1. Ke ntaba ka mokana ga rune re di nyaka go kgomoletsiwa?

KA MOKANA ga rune ra di nyaka go kgomoletsiwa. Mo re kene re phela, re ka fo ba re šekela, re tšebisa ke tse dingwana fote re kwa go baba. Go tsofala, go lwala, kela go timela ga ye re mo nyakang di ka fo re kwisa go baba. Ba bangwana ga rune baa hlopegisiwa. Bokgohlane bo yeketsega bo yeketsegiye. Re napa re ro di bona gabutši gore “dinako tsa go sasamela tso go thatafang go lebana natso” di šupetsa gore re phela ga “dinako tsa mafelelo” fote mo nako yi kene yi ya mahlong, lefase la nyuwane la šutela. (2 Thim. 3:1) Le mo go le sone, go ka fo ba go le botala ka matla re kene re yemele go bona tso Jehova a re tshepisiyeng tsona, mara ka thoko wa kraya mathata ya rune ma kene ma fo yeketsega. Byalo re ye kgomoletsa ke mang?

2, 3. (a) Re tšiba ying ka Habakuku? (b) Ke ntaba re šinya re nyaka go bolabola ka puku yowa ya Habakuku?

² Tla re nyakolleneng ka ho pukung ya Habakuku gore re thogo kraya phetolo. Puku ya gore yi bitsiwa ka lebitso lage ya re tiyisa le mo Mangwalo ma sa nape ma hlaya ka tso Habakuku ne a di maka le tsa lephelo lage. Lebitso lage nkare le ra gore “Go Mamarela.” Sosone se ka fo ba se rela go kgomoletsa ke Jehova a re mamarele  kela mo bo ba mo rapelang ba mo ngangarele ba sa šepisi. Habakuku o butsisiye Modimo diputsiso tsa go kenelela, a nyaka go tšiba. Gabutšibutši, ne a butsisela rune diputsiso tsone ka gore Jehova o mo butšwelele ga Habakuku gore a ngwale taba yone ya gore ba bolabodisanne ka yona.—Habak. 2:2.

³ Mangwalo ma fo re botsa ka polabodisano ya Jehova le moporofeta yewa wa go šekela ka matla, a se šiyo se sengwana so ma se bolabolang ka yene. Puku yage yi ga “dilo ka mokana ga tsona tso di ngwadiwweng botala” fote di beyiwwe gabutši ka Lentsung la Modimo, Baebele, “gore mo re kene re tiyisela le go kgomoletsa ke Mangwalo, re thogo ba le tshepo.” (Maroma 15:4) Puku ya Habakuku yi ka re gelepa ka ying? Yi ka maka gore re bone gore go tshepa Jehova di ra go re king. Go yeketsa mone, seporofeto sa Habakuku se re tshepisa gore di ya kgonega gore re be le dipelo tsa go beba le mo re na le mathata fote re kwa go baba. Mo re sa na re nagana ka tsotsone, tla re napeneng re kena ka teng ga puku ya Habakuku.

4. Ke ntaba Habakuku a šekela ka matla?

⁴ Bala Habakuku 1:2, 3. Habakuku o phidiye ka dinako tsa go baba ka matla. Ne a kgongwetsa ke gore ke mo a phela le batho ba dipelo tse diphifadu le dikgohlane. Ne di nyoko fela leng dilo tso tsa bona tsa go kwisana go baba? Ke ntaba Jehova a sa yakgoswa a maka se sengwana? Habakuku ne a fo bona batho ba polekeng ya gabo ba maka dilo tsa go befa fote ba tshwara ba bangwana lešidi. Ke mo a tikwa a lelemela. Ka nako yonone ya go baba, o llele ga Jehova gore a mo gelepe. Mathomisong Habakuku a ka fo ba a yye a bona nkare Jehova aa tihlope ka tsona. Ne di šupa nkare Modimo a ka sa yakgoswe a maka se sengwana. Nje wa di bona gore lelata lowa la Modimo ne le tikwa byang?

5. King selo se segolo so re se tšhutang ga puku ya Habakuku? (Bona sethombhe sa ku mathomisong.)

⁵ Ayitsano Habakuku ne a sa sa mo tshepa ga Jehova? Nje di šupa a yye a sa sa tshepa tso Modimo a di tshepisiyeng? Dhoo! Taba ya gore ne a botsa Jehova mathata le mehlopego yage, a sa ma botse batho, tsotsone ke mo di šupetsa gore o sa mo tshepa ga Jehova. Ke mo di mo hlopa ka matla ka gore aa kwisisi ka mokgo Jehova a makang dilo le gore ke ntaba a mo lesetsa a tlela ke dilo tsa go baba. Mo Jehova a šala a butšwelela Habakuku gore a ngwale ka tso ne di mo hlopa, ke mo a re tšhutisa taba ye nngwana ye kgolo le rune ya gore re sa tšhabe go mmotsa se sengwana le sengwana so se re hlopang. Gabutšibutši, o ro re kgopela gore mo re rapela, re mo wunyullele tso di leng ka dipelong tsa rune. (Pis. 50:15; 62:8) Diyema 3:5 yi kgahlisela taba yone mo yi re re ‘tshepe Jehova ka dipelo tsa rune ka mokana ga yona, re sa ye ka mokgo rune re kwisisang.’ Di ka makega gore Habakuku ke mo a ma tšiba mantsu yawa ke mokane a ma beya pelong yage.

6. Ke ntaba di nyaka re rapela?

⁶ Habakuku o kwile di mo tšhofa gore a šutele thina le Jehova ye go leng Papage le Monghanage ye mogolo. Habakuku aa lesetsa go šekela go maka gore a lelemele fote aa maka dilo go ya ka yene. Mo a šinya a rapela ka tso ne di mo šekedisa le go mo kwisa go baba, ke mo a re šupetsa gore le rune re make tsotsone. Ka gore Jehova wa theetsela mo re rapela, o nyaka re mo šupetsa gore re ya mo tshepa ka go mmotsa tso di re kwisang go baba. (Pis. 65:2) Mo re maka tsotsone, re ko thogo di bona mo a re fetola fote re ko di boneng gore o re nyaka ka matla mo a re yetetsa. (Pis. 73:23, 24) Le mo re ka fo gahlana le tsa go re kwisa go baba, Jehova o nyoko re gelepa gore re kwisise tso a di naganang. Mo re rapela di re baba, tsotsone di šupetsa gore re ya mo tshepa ga Modimo.

7. Jehova o makiye ying ka tso ne di šekedisa Habakuku?

⁷ Bala Habakuku 1:5-7. Habakuku a ka fo ba a yye a tiputsisa gore Jehova o nyoko maka ying mo se a mmutsiye tso ne di mo kwisa go baba le go mo šekedisa. Ka gore Jehova ke Papa wa go kwelana go baba le wa go kwisisa, aa mo kgwasolanya ka tso ne a di butsisa. Modimo ke mo a tšiba gore o lla ka taba la go kwa go baba. Jehova o butsiye Habakuku so se nyoko makegang go se botala ka mantsu ya gore gabutšibutši ne a ma botsa Majuda ya go sa theetsele. Di ka fo makega gore Habakuku ne go le yene wa mathomo ye Jehova a mo wunyulleleng gore o thina le go tlosa bokgohlane byo ne bo makega.

8. Ke ntaba Habakuku a yye a makatsa ke phetolo ya Jehova?

⁸ Jehova o šupetsiye Habakuku gore o thina le go maka se sengwana. Batho bone ba dipelo tse diphifadu ne ba le thina ka matla le go kwa mosasamelo. Jehova mo a re “ka matšatši yago,” ke mo a šupetsa gore go yahlola mone ne go nyoko makega ka nako ya mo moporofeta yewa a sa phela kela mo moloko wage o sa le gona. Habakuku ke mo a sa di nagana gore Jehova o nyoko fetola ka mokgonone. Ayitsano yowa ne go le phetolo ya tso ne a dulele go lla ka tsona? So Jehova a mmutsiyeng sona ke mo se ra gore mohlopego ne wo nyoko ya mahlong o yeketsega ga Juda ka mokana ga yona. * Makaladiya (Mabhabhilona) ke mo ba na le dipelo tse diphifadu le lešidi, go le dikgohlane tsa go feta batho ba gabo yene Habakuku, ba gore ke mo ba tšiba melawo ya Jehova. Jehova ke mo a makela ying mo a šinya a berekisa setšhaba sowa sa go ba le lešidi sa gore a se rapele Modimo wa mannete gore a leyele batho bage tsa go sasamela? Wene ke mo o nyoko re king mola o kwa Modimo a go fetola mokgonone?

9. Habakuku a ka fo ba a tiputsisiye diputsiso difeng?

⁹ Bala Habakuku 1:12-14, 17. Habakuku ke mo a kwisisa gore Jehova ne a nyoko berekisa Mabhabhilona gore a yahlole batho ba go maka tsa go befa bo ne a phela nabo, mara le gana byalo ke mo a sa makele. Le mo a na a makele, o butsiye Jehova a tinyanafatsiye a re ke “Letlapa” lage. (Dot. 32:4; Jes. 26:4) Habakuku ke mo a ka ya mahlong a kene a lefisiye pelo, a tshepa gore Modimo o mo nyaka ka matla fote o nyoko mo tshwara gabutši. Ka taba la gore moporofeta yewa ke mo a tikemisele, sone se makiye gore a titshepe gore a ka mo kgopela fote ga Jehova. Anthe ke ntaba Modimo a lesetsiye seyemo sa Juda se ya mahlong se sinyega? Ke ntaba a sa lukisa dilo ka nako yonone? Ke ntaba Modimo wa Matšhika ka moka a sa fo lesetsa go le ka mokgonone? Ke ntaba a yye a fo “kgomolela” le mo dilo tsa go befa di yeketsega? “O Hlawolegiye”; “mahlo yage ma yediye ka matla la gore ma ka sa lebelele dilo tsa go befa.”

10. Le rune tsa go tikwa go tshwana le Habakuku di ka fo re tlela byang?

¹⁰ Le rune tsa go tikwa go tshwana le Habakuku di ka fo re tlela. Re theetsela Jehova. Ka taba la gore re mo tshepa ka matla, re bala le go tšhuta Lentsu lage fote sosone se re neya tshepo. Mokgahlo wage o re botsa tso a re tshepisiyeng tsona. Mara re ka tiputsisa gore, ‘Dilo tso di re kwisang go baba di nyoko fela leng?’ Re ka tšhuta ying ga so Habakuku a yyeng a se maka ka nthago?

11. Habakuku ke mo a tikemisele go maka ying ka nthago ga gore a theetsele Jehova?

¹¹ Bala Habakuku 2:1. Polabodisano ya Habakuku le Jehova yi makiye gore pelo yage yi bebe. Byalo o yye a tikemisela go ya mahlong a yemele Jehova gore a make se sengwana. Tsotsone ne yi se go ba le  magaba, ka gore ka nthago o hlayye gore o nyoko “yemela letšatši la mosasamelo a tikgomolelele.” (Habak. 3:16) Malata ya mangwana ya Modimo ma šupetsiye gore ma lefisa pelo go tshwana naye, so se re tiyisa gore re sa šepisi mo re kene re yemele Jehova gore a make se sengwana.—Mika 7:7; Jak. 5:7, 8.

12. King tse dingwana tso re di tšhutang ga Habakuku?

¹² Re tšhuta ying ga tso Habakuku a di segeleleng? Sa mathomo, re sa tsoge re lesetsiye go rapela Jehova le mo re ka teya leduma la mošaga mang. Sa bobedi, di nyaka re theetsele tso Jehova a re botsang tsona a berekisa Lentsu lage le mokgahlo wage. Sa boraro, di nyaka re yemele Jehova re lefisiye pelo fote re tshepe gore tsa go re kwisa go baba o nyoko di tloseng ka nako yage. Mo re ya mahlong re bolabola le Jehova di tšwa pelong fote re mo theetsela re lefisiye pelo, le rune re nyoko ba le dipelo tsa go beba, ra thogo tiyisela go tshwana le Habakuku. Mo re na le tshepo, re nyoko tiyelela mo re kene lefisiye dipelo fote sone se nyoko re gelepa gore re dule re jabodiye le mo go na le tsa go re ghula. Re ya di tshepa gore Papa rune wa magedimong o nyoko maka se sengwana.—Maroma 12:12.

13. Habakuku 2:3 yi re tshepisa ying sa go natefela?

¹³ Bala Habakuku 2:3. Ne di mo jabodisiye ka matla ga Jehova tsa gore Habakuku ke mo a mo yemele. Modimo wa Matšhika ka moka ke mo a di tšiba tsa gore Habakuku o kwa go baba ka matla. Byalo, Modimo o yye a kgomoletsa moporofeta yewa a boya a mo šupetsa gore o mo nyaka ka matla, a boya a ro mo phaphata le legetla a mo tshepisa gore o nyoko mo fetola ga tso a yyeng a di butsisa. Ke mo a šele a le thina le go yimologa ga tso ne a šekela ka tsona. Gabutšibutši Modimo o yye a botsa Habakuku gore: “Lefisa pelo, o ntshepe. Ke nyoko go fetola le mo di šupa nkare di tseya nako!” Jehova o mo gopotsiye gore O na le nako yage ya go maka tso A di tshepisiyeng. O yeletsiye Habakuku gore a mo yemele, a šinye a make tso Yene a nyakang go di maka. Mafelelong, moporofeta yewa ke mo a ka sa šale a tšebiye.

14. Di nyaka re tipotse ying mo go nyarela tsa go baba?

¹⁴ Mo re ka fo yemela Jehova re lefisiye pelo fote re theetsela tso a re botsang tsona, re nyoko ba le pelo ya go beba le mo rulana le tsa go baba. Jeso o napiye a yi kgahlisela taba ya gore re ka mo tshepa ga Jehova ka taba la gore o phala batho ka mokana ga bona ka go tshwara nako, re sa lebelele “dinako” tsa gore Modimo aa soko di wupulla. (Meber. 1:7) Byalo, tla re yemeneng re tinyanafatsiye, re na le tumelo fote re lefisiye pelo, re sa šepisi mo re kene berekisa nako ya rune ka go berekela Jehova ka mokgo re ka kgonang.—Mar. 13:35-37; Magal. 6:9.

15, 16. (a) Puku ya Habakuku yi bolabola ka dilo difeng tse dikgolo tso re tshepisiwweng tsona? (b) Rune re tšhuta ying ga tsona?

¹⁵ Jehova o tshepisiye ba go tilokela bo ba mo tshepang gore: “Wa go loka o nyoko phela ka taba la go tshepega gage,” fote “lefase le nyoko tlala ka tsa go tšiba go magadimelo ya Jehova.” (Habak. 2:4, 14) Eya, bo ba tshepang Modimo ba lefisiye dipelo ba nyoko rufiwa ka lephelo.

¹⁶ Mo re lebelela so se tshepisiwweng ga Habakuku 2:4, di ka šupa nkare go fo ba taba nje. Le mo go le sone, Pawulo wa lepostola o šinnye a hlaya mantsu ya temanyana yowa gararo ka gore ne a di tseyela gedimo tso Jehova a di tshepisiyeng! (Maroma 1:17; Magal. 3:11; Maheb. 10:38) Mo motho wa go loka a na le tumelo fote a na le tshepo, o nyoko phela ke mokane a tla a di bona tso Modimo a di tshepisiyeng, le mo gana byalo a ka fo tlela ke tsa go roba. Jehova o re botsa gore re lebelele tsa ku mahlong.

17. Puku ya Habakuku yi re tshepisa ying?

 ¹⁷ Ka mokana ga rune bo re phelang ga dinako tsowa tsa mafelelo, re tšhuta dilo tse dikgolo ka matla ga puku ya Habakuku. Jehova o tshepisa gore ye mongwana le ye mongwana wa go loka mo a ka dumela gage le go mo tshepa, o nyoko mo neya lephelo la go ya go yye. Le mo re ka tlela ke mathata fote re šekela, koriyeneng mahlong re tiyisa tumelo ya rune fote re tshepa Modimo. Jehova o berekisiye Habakuku mo a re tshepisa gore a ka sa re lesetse fote o nyoko re phonisa. O ro re kgopela barena gore re mo tshepe fote re yemele nako yage yo a yi beyyeng re lefisiye pelo, ka taba la gore mo se go lawola Mmušo wa Modimo, lefase ka mokana ga lona le nyoko ba le tlele ka batho ba gore ba jabodiye fote ba bebiye ba gore ba rapela Modimo.—Mat. 5:5; Maheb. 10:36-39.

18. Tso Jehova a di hlayyeng di mo tshwere byang ga Habakuku?

¹⁸ Bala Habakuku 3:16-19. Mantsu ya Jehova ma mo tikisiye ka matla ga Habakuku. O yye a ghayela ka dilo tsa go makatsa tso Jehova a yyeng a di makela batho bage. O yye a thomisa go ba le tshepo fote. Ke mo a di tšiba gore Jehova o thina le go maka se sengwana! Sosone se yye sa mo kgomoletsa ga moporofeta yewa le mo a di tšiba gore go hlopega gage a go soko fela. Ke nnete gore Habakuku ke mo a na le tso a šekelang ka tsona, mara o yye a tshepa Jehova a jabodiye, a di tšiba gore a ka mo phonisa. O yye a hlaya mantsu ya gore nakwenngwana a ma lebalege ya gore aa šiyo ye a yyeng a ma bolabola. Bo ba go tšhutega ba nagana gore temanyana 18 yi rela gore, “Ke nyoko hlakelela Modimo; ke nyoko dukuluga ke jabolele Modimo.” Taba yone yi re jabodisa ka matla ka mokana ga rune! Jehova aa fo jabodisa ke go bolabola nje, mara dilo tsa go bafala tso a re tshepisiyeng tsona o nyoko di maka ka go yakgoswa.

19. Re ka kgomoletsega byang go tshwana le Habakuku?

¹⁹ So re se tšhutang ga Habakuku ke gore re tshepe Jehova. (Habak. 2:4) Tsowa ka mokana ga tsona re ka di kgona mo re kene re ya mahlong re tiyisa senghana sa rune le Jehova (1) mo re ya mahlong re rapela, re botsa Jehova ka moka tso di re hlopang le tso di re šekedisang; (2) mo re tseyela hlogong tso Lentsu la Jehova le re botsang tsona le tso di hlayang ke mokgahlo wage; le (3) mo re yemele Jehova ka go tshepega re kene re lefisiye dipelo. Habakuku o makiye tsotsone. Le mo a thomisiye puku yage a kena a lla, mafelelong ke mo a jabodiye fote a kwa a tiyelele ka matla. Tla re mo yekiseleneng gore le rune re thogo bona ka mokgo Papa wa rune Jehova a re nyakang ka gona! Nje se kgona se sengwana so se ka re kgomoletsang ga lefase lowa la letshwifi?