1. Matewu 24:9 yi re ke ntaba di sa tshwanela go re makatsa mo lefase le re hloyye?

JEHOVA o re makiye ka mokgwa wa gore re di kgone go šupetsa batho ba bangwana gore re ya ba nyaka, le rune re kwe re nabela gore ba re šupetse gore baa re nyaka. Byalo mo motho a re hloyye, tsotsone di ka re kwisa go baba kela dya maka gore re dule re tšhugiye. Mo re beyisa, mogageru wa mosadi ye ba reng ke Georgina, wa go dula Yuropo o re: “Mo ke na le 14 ya mengwaga, mmane o yye a thomisa go nhloya ka taba la gore ke berekela Jehova. Ke yye ka kwa nkare a yi nna motho fote ke kwa nkare a ke make tsona.” * Mogageru ye mongwana ye ba reng ke Danylo o ngwadiye gore: “Masole ma yye ma nteya, ma nrogelela fote ma ntshosetsa ka taba la gore ke nna Hlatse ya Jehova, ke yye ka tšhoga ka matla, ka boya ka šala ke tšebiye.” Di kwisa go baba ka matla mo ba go hloyye ka mokgonone, mara a di re makatse. Ke botala Jeso a hlayye gore ba nyoko re hloya.—Bala Matewu 24:9.

2-3. Anthe malata ya Jeso ba ma hloyele ying?

² Lefase le hloyye malata ya Jeso. Ke ntaba? Ka taba la gore “a yi rune ba lefase lowa,” go fo tshwana le Jeso. (Joh. 15:17-19) Bo ba go lawola ba lefase lowa re ya ba hlompa, mara a re ba thinyele letolo kela go rapela dilo tso di yemelang memmušo ya bona. Re rapela Jehova a ntoši. Taba ya gore Modimo ke yene a ntoši ye a tshwaneleng go lawola batho re yi tseyela gedimo, fote selo sone, Sathane le ‘bana’ bage a ba kwane naso. (Gen. 3:1-5, 15) Re tšhomayela gore Mmušo wa Modimo ke wona fela wo batho ba ka tshepelang ga wona fote wo nyoko psyitlanya batho ka moka ba gore ba  phigisana nawo. (Dan. 2:44; Kut. 19:19-21) Tsone ke ditaba tsa go bafala ga bo ba go loka mara bo ba go sa loka ba psyile.—Pis. 37:10, 11.

³ Ba re hloyele le gore re phela ka melawo ya Modimo ya go loka. Melawo yowa, le ka gonyana a yi sipidisane le ya lefase lowa. Mo re beyisa, batho ba go tlala ba maka dilo tsa go silikisa tsa go tshwana le tso di makiyeng gore Modimo a fetse ka Sodoma le Ghomora! (Juda 7) Rune re latelela melawo ya Baebele ya go bolabola ka ditaba tsa mošaga wonone, byalo batho ba go tlala baa re poyilanya fote mo ba re lebelele, ba re a di tseyi!—1 Pet. 4:3, 4.

4. Re ka maka king gore re tiyelele mo batho ba re hloyye?

⁴ King tso di ka re gelepang gore re tiyisele mo batho ba re hloyye ba boya ba ro re rogelela? Di nyaka re tshepe gore Jehova o nyoko re gelepa. Tumelo ya rune yi tshwana le legawu “la go timanya mesefo ka moka ya go dura ya wa pelo ye phifadu.” (Maef. 6:16) A go nyake re be le tumelo yi ntoši. Di nyaka gore re nyakanane. Ke ntaba? Ka taba la gore mo motho o mo nyaka, ‘o ka sa mo tshware ka pelo.’ Go nyakanana go maka gore re kgone go tiyisela dilo tsa gore di re kwisa go baba. (1 Makor. 13:4-7, 13) Tla re boneneng gore mo re re ga Jehova re mo nyaka ka matla, ga magageru re ma nyaka ka matla, le mong manaba ya rune re ma nyaka ka matla, tsotsone di nyoko re gelepa ka mokgo mang gore re tiyisele le mo lefase le kene le re hloyye.

5. Jeso o mo nyaka ka matla ga Papage, tsotsone di mo tiyisiye byang?

⁵ Bošego bya mo manaba ya Jeso ma soko mmolaya, o butsiye malata yage ya go tshepega gore: “Ga Papa ke mo nyaka ka matla, [byalo] ke maka dilo tso Papa a yitsering ke di make.” (Joh. 14:31) Jeso o mo nyaka ka matla ga Jehova, tsotsone di mo tiyisiye gore a thogo yemela tso ne di nyoko mo phiriketsa ku mahlong. Mo ga Jehova re mo nyaka ka matla, le rune re ka tshwana naye.

6. Maroma 5:3-5 yi re malata ya Jehova ma tikwa byang mo ma kene ma tiyisela tso lefase le ma hloyeleng tsona?

⁶ Malata ya Jehova ma mo nyaka ka matla ga Modimo wa wona, go tlugisela botala taba yone yi kene yi ma gelepa gore ma tiyisele le mo ma hlorisiwa. Mo re beyisa, nakwela khota ye kgolo ya Majuda yi botsa mapostola gore ma lesetse go tšhomayela, ma yye ma šupetsa gore ma mo nyaka ka matla ga Modimo, ma kwa di ma tšhofa gore ma “theetsele Modimo ye a lawolang, ma sa theetsele batho.” (Meber. 5:29; 1 Joh. 5:3) Le lekgono lo, magageru ma sa na ma re go ka thusuga mo go thusugang, mara ma nyoko fo ya mahlong ma šupetsa Modimo gore ma mo nyaka ka matla, fote ya go tlala ma mo mamarela le mo memmušo yi ma maka lešidi. Tsa mošaga wonone a di re kgongwetse, mara re di tseya go le lešuba la go šupetsa gore re ko tiyiseleng le mo lefase le re hloyye.—Meber. 5:41; bala Maroma 5:3-5.

7. Re ka maka ying mo re phigisa ke mašaga?

⁷ Mo re phigisa ke mašaga, o ka kraya di baba ka matla. Mo re thomisa go tlalela ga tso tsa Modimo, mašaga ya rune ya mangwana ma ka tseya nkare re fukugiye. Ya mangwana ma ka tseya nkare se re ya yera. (Tshwanisa le Mar. 3:21.) Go gongwana o ka kraya ba mutši kela mašaga ba re teya kela ba re rogelela. Dilo tsowa a di ya tshwanela go re makatsa. Jeso o yitseri: “Motho o nyoko hloya ke bobo a dulang nabo ka ho ntlong.” (Mat. 10:36) Le mo mašaga ya rune ma ka re hlupegisa byang, a re ma tseye go le manaba ya rune. Mo re tikwa gore ga Jehova re napa re mo nyaka tsela tsa nkare ke moka, re kwa le batho re thomisa go napa re kwana nabo ka matla. (Mat. 22:37-39) Mara re ka sa re re ko fo tšwa re šepisiye ka ho ga melawo le ditšhiko tsa Baebele go fo re re jabodise batho.

8-9. Mogageru ye mongwana wa mosadi o makiye king gore a sa thogathoge mo a kene a makiwa lešidi go baba?

⁸ Georgina, yela re bolabodiyeng ka yene ka ho kgakala, o yye a di kgona go fo yema a sa thogathoge le mo mmane wage a mo maka lešidi. Georgina o re: “Nna le mmane re thomisiye magahla  go tšhuta Baebele le Dihlatse tsa Jehova. Mara ka nthago ga kobodi ya dikgwedi, mmane o yye a njikela mo ke mmotsa gore ke nyoko ya megahlanong ya phutego. Ke yye ka di kwelela gore ke mo a na le go bolabodisana le bo ba go kgeloga fote ke mo a berekisa dilo tsa matsaka tso ne ba di hlaya mo a bolabola le nna. Ke mo a nrogelela, a n’goganya ka moriri, a n’wubelanya a boya a lahla le dipuku tsaka. Mo ke tshwara 15 ya mengwaga, ke yye ka kolobetsiwa. Mmane o leketsiye go nthibelela gore ke sa berekele Jehova ka go maka gore ke ye dula le dithaka tsaka tsa gore tse dingwana tsa tsona ke mo di kgokga didhraksi fote go le dikgohlane. Go phigisiwa di ya baba, ka matlamatla mo o maka ke motho wa gore ke yene a tshwaneleng go go pasopa fote a šupetse gore o go nyaka ka matla.”

⁹ Georgina o gelepiye king gore a tiyisele? O re: “Tšatši lela mmane a njikela, ke mo ke sa tšwa go fetsa go bala Baebele ka mokana ga yona. Ke mo ke tipona gore ke kraye mong yona nnete fote ke tikwile ke le thina ka matla le Jehova. Ke mo ke dula ke mo rapela fote ke mo a ntheetsela. Mo nkene ke sa dula le dithaka tsaka, mogageru ye mongwana wa mosadi o yye a re ke mo vakašele gaye gage ke mokane ra bala Baebele ggoši. Ka nako yonone, ke mo ke tiyisa ke magageru mo re le Holong ya Mmušo. Ne ba ntshwere nkare ke nna ngwan’a bona. Ke napiye ke di bona gore bo ba gore baa re phigisa ba ka sa mo hlule ga Jehova ka matšhika, le ka wweši a ka sa šutele.”

10. Re ka tshepa gore Jehova Modimo wa rune o nyoko dula a re makela ying?

¹⁰ Pawulo wa lepostola o ngwadiye gore a se šiyo selo so se ka re “yahluganyang le ka mokgo Modimo a re nyakang ka gona ga gore o go šupetsiye a berekisa Kreste Jeso Morena wa rune.” (Mrm. 8:38, 39) Re ka fo hlupegisiwa tsa senakonyana sosone, mara Jehova o nyoko fo dula a re kgomoletsa a boya a re neya le matšhika. Taba ya Georgina le yona yi re tšhutisa gore Jehova o dula a re gelepa a berekisa magageru ka ho phutegong.

11. Ga Johane 15:12, 13, Jeso o yitseri di nyaka malata yage ma šupetsane gore maa nyakanana, ke mo di nyoko ma gelepa ka ying tsotsone? Re beyisele.

¹¹ Bošego bya mo Jeso a soko kgwa, o yye a gopotsa malata yage gore ma nyakanane. (Bala Johane 15:12, 13.) Ke mo a di tšiba gore go nyakanana tsela tsa gore o ka šinya o kgwela motho di nyoko ma gelepa gore ma dule ma mamarelanne fote ma tiyisele le mo lefase le kene le ma hloyye. Yema re beyise ka phutego ya Thesalonika. Ba yi hlupegisiye yi sa fo thoma go ba gona. Mara magageru yane ma re beyisele gabutši ga taba ya go  tshepega le go nyakanana. (1 Mathes. 1:3, 6, 7) Pawulo o ma kutšetsele gore ma ye mahlong ma nyakanana ka matla, go šinye ‘go tlale tswi.’ (1 Mathes. 4:9, 10) Go nyakanana ne go nyoko ma tšhofa gore ma kgomoletse bo ba gore ba kgongwele le go tiyisa ba go lelemela. (1 Mathes. 5:14) Ba mo theetsele ga Pawulo ka taba la gore ga lengwalo lage la bobedi la gore o le ngwadiye mo go šele go fediye gana hala ga mongwaga, o yitseri: “Ka mokana ga lune le ya šupetsa gore le ya nyakanana fote go fo ya mahlong go kene go yeketsega.” (2 Mathes. 1:3-5) Go nyakanana go ba gelepiye gore ba tiyisele mo ba tsa go baba le go hlorisiwa.

12. Magageru ma šupetsiye byang gore maa nyakanana nakwela go na le ntwa ga poleke ye nngwana?

¹² Tseya ka tso di makegeleng Danylo, yela re bolabodiyeng ka yene, le mosadi wage. Mo go ba le ntwa mo ne ba dula gona, ba yye ba fo ya megahlanong ya phutego, ba karakara gore ba tšhomayele ka mokgo ba ka kgonang ba boya ba gelepa magageru ka tsa go ja tso ne ba le natso. Tšatši le lengwana masole ma yye gaye ga Danylo ma tshwere dithunya. Danylo o re: “Ma yitseri ke lesetse go ba Hlatse. Mo ke gana, ma nteyye fote ma maka nkare maa nthunya mara ma fo pumutsa ka ho gedimo ga hlogo yaka. Mo ma soko sepela, ma ntshosetsiye ma mpotsa gore ma nyoko boya ma tl’le reyipa mosadi waka. Mara magageru ma napiye ma re kalamisa setimela ra ya ga poleke ye nngwana. Nka sa tsoge ke lebele ka mokgo magageru yawa ma re šupetsiyeng gore maa re nyaka. Mo re segela ga poleke yone, magageru ya gana hone le wona ma re neyye tsa go ja, fote ma n’gelepa gore ke kraye mmereko le ga go dula! Sosone se makiye gore re thogo yamogela Dihlatse tse dingwana tsa gore ne di tšwa ku ga gore go na le ntwa di kene di tšhaba.” Dilo tsa mošaga wonone di re šupetsa gore go nyakanana ga Makreste go re gelepa gore re tiyisele le mo lefase le kene le re hloyye.

13. Moya wa go hlawolega wo re gelepa byang gore re tiyisele mo re kene re berekela Jehova le mo batho ba re hloyye?

¹³ Jeso o butsiye malata yage gore ma kwane le manaba ya wona. (Mat. 5:44, 45) Ayitsano di lula go di maka? Awwa! Mara re ka di kgona mo re gelepa ke moya wa Modimo wa go hlawolega. Ga diyengwa tsa moya wa go hlawolega go kena le go nyakanana, go lefisa pelo, go kwelana go baba, go beba le go titshwara. (Magal. 5:22, 23) Diyengwa tsowa di re gelepa gore re tiyisele le mo lefase le kene le re hloyye. Batho ba go tlala ba yye ba sa sa re phigisa ka taba la gore banna, basadi, bana kela mayagelane ba bona ba šupetsiye gore  ba na le diyengwa tsowa. Ba go tlala ba gore ke mo ba re phigisa gana byalo ke magageru. Mo nkare a di lula go kwana le bo ba gore ba go hloyele gore o berekela Jehova, rapelela moya wa go hlawolega. (Luk. 11:13) Fote o nape o tshepa gore tsela ya Modimo go nyoko fo dula go le mong yona ya gabutši.—Diy. 3:5-7.

14-15. Maroma 12:17-21 yi mo gelepiye byang ga Yasmeen gore a thogo šupetsa monnage gore wa mo nyaka le mo a kene a mo phigisa go baba?

¹⁴ Tla re bolaboleneng ka Yasmeen wa gore o dula Middle East. Mo a thomisa go ba Hlatse ya Jehova, monnage ne a nagana gore ba mo makiye bophokophoko ke mokane a leketsa go mo maka gore a sa sa berekela Modimo. O mo rogelele ke mokane a kgopela mašaga, moruti le wa go maka tsa masalamose gore ba mo tshosetse fote ba mmotse gore o tisinyela mutši wage. Monnage ke mo a yahlamela magageru a ma rogelelanya mo ma le megahlanong ya phutego! Yasmeen ke mo a fo dula a lla ka taba la gore monnage ke mo maka lešidi.

¹⁵ Magageru ke mo ma dula ma kgomoletsa Yasmeen ma boya ma mo tiyisa mo ba le Holong ya Mmušo. Bagolo ba yye ba mo hlohletsela gore a berekise mantsu ya ma leng ga Maroma 12:17-21. (Bala.) Yasmeen o re: “Ke mo ke di kwa gore ke goga kgole. Mara ke kgopele Jehova gore a n’gelepe fote ka maka so nka se kgonang gore ke berekise tso Baebele yi di hlayang. Monnaka ke mo a fo tšhela dithila ka bomu ka ku khišing a re o nntsha tšhinghi, mara ke mo ke fo di tlosa. Mo a nrogelela, ne ke mo fetola ke kgibiye. Fote le mo a lwala, ne ke mo pasopa.”

16-17. Taba ya Yasmeen yi go tšhutisa ying?

¹⁶ Yasmeen o rufegiye ka matla ka taba la gore o šupetsiye monnage gore wa mo nyaka. O re: “Monnaka o thomisiye go ntshepa ka taba la gore ke mo a di tšiba gore ke fo dula ke bolabola nnete. O thomisiye go ntheetsela a šupetsa gore wa nhlompa mo re bolabola ka sedumedi fote o dumele gore re phidisane gabutši. Matšatši yawa o nhlohletsela le gore ke ye megahlanong ya phutego. Gana byalo re šele re phidisana gabutši fote le ka mutšing wa rune gwa kwagala gore ke gaye. Ke nabela nkare monnaka a ka yamogela nnete fote ra berekela Jehova re le ggoši.”

¹⁷ Taba ya Yasmeen yi re tšhutisa gore mo motho o mo nyaka, o nyoko “kgohlelela dilo ka moka, . . . wa tshepa dilo ka moka, wa tiyisela dilo ka moka.” (1 Makor. 13:4,7) Go hloyiwa a go natefe fote go baba ka matla, mara sa go ba le matšhika ka matla ke mo re šupetsa ba bangwana gore re ba nyaka ka matla. O ka makala motho a thomisa a kgiba. Fote go jabodisa Jehova. Re ka jabola le mo manaba ya rune ma ka fo ya mahlong ma re hloyye. Byang?

18. Ke ntaba re ka jabola le mo lefase le re hloyye?

¹⁸ Jeso o yitseri: “Le nyoko jabola mo batho ba le hloya.” (Luk. 6:22) A re tikgetele gore lefase le re hloye. A di re jabodisi go hlupegisiwa ka taba la so re se dumelang. Byalo, ke ntaba re ka jabola le mo lefase le re hloyye? Tla re bolaboleneng ka dilo tsowa ka ditharo. Sa mathomo, Modimo wa re yamogela mo re tiyisela. (1 Pet. 4:13, 14) Sa bobedi, tumelo ya rune ya lokotšega ke mokane ya napa yi tiyelela. (1 Pet. 1:7) Sa boraro, re nyoko kraya patela ya go di phala ka moka—patela yone ke lephelo la go ya go yye.—Mrm. 2:6,7.

19. Ke ntaba mapostola ma yye ma jabola mo ba fetsa go ma teya?

¹⁹ Mo Jeso a šele a tsusiwwe, mapostola ma yye ma jabola ka mokgo ne a hlayye ka gona. Ma yye ma jabola le mo ba yye ba ma teya go baba le go butsiwa gore ma lesetse go tšhomayela. Ke ntaba? “Ka taba la gore ke mo ma badiwa le batho ba go poyidiwa ka taba la lebitso la [Jeso].” (Meber. 5:40-42) Ke mo ma sa tšhabe go šupetsa manaba ya wona ya gore ma ma hloyye gore ga Mong wa wona ma mo nyaka ka matla. Ma šupetsiye gore maa mo nyaka “ka go ya mahlong” ma tšhomayela ditaba tsa go bafala. Le lekgono, magageru ya go tlala ma ya mahlong ma berekela Modimo ma kene ma tshepega le mo go na le tsa go ma ghula. Maa di tšiba tsa gore Jehova a ka sa tsoge a lebele mmereko wo ma mo makeleng wona le ka mokgo ma šupetsiyeng gore ma kwana le lebitso lage.—Maheb. 6:10.

20. Re nyoko bolabola ka ying ga hlogotaba ya go latela?

²⁰ Solanka re sa phela ga lefase lowa, batho ba nyoko fo dula ba re hloyye. (Joh. 15:19) Mara tsone di sa re tshosanye. Ga hlogotaba ya go latela re nyoko tšhuta gore Jehova “o nyoko tiyisa . . . le go pasopa” bo ba gore baa tshepega. (2 Mathes. 3:3) Tla re sa lesetseneng go šupetsa Jehova, magageru le mong manaba ya rune gore re ba nyaka ka matla. Mo re ka maka dilo tsowa, re nyoko ba selo ka ssoši, ra ba le tumelo ya go tiya, ra maka gore Jehova a thanakiwe, fote ra šupetsa gore go nyakanana go na le matšhika ka matla go phala go hloyanana.