. Ka mokgo re nyakang Jehova ka gona di re tšhofa gore re make so re ka so kgonang gore “a thogo jabola.” (Makol. 1:10) Fote mo re kene re tseya Jehova go le Monghana wa rune ka mokgonone, re napa re fahlologa re di bona gore ke Modimo wa rune le Papa wa gore di ya mo tshwanela gore re mo hlompe. (Pis. 25:14) Barena, di nyaka re dule re gopola taba ya go mo hlompa, re sa lebale gore ke mang. Mo re mo hlompa ka mokgonone, tsotsone di nyoko re gelepa gore re kganele kgole le mokgwa wa gore wo nyoko mo kwisa go baba. Nnete re ro di nyaka ‘go sepela re tinyanafatsiye’ le Modimo wa rune.—Mmik. 6:8.

JEHOVA NE A SA HLAWOLE MAISRAYELE

10-11. Ka mokgo Jehova a yyeng a berekisana le Maisrayele ku mašahleng ya Sinayi, di šupetsiye byang gore aa hlawolane?

¹⁰ Jehova o tshwara divakaši tsage ka mokgwa wa go šupetsa go sa hlawolane. (Marom. 2:11) Re ka tšhuta tsa go tlala ga Jehova mo re lebelela ka mokgo a yyeng a tshwara Maisrayele ku mašahleng ya Sinayi.

¹¹ Ka nthago ga mo Jehova a yye a phonisa batho bage bobhantiting ku Egepita, o yye a kgeta moprista gore a bereke tabarenakeleng. O kgetiye Malifi gore ma make mebereko ye mengwana ka tabarenakeleng. Ayitsano Jehova ne a hlupega ka matla ka bo ne ba bereka tabarenakeleng kela bo ne ba dula thina nayo, a se na taba le ba bangwana? Dho! Jehova aa hlawolane.

12. Ka mokgo Jehova a yyeng a tshwara Maisrayele ku mašahleng di šupetsa byang gore aa hlawolane? (Eksoda 40:38) (Lebelela le sethombhe.)

 ¹² Ye mongwana le ye mongwana wa gore ke Leisrayele o thulegele ke lešuba la gore a jabolele senghana le Jehova di sa yi ka gore o bereka tabarenakeleng kela o dula thina nayo. Mo re beyisa, Jehova o yye a maka gore setšhaba ka mokana ga sona se thogo bona liru le mollo wa gore ne wo bonala wo tšwa ka tabarenakeleng wo tupela gedimo. (Bala Eksoda 40:38.) Mo liru le thomisa go yarogela go gongwana le bo ne ba dula kgole le tabarenakele ne ba kgona go di bona ke mokane ba paka dijumbhane tsa bona, ba phuta matente ya bona ba phanakela le setšhaba ka mokana ga sona so ne se le gona. (Dip. 9:​15-23) Batho ka mokana ga bona ne ba thogo kwa modumo wa diporompeta ka dipedi tsa silva di ba tl’lokela gore byalo ke nako ya gore ye mongwana le ye mongwana a ka thomisa go sepela. (Dip. 10:2) Di fo ba lekgwaying gore tsa gore motho o dula thina le tabarenakele a di rele gore ke yene a nang le senghana sa thina ka matla le Jehova go phala ba gore ne ba dula kgole nayo. Mara, ye mongwana le ye mongwana wa gore ke Leisrayele a ka ba sevakaši sa Jehova a sa kamake gore O nyoko mo yetetsa a boya a mo tšhireletsa. Di fo tshwana le lekgono, di sa yi ka gore re dula kaye ho lefaseng, Jehova o re nyaka ka matla, wa hlupega ka rune fote wa re tšhireletsa.

LE LEKGONO JEHOVA AA HLAWOLANE

13. Ke ntaba re ka re Jehova aa hlawolane le lekgono?

¹³ Lekgono malata ya Modimo ya mangwana ma dula thina le ntlo ye kgolo ya lefase kela thina le ofisi ya lekala ya Dihlatse Tsa Jehova. Hala ba bangwana ba bereka ga dipoleke tsone. Phela bobone ba ka tšhela letsogo ga mebereko yo yi makiwang polekeng yone ba boya ba ro nghanelana le ba gore ba yeta mahlong gana hone. Ba bangwana ba bereka go le bapotulugi kela ba bereka mmereko wa go hlawolega wa nako ka moka. Mo nkare o wela ga ba go tlala ba gore gana byalo a ba ga mmereko wone, o sa kamake gore Jehova o re nyaka ka matla ka mokana ga  rune re le divakaši tsage tsa gore o di yamogele. Fote o pasopa ye mongwana le ye mongwana ka tso a di gayelang. (1 Pet. 5:7) Jehova o neya malata yage ka mokana ga wona tso tsa Modimo, wa ma yetetsa a boya a ro ma tšhireletsa.

14. Mokgwa wo mongwana wa gore Jehova o šupetsa go sa hlawolane ke wofeng?

¹⁴ Se sengwana so se šupetsang gore Jehova aa hlawolane ke gore o makiye gore batho lefaseng ka mokana ga lona ba thulegele ke lešuba la go bala Bhayibele. Botala Mangwalo ya go Hlawolega ne ba ma ngwadiye ka kararo ya mebolabolo ke yowa: Seheberu, Searamo le Segerika. Ayitsano bo ne ba kgona go bala Bhayibele ka mebolabolo yowa ya botala ne ba na le senghana sa thina ka matla le Jehova go phala bo ba gore go fo re tshu? Awwa, le ka gonyana.—Mat. 11:25.

15. King so re ka šupetsang ka sona gore Jehova aa hlawolane? (Lebelela le sethombhe.)

¹⁵ Jehova aa re yamogele ka taba la gore re tšhutegiye kela re tšiba mebolabolo. Jehova aa neyi ba go tšhutega fela go hlalefa ga go tšwa gage mara o neya motho ye mongwana le ye mongwana ho lefaseng a tšhutegiye kela a sa tšhutega. Lentsu lage Bhayibele ba le hlatolliye ka mebolabolo ya go tlala ka matla gore tso le di tšhutisang di thogo berekela batho ho lefaseng fote ba tšhute le gore ba ka maka byang gore ba be banghana bage.—2 Thim. 3:​16, 17.

DULA O “YAMOGELA” KE JEHOVA

16. Mebereko 10:​34, 35, yi re re ka maka byang gore Jehova a dule a re yamogela?

¹⁶ Phela ke mong taba ye kgolo go yamogela ke Jehova o le sevakaši ga letente lage la go fo tshwanisela. O makelana tsa gabutši, o nyakanana ka matla fote o yamogela divakaši a sa kokole. Se sengwana ke gore aa hlawolane, o re yamogela ka mokana ga rune di sa yi ka gore re dula kaye, re golele kaye, re tšhutegiye kela a re ya tšhutega, re ba mohlobo mang, re ba setšo sefeng, o le monna kela mosadi. Mara Jehova o yamogela bo ba mo theetselang fela gore ba be divakaši tsage.—Bala Mebereko 10:​34, 35.

17. Ke kaye mo re ka krayang ditaba tsa go tlala ga taba ya go ba sevakaši ga letente la Jehova?

¹⁷ Ga Pisalema 15:​1, Dafita o yye a butsisa putsiso a re: “Wene Jehova, mara go ka vakaša mang letenteng lago? Ke mang a ka dulang thabeng yago ya go hlawolega?” Mopisalema ba yye ba mo hlohletsela gore a fetole diputsiso tsone. Hlogotaba ya go latela yi nyoko petapeta ka dilo tse dingwana tso re tshwaneleng re di make gore re jabodise Jehova fote re dule re le banghana bage.