1. King so se gelepang batho ba Jehova gore ba ye mahlong ba mo rapela le mo ba kene ba gahlana le dintshitshire?

 “DINAKO tsa go baba ka matla tso go thathafang go lebana natso”—nka mokgo Bhayibele yi hlatollang matšatši yawa re phelang ga wona. (2 Thim. 3:1) Go tokegela ga dintshitshire tso batho ka mokana ga bona ba gahlanang natso ga lefase lowa, batho ba Jehova ba lebeletsanne le taba ya go phigisiwa le go hlupegisiwa. King so se re gelepang gore re ye mahlong re rapela Jehova le mo re kene re wela ke mathatha yawa? Selo se segolo ke gore re šele re di bonne mo Jehova a re gelepa fote re ya di tšiba gore ke “Modimo wa go phela.”—Jer. 10:10; 2 Thim. 1:12.

2. King so re se tšibang ka Jehova sa gore se ka re neya matšhika?

² Jehova ke Motho wa mannete wa gore wa re gelepa mo re gomele ke dintshitshire fote o dula a nyakana le mašuba ya gore a re thege. (2 Dikor. 16:9; Pis. 23:4) Mo re dula re gopola gore Modimo wa tihlupa ka rune fote o dula a tikemisele gore a re gelepe, re nyoko ba le matšhika ya gore re tiyisele tsa go re liketsa. Lebelela ka mokgo taba yowa yi yyeng ya šupetsa gore ke nnete ga Kgoši Dafita.

3. Anthe Dafita ke mo a ra gore king mo a re “Jehova wa phela”?

³ Dafita ke mo a mo tšiba gabutši ga Jehova fote ne a tisamele ka yene. Mo manaba yage ma mo nyaka fase, go tokegela le Kgoši Sawulo, Dafita o yye a rapela Jehova gore a mo gelepe. (Pis. 18:6) Ka nthago ga gore Modimo a fetole thapelo yage le go mo phonisa, Dafita o yye a yahlamela a re: “Jehova wa phela!” (Pis. 18:46) Phela mo Dafita a šinya a hlaya mantsu yawa, ne a sa rele gore Modimo o fo ba gona nje. Puku ye nngwana yi hlaya gore Dafita ne a tshepela ga Jehova “go le Modimo wa go phela wa gore o dula a gelepa batho bage.” Eya, Dafita o di bonne ka tso a gahlanneng  natso gore Modimo wage wa phela, fote go dumela ga taba yone go besetsiye go tikemisela gage gore a berekele Jehova le go mo thanaka.—Pis. 18:28, 29, 49.

4. Mo re tseya Jehova go le Modimo wa go phela, tsotsone di re berekela ka mokgo mang?

⁴ Mo re sa kamake le ka go twii gore Jehova ke Modimo wa go phela, tsotsone di ka re gelepa gore re mmerekele ka matšato. Re nyoko ba le matšhika ya gore re tiyisele dintshitshire fote ra kwa di re tšhofa gore re ye mahlong re karakara ga mmereko wage. Fote re nyoko tikemisela go dula re le ho thina le Jehova.

MODIMO WA GO PHELA O NYOKO GO NEYA MATŠHIKA

5. King so se ka makang gore re sa tšhoge selo mo re gahlana le mathatha? (Mafilipi 4:13)

⁵ Wa tšiba, mo re ka fo sa lebale gore Jehova wa phela le gore o nyoko dula a re gelepa, re ko thogo tiyisela ntshitshire ye nngwana le ye nngwana di se na taba gore ke ye kgolo kela ke ye nyana. Ntshitshire ye nngwana le ye nngwana yo re gahlanang nayo ke meetši ya manyana ga Modimo wa rune. Phela ke wa Matšhika ka Moka, fote a ka re neya matšhika ya gore re tiyisele. (Bala Mafilipi 4:13.) Tsotsone di maka gore re sa tšhoge selo mo re gahlana le mathatha. Fote mo re di bona tsa gore Jehova wa re gelepa ga dintshitshire tse dinyana, re napa re tshepa re tiyise gore o nyoko re gelepa le ga dintshitshire tse dikgolo.

6. Dafita o yye a gahlana le ying nakwela a sa gola tsa gore di napiye di maka gore a tshepele ga Jehova?

⁶ Lebelela dilo ka dipedi tso Dafita a yyeng a gahlana natso tsa gore di napiye di maka gore a tshepele ga Jehova. Mo Dafita a sa le mosogana wa go disa, go yye gwa tla bhere le tawu, ye nngwana le ye nngwana ya tseya nku ga morape wa papage. Ga dinako tsowa ka dipedi, Dafita o yye a šišimala ke mokane a lelekisa diphoolwane tsone ke mokane a phonisa dinku tsela. Mara, Dafita a sanka a tseya gore dilo tsowa o kgonne go di maka ka boyenemong. Ke mo a di tšiba tsa gore ke Jehova ye a mo neyyeng matšhika ya gore a thogo maka dilo tsone. (1 Sam. 17:34-37) Dafita a sanka a di lebala dilo tso di mo makegeleng. Mo a ghayela ka tsona, o napiye a sa kamake gore Modimo wa go phela o nyoko mo neya matšhika le ku mahlong.

7. Go tseya dilo ka mokgwa wa gabutši go gelepiye Dafita ka mokgo mang gore a thogo lwa le Gholiyate?

⁷ Ka nthago, mo Dafita go sa le mosogana mara a soko ba le 20 ya mengwaga, Dafita o yye a vakašela kampa ya masole ya Israyele. O krayye masole ma tšhugiye ka taba la gore segoboro sa Lefilisita so ba reng ke Gholiyate ne se kene se hlaya gore, “Nje mo ga masole ya Israyele go na le wa gore a ka lwa le nna?” (1 Sam. 17:10, 11) Masole yane ke mo ma tšhugiye ka taba la gore ne ma lebelele ka mokgo Gholiyate go leng ye mogolo ka gona fote ba tshosa ke dilo tso a di hlayang ga bona. (1 Sam. 17:24, 25) Mara, Dafita ke mo a sa tseye taba yone ka mokgonone. Dafita ke mo a di tšiba gore mo Gholiyate a poyilanya masole ya Israyele, gabutšibutši ke mo a rogelela “Modimo wa go phela.” (1 Sam. 17:26) Ke mo a nagana ka Jehova. Dafita ke mo a tshepa tsa gore Modimo ye a mo gelepiyeng nakwela go sa le wa go disa, o nyoko mo gelepa fote ga seyemo sowa. Phela Dafita o yye a lwa le Gholiyate a sa kamake le ka gonyana gore Modimo o na le yene, fote a go jiki, o yye a hlula!—1 Sam. 17:45-51.

8. King so se ka tiyisang tshepo ya rune ya gore Jehova o nyoko re gelepa mo re gahlana le dintshitshire? (Lebelela le sethombhe.)

⁸ Le rune re ka di kgona go lebeletsana le dintshitshire mo re ka sa lebale gore Modimo wa go phela o dula a tikemisele go re gelepa. (Pis. 118:6) Tshepo ya rune ya gore Jehova o nyoko re gelepa yi ka tiyelela mo re ka nagana ka tso a re makeleng tsona ku botala. Bala ditaba tsa ka ho Bhayibeleng tsa gore di go gopotsa ka mokgo Jehova a yyeng a phonisa bo ba mo rapelang. (Jes. 37:17, 33-37) Fote o lebelele dipego ga wepsayite ya rune ya jw.org tsa go šupetsa ka  mokgo Jehova a thegang magageru ka dinako tso tsa rune. Go tokegela gana hone, o nagane ka dinako tso Jehova a yyeng a go yemelela. Di sa nape di go šitisa go bo pata mo nkare a go na tse dikgolo tso di yyeng dya go makegela tsa go tshwana le go lwa le bhere kela tawu. Ke ntaba? So se šalang ke gore Jehova o go makele dilo tsa go tlala mo o kene o phela! O go gogiye gore o tle o nghanelane naye. (Joh. 6:44) Le gana byalo, ke wene yewa o sa na o kgona go mmerekela ka taba la gore o ro go gelepa. Byalo, mo kgopele ga Jehova gore a go gelepe o thogo gopola dinako tsa mo a yyeng a fetola merapelo yago, a go neya tso o di hlokang ka nako ya gona kela a go pasopa ga seyemo sa go thathafa ka matla. Go ghayela ka dilo tsa mošaga wowa go nyoko go gelepa gore o nape o dumela gore Jehova o nyoko fo ya mahlong a go gelepa.

9. Di nyaka re tseye dintshitshire ka mokgo mang? (Diyema 27:11)

⁹ Mo re tseya Jehova go le Motho wa go phela, tsotsone di nyoko re gelepa gore re thogo tseya mathatha ya rune ka mokgwa wa gabutši. Ka mokgo mang mara? Re napa re thomisa go tseya dintshitshire tsa rune go le sekopa se sengwana sa taba yela ye kgolo segareng ga Jehova le Sathane. Phela Diyabolo o re mo rune re na le tsa go re kgahleletsa, re nyoko mo lahla ga Jehova. (Jobo 1:10, 11; bala Diyema 27:11.) Mara mo re dula re tshepega ga Jehova le mo re kene re na le dintshitshire, re šupetsa gore ga Jehova re mo nyaka ka matla fote re napa re di beya lekgwaying gore Diyabolo o na le matsaka. Ayitsano ba mmušo baa go phigisa, kela o na le mathatha ya tšheleta kela batho bo o ba tšhomayelelang a baa yi kene ya ditaba tsa go bafala kela go ka ba go na le tse dingwana tsa go go liketsa? Mo nkare go ka mokgonone, o sa lebale gore seyemo sone se go thulela lešuba la gore o jabodise pelo ya Jehova. Fote o dule o gopola gore a ka sa go lisetse o tlela ke tsa go go liketsa tsa gore o ka sa kgone go di tiyisela. (1 Makor. 10:13) O nyoko go neya matšhika ya gore o thogo tiyisela.

MODIMO WA GO PHELA O NYOKO GO RUFA

10. Modimo wa go phela o nyoko ba makela ying batho bo ba mo rapelang?

¹⁰ Jehova o dula a rufa bo ba mo rapelang. (Maheb. 11:6) O maka gore re bebe le go kgotsofala  gana byalo fote o nyoko re neya le lephelo la go ya go yye ku mahlong. Re tshepa re tiyise gore Jehova o nyaka go re rufa fote o na le matšhika ya go maka ka mokgonone. Ka taba la tsotsone, re ya mahlong re mmerekela ka mokgo re ka kgonang go fo tshwana le ka mokgo malata yage ya ku botala ma yyeng ma maka ka gona. Ke tso Thimothi a yyeng a di maka.—Maheb. 6:10-12.

11. King so ne se tšhofa Thimothi gore a karakare ka matla ka phutegong? (1 Thimothi 4:10)

¹¹ Bala 1 Thimothi 4:10. Thimothi ke mo a tshepela ga Modimo wa go phela. Nka taba lo a yyeng a berekela Jehova ka matla a boya a berekela le ba bangwana. O di makiye byang tsotsone? Pawulo wa lepostola o yye a mo hlohletsela gore a ye mahlong a lokotša matšhutiselo yage tšhomong le ka phutegong. Fote Pawulo o butsiye Thimothi gore a be mošupetso wa gabutši ga magagabo, ba banyana le ba bagolo. Fote ne ba mo neyye mmereko wa gore wa thathafa, wo mongwana wa gona ke wa gore a wolole ba bangwana a tiyisiye letsogo mara a kene a šupetsa gore o ba nyaka ka matla. (1 Thim. 4:11-16; 2 Thim. 4:1-5) Thimothi ke mo a sa kamake gore Jehova o nyoko mo rufa le mo mmereko wo a wo makang ne wo sa bone ke motho kela ba bangwana ba wo tseyela fase.—Marom. 2:6, 7.

12. Ke ntaba bagolo ba dula ba bereka ka matla ka phutegong? (Lebelela le sethombhe.)

¹² Lekgono, bagolo le bona di nyaka ba sa kamake gore Jehova o bona mmereko wo ba wo makang fote o wo tseyela gedimo. Mo re tokegela ga mmereko wa go disa, wa go tšhutisa le wa go tšhomayela, bagolo ba go tlala ba thega mmereko wa go yaga fote baa gelepa mo nyarele dikotsi. Ba bangwana ba bereka ga Megoba ya go Vakašela ba go Lwala kela ga Dikomiti Tsa go Berekisana le Dipetlele. Bagolo ba gore ba dula ba tikemisele go gelepa ga mebereko ya go tshwana le yowa, ba tseya phutego go se ya motho nje, mara go le ya Jehova. Tsotsone di maka gore ba bereke ka matla ka phutegong fote a ba kamake gore Modimo o nyoko ba rufa ga tso ba di makang.—Makol. 3:23, 24.

13. Jehova o tikwa byang ka dilo tso re mo makelang tsona?

 ¹³ Ke nnete gore a yi batho ka moka bo ba ka bang bagolo. Mara ka mokana ga rune re ka neya Jehova se sengwana. Modimo wa rune wa jabola mo re maka ka mokgo re ka kgonang gore re mmerekele. Wa di bona mo re neyela re thega mmereko wa lefase ka moka le mo re na re sa kgone go ntsha ya go bonala. O jabola ka matla mo re yemisa letsogo megahlanong gore re fetole le mo re kene re tšhaba maahlo ya batho, fote wa jabola mo re tshwarela bo ba re gatiyeng dikhonse. Le mo o fo kwa nkare a o make tsa go tlala ga Jehova ka mokgo o nabelang go maka ka gona, mara o sa kamake gore yene Jehova o di tseyela gedimo ka matla tso o kgonang go mmakela tsona. O go nyaka stereka ka taba la tsotsone fote o nyoko go rufa.—Luk. 21:1-4.

DULA O LE HO THINA LE MODIMO WA GO PHELA

14. Mo re na le senghana sa thina le Jehova, tsotsone di nyoko re gelepa ka mokgo mang gore re dule re tshepega? (Lebelela le sethombhe.)

¹⁴ Mo nkare re na le senghana sa thina le Jehova, go nyoko ba moroba gore re dule re tshepega ho gage. Phela ke tso Josefa a yyeng a di maka. O yye a gana go maka bonghwahla a sa tshegatshege. Ke mo a di tšiba gore Jehova o yi tseya byang taba yone fote ne a sa nyake go mo kwisa go baba. (Gen. 39:9) Gore re thogo ba le senghana sa thina le Jehova, di nyaka re tipeyele nako ya go mo rapela le go tšhuta Lentsu lage. Tsotsone di nyoko maka gore senghana so re nang naso le yene se gole. Mo re na le senghana sa thina le Jehova go fo tshwana le Josefa, re ka sa make selo sa gore se ka Mo kwisa go baba.—Jak. 4:8.

15. King so re se tšhutang ga tso di makegeleng Maisrayele ku mašahleng? (Maheberu 3:12)

¹⁵ Bo ba gore ba lebala gore Jehova ke Modimo wa go phela, di ka ba lula ga bona gore ba sa sa mo tshepegela. Lebelela tso di yyeng dya makegela Maisrayele nakwela ma le ku mašahleng. Ke mo ma di tšiba gabutši gore Jehova o gona, mara ma yye ma thomisa go kamaka gore o nyoko ma neya tso ma di hlokang. Ye lune, ma yye ma šinya ma butsisa le gore: “Ayitsano Jehova o gona ho gare ga rune kela awwa?” (Ek. 17:2, 7) Ka nthago ga hone, ma yye ma jikela Modimo. A re kamake gore re nyaka go kganela kgole le mokgwa  wa bona wa go sa theetsele, wa gore ke mošupetso ga rune wa go re pasopisa.—Bala Maheberu 3:12.

16. King so se ka liketsang tumelo ya rune?

¹⁶ Lefase lowa le maka gore go be ntshitshire ga rune gore re dule re le ho thina ga Jehova. Ba go tlala ba gana taba ya gore Modimo o gona. Ga go tlala, di šupetsa nkare bo ba gore ba phagela melawo ya Modimo ku kgole ba tikwisa ka lephelo. Byalo, mo le rune re bona tsotsone di makega, tumelo ya rune yi ka liketsega. Le mo re na re tshepa gore Modimo o gona, re ka thomisa go kamaka gore a ka re gelepa. Ye a ngwadiyeng Pisalema 73 le yene go yye gwa ba le nako ya gore a tikwe ka mokgonone. O bonne batho bo ne a phela nabo ba sa yisi felo ka melawo ya Modimo fote ba tikwisa ka lephelo. Tsotsone di yye dya maka gore a thomise go tiputsisa gore di mo thuša ka ying go berekela Modimo.—Pis. 73:11-13.

17. King so se nyoko re gelepang gore re dule re ho thina le Jehova?

¹⁷ King so se gelepiyeng mopisalema yewa gore a tšhentšhe ka mokgo a tseyang dilo? O yye a ghayela ka dilo tso di ka makegelang bo ba gore ba lisetsa go tshepa Jehova. (Pis. 73:18, 19, 27) A boya a nagana ka dilo tso a nyoko rufegang ka tsona mo a berekela Modimo. (Pis. 73:24) Le rune re ka nagana ka mekgwa ka mokana ga yona yo Jehova a yyeng a re rufa ka yona. Ke mokane o nagane ka mokgo lephelo la rune ne le ko ba le le ka gona hala re sa berekele Jehova. Mo re ka sa lebale gore di gabutši ka matla ga rune gore re berekele Jehova, di nyoko re gelepa gore re dule re tshepega gage. Fote go tshwana le mopisalema yela, re nyoko hlaya gore: “Mo go le nna yene, go šutela thina le Modimo dya mperekela.”—Pis. 73:28.

18. Ke ntaba di nyaka re sa tshose ke tso di leng ku mahlong?

¹⁸ Re ka lebeletsana le ntshitshire ye nngwana le ye nngwana yo yi re tlelang ga dinako tsowa tsa mafelelo ka taba la gore ke rune “malata ya Modimo wa go phela le wa mannete.” (1 Mathes. 1:9) Modimo wa rune wa tihlupa ka rune fote o nyoko dula a re gelepa. Re di bonne gore ke mo a na le malata yage ya ku botala, fote o na le rune lekgono. Go se botala re ko ba re lebanne ke motšhatšhamelo wa go yi phala ka moka wo wo yyeng wa makega ho lefaseng. Mara re ko ba re se ntoši, Jehova o ko ba a na le rune. (Jes. 41:10) Nkare ka mokana ga rune re ka “šišimala ke mokane re re: ‘Ke gelepa ke Jehova, nka sa tšhabe selo.’”—Maheb. 13:5, 6.