1, 2. Re tšhuta go maka ying mo re kene re butšwa ga tso tsa Modimo? Beyisa.

SENGWANANYANA ke sosone ba se neya selo se sengwana. Ke mokane babelegi ba sona ba re ga sengwananyana sowa, “Maka gore ke ya leboga.” Sengwananyana sone se maka ka mokgonone, le mo tso se di hlayang di sa nape di tšwa pelong. Mo sengwananyana sowa se kene se gola, se thomisa go di kwisisa gore babelegi ba sona ke mo ba nagana ying ke mokane se thomisa go tshwara ba bangwana gabutši. Sengwananyana sowa byalo ke motho ye mogolo wa gore wa di kgona go leboga, fote o leboga di mmaba. Ke ntaba? Ka taba la gore taba yowa ya go leboga aa yi tseye go le ya go kgana.

² Le rune nakwela re sa thoma go tšiba nnete, re yye ra tšhuta gore go theetsela Jehova di gabutši fote go ro ba mong lephelo la rune. Mara mo re kene re tlalela ka mo ga tsa Modimo, re tšhuta tsa go tlala ka Jehova—dilo tso a kwanang natso, tso a di nyenyang le ka mokgo a tseyang dilo tsa mohlobohlobo. Mo re tšhuta go nagana go tshwana naye le go leketsa go kutšetsela ke yene ga tso re di makang le ga sepheto so re se segelelang, tsotsone di šupetsa gore re nyaka go tshwana naye ga Jehova.

3. Ke ntaba di se lola go kutšetsela ke Jehova?

³ Go tšhuta go kutšetsela ke Jehova gwa jabodisa, mara ka thoko a go lola. Go gongwana re ka phiriketsa ke gore menagano ya rune a ya yenela gabutši. Mo re beyisa, o ka fo kraya re sa nape re kwisisa gore ke ntaba Jehova a re maphelelo ya rune ma yele, a re re sa lelekisane  le dilo tsa majabajaba, re ye tšhomong, re sa tšhele madi kela tse dingwana. Re ka maka byang mo go le ka mokgonone? Re ka maka byang gore re ye mahlong re kene re kutšetsela ke Modimo? Go maka tsotsone go nyoko re tikisa kaye ga tso re di makang gana byalo le ku mahlong?

4. Tso Pawulo a di hlayyeng tsa gore: ‘Le tšhentšhe monagano’ di ra gore king?

⁴ Bala Maroma 12:2. Howa, Pawulo wa lepostola o re botsa gore motho a make ying mo a nyaka go kutšetsela ke Jehova. Hlogotaba ya go fela yi re šupetsiye gore mo re nyaka go ‘lesetsa go kutšetsela ke lefase lowa,’ di nyaka re sa tšhele dilo tsa lefase lowa le maphelelo ya gona ka ho menaganong ya rune. Mara Pawulo o hlayye le gore re ‘tšhentšhe menagano ya rune.’ Sone se rela gore re tšhute Lentsu la Modimo re boye re karakare gore re nagane go tshwana naye, re ghayele ka tsona le go maka gore tso Modimo a di naganang di yelane le tso rune re di naganang.

5. Hlatolla gore go wokola ka gedimo le go tšhuta di fapana mo di tla kaye.

⁵ Go tšhuta a ba rele go fo wokola ka gedimo fote a yi go fo thalela diphetolo. Mo re tšhuta, re lebelela gore taba yone yi re botsa ying ka Jehova, ka mokgo a nyakang re maka dilo ka gona le ka mokgo a naganang. Re leketsa go kwisisa gore ke ntaba Modimo a re taba ye nngwana yi gabutši mara ga ye nngwana a re a yi gabutši. Re fela re nagana le gore maphelelo ya rune le menagano ya rune re ka ma potolla kaye. Le mo ditaba tsowa di ka sa nape di bolabodiwa ka nako ka yyoši, re nyoko thušega mo re fo beya nako—go gongwana re ka tseya sekopa sa nako yo re yi fetsang re titšhutisa—ke mokane ra ghayela ka tso re di balang gore di thogo thothela ku pelong.—Pis. 119:97; 1 Thim. 4:15.

6. Go makega ying mo re ghayela ka tso Jehova a di naganang?

⁶ Mo re kene re ghayela ka tso re di kwang Lentsung la Modimo, re nyoko bona mohlolo. ‘Le rune beng re ya di bona’, eya, re napa re tshepa, gore tso Jehova a di bolabolang ga taba yonone di fo re kwatla. Re thomisa go bona dilo go tshwana naye ke mokane ra yema le taba yone. Menagano ya rune ‘ya tšhentšha,’ ke mokane ra thomisa go nagana ka mokgwa wa nyuwane. Ka gonyana ka gonyana, re thomisa go kutšetsela ke Jehova.

7, 8. (a) Jehova o ma tseya byang majabajaba? (Lebelela dithombhe tsa ku mathomisong.) (b) Mo re thomisa go nagana go tshwana naye, re nyoko dula re yetisa ying mahlong?

⁷ Tla re sa tseyeneng gore go nagana yi fo ba go tabogisa monagano. Go nagana le go maka dilo gwa berekisana. (Mar. 7:21-23; Jak. 2:17) Re nyoko yi kwisisa gabutši taba yowa mo re ka fo beyisa ka ditaba tse dingwana. Tla re beyiseneng ka taba ke yowa: Re di tšiba gabutši gore Diebangedi di re Jehova o nagana ying ga dilo tsa majabajaba. Modimo o yye a tihlawolela babelegi ba ho lefaseng ba gore ke mo a nyaka ba gudise Morwayi wage—monna yewa le mosadi wage ke mo go le batho ba gore a ba na dilo tsa majabajaba. (Lef. 12:8; Luka 2:24) Nakwela Jeso a belegiwa, Mariya “o yye a mmeya ga gore ba tšhela tsa go ja tsa dikgomo kela diphoolwane tse dingwana, ka taba la gore ke mo ba sa kraya kamara ya go yetsela.” (Luka 2:7) Mola Jehova a di nyakiye, ke mo a ka berekisa mekgwa ya go tlala gore mo Morwayi wage a belegiwa, a kraye ga go yetsela ga gore go kawone. Yene ke mo a fo tinyakela gore Jeso a golele ga mutši wa gore o tlalele ka matla ga tso tsa Modimo.

⁸ Taba yowa ya go tšwa ka Baebeleng yi napa yi re šupetsa gabutši gore Jehova o di tseya byang dilo tsa majabajaba. Babelegi kela batswadi ba bangwana baa karakara ba nyaka gore bana ba bona ba hlekeletse dilo tsa majabajaba, ba re a go na taba le mo bana bone ba sa tlalele ga tso tsa Modimo. Gabutšibutši, Jehova o tseya tso tsage go le tsona tse dikgolo ka matla. Nje le wene o tshwana le Jehova ka mokgo o tseyang dilo? Tso o di makang di šupetsa ying?—Bala Maheberu 13:5.

9, 10. Re ka šupetsa ka ying gore re nagana go tshwana le Jehova ga taba ya go sa phiriketsi kela go kwatisa ba bangwana?

 ⁹ Taba ye nngwana ke ka mokgo Modimo a tseyang taba ya go kwatisa ba bangwana. Jeso o yitseri: “Ye a phiriketsang ye mongwana wa bowa ba banyana ba gore ba dumela ho gaka, di kawone ba make mogwabetso ga tšhilo ya go dukulusa ke bhongholo ba wo gwabetse ho molaleng wage ke mokane a bošediwe ka teng ga lewatle.” (Mar. 9:42) Taba yone a yi go kgana! Jeso o šupetsiye gabutši gore o tshwana le Papage, byalo re ka tshepa gore mo go na le motho wa gore o phiriketsa ye mongwana ye go leng lelata la Jeso, taba yone ga Jehova yi mo hlopa ka matla.—Joh. 14:9.

¹⁰ Nje le rune dilo tsowa re di tseya ka mokgo Jehova le Jeso ba di tseyang ka gona? Nje le rune re maka tsotsone? Tso re di makang di šupetsa ying? Mo re beyisa, tla re fo re ka mokgo o yaparang kela o tilukisang di go jabodisa ka matla mara wa kraya tsotsone di sa tshware ba bangwana gabutši ka ho phutegong kela di maka gore ba bangwana ba kwe ba nabela go yetsela le motho. Ayitsano re nyoko nyaka gore ka ku mahlong re beye magageru ba ka ho phutegong ba gore re ba nyaka ka matla ke mokane ra sa hlopege ka tso di nabelang ke rune?—1 Thim. 2:9, 10.

11, 12. Mo dilo tsa go sa hlamatsega re ka di tseya go tshwana le Modimo ra boya ra titshwara, sosone se nyoko re pasopa byang gore re sa make tsa gore a yi tsona?

¹¹ Taba ye nngwana ya boraro ke yowa: Jehova o di hloyye dilo tsa gore a di ya loka. (Jes. 61:8) Yene wa di tšiba gore go gongwana tso re di makang di kekemme ka taba la gore mmele wa rune a wa yenela gabutši, mara o sa na a fo re kgopela gore le rune re hloye dilo tsa gore a di ya loka. (Bala Pisalema 97:10.) Mo re ka ghayela ka so se makang gore Jehova a nyenye dilo tsa go befa, re ko thogo lebelela dilo ka mokgo le yene a di bonang ka gona, ra kwa re sa tšhabe go gana go maka tsa go sa loka.

¹² Mo dilo tsa go sa loka re ka fo di tseya ka mokgo Jehova a di tseyang ka gona, re ko thogo bona mekgwa ye mengwana ya gore a yi ya hlamatsega, le mo Baebele yi sa nape yi hlaya. Mo re beyisa, go na le mokgwa wo mongwana wa go bina wa gore o kraya motho ye a binang a kene a tigohla a duli ho diropeng tsa ye mongwana, fote batho ba go tlala ho lefaseng ba thomisa go jabodisa ke mabinelo ya mošaga wonone. O ka fo kwa ba bangwana ba re tsotsone a di hlope, ba re a yi nape yi le go maka tsa maroga. * Mara nje tsotsone di šupetsa gore Modimo o nagana ka mokgonone, yene wa gore o silikisa ke mohlobo wo mongwana le wo mongwana wa dilo tsa go befa? Tla re kganeleneng kgole barena le dilo tsa go befa ka go titšhutisa go titshwara le go nyenya so Jehova a se hloyyeng.—Maroma 12:9.

13. Mo re kene re leketsa go nagana go tshwana le Jehova, ke ntaba di nyaka re nagane gore go ka fo tla gwa nyarela tso di nyakang gore re segelele sepheto ku mahlong?

¹³ Mo re kene re titšhutisa, di nyaka re nagane gore go ka nyarela dilo tsa mohlobo mang ku mahlong mo re kene re leketsa go nagana go tshwana le Jehova. Mo re ka maka tsotsone, o ka sa kraye re sa tšibi gore re ka kena kakaye mo go ka nyarela taba ya gore yi nyaka re make sepheto ka nako yonone. (Diy. 22:3) Tla re bolaboleneng ka batho ba bangwana ba ka ho Baebeleng.

14. Re tšhuta ying ga taba ya gore Josefa o yye a mo gana ga mosadi wa Potifaro?

¹⁴ Nakwela Josefa a gana mo mosadi wa Potifaro a leketsa go mo woka-woka, ke mo di šupetsa gore ke mo a yye a di nagana botala gore Jehova o yi tseya byang taba ya go tshepega mo motho a na le monna kela mosadi. (Bala Genesi 39:8, 9.) Fotefote, tsa gore o yye a fetola mosadi wa Potifaro a re: “Tsa go befa ka matla ka mokgonone nko  ba ke di makela ying mara ka šinya ke sinyela le Modimo?” di fo šupetsa gore le yene ke mo a tseya dilo ka mokgo Modimo a di tseyang ka gona. Rune gee? Tla re fo tseya gore motho ye o berekang naye o thomisa go šupetsa nkare wa go nyaka. Kela o nyoko maka byang mo ba ka fo go romela molayetsa kela sethombhe sa go šupetsa tsa maroga ho fowunung yago? * Di lola ka matla go tšiba gore re nyoko maka ying mo go ka ba go šele go le botala ka matla re naganne ka taba yone fote re lebelela dilo go tshwana le Jehova ra boya ra ro tipotsa gore re nyoko maka ying.

15. Re ka ma yekisela byang Maheberu yala ka mararo, ra lwa le tso di leketsang go re phiriketsa mo re kene re nyaka go tshepega ga Jehova?

¹⁵ Gana byalo tla re bolaboleneng ka Maheberu ka mararo ya ba reng ke Shadereke, Mishaka le Abhednigho. Nakwela ba gana go rapela sethombhe sa gholdi sa gore ke mo se makiye ke Nebukadinezara le ka mokgo ba yyeng ba fetola ka gona, tsotsone di šupetsa gore ke mo ba naganne go sa le botala gore go dula o tshepegela Jehova di ra gore king. (Ek. 20:4, 5; Dan. 3:4-6, 12, 16-18) Tla re fo tseya gore lekgowa lago le kgopela gore o ntshe tšheleta ya gore go tle go makiwe phathi ya gore yi yelana le bodumedi bya matsaka. O nyoko maka byang? Napa o nagana ka taba yonone gana byalo gore Jehova o re king ka yona, o sa re o ko fo tla o bona ka nako yonone mo di nyarela gore o maka byang! Ke mokane mo go ka nyarela seyemo se sengwana ga tso re bolabodiyeng ka tsona, go ko ba lola gore o make o boye o bolabole selo sa gabutši, wa maka go tshwana le Maheberu yala ka mararo.

16. Go kwisisa gabutši gore Jehova o nagana byang di nyoko re gelepa ka ying gore re lukiselele seyemo sa ho re ka tšhoga re nyakiye go yalafiwa?

¹⁶ Go nagana ka taba yi soko segela go ka re gelepa gore re ye mahlong re tshepega le mo go ka nyakega gore re yalafiwe ka go yakgoswa. Nnete ke gore re ka sa tšhele madi ya gore ma felegelele kela sengatha sa tsela tse dikgolo ka dine tsa madi, mara mo nkare re nyoko yalafiwa ka mokgwa wo mongwana wa gore le taba ya madi ya kenelela gana hone, di nyaka re segelele sepheto sa rune beng sa gore se yelana gabutši le ditšhiko tsa Baebele tsa go šupetsa gore re nagana go tshwana le Jehova. (Meber. 15:28, 29) Gabutšibutši, dilo tsone a di nyake go naganiwa ho re šele re segele sepetlele, di ka makega gore ka nako yonone  re ko ba re kwa go baba fote re tšhofiwa gore re yakgoswe re segelela sepheto. Gana byalo ke nako ya go nyakolla ka taba yone, o nape o tlatsa le lekhate la molawo la go šupetsa gore o nyaka go yalafiwa byang, o boye o bolabole le dokotela yago. *

17-19. Ke ntaba di le gabutši ka matla gore re nyake go tšiba gana byalo tso Jehova a di naganang? Re beyisele ka seyemo sa gore di nyaka re tilukise.

¹⁷ Tla re fetsiseneng ka go lebelela ka mokgo Jeso a yyeng a yakgoswa a fetola Petro nakwela a bolabola tsa go kekema a re: “Morena, tikwele go baba.” Mo go soko segela nako yone, di šupa nkare Jeso o yye a nagana ka matla ka so Modimo a nyakang gore a se make le ka Mangwalo ya ma yelanang le lephelo le likgu lage ho lefaseng. Go tšiba tsotsone go makiye gore a ngangarele sepheto sage sa gore o nyoko dula a tshepega, a karakare ga mmereko wage a sa thogathoge.—Bala Matewu 16:21-23.

¹⁸ Modimo lekgono o nyaka gore batho bage ba nghanelane naye le go bereka mmereko wage di ba baba. (Mat. 6:33; 28:19, 20; Jak. 4:8) Le rune tsela di makegeleng Jeso di ka re tlela, wa kraya batho ba gore ba re kwela go baba ba leketsa go maka gore re šepise ga mmereko wone. Mo re beyisa, o nyoko maka byang mo lekgowa lago le ka fo re le nyaka go go neya seyemo sa gedimo mmerekong le go yeketsa mogolo wago mara wa kraya gore mmereko wone wa go phiriketsanya mo o leketsa go maka tso tsa Modimo? Kela mo nkare o kena sekolo, tla re fo re ba yitseri o rure hone gagenu o ye go tšhutela dilo tsa go tlala. Mo go nyarela tsotsone, nje go ko ba go le yona nako ya gore o thomise go rapela ke mokane o ye o nyakolle ka taba yowa, o bolabole le ba mutši wa genu kela bagolo, ke mokane o segelele sepheto? Ke ntaba o sa nyake go tšiba gana byalo gore Jehova o nagana ying ka taba yonone ke mokane o karakare gore o nagane go tshwana naye? Ke mokane mo go ka tšhoga go nyarele selo sa mošaga wonone, o ka fo teya o feta. O ko ba o tšiba gore o yemme kaye ga tso tsa Modimo fote le pelo yago yi ko ba yi di tšiba, byalo di fo nyaka gore o make tsotsone o tiputsiyeng gore o nyoko di maka.

¹⁹ Le wene o ka fo tinaganela ka tse dingwana tsa gore di ka fo re palakata, o sa di nagana. Nnete ke gore re ka sa tilukisi gore re nyoko maka ying mo go nyarela seyemo se sengwana le se sengwana. Mara mo re ka fo nagana ka tso Jehova a di naganang mo re kene re titšhutisa Baebele, ga go tlala re nyoko gopola dilo tso re di badiyeng ke mokane ra di berekisa ga seyemo sosone re gahlanang naso. Byalo, tla re yi tseyeleneng gedimo ka matla taba yowa ya go nagana ka so Jehova a se naganang, re make ka mokgonone ke mokane re bone gore go tseya dilo ka mokgo Modimo a di tseyang ka gona go nyoko tikisa tso re di makang gana byalo le ku mahlong.

20, 21. (a) Ke ntaba re re go lokologa ga rune ku ga lefase la nyuwane go nyoko ba le mokgero? (b) Mojabolo wa mošaga wonone re ka wo segelela byang gana byalo?

²⁰ Re fo kwa nkare lefase la nyuwane nke le šele le segele. Ba go tlala re nyaka go phela go ya go yye ga lefase la pharadeyisi. Mo go šele go lawola Mmušo wa Modimo, batho ba nyoko ntshiwa ka teng ga dilo tsa go tlala tsa go sasamela tsa lefase lowa. Nnete ke gore le ka nako yonone, batho ba nyoko ya mahlong ba maka dilo ba lokologiye. Motho ye mongwana le ye mongwana o nyoko tikgetela tso yene mong a di nyakang le tso a di nabelang.

²¹ Nnete ke gore go lokologa ga mohlobo wonone le gona go ko ba go na le mokgero. Batho ba go tilokela ba nyoko yetetsa ke melawo ya Jehova le so yene a se naganang ga dilo tsa go loka le tsa go befa. Taba yonone yi nyoko jabodisa, ya maka gore re jabole ka matla fote ra tikwa gore re bebiye. (Pis. 37:11) Mo re sa na re yemele tsotsone, re nyoko ba le mojabolo wa mošaga wonone mo re kene re nagana go tshwana le Jehova.