1. King so babelegi ba se nabelelang bana ba bona?

 LUNE babelegi, re di tšiba gabutši gore le di nyaka ka matla go gelepa bana ba lune gore ba tšibe Jehova ba boye ba mo nyake ka matla. Mara re ka sa di kgone go bona Modimo. Byalo, le ka ba gelepa ka mokgo mang bana ba lune gore ba mmone go tshwana le mo ba bona motho ba boye ba šutele thina naye?—Jak. 4:8.

2. Babelegi ba ka tšhutisa bana ba bona mekgwa ya Jehova ka mokgo mang?

² Se segolo so se ka gelepang bana gore ba šutele thina le Jehova ke go tšhuta Bhayibele nabo. (2 Thim. 3:14-17) Fote Bhayibele yi bolabola ka mokgwa wo mongwana wa gore bo ba gore ba sa gola ba ka tšhuta ka Jehova. Ga puku ya Diyema, papa o gopotsa morwayi wage gore a sa tsoge a takisiye maahlo mekgwa ya Jehova ya gore yi bonala ga hlago. (Diy. 3:19-21) Re nyoko lebelela mekgwa ye mongwana ya gore babelegi ba ka berekisa hlago gore ba thogo gelepa bana ba bona gore ba tšhute ka mokgo Jehova a leng.

3. Babelegi ba ka gelepa bana ba bona ka ying?

³ Mo Bhayibele yi bolabola ka Modimo yi re, “Mekgwa yage yi bonagala gabutši ga tso a di makiyeng. Re thogo di bona gabutši gore ke wa mošaga mang ka dilo tso a di makiyeng ho lefaseng.” (Marom. 1:20) Nnete ke gore lune babelegi le di jabolela stereka tsa go tšwa le ye fokatsa le bo ba gore ba sa gola. Berekisaneng nako yonone gore le thogo gelepa bana ba lune ba bone gore “dilo tso a di makiyeng” le mekgwa ya Jehova ya go makatsa di fo re kwatla mo di tla kaye. Ga taba yonowa, tla re lebeleleneng gore king so babelegi ba ka se tšhutang ga mošupetso wa Jeso.

4. Jeso o berekisiye hlago ka mokgo mang mo a tšhutisa malata yage? (Luka 12:24, 27-30)

 ⁴ Lebelela ka mokgo Jeso a berekisiyeng hlago mo a tšhutisa. Tšatši le lengwana o yye a kgopela malata yage gore ma lebelele dinonyane le dilili. (Bala Luka 12:24, 27-30.) Jeso nke a yye a bolabola ka phoolwane ye nngwana le ye nngwana kela sehlare mara o kgetiye nonyane le lebhlomu ka taba la gore malata yage ke mo ma di tšiba gabutši. Di ka makega gore malata yage ne ma kene ma bona dinonyane di pherera fote ma bona le mabhlomu tšhomong. O fo nagana Jeso a bolabola a kene a šupašupa dilo tsone. O yye a maka ying mo a šele a bolabodiye ka mešupetso yone? O yye a tšhutisa malata yage taba ye kgolo ka Papa wa bona wa legedimong gore aa konane fote o kwelana go baba ka go ba botsa gore: Jehova o nyoko fepa a boya a tšwesa malata yage ya go tshepega go fo tshwana le mo a pasopa dinonyane le mabhlomu ya ku tšhomong.

5. Babelegi ba ka berekisa mošupetso wofeng wo wo leng ga hlago gore ba tšhutise bana ba bona ka Jehova?

⁵ Lune babelegi le ka maka byang gore mo le tšhutisa bana ba lune le yekisele Jeso? O ka fo botsa ngwanago so se go jabodisang mo di tla ga hlago, go ka fo ba le phoolwane ya gore o kwana nayo ka matla kela mohlare. Mo o kene o botsa ngwanago ka dilo tsone o ka mo hlatollela gore dilo tsone di re tšhutisa ying ka Jehova. Ke mokane o ka butsisa ngwanago gore ke phoolwane yifeng kela mohlare wofeng wo a kwanang nawo ka matla. Phela mo le bolabola ka dilo tsa gore ngwanago di ya mo jabodisa, a go jiki o ko go theetseleng mo o mmotsa ka mekgwa ya Jehova.

6. Re ka tšhuta ying ga mošupetso wa mmane wa Christopher?

⁶ Ayitsano di nyaka babelegi ba thomise ka go bhahla ba re ba nyakolla ka phoolwane ye nngwana kela mohlare mo ba nyaka go bolabola ka mebereko yone ya go makatsa gore yi re wunyullela ying ka Jehova? Wa tšiba a go nape go hlokega. Jeso a sanka a napa a ya takataka a re hlatollela gore dinonyane di ja byang kela mabhlomu ya dilili ma gola byang. Le mo yi le gore ngwanago a ka di jabolela gore o mo hlatollele o kenelela ga taba ya hlago mara ka dinako tse dingwana go fo lebelela kela go butsisa putsiso go ka maka gore a kwisise tsa go tlala. Lebelela so mogageru ye mongwana ye ba reng ke Christopher a reng o sa se gopola sa gore se makegiye a sa le ye monyana o re: “Mmane ke mo a fo bolabola selo se senyana gore a thogo re gelepa gore re leboge hlago. Mo re beyisa, mo re le thina le dithaba ke mo a ka fo re: ‘Lebelelaneng gore dithaba tsone di gudiye byang fote di bafele! Mara Jehova aa le makatse?’ Kela mo re le thina le lewatle ke mo a fo re: ‘Lebelelaneng matšhika ya meetši yane ya lewatle! Ayitsano a di šupetse gore Modimo o na le matšhika?’” Christopher o re: “Tsotsone a di hlayyeng di makiye gore re šale re nagana.”

7. O ka tšhutisa bana bago ka mokgo mang gore ba sa di takisi maahlo tso Jehova a di makiyeng?

⁷ Mo bana bago ba kene ba gola ba tšhutise gore ba thomise go nagana ka dilo tso Jehova a di makiyeng le gore ba tšhute ka yene. O ka bolabola ka selo ka ssoši so Jehova a se makiyeng ke mokane o butsise bana bago gore, “Selo sowa se le tšhutisa ying ka Jehova?” Phela tsotsone di ka go makatsa dya boya dya go jabodisa mo o kwa tso bana bago ba di naganang.—Mat. 21:16.

8. Babelegi ba Maisrayele ne ba thulugele ke lešuba la mošaga mang mo ba le “pateng”?

⁸ Babelegi ba Maisrayele ba yye ba ma hlohletsela gore ba tšhutise bana ba bona melawo ya Jehova mo ba le “pateng.” (Dot. 11:19) Dipata tsone ne di bhukulela dimitšaneng tsa Israyele. Ga gore go bonala diphoolwane tsa mehlobohlobo, dinonyane le mabhlomu. Mo mitši ya Maisrayele yi le leyetong, babelegi ne ba kgona go bolabola le bana ba bona ka dilo tso Jehova a di makiyeng. Le lune babelegi le thulegele ke lešuba  la gore le ka tšhutisa bana ba lune le berekisa hlago. Lebelela gore babelegi ba bangwana ba yye ba maka tsotsone ka mokgo mang.

9. King so o se tšhutang ga Punitha le Katya?

⁹ Mmane ye mongwana ye ba reng ke Punitha wa gore o dula ga toropo ye kgolo ya ku India o re: “Re berekisa lešuba la mo re vakašela mašaga gore re thogo gelepa bana ba rune ba tšhute ka Jehova le tsa go makatsa tso a di makiyeng. Ke ya di bona gore bana baka ba napa ba kwisisa hlago mo ba le kgole le mo go tleleng batho fote ba le kgole le toropo.” Babelegi, bana ba lune ba ka sa tsoge ba yi lebele nako yo le yi fetsang le le nabo ga poleke ya go bafala. Mogageru wa mosadi ye ba reng ke Katya wa go tšwa ku Moldova, o re: “So se dulang se tla ho monaganong waka sa mo ke sa gola ke mo re fetsa nako le babelegi baka re le dimitšaneng. Ke ba leboga ke sa fetsi gore ba ntšhutisiye ke sa le ye monyana gore ke yeme, ke mokane ke lebelele tso Jehova a di makiyeng le gore ke mmone mo ke lebelele hlago.”

10. Babelegi ba ka maka byang mo nkare a di lula go ya kgole le mo ba dulang? (Lebelela lebhokisi la gore “ Tso di ka Gelepang Babelegi.”)

¹⁰ O nyoko maka byang mo nkare a di kgonege gore o tseye leyeto la go ya dimitšaneng? Amol wa gore le yene o dula ku India, o re: “Mo ke dulang, di nyaka gore babelegi ba bereke diawara tsa go tlala fote leyeto la go ya dimitšaneng le ka ba le tura ka matla. Mara o ka kgona go bona hlago o boya o bolabola ka mekgwa ya Jehova mo o le phakeng ye nyana kela ga lefranta la gore le ga moyago wa go lefa.” Mo o ka lebelela gabutši, phela o ko bona tsa go tlala tso Modimo a di makiyeng tsa gore o ka šupetsa bana bago gana ho thina le mo o dulang. (Pis. 104:24) Nnete o nyoko bona dinonyane, dilo tse dinyana tsa go fofa, mehlare le tse dingwana tsa go tlala. Karina wa gore o tšwa Germany, o re: “Mmane waka o kwana le mabhlomu, byalo mo ke sa le ye monyana ke mo a nšupetsa mabhlomu ya go bafala mo re tisepelela ggoši.”Lune babelegi le ka berekisa dividiyo tsa go tlala le dikgatiso tso di bolabolang  ka hlago tsa gore mokgahlo wa Modimo wo di lukiselele gore di thogo tšhutisa bana ba lune. A di hlupi gore le dula kaye, ke nnete gore le ka gelepa bana ba lune gore ba thogo bona tso Modimo a di makiyeng. Gana byalo tla re lebeleleneng mekgwa ye mengwana ya Jehova ya gore le ka yi šupetsa bana ba lune.

11. Babelegi ba ka gelepa bana ba bona ka mokgo mang gore ba bone taba ya gore Jehova wa nyakanana?

¹¹ Mo o nyaka go gelepa bana bago gore ba thogo bona ka mokgo Jehova a nyakananang ka gona o ka ba šupetsa mokgwa wo diphoolwane tsa go tlala di pasopang bana ba tsona. (Mat. 23:37) Fote o ka šihlela ka mohlobohlobo wa dilo tsa go makatsa tso re di jabolelang ga hlago. Karina yela re bolabodiyeng ka yene o re: “Mo re tisepelela nje, mmane o nhlohletsela gore ke yeme ke mokane ke lebelele ka mokgo lebhlomu le lengwana le le lengwana le sa tshwaneng le ya mangwana ke boye ke bone ka mokgo go bafala ga wona ma šupetsang gore Jehova wa nyakanana. Le mo go šele go fitiye mengwagangwaga ke sa na ke sa yi takisi maahlo taba ya go lebelela ka mokgo ma sa tshwaneng ka dikhala le ka mokgo ma makiwweng. Ma dula ma n’gopotsa ka mokgo Jehova a re nyakang ka gona.”

12. Babelegi ba ka gelepa bana ba bona ka mokgo mang gore ba thogo di bona gore Modimo o hlalefiye? (Pisalema 139:14) (Lebelela sethombhe.)

¹² Gelepa bana bago gore ba bone taba ya gore Modimo o hlalefiye. Jehova o re teya kgole ka go hlalefa. (Marom. 11:33) Mo re beyisa, o ka hlayisela bana bago ka mokgo meetši ma yinugang ma maka maru ke mokane wa boya wa ba botsa ka mokgo maru yane ma tlalaganyang meetši yane. (Jobo 38:36, 37) Fote o ka šihlela le taba ya ka mokgo mmele wa motho wo makiwweng. (Bala Pisalema 139:14.) Lebelela ka mokgo papa ye mongwana ye ba reng ke Vladimir a makiyeng ka gona. O re: “Tšatši le lengwana morwayi wa rune o wile ka bhayisikila ke mokane a kwalela. Ka nthago ga matšatšinyana mo a kwaleleng gona go yye gwa fola. Nna le mosadi waka re yye ra yi beya ka gore Jehova o makiye mmele wa rune ka mokgwa wa gore wo kgona go tifolela. Fote re hlayye le gore dilo tsa mošaga wonone a re soko di bona ga dilo tso di makiyeng ke batho. Mo re beyisa, koloyi a yi tilukisi ka nthago ga mo yi krayye kotsi. Taba yone yi gelepiye morwayi wa rune gore a thogo kwisisa gore Jehova o hlalefiye.”

13. Babelegi ba ka gelepa bana ba bona ka mokgo mang gore ba bone matšhika ya Modimo? (Jesaya 40:26)

¹³ Jehova o ro fawa barena mo a re re lebelele  ku magedimong ke mokane re bone ka mokgo matšhika yage ya go makatsa ma beyakannyeng dinanedi. (Bala Jesaya 40:26.) Le wene o ka hlohletsela bana bago gore ba lebelele ku legedimong ke mokane ba nagane ka tso ba di bonang. Lebelela gore mogageru wa mosadi ye ba reng ke Tingting wa go tšwa Taiwan gore king tso a di gopolang tsa mo a sa le ye monyana, o re: “Tšatši le lengwana, nna le mmane re yye ra ya go ye yetsela mašahleng, fote ke mo re kgona go bona dinanedi tsa ku legedimong tsa go tlala ka taba la gore ke mo re se toropong ga gore go tlele malampa. Ka nako yonone ke mo ke kgahleletsegiye ke hlupa ke bo ke kenang nabo tlelaseng ke mokane ke dulela go tiputsisa gore ayitsano nko di kgoneng go ya mahlong ke berekela Jehova nkene ke tshepega. Mmane o nhlohletsele gore ke nagane ka mokgo Jehova a berekisiyeng matšhika yage gore a thogo maka dinanedi tsone ka mokana ga tsona ke boye ke sa lebale gore A ka di kgona go berekisa matšhika yane gore a n’gelepe gore ke hlule mo ke gahlana le tsa go n’ghula. Ka nthago ga mo ke bonne hlago ga leyeto lone di yye dya ntšhofa gore ke nyake go tšiba Jehova gabutši ke mokane ka kwa ke thomisa go nyaka go mmerekela.”

14. Babelegi ba ka gelepa bana ba bona ka mokgo mang ba berekisa hlago gore ba bone gore Jehova ke Modimo wa gore o jabodiye?

¹⁴ Tso Jehova a di makiyeng di šupetsa gore o jabodiye fote o nyaka le rune re jabole. Bo ba sayense ba di bonne gore diphoolwane tsa go tlala di ya kgona go kgana re ra le dinonyane le dihlapi. (Jobo 40:20) Ayitsano bana bago di ya ba tshegisa mo ba bona phoolwane yi kgana? Di ka makega gore ba bonne sekatse se lelekisa thapo ya gore ba yi tantele nkare ke bholo kela dimpsyanyana dikgana nkare di ya lomanana. Mo di ka makega tšatši le lengwana bana bago ba tshega mo ba kene ba lebelele phoolwane yi kgana, ke ntaba ka nako yonone o sa ba gopotse taba ya gore re berekela Modimo wa gore o jabodiye?—1 Thim. 1:11.

15. King so se ka gelepang babelegi gore ba thogo tšiba tso bana ba bona ba di naganang? (Diyema 20:5) (Lebelela sethombhe.)

¹⁵ Ka dinako tse dingwana babelegi a ba tšibi gore ba ka maka byang gore bana ba bona ba ba botse ka dintshitshire tso ba gahlanang natso. Mo nkare le gago go ka mokgonone, di ka nyaka  gore o tšibe tso bana bago ba di naganang. (Bala Diyema 20:5.) Babelegi ba bangwana ga bona di ba lula go maka ka mokgonone ka matlamatla mo ba tikwisa ka go lebelela hlago ba na le bana ba bona. Ke ntaba mara? Taba ye nngwana ke gore a go na dilo tsa go tlala tso di ka šitisang bana le babelegi. Pape mongwana wa ku Taiwan ye ba reng ke Masahiko, o hlaya taba ye nngwana o re: “Mo nna le mosadi waka re tšwile le bana ba rune—re sepela-sepela dithabeng kela thina le lewatle—ba tikwa ba kgehlemele. Di napa di ba lula gore re ba kwisise le go bona gore ba nagana ying.” Katya, yela go bolabodiwweng ka yene ka ho kgakala, o re: “Mo ke tšwa sekolong, mmane waka ne a fela a ng’yisa phakeng ya go bafala. Ga poleke yone ya gore yi kgibiye, di ba lula gaka gore ke mmotse ka tso di makegiyeng sekolong kela tsa gore dya nhlupa.”

16. Mitši yi ka berekisa hlago ya Jehova ka mokgo mang gore yi thogo kgehlemela le go tijabodisa?

¹⁶ Mo mitši yi tikwisa ka dilo tso Jehova a di makiyeng, yi ka kgehlemela yi boya yi jabolela go fokatsa ggoši, fote tsotsone di nyoko yi gelepa gore yi nyakanane ka matla. Bhayibele yi re go na le “nako ya go tshega” le “nako ya go tlulatlula.” (Mmo. 3:1, 4) Jehova o makiye dipoleke tsa go bafala ho lefaseng ga gore re ka maka dilo tso re kwanang natso ka matla. Mitši ya go tlala yi kwana natso go ba ggoši ga gore yi thogo lebelela hlago, go ba ggoši dimitšaneng, dithabeng kela lewatleng. Dibananyana tse dingwana di kwana le go taboga le go kgana phakeng, go lebelela diphoolwane kela go teya masiza nokeng, ledhamong kela lewatle. Re thulegele ke mašuba ya go tlala ya gore re thogo tikwisa ka go ba gare ga dilo tso Jehova a di makiyeng!

17. Ke ntaba babelegi ba tshwanele ba gelepe bana ba bona gore ba tikwise ka tso Modimo a di makiyeng?

¹⁷ Ga lefase la nyuwane la Modimo, babelegi le bana ba nyoko tikwisa ka hlago ya Jehova go phala gana byalo tsa nkare ba ro booga. Phela ka nako yonone, re ka sa tšhabe diphoolwane fote le tsona di ka sa ji fase mo di re bona. (Jes. 11:6-9) Re nyoko tikwisa ka dilo tso Jehova a di makiyeng go ya go yye. (Pis. 22:26) Mara lune babelegi, le sa tiputsi gore le nyoko yemela go šinye go segele nako yone gore le thogo gelepa bana ba lune gore ba jabolele hlago. Mo le kene le berekisa hlago gore le tšhutise bana ba lune ka Jehova, di ka makega gore ba kwane le tso di hlayyeng ke Kgoši Dafita mo a re: “Barena Jehova, a yi šiyo mebereko ya go tshwana le yago.”—Pis. 86:8.