1. Ke ntaba ka mokana ga rune di nyaka gore re hlalefe? (Diyema 4:7)

 MO NKARE di yye dya nyaka gore o segelele sepheto se segolo, a re kamake gore o thomisiye ka go rapela gore Modimo a go hlalefise gore o thogo bona dilo gabutši. (Jak. 1:5) Kgoši Solomoni o ngwadiye gore: “Ka matlamatla di nyaka re hlalefe.” (Bala Diyema 4:7.) Re ya di tšiba gore Solomoni ne a sa bolabole ka taba ya go tšiba dilo ka matla kela ya gore motho wa pasa mo a le sekolo. Mara ke mo a bolabola ka go hlalefa ga gore motho o go neya ke Jehova Modimo. (Diy. 2:6) Ayitsano mo Jehova a re hlalefisa tsotsone di nyoko re gelepa gore re thogo hlula mathatha ya re gahlanang nawo lekgono? Eya go fo ba ka mokgonone, fote hlogotaba yowa, yi nyoko napa yi di beya lekgwaying.

2. Ke mokgwa wofeng wo wo ka re gelepang gore re nape re hlalefa tsa mannete?

² Mokgwa wo mongwana wo wo ka napang wo re gelepa gore re hlalefe ke gore re tšhute re boye re berekise tso di tšhutisang ke banna bowa ka babedi ba gore ba ba hlompa ka taba la gore ba hlalefiye. Wa mathomo ye re ka tšhutang gage ke Solomoni. Bhayibele yi re, “Modimo o makiye gore Solomoni a hlalefe a boye a kwisise dilo gabutši.” (1 Mag. 4:29) Wa bobedi ye re nyoko tšhutang gage ke Jeso, wa gore ne go se na motho ye mongwana wa gore o hlalefiye go tshwana naye. (Mat. 12:42) Seporofeto mo se bolabola ka Jeso se yitseri: “Moya wa Jehova wo nyoko mo koramela, moya wa go hlalefa le wa go kwisisa.”—Jes. 11:2.

3. Ga hlogotaba yowa re nyoko petapeta ka ying?

³ Modimo o yye a hlalefisa Solomoni le Jeso gore ba yeletse ka dilo tsa gore le rune di nyoko re berekela. Ga hlogotaba yowa, re nyoko lebelela kararo ya dilo tsone: Ka mokgo re tseyang tšheleta,  mmereko le gore rune beng re titseya ka mokgo mang.

4. Solomoni le Jeso ba fapana ka mokgo mang ka tso ne ba le natso?

⁴ Solomoni ke mo a ghannye ka matla fote a phela ga mabešebeše. (1 Mag. 10:7, 14, 15) Ka nthoko ye nngwana Jeso ke mo a se na dilo tsa go tlala le mong ntlo a se nayo. (Mat. 8:20) Mara banna bowa ba le ka babedi ke mo ba di tseya gabutši dilo tso ba nang natso ka taba la gore Ye a makiyeng gore ba hlalefe ke Jehova Modimo.

5. Solomoni ke mo a yi tseya gabutši tšheleta ka mokgo mang?

⁵ Solomoni aa yi phigisi taba ya gore tšheleta ya re “pasopa.” (Mmo. 7:12) Phela tšheleta yi re gelepa gore re thogo kraya dilo tso re di gayelang le tso re di nyakang. Le mo yi le gore Solomoni ne a na le lebotha, ne a di tšiba gore go na le dilo tsa gore di phala tšheleta. Mo re beyisa, o ngwadiye gore: “Go kawone go kgeta go ba le lebitso la gabutši go phala go kgeta go ghanya.” (Diy. 22:1) Fote Solomoni o di bonne tsa gore batho ba gore ba kwana ka matla le tšheleta a baa jabola le ka gonyana. (Mmo. 5:10, 12) Fote o re pasopisa gore re sa tshepele ga tšheleta ka taba la gore di ka makega gore yi fo tikela le noka.—Diy. 23:4, 5.

6. Jeso ke mo a di tseya ka mokgo mang dilo tso a nang natso? (Matewu 6:31-33)

⁶ Jeso ke mo a di tseya gabutši dilo tso ne a le natso. Ne a tikwisa ka tsa go ja le tsa go nwa. (Luk. 19:2, 6, 7) Tšatši le lengwana mo a sa thomisa go maka mohlolo o yye a maka mong yona wayine ya gabutši. (Joh. 2:10, 11) Fote ka letšatši lo a kgwileng ka lona ne a yapere kobo ya go tura. (Joh. 19:23, 24) Mara Jeso ne a sa fo dulela go nagana ka dilo tso a nang natso. O butsiye bo ba mo latelelang gore: “Aa šiyo wa gore a ka ba lelata la magoši ka mabedi . . . O ka sa di kgone go berekela Modimo wa boya wa nyaka go Ghanya.” (Mat. 6:24) Jeso o tšhutisiye gore mo re yetisa Mmušo mahlong, Jehova o nyoko re neya tso re di gayelang.—Bala Matewu 6:31-33.

7. Taba ya go tseya tšheleta gabutši, yi yye ya mo gelepa ka mokgo mang mogageru ye mongwana?

⁷ Magageru ya go tlala ya banna le basadi di ba gelepiye ka matla go berekisa tso Modimo a re hlalefisang ka tsona ga taba ya tšheleta.  Lebelela mošupetso wa mogageru wa gore aa soko šadha ye ba reng ke Daniel. O re: “Nakwela ke sa gula ke yye ka segelela sepheto sa gore ke make tso tsa Modimo gore go yete tsona mahlong.” Ka taba gore Daniel ne a tiphelela lephelo la lula o yye a thogo berekisa nako yage le tso a kgonang go di maka ga mmereko wa Jehova. O tokegele ka gore: “Ke ya resa a sanka ka tisola le ka gonyana ka tso ke di kgetiyeng. Nnete ke gore ne nko ba ke tipiye tšheleta ka masaka hala ke kgetiye go yetisa yona mahlong. Mara nje tšheleta ne yi ka nrekela banghana ba gabutši bo ke nang nabo lekgono? Nje ne yi ka maka gore ke kgotsafale ka taba la gore gana byalo ke kgotsofatsa ke go yetisa Mmušo mahlong? A go na tšheleta yo yi ka phalang tso Jehova a nrufiyeng ka tsona.” Nnete ke gore di ya re berekela mo re karakara ka matla ga tso tsa Modimo mara re sa lelekisane le tšheleta.

8. Re di tšibela kaye tsa gore Solomoni ke mo a wo tseya gabutši mmereko? (Mmolabodi 5:18, 19)

⁸ Solomoni o yitseri taba ya gore mo re bereka re ya jabola ke “so Modimo a re neyyeng.” (Bala Mmolabodi 5:18, 19.) O ngwadiye gore: “Go sa tshwate go na le maphomela ya gabutši.” (Diy. 14:23) Solomoni ke mo a di tšiba gabutši gore tsone go ro ba mong yona nnete. Le yene ne a sa tshwate go bereka! O yye a yaga dintlo, a na le mašemo fote a makiye diphaka le madhamo. Fote o yye a yaga le mitši ye megolo. (1 Mag. 9:19; Mmo. 2:4-6) Tsotsone ke mo go se mmereko wo monyana fote a re kamake gore di makiye gore a fo kwa pelo yowa yitseri kgehle. Mara Solomoni ke mo a sa tshepela ga mmereko wone gore ke wona wo ntoši wo ka makang gore a jabole. Ke mo a maka le tso tsa Modimo. Mo re beyisa, ke yene ye ne di nyaka gore a bone gore mmereko wa go yaga tempele ya Jehova wo sepela gabutši—go leng mmereko wa gore wo tsere kašupa ya mengwaga! (1 Mag. 6:38; 9:1) Ka nthago ga mo a makiye dilo tsa go tlala a boya a tšhela letsogo ga tso tsa Modimo, Solomoni o di bonne tsa gore go karakara ga tso tsa Modimo go kawone go phala go tipolayisa ka mebereko ye mengwana. O ngwadiye gore: “Sa mafelelo ga tso tsa gore di kwagele ke sowa: Tšhabaneng Modimo wa mannete fote le theetsele melawo yage.”—Mmo. 12:13.

9. Jeso o yye a maka byang gore mmereko wage wa go tipasopa wo sa mo šitisi?

⁹ Jeso ne a sa tshwate le ka gonyana. Nakwela a sa gula a le ho lefaseng, ke mo a maka mmereko wa go betla. (Mar. 6:3) A re yi kamake taba ya gore babelegi bage ke mo ba yi tseyela gedimo taba ya gore ne a ba gelepa go pasopa ba mutši wa bona wo mogolo ka tso ba di gayelang. Fote mo Jeso a maka mmereko wone wa go betla, ne go le motho wa go yenela byalo di ka makega gore batho ne ba wo nyaka ka matla mmereko wone wage! Di ka makega gore le yene mong ne a kwana nawo ka matla mmereko wone wage. Le mo yi le gore Jeso ne a wo tseyela gedimo mmereko wone, ke mo a sa tikone nako ya gore a thogo maka tso tsa Modimo. (Joh. 7:15) Ka nthagonyana mo a šele a maka mmereko wa go tšhomayela nako ka moka, o yeletsiye bo ba mo theetseleng ka gore: “Le sa berekele tsa go ja tsa gore di ya bola mara le berekele tsa go ja tsa gore di nyoko fo dula di le gona go ya go yye.” (Joh. 6:27) Fote nakwela Jeso a Tšhutisa a le Thabeng o yitseri: “Tikgobaketseleneng dilo tsa gabutši ku legedimong.”—Mat. 6:20.

10. Ba bangwana ba ghulana le dintshitshire tsa mošaga mang mo ba le mmerekong?

¹⁰ Mo Modimo a maka gore re hlalefe tsotsone di nyoko re gelepa gore re thogo tseya mmereko gabutši. Ka taba la gore re Makreste ba re tšhutisiye gore re make “mmereko . . . , wa gabutši.” (Maef. 4:28) Ga go tlala bo ba re hiriyeng ba yakgoswa ba di bona tsa gore re ya tshepega fote a re tshwate, byalo ba ka boya ba hlaya le gore ba jabolela ka mokgo re makang mmereko wa rune.  Byalo, le rune re ka kwa di re tšhofa gore re yeketse nako ya rune ya mmereko re makisa ke gore re nyaka gore bo ba re hiriyeng ba nape ba kwana ka matla le Dihlatse Tsa Jehova. Mo re re phaphara, re ka kraya re šele re yi takisiye maahlo mebereko yo di nyakang re yi maka ka ho mutšing fote re lisetsiye go maka ye mengwana mebereko ya gore yi yelana le tso tsa Modimo. Di nyaka re potolla go gongwana gore re thogo tseya dilo gabutši.

11. Ga taba ya go tseya mmereko gabutši, king so mogageru ye mongwana a se tšhutiyeng?

¹¹ Mogageru wa gore o sa gula ye ba reng ke William aa fo kwa ba re, o di bonne ka maahlo tsa gore go tseya mmereko gabutši di ya gelepa. Mo William a bolabola ka mogolo ye mongwana wa gore ne a bereka gage o re: “[Mogageru yewa] ke mošupetso wa gabutši wa motho wa gore o tšiba go tseya mmereko gabutši. O karakara ka matla fote le batho bo a ba makelang mmereko ba mmolabola gabutši ka taba la gore aa teye mošašaša mo a maka mmereko. Mara mo go le nako ya go tšhayisa fote a fetsiye ka mmereko o lebala ka mmereko wone ke mokane a ya a bona tsa mutši le tsa morapelo. Fote wa tšiba king, a go na motho wa go jabola go tshwana naye wa tšiba!” *

12. Solomoni o šupetsiye ka mokgo mang gore ne a titseya gabutši mara mo goya-goya dya mo phukulusanya?

¹² Solomoni ne a titseya gabutši nakwela go sa le lelata la Jehova la go tshepega. Mo a sa le mosogana, ke mo a tinyanafatsiye a tšiba gore go na le tsa go mo kgerela fote a fela a kgopela Jehova gore a mo yetetse. (1 Mag. 3:7-9) Mo Solomoni a sa thomisa go ba kgoši ke mo a dula a ntshiye maahlo dikwakweng gore a thogo kganela kgole le taba ya go kakola magetla. O ngwadiye gore: “Go kakola magetla gwa wisana le go tipotsa gwa phikana.” (Diy. 16:18) Mara sa go kwisa go baba ke gore, Solomoni yene beng di mo šitiye go maka tso a di hlayyeng. Mo a kene a lawola go le kgoši, o yye a thomisa go ba le magetla ke mokane a thomisa go phayela melawo ya Modimo ku thoko. Mo re beyisa, molawo wo  mongwana ke mo wo re kgoši ya Leheberu “yi sa tseye basadi ba go tlala, gore pelo ya yona yi sa keketlele.” (Dot. 17:17) Solomoni a sanka a di kena tsa molawo wone o yye a titseyela basadi bage 700 a boya a yeketsa ka 300 ya metlabo ba gore ba go tlala ba gona ke mo ba sa mo tšibi ga Jehova! (1 Mag. 11:1-3) Di ka makega gore Solomoni ne a tipotsa gore, “ke tšiba so ke se makang.” Le mo re sa nape re tšiba gore ditaba ke mo di yemme ka mokgo mang, mo goya-goya Solomoni o yye a tlela ke tsa go sasamela ka taba la gore ke mo a keketlela kgole le Jehova.—1 Mag. 11:9-13.

13. King so re ka se tšhutang mo re ghayela ka taba ya gore Jeso o tinyanafatsiye?

¹³ Jeso ke mo a dula a tinyanafatsiye fote a titseya gabutši. Nakwela a soko bane a tla ho lefaseng go le motho, ke mo a na le dilo tsa go tlala tsa gore o yye a di maka ga mmereko wa Jehova. Ka yene Jeso, “dilo ka mokana ga tsona tsa ku legedimong le tsa ho lefaseng di makiwwe.” (Makol. 1:16) Nakwela a kolobetsiwa, o yye a gopola dilo tso a yyeng a di segelela mo a na le Papage. (Mat. 3:16; Joh. 17:5) Mara taba ya gore Jeso ne a tšiba ka dilo tsone a sanka ya maka gore a tseye nkare yene ke yene. Mara ne a sa tseyele motho fase. O butsiye malata yage gore mo lefaseng, “aa tlela go berekediwa, mara o tlele go berekela ba bangwana gore a thogo neyela ka lephelo lage gore a lepolle ba go tlala.” (Mat. 20:28) Fote ke mo di sa mo tšebisi go hlaya gore dilo ka mokana ga tsona tso a di makang ke mo a di botsa ke Papage. (Joh. 5:19) Yii phela Jeso wa tinyanafatsa ye lune! Jeso o re beyisele gabutši.

14. King so re se tšhutang ga Jeso ga taba ya go titseya gabutši?

¹⁴ Jeso o tšhutisiye bo ba mo latelelang gore ba titseye gabutši. Ka nako ye nngwana Jeso o yye a ba botsa gore: “Meriri ya mo dihlogong tsa lune yi balediwwe ka mokana ga yona.” (Mat. 10:30) Tso a di hlayyeng di ya re bhambhatela wa tšiba, ka matlamatla mo nkare re fela re titseyela fase. Tsotsone di napa di šupetsa gore Papa wa rune wa ku legedimong wa tihlupa ka rune fote o re tseyela gedimo. A re nyake go kraya re nagana gore Jehova di mo tlonnye mo a šinya a bona di re tshwanela go ba malata yage  fote a nyaka gore re kraye lephelo ga lefase la nyuwane.

15. (a) Sewokamelo se re hlohletsela gore re tšhute go titseya gabutši ka mokgo mang? (b) Sethombhe so se leng ga lephephe 24, se šupetsa gore mo re ka sa tšhute taba ya go titseya gabutši re nyoko phuka ke dilo tsa mošaga mang tsa gabutši?

¹⁵ Ga 15 ya mengwaga ya go fela, Sewokamelo se re hlohletsele gore di nyaka re tšhute go titseya gabutši mo se re: “Ke nnete gore, a di nyake re titseyela gedimo ka matla la go šinya re kakola magetla; kela re titseyela fase ka matla la go šinya re titseya nkare re fo ba ditšiya tsa ditoto. Mara, di nyaka re tšhuta go titseya gabutši, go leng go tšiba tso re kgonang go di maka le mo re kgerang gona. Mosadi ye mongwana wa Mokreste o yi beyye ka mokgo: ‘A yi nna Sathane fote a yi nna lengeloyi. Ke fo titshwanela le ye mongwana le ye mongwana ke fela ke maka tsa gabutši ke boya ke kekemisa go gongwana.’” * Ayitsano wa di bona gore mo re ka tšhuta taba ya go titseya gabutši tsotsone di nyoko re berekela ka matla?

16. Mara ke ntaba Jehova a re yetetsa gore re thogo hlalefa?

¹⁶ Jehova o re yetetsa a berekisa Lentsu lage gore re thogo hlalefa. O re nyaka ka matla fote o nyaka gore re jabole. (Jes. 48:17, 18) So re ka se kgetang go šupetsa gore re hlalefiye sa gore fote se ka maka gore re jabole ka matla ke gore re yetise dilo tsa Jehova mahlong. Mo re maka ka mokgonone, re ko ba re tiphonisa mathatha ya go tlala ya gore ma tlela ba gore ba yetisa tšheleta, mmereko le bona beng mahlong. Re nabela nkare ka mokana ga rune re ka tikemisela go šupetsa gore re hlalefiye fote re make gore Jehova a jabole!—Diy. 23:15.