1. Di nyaka batho ba segelela sepheto sefeng se segolo?

 LEKGONO batho ba šalele ke gore ba segelele sepheto se segolo. Ayitsano ba nyoko thega Jehova Modimo go le yene ye di mo tshwanelang tsa go lawola lefase ka mokana ga lona kela ba nyoko yema le lenaba lage la go ba le lešidi Sathane Diyabolo? Tsa go fo ba segare a di bereke. Sepheto so ba se segelelang ke sona so se šupetsang gore ayitsano ba ko le kraya lephelo la goya go yye kela dho. (Mat. 25:31-33, 46) Ka nako ya “motšhatšhamelo wo mogolo,” batho ba nyoko ba mereka go le ba go tshwanela ke lephelo kela go napa go fela ka bona.—Kut. 7:14; 14:9-11; Hezek. 9:4, 6.

2. (a) Maheberu 10:35-39 yi re hlohletsela gore re make ying? (b) Puku ya Kutullo yi re gelepa ka mokgo mang?

² Bala Maheberu 10:35-39. Mo nkare o kgetiye go thega Jehova le Mmušo wage, o kgetiye gabutši a wa pumutsa. Gana byalo o di nyaka ka matla go gelepa ba bangwana gore le bona ba kgete gabutši. Mo nkare go ka mokgonone o ka ba gelepa o berekisa tso di leng ga puku ya Kutullo. Puku yowa ya Kutullo ya gore yi jabodisa ka matla yi wunyulla gore go nyoko makega ying ka bo ba phigisanang le Jehova mara fote yi boya yi nyaretsa gore bo ba gore ba thega Mmušo wage ba nyoko ba rufa ka tsa mošaga mang. Re nyoko ba re maka gabutši mo re ka fo pombhola nnete yowa. Mo re ka maka ka mokgonone re nyoko dula re ngangarele Jehova re sa khwanyudisi. Go tokegela gana hone, ka tso re di tšhutiyeng re ka gelepa ba bangwana gore ba segelele dipheto tsa gabutši ba boye ba di make.

3. Re nyoko petapeta ka ying ga hlogotaba yowa?

³ Ga hlogotaba yowa re nyoko fetola diputsiso tsowa: Bo ba thegang Mmušo wa Modimo ba yemele ke tsa mošaga mang? Mara king tso di yemeleng ke bo ba thegang phoolwane ya hlaga  ya khala ye khubedu ya nkare ke madi yo ba bolabolang ka yona ga puku ya Kutullo?

4. Johane o bona mogoba wofeng wo na le Jeso ku legedimong?

⁴ Ga mmono, Johane wa lepostola o yye a bona megoba ka mmedi ya gore yi thega Mmušo wa Jehova fote ba yi rufiye ka lephelo la go ya go yye. Nombhoro ya mogoba wa mathomo ke 144 000. (Kut. 7:4) Ba ba tsere ho lefaseng gore ba ye lawola le Jeso ku legedimong. Ba le naye ba nyoko lawola lefase lowa ka mokana ga lona. (Kut. 5:9, 10; 14:3, 4) Ga mmono wowa Johane o ba bona ba yemme le Jeso Thabeng ya Tsiyoni ya ku legedimong.—Kut. 14:1.

5. Go nyoko makega ying ka bo ba šeleng ba 144 000?

⁵ Go tlugisela ku botala, ba go tlala ba yye ba ba hlawola gore go be ba 144 000. (Luk. 12:32; Marom. 8:17) Mara Johane ba mmutsiye gore bo ba šeleng kela nombhoro ye nyana ga mogoba wone ba ko ba ba phela ho lefaseng ka dinako tsa mafelelo. Ke mokane “bo ba šeleng” ba nyoko ba ba ba“merekiye” la mafelelo go šupetsa gore Jehova wa ba yamogela mo go soko bane go thomisa motšhatšhamelo wo mogolo. (Kut. 7:2, 3; 12:17) Mo motšhatšhamelo wo mogolo wo kene wo ya mahlong bo ba šeleng ba nyoko ya legedimong ba ye gahlana le ba bangwana ba 144 000 ba gore ba yye ba kgwa ba kene ba tshepega. Mo ba le gana ku ba nyoko lawola ba na le Jeso ga Mmušo wa Modimo.—Mat. 24:31; Kut. 5:9, 10.

6-7. (a) Ka nthago Johane o bona mogoba wofeng wo mongwana fote ba re botsa ying ka wona? (b) Ke ntaba bo ba šeleng le bo ba “mogoba wo mogolo” ka matla di nyaka ba jabodisa ke tso di leng ga puku ya Kutullo tema 7?

⁶ Ka nthago ga mo Johane a bonne mogoba wa legedimong o yye a bona “mogoba wo mogolo ka matla wa batho.” Mogoba wone a wo tshwane le wola wa 144 000 ka taba la gore a go na motho ye a ka kgonang go wo balela. (Kut. 7:9, 10) Ba re botsa ying ka bona? Johane o re: “Bowa ke bo ba gore ba tšwa ga motšhatšhamelo wo mogolo fote ba hlatswiye dikobo tsa bona gore go be tse ditšhwewu ka madi ya Nku.” (Kut. 7:14) Mo bo ba “mogoba wo mogolo ka matla wa batho” ba šele ba phonne motšhatšhamelo wo mogolo ba nyoko dula ho lefaseng ke mokane ba jabolela tsa gabutši tso ba ba rufang ka tsona.—Pis. 37:9-11, 27-29; Diy. 2:21, 22; Kut. 7:16, 17.

⁷ Di sa yi ka gore ba re hlawodiye gore re ye phela legedimong kela ho lefaseng, ayitsano taba yo yi hlatollang ke Kutullo tema 7 le rune re ya kena ga yona? A go jiki. Phela yone go ko ba go le nako ya go jabodisa ka matla ga megoba ka mmedi ya malata ya Modimo! Re ko ba re jabodisa ke gore re kgetiye go thega Mmušo wa Jehova. King se sengwana so puku ya Kutullo yi re botsang sona ka taba ya motšhatšhamelo wo mogolo?—Mat. 24:21.

8. Motšhatšhamelo wo mogolo wo nyoko thomisa ka mokgo mang fote batho ba go tlala ba nyoko maka ying?

⁸ Ga hlogotaba ya go fela, re tšhutiye gore tsa dipolotiki tsa lefase lowa go se botala di nyoko jikela Bhabhilona ye Mogolo go leng memmušo ya dikereke tsa matsaka tsa lefase lo. (Kut. 17:16, 17) Taba yonone yi nyoko napa yi thomisa motšhatšhamelo wo mogolo. Ayitsano tsotsone di nyoko napa di maka gore moririmane wa batho wo segelele sepheto sa go thomisa go berekela Jehova? Dho. Mara Kutullo tema 6 yi šupetsa gore ka dinako tsone tsa mo go bifiye bo ba gore a ba berekele Jehova ba nyoko tšhabela ga tsa dipolotiki le tsa dibhizinisi tsa lefase lowa tsa gore ba di tshwanisa le dithaba. Ka taba la gore a baa kgeta go yema le Mmušo  wa Modimo, Jehova o ba tseya gore baa mo phigisa.—Luk. 11:23; Kut. 6:15-17.

9. Batho ba Jehova ba nyoko segelela sepheto sa mošaga mang sa go tshwana se le ntoši ka nako ya motšhatšhamelo wo mogolo fote ka maphomela mafeng?

⁹ Nnete ke gore, malata ya Jehova ya go tshepega ka nako yonone ya go sasamela ma ko ma segelele sepheto sa go tshwana se le ntoši. Fote go ko ba go le bona mogoba ka wwoši wa batho ho lefaseng wa gore wo sa na wo berekela Jehova Modimo wo boya wo gana go thega “phoolwane ya hlaga.” (Kut. 13:14-17) Taba ya gore a ba thogathoge le ka gonyana yi nyoko kwatisa bo ba phigisang Jehova. Ke mokane tsotsone di nyoko maka gore ditšhaba di gahlane di make ngata gore di thogo hlasela malata ya Modimo lefaseng ka mokana ga lona. Taba yonone ya gore ba kwata tsa nkare a ba tseyi gabutši seporofeto mo se yi hlatolla se re ke go hlasela ga Ghogho wa Maghogho.—Hezek. 38:14-16.

10. Kutullo 19:19-21, yi re Jehova o nyoko re king mo a bona ba hlasela batho bage?

¹⁰ Mara Jehova o nyoko re king mo a bona ba hlasela batho bage go baba? O re: “Ke nyoko kwata la go sa hlayisegi.” (Hezek. 38:18, 21-23) Kutullo tema 19 yi re botsa so se makegang ka nthago. Jehova o roma Morwayi wage gore a ye a lwele malata yage ga manaba ya bona. Jeso o ko ba a lwa a na le “masole ya ku legedimong”—go leng mangeloyi ya go tshepega le bo ba 144 000. (Kut. 17:14; 19:11-15) Ntwa yone yi nyoko fela ka mokgo mang? Go nyoko ro napa go fela ka batho le mekgahlo ya gore yi phigisa Jehova!—Bala Kutullo 19:19-21.

11. Puku ya Kutullo yi felela ka taba yifeng ya go jabodisa?

¹¹ O fo nagana gore ba go tshepega bo ba leng ho lefaseng ba ko ba ba tikwa ka mokgo mang mo ba bona gore ba phonne nakwela Modimo a fetsa ka manaba yage! Ye lune, phela yone go ko ba go le nako ya go hlakela! Le mo yi le gore ka nako yonone ku legedimong ba ko ba ba jabodiye ka matla mo ba bona Bhabhilona ye Mogolo yi psyitlanyiwa, go na le se sengwana sa gore se nyoko maka gore ba nape ba jabole la go sa hlayisege. (Kut. 19:1-3) Gabutšibutši ke mo taba ya puku ya Kutullo yi felelang gona—go leng “mošadho wa Nku.”—Kut. 19:6-9.

12. Kutullo 21:1, 2, yi re mošadho wa Nku wo nyoko makega leng?

¹² Mošadho wowa wo makega leng? Ka mokana ga bona bo ba 144 000 ba ko ba ba šele ba le legedimong mo go šele ka gonyana gore ntwa ya Aremaghedoni yi thomise. Mara mošadho wone wa Nku wo ka sa thomisi ka nako yonone. (Bala Kutullo 21:1, 2.) Wo nyoko thomisa ka nthago ga ntwa ya Aremaghedoni fote mo go fediye ka manaba ka mokana ga wona ya Modimo.—Pis. 45:3, 4, 13-17.

13. Mošadho wa Nku wo nyoko leyela ba bangwana ying?

¹³ Mošadho wowa wa Nku wo ba leyela ying ba bangwana? Go fo tshwana le mo mošadho wo maka gore monna le mosadi go be selo ka ssoši, byalo le mošadho wa go tshwanisela wo gahlanisa Kgoši go leng Jeso Kreste le “ye a tseyanang naye” go leng 144 000.” Taba yone ye kgolo yi maka gore go be le mmušo wa gore wo nyoko lawola lefase ka 1 000 ya mengwaga.—Kut. 20:6.

14-15. Ga Kutullo tema 21 bo ba 144 000 ba ba tshwanisa le ying? (Lebelela sethombhe sa ka tawong.)

¹⁴ Fote Kutullo tema 21 yi tshwanisa bo ba 144 000 le mutši wa go bafala ka matla wo ba reng ke “Jerusalema ya nyuwane.” (Kut. 21:2, 9) Mutši wone ke mo ba wo yagiye gedimo ga 12 ya matlapa ya fandhiši ga matlapa yane ba ngwadiye “12 ya mabitso ya mapostola ya Nku.” Ke ntaba Johane a jabodisa ke taba yowa? Ka taba la gore o bonne lebitso lage ba  le ngwadiye hone matlapeng. Ye lune, phela yone ke taba ye kgolo!—Kut. 21:10-14; Maef. 2:20.

¹⁵ Mutši wone wo tshwana wo le ntoši. Pata ye kgolo ya mutši wone ke mo go le gholdi fote digheyiti 12 ya tsona ke mo go le makolwane, mapharo le di fandhiši ke mo ba di kgabisiye ka matlapa ya go tseyediwa gedimo fote mutši wone ke mo wo lekana mahlaya ka moka. (Kut. 21:15-21) Mara ke mo go na le se sengwana sa gore nkare a se gahlane gabutši! Lebelela gore ka nthago Johane o re botsa ying: “A ke ya bona go na le tempele ka taba la gore Jehova Modimo wa Matšhika ka moka ke yene tempele ya gona fote le Nku ke yene tempele ya gona. Byalo, mutši wone ke mo wo sa nyake letšatši kela ngwedi gore di wo khanyisele ka taba la gore wo khanyisa ke go gadima ga Modimo fote Nku ke yona llampa la gona.” (Kut. 21:22, 23) Bo go leng Jerusalema ya Nyuwane ba nyoko bona Jehova ka maahlo. (Maheb. 7:27; Kut. 22:3, 4) Byalo, Jehova le Jeso ke bona tempele ya mutši wone.

16. Lephelo le ko ba le le byang ka Sekete sa Mongwaga mo go Lawola Mmušo wa Modimo?

¹⁶ Bo ba go tlotsiwa ba jabola ka matla mo ba nagana ka mutši wone. Mara le bo ba gore ba na le tshepo ya go phela ho lefaseng, mutši wone wa ba jabodisa. Ga Sekete sa Mongwaga mo go Lawola Mmušo wa Modimo, Jerusalema ya Nyuwane ba nyoko yi rufa la go sa hlayisegi. Johane o bonne tso ba yi rufang ka tsona di yeela go fo tshwana le “noka ya meetši ya lephelo.” Fote ga mahlaya ka mabedi ga noka yone go na le “mehlare ya lephelo” ya gore yi na le matlakala “ya gore ma nyoko yalafa ditšhaba.” (Kut. 22:1, 2) Dilo tsowa tsa gabutši di nyoko berekela batho ka mokana ga bona. Ka gonyana ka gonyana ka mokana ga bona ba gore ba theetsela Modimo ba nyoko maka gore ba felegelele. Go ka sa sa ba le bolwele, tsa go sasamela kela dinepedi ka taba la go kwa go baba.—Kut. 21:3-5.

17. Kutullo 20:11-13 yi re Sekete sa Mengwaga sa go Lawola se nyoko berekela bomang?

¹⁷ Mara dilo tsowa tsa gabutši di nyoko kraya ke bomang? Ba mathomo go nyoko ba mogoba wo mogolo ka matla wa batho bo ba phonneng Aremaghedoni le dibananyana tso di ko bang di belegiwwe ga lefase lone la nyuwane. Mara Kutullo tema 20 yi tshepisa gore bo ba kgwileng ba nyoko ba tsosa. (Bala Kutullo 20:11-13.) Batho “ba go loka “ le “ba go sa loka “ ba gore ba yye ba kgwa fote a sanka ba kraya nako ya go tšhuta ka Jehova ba nyoko ba tsosa ba boya ba phela ho lefaseng. (Meber. 24:15; Joh.  5:28, 29) Nje tsotsone di rela gore batho ka mokana ga bona bo ba kgwileng ba nyoko tsusiwa ba tla ba phela ho lefaseng ga Sekete sone sa Mengwaga? Awwa. Bo ba gore ba yye ba gana ka tšhinghi go berekisa lešuba lo ba nang nalo la go berekela Jehova nakwela ba sa phela ba ka sa ba tsose. Ke mo ba thulegele ke lešuba mara ba šupetsiye gore a di ba tshwanele tsa go phela Pharadeyising ho lefaseng.—Mat. 25:46; 2 Mathes. 1:9; Kut. 17:8; 20:15.

18. Lephelo le ko ba le le byang ho lefaseng mo go fela 1 000 ya mengwaga?

¹⁸ Mo go fela 1 000 ya mengwaga, batho ka mokana ga bona ho lefaseng ba ko ba ba šele ba yenele. A go na le motho ka wweši ye a ko bang a sa na le senyama ka taba la tso Adamo a yyeng a di sinya. (Marom. 5:12) Sinyama so se leyyeng ke taba la tso Adamo a yyeng a di sinya se ko ba se fediye. Ka taba la tsotsone bo ba leng ho lefaseng ba nyoko “tsoga” go le batho ba gore ba yenele mo go fela 1 000 ya mengwaga.—Kut. 20:5.

19. Ke ntaba di nyaka gore batho ba ba liketse la mafelelo?

¹⁹ Re di tšiba gabutši gore Jeso o yye a phakgela Sathane ku kgole mo a liketsa go maka gore a lisetse go tshepega. O yye a fo dula a tshepega le mo ba mo liketsa. Mara ayitsano batho ka mokana ga bona ba nyoko ba ba tikemisele go maka ka mokgonone mo Sathane a thulegela ke lešuba la gore a ba liketse? Ye mongwana le ye mongwana o nyoko yi tšiba phetolo ya putsiso yone mo Sathane ba mo tlemolla ku sekoting mo go fela 1 000 ya mengwaga. (Kut. 20:7) Ba gore ba šupetsiye gore baa tshepega mo ba liketsiwa la mafelelo ba nyoko kraya lephelo la go ya go yye fote ba nyoko jabolela go lokologa ga mannete. (Marom. 8:21) Bo ba gore ba tšhinghela Modimo ba nyoko psyitlanyiwa ggoši le Diyabolo le madimona yage.—Kut. 20:8-10.

20. Mara diporofeto tsowa tsa go jabodisa tso di leng ga puku ya Kutullo di go tikisa ka mokgo mang?

²⁰ Mara di go tshwara byang go tšhuta ka dilo tso di leng ho ga puku ya Kutullo? Ayitsano a di go jabodisi go tšiba gore le wene o gona ga seporofeto sowa? Nje a di go tšhofe gore o bitse ba bangwana gore le bona ba tle ga morapelo wo wa mannete wa Modimo? (Kut. 22:17) Ka taba la gore tso di nyoko makegang ku mahlong di re tikisa menagano le dipelo tsa rune tsotsone di re tšhofa gore re hlaye mantsu ya ma hlayyeng ke Johane wa lepostola mo a re: “Amene! Tlang Morena Jeso.”—Kut. 22:20.