1. Jehova o re hlohletsela gore re make ying?

JEHOVA o kwana nayo taba ya go nyakanana tsa mannete. (Hos. 6:6) O hlohletsela malata yage gore ma make ka mokgonone. Modimo wa rune o berekisiye moporofeta Mmika gore a re hlohletsele gore re “nyakanane tsa mannete.” (Mmik. 6:8) Nnete ke gore, di nyaka re thomise re tšibe gore mo ba re go nyaka motho o sa tšhentšhatšhentšhi kela go nyakanana tsa mannete ba ra mo o maka ying.

2. Ke dilo difeng tse dingwana tso di šupetsang gore re nyakanana tsa mannete?

² Mo ba re go nyakanana tsa mannete ba ra ying? Ga New World Translation of the Holy Scriptures taba ya go nyakanana o sa tšhentšhatšhentšhi yi nyarela gana hala ga bo 230. Tsotsone di ra gore king? Taba ya gore motho o nyaka ye mongwana a sa tšhentšhatšhentšhi yi rela gore o nyoko dula a mo nyaka ka matla, a tshepega gage fote le ka tšatši la mohlolo a ka sa ro tsoga a mo lahliye. Aa šiyo wa go šupetsa go nyakanana tsa mannete go tshwana le Jehova. Ga hlogotaba yowa, re nyoko lebelela ka mokgo Jehova a šupetsang batho gore o ba nyaka tsa mannete. Ke mokane ga hlogotaba ya go latela, re nyoko lebelela ka mokgo rune malata ya Jehova re ka kopiselang gage ga taba ya go šupetsana gore re nyakanana tsa mannete.

3. Jehova o yitseri ke yene wa mošaga mang mo a botsa Moše?

³ Ke mo go se botala Maisrayele ma tšwile Egepita, mo Jehova a wunyullela Moše lebitso Lage a boya a mmotsa gore ke yene wa mošaga mang. O yitseri: “Jehova, Jehova, Modimo wa go kwelana go baba, wa gore aa yakgoswi a kwata le wa gore o dula a šupetsa  batho gore o ba nyaka ka matla fote o kwana le nnete, wa go šupetsa batho ba go tlala gore o kwana nabo tsa mannete, wa go tshwarelana mo motho a makiye tsa go befa, a kekemisiye kela a sinnye ka matla.” (Ek. 34:6, 7) Mantsu ya go tikisa pelo yaa Jehova a ma wunyulleleng Moše gore ke yene wa mošaga mang, ma re botsa se sengwana so se šupetsang gore o nyakanana tsa mannete. King sosone?

4-5. (a) Jehova o re ke yene wa mošaga mang? (b) Re nyoko petapeta ka diputsiso difeng?

⁴ Jehova aa fo hlaya gore yene o nyakanana tsa mannete, mara o yitseri “o dula a šupetsa batho gore o ba nyaka tsa mannete.” Taba yowa yi nyarela ga kobodi ka ho Bhayibeleng. (Dip. 14:18; Neh. 9:17; Pis. 86:15; 103:8; Juw. 2:13; Jona 4:2) Ka mokana ga gona mo go nyarelang taba yowa, yi ba yi bolabola ka Jehova yi seng batho. Mo Jehova a botsa batho gore ke yene wa mošaga mang, aa yi šiyi taba ya gore o nyakanana tsa mannete. A re kamake gore taba yowa ya go nyakanana tsa mannete o yi tseyela gedimo ka matla. * Nka taba lo Kgoši Dafita a yyeng a kwa di mo tšhofa go hlaya gore: “Wene Jehova, taba ya gore o nyakanana o sa tšhentšhi yi šinya yi segela le ku magedimong . . . A yi go jabodisa ga yona taba ya gore o nyakanana tsa mannete, Barena Modimo! Barwayi ba batho ba nyoko tšhabela ka tlase ga morithi wa mafafela yago.” (Pis. 36:5, 7) Ayitsano taba ya gore Jehova o nyakanana tsa mannete re yi tseyela gedimo go tshwana le ka mokgo Dafita ne a yi tseya ka gona?

⁵ Gore re thogo napa re kwisisa taba yowa ya go nyakanana re sa tšhentšhatšhentšhi, tla re petapeteneng ka diputsiso ka dipedi ke tsowa: Jehova o šupetsa bomang gore o ba nyaka a sa tšhentšhatšhentšhi? Fote rune di re berekela byang tsa gore Jehova o nyakanana a sa tšhentšhatšhentšhi?

6. Jehova o šupetsa bomang gore o ba nyaka tsa mannete?

⁶ Jehova o šupetsa bomang gore o ba nyaka tsa mannete? Bhayibele yi re re ka kwana le dilo tsa go tlala tsa go tshwana le “go lema,” “wayini le makgura,” “go wolola,” “go tšiba,” “go hlalefa”​—le tse dingwana. (2 Dikor. 26:10; Diy. 12:1; 21:17; 29:3) A di kgonege go šupetsa dilo gore o di nyaka tsa mannete mara ga batho di ya kgonega. Mara Jehova aa fo šupetsa ga ye mongwana le ye mongwana gore o nyakanana tsa mannete. O šupetsa go nyakanana tsa mannete ga bo go leng mong banghana bage. Modimo wa rune wa tshepega ga banghana bage. O tikemisele go ba makela tsa gabutši fote a ka sa ro ba lahla.

7. Jehova o šupetsiye byang gore o nyaka batho ka mokana ga bona?

 ⁷ Jehova o šupetsiye batho ka mokana ga bona gore o ba nyaka ka matla. Jeso o butsiye morene mongwana ye ba reng ke Nikhodimase gore: “Modimo o nyakiye lefase [batho] ka matla a šinya a neyela ka Morwayi wa gore o fo ba a ntoši, gore ye mongwana le ye mongwana ye a dumelang gage a sa bolayiwi mara a kraye lephelo la go ya go yye.”​—Joh. 3:1, 16; Mat. 5:44, 45.

8-9. (a) Ke ntaba Jehova a šupetsa malata yage gore o ma nyaka tsa mannete? (b) Re nyoko petapeta ka ying gana byalo?

⁸ Re šele re tšhutiye gore Jehova o šupetsa gore o nyakanana tsa mannete ga bo go leng banghana bage ba gore ke malata yage. Taba yowa ya go nyakanana tsa mannete yi hlayye ke Kgoši Dafita le moporofeta Daniyele. Mo re beyisa, Dafita o yitseri: “Ariye mahlong o kene o šupetsa bo ba go tšibang gore o ba nyaka tsa mannete.” “Jehova a ka sa lisetse go nyaka bo ba gore baa mo hlompa.” Ke mokane Daniyele yene o yitseri: “Wene Jehova Modimo wa mannete, [wa gore] o šupetsa ba gore ba mo nyaka ka matla ba boya ba theetsela melawo yage gore o ba nyaka a sa tšhentšhatšhentšhi.” (Pis. 36:10; 103:17; Dan. 9:4) Mantsu yawa ma šihlela taba ya gore Jehova o šupetsa malata yage gore o ma nyaka tsa mannete ka taba la gore maa mo tšiba, maa mo hlompa, ma mo nyaka ka matla fote ma theetsela melawo yage. Jehova o šupetsa malata yage fela gore o ma nyaka tsa mannete.

⁹ Nakwela re soko ba malata ya Jehova, o re šupetsiye gore o re nyaka ka matla go fo tshwana le batho ka mokana ga bona. (Pis. 104:14) Mara gana byalo, di ya re berekela tsa go ba malata yage ka taba la gore o napa a re šupetsa gore o re nyaka tsa mannete. Gabutšibutši, Jehova o napa a maka gore malata yage ma sa yi kamake taba yowa mo a re: “A go na so se ka tšhentšhang ka mokgo ke le nyakang.” (Jes. 54:10) Nnete ke gore, Dafita wa yi tšiba le yene taba ya gore, “Jehova o nyoko ma tshwara gabutši malata yage ya go tshepega.” (Pis. 4:3) Taba ya gore Jehova o re tshwara gabutši yi re tšhofa gore re make ying? Mopisalema o ngwadiye gore: “Wa gore o hlalefiye o nyoko lebelela dilo tsowa gabutši fote dilo tso Jehova a di makang tsa go šupetsa gore o nyakanana tsa mannete o nyoko di tseyela gedimo.” (Pis. 107:43) Re sa le ga taba yonone, tla re petapeteneng ka kararo ya dilo tso malata ya Jehova ma di jabolelang mo a ma šupetsa gore o ma nyaka tsa mannete.

10. Taba ya gore Jehova o nyakanana go ya go yye, yi re gelepa byang? (Pisalema 31:7)

¹⁰ Modimo o nyakanana go ya go yye. Ga Pisalema 136, taba yowa ya go nyakanana tsa mannete yi nyarela ga 26. Temanyana ya mathomo yi re: “Thanakaneng Jehova, ka taba la gore o lukiye; o nyakanana go ya go yye.” (Pis. 136:1) Ga temanyana ya 2 go segela ga 26, mantsu ya gore “o nyakanana go ya go yye” ma nyarela gatleletlele. Mo re kene re ya mahlong re bala ditemanyana tsowa tsa pisalema, taba ya gore Jehova o re nyaka tsa mannete a sa tinwi yi re tikisa dipelo ka matla. Mantsu yawa ya gore “o nyakanana go ya go yye” ma šupetsa gore Modimo mo a re o nyaka batho, aa tšhentšhatšhentšhi. A yi go jabodisa ga tsona go tšiba gore Jehova aa yakgoswi a ngalela malata yage! Mara o dula mamarelanne le malata yage, ka matlamatla mo go bifiye. Ka mokgo taba yowa yi re berekelang: Go tšiba gore Jehova o dula a na le rune gwa re jabodisa fote go re neya matšhika ya gore re thogo tiyisela mo re gahlana le tsa go re ghula ke mokane tsotsone dya maka gore re sa keketlele kgole le pata ya lephelo.​—Bala Pisalema 31:7.

11. Pisalema 86:5 yi re king so se makang gore Jehova a tshwarelane?

¹¹ Ka taba la gore Modimo o nyakanana tsa mannete, tsotsone di mo tšhofa gore a tshwarelane. Ka taba la gore Jehova o nyakanana tsa mannete, o kwa di mo tšhofa gore a tshwarele motho wa gore o sinnye a boya a sokologa fote a lahla mekgwa yage ya go befa. Mo mopisalema Dafita a bolabola ka Jehova, o yitseri: “Aa balele gore re sinnye go segela kaye kela a re patedisa ga tso re di sinnyeng.” (Pis. 103:8-11) Dafita le yene o di tšiba gabutši gore a yi go baba ga tsona go kikita ke lekwalo. Mara o tšhutiye gore Jehova “o tikemisele go tshwarela.” King so se makang gore Jehova a tshwarelane? Re kraya phetolo ga Pisalema 86:5. (Bala.) Di fo ba ka mokgonola Dafita a hlayyeng mo a rapela a re, Jehova o tshwarela bo ba tshepelang gage ka taba la gore o ba nyaka tsa mannete.

12-13. Mo nkare re kikita ke lekwalo ka taba la tso re di kekemisiyeng ku botala, king so se ka re gelepang?

¹² Mo o sinnye, a di makatse mo o kikita ke lekwalo, di fo šupetsa gore wa phela. Di ka re gelepa gore re tisole re boye re lukise mo re  sinnyeng. Malata ya mangwana ya Modimo ma kikita ke lekwalo ka taba la tso ma yyeng ma di kekemisa ku botala. Go dulela go nagana ka dilo tsone go maka gore ba tseye gore Jehova a ka sa tsoge a ba tshwarele​—le mo ba ka tisola byang. Mo nkare le wene o tikwa ka mokgonone, di ka go gelepa go tšhuta ka taba ya gore Modimo o tikemisele go nyaka malata yage tsa mannete.

¹³ Ka mokgo taba yowa yi re berekelang: Le mo re sa yenela, re ka di kgona go berekela Jehova re jabodiye ka lekwalo la go yela. Tsotsone di ya kgonega ka taba la gore “madi ya Morwayi wage Jeso, ma re hlatswa ga tso re di sinnyeng ka mokana ga tsona.” (1 Joh. 1:7) Mo nkare o kgongwetsa ke tso o di kekemisiyeng, o sa lebale gore Jehova o tikemisele go tshwarela bo ba tisolang. Lebelela gore Dafita o re go nyakanana tsa mannete le go tshwarelana di yelana ka mokgo mang. O ngwadiye gore: “Go fo tshwana le mo magedimo ma le ka kgakala ga lefase, le bo ba mo hlompang o ba šupetsa gore o ba nyaka tsa mannete. Tso re di sinnyeng o di beyela ku kgole go fo tshwana le mo bohlabela bo le kgole le bodikela.” (Pis. 103:11, 12) Eya, Jehova o tikemisele go re “tshwarela a sa fetsi.”​—Jes. 55:7.

14. Dafita o yitseri taba yo ya gore Modimo o re nyaka tsa mannete yi re tšhireletsa byang?

¹⁴ Taba ya gore Modimo o re nyaka tsa mannete yi maka gore re pasopege ga tso tsa Modimo. Mo Dafita a rapela Jehova o yitseri: “Ke tšhabela gago; o nyoko mpasopa gore ke sa nape ke kgahleletsega ka matla. O nyoko maka gore ke dule ke kwa mantsu ya mo ba hlakelela gore ba ba phonisiye. . . . Ye a tshepiyeng Jehova o nyoko maka gore Jehova a mo nyake go ya go yye.” (Pis. 32:7, 10) Go fo tshwana le mapharo ya ne ba ma yagiye ga mitši ya ku botala gore ma tšhireletse batho bo ne ba dula ga wona, le taba ya gore Jehova o re nyaka tsa mannete yi fo ba ka mokgonone, yi re tšhireletsa ga tso di ka makang gore re sa tshepege ga Jehova. Go tokegela gana hone, taba ya gore Jehova o re nyaka tsa mannete yi maka gore a kwe a nyaka gore re dule re le ho thina naye.​—Jer. 31:3.

15. Taba ya gore Jehova o nyakanana tsa mannete yi yelana byang le poleke yo motho a ka tšhabelang ga yona le sa go tikokotlela?

¹⁵ Dafita o berekisiye mošupetso go hlatolla ka mokgo malata ya Modimo ma jabolelang taba ya gore ma dula ma tšhireletsegiye. O ngwadiye gore: “Ke tšhabela ga Modimo, Modimo wa go šupetsa gore o nnyaka a sa tšhentšhatšhentšhi.” Fote Dafita mo a bolabola ka Jehova o yitseri: “O nnyaka a sa tšhentšhatšhentšhi fote ke tikokotlela ka yene, ke tšhabela gage fote ke yene a mphonisang, ke legawu laka fote ke Yene ye ke krayang go khutsa gage.” (Pis. 59:17; 144:2) Ke ntaba Dafita a yye a tshwanisa taba ya Jehova ya go nyakanana tsa mannete le poleke ya go tšhabela ga yona a boya a yi tshwanisa le sa go tikokotlela ka sona? Mo re ka fo dula re le malata yage, Jehova o nyoko re tšhireletsa mo go na tsa gore di nyoko sinyanya senghana sa rune naye, di sa yi ka gore re tšwa kaye. Mantsu ya go tshwana le yanane ma krayega ga Pisalema 91. Ye a ngwadiyeng pisalema yone o yitseri: “Ke nyoko hlaya ke ra wene Jehova gore: ‘Ke wene legawu laka, ke ngangarela wene.’”(Pis. 91:1-3, 9, 14) Moše o berekisiye mošupetso wonowa mo a hlatolla poleke ya mo motho a ka tšhabelang gona. (Pis. 90:1) Go tokegela gana hone, mo Moše a šele a le thina le go kgwa o yye a yatlala taba yone gore yi nape yi kwagala gabutši. O ngwadiye gore: “Modimo ke botala re kene re tšhabela gage, o go ngangarele ka matsogo yage.” (Dot. 33:27) Mantsu yawa ya gore “o go ngangarele ka matsogo yage” ma re botsa ying ka Jehova?

16. Ke dilo difeng ka dipedi tso re rufegiyeng ka tsona? (Pisalema 136:23)

¹⁶ Mo re tseya Jehova go le poleke yo re ka Tšhabelang ga yona, re kwa re tšhireletsegiye. Mara, di ka makega gore matšatši ya mangwana re ka kwa di re kgahleletsiye la gore re šitege le go ya mahlong. Mo dilo di yemme ka mokgonone, Jehova o nyoko re gelepa ka mokgo mang? (Bala  Pisalema 136:23.) O nyoko re ngangarela ka matsogo yage, a re thegeletsa a boya a re gelepa gore re thogo yema ka mawoto ya rune. (Pis. 28:9; 94:18) Ka mokgo taba yowa yi re berekelang: Taba ya gore Modimo o nyoko fo dula a na le rune yi re gopotsa gore go na le dilo ka dipedi tso re rufegiyeng ka tsona. Sa mathomo, re na le poleke ya go tšhabela ga yona di sa yi ka gore re tšwa kaye. Sa bobedi, Papa wa rune wa legedimong o re nyaka ka matla fote wa tihlupa ka rune.

17. Ka taba la gore Modimo o nyakanana tsa mannete, king so re ka se bolabolang re tiyye? (Pisalema 33:18-22)

¹⁷ Re tšhutiye gore mo re gahlana le tsa go re ghula, a re kamake gore Jehova o nyoko re lwela gore re dule re tshepega gage. (2 Makor. 4:7-9) Moporofeta Jeremiya o yitseri: “Mola go se taba ya gore Jehova o re nyaka tsa mannete nke go fediye ka rune, o dula a kwelana go baba.” (Dillo 3:22) Re bolabola re tiyye gore Jehova o nyoko dula a šupetsa gore o re nyaka tsa mannete ka taba la gore Bhayibele yi re, “lihlo la Jehova le lebelele bo ba gore baa mo hlompa, ba gore ba yemele gore a ba šupetse gore o ba nyaka tsa mannete.”​—Bala Pisalema 33:18-22.

18-19. (a) King so di nyakang re dula re se gopola? (b) Re nyoko petapeta ka ying ga hlogotaba ya go latela?

¹⁸ King so di nyakang re dula re se gopola? Mo re soko bane re ba malata ya Jehova, Modimo ke mo a re nyaka go tshwana le ka mokgo a nyakang mang le mang. Mara ka taba la gore re malata yage, o napa a re nyaka a sa tšhentšhatšhentšhi. Jehova o re ngangarela a sa tinwi ka taba la gore o re nyaka ka matla. O nyoko dula a re beyye ho thina gage a boya a re makela tso a re tshepisiyeng. Wa tšiba o nyaka di re sepelela gabutši! (Pis. 46:1, 2, 7) Le mo re ka ghulana le tsa mošaga mang, Jehova o nyoko re tiyisa gore re dule re tshepega gage.

¹⁹ Re šele re di bonne ka mokgo Jehova a šupetsang malata yage gore o ma nyaka tsa mannete. Le ga rune wa di nyaka gore re šupetsane gore re nyakanana tsa mannete. Re ka di makamaka byang tsotsone? Ga hlogotaba ya go latela re nyoko petapeta ka taba yowa.