1-2. King so re ka tiputsisang sona mo di tla ga taba ya merapelo ya rune?

 NJE o yye wa tiputsisa gore ayitsano Jehova wa yi fetola merapelo yaka? Mo nkare go ka mokgonone, a yi wene o ntoši. Magageru ya go tlala ma re ma fela ma tiputsisa putsiso yone, ka matlamatla mo ma gahlana le tsa go ma roba. Mo go thathafa o ka kraya di se lula go bona ka mokgo Jehova a fetolang merapelo ya rune.

² Tla re lebeleleneng gore ke ntaba re sa tshwanela go kamaka taba ya gore Jehova o fetola merapelo ya malata yage. (1 Joh. 5:15) Fote re nyoko lebelela le diputsiso ke tsowa: Ke ntaba ka dinako tse dingwana di bonala nkare Jehova aa fetole merapelo ya rune? Jehova o yi fetola ka mokgo mang merapelo lekgono?

3. Ke ntaba Jehova a nyaka re rapela yene?

³ Mangwalo ma di beya lekgwaying gore Jehova o re nyaka ka matla fote o re tseyela gedimo ka matla. (Hagh. 2:7; 1 Joh 4:10) Nka taba lo a reng mo re rapela re mo kgopele a re gelepe. (1 Pet. 5:6, 7) O nyaka go re gelepa gore re dule re mamarelanne naye fote re tiyisele dintshitshire tso re gahlanang natso.

4. Re di tšiba byang gore Jehova o fetola merapelo ya malata yage? (Lebelela sethombhe.)

⁴ Ka ho Bhayibeleng, ke ga go tlala re bala taba ya gore Jehova o yye a fetola merapelo ya malata yage. Ayitsano o ka re beyisela? O re king ka Kgoši Dafita? Lephelo lage ka mokana ga lona o yye a gahlana le manaba ya go tlala ya gore ma kotsi ka matla fote o yye a  rapela ga tleletlele a kgopela Jehova gore a mo gelepe. Tšatši le lengwana o yye a kgopela gore: “Barena Jehova, ntheetsele mo ke rapela; ntheetsele mo ke kgopela gore o n’gelepe. Ka taba la gore wa tshepega fote o lukiye, mfetole.” (Pis. 143:1) Jehova o yye a fetola mo Dafita a mo kgopela gore a mo gelepe. (1 Sam. 19:10, 18-20; 2 Sam. 5:17-25) Dafita ne a sa kamake mo a hlaya gore: “Jehova o thina le batho ka mokana ga bona bo ba mmitsang.” Di nyaka le rune re sa yi kamake taba yone.—Pis. 145:18.

5. Ayitsano merapelo ya malata ya Jehova ya ku botala ne yi dula yi fetodiwa ka mokgo ne ma nyaka ka gona? Beyisa. (Lebelela sethombhe.)

⁵ Di ka makega gore Jehova a sa fetole merapelo ya rune ka mokgo rune re nyakang. Tsotsone di yye dya makegela Pawulo wa lepostola. O yye a kgopela Modimo gore a hlomule “mmutlwa mo mmeleng.” Ke ga kararo mo Pawulo a yyeng a rapelela bothatha byone. Ayitsano Jehova o yye a fetola merapelo yone? Eya, mara go seng ka mokgo Pawulo ne a naganne. Jehova a sanka a hlomula bothatha byone, mara o yye a mo neya matšhika ya gore a thogo ya mahlong a berekela Yene a kene a tshepegiye.—2 Makor. 12:7-10.

6. Ke ntaba ka dinako tse dingwana di bonala nkare Jehova aa fetole merapelo ya rune?

⁶ Le rune ka dinako tse dingwana re ka kraya phetolo ya gore yi fapana le ka mokgo ne re nyaka. A re kamake gore Jehova wa di tšiba gore o tshwanele a re gelepe ka mokgo mang. Phela “o kgona go re neya dilo tsa go feta tso re ka di kgopelang kela tso re ka di naganang.” (Maef. 3:20) Byalo ka taba lolone, mo a ka fetola merapelo ya rune a ka maka tsotsone ka nako kela ka mokgwa wa gore ke mo re sa nagana.

7. Ke ntaba di nyaka re fela re tšhentšha tso re di rapelelang? Beyisa.

⁷ Di nyaka re fela re tšhentšha tso re di rapelelang mo re kene re bona re boya re kwisisa gore king tso Jehova a di nyakang. Lebelela mošupetso wa Martin Poetzinger. Mo Mogageru Poetzinger a sa tšwa go šadha ba yye ba mo tshwara ba mo yisa kampeng ya mahloriso ku Nazi. O yye a thomisa ka go rapela Jehova gore a mo ntshe hone kampeng ya mahloriso gore a thogo ya a ye pasopa mosadi wage le gore a ye tšhomayeleng fote. Mara ka nthago ga mabeke ka mabedi o di bonne gore Jehova aa mo thulela lešuba la gore a tšwe hone. Byalo, o yye a thomisa go rapela ka gore: “Barena Jehova, nšupetse tso o nyakang ke di maka.” Ke mokane o yye a thomisa go nagana ka mokgo magageru ya mangwana ne ma tiyisela ya gore le wona ne ma le gana hone kampeng. Ya go tlala magageru ne ma šekedisa ke taba ya gore ma šiyye basadi le bana. Ke mokane Mogageru Poetzinger o yye a rapela a re: “Jehova, ke leboga mmereko waka wa nyuwane. N’gelepe  ke tiyise magageru ke boye ke ma kgomoletse.” Phela o makiye tsotsone a boya a ro fetsa le mengwaga ye mengwana nkokwane ya wona a le gana hone kampeng!

8. Ke dilo difeng tso di nyakang re sa di lebale mo re rapela?

⁸ Re sa lebale gore Jehova go na le so a tikemiseleng go se maka fote o tšiba nako yo a tshwaneleng a se make ka yona. Ga taba yone a tikemiseleng yona go kena le go napa a ro fetsa go ya go yye ka mathatha ka mokana ga wona ya gore ma maka gore go be le mohlupego lekgono—mathatha ya go tshwana le go wela ke dikotsi tsa hlago, go lwala le likgu. Tso Jehova a tikemiseleng go di maka o nyoko di maka ka Mmušo wage. (Dan. 2:44; Kut. 21:3, 4) Mara, mo nako yone yi soko segela, Jehova o dumelele Sathane gore a lawole lefase lowa. b (Joh. 12:31; Kut. 12:9) Mo Jehova a ka lukisa mathatha ya batho gana byalo, ne di nyoko bonala nkare Sathane o lawola lefase lowa gabutši. Byalo, mo re sa yemele Jehova gore a make tso a di tshepisiyeng, tsotsone a di rele gore o fo re lisetsa a sa re gelepe. Tla re lebeleleneng tso Jehova a di makang gore a thogo re gelepa.

9. Jehova o re gelepa ka mokgo mang mo re nyaka go segelela dipheto? Re beyisele.

⁹ O maka gore re hlalefe. Jehova o re tshepisa gore o nyoko maka gore re hlalefe mo re nyaka go segelela dipheto tsa gabutši. Go hlalefa ga gore go tšwa ga Modimo re ya go hloka ka matlamatla mo re segelela dipheto tsa gore di ka tšhentšha maphelo ya rune tsa go tshwana le go dula re sa šadha kela go šadha. (Jak. 1:5) Lebelela tso mogageru wa mosadi wa gore aa soko šadha ye ba reng ke Maria a yyeng a gahlana natso. c Ke mo a bereka go le mošupatsela wa nako ka moka mo a šinya a gahlana le mogageru ye mongwana. O re: “Mo re kene re ya mahlong re nghanelana, re yye ra thomisa go kwa re nyakanana ka matla. Ke mo ke di tšiba gore di nyaka ke segelele sepheto. Ke yye ka rapela ka matla ka taba yone. Ke mo ke nyaka gore Jehova a n’yetetse fote ke mo ke di tšiba tsa gore a ka sa n’segelelele sepheto.” O f’lo tikwa gore Jehova o fetodiye merapelo yage ya gore a make gore a hlalefe. Ka mokgo mang? Mo a kene a nyakolla ga dikgatiso tsa rune o yye a kraya hlogotaba ya gore yi mo gelepiye gore a kraye diphetolo tsa diputsiso tso ne a le natso. O yye a boya a theetsela mo mmane wage wa gore wa tshepega a mo yeletsa. Taba yone ya gore Maria ba yye ba mo yeletsa yi mo gelepiye gore a pombhole ka mokgo a tikwang. Byalo, o yye a feleletsa a di kgona go segelela sepheto sa gabutši.

10. Mafilipi 4:13, yi re Jehova o nyoko maka ying gore a thogo gelepa malata yage? Beyisa. (Lebelela sethombhe.)

¹⁰ O re neya matšhika ya gore re thogo tiyisela. Go fo tshwana le ka mokgo Jehova a yyeng a makela Pawulo wa lepostola, le rune o nyoko re neya matšhika ya gore re tiyisele dintshitshire tso re  gahlanang natso. (Bala Mafilipi 4:13.) Lebelela ka mokgo Jehova a yyeng a gelepa mogageru ye mongwana ye ba reng ke Benjamin gore a tiyisele seyemo sa go thathafa. Mo Benjamin a kene a gola yene le ba mutši wa gabo ne ba dula Afrikha ga kampa ya gore ba tšhabele ga yona. Benjamin o re: “Ke yye ka rapela Jehova ke sa fetsi, ke mo kgopela gore a nneye matšhika ya gore ke make tso yene a di jabolelang. Jehova o mfetodiye ka go maka gore ke sa šekele ke be le lešiši la go ya mahlong nkene ke tšhomayela le go kraya dikgatiso tsa gore di maka gore ke dule ke mamarelanne naye.” O tokegele ka gore: “Mo ke bala ka tso magageru ma yyeng ma gahlana natso ke boya ke bona ka mokgo Jehova a ma gelepiyeng gore ma tiyisele, tsotsone di napa di tiyisa taba yo ke tikemiseleng yona ya gore ke dule ke tshepega.”

11-12. Ke ntaba Jehova a kgeta go berekisa magageru gore a thogo fetola merapelo ya rune? (Lebelela sethombhe.)

¹¹ O berekisa magageru. Bošego bya mo Jeso a soko bane a neyela ka lephelo lage o yye a rapela di mmaba. O yye a kgopela Jehova gore a sa lisetse batho ba bangwana ba mo tseye nkare ke yene motho wa go rogelelana ba boya ba mo poyila ka taba la tsotsone. Jehova a sanka a maka tso Jeso a mo kgopelang mara o yye a romela ye mongwana ga bobhuti bage ba mangeloyi gore a tle a mo tiyise. (Luk. 22:42, 43) Le rune Jehova a ka re gelepa a berekisa taba ya gore ba re fowunele ba re tiyisa kela re vakašela ke mogageru ye mongwana. Ka mokana ga rune re ka nyakana le lešuba la gore re bolabole “lentsu la gabutši” ga bo re rapelang nabo.—Diy. 12:25.

¹² Lebelela tso di yyeng dya gahlana le mogageru wa mosadi ye ba reng ke Miriam. Ka nthago ga mabekenyana ya mo monna wa Miriam a hlokofele ke mo a f’lo tidulela gaye a le ntoši a kgongwele fote di mo kgahleletsiye. Ke mo a llisa tse dingwana tsa mohlolo fote a nyaka go bolabola le ye mongwana. O re: “Ne ke šitega le mong go fowunela motho byalo ke yye ka rapela Jehova. Mo nkene ke sa lla fote ke sa rapela fowunu yaka yi yye ya lla. Ke mo go le mogolo wa gore ke mong monghana wa gabutši.” Mogolo yene le mosadi wage ba yye ba mo kgomoletsa ka matla ga Miriam. Phela aa kamake gore ke Jehova ye a tšhofiyeng mogageru yene gore a mo fowunele.

13. Re beyisele gore ke ka mokgo mang Jehova a ka berekisang le bo ba gore a ba rapele yene gore a thogo fetola merapelo ya rune.

¹³ A ka berekisa le batho ba gore a ba rapele  yene. (Diy. 21:1) Ka dinako tse dingwana, Jehova o fetola merapelo ya malata yage ka go tšhofa bo ba gore a ba rapele yene gore ba ma gelepe. Mo re beyisa, o yye a tšhofa Kgoši Athazeksisi gore a dumelele Nehemiya a boyele Jerusalema gore a thogo ye gelepa ga taba ya go yaga mutši wone ka bonyuwane. (Neh. 2:3-6) Le lekgono, Jehova a ka berekisa le bo ba gore a ba rapele yene gore ba re gelepe mo go thathafa.

14. Di go tiyisiye ka mokgo mang tso Soo Hing a yyeng a gahlana natso? (Lebelela sethombhe.)

¹⁴ Mogageru wa mosadi ye ba reng ke Soo Hing o di bonne gore Jehova o mo gelepiye a berekisa togotela. Morwayi wage ke mo a dula a lwalalwala. Mo morwayi yene a sa tšwa go kraya kotsi, mogageru wa mosadi le monnage ba yye ba lisetsa mmereko gore ba thogo mo lekelela. Ba yye ba feleletsa ba na le mathatha ya tšheleta. Soo Hing o re, ke mo a kwa di mo kgahleletsiye la gore a ka sa sa kgona le go tiyisela. O yye a kgotolela Jehova sa pelong, a kgopela gore a mo gelepe. Togotela ye ne ba yye ga yona yi yye ya jabolela go ba gelepa ka mokgo mongwana. Ke mokane tsotsone dya maka gore le ba mmušo ba ba gelepe fote ba kraye le poleke ya go dula ya gore a yi turi. Ka nthagonyana Soo Hing o yitseri: “Re napiye re di bona gore re gelepa ke Jehova. Ke nnete gore, ke ‘Wa go theetsela merapelo.’”—Pis. 65:2.

15. King so se gelepiyeng mogageru ye mongwana wa mosadi gore a di bone gore Jehova o fetola merapelo yage?

¹⁵ A yi ga go tlala merapelo ya rune yi fetodiwang ka mokgwa wa mohlolo. Mara diphetolo tso re di krayang ke so re se hlokang gore re thogo dula re tshepega ga Papa wa rune wa legedimong. Byalo, o sa wo takisi maahlo mokgwa wo Jehova a fetolang merapelo yago ka wona. Mogageru wa mosadi ye ba reng ke Yoko, ke mo a bona nkare Jehova aa fetole merapelo yage mara o yye a thomisa go ngwala fase tso ne a di kgopela ga Jehova. Mo nako yi kene yi ya o yye a lebelela mo a ngwaleleng gona ke mokane a di bona gore Jehova o fetodiye tsa go tlala tso a di rapeleleng a boya a fetola le tsa gore mogageru yene wa mosadi o šele a lebele ka tsona. Nako le nako di nyaka re yemenyana ke mokane re lebelele ka mokgo Jehova a fetolang merapelo ya rune.—Pis. 66:19, 20.

16. Re ka šupetsa ka mokgo mang gore re na le tumelo ga taba ya merapelo ya rune? (Maheberu 11:6)

¹⁶ A re šupetsi gore re na le tumelo ga Jehova ka go fo mo rapela mara le ka go yamogela mokgwa wo mongwana le wo mongwana wo a re fetolang ka wona. (Bala Maheberu 11:6.) Lebelela  mošupetso wa Mike le mosadi wage ye ba reng ke Chrissy. Ke mo ba tipeyele gore ba nyaka go berekela Bethele. Mike o re,“Re yye ra ba ngwalela ga tleletlele re nyaka go bereka gona re le ka babedi re boya re rapela Jehova re sa fetsi ka taba yone re nyakang go yi segelela, mara a sanka ba re bitsa.” Mike le Chrissy ba yye ba dula ba tshepa taba ya gore Jehova wa di tšiba gore o nyaka go ba berekisa kaye ga mmereko wage. Ba yye ba ya mahlong ba maka so ba se kgonang, ba bereka go le mašupatsela ya nako ka moka ga gore go gayela batšhomayedi ba boya ba gelepa ga mmereko wa go yaga tsa mokgahlo wa Jehova. Lekgono ba ga mmereko wa go potuluga. Mike o re, “A yi ga go tlala Jehova a fetola merapelo ya rune ka mokgo rune re nyakang, mara yene o yi fetodiye fote o makiye tsotsone ka mokgwa wa gabutši wa gore ne re sa wo nagana.”

17-18. Pisalema 86:6, 7, yi re king so se makang gore re sa kamake?

¹⁷ Bala Pisalema 86:6, 7. Mopisalema Dafita ke mo a sa kamake taba ya gore Jehova o kwa merapelo fote wa yi fetola. Le wene o ka tshwana naye ga taba yone ya go sa kamake. Mešupetso yo yi leng ga hlogotaba yowa yi maka gore re sa kamake gore Jehova a ka re hlalefisa a boya a re neya matšhika ya re ma hlokang gore re tiyisele. A ka berekisa magageru kela le mong bo ba gore a ba rapele yene gore ba re gelepe ka mokgwa wo mongwana.

¹⁸ Le mo Jehova a kene a sa fetole merapelo ya rune ka mokgo re nyakang re ya di tšiba gore o na a nyoko yi fetola. O nyoko re neya tso re di hlokang fote o nyoko re neya tsona ka nako yonone re di hlokang. Byalo, o sa lisetsi go rapela, o sa kamake gore Jehova o nyoko go pasopa gana byalo le gore o nyoko “kgotsofatsa so se nabelang ke se sengwana le se sengwana sa go phela” ga lefase la nyuwane la gore le sa tla.—Pis. 145:16.