1. Ke difeng tse dingwana tso re rufegang ka tsona ka taba la gore re le ka mo mokgahlong wa Jehova?

 KE MONG morufo wo mogolo go fo re nje re ka mo mokgahlong wa Jehova ka dinako tsowa tsa mafelelo tsa go thathafa. Tsa lefase lowa di nyoko fo ya di kene di gakga, mara Jehova o re neyye magageru ya gore re mamarelanne nawo. (Pis. 133:1) Wa re gelepa gore re be ngata ya go tiya ka ho mitšing. (Maef. 5:33–6:1) O re bula maahlo a boya a re hlalefisa gore re thogo kwa dipelo tso di kgehlemele tsa mannete.

2. Di nyaka re maka ying, fote ke ntaba?

² Mara di nyaka re karakare gore re berekele Jehova re kene re tshepega. Ke ntaba? Ka gore re ka fo fela re kwatisa ke tso ba bangwana ba di hlayang kela tso ba di makang. Fote re ka kwa go baba mo o kraya re kekemisiye, ka matlamatla mo o kraya re fo dula re boyelela tsetsela. Di nyaka o sa lahle tewu ga mmereko wa Jehova (1) mo magageru ba go thonoga, (2) mo ye o šadhiyeng naye a maka dilo tsa go go tapa matšhika, le (3) mo o yilametsa ke tso wene beng o sa di makang gabutši. Ga hlogotaba yowa, re nyoko bona gore taba ye nngwana le ye nngwana yi re tšhutisa ying. Re nyoko boya re bona gore re ka tšhuta ying ga motho wa ka Bhayibeleng wa gore wa tshepega.

TIYISELA MO MOGAGERU A GO THONOGA

3. Batho ba Jehova ba gahlana le dintshitshire tsa mošaga mang?

³ Ntshitshire. Magageru ya mangwana ma na le mekgwa ya go re kena matolong. Ba bangwana ba ka maka dilo tsa go re tšebisa, ba maka dilo tsa go sa šupetsi gore baa re naganela kela ba sa re tshware gabutši. Bo ba go yeta mahlong ba ka fo kekemisa go gongwana. Ba bangwana mo ba bona go makega dilo tsa mohlobo wonone, ba thomisa go kamaka gore nje wowa ke wona mokgahlo wa Modimo. Mo o sa re kela ba nyoko ya mahlong ba berekela Modimo “ba tshwarisanne” le magageru, o ka kraya ba sa sa bolabodisana le bo  ba gore a baa ba tshwara gabutši kela le mong go ro napa ba lisetsa go ya megahlanong. (Zef. 3:9) Ayitsano ba ko ba ba šupetsa gore ba hlalefiye? Tla re tšhuteneng se sengwana ga motho wa ka Bhayibeleng wa gore o yye a gahlana le tsa mošaga wonone.

4. Pawulo wa lepostola o yye a gahlana le dintshitshire tsa mošaga mang?

⁴ Motho wa ka Bhayibeleng. Pawulo wa lepostola ke mo a di tšiba tsa gore magagabo ya Makreste a maa yenela. Mo re beyisa, ke mo ba sa mo tseye gabutši mo a sa tšo thomisa go ba ka mo phutegong. (Meber. 9:26) Ka nthago, ba bangwana ke mo ba mo seba gore ba mo sinye lebitso. (2 Makor. 10:10) Pawulo o bonne monna wa gore o butšwiye a segelela sepheto sa gore se ka fo ba se kwaletsiye ba bangwana. (Magal. 2:​11, 12) Monghana ye mongwana ye mogolo wa Pawulo ye ba reng ke Mareka, o yye a mo tšebisa ka matla. (Meber. 15:​37, 38) Pawulo ne a ka fo sepelela ku kgole le batho bone a re ba mo kwisiye go baba. Mara o f’lo ya mahlong a tseya magagabo gabutši, a boya a berekela Jehova a kene a tshepega. Pawulo o gelepiye king gore a sa khwanyudisi?

5. Pawulo o gelepiye king gore a fo dula a mamarelanne le magagabo? (Makolosi 3:​13, 14) (Lebelela le sethombhe.)

⁵ Pawulo ke mo a ma nyaka ka matla magagabo. Pawulo ke mo a šupetsa batho ba bangwana gore o ba nyaka ka matla, tsotsone di makiye gore a sa make gore tso ba kekemisang ga tsona go be tsona tso a di gorolelang maahlo, mara ke mo a lebelela ka matla mekgwa ya bona ya gabutši. Taba yo ya gore ke mo a ba nyaka ka matla yi mo gelepiye ga Pawulo gore a make tso yene beng a di ngwadiyeng ho ga Makolosi 3:​13, 14. (Bala.) Bona gore o di makiye ka mokgo mang ga Mareka. Mareka o yye a mo jikela ga Pawulo nakwela a tshwere leyeto la mathomo la borumiwa, mara Pawulo aa di maka tsa gore a fo dula a mo kwatele. Ka nthago, mo Pawulo a ngwalela phutego ya Kolosi lengwalo la go ba kgomoletsa, o yye a thanaka Mareka a re ke motho wa gore o bereka naye wa gore o mo tseyela gedimo, wa gore ‘o mo kgomoletsa ka matla.’ (Makol. 4:​10, 11) Nakwela a le jele ku Roma, o napiye a ro thuletsa gore o kgopela go tle Mareka a tle a mo gelepe. (2 Thim. 4:11) Di fo ba lekgwaying gore Pawulo o tshwarele magagabo, a dula a mamarelanne nawo. Re ka tšhuta ying ga Pawulo?

6-7. Le mo magageru ma na ma sa yenela, re ka maka byang gore re fo ya mahlong re ba šupetsa gore re ba nyaka ka matla? (1 Johane 4:7)

⁶ So re se tšhutang. Jehova o nyaka gore re ye mahlong re šupetsa magageru gore re ma nyaka ka matla. (Bala 1 Johane 4:7.) Mo ye mongwana a šitega go šupetsa mokgwa wa Sekreste, re ka fo tseya gore wa di nyaka go latelela ditšhiko tsa Bhayibele, mara o fo ba a yye a thelela ke mokane a maka dilo a sa nagana. (Diy. 12:18) Modimo  o ma nyaka ka matla malata yage ya go tshepega le mo ma šitega ga tse dingwana. Mo go na le tsa gore a ra di maka gabutši, aa nape a re lisetsa; fote aa duli a kwatiye. (Pis. 103:9) Di nyaka re tseyele ga Papa wa rune wa gore wa tshwarelana!—Maef. 4:32–5:1.

⁷ Ye nngwana yo di sa nyakeng re yi lebala ke gore di nyaka re dula re mamarelanne le magageru mo go kene go šutela nako ya gore go fele ka lefase lowa. Tsa gore re nyoko hlupegisiwa go baba di nyaka re fo dula re di yemele. Re ka fo tsoga jele ka taba la tumelo ya rune. Mo tsotsone di ka makega, re nyoko kwa re napa re nabela go ba thina ka matla le magageru. (Diy. 17:17) Theetsela tso di makegeleng Josep, a wa gore ke mogolo hala Spain. Yene le magageru ya mangwana ke mo ba ba kwalele jele ka taba la go sa tšhele letsogo ga tsa dipolotiki. O re: “Hala jele, di makegiye tsa go kraya re šele re tlokolanne le magageru ya mangwana ka taba la gore ke mo re dula ggoši ka mokana ga rune. Ke mo di nyaka re kgohlelelane fote re tshwarelane re sa kokole. Tsotsone di re gelepiye gore re dule re mamarelanne fote re pasopegiye. Ke mo ba re kwalele le batho ba gore ke mo ba sa rapele Jehova. Tšatšenngwana ke yye ka kwalela ke mokane ba ntšhela semente mo letsogong, byalo ke mo ke sa kgone go timakela dilo. Mara mogageru ye mongwana ke mo a nhlatswela dikobo a boya a mmakela le dilo tse dingwana. Ka nako yone ke mo ke kwa ke nabela go ba le motho wa go nšupetsa gore o nnyaka ka matla, fote ke yye ka ro napa ke di bona.” Di fo napa di yela gore ke ntaba di nyaka re lukisa mathatha ya re nang nawo le magageru gana byalo!

TIYISELA MO YE O ŠADHIYENG NAYE A SA GO MAKE TSONA

8. Bo ba gore ba šadhiye ba gahlana le dintshitshire tsa mohlobo mang?

⁸ Ntshitshire. Batho ka mokana ga bona ba gore ba šadhiye ba na le tso ba ghulanang natso. Bhayibele yi fo napa yi di beya lekgwaying tsa gore batho ba gore ba šadhiye “ba nyoko gahlana le dintshitshire.” (1 Makor. 7:28) Di maka king mara? Di maka ke gore batho bo ka babedi ba gore ba gahlanisiye ke go šadha a baa yenela, mekgwa ya bona a yi tshwane fote tso ba kwanang natso le tso ba sa kwaneng natso a di tshwane. Bo ba šadhiyeng ba ka fo ba ba tšwa ga ditšo tsa go sa tshwane fote ba sa gudisiwa go tshwana. Mo nako yi kene yi ya, go ka nyarela mekgwa ya gore ke mo yi sa bonale mo ba soko šadha. Dilo tsone di ka leya mathatha. Motho wa gore o šadhiye di nyaka a lebelela gore yene o makiye ying sa gore se ka fo ba se napiye se galakisa taba ke mokane a bone gore ba ka yi tumula byang, mara o kraya a bona bothatha go le ye a šadhiyeng naye. O ka kraya ba šele ba re go kawone ba šupetsane dikodi, ba re tsa bona di ko loka mo ba ka fo sudisa, ye mongwana le ye mongwana a rwale dijumbha tsage, a tšwe ka yage pata. Mara nje ke tsona? b Yema re bone so re ka ga se tšhuta ga motho ye mongwana wa ka ho Bhayibeleng wa gore aa thogathoga le ka gonyana mutšing wage le mo a kene a dulele magala.

9. Ntshitshire ya Abhigheyili ke mo go le ya mohlobo mang?

⁹ Motho wa ka Bhayibeleng. Abhigheyili ke mo a tsere ke Nabhala, wa gore Bhayibele mo yi bolabola ka yene yi re ke mo a na le lešidi fote a womme hlogo. (1 Sam. 25:3) Di ka makega gore Abhigheyili o yye a tiputsisa gore anthe yene o bolayye ngwana wa ga mang mo a šinya a kraya monna wa mohlobo wonone. Ayitsano Abhigheyili ke mo a ka ba nayo polane ya go tšwa ga mošadho wone? Wa tšiba go yye gwa thulega lešuba nakwela Dafita, wa gore ke mo go nyoko  ba kgoši ya Israyele, a tla a re o tl’le bolaya monna wa mosadi yewa ka taba la gore o mo rogelelannye le banna bo ne a le nabo. (1 Sam. 25:​9-13) Abhigheyili nke a yye a fo tšhaba, a lisetsa Dafita gore a šale a maka polane ka monna ye. Mara mosadi yewa o yye a tima mollo a boya a maka gore Dafita a mo lisetse ga Nabhala. (1 Sam. 25:​23-27) Mosadi yewa o di makele ying tsotsone?

10. Abhigheyili a ka fo ba a tšhofiye king gore a fo dula mutšing wage le mo a kwa gore a di make?

¹⁰ Abhigheyili ke mo a mo nyaka ka matla ga Jehova a boya a hlompa melawo yage ga taba ya mošadho. Di fo ba lekgwaying gore ke mo a tšiba tso Modimo a di hlayyeng ga Adamo le Efa nakwela a ba šadhisa. (Gen. 2:24) Abhigheyili ke mo a di tšiba tsa gore mošadho wo hlawolegiye ga Jehova. Ke mo a nyaka go jabodisa Modimo, a ka fo ba a tšhofiye ke tsotsone gore a tipotse gore tsa mutši wage, le monnage, o nyoko wa a tsoga natso. O yakgoswiye a tlogamela gore Dafita a sa bolaye Nabhala. Fote a dya mo tšebisa go kgopela tshwarelo le mo go sa sinya yene. Di fo ba lekgwaying gore Jehova o f’lo kwa a kwana ka matla le mosadi yewa wa gore ke mo a na le lešiši fote a sa tinaganele a ntoši. Banna le basadi ba gore ba šadhiye ba ka tšhuta ying ga Abhigheyili?

11. (a) Jehova o yemele gore batho ba gore ba šadhiye ba make ying? (Maefeso 5:33) (b) Wene o tšhuta ying ga tso Carmen a di makiyeng gore mošadho wage wo tiyelele? (Lebelela le sethombhe.)

¹¹ So re se tšhutang. Jehova o re monna le mosadi ba gore ba šadhiye ba dule ggoši le mo nkare ye mongwana aa berekege. Modimo o jabola ka matla mo a bona batho ba gore ba šadhiye ba karakara gore ba lukise mathatha ya bona ba boya ba šupetsana gore baa nyakanana fote baa hlompana. (Bala Maefeso 5:33.) Lebelela mošupetso wa Carmen. Mo go šele go fediye gana hala ga kobodi ya mengwana Carmen a šadhiye, o thomisiye go tšhuta Bhayibele le Dihlatse Tsa Jehova ke mokane ka nthago a kolobetsiwa. Carmen o re, “Monnaka a ya mo tshwara gabutši taba yone. O yye a jelasela Jehova. Ke mo a nrogelelanya a boya a mpotsa gore yene o nyoko nhlala.” Mara Carmen o yye a ngangarela mutši wage. Go fediye 50 ya mengwaga a kene a karakara gore a šupetse monnage gore o mo nyaka ka matla fote wa mo hlompa. O re: “Mo mengwaga yi kene yi takamela, ke yye ka tšhuta gore ke mo kena byang ga monnaka mo ke mmolabodisa fote ke mo ke gata gabutši mo ke bolabola naye. Ke mo ke di tšiba gore mošadho wo hlawolegiye ga Jehova, ke yye ka ro ganya dikobo gore ke wo pasope. A ke ya lahla tewu ga mošadho waka ka taba la gore ga Jehova ke mo nyaka ka matla.” c Mo go thomisa go rotogela mutšing wago, di tshepe tsa gore Jehova o nyoko ba nago fote o nyoko go gelepa gore o sa khwanyudisi.

 TIYISELA MO O YILAMETSA KE TSA GORE A WA DI MAKA GABUTŠI

12. Mo re ka sinya ka matla, re ka ba le ntshitshire yifeng?

¹² Ntshitshire. Di ka re kgongwetsa ka matla mo re ka tšhoga re sinnye ka matla. Bhayibele yi re mo re sinnye, re ka šala re “kuneganne fote re šileganne.” (Pis. 51:17) Mogageru ye mongwana ye ba reng ke Robert o fetsiye mengwaga ya go tlala a karakara gore go be lelata ka phutegong. Mara o yye a sinya ka matla, ke mokane a di bona tsa gore o mo tšebisiye ga Jehova. O re: “Lekwalo laka le yye la nkokona ka matla. Ka nthago ke mo ke kwa nkare a di sa tseya. Ke yye ka gotla ka boya ka rapela Jehova. Ke sa na ke gopola ke nagana gore Modimo a ka sa sa ntheetsela. O ko ba a tihlupela ying? Phela ke mo tšebisiye.” Mo re ka sinya ka matla, dipelo tsa rune di ka baba la gore re šinye re nagana gore Jehova aa sa re nyaka, fote go kawone re nape re lisetsa go mmerekela. (Pis. 38:4) Mo nkare o yye wa tikwa ka mokgo, nagana ka motho wa go tshepega wa ka Bhayibeleng wa gore o f’lo ya mahlong a berekela Jehova le mo a sinnye ka matla.

13. Petro wa lepostola o yye a sinya ka matla ga dilo difeng fote o makiye king gore a sinye?

¹³ Motho wa ka Bhayibeleng. Bošego bya gore Jeso ke mo ba nyoko mmolaya ka motshwana wa gona, Petro wa lepostola o kekemisiye ga tse dingwana di kene di fo lategetsana, a šinya a sinya ka matla. Sa mathomo, Petro o yye a titshepa ka matla, a kganya ka gore o nyoko dula a tshepega le mo mapostola ya mangwana ma ka jikela Jeso. (Marek. 14:​27-29) Sa go latela, nakwela ba le tšhomong ya Ghetsemane, Petro o šitegiye gatleletlele gore a sa kobole. (Marek. 14:​32, 37-41) Ke mokane mo go tla mogoba wo tshwara Jeso, Petro a mo šiya. (Marek. 14:50) Sa mafelelo, Petro o phigiye gararo a re yene ga Jeso aa mo tšibi, a boya a ro maka moyano ga matsaka ya a ma hlayyeng. (Marek. 14:​66-71) Mo Petro a thomisa go di bona tsa gore o sinnye ka matla, o yye a maka byang? O yye a lla ka sethaga, nakwenngwana go le ka taba la gore lekwalo ke mo le sa mo yetsedisi. (Marek. 14:72) O fo nagana gore di mo kwisiye go baba go segela kaye ga Petro mo a bona monghanage Jeso ba mmolaya. A ka fo ba a yye a titseyela fase ka matla!

14. Petro o gelepiye king gore a ye mahlong a berekela Jehova? (Lebelela sethombhe.)

¹⁴ Go na le dilo tsa go tlalanyana tso di makiyeng gore Petro a tlogamele ke mokane a tirothothe, a tiyisela mo a kene a berekela Jehova. Aa maka tso tsa go kraya a tidulele a ntoši; mara o yye a ya ga malata ya mangwana fote di fo ba lekgwaying gore ma yye ma mo kgomoletsa. (Luka 24:33) Go tokegela gana hone, mo Jeso a šele a tsugiye, o yye a nyarela ga Petro, di šupa nkare ke mo a nyaka go mo tiyisa. (Luka 24:34; 1 Makor. 15:5) Ka nthago, Jeso aa mo kgwasolanya ga Petro  ka taba la tso a sa di makang gabutši, mara o butsiye monghana ye wage gore o nyoko mo yeketsela mmereko. (Joh. 21:​15-17) Petro ke mo a di tšiba gore o sinnye ka matla, mara o yye a karakara gore a make tsa gabutši. Ke ntaba? Ka taba la gore ke mo a sa kamake gore Mong wage, Jeso, ke mo a ka sa mo šiyi a yitsa. Fote malata ya mangwana ma yye mahlong ma mo thegeletsiye ga Petro. Re ka tšhuta ying ga Petro?

15. King sa gore Jehova aa nyake re se kamaka le ka gonyana? (Pisalema 86:5; Maroma 8:​38, 39) (Lebelela le sethombhe.)

¹⁵ So re se tšhutang. Jehova o nyaka re di tshepa tsa gore o re nyaka ka matla fote o nyoko re tshwarela. (Bala Pisalema 86:5; Maroma 8:​38, 39.) Re kokona ke lekwalo mo re sinya. Di ya makega fote di gabutši. Mara re sa tseye gore Jehova aa sa re nyaka kela a ka sa re tshwarele. Mara di nyaka re yakgoswa re kgopela gore ba re gelepe. Robert, yela re bolabodiyeng ka yene, o re: “Ke šinnye ke sinya ka taba la gore ke mo ke titshepiye gore nka lwisana le tsa go n’woka.” O di bonne gore di nyaka a bolabola le bagolo. O re: “Mo ke fetsa go maka tsotsone, ke yye ka napa ke di bona gore Jehova o nnyaka ka matla. Bagolo a baa maka tsa gore yaka ba ka sa yi kene. Ba n’gelepiye gore ke di tshepe gore Jehova aa nlahla.” Le rune re ka di tshepa gore Jehova o re nyaka la go sa hlayisege fote wa re tshwarela mo re tisola ga tso re di sinnyeng, re kgopela go gelepiwa fote re lwa di re baba gore re sa boyelele ga tso re sa di makang gabutši. (1 Joh. 1:​8, 9) Mo re ka tshepa tsotsone, re nyoko hlakarela le mo re ka tshetsha mo di re ghula kela re wile.

16. Ke ntaba o tiputsiye gore o ka sa khwanyudisi mo o kene o berekela Jehova?

¹⁶ Jehova o di tseyela gedimo mo re karakara gore re mmerekele ka dinako tsowa tsa mafelelo tsa go thathafa. Jehova a ka re gelepa gore re thogo tiyisela mo di re yilametsa. Re ka ya mahlong re šupetsa magageru gore re ma nyaka ka matla fote re ba tshwarele le mo ba ka re thonoga. Re ka šupetsa gore Modimo re mo nyaka go segela kaye le gore re hlompa mošadho ka go karakara gore re lukise mathatha mo ma ka nyarela mošadhong wa rune. Fote mo re ka sinya, re ka kgopela Jehova gore a re gelepe, re yamogele mo a re šupetsa gore o re nyaka ka matla a boya a re tshwarela, re ye mahlong re mmerekela. A re kamake gore Jehova o nyoko re rufa ra šala re bafele mo re “sa lisetsi go maka dilo tsa gabutši.”—Magal. 6:9.