1-2. Re ka latelela ka mokgo mang tso di hlayang ke Diyema 4:25? Beyisa.

NAGANA ka mešupetso ke yowa. Mogageru wa mosadi wa gore o šele a gudiye o nagana ka dinako tsa ku nthago tsa gore dya jabodisa. Le mo lephelo le thathafa gana byalo, o fo ya mahlong a makela Jehova so a ka se kgonang. (1 Makor. 15:58) Ka moka matšatši o nagana a šele a phela lefaseng la nyuwane a na le ba mutši wage le banghana bage. Mogageru ye mongwana wa mosadi o yye a kwisa go baba ke mogageru ye mongwana ka ho phutegong mara taba yone a fo yi teyisa ka moya. (Makol. 3:13) Mogageru ye mongwana o sa di gopola gabutši tso a di sinnyeng ku botala mara o dula a garagara ka matla gore a thogo jabodisa Jehova.—Pis. 51:10.

² Magageru yawa kararo ya wona ma tshwana ka ying? Ka mokana ga wona ma gopola tso di yyeng dya makega ku botala mara a ma fatele nthago. Ma “lebelela tsa ku” mahlong.—Bala Diyema 4:25.

3. Ke ntaba di nyaka re “lebelela tsa ku” mahlong?

³ Ke ntaba di nyaka re “lebelela tsa ku” mahlong? Go fo tshwana le mo motho a ka sa kgone go sepela a ya mahlong a kene a lebelele nthago, le rune re ka sa di kgone go ya mahlong re berekela Jehova mo nkare re dula re nagana ka dilo tsa ku botala.—Luk. 9:62.

4. Re nyoko petapeta ka ying ga hlogotaba yowa?

⁴ Ga hlogotaba yowa, re nyoko petapeta kararo ya melabo yo yi ka makang gore re fatele nthago. * Melabo yone ke: (1) go ngangarela tsa ku nthago, (2) go dulela go kwata le (3) go dulela go kokona ke lekwalo. Re nyoko bona ka mokgo ditšhiko tsa Baebele di ka re gelepang ga molabo wo mongwana le wo mongwana gore re sa dulele go nagana ka “tsa ku nthago,” mara re tihlupe ka “tsa ku mahlong.”—Mafil. 3:13.

5. Mmolabodi 7:10 yi re pasopisa ga molabo wofeng?

⁵ Bala Mmolabodi 7:10. Temanyana yowa yi re a wa sinya mo o butsisa gore: “Ke ntaba dinako tsa ku botala di le gabutši?” Ke Jehova ye a makiyeng gore re thogo gopola dilo tsa go jabodisa tsa ku botala. Gabutšibutši temanyana yowa yi re: “O sa hlaye gore, ‘Ke ntaba dinako tsa ku botala di le kawone go phala tsa gana byalo?’” Ka mantsu ya mangwana molabo wa gona, ke go tshwanisa seyemo sa ku botala le sa gana byalo ke mokane ra fetsa ka gore gana byalo dilo di bifiye ka matla. Baebele ye nngwana yi hlatolliye temanyana yowa ka gore: “O sa butsisi gore, ‘Barena, ke ntaba dilo ne di le kawone dinakong tsa ku botala?’ Go butsisa ka mokgonone a di šupetse go hlalefa.”

6. Ke ntaba go le bophokophoko go dula re nagana gore lephelo la rune la ku botala ne le le kawone? Beyisa.

⁶ Ke ntaba go le bophokophoko go dula re nagana gore lephelo la rune la ku botala ne le le kawone? Go ngangarela tsa ku botala go ka maka gore re nagane fela ka dilo tsa gabutši tso di yyeng dya makega. Mara ka mokana ga tsona tsa go sasamela wa di teyisa ka moya. Lebelela mošupetso wa Maisrayele ya ku botala. Mo ma šele ma tlugiye Egepita, ma yakgoswiye ma lebala ka lephelo la wona la go sasamela la gana ku. Mara, ma fo dulela go nagana ka tsa go ja tsa go nabetsa tsa gana ku. Ma yitseri: “Wa tšiba re gopola ka matla dihlapi tsa mahala tso ne re tlwayele go di ja ku Egepita, fote le dikgebetlele, magapu, dinyala tsa mphogo, dinyala le dikonofolo!” (Dip. 11:5) Mara ke mo ma resa gore tsa go ja tsone ne go le tsa “mahala?” Dho. Maisrayele ma di kwile; ne ma kgahleletsiwa fote go le mabhantiti ku Egepita. (Ek. 1:13, 14; 3:6-9) Le mo go le ka mokgonone, mo goya-goya ma yye ma lebala ka tsa go sasamela ke mokane ma thomisa go llela tsa ku nthago. Ma yye ma kgeta go nagana ka “tsa gabutši tsa ku botala” ma lesetsa go nagana ka dilo ka mokana ga tsona tso Jehova a ma makeleng tsona. Ka mokgo ma yyeng ma tseya dilo ka gona, a dya mo jabodisa ga Jehova.—Dip. 11:10.

7. King so se gelepiyeng mogageru yewa wa mosadi gore a sa ngangarele ga dilo tsa ku botala?

⁷ Re ka kganela kgole byang le molabo wa go ngangarela dilo tsa ku botala? Lebelela mošupetso wa mogageru wa mosadi wa gore o thomisiye go bereka Bethele ya ku Brooklyn ka mongwaga wa 1945. Ka nthagonyana ga mengwaga, o yye a  šadha le mogageru wa gore le yene ke mo a bereka Bethele, ke mokane ba bereka ggoši mengwaga ya go tlala. Mara, gana hala ga mengwaga ya bo-1970, monna wage o yye a thomisa go lwala. Mo mogageru yene wa monna a di bona gore o šele a le thina le go kgwa, o yye a yeletsa mosadi wage gore a ka tiyisela ka mokgo mang mo yene a šele a hlokofele. O yitseri gage: “Ke mo re dula re jabodiye mošadhong wa rune. Ba go tlala baa di nabela tsotsone.” Mara o yye a mo kgopela gore: “O sa fatele nthago—tsa go jabodisa tso re di makiyeng re le ggoši o ka sa ro di lebala. Mo goya-goya di ka sa sa go kwisa go baba ka matla. Tso di go makegeleng di sa go kgongwetsi. Dula o nagana ka nakwela re sa berekela Jehova re le ggoši fote re jabodiye. . . . Ke Modimo a makiyeng gore re thogo gopola dilo tsa go jabodisa tsa ku botala.” Ayitsano a wo dumele gore o mo yeletsiye gabutši?

8. Taba ya go sa fatele nthago yi gelepiye mogageru wa mosadi ka mokgo mang?

⁸ Mogageru yene wa mosadi mantsu yane o yye a ma tseyela hlogong. O yye a berekela Jehova a tshepegiye go segela mo a hlokofala a na le 92 ya mengwaga. Mengwaganyana mo a sa phela o yitseri: “Mo ke lebela nthago ga mengwaga ya go teya ka ku ga 63 nkene ke berekela Jehova ga mmereko wa nako ka moka, nka fo re lephelo laka ke mo le jabodisa wa tšiba.” Ke ntaba? O hlatolliye ka gore: “So se makang gore lephelo le nape le jabodisa ke senghana so re nang naso le magageru fote le tshepo yo re nang nayo ya go phela nawo pharadeyising ho lefaseng, re kene bereka go ya go yye re berekela Modimo wa rune Jehova wa gore o makiye dilo ka mokana ga tsona.” * Ye lune, wowa ke mošupetso wa gabutši wa motho wa go hlupega ka matla ka go lebelela tsa ku mahlong!

9. Lefitiko 19:18 yi re ke mo go ro maka byang mo re kraya di se lula go tshwarela motho wa gore o re kwatisiye ka matla?

⁹ Bala Lefitiko 19:18. Ga go tlala a di lula go teyisa taba ka moya mo o kwatisiye ke mogageru, monghana kela lešaga. Mo re beyisa, mogageru ye  mongwana wa mosadi o yye a kwatisa ke mogageru ye mongwana wa mosadi wa gore o yye a mo yetswisa tšheleta. Ka nthago, ye wa go yetswisa ye mongwana tšheleta o yye a kgopela tshwarelo mara ye wa gore ke mo ba yetswisa yene o yye a fo ya mahlong a kene a tubiye. Ayitsano le wene o yye wa tikwa ka mokgonone? Le mo seyemo so re yyeng ra hlakana naso se sa tshwane le sowa, ba go tlala ba rune go na le tso di yyeng dya re kwatisa fote ra tipotsa gore taba yone ya go re kwatisa re ka sa tsoge re yi fitisiye.

10. King so se ka gelepang mo re kwatiye?

¹⁰ King so se ka gelepang mo re kwatiye? So re tshwaneleng re sa se lebale ke gore Jehova o bona dilo ka mokana ga tsona. Dilo ka mokana ga tsona tso re hlakanang natso wa di bona le mo ba bangwana ba re tshwara bošidi. (Maheb. 4:13) O re kwela go baba mo re hlupegisiwa. (Jes. 63:9) Fote o re tshepisa gore go se botala o nyoko tlusa dilo ka mokana ga tsona tsa go re hlupegisa.—Kut. 21:3, 4.

11. Go tshwarela ba bangwana go re gelepa ka mokgo mang gore re sa dulele go kwata?

¹¹ Fote di nyaka re sa lebale gore mo re tshwarela ba bangwana tsotsone di nyoko gelepa rune. Nka taba lo mogageru wa mosadi wa gore ba yye ba mo lebela a yyeng a di bona gabutši. Mo goya-goya, o yye a tshwarela mogageru yene wa mosadi wa gore ke mo a mo lebela. O di bonne gabutši gore mo re tshwarela ba bangwana le Jehova wa re tshwarela. (Mat. 6:14) Tso mogageru yene wa mosadi a mo makiyeng tsona aa di tseya ka gonyana mara o f’lo kgeta go mo tshwarela. Taba yone ya go tshwarela ba bangwana a sa ba kwatele, yi makiye gore mogageru yewa wa mosadi a nape a ya mahlong a kene a berekela Jehova a jabodiye.

12. King so re se tšhutang ga Johane wa Mathomo 3:19, 20?

¹² Bala 1 Johane 3:19, 20. Taba ya go kokona ke lekwalo a yi makatse. Mo re beyisa, ba bangwana ba kikita ke lekwalo ka taba la tso ba yye ba di maka mo ba soko bane ba tšhuta nnete. Ba bangwana le ba kokona ka taba la tsa go kekema tso ba yye ba di maka ka nthago ga mo ba šele ba kolobetsiwwe. A di makatse go tikwa ka mokgonone. (Mrm. 3:23) Nnete ke gore, re ya di nyaka go maka tsa gabutši. Mara “ka mokana ga rune re phiriketsega ga go tlala.” (Jak. 3:2; Mrm. 7:21-23) Le mo di sa natefe go kokona ke lekwalo, mara ka dinako tse dingwana go ka re gelepa. Ke ntaba? Ka taba la gore go kokona ke lekwalo go ka re gelepa gore re ghobolle mo go ghobegiyeng ke mokane re tikemisele go sa sa di boyelela.—Maheb. 12:12, 13.

13. Ke ntaba di nyaka re kganela kgole le molabo wa go dulela go kokona ke lekwalo?

¹³ Dya makega gore re dulele go kokona ke lekwalo—le mo re šele re tisodiye ka tso re di makiyeng fote Jehova a šupetsiye gore o re tshwarele. Go kokona ke lekwalo ga mošaga wonone go ka re kwaletsa. (Pis. 31:10; 38:3, 4) Byang mara? Lebelela mošupetso wa mogageru ye mongwana wa mosadi wa gore o yye a kikita ke lekwalo ka taba la tso a di makiyeng ku botala. O yitseri: “Ke sa tihlupela ying ka go berekela Jehova ka taba la gore le mong go phona nka sa go bone.” Di ka makega gore ba go tlala ba rune re yye ra tikwa ka mokgonone. Di gabutši ka matla gore re kganele kgole le molabo wone wa go dulela go kokona ke lekwalo. O fo nagana nje gore Sathane o nyoko hlakela go segela kaye mo re lahla tewu—le mo Jehova a kene a re tshwarele!—Tshwanisa le 2 Makorente 2:5-7, 11.

14. Re nyoko di tšiba byang gore nnete Jehova o re tshwarele?

¹⁴ Fote re ka tiputsisa gore, ‘Byalo ke nyoko di tšiba byang gore nnete Jehova o ntshwarele?’ Mo re tiputsisa putsiso ya mošaga wonone, di rela gore a re kamake gore Jehova wa tshwarelana. Go fitiye mengwagangwaga Sewokamelo se hlayye gore: “Re ka tikraya re fo boyelela tsetsela tsa go kekema tsa gore re di makiye botala mo re soko bane re thomisa go berekela Modimo. . . . Di sa re  kgongwetsi. Re sa fetse ka gore re sinnye la gore re ka sa sa tshwarediwa. Sathane o nyaka re tseya dilo ka mokgonone. Taba ya gore di ya go baba yi fo šupetsa gabutši gore a wa befa pelo la gore Jehova a ka napa a šitega go go tshwarela. Di sa go tinwisi go tineyela ga Modimo o tinyanafatsiye o mo kgopela gore a go tshwarele a boye a go gelepe gore o sa sa boyelela. Go tshwana le mo sengwananyana se tšhabela ga papa sona mo go bifiye le wene tšhabela ga Jehova le mo o ka fo ba o sinnye ga tleletlele, o nyoko go gelepa ka taba la gore o kwelana go baba.” *

15-16. Ba bangwana ba yye ba tikwa byang mo ba bona gore Jehova aa ba ngalela?

¹⁵ Malata ya go tlala ya Jehova ma kgomoletsiye ke go tšiba gore Jehova aa ma ngalele mo ma sinnye. Mo re beyisa, mengwaga ya go fela mogageru ye mongwana o yye a tikisega pelo ka tso a di badiyeng ga dihlogotaba tsa go lategetsana tsa gore di nyarela ga “Baebele yi Tšhentšha Maphelo.” Ga hlogotaba yone mogageru ye mongwana wa mosadi o re ka taba la tsa go sasamela tso a yyeng a hlakana natso, o kwa di mo thathafela go tshepa gore nnete Jehova o mo nyaka ka matla. Di mo hlupiye ka matla le ka nthago ga mengwaga ya go tlala a šele a kolobetsiwwe. Mara o yitseri go nagana ka matla ka sehlabelo sa Jeso, o yye thomisa go tshepa taba ya gore Jehova o mo nyaka ka matla. *

¹⁶ Tso di yyeng dya makegela mogageru ye mongwana wa mosadi di yye dya gelepa mogageru ye mongwana ka mokgo mang? O ngwadiye gore: “Mo ke sa le ye monyana ne ke ro topela ga taba ya go lebelela dithombhe tsa batho ba go sa tšwara. A yi botala nkene ke di lebelele. Ke yye ka kgopela bagolo gore ba n’gelepe fote go fo ya go loka ka gonyana ka gonyana. Bagolo ba yye ba šihlela taba ya gore Modimo o nnyaka ka matla fote o nkwela bošuwana. Mara ka dinako tse dingwana ke tikwa ke se selo la gore Jehova o nyoko nnyaka a re o bona ying. Go bala ka tso di yyeng dya makegela [mogageru yewa wa mosadi] di n’gelepiye ka matla. Byalo, ke ya di bona gore mo ke re Modimo a ka sa ntshwarele ke ra gore sehlabelo sa Morwayi wage se ka sa ro mperekela. Ke yye ka kopa lephephe la hlogotaba yowa gore mo go boya tsela tsa go nagana gore a yi nna selo ke thogo bala ke boye ke ghayele.”

17. Pawulo o yye a kganela kgole byang le molabo wa go dulela go kokona ke lekwalo?

 ¹⁷ Mešupetso ya go tshwana le yowa yi re gopotsa Pawulo wa lepostola wa tšiba. Mo a soko bane a ba Mokreste o yye a sinya ka matla. Pawulo ke mo a sa di gopola tso a di sinnyeng mara ke mo a sa kwane le go dulela go nagana ka tsona. (1 Thim. 1:12-15) O yye a tseya sehlabelo sa Jeso go le selo so Modimo a mo neyyeng sona. (Magal. 2:20) Pawulo o yye a kganela kgole le molabo wa go dulela go kokona ke lekwalo ke mokane a tikemisela go ya mahlong a kene a berekela Jehova di mmaba.

18. Re tšhutiye ying ga hlogotaba yowa?

¹⁸ Re tšhutiye ying mo re kene re nyakollana le melabo yo go bolabodiwang ka yona ga hlogotaba yowa? (1) Ke Jehova ye a re makiyeng gore re thogo gopola tsa gabutši tso di yye dya makega ku botala; le mo nkare tsa lephelo ne di re sepelela gabutši ku nthago mara ga lefase la nyuwane, o ko kweng. (2) Ba bangwana ba ka re kwatisa ka matla mara mo re ka kgeta go ba tshwarela re ka sa fatele nthago. (3) Go dulelela go kokona ke lekwalo go ka maka gore re berekele Jehova re pipeganne. Byalo, go fo tshwana le Pawulo di nyaka re tshepe gore ke botala Jehova a re tshwarele.

19. Re di tšibela kaye gore re ka sa dulele go tisola ka tso re yyeng ra di maka ku nthago?

¹⁹ Re na le tshepo ya go ye phela go ya go yye ku mahlong. Fote ga lefase la Modimo la nyuwane, re ka sa dulele go tisola ka tso re yyeng ra di maka ku nthago. Baebele mo yi bolabola ka tsa nako yonone yi re: “Dilo tsa botala di ka sa sa tla mo monaganong.” (Jes. 65:17) O fo nagana nje: Ba bangwana ba rune re tsofalela gana howa mmerekong wa Jehova mara ga lefase la nyuwane re nyoko boyela bonyaneng. (Jobo 33:25) Tla re tikemiseleneng go sa dulele go fatela nthago. Mara, tla re makeneng so re ka se kgonang gore re thogo segela ga lefase la nyuwane!