1-2. King so se makang gore re kwe puku yowa ya Kutullo yi re jabodisa?

 AYITSANO go na le ye a yyeng a re o tle o lebelele dinepe ga alebhamo yage? Mo kene o lebelele dinepe tsone o kraya gore ba go tlala a o ba tšibi. Mara mo o segela ga senepe se sengwana maahlo yago ma fo napa ma ganelela. Go ro maka byang? Ka taba la gore le wene o gona hone senepeng. Mo o kene o gorolele senepe sone maahlo, o liketsa go gopola gore senepe sone ke sa leng fote le se tsere le le kaye ga gona. Ke mokane o thomisa go lebelela gore ke bomang bo ba leng hone senepeng. A re kamake gore senepe sone o se tseyela gedimo ka matla.

² Puku ya Kutullo yi tshwana le senepe sone. Ke ntaba re reyane? Ke dilo ka dipedi tso di makang gore go be ka mokgonone. Sa mathomo ke gore, phela puku yowa ya Bhayibele ba yi ngwalele rune. Ga temanyana ya mathomo re bala gore: “Dilo tsowa di wunyulliye ke Jeso Kreste. Modimo o mmutsiye tsona, gore a šupetse lelata lage gore king tso di nyoko makegang go se botala.” (Kut. 1:1) Byalo, tso ba di ngwadiyeng ga puku yone a ba di ngwalela batho ka mokana ga bona mara ba di ngwalele rune malata ya Modimo ya gore ma tineyele. Ka taba la gore ke rune batho ba Modimo, di nyaka di sa re makatse mo re kraya gore le rune re tšhela letsogo mo diporofeto tsone di leng ka hone pukung yone di makega. Re ka fo re le rune re gona “ga senepe sone.”

3-4. Puku ya Kutullo yi re diporofeto tso di leng hone ga yona di nyoko makega leng fote di nyoko yama ye mongwana le ye mongwana ka mokgo mang?

³ Sa bobedi ke taba ya gore diporofeto tsone di nyoko makega leng. Mo Johane wa lepostola wa gore o šele a gudiye a bolabola ka nako yone o yitseri: “Moya wa go hlawolega wo nšupetsiye tso ne di nyoko makega ka letšatši la Morena.” (Kut. 1:10) Nakwela  Johane a ngwala mantsu yawa gana hala ga bo 96 C.E., “letšatši la Morena” ne le soko segela. (Mat. 25:14, 19; Luk. 19:12) Mara seporofeto sa Bhayibele se šupetsa gore letšatši lone le thomme ka 1914 nakwela Jeso ba mmeya gore go be Kgoši ku legedimong. Go tlugisela ka mongwaga wonone diporofeto tsa Kutullo tso di bolabolang ka batho ba Modimo di yye dya thomisa go makega. Nnete ke gore re phela ga dinako tsa “letšatši la Morena”!

⁴ Ka taba la gore re phela ga dinako tso tsa gore go makega dilo tsa go jabodisa, ke rune bo di nyakang re sa yi takisi maahlo taba yo yi leng ga Kutullo 1:3: “Motho wa gore o balela seporofeto sowa gedimo fote a se kwisisa le wa go berekisa dilo tso di ngwadiwweng ho ga sona wa jabola, ka gore nako yo yi beyiwweng yi thina.” Ke nnete gore di nyaka re ‘balela seporofeto sowa gedimo,’ re ‘se kwisise’ re boye re ‘berekise’ tso re di balang. Ke difeng tse dingwana tso ba di hlayang tsa gore di nyaka re di berekisa?

5. Puku ya Kutullo yi šihlela taba ya gore di nyaka re make morapelo wa rune ka mokgo mang gore Jehova a wo yamogele?

⁵ Di sa fo tloga fase ga tema ya mathomo ya Kutullo re tšhuta gore Jeso ke mo a di tšiba gabutši tso di makegang ga diphutego tsa malata yage. (Kut. 1:12-16, 20; 2:1) Go šupetsa gore nnete Jeso ke mo a di tšiba tso di makegang, re bona ka molayetsa wo a yyeng a wo romela kašupa ya diphutego tso di leng ku Asia Minor. Ga melayetsa yone, o hlayye a sa jikajiki tso Makreste ya ku botala ma tshwaneleng ma di make gore Jehova a dule a yamogela merapelo ya wona. Go tokegela gana hone, tso a di hlayyeng ga molayetsa wone di sa bereka ga batho ba Modimo ka mokana ga bona lekgono. Re tšhuta ying ga taba yowa? Jeso Kreste wa gore ke yene a re yetang mahlong o di tšiba gabutši gore re butšwiye go segela kaye ga tso tsa Modimo. Rune re pasopa ke Jeso; fote o bona dilo ka mokana ga tsona. Wa di tšiba tso re tshwaneleng re di make gore re thogo ya mahlong re jabolela go yamogela ke Jehova. Ke difeng tso a di hlayyeng tsa gore di nyaka re di berekisa lekgono?

6. (a) Kutullo 2:3, 4, yi re ke bothatha bofeng byo Jeso a bo wunyulliyeng ga molayetsa wo a wo romeleng phutego ya Efeso? (b) King so re se tšhutang ga taba yowa

⁶ Bala Kutullo 2:3, 4. Ga Jehova re dule re mo nyaka go tshwana le mathomisong. Molayetsa wo Jeso a wo romeleng bo ba leng ga phutego ya Efeso ke mo wo šupetsa gore ba yye ba tiyisela fote ba yye ba sa šepisi ga taba ya go berekela Jehova le mo ba kene ba gahlana le dintshitshire tsa go sa fele. Le mo go le ka mokgonone, ga Jehova ke mo ba sa sa mo nyaka go tshwana le mathomisong. Ne di nyaka ba dula ba gotetsa taba ya go mo nyaka ka matla ga Jehova—ka taba la gore mo ba sa make ka mokgonone morapelo wa bona ne wo ka sa yamogelege. Le rune lekgono, di nyaka re maka tsa go fo phala go tiyisela. Fote di nyaka re sa fo lla go tiyisela. Mara Modimo wa rune aa fo jabodisa ke tso re di makang o lebelele le gore ke ntaba re di maka tsotsone. O lebelela gore king tso di re tšhofang gore re make dilo ka taba la gore o nyaka gore morapelo wa rune wo hlohletsele ke gore re mo nyaka ka matla fote re mo tseyela gedimo.—Diy. 16:2; Mar. 12:29, 30.

7. (a) Ga Kutullo 3:1-3, ke bothatha bofeng byo Jeso a bo bonneng ga bo ne ba le ga phutego ya Saredisi? (b) Rune di nyaka re maka ying?

⁷ Bala Kutullo 3:1-3. Di nyaka re dule re hlahlamme fote re ntshiye maahlo dikwakweng. Bo ne ba le ga phutego ya Saredisi ke mo ba na le bothatha ba go tshwana bo le ntoši. Le mo yi le gore ku botala ne ba karakara ka matla ga tso tsa Modimo, ba yye ba thomisa go šepisa ga mmereko wa bona wa go berekela Modimo. Byalo, Jeso o ba butsiye gore ba “ntshe maahlo dikwakweng.” Gabutšibutši taba yowa yi re  pasopisa ga ying? Ke nnete gore, Jehova a ka sa tsoge a lebele mmereko wa rune. (Maheb. 6:10) Le mo go le ka mokgonone, re ka sa nape re titshwarelela ka matla ga tso re yyeng ra di makela Jehova ku botala. Le mo nkare di tlele tsa go re kgerela gana byalo, di nyaka re dula re karakara “ga tso tsa Morena” fote re ye mahlong re kene re hlahlamme re boya re ntsha maahlo dikwakweng go segela mafelelong.—1 Makor. 15:58; Mat. 24:13; Mar. 13:33.

8. Re tšhuta ying ga molayetsa wo wo leng ga Kutullo 3:15-17 wo ba wo romeleng magageru ya ku Lawodisiya?

⁸ Bala Kutullo 3:15-17. Di nyaka ga Jehova re mmerekele ka matšato fote re sa tšhofe ke motho. Jeso ga molayetsa wo a wo romeleng bo ba leng ga phutego ya Lawodisiya o wunyulliye gore ba na le bothatha bofeng bya gore bo tshwana bo le ntoši. Ke mo ‘ba sa bate fote ba sa fisi’ ga morapelo wa bona. Ka taba la gore ke mo ba sa tšibi gore ba yemme kaye, Jeso o ba butsiye gore ‘a le ya jabola fote le babisa pelo.’ Ne di nyaka ba šupetsa matšato ga taba ya go berekela Jehova. (Kut. 3:19) Re tšhuta ying ga taba yowa? Mo re bona nkare a re sa na matšato gabutši, di nyaka re gopole taba ya go leboga dilo ka mokana ga tsona tso re nang natso ga tso tsa Modimo. (Kut. 3:18) Re sa tsoge re yikele lephelo la mabešebeše gore le re šitise go beya tso tsa Modimo ku mahlong.

9. Molayetsa wo Jeso a wo romeleng Makreste ya ku Pheghama le ya ku Thiyathira, wo re di nyaka re kganela kgole le kotsi yifeng?

⁹ Re kganele kgole le tso di tšhutisang ke bo ba go kgeloga. Jeso o yye a sola ba bangwana ba ku Pheghama ga taba ya go hlohletsela go sa kwane le go latelela tso batho ba di tšhutisang. (Kut. 2:14-16) Mara o yye a thanaka bo ba leng ku Thiyathira ka taba la gore ba yye ba phakgela ku kgole “tso Sathane a di tšhutisang tsa matsaka” ke mokane a boya a ba hlohletsela gore ba “ngangarele” nnete. (Kut. 2:24-26) Makreste ya gore a maa butšwa gabutši ya gana hone ya gore ma f’lo yikela taba ya gore ba ma fokole ka dilo tsa matsaka tso ba di tšhutisang ke mo di nyaka ma sokologa. Mara re ka maka byang rune lekgono? Di nyaka re kganela kgole le tso ba di tšhutisang tsa gore a di yelane le ka mokgo Jehova a tseyang dilo. Bo ba go kgeloga “mo o ba lebelele o bona nkare ba berekela Modimo,” mara “tso ba di makang di kekemme.” (2 Thim. 3:5) Di nyoko ba lula go bona le go kganela kgole le tsa matsaka tso ba di tšhutisang mo nkare a re tshwate go bala Lentsu la Modimo.—2 Thim. 3:14-17; Juda 3, 4.

10. King se sengwana so re se tšhutang ga tso Jeso a di hlayyeng ga diphutego tsa ku Pheghama le Thiyathira?

¹⁰ Re sa make dilo tsa go sa hlamatsega re boya re di hlohletsela kela go lisetsa ba bangwana ba di maka. Ne go sa na le bothatha byo bongwana  fote ku Pheghama le ku Thiyathira. Jeso o yye a sola ba bangwana ga diphutego tsone ka taba la gore ne ba sa ganane nayo taba ya go maka tsa go sa hlamatsega. (Kut. 2:14, 20) Re tšhuta ying ga taba yowa? Re ka sa yemele gore Jehova a fo yamogela mo re maka dilo tsa go sa hlamatsega re lebelele gore ke botala re kene re mmerekela fote go sa na le mebereko ye mengwana ya gore re sa yi maka gana byalo. (1 Sam. 15:22; 1 Pet. 2:16) O nyaka gore re ye mahlong re theetsela melawo yage le mo lefase lowa le fo ya le kene le sinyega.—Maef. 6:11-13.

11. King tso re di tšhutiyeng go segela gana byalo? (Lebelela le lebhokisi la gore “ Tso re ka di Tšhutang Lekgono.”)

¹¹ Tso re di tšhutiyeng re ka di yatlala ka mokgo mang re sa lefisi? Re di bonne gore di nyaka re make gore morapelo wa rune wo yamogelege ga Jehova. Mo nkare go na le sengwana so re se makang sa go maka gore morapelo wa rune wo sa yamogelege di nyaka re yakgoswa re tšwa ga sona. (Kut. 2:5, 16; 3:3, 16) Mara Jeso o bolabodiye se sengwana ga melayetsa yo a yi romeleng diphutego. King sosone?

12. Jeso o ma butsiye taba yifeng magageru ya ku Simirina le Filadelifiya ya gore di nyaka rune re yi tseyele gedimo lekgono? (Kutullo 2:10)

¹² Gana byalo tla re lebeleleneng melayetsa yo Jeso a yyeng a yi romela ga diphutego tsa ku Simirina le Filadelifiya. O butsiye Makreste ya gana kuwa gore di sa ba hlagasedisi tsa gore ba nyoko ma hlupegisa ka taba la gore ba nyoko rufiwa la go sa hlayisegi mo ba ka fo tshepega. (Bala Kutullo 2:10; 3:10) Taba yowa yi re tšhutisa ying lekgono? Di nyaka re di yemele tsa gore re nyoko hlorisiwa fote re tikemisele go tiyisela. (Mat. 24:9, 13; 2 Makor. 12:10) Ke ntaba di le gabutši go gopola taba yonone?

13-14. Tso di makegang tsa gore di hlaya ke Kutullo tema 12 di yama malata ya Modimo ka mokgo mang?

¹³ Puku ya Kutullo yi re botsa gore batho ba Modimo ba nyoko ba hlorisa ga dinako tso tsa rune tsa—“letšatši la Morena.” Kutullo tema 12 yi re go yye gwa thomisa ntwa ku legedimong ka nthago ga mo Mmušo wa Modimo wo thomisiye go lawola. Mayikhele—go leng Jeso Kreste wa gore o gadimisiwwe le masole yage ba nyoko lwa le Sathane le madimona yage. (Kut. 12:7, 8) Ka nthago ga tsotsone manaba ya Modimo ba yye ba ma hlula ba ma lahlela ho lefaseng ke mokane tsotsone dya maka gore go makege tsa go sasamela tsa gore a di hlayisegi ho lefaseng le ga batho bo ba dulang ho ga lona. (Kut. 12:9, 12) Byalo batho ba Modimo di ba yama ka mokgo mang tso di makegiyeng?

¹⁴ Kutullo yi boya yi re botsa gore Sathane o yye a titshwara ka mokgo mang. Ka taba la gore di šašiye tsa Sathane tsa gore a kene a tšwa ku legedimong o napa a ntsha lešidi lage ka mokana ga lona a le ntshela ga bo ba šeleng ba go tlotsiwa, ba gore ke bona ba yemelang Mmušo wa Modimo fote ba gore “ba maka mmereko wa go tšhomayela ka Jeso.” (Kut. 12:17; 2 Makor.  5:20; Maef. 6:19, 20) Seporofeto sowa se ya mahlong se kene se makega ka mokgo mang?

15. Ke bomang bo ba yemelang ke “dihlatse ka dipedi” tso ba bolabolang ka tsona ga Kutullo tema 11, fote go makegiye ying ka bona?

¹⁵ Sathane o yye a hlohletsela gore ba hlupegise magageru ya go tlotsiwa ya gore ke mo ma yeta mahlong ga mmereko wa go tšhomayela. Ga bona ke mo go na le ba gore ba tšibega ka matla go leng bo ba yemelang “dihlatse ka dipedi” ba gore ba re ba yye ba ba bolaya. * (Kut. 11:3, 7-11) Ka 1918, mabala ya magageru ya gore ma yeta mmereko mahlong ba yye ba ma hlayela matsaka ke mokane ba ma bošela jele nako ya go lefa. Ba go tlala ne ba tseya gore mmereko wa bo ba go tlotsiwa “go fediye ka wona.”

16. King sa go makatsa sa gore se yye sa makega ka mongwaga wa 1919, mara Sathane o yye a ya mahlong a maka ying go tlugisela ka nako yonone?

¹⁶ Fote seporofeto so se leng ga Kutullo tema 11 se hlayye gore “dihlatse ka dipedi” ba nyoko di tsosa fote, ka nthago ga nakonyana. Ka mongwaga wa go latela mo ba le jele go yye gwa makega selo sa go makatsa mo seporofeto sone se makega. Mathomisong ga mongwaga wa 1919 magageru yane ya go tlotsiwa ba yye ba ma ntsha jele ke mokane ka nthagonyana ba solanya melato ya wona. Ka go yakgoswa magageru ma yye ma boyela ga mmereko wa go tšhomayela. Mara tsone a di rele gore Sathane o yye a lisetsa go hlasela batho ba Modimo. Go tlugisela ka nako yonone Sathane o yye a bulela go hlorisiwa ga nkare ke “meetši ya noka” ga batho ka mokana ga bona ba Modimo. (Kut. 12:15) Nnete ke gore, di nyaka ka mokana ga rune re tiyisele fote re be le tumelo.’—Kut. 13:10.

17. Batho ba Modimo ba yye ba ba gelepa ka mokgo mang ba sa nagana, le mo Sathane a kene a ba tshwarisiye ntshitshire?

¹⁷ Kutullo tema 12 yi re batho ba Modimo ba nyoko gelepa ke ba gore ne ba sa nagane gore ba ka ba gelepa. Go nyoko ba nkare “lefase” le kgwisiye go hlorisa ga nkare ke “meetši ya noka.” (Kut. 12:16) Di f’lo makega ka mokgonone. Ka dinako tse dingwana ba bangwana ba go lawola ba lefase lo la Sathane ba go bereka ka tsa go yahlula ba yye ba yemelela kela go phonisa batho ba Modimo. Ke gatlele malata ya Jehova ma hlula mo ma le khota fote tsotsone dya maka gore ma lokologe. Di ba berekele ka mokgo mang tsa go lokologa? Ba berekisiye lešuba le lengwana le le lengwana gore ba make mmereko wo Jehova a ba neyyeng. (1 Makor. 16:9) Mmereko wone ke wofeng?

18. Ka dinako tso tsa mafelelo ke mmereko wofeng wo re wo yetisang mahlong?

 ¹⁸ Jeso o porofitiye gore malata yage ma nyoko sabalatsa “ditaba tso tsa go bafala tsa Mmušo [wa Modimo]” lefaseng ka mokana ga lona go soko bane go segela dinako tsa mafelelo. (Mat. 24:14) Mo ba kene ba maka ka mokgonone, ba jabolela go gelepa ke lengeloyi kela mogoba wa mangeloyi ya gore ma tshwere “ditaba tsa go bafala ga bo ba dulang lefaseng, ga setšhaba se sengwana le se sengwana, setšo, mmolabolo le batho ka mokana ga bona.”—Kut. 14:6.

19. Ke molayetsa wofeng wo mongwana wo wo tshwaneleng wo tšhomayele ke bo ba nyakang Jehova ka matla?

¹⁹ Ditaba tsa go bafala tsa Mmušo wa Modimo a yi fo ba wona fela molayetsa wo batho ba Modimo di nyakang ba wo sabalatsa. Di nyaka ba boya ba thega mmereko wo wo makang ke mangeloyi ya gore Kutullo tema 8 le 10 yi bolabola ka wona. Mangeloyi ma sabalatsa gore bo ba gananang le tsa Mmušo wa Modimo ba ko tikweleng. Nka taba lo Dihlatse Tsa Jehova di sabalatsang molayetsa wa go yahlula wa go tshwana le “sefako le mollo,” wa gore wo wunyulla ka mokgo Modimo a nyoko yahlulang lefase lowa la go sa loka la Sathane. (Kut. 8:7, 13) Batho di nyaka ba di tšibe tsa gore dinako tsa mafelelo di šele di segele gore ba yakgoswe ba tšhentšha maphelelo ba thogo phona letšatši la Jehova la gore go ko ba go bifiye. (Zef. 2:2, 3) Mara molayetsa wowa a wo natefele batho ka moka. Di nyaka re ro šišimala gore re thogo sabalatsa molayetsa wowa. Ka dinako tsa motšhatšhamelo wo mogolo, molayetsa wa mafelelo wa go yahlula wo nyoko teya go baba.—Kut. 16:21.

20. Re nyoko bolabola ka ying ga dihlogotaba ka dipedi tsa go latela?

²⁰ Di nyaka re berekisa tso di leng ga “seporofeto sowa” ka taba la gore tso re di balang ga puku ya Kutullo tsa gore di ya makega le rune di ya re yama. (Kut. 1:3) Mara re ka maka byang gore re tiyisele go hlorisiwa re kene re tshepega re boya re ya mahlong re tšhela letsogo ga mmereko wa go sabalatsa molayetsa wowa? Ke dilo ka dipedi tso di nyoko re tiyisang: sa mathomo, ke tso puku ya Kutullo yi di wunyullang ka manaba ya Modimo fote sa bobedi, ke tso ba nyoko re makelang tsona ku mahlong mo nkare re nyoko dula re tshepega. Taba yowa re nyoko bolabola ka yona ga dihlogotaba ka dipedi tsa go latela.