1. Matewu 28:18-20, yire king tso Jeso a di hlayyeng?

KA NTHAGO ga mo Jeso a šele a tsusiwwe o yye a nyarela ga malata yage ya gore ne ma le ku Galeliya. Ke mo a na le tso a nyakang go ma botsa tsona tsa gore di nyaka ma di tseyele gedimo. Anthe ke mo go le ying? Tso a di hlayyeng di krayega ga Matewu 28:18-20.—Bala.

2. Re nyoko bolabola ka diputsiso difeng?

² Tso Jeso a di hlayyeng tsa go maka batho gore go be malata dya bereka le ga malata ya Modimo lekgono. Byalo, tla re bolaboleneng ka diputsiso kararo tso di yelanang le mmereko wo Jeso a re neyyeng wona. Sa mathomo, go tokegela ga taba ya go tšhutisa batho ka tso Modimo a di nyakang, di nyaka re make ying? Sa bobedi, batšhomayedi ka mokana ga bona ba phutego ba ka tšhela letsogo byang gore bo ba tšhutisiwang Baebele ba gole ga tso tsa Modimo? Sa boraro, re ka gelepa bo ba gore baa bata ga tso tsa Modimo byang gore ba boyele ga mmereko wa go maka batho gore go be malata?

3. Ke taba yifeng yo Jeso a yi hlayyeng ya gore yi kwala gabutši?

³ Tso Jeso a di tšhutisiyeng di kwala gabutši. Di nyaka re tšhutise batho dilo tso a di hlayyeng. Mara, re sa takisi taba ye kgolo maahlo. Jeso a sanka a re: ‘Ba tšhutiseneng dilo ka mokana ga tsona tso ke le butsiyeng tsona.’ Mara, o yitseri: Ba tšhutiseneng “go latelela dilo ka mokana ga tsona tso ke le butsiyeng tsona.” Gore re thogo maka tsotsone mo re tšhutisa bo re tšhutang nabo Baebele, a di nyake re fo ba mathitšhere nje mara di nyaka re  boye re ba yetetse. (Meber. 8:31) Ke ntaba mara?

4. Go latelela tso ba go botsang tsona go ra gore king? Beyisa.

⁴ Go “latelela” tso ba go botsang tsona di rela go theetsela. Go beyisa ka mokgo o ka tšhutisang ye mongwana gore a thogo latelela kela go theetsela dilo tso Jeso a di hlayyeng, nagana ka mošupetso ke wowa. Motho ye a tšhutisang batho go drayiva a ka ba tšhutisa ka mokgo mang gore ba latelele molawo wa tsela? Ye a tšhutisang a ka tšhutisa melawo ya tsela a le ka tlelaseng. Mara, gore a thogo ba tšhutisa gore ba latelele molawo wa tsela di nyaka a make se sengwana. Di nyaka a ye nabo pateng ba kene ba drayiva a ba yetetse gore ba thogo berekisa tso ba di tšhutiyeng. Mošupetso wowa wo re tšhutisa ying?

5. (a) Ditemanyana tso di leng ga Johane 14:15 le 1 Johane 2:3 di re di nyaka re tšhutise bo re tšhutang nabo Baebele gore ba make ying? (b) Beyisa gore bo re tšhutang nabo Baebele re ka ba yetetsa byang.

⁵ Mo re tšhutisa ba bangwana Baebele, re ba re ba tšhutisa so Modimo a se nyakang ho ga rune. Mara a di nyake re maka ka gonyana. Di nyaka re tšhutisa bo re tšhutang nabo Baebele gore ba berekise tso ba di tšhutiyeng mo ba kene ba phela. (Bala Johane 14:15; 1 Johane 2:3.) Mo re beyisa, re ka šupetsa bo re tšhutang nabo Baebele gore ba ka berekisa ditšhiko tsa Baebele byang mo ba le sekolo, mmerekong kela mo ba tijabodisa. O ka ba yanegela ka tsa lephelo lago ke mokane wa ba šupetsa gore go berekisa molawo wa Baebele go go gelepiye byang gore o thogo tšhireletsega kela go segelela dipheto tsa gabutši. O ka rapelela moya wa Jehova wa go hlawolega o kene o na le bo o tšhutang nabo Baebele gore wo thogo ba yetetsa.—Joh. 16:13.

6. Go tšhutisa ba bangwana go latelela tso Jeso a di hlayyeng di rela le ying?

⁶ Go tšhutisa ba bangwana go latelela tso Jeso a di hlayyeng di rela le ying? Di nyaka re gelepe bo re tšhutang nabo Baebele gore ba nabele go maka batho malata. Ga ba bangwana bo re tšhutang nabo Baebele, taba ya go tšhomayela yi maka gore ba tšhoge la gore ba sa sa tšiba ditaba tsa bona. Byalo, di nyaka gore re lefise pelo mo re kene re ba gelepa gore ba be le kwisiso ya go kenelela, re ba tikise dipelo re boye re make gore di ba tšhofe gore ba make se sengwana. Re ka maka byang gore re thogo gelepa bo re tšhutang nabo Baebele gore ba nabele go botsa ba bangwana ka ditaba tsa go bafala?

7. Re ka gelepa ye a tšhutisiwang Baebele byang gore a nabele go botsa ba bangwana ditaba tsa go bafala?

⁷ Re ka butsisa bo re tšhutang nabo Baebele diputsiso tsa go tshwana le tsowa: “Go yamogela molaetsa wa Mmušo go tšhentšhiye lephelo lago ka mokgo mang? Ayitsano o nagana gore go na le bo ba ka nabelang go kwa ka molayetsa wowa? O ka maka ying gore o thogo ba gelepa?” (Diy. 3:27; Mat. 9:37, 38) Šupetsa ye o tšhutang naye Baebele diphephane tso di leng ga Lebhokisi la go Tšhutisa ke mokane a hlawole so a bonang nkare se ka maka gore mašaga yage, banghana bage kela bo a berekang nabo ba nabele go tšhuta. Neya ye o tšhutang naye Baebele diphephane tsa go tlalanyana. Mo tšhutise mokgwa wa gabutši wa go neya batho diphephane. Nnete ke gore mo ye re tšhutang naye Baebele a šele a le motšhomayedi wa gore aa soko kolobetsiwa, o ka sa mo lesetse o nyoko dula o le naye gore o thogo mo yetetsa.—Mmo. 4:9, 10; Luk. 6:40.

8. Ke ntaba di le gabutši ka matla gore bo re tšhutang nabo Baebele ba nyake Modimo le moyagelani ka matla? (Lebelela le lebhokisi la gore “ Ka Mokgo re ka Gelepang ye re Tšhutang Naye Baebele Gore a Nyake Modimo ka Matla.”)

⁸ Re sa lebale gore Jeso o re butsiye gore re tšhutise ba bangwana “go latelela dilo ka mokana ga tsona” tso a di hlayyeng. Ga dilo tsone go kena le melawo ka mmedi ye megolo—ya  go nyaka Modimo le moyagelani ka matla—fote melawo yone yi sipidisana le go tšhomayela le go maka batho gore go be malata. (Mat. 22:37-39) Dilo tsone di sipidisana ka mokgo mang? So se napang se re tšhofa gore re make mmereko wa go tšhomayela ke gore ga Modimo le moyagelane re ba nyaka ka matla. Di ya kwala mo bo re tšhutang nabo Baebele ba kwa ba tšhoga mo ba nagana ka mmereko wa go tšhomayela. Mo re ka gelepa bo re tšhutang nabo Baebele gore ba di tšibe gore ke Jehova ye a ba gelepang, ba ko thogo hlula go tšhaba batho. (Pis. 18:1-3; Diy. 29:25) Hlogotaba yowa yi na le lebhokisi la go hlatolla gore re ka maka byang gore re thogo gelepa ye re tšhutang naye Baebele gore a nyake Modimo ka matla. Go tokegela gana hone, phutego yi ka gelepa byang motho wa gore a yi botala go le lelata gore a sa lesetse go nyakanana?

9. Ga mošupetso wa motho wa gore o sa tšhuta go drayiva, taba yo di nyakang a yi tseyela gedimo o nyoko yi tšhuta ka mokgo mang?

⁹ Nagana ka mošupetso wa motho yela wa gore o sa tšhuta go drayiva. Mo a kene a drayiva a na le ye a mo tšhutisang, o tšhuta ka mokgo mang? Ka go theetsela ye a mo tšhutisang a boya a lebelela gabutši ga didrayiva tse dingwana. Mo re beyisa, ye a mo tšhutisang o mo šupetsa drayiva ye nngwana ya gore ya yema gore drayiva ye nngwana yi thogo feta. Kela a ka mo šupetsa drayiva ye nngwana ya gore yi poma malampa ya koloyi ya yona gore a sa tlonyi didrayiva tse dingwana. Mešupetso ya mošaga wonone yi tšhutisa ye a tšhutisiwang go drayiva taba ya gore di nyaka a yi tseyela gedimo mo a šele a drayiva.

10. King so se ka gelepang ye a tšhutisiwang Baebele gore a ye mahlong ga tso tsa Modimo?

¹⁰ Go fo tshwana le ye a tšhutisiwang Baebele, aa fo tšhuta ga thitšere yage fela mara o tšhuta le ga mešupetso ya gabutši ya malata ya Jehova. Byalo, king so se ka gelepang ye a tšhutisiwang Baebele gore a ye mahlong ga tso tsa Modimo? Go tla megahlanong ya rune ya Sekreste. Ke ntaba? Tso di tšhutisiwang megahlanong di nyoko yeketsa ga tso ba di tšibang, dya tiyisa tumelo ya bona dya boya dya ba gelepa gore go nyaka ga bona Modimo go sa kwaritšele. (Meber. 15:30-32) Se sengwana, mo ba le megahlanong ye a mo tšhutisang Baebele o nyoko mo tšibisa ga magageru ya mangwana ya gore go na le tso ba tshwanang ka tsona. Ke mešupetso yifeng ya go nyakanana yo a nyoko yi bonang mo a le megahlanong ya phutego? Nagana ka sowa.

11. Ye a tšhutisiwang Baebele o nyoko bona mešupetso yifeng ka ho phutegong fote yi ka mo tikisa go segela kaye?

¹¹ Ye a tšhutisiwang Baebele wa gore ke mmelegi wa go gudisa bana a ntoši o lebelele mogageru wa mosadi wa gore seyemo sa bona ba le ka babedi se ya tshwana. Mo ye a tšhutisiwang Baebele a bona mogageru yewa wa mosadi a garagara ka matla gore a tle Holong ya Mmušo le dibananyana tsage sosone se mo tikisiye pelo ka matla. Ye a tšhutisiwang Baebele wa gore dya pala go lesetsa go kgokga o hlakana le motšhomayedi ye mongwana wa gore le yene ne yi pala go lesetsa go kgokga mara o yye a hlula. Motšhomayedi yene o botsa ye a tšhutisiwang Baebele ka mokgo go nyaka gage Jehova go mo tšhofiyeng gore a theetsele melawo yage. (2 Makor. 7:1; Mafil. 4:13) Ka nthago ga go theetsela tsa lephelo la motšhomayedi yene, ye a tšhutisiwang Baebele o f’lo kwa a tshepa mo mogageru a mmotsa gore, “Le wene o ka sa šitege.” Mosadi ye mongwana wa gore o tšhutisiwa Baebele o nabela mogageru wa mosadi wa gore o jabodisa ke gore ke yene Hlatse ya Jehova. Mo ye a tšhutisiwang Baebele a bona mo mogageru wa mosadi a dula a jabodiye sosone se maka gore a nyake go tšiba gore king so se makang gore mogageru yene wa mosadi a dule a jabodiye.

12. Ke ntaba re re ye mongwana le ye mongwana ka ho phutegong go na le tso a tshwaneleng a di make gore a thogo gelepa bo ba tšhutisiwang Baebele?

¹² Mo bo ba tšhutisiwang Baebele ba šele ba tšiba batšhomayedi ba go fapanafapana, ba  nyoko tšhuta ga mešupetso ya bona ke mokane ba tšiba le gore di ra gore king go latelela tso Jeso a di hlayyeng tsa gore ga Modimo le moyagelani ba ba nyake ka matla. (Joh. 13:35; 1 Thim. 4:12) Go tokegela ga tso re šeleng re bolabodiye ka tsona, ye a tšhutisiwang Baebele a ka tšhuta ga batšhomayedi ba gore ba yye ba gahlana le seyemo sa go tshwana le sage. O nyoko tšhuta ga mešupetso ya bona gore a ka sa šitege go ba lelata la Kreste. (Dot. 30:11) Ye mongwana le ye mongwana ka ho phutegong a ka tšhela letsogo ka mokgwa wa go sa tshwane gore a thogo gelepa bo ba tšhutisiwang Baebele gore ba ye mahlong ga tso tsa Modimo. (Mat. 5:16) Wene o maka ying sa gore se hlohletsela bo ba tšhutisiwang Baebele ba gore šele baa tla megahlanong?

13-14. Jeso o yye a tshwara mapostola yage ka mokgo mang nakwela ma kgongwele?

¹³ Re nyaka go gelepa magageru ya gore maa bata ga tso tsa Modimo gore ma boyele ma make mmereko wa go maka batho gore go be malata. Ka mokgo Jeso a yyeng tshwara mapostola yage ya gore ma kgongwele, ke tso le rune re tshwaneleng re di make lekgono.

¹⁴ Nakwela go le la mafelelo Jeso a tšhomayela ho lefaseng fote a nkgela ke likgu, mapostola yage ‘ka mokana ga wona ma yye ma mo šiya ma tšhaba.’ (Mar. 14:50; Joh. 16:32) Jeso o yye a tshwara mapostola yage ka mokgo mang nakwela ma šitega go šišimala? Ka nthagonyana ga mo Jeso a šele a tsusiwwe o yye a botsa ba bangwana ga bo ba mo latelelang gore: “Le sa tšhoge! Byalo, botsaneng bobhuti waka [gore ke tsusiwwe].” (Mat. 28:10a) Jeso a sanka ngalela mapostola yage. Le mo ba mo šiyye o sa fo re ke “bobhuti waka.” Jeso ke mo a kwelana go baba fote a tshwarelana go fo tshwana le Jehova.—2 Mag. 13:23.

15. Re tikwa byang ka bo ba yyeng ba lesetsa mmereko wa go tšhomayela?

¹⁵ Go fo tshwana le Jeso, le rune re hlupega ka matla ka bo ba yyeng ba lesetsa mmereko wa go tšhomayela. Le bona ke magageru fote re ba nyaka ka matla! A re lebale mebereko ya bona ya gore ne ba šupetsa go nyakanana—ba bangwana tsotsone ba di makiye mengwagangwaga. (Maheb. 6:10) Re ya ba gopola wa tšiba! (Luk. 15:4-7) Re ka šupetsa ka mokgwa wofeng gore re hlupega ka bona go fo tshwana le Jeso?

16. Re ka šupetsa ka mokgo mang gore re hlupega ka matla ka magageru ya gore maa bata ga tso tsa Modimo?

¹⁶ Ba meme. Se sengwana so Jeso ne a hlohletsela mapostola yage ya gore ma kgongwele ke go ma memela mogahlanong. (Mat. 28:10b; 1 Makor. 15:6) Le rune lekgono, re ka hlohletsela bo ba gore baa bata ga tso tsa Modimo gore ba tle megahlanong ya phutego, mo nkare a ba tle. Re di tšiba gabutši gore di nyoko tseya nako gore ba šinye ba tlogamele. A re kamake taba ya gore mo malata ya Jeso ma yamogela sememo sage di mo jabodisiye ka matla.—Tshwanisa le Matewu 28:16 le Luka 15:6.

17. Mo motho wa gore wa bata ga tso tsa Modimo a ka segela megahlanong di nyaka re titshware byang?

¹⁷ Šupetsa gore wa yamogelana. Jeso o makiye gore malata yage ma tikwe ma yamogelegiye nakwela ma gahlana naye; ke yene a thommeng a ma bolabodisa. (Mat. 28:18) Mo motho wa gore wa bata ga tso tsa Modimo a ka segela Holong ya Mmušo re nyoko titshwara byang? Di nyaka re mo yamogele re lukulugiye. Mara mo re sa thomisa go mmona o ka kraya re sa tšibi ditaba tsa rune. Gore a tikwe a le gaye, di nyaka re mmotse ka mokgo re jabolelang go mmona.

18. Re ka hlohletsela batšhomayedi bo ba gore baa bata ga tso tsa Modimo byang?

¹⁸ Šihlela taba ya gore a ba ntoši. Malata ya Jeso ne ma fo kwa taba ya go tšhomayela lefase ka mokana ga lona go le morwalo. Jeso o yye a tshepisa malata yage gore: “Ke na le lune ka  moka matšatši.” (Mat. 28:20) Ayitsano tsotsone di gelepiye? Eya. Di so yi kgole, ke mo ma šele ma “tšhutisa le go tšhomayela ditaba tsa go bafala.” (Meber. 5:42) Batšhomayedi ba gore baa bata ga tso tsa Modimo le bona baa di nyaka gore ba ba hlohletsele. Taba ya gore ba boyele baa tšhomayela ba ka fo kwa yi ba tshosanya. Re ka ba botsa gore ba ka sa tšhomayele ba le ntoši. Mo ba lukulugiye gore ba ka boyela ba tšhomayela, re sa ba kganyele. Ba nyoko leboga ba sa fetsi mo re ba thega ga taba ya gore ba boyele ba tšhomayela ditaba tsa go bafala. Mo re tshwara gabutši bo ba gore baa bata ga tso tsa Modimo fote re ba tseya go le magageru, sosone se nyoko maka gore go be le maphomela ya gabutši ka ho phutegong.

19. Re nabela go maka ying fote ke ntaba?

¹⁹ Anthe mmereko wa go maka batho gore go be malata we fela leng? Go segela mo go fela ka lefase lo. (Mat. 28:20; lebelela Glossary, “Conclusion of the system of things.”) Ayitsano re ko di kgoneng go maka tso Jeso a re butsiyeng tsona? Nnete ke gore re tikemisele go di maka! A re llele nako, matšhika le mong tšheleta ya rune mo re nyakana le bo ba gore “ba tlalele gabutši ga tsa lephelo la go ya go yye.” (Meber. 13:48) Mo re maka tsotsone re ba re latelela mošupetso wa Jeso. O yitseri: “Ke setšha go le tsa go ja ho gaka mo ke maka tso di nyakang ke ye a nrommeng fote ke fetsa mmereko wage.” (Joh. 4:34; 17:4) Tsotsone ke tso le rune re di nabelang. Re nyaka go fetsa ka mmereko wo re neyiwweng wona. (Joh. 20:21) Fote re nyaka gore ba bangwana le bo ba gore baa bata ga tso tsa Modimo re tshwarisane ggoši mmereko wowa.—Mat. 24:13.

20. Mafilipi 4:13 yi re re nyoko di kgona byang go fetsa mmereko wo Jeso a re neyyeng wona?

²⁰ Go maka tso Jeso a re butsiyeng tsona a yi go kgana. Mara, so se šalang ke gore a re ntoši. Jeso o tshepisiye gore o nyoko ba le rune. Re bereka mmereko wa go maka batho gore go be malata ka taba la gore re “dibereki ggoši le Modimo” fote “le Kreste.” (1 Makor. 3:9; 2 Makor. 2:17) Nnete ke gore, re ka di kgona. Wa tšiba ba re makiye batho ka go re neya mmereko wa mayemo ya gedimo le gore re gelepe ba bangwana gore ba wo make!—Bala Mafilipi 4:13.