1. Ke mokgwa wofeng wo Jobo a yyeng a napa a tšiba Jehova gabutši?

 MO RE lebelela dipolabodisano tso Jobo a yyeng a ba natso mo a kene a phela, ya go di phala ka mokana ga tsona ke yo a yyeng a ba nayo le Jehova Modimo. Ga polabodisano yone, Jehova o butsiye Jobo gore a lebelele dilo tsa go bafala tso A di makiyeng ke mokane tsotsone ne di nyoko gelepa Jobo gore a thogo tšiba ka mokgo Jehova a hlalefiyeng ka gona dya boya di maka gore Jobo a tshepe a tiyisiye gore Jehova a ka di kgona go neya malata yage dilo ka mokana ga tsona tso ma di gayelang. Mo re beyisa, Modimo o yye a gopotsa Jobo gore Yene o pasopa diphoolwane, byalo a ka sa šitegi go mo pasopa ga Jobo. (Jobo 38:39-41; 39:1, 5, 13-16) Mo Jobo a kene a lebelele hlago, o napiye a ro nyipa tsa go tlala ka mekgwa ya go bafala ya Modimo.

2. Ke ntaba ka dinako tse dingwana di ka re thathafela gore re lebelele tso Jehova a di makiyeng?

² Le rune re ka napa re ro nyipa ra tšhuta ka Modimo wa rune mo re kene re lebelele dilo tso a di makiyeng. Mara ka dinako tse dingwana di ka re thathafela go maka ka mokgonone. Mo nkare re dula toropong, re ka fo sa nape re di bona gabutši dilo tso Jehova a di makiyeng. Le mo nkare re dula magayeng, re ka fo kwa nkare a re na nako ya go lebelela hlago gabutši. Byalo, tla re petapeteneng ka gore ke ntaba di ka re berekela go karakara re boya re tineya nako ya go lebelela hlago. Re nyoko lebelela ka mokgo Jehova le Jeso ba berekisiyeng hlago gore ba tšhutise le gore rune re ka maka ying gore re thogo nyipa mo re kene re tšhuta ga hlago.

3. King so se šupetsang gore Jehova ne a nyaka gore Adamo a tikwise ka hlago?

³ Jehova ne a nyaka gore motho wa mathomothomo a tikwise ka tso A di makiyeng. Mo Jehova a maka Adamo, O mo neyye pharadeyisi ya go bafala gore a dule ga yona a boya a mo neya le mmereko wa gore a yi pasope le go yi gudisa. (Gen. 2:8, 9, 15) O fo nagana ka mokgo Adamo ne a jabodiye ka gona mo a kene a lebelele dipewu di thunya le mo mabhlomu ma thomisa go bhloma. Ye lune, phela Adamo ne ba mo neyye mmereko wo mogolo wa go pasopa tšhomo ya Edeni! Fote Jehova o yye a kgopela Adamo gore a reye diphoolwane tsa mohlobohlobo mabitso. (Gen. 2:19, 20) Phela Jehova nke a tireyele diphoolwane tsone mabitso, mara o yye a neya Adamo mmereko wone. A re kamake gore mo Adamo a soko bane a di reya mabitso, o yye a thomisa ka go di tšhuta, a lebelela ka mokgo di leng le ka mokgo di makang dilo. Adamo a ka fo ba a jabodisiye ke go maka mmereko wone. Mmereko wone wo mo thulele lešuba la gore a thogo kwisisa ka mokgo Papage a hlalefiyeng ka gona le ka mokgo dilo tso a di makiyeng di jabodisang di boya di ro bafala.

4. (a) King so se makang gore re šinye re lebelela hlago? (b) Wene o jabodisa ke dilo difeng tso di makiyeng ke Modimo?

⁴ Se sengwana so se makang gore re šinye re lebelele hlago nka taba la gore Jehova o nyaka re make ka mokgonone. O re botsa gore, “Lebelelaneng ku legedimong le thogo bona.” Ke mokane a butsisa gore: “Ke mang ye a makiyeng dilo tsowa?” Phetolo yi fo ba lekgwaying. (Jes. 40:26) Jehova o makiye dilo ka mokana ga tsona tso di leng legedimong le tsa ho lefaseng re ra le mong tsa gore di ka teng ga lewatle fote dilo tsowa ka mokana ga tsona di re tšhutisa ka yene. (Pis. 104:24, 25) O fo nagana ka mokgo Modimo a re makiyeng. O re makiye gore re thogo jabolela go lebelela dilo tsa go bafala tsa hlago. Fote o makiye gore re thogo bona, go kwa, go tshwara, go leka le go nkgelela—go leng dilo tso di re gelepang gore re thogo tikwisa ka dilo tsa mohlobohlobo tso a di makiyeng.

5. Maroma 1:20 yi re di ka re berekela ka mokgo mang go tšhuta ga dilo tso Jehova a di makiyeng?

⁵ Bhayibele yi re botsa ka taba ye nngwana ye kgolo yo yi makang gore re lebelele hlago. Yi re tšhutisa ka mekgwa ya Jehova. (Bala Maroma 1:20.) Mo re beyisa, lebelela dilo tso Jehova a di makiyeng o boye o bone ka mokgo a di makiyeng gabutši ka gona. Nje a di nape di šupetsa ka mokgo Jehova a hlalefiyeng? O fo nagana fote ka tsa go ja tsa mohlobohlobo tso re tikwisang ka tsona. Tsowa di napa di šupetsa gore Jehova o nyaka batho ka matla. Mo re bona mekgwa ya Jehova ga dilo tso a di makiyeng, re napa re mo tšiba gabutši fote go re tšhofa gore re šutele thina gage. Gana byalo tla re lebeleleneng mekgwa ye mengwana yo Jehova a yyeng a berekisa hlago gore a thogo tšhutisa batho dilo tse dikgolo.

6. Re ka tšhuta ying mo re lebelela dinonyane tsa gore di rurela ga poleke ye nngwana?

⁶ Jehova o tipeyela nako ga se sengwana le se sengwana. Mongwaga wo mongwana le wo mongwana go thomisa ka kgwedi ya February mo yi ya mafelelong go segela ka segare sa kgwedi ya May, Maisrayele ke mo ma bona dikenudi di pherera di ya lebowa. Modimo o butsiye Maisrayele gore le mong “kenudi ya ku legedimong yi tšiba sehla sa yona.” (Jer. 8:7) Go fo tshwana le mo Jehova a beyele dinonyane nako ya gore di rurele ga poleke ye nngwana, go fo ba ka mokgonone le ka nako ya gore a yahlule. Byalo, lekgono mo re kene re lebelele dinonyane tsa gore di rurela ga poleke ye nngwana, di re gopotsa gore ga Jehova re ka mo tshepa gore o beyye “nako ya gona” ya gore a fetse ka lefase lowa la go befa.—Habak. 2:3.

7. Re ka tšhuta ying ga mokgwa wo nonyane yi phererang ka wona? (Jesaya 40:31)

⁷ Jehova o neya malata yage matšhika. Jehova o berekisiye Jesaya gore a thogo tshepisa batho Bage gore o nyoko ba tiyisa gore ba “pherere ka mafofa go tshwana le segotšane” mo ba lelemela kela ba kgongwele. (Bala Jesaya 40:31.) Maisrayele ke mo ma tlwayele go bona digotšane di pherera di ya gedimo di sa nape di phaphata mafofa ya tsona ka matla. Taba yowa yi re gopotsa gore Jehova a ka re neya matšhika go fo tshwana le mo a neya dinonyane tsowa matšhika! Mo o bona nonyane ye kgolo yi pherera yi ya ku malenghelengheng yi sa phaphate mafofa, dula o gopola gore Jehova a ka go neya matšhika ya gore o thogo teya o feta ga mathatha ya ma go tlelang.

8. Jobo o tšhutiye ying ka go fo lebelela dilo tso Modimo a di makiyeng fote rune re ka tšhuta ying?

⁸ Jehova o nyaka re tshepa yene. Jehova o gelepiye Jobo gore a nape a kikitele tshepo yage Gage. (Jobo 32:2; 40:6-8) Nakwela Modimo a bolabodisana le Jobo, o bolabodiye ka dilo tsa go tlala tso A di makiyeng, gana hone go kena le dinanedi, maru le magadima. Fote Jehova o bolabodiye ka diphoolwane tsa go tshwana le nare le pera. (Jobo 38:32-35; 39:9, 19, 20) Dilo tsowa ka mokana ga tsona, a dya fo šupetsa fela gore Modimo o na le matšhika mara di napiye di yi beya lekgwaying taba ya gore wa nyakanana fote o hlalefiye la go sa hlayisege. Polabodisano yowa yi makiye gore Jobo a nape a mo tshepa ga Jehova tsa nkare ke moka. (Jobo 42:1-6) Go fo ba ka mokgonone mo re tšhuta ga hlago, re napa re gopola taba ya gore Jehova o re phala kgole ka go hlalefa fote o na le matšhika ya go re feta. A ka di kgona go fetsa ka mathatha ya rune fote o nyoko fetsa mong go fetsa ka wona. Taba yowa ya gore fote ke nnete yi ka re gelepa gore re tiyise tshepo ya rune gage.

9-10. King so letšatši le pula di re tšhutisang sona ka Jehova?

⁹ Phela Jeso ne o ka sa mmotse selo mo di tla ga hlago. O yye a bereka go le “segele” a na le Papage mo A maka legedimo le lefase. (Diy. 8:30) Ka nthagonyana, nakwela Jeso a le ho lefaseng, o berekisiye hlago gore a thogo tšhutisa malata yage ka Papage. Lebelela tse dingwana tsa tso a yyeng a di tšhutisa.

¹⁰ Jehova o šupetsa batho ka mokana ga bona gore o ba nyaka ka matla. Ga tso ne a di Tšhutisa a le Thabeng, Jeso o bolabodisanne le malata yage ka letšatši le pula, go leng dilo tsa gore batho ba go tlala a ba nagane ka tsona kela a ba di tseyele gedimo. Dilo tsowa ka dipedi re ya di hloka gore re thogo phela. Phela Jehova nke a konne batho ba gore a ba nyake go mmerekela dilo tsowa. Mara, o fo ya mahlong a ba hlabisela letšatši le go ba nisela pula ka mokana ga bona. (Mat. 5:43-45) Jeso o berekisiye taba yowa gore a thogo tšhutisa malata yage gore Jehova o nyaka gore re šupetse batho ka mokana ga bona gore re ba nyaka ka matla. Mo re kene re jabolela go bona letšatši le kgwalala kela re bona pula yi na, re ka nagana ka mokgo Jehova a šupetsang batho ka moka gore o ba nyaka ka matla. Mošupetso wage wo ka re  tšhofa gore re šupetse gore re ya nyakanana ka go tšhomayelela batho ka mokana ga bona.

11. Go lebelela dinonyane go ka re tiyisa ka mokgo mang?

¹¹ Jehova o re neya tso re di hlokang gore re thogo phela. Ga tso Jeso ne a di tšhutisa a le ku thabeng, o hlayye le gore: “Lebelelaneng dinonyane tsa ku magedimong, a di limi kela go buna, kela go hlekeletsa mabele ka teng ga seralo, mara Papa wa lune wa magedimong wa di pasopa.” Di ka makega gore bo ne ba theetsele Jeso ne ba kene ba lebelele dinonyane di kene di pherera gedimo mo a ba butsisa gore: “Ayitsano lune a ka sa le pasope go di phala?” (Mat. 6:26) Ye lune, phela wowa ke mokgwa wa go re šupetsa le wa go maka gore re sa kamake le ka gonyana gore Jehova o nyoko re neya tso re di hlokang! (Mat. 6:31, 32) Taba yowa ya gore re ka tšhuta ga hlago yi fo ya mahlong yi tiyisa malata ya gore maa tshepega. Mogageru ye mongwana wa mosadi wa gore ke mošupatsela wa ku Spain, ne a tikwa a kgongwele ka taba la gore ne a sa kraye poleke ya gabutši ya go dula. Mara ka nthago ga gore a bone dinonyane di ja dipewu le dilo tsa go tshwana le morubheyi, o yye a tikwa a kgibiye. O re, “Dinonyane tsone di n’gopotsiye gore Jehova wa di pasopa fote le nna o nyoko fo mpasopa.” Ka nthagonyana ga hone, mogageru yene wa mosadi o yye a kraya poleke ya go dula.

12. Matewu 10:29-31 yi re ditiyane di ka re tšhutisa ying ka Jehova?

¹² Jehova o tseyela gedimo ye mongwana le ye mongwana wa rune. Mo Jeso a soko bane a layelela mapostola yage gore ma ye tšhomayeleng, o ma gelepiye gore ma hlule letšhogo la gore ba nyoko ma phigisa. (Bala Matewu 10:29-31.) Tsotsone o di makiye ka gore a bolabole ka dinonyane tsa gore ne ba di tlwayele ka matla ku Israyele, go leng ditiyane. Dinonyane tsone ne ba di tseyela fase ka dinako tsa Jeso. Mara o butsiye malata yage gore: “Le ka yyoši yi ka sa wele fase Papa wa lune a sa di tšibi.” Ke mokane a tokegela ka gore: “Lune le phala ditiyane tsa go tlala.” Jeso ne a gelepa malata yage gore ma sa kamake gore Jehova o tseyela lelata le lengwana le le lengwana gedimo, byalo ne go se na so se ka makang gore ba tšhabe go hlorisiwa. A re kamake gore malata ya Jeso ne ma gopola mantsu yage mo ma bona ditiyane ma kene ma tšhomayela ditoropong le magayeng. Byalo, mo o bona nonyane ye nyana, di nyaka o gopole gore Jehova o go tseyela gedimo ka taba la gore le wene o “phala ditiyane tsa go tlala.” Mo o thega ke yene, o ka sa tšhabe selo mo ba bangwana ba go phigisa.—Pis. 118:6.

13. Re ka gelepa king gore re thogo tšhuta tse dingwana ga hlago?

¹³ Re ka tšhuta dilo tse dingwana tsa go tlala ka Jehova ga hlago. Byang mara? Sa mathomo, di nyaka re tineye nako ya gore re lebelele hlago. Sa go latela, di nyaka re nagane gore yi re tšhutisa ying ka Jehova. Di ka fo ba di se lula gore re make dilo tsowa. Mogageru wa mosadi ye ba reng ke Géraldine wa gore o tšwa hala Cameroon o re, “Ke gulele toropong, byalo ke mo di nyaka gore ke liketse ka matla gore ke lebelele hlago.” Mogolo ye mongwana ye ba reng ke Alfonso o hlatolla gore, “Ke tšhutiye gore di nyaka ke beye nako ya gore ke be ntoši gore ke thogo lebelela hlago ya Jehova ke  boye ke ghayele ka tso yi ntšhutisang tsona ka yene.”

14. King so Dafita a se tšhutiyeng mo a kene a ghayela ka hlago ya Modimo?

¹⁴ Dafita o yye a ghayela ka dilo tso Jehova a di makiyeng. O butsiye Jehova gore: “Mo ke bona magedimo yago, mmereko wa dinwana tsago, ngwedi le dinanedi tso o di makiyeng, motho wa nama le madi go ro ba ying mo o šinya o mo gopola, ke ra le morwayi wa motho mo o šinya o mo pasopa?” (Pis. 8:3, 4) Mo Dafita a lebelele sebakabaka bošego, aa f’lo jabolela go lebelela dinanedi fela. Mara ke mo a ghayela ka gore dinanedi tsone di mo tšhutisa ying ka Modimo. O tšhutiye ka mokgo Jehova go leng ye mogolo ka gona. Ka dinako tse dingwana, Dafita ne a nagana ka mokgo mmele wage wo yyeng wa bopega ka gona mo a le ka teng ga popelo ya mmane wage. Mo a kene a ghayela ka taba yone ya go makatsa, o napiye a yi tseyela gedimo taba ya gore Jehova o hlalefiye.—Pis. 139:14-17.

15. Re beyisele ka mokgo o yyeng wa bona mekgwa ya Jehova ga hlago. (Pisalema 148:7-10)

¹⁵ Go tshwana le Dafita, a di nyake o šinya o lebelela dilo tsa gore di kgole ka matla tsa hlago gore o thogo ghayela ka tsona. Mo o ka lebelela ka ho mathoko yago kela tso di dukulugiyeng, o ko thogo bona mekgwa ya go tlala ya Jehova. Mo re beyisa, o ka bona matšhika ya Jehova mo o kwa go fisela ga letšatši ho letlalong lago. (Jer. 31:35) Nagana ka taba ya ka mokgo Modimo a hlalefiyeng ka gona mo o bona nonyane yi yaga sehlagela. Mo o bona sempsyanyana se lelekisa mosila wa sona o fo nagana ka mokgo Jehova go leng motho wa go kwana le go tshega. Fote o leboge Jehova gore wa nyakanana mo o bona mmane a kgana le ngwanage. Re thulegele ke mašuba ya go tlala ya gore re thogo tšhuta ka Jehova ga tso a di makiyeng tsa gore di ya mo thanaka—go ka ba tse dikgolo kela tse dinyana, tsa gore di thina kela di kgole ka matla.—Bala Pisalema 148:7-10.

16. Di nyaka re tikemisele go maka ying?

¹⁶ Modimo wa rune o hlalefiye la go sa go hlayisege, wa nyakanana, o na le matšhika fote dilo ka mokana ga tsona tso a di makang di bafele. Re ka tšhuta ka mekgwa yowa re boya re ro nyipa ye mengwana mo re ka fo lebelela hlago yo yi leng ho thina le rune. Nkare ka mokana ga rune re ka dula re tineya nako ya gore re tikwise ka hlago re boye re ghayele ka gore yi re tšhutisa ying ka Jehova. Mo re ka maka ka mokgonone, re nyoko šutela thina ka matla le ye a re Makiyeng. (Jak. 4:8) Ga hlogotaba ya go latela, re nyoko lebelela ka mokgo babelegi ba ka berekisang hlago gore ba thogo gelepa bana ba bona gore ba šutele thina le Jehova.