1-2. Dihlatse tsa go tlala di rula ke dilo tsa mohlobo mang?

PAWULO wa lepostola o yye a hlohletsela Thimothi le Makreste ka moka gore ba yenetse mmereko wa go tšhomayela. (2 Thim. 4:5) Le rune ka moka re maka tso Pawulo a re hlohletseleng gore re di make. Mara go sa na le dilo tsa go re phiriketsa. Di nyaka magageru ya go tlala ma be le lešiši gore ma thogo tšhomayela. (2 Thim. 4:2) Mo re beyisa, go na le magageru ya go dula ga dinaga tsa gore ba rakela mmereko wa rune. Maa tšhomayela le mo ma tšiba gore tsotsone di ka maka gore ba ma kwalele jele!

² Batho ba Jehova ba na le mathatha ya go tlala ya gore ma ka ba kgongwetsa. Mo re beyisa, magageru ya go tlala ma bereka diawara tsa go tlala gore ma thogo krayela mitši ya wona sela le sela. Baa di nyaka go bereka nako ya go tlala tšhomong, mara mo beke yi fela ba ba ba tinnwe. Ba bangwana ba na le malwele ya gore a ma fole, ba šele ba tsofele kela a ba kgone le mong go tšwa ka jareteng, tsotsone di ba kgerela tso ba kgonang go di segelela. Ba bangwana ba fo dula ba hlupa ke go titseya nkare bona a yi selo. Mogageru wa mosadi wa go dula Middle East ye ba reng ke Mary * o re: “Ke ro karakara gore mo ke kgongwele ke sa nagane dilo tsa go tšwa pateng ka taba la gore mo di ntlela, di nkgahleletsa ka matla. Tsotsone di šala di nkokona ka taba la gore di poma matšhika ya ke nyakang go ma berekisa ga mmereko wa go tšhomayela.”

3. Re nyoko petapeta ka ying ga hlogotaba yowa?

³ Jehova aa yi ka gore re roba ke mathatha ya go segela kaye, a ka re neya matšhika ya go ma hlula le go ya mahlong re mmerekela go segela mo re kgonang. Re nyoko bolabola ka gore Jehova a ka re gelepa ka mokgo mang, mara tla re thomiseneng ka go bolabola ka taba ya gore o yye a tiyisa Pawulo le Thimothi ka  mokgo mang gore ba make mmereko wa bona le mo go na le tsa go ba ghula.

4. Pawulo o yye a ghula ke dilo tsa mohlobo mang?

⁴ Pawulo o yye a ghula ke dilo tsa go tlala. Nakwela ba mo teya go baba, ba mo kgahla ka matlapa ba boya ba mo bošela jele, ke mo a nyaka Jehova a mo neye matšhika. (2 Makor. 11:23-25) Pawulo aa wutetsa gore ke mo a fela a nagana dilo tsa go mo yilametsa. (Mrm. 7:18, 19, 24) Ke mo a na le bolwele bya nkare ke “mutlwa nameng,” bya gore o rapele Modimo di mmaba gore a bo yalafe.—2 Makor. 12:7, 8.

5. Pawulo o kgonne go segelela ying le mo go na le tsa go mo phika?

⁵ Jehova o yye a mo tiyisa ga Pawulo gore a ye mahlong a tšhomayela le mo go na le tsa go mo phika. Tla re bone gore Pawulo o kgonne go maka ying. Mo re beyisa, ke mo ba mo kwalele ka ntlong ku Roma, mara o yye a yemelela ditaba tsa go bafala a lebeletsanne le ba bagolo ba Majuda, go ka makega gore le ba go bereka mmušong ke mo ba le gona. (Meber. 28:17; Mafil. 4:21, 22) O yye a tšhomayela le Bomatšinghelane ba Kgoši ye kgolo le batho ka moka bo ne ba mo vakašela. (Meber. 28:30, 31; Mafil. 1:13) Ka nako yonone, Modimo o yye a gelepa Pawulo gore a ngwale marifi ya go tlala ya gore le gana byalo ma sa na ma tiyisa Makreste. Phutego ya Roma yi yye ya tiyisa ke tso Pawulo a di makang, magageru gana hone ‘ma šišimala ke mokane ma tšhomayela lentsu la Modimo ma sa tšhabe selo.’ (Mafil. 1:14) Pawulo ke mo a fela a šitega ga tse dingwana, mara mo go thulega lešuba, ke mo a le berekisa gabutši, tsotsone di makiye gore a “tšhomayele ditaba tsa go bafala.”—Mafil. 1:12.

6. Makorente wa Bobedi 12:9, 10 yi re Pawulo o gelepiye king gore mmereko wage wa go tšhomayela a wo make gabutši?

⁶ Pawulo ke mo a di tšiba tsa gore ke mo a gelepa ke matšhika ya Modimo ga dilo ka mokana ga tsona tso ne a di maka, ke mo go se ya yene beng. O hlayye gore matšhika ya Modimo ‘ma bonala mo motho a lelemela.’ (Bala 2 Makorente 12:9, 10.) Jehova o berekisiye moya Wage wa go hlawolega gore a neye Pawulo matšhika ya go yenetsa mmereko wage wa go tšhomayela, le mo a hlorisiwa, ba mo bošela jele le ga dilo tse dingwana tsa gore ke mo di mo ghula.

7. Ke mo di nyaka gore Thimothi a hlule ying gore a thogo tšhomayela?

⁷ Thimothi ke mo a sa tiyelele nakwela a sepela le Pawulo, mara le yene ke mo di nyaka gore  a tisamele ka matšhika ya Modimo gore a thogo tšhomayela. Thimothi ke mo a sepela mayeto ya go lefa a na le Pawulo mo ba vakašela diphutego. Go tokegela gana hone, Pawulo ke mo a mo roma gore a vakašele diphutego gore a thogo di tiyisa. (1 Makor. 4:17) Di ka makega gore Thimothi ke mo a sa titshepe. Go ka fo ba go le tsona di makiyeng gore Pawulo a mo tiyise ka gore: “O sa lisetse motho a go tseyela fase ka taba la gore o sa le mosogana.” (1 Thim. 4:12) Le yene mong Thimothi ke mo a na le wage mutlwa nameng—ke mo a “fo lwala-lwala.” (1 Thim. 5:23) Mara Thimothi ke mo a tšiba gore moya wa Jehova wa go hlawolega wo nyoko mo neya matšhika gore a thogo tšhomayela ditaba tsa go bafala le go berekela magagabo ka ho phutegong.—2 Thim. 1:7.

8. Jehova lekgono o tiyisa batho bage ka mokgo mang?

⁸ Lekgono, Jehova o neya batho bage “matšhika . . . ya gore a maa tlwayelega” gore ba thogo ya mahlong ba mmerekela ba kene ba tshepega. (2 Makor. 4:7) Go na le dilo ka dine ke tsowa tso Jehova a re neyang tsona gore a re tiyise le go re gelepa gore re dule re tshepega: go rapela, Bhayibele, megahlano ya Sekreste le tšhomo.

9. Go rapela go ka re gelepa ka ying?

⁹ O re tiyisa ka thapelo. Ga Maefeso 6:18, Pawulo o re re rapele Modimo “ka dinako ka moka.” Modimo o nyoko re fetola ka go re tiyisa. Jonnie wa gore o dula Bolivia, o yye a tlela ke mathatha ma pepulanne, mara o yye a di bona mo Jehova a mo gelepa. Mosadi wage le babelegi bage ba yye ba thomisa go lwala ka matla, fote ba thomisiye magahla. Jonnie ke mo a sa tšibi gore a tshware mang a lisetse mang ga bona ba le ka bararo. Mmane wage o yye a hlokofala, fote go yye gwa tseya nako ya go lefa gore mosadi wage le papage ba fole. Mo Jonnie a bolabola ka nako yone ya go thathafa o re, “Mo ke kwa nkare hlogo yowa yi nyoko thunya, ke mo di mperekela ka matla mo ke thuletsela Jehova gore ke tikwa byang.” Jehova o neyye Jonnie matšhika, a tiyisela. Ronald wa gore ke mogolo ku Bolivia, o yye a kwa gore mmane wage o na le bolwele bya khensa. Ka nthago ga kgwedi, a hlokofala. O gelepiye king gore a thogo tiyisela? O re: “Mo ke rapela Jehova, ke mo ntshela ka mokana ga tsona tso di nhlupang le gore ke tikwa byang. Ke ya tšiba gore a go na motho wa gore o nkwisisa go phala yene, fote o nkwisisa go phala le ka mokgo nna ke tikwisisang.” Re ka fela re tseya nkare re ka sa kgone go tiyisela fote re kwa re sa tšibi gore re rapelele ying. Mara Jehova o kgopela gore re mo rapele le mo re sa tšibi gore re nyoko thomisa kaye mo re mo hlatollela tso di re kokonang.—Mrm. 8:26, 27.

10. Maheberu 4:12 yi šupetsa gore ke ntaba go bala Bhayibele le go ghayela ka so re se badiyeng go le taba ye kgolo?

¹⁰ O re tiyisa ka Bhayibele. Pawulo o yye a tisamela ka Mangwalo gore ma mo tiyise ma boye ma mo kgomoletse, le rune re ka maka ka mokgonone. (Mrm. 15:4) Mo re kene re bala Lentsu la Modimo re boya re ghayela ka lona, Jehova a ka berekisa moya wage gore wo re gelepe go kwisisa gore Mangwalo ma bereka byang ga seyemo sa rune. (Bala Maheberu 4:12.) Ronald yela wa gore re šele re bolabodiye ka yene o re: “Ke leboga gore ke yye ka titlwayetsa gore ka moka matšatši mo ke soko yetsela ke bale se sengwananyana ka ho Bhayibeleng. Ke ghayela ka mekgwa ya Jehova le ka mokgo ne a pasopa malata yage go šupetsa gore o ma nyaka ka matla. Tsotsone di n’gelepa gore ke tiyelele.”

11. Bhayibele yi mo gelepiye ka mokgo mang ga mogageru wa mosadi wa gore ke mo a hlokofalele ke monna?

¹¹ Re ka dula re tseya seyemo sa rune ka tsela ya gabutši mo re ka ghayela ka Lentsu la Modimo. Bona gore Bhayibele yi yye ya mo gelepa ka  mokgo mang ga mosadi ye ne a hlokofalele ke monna. Mogolo ye mongwana o yye a mmotsa gore go na le tso a ka di tšhutang mo a ka bala lengwalo la Jobo. Mo a thomisa go bala, o yakgoswele go solasola Jobo ka dilo tsa go kekema tso ne a di nagana. O yye a tipona a mo lakatsa a re: “Jobo! Anthe o kenne king?” Mara le yene a thomisa go bona gore ke mo a nagana go fo tshwana le Jobo. Tsotsone di mo gelepiye gore a tšhentšhe tsela yo ne a bona dilo ka yona fote di mo tiyisiye gore a kgohlelele taba ya gore o hlokofalele ke monna.

12. Jehova o re tiyisa byang ka magageru?

¹² O re tiyisa ka megahlano ya Sekreste. Mokgwa wo mongwana wo Jehova a wo berekisang wa go tiyisa Makreste ke wa go berekisa magageru. Pawulo o ngwadiye gore ke mo a hlologele go “tiyisana” le magagabo ya Makreste. (Mrm. 1:11, 12) Mary, wa gore re bolabodiye ka yene ka ho kgakala o re o ma tseyela gedimo ka matla magageru. O re: “Jehova o berekisiye magageru ba gore ke mo ba sa di tšibi le go di tšiba gore ke hlupa king. Ba mputsiye se sengwana sa go ntiyisa kela ba nromela sekhatane, sa napa se kogela mola ga go baba. Di gelepa ka matla go thuletsela magageru ya mangwana ya basadi ya gore ma yye ma feta ga tso di nghulang gore ke thogo tšhuta ga bona. Le bagolo ba dula ba maka gore le nna ke tikwe gore ke nna motho ka ho phutegong.”

13. Re ka tiyisana ka mokgo mang mo re le megahlanong ya phutego?

¹³ A go na poleke ye nngwana ya gore re tiyisana ga yona go phala megahlanong ya phutego. Mo o le mogahlanong, o ka tiyisa ba bangwana ka go ba botsa gore o ba nyaka tsa mannete le gore o tseyela gedimo tso ba go makelang tsona. Mo re beyisa, tšatši le lengwana mo go soko thomisa megahlano, mogolo ye mongwana ye ba reng ke Peter o yye a botsa mogageru wa mosadi wa gore monnage a yi Hlatse a re: “Go fo go bona nje, go re tiyisa ka matla. O dula o gelepa kobodi ya bana bago gore ba lukiselele gore ba thogo fetola.” Maahlo ya mogageru yewa wa mosadi ke mo ma tlele dinepedi mo a fetola, a šupetsa gore wa leboga a re: “Ke mo ke wonngwe go kwa mantsu ya mohlobo wone lekgono.”

14. Go ya tšhomong go maka gore re tikwe ka mokgo mang?

¹⁴ O re tiyisa ka tšhomo. Mo re botsa batho ka dinnete tso di leng ka ho Bhayibeleng, re kwa re timulugiye fote re tiyelele, baa re theetsela kela a ba re theetsele. (Diy. 11:25) Mogageru wa mosadi ye ba reng ke Stacy o di bonne gore tšhomo yi ka go tiyisa. Mo ye mongwana ka mutšing wa gabo a tlusiwa ka phutegong, ke mo a hlakahlakanne, a dulela go tiputsisa gore, ‘Nke ke makiye ying mara gore ke mo gelepe?’ Stacy ke mo a sa bone selo sa gore nke a se makiye gore a mo gelepe. O tiyalafiye ka ying gore a sa sa kgongwela? Ka tšhomo! Mo a kene a tšhomayela, o yye a thomisa go nagana ka matla ka batho ba gana hone tšhomong ba gore ke mo ba nyaka gore a ba gelepe. O re: “Ka nako yone, Jehova o yye a nneya motho wa gore ke tšhute naye Bhayibele wa gore ke mo a yakgoswa a berekisa so a se tšhutang. Sosone se yye sa ntiyisa ka matla. Mo ke nyaka sa go ntiyisa, ke ya tlogamela ka ya tšhomong.”

15. O tšhuta ying ga tso di hlayyeng ke Mary?

¹⁵ Ba go tlala ba ka tseya nkare tsa go tšhomayela di nyoko ba šita ka taba la seyemo sa bona. Mo nkare le wene o tikwa ka mokgonone, o sa lebale gore Jehova o jabolela tso o kgonang go di segelela. Tla re bolaboleneng ka Mary fote. Mo a rurela ga phutego ya mmolabolo wo mongwana, ke mo a kwa nkare o šitega ga tsa go tlala. O re, “Go tsere nako ya go lefa, mo ke le tšhomong ke mo ke fo bolabola mantsu ya go sa re selo, go bala temanyana ya Bhayibele kela go fo sipidisa sephephane.” Tsotsone di makiye  gore a titseyele fase mo a titshwanisa le bo ba kgonang go bolabola mmolabolo wone. Mara a thomisa go nagana dilo ka tsela ye nngwana. O tšhutiye gore Jehova a ka mmerekisa le mo a sa kgone go bolabola mmolabolo wone gabutši. O re, “Tso di leng ka ho Bhayibeleng a di thathafe, ke tsona di tšhentšhang lephelo la motho.”

16. Bo ba gore ba nyaka go tšhomayela mara ba sa kgone go tšwa ka ntlong ba ka gelepa king gore ba tiyelele?

¹⁶ Jehova wa di tšiba gore ba gona ba bangwana ho ga rune ba gore ba nabela go tšhomayela mara a ba kgone go tšwa ka dintlong. A ka re thulela mašuba ya gore re tšhomayele bo ba tlang go re pasopeng, dinesi kela ditogotela. Mo re ka thomisa re tshwanisa so re se makang gana byalo le so ne re se maka botala, di ka re kena matolong. Mara mo re ka di kwisisa gore Jehova o re gelepa byang gana byalo, re nyoko ba le matšhika ya gore re thogo tiyisela dintshitshire ka moka re kene re jabodiye.

17. Mmolabodi 11:6 yi re ke ntaba di nyaka re ye mahlong re tšhomayela le mo di sa yakgoswe di šupa gore re maka ying?

¹⁷ A re tšibi gore ke pewu yifeng ya gore yi nyoko kena fase mo mobung ke mokane ya mila. (Bala Mmolabodi 11:6.) Mo re beyisa, mogageru wa mosadi ye ba reng ke Barbara wa gore o na le mengwaga ya gana hala ga 80, o tšhomayela ka fowunu le go ngwala marifi. Ga borifi byo bongwana o yye a tšhela Sewokamelo sa March 1, 2014, sa hlogotaba ya gore “What God Has Done for You [Tso Modimo a go Makeleng Tsona].” Ke mo a sa tšibi gore o romele borifi byone ga monna le mosadi wage ba gore ke mo ba ntshiwwe ka ho phutegong, go sa sa le Dihlatse tsa Jehova. Ba badiye maghazini wone gatleletlele. Monna yewa ke mo a kwa nkare Jehova o bolabola naye. Yene le mosadi wage ba yye ba thomisa go ya megahlanong, ka nthago ga 27 ya mengwaga ba boyela ya ba Dihlatse. Tsotsone di yye dya mo tiyisa ka matla ga Barbara a boya a kwa a jabodiye mo a bona tso di makiyeng ke borifi byela byage!

18. Re ka maka ying gore Modimo a re tiyise?

¹⁸ Jehova o re thulela lešuba la gore a re neye matšhika yage ya magolo. Mo dilo tsone a re neyang tsona re di berekisa—tsa go tshwana le go rapela, Bhayibele, megahlano ya Sekreste le go ya tšhomong—re šupetsa gore re ya tshepa gore a ka di kgona go re gelepa fote wa di nyaka. Di nyaka re dule re tisamela ka Papa wa rune wa legedimong, wa gore o jabolela “go šupetsa matšhika yage ga ba gore dipelo tsa bona di felegelele ho gage.”—2 Dikor. 16:9.