Ba bangwana ba gore ba f’lo bala taba yowa ka lebelo ba tiputsisa ka yona. Mara ditemanyana tsone di bolabola ka banna ka babedi ba gore ne ba tšibega ka lebitso lone la Mefibhošethe, fote re ka tšhuta se sengwana mo re ka fo nyakolla so se makegiyeng.

Kgoši Sawulo wa Israyele ke mo a na le kašupa ya barwayi le barwediya ka babedi. Morwayi wa matšibula wa Sawulo ke mo go le Jonathane. Ke mokane ka nthagonyana kgoši ya ba le morwayi ye mongwana ye ba reng ke Mefibhošethe, wa gore mmane wage ke mo go le mosadi ye mongwana wa Sawulo ye ‘ba reng ke Rizpah. Taba ya go makatsa ke gore, Jonathane le yene ne a na le morwayi wa gore le yene lebitso lage ke Mefibhošethe. Tsotsone di ra gore, Kgoši Sawulo ke mo a na le morwayi wa gore ne ba re ke Mefibhošethe a boya a na le setlogolo sa gore se tšibega ka lebitso lolone.

Neng-neng, Kgoši Sawulo o yye hloya Maghibhiyoni ya ne ma dula le Maisrayele ke mokane a liketsa go fetsa ka wona. Di fo ba lekgwaying gore ba go tlala ba yye ba bolayiwa. Taba yone a yi makiyeng ne yi sa loka le ka gonyana. Ke ntaba re reyane? Ka taba la gore ku botala ka dinako tsa bo Jošuwa, dindhuna tsa Maisrayele ke mo di makiye kwano le Maghibhiyoni gore go dule go bebiye segare ga bona.—Jošuwa. 9:3-27.

Kwano yone ba yi makiyeng ke mo yi sa bereka ka dinako tsa Kgoši Sawulo. Mara le mo go le ka mokgonone, kgoši o yye a fo ya mahlong a liketsa go fetsa ka Maghibhiyoni ka mokana ga wona. Tso a liketsiyeng go di maka di makiye gore “Sawulo le ba mutši wage ba be le molato wa madi.” (2 Sam. 21:1) Mafelelong, Dafita go yye gwa ba yene kgoši. Ke mokane Maghibhiyoni ya gore ma yye ma phona ma bolabola naye ka taba yone ya go befa. Dafita a ba butsisa gore go ka makiwa kwano yifeng gore go thogo lukisiwa tsa go befa tso Sawulo a di makiyeng gore Jehova a rufe naga ka mokana ga yona. Maghibhiyoni a sanka ma kgopela tšheleta mara ma yye ma kgopela gore go bolayiwe kašupa ya barwayi ba morene ne a “polanne go maka bošakašakane bya gore go fele ka bona.” (Dip. 35:30, 31) Dafita o yye a dumela go ba neya so ba se kgopeleng.—2 Sam. 21:2-6.

Ka nako yonone, Sawulo le Jonathane ke mo go šele go le botala ba kgwele ntweng, mara morwayi wa Jonathane go leng Mefibhošethe ne a sa phela. Nakwela a sa le ye monyana o yye a makegela ke kotsi ke mokane a golofala fote ne a sa yi kene taba ya kokwane wage ya go nyaka go fetsa ka Maghibhiyoni. Dafita ke mo a makiye kwano le Jonathane, fote kwano yone ne yi nyoko berekela bana ba bona re ra le yene Mefibhošethe morwayi wa Jonathane. (1 Sam. 18:1; 20:42) Ke mokane taba yone mo yi ya mahlong yi re: “Kgoši [Dafita] o šupetsiye gore o mo kwela go baba ga Mefibhošethe morwayi wa Jonathane yela wa gore ke morwayi wa Sawulo, ka taba la gore o yye a tshepisa mahlong ga Jehova.”—2 Sam. 21:7.

Le mo go le ka mokgonone, Dafita o yye a tshepega ga taba yo Maghibhiyoni ma yi kgopeleng. O yye a ba neya barwayi ka babedi ba Sawulo, ka wwoši wa gona ke mo ba re ke Mefibhošethe, le kapheta ya ditlogolo tsa Sawulo. (2 Sam. 21:8, 9) Ka mokgo Dafita a yyeng a maka dilo, go gelepiye gore naga yi sa sa ba le molato wa madi.

Tso di makegiyeng a yi fo ba taba ya tso di makegiyeng ku botala. Molawo wa Modimo ke mo o di beyye di kwagala gabutši. Ke mo wo re: “Bana a ba tshwanela go kgwela tso bopapa bona ba di makiyeng.” (Deut. 24:16) Jehova ne a ka sa di dumele tso di makegeleng barwayi ka babedi ba Sawulo le kapheta ya ditlogolo tsage mo nkare ne ba sa sinya selo. Molawo wone wo tokegela ka gore “Motho o ko kgwela tso yene beng a di sinnyeng. Di bonala nkare kašupa ya bana bowa ba Sawulo ba yye ba tšhela letsogo ga taba ya Sawulo ya go liketsa go bolaya Maghibhiyoni ka mokana ga wona. Ka taba la tsotsone, kašupa ya bana bone ne ba patela tso ba di sinnyeng.

Taba yowa yi šupetsa gore motho a ka sa make tsa go kekema a tshepiye gore o nyoko tiyemelele ka gore yene o f’lo maka tso ba yitsereng a di make. Seyema se yi beya ka mokgo: “Thakgelela mo mawoto yago ma nyoko sepelang gona, o ka sa kamake mo o yang.”—Diy. 4:24-27; Maef. 5:15.