Ke belegiwwe ka 1983. Mo ke sa le ye monyana ke mo ke fo ba ngwananyana nje wa gore fote o phidiye gabutši mara mo ke šele ke na le lesome la mengwaga ke yye ka thomisa go kwa mmele waka wo baba la gore a ke tšibi gore nka kena kakaye. Ka nthago ga gana hala ga mabedi ya mengwaga, tšatši le lengwana ke yye ka re ke ya tsoga go sa le ka bošego mara dya fo re tshu. Ke yye ka re ke nna ke nna ke yemisa loto ya fo pala. Go tlugisela ka letšatši lolone, ke yye ka napa ke sa sa kgona go sepela. Go lwala mone go yye gwa maka le gore ke sa sa gola. Le lekgono lowa ke sa fo teya gana hala nkare ke nna ngwananyana.

Ke fetsiye dikgwedinyana ke sa tšwe ka gaye ka taba la go lwala, ke mokane gwa vakaša Dihlatse tsa Jehova ka dibedi. Ga go tlala mo go tla batho, ne ke leketsa go wutama mara ka letšatši lone ke yye ka dumela mo mosadi ye mongwana a bolabola le nna. Ka taba la gore ke mo ba bolabola ka Pharadeyisi, sosone se yye sa n’gopotsa so ke yyeng ka se kwa mo ke sa na le gana hala ga kapheta ya mengwaga. Ka nako yonone morumiwa ye mongwana ye ba reng ke Jethro, wa gore o dula ku Suriname ke mo a vakašela poleke ya gešu ga teya ka kgwedi fote a tšhutisa papa Baebele. Jethro ke mo a ntshwara gabutši wa tšiba. Ke yye ka kwana naye ka matla. Fote bokokwane waka ke mo ba ya le nna megahlanong ya Dihlatse ya gore yi tshwarediwa ga poleke ya rune. Byalo, ga basadi bo ne ba mvakašele, ye mongwana ye ba reng ke Florence o yye a mputsisa gore a ke nyake go tšhuta tsa go tlala, ke yye ka dumela ke sa jikajiki.

Florence o yye a tla le monnage ye ba reng ke Justus, ke mokane ba yye ba thomisa go tšhuta le nna Baebele. Mo ba di bona gore tsa go bala a ke di kgone ba yye ba n’gelepa gore ke tšhute go bala. Di soko ya kgole, ke mo ke šele ke kgona go bala. Tšatši le lengwana ba yye ba mpotsa gore ba ba romela Suriname gore ba ye ba make mmereko wa go tšhomayela gona. Sa go babisa pelo ke gore mo Orealla ke mo go se na ye a ka yang mahlong a ntšhutisa Baebele. Mara sa go napa se ntikisa pelo ke gore, Jehova a sanka a nlahla.

Go soko ya kaye, mo polekeng ya Orealla go yye gwa segela mošupatsela ye mongwana ye ba reng ke Floyd ke mokane a gahlana le nna mo a kene a tšhomayela mutši ka mutši. Wa tšiba ke yye ka ngwalangwala mo a bolabola le nna ka taba ya go tšhuta Baebele. O yye a mputsisa gore “Ke ntaba o ngwalangwala?” Ke yye ka mmotsa gore ke šele ke fetsiye go bala sepukwane sa gore Ke Eng Seo Modimo a se Nyakago go Rena? Ke mokane gana byalo ke šele ke thomisiye go bala puku ya Tsebo e Išago Bophelong bjo bo sa Felego. * Ke yye ka mo hlatollela gore ke  ntaba ke sa sa ya mahlong ke tšhuta. Floyd o yye a fetsisela go bala le nna puku yone ya Tsebo, mara ka nthago le yene ba yye ba mo romela go gongwana gore a ye tšhomayela gona. Ke yye ka fo šala ke yitsa ke se na motho wa gore a ka ntšhutisa Baebele.

Mara ka 2004 ba yye ba romela mašupatsela ka mabedi ya ba reng ke Granville le Joshua mo polekeng ya Orealla. Ba yye ba tšhomayela mutši ka mutši ke mokane ba nkraya. Ke yye ka ngwalangwala mo ba mputsisa gore a ke nyake go tšhuta Baebele. Ka ba kgopela gore ba thome fase ba tšhute le nna puku ya Tsebo. Ne ke nyaka go di bona gabutši gore ayitsano ba nyoko ntšhutisa ka mokgo bo ne ba ntšhutisa ne ba maka ka gona. Granville o yye a mpotsa gore ba tshwara le megahlano gana howa polekeng. Ne ke di nyaka go ya le mo ke di tšiba gore ke šele ke nyoko fetsa lesome la mengwaga le mong go tšwa gaye dho. Byalo Granville a tla a ntseya a nlayiša ga wheelchair ke mokane a ntšhofa ke rune bala re leba Holong ya Mmušo.

Mo nako yi kene yi ya, Granville o yye a nhlohletsela gore ke ngwadise Sekolo sa Mmušo sa Malata ya Modimo. O yitseri: “O fo ba sethwala mara wa bolabola. Tšatši le lengwana o nyoko beya polabolo ya batho ka moka. Fote di nyoko makega.” Mantsu yage ma yye ma ntiyisa la gore ke tikwe ke sa tšhabe selo.

Ke yye ka thomisa mmereko wa go tšhomayela ke na le Granville. Mara ditsela tsa gona ke mo di na le dighindlighidli di sa sepelege ka wheelchair. Byalo, ke yye ka kgopela Granville gore a ntšhofe ka lebhara gore re thogo sepela gabutši. Tsotsone di yye dya re berekela ka matla. Ke kolobetsiwwe ka April 2005. Ke mokane di soko ya kgole, magageru ma yye ma ntšhutisa tsa go pasopa dipuku tsa phutego le tsa medumo ya dikoša tsa Holong ya Mmušo.

Byalo, sa go babisa pelo ke gore papaka o yye a hlokofala ka kotsi ya sekepe ka 2007. Ba mutši wa gešo ba yye ba kwa go baba ka matla. Granville o yye a rapela le rune a boya a re balela mantsu ya go kgomoletsa ya go tšwa ka Baebeleng. Ka nthago ga kabedi ya mengwaga re yye ra wela ke tse dingwana tsa go kwisa go baba—Granville o yye a hlokofala ka kotsi ya sekepe.

Phutegonyana ya rune ya go kgongwela yi yye ya šala yi sa sa na mogolo yi fo ba le lelata la ka ho phutegong ka lloši. Likgu la Granville le yye la nkwisa go baba ka matla ka taba la gore ke mo go le monghanaka ye mogolo. Ke mo a dula a n’gelepa gore ke be le senghana sa thina ka matla le Jehova fote a boya a n’gelepa le ga tso ne ke di hloka gore ke thogo phela. Ka nthago ga likgu Granville mogahlanong ba yye ba nkgopela gore ke bale direle tsa Sewokamelo. Ke yye ka fo kgona go bala kabedi ya direle, ke mokane ka thomisa go lla dinepedi di fo yela di sa fetse. Ke yye ka feleletsa ke tlugiye seralong.

Ke thomisiye go tikwa kawone mo magageru ya mangwana ya go tšwa ga phutego ye nngwana ma tla ma re gelepa mo polekeng ya Orealla. Fote ofisi ya lekala yi yye ra romela mošupatsela wa go hlawolega ye ba reng ke Kojo. Sa go ntikisa pelo ke gore mmane waka le monyanana waka wa mošomanyana ba yye ba thomisa go tšhuta Baebele ke mokane ba boya ba kolobetsiwa. Byalo, ka March 2015, ba yye ba nhlawola gore ke be lelata la ka ho phutegong. Ka nthagonyana, ke yye ka beya polabolo ya batho ka moka la mathomo. Tšatši lone, ke yye ka ngwalangwala ke boya ke yela dinepedi, ka go nagana ka mantsu ya Granville a yyeng a mpotsa wona mengwaga ya go fela ya gore: “Tšatši le lengwana o nyoko beya polabolo ya batho ka moka. Tsone di nyoko makega.”

Ga Setiši sa JW, ke tšhutiye ka magageru ya gore ma na le seyemo sa go tshwana le saka. Le mo go le dithwala mara ma kene ma ya mahlong ka mmereko ya wona fote ma jabodiye. Di ra gore le nna nka maka se sengwana. Ne ke nyaka go neya Jehova so nka se kgonang, nka taba lo ke yye ka thomisa go ba mošupatsela wa nako ka moka. Ke mokane ka September 2019 ke yye ka kwa ditaba tsa gore ne ke sa di nagana! Ke yye ka kgetiwa gore ke bereke ke le mogolo wa phutego ya gore yi na le gana hala ga 40 ya batšhomayedi.

Ke leboga ka matla magageru ya ma yye ma ntšhutisa Baebele fote ma boya ma n’gelepa gore ke sa lesetse go berekela Jehova. Ga dilo ka mokana ga tsona, ke leboga ke sa fetse gore Jehova a sanka a nlahla.