MAGAGERU ya go tlalanyana ya gore ma yye ma tloga ga dinaga tso ma belegiwweng ga tsona ma ya ga tse dingwana, ma boyele gaye fote. Ma yye ma ya ga dipoleke tso di gayelang batšhomayedi ba Mmušo ka taba la gore ma nyaka Jehova le batho ba bangwana ka matla. (Mat. 22:37-39) Ke dilo difeng tso ma tikonneng tsona fote Jehova o ma rufiye byang? Gore re kwe ka taba yone, tla re lebeleleneng tso di makegiyeng ga naga ya Cameroon ku bodikela bya Afrikha.

Ka 1998 mogareru ye ba reng ke Onésime o yye a tloga Cameroon nageng yo a belegiwweng ga yona. Go fetiye 14 ya mengwaga a sa duli nageng ya Cameroon. Mo a le mogahlanong ka letšatši le lengwana, o yye a kwa ba maka mošupetso ka mmereko wa go tšhomayela. Ye ne a beya polabolo o yitseri, “Mo banghana ka babedi ba yye go loba dihlapi mara ba sa yema thina le thina ke mokane ka wweši wa bona a tshwara tsa go tlala go phala ye mongwana, ayitsano ye a tshwarang tse dinyana a ka sa šutele mo go nang le dihlapi tsa go tlala?”

Mošupetso wone wo makiye gore Onésime a nagane ka go boyela tšhomong ya Cameroon ya gore yi na le batho ba go tlala ba go nyaka go tšhutisiwa Baebele le gwe gelepa batšhomayedi ba gana hone. Mara ne go na le tso di mo šekedisang. Ka taba la gore go šele go fetiye mengwaga ya go tlala a tlugiye Cameroon, ayitsano ne a nyoko le tlwayela lephelo la gana hone fote? Gore a thogo tšiba, o yye a vakašela Cameroon kobodi(6) ya dikgwedi. Ke mokane ka 2012, a napa a rurela gona.

Onésime o hlatolla gore: “Ke mo di nyaka ke tlwayele poleke yone ya go fisa le ka mokgo ba phelang ka gona. Mo di nyaka ke boye ke tlwayele go dulela dibhanghastulo tsa go kokona mo ke le Holong ya Mmušo.” A kene a ngwalangwala o re, “Taba ya go nagana ka ditulo tsa go bešabeša ke mo yi fo ya yi nyamalala mo ke kene ke theetsele letheto.”

Ka 2013, Onésime o šadhiye le Géraldine, wa gore o boyele Cameroon ka nthago ga mo a duli France nkokwane(9) ya mengwaga. Ka taba la gore ke mo ba tseyela gedimo tso Modimo a di nyakang, mogageru ye le mosadi wage ba yye ba rufiwa ka mokgo mang? Onésime o re: “Re le ka babedi, re yye ra kena Sekolo sa Batšhomayedi ba Mmušo ra boya ra bereka Bethele. Go fediye mongwaga gwa ba go šele go kolobetsiwe 20 ya batho bo ne ba tšhutisiwa Baebele phutegong ya rune. Ke nagana gore ke ga poleke ya gabutši ya go ‘loba dihlapi.’” (Mar. 1:17, 18) Géraldine mo a tokegela o re: “Ke rufiwwe la go sa hlayisege.”

Judith o rurele United States mara ke mo a nabela go yeketsa mmereko wage wa go tšhomayela. Mo a yanega o re, “Ka moka nako mo ke vakašele ba mutši waka ku Cameroon, mo ke tshwanele ke boyele nthago ne ke lla ka taba la gore ke šiya bo  ke šeleng ke thomisiye go tšhuta nabo Baebele.” Mara, Judith ke mo a kamaka go boyela Cameroon. Ke mo a bereka mmereko wa go golela ka masaka wa go mo gelepa gore a thogo patelela papage gore a yalafiwe ku Cameroon. O yye a fo tshepa Jehova, ke mokane a rura. Wa dumela gore o hlologela dilo tsa go tlala tso ne di maka gore pelo yage yi dule yitse kgehle, mo a sa dula kgole le gaye. O rapele Jehova gore a mo gelepe gore a thogo tlwayela fote o yye a tiyisa ke mopotulugi le mosadi wage.

Mo Judith a gopola tsa ku nthago o re, “Sa go njabodisa ke gore go so ko fela kararo ya mengwaga ne ke šele ke gelepiye kanne ya batho gore go be malata.” Judith o yye a thoma go bereka go le mošupatsela wa go hlawolega. Re bolabola re yi tsa, lekgono o bereka le monnage, Sam-Castel, ga mmereko wa go potuluga. Byalo go makegiye ying ka papa wa Judith? Judith le ba mutši wage ba kgonne go kraya sepetlele sa gore se nyoko patelela papage ophareyišene. Sa go jabodisa ke gore ophareyišene yi sipidiye gabutši.

Mogageru ye ba reng ke Victor o yye a rurela Canada. Ka nthago ga mo a badiye hlogotaba ya go bolabola ka go tšhutega ka matla ga Sewokamelo, o yye a nagana ka yene mong. O lesetsiye go tšhuta yunivesithi ke mokane a thomisa go tšhutela mmereko wa matsogo. O yitseri:“Tsotsone di n’gelepiye gore ke yakgoswe ke kraya mmereko ke mokane ka thogo maka so ne go le botala ke nyaka go se maka—go leng go ba mošupatsela.” Ka nthago Victor o yye šadha le Caroline, ke mokane ka babedi ga bona ba vakašela naga ya Cameroon. Mo ba kene ba vakašele ofisi ya lekala, magageru ya mangwana ma yye ma ba hlohletsela gore ba nagane ka taba ya go bereka ba le gana hone Cameroon. Victor o re, “Ke mo go se na so se ka makang gore re gane, ka taba la gore ke mo re šele re kene re tiphelela lephelo la lula.” Le mo Caroline a sa titsuse nyana gabutši, ba yye ba fo rura.

Victor le Caroline ba yye ba thomisa go bereka go le mašupatsela ya nako ka moka gore ba thogo gelepa batho ba go tlala bo ba ba krayang tšhomong. Tšheleta yo ne ba tipeyele yona yi ba gelepiye gore ba thogo phela. Ka nthago ga mone ba yye ba kraya letogo ku Canada dikgwedinyana, sosone sa maka gore ba boyele Cameroon ke mokane ba ya mahlong ka mmereko wa bona go le mašupatsela. Ba yye ba rufega byang? Ye lune, ba yye ga Sekolo sa Batšhomayedi ba Mmušo, ba bereka go le mašupatsela ya go hlawolega fote gana byalo ba bereka go yaga meyago ya Mmušo. Victor o re, “Go tloga ga poleke ya gore ne re tikwa re kgehlemele go re gelepiye gore re thogo bona letsogo la Jehova.”

Ka mongwaga wa 2002, Alain wa gore ne a tšhuta yuinivesithing ya ku Jeremane, o yye a bala sephephane sa gore Youths—What Will You Do With Your Life? Tso a di badiyeng di yye dya mo tšhofa gore a tšhentšhe tso ne a nyaka go di segelela. Ka mongwaga wa 2006, o yye a kena Sekolo sa go Tšhutisa Malata ka ho phutegong ke mokane ba mo romela gore a ye bereka nageng yo a belegiwweng ga yona Cameroon.

Alain o yye a kraya letogonyana mo a le ku Cameroon. Ka nthagonyana o yye a kraya mmereko wa gore wo golela ka masaka mara ne a kokona ke taba ya gore mmereko wone ne wo nyoko maka gore a šepise ga tsa go tšhomayela. Mo ba mo kgopela gore a bereke go le mošupatsela wa go hlawolega, o yye a dumela a sa jika jiki. Mo ye a mo hiriyeng a mo tshepisa go mo yeketsela mogolo, o yye a fo ngangarela ga sepheto so a šeleng a se segelele. Ka nthago, Alain o yye a šadha le Stéphanie wa gore o yye a dula mengwagangwaga ku Fora. Mo a šele a rurele Cameroon, o yye a gahlana le tsa go mo phiriketsa tsa mošaga mang?

 Stéphanie o re: “Ke yye ka fo thomisa go lwalalwala mara ke yye ka kraya tso di ka n’gelepang ke mokane ka kwa ke yimulugiye.” Go tiyisela ga bona go yye gwa maka gore ba rufiwe la go sa hlayisege. Mo Alain a yanega o yitseri: “Mo re ye tšhomayela ga mitši ya gore yi ku thoko ye ba reng ke Katé, re krayye batho ba go tlala ba gore ba nyaka go tšhuta Baebele. Ka nthago, re yye ra tšhuta Baebele nabo re berekisa fowunu. Ka babedi bo ne re tšhuta nabo Baebele ba yye ba kolobetsiwa, ke mokane gwa thomisa go ba le batšhomayedi ba bangwana.” Stéphanie o tokegele ka gore: “A go na sa go jabodisa go phala go gelepa batho gore ba tineyele ga Jehova. Go berekela howa go makiye gore re dule re kraya mojabolo.” Le lekgono lowa, Alain le Stéphanie ba sa bereka go le bapotulugi.

Gisèle o yye a kolobetsiwa a sa kena sekolo sa botogotela ku Italy. Monna ye mongwana le mosadi wage bo ne ba mo tšhutisa Baebele ba gore ke mašupatsela fote ba phela lephelo la lula, ba mo jabodisiye ka matla la go šinya a nyaka go yeketsa mmereko wage wa go tšhomayela. Gisèle o yye a thomisa go bereka go le mošupatsela wa nako ka moka mo a kene a fetsisa sekolo.

Gisèle ne a nabela go berekela Jehova a le Cameroon, mara go na le tso ne di mo kokona. O re, “Tsa go dula Italy ka molawo ne di nyoko šaša fote tsone ne di rela gore ke nyoko šiya banghana le mašaga yaka gana hone Italy.” Mara ka May 2016, Gisèle o yye a fo boyela Cameroon. Mo goya-goya, o yye a šadha le Léonce ke mokane ofisi ya lekala ya ku Cameroon ya re go ka ba gabutši gore ba rurele ga toropo yo ba reng ke Ayos, ga gore go gayela batšhomayedi ba Mmušo.

Lephelo ke mo le le byang ku Ayos? Gisèle o yanega ka gore: “Ga go tlala ke mo go fela mabekenyana go se na mohlagase fote re se na ga go tšhatšhisa difowunu tsa rune. Ke mo di dula di timme. Ke tšhutiye le go yapega ka mollo wa fase fote re ya nokeng ka mabhara bošego mo go sa tlala, re kene re khanyisa ka dithotši.” King so se yyeng sa gelepa Gisèle le monnage gore ba tiyisele? Gisèle o re: “Moya wa Jehova wa go hlawolega, go tshwarisana le monnaka, mašaga le banghana ba rune ba gore baa re hlohletsela ba boya ba re gelepa le ka tšheleta di re tiyisiye ka matla.”

Ayitsano Gisèle tsa go boyela ga naga ya gabo di yye dya mo jabodisa? O yitseri: “Ka matla! fote a go jiki. Nnete ke gore ke mo go thathafa fote ne re kwa re kgongwela, mara re yitseri go hlula tsotsone ka mokana ga tsona ra napa re di kwa gore re makiye tso ne re nyaka go di maka. Re tshepa Jehova fote re kwa re le thina ka matla naye.” Léonce le Gisèle ba yye ba kena Sekolo sa Batšhomayedi ba Mmušo fote gana byalo ba bereka go le mašupatsela ya go hlawolega ya nakonyana.

Go fo tshwana le batho ba go loba dihlapi, ba tiyisela mayemo ya go sa tshwane gore ba thogo loba dihlapi tsa go tlala, le bo ba boyelang ga dinaga tso ba belegiwweng ga tsona ba tikona tsa go tlala gore ba thogo gelepa bo ba jabolelang go kwa ka molayetsa wa Mmušo. Wa tšiba Jehova a ka sa ro tsoga a lebele ka batšhomayedi bowa ba go garagara ka matla ba boya ba gadimisa lebitso lage. (Neh. 5:19; Maheb. 6:10) Mo nkare o dula ga naga ye nngwana ke mokane ga naga yo o belegiwweng ga yona go gayela batšhomayedi ba Mmušo, ayitsano o ka boyela nthago? Mo o ka maka ka mokgonone, o nyoko rufiwa tsa nkare ke moka.—Diy. 10:22.