1. King so re yemeleng gore se makege fote ke king sa gore a re se kamake?

 RE YI yemele taba ya gore ba bangwana ba re phigise mo re kene re maka mmereko wa rune wa go tšhomayela. Fote re di tšiba gabutši gore ba nyoko napa ba swaya melala mo goya-goya. (Dan. 11:44; 2 Thim. 3:12; Kut. 16:21) Le mo go le ka mokgonone, a re kamake gore Jehova o nyoko re thega. Ke ntaba re reyane? Phela ke botala Jehova a kene a gelepa malata yage gore ma thogo segelela tso yene a di nyakang le mo di ka thathafa go segela kaye. Mo re beyisa, tla re lebeleleneng tso di yyeng dya makegela moporefeta Hezekiyele wa gore ke mo a tšhomayelela Majuda ya gore ba ma yisiye bobhantiting ku Bhabhilona.

2. Jehova o ba hlatolliye ka mokgo mang batho bo ne di nyaka Hezekiyele a ba tšhomayelela, fote re nyoko petapeta ka ying ga hlogotaba yowa? (Hezekiyele 2:3-6)

² Batho bo Hezekiyele ke mo di nyaka a ba tšhomayelela ke mo go le ba mošaga mang? Jehova mo a ba hlatolla o re, ke “ba dipelo tsa letlapa,” le “ba go tiwomisa dihlogo.” Ke mo ba kwaletsa go tshwana le mutlwa fote ba le kotsi go tshwana le bomangkopelane. A di makatse mo Jehova a yye a botsa Hezekiyele gatleletlele gore: “O sa tšhabe selo”! (Bala Hezekiyele 2:3-6.) Hezekiyele o di kgonne go maka mmereko wo ba mo neyyeng wona wa go tšhomayela ka taba la gore (1) ke mo a romme ke Jehova, (2) ke mo a tiyisa ke moya wa Modimo fote (3) tumelo yage ke mo yi tiyisa ke lentsu la Modimo. Dilo tsowa ka diraro di mo gelepiye ka mokgo mang ga Hezekiyele? Fote rune di ka re gelepa ka mokgo mang lekgono?

3. Ke mantsu mafeng ya gore di ka makega gore ma yye ma tiyisa Hezekiyele, fote Jehova o makiye byang gore Hezekiyele a yi tshepe taba ya gore O nyoko dula a mo thega?

³ Jehova o butsiye Hezekiyele gore: “O roma ke nna.” (Hezek. 2:3, 4) Mantsu yane ma yye ma mo tiyisa ka matla ga Hezekiyele. Ke ntaba mara? A re kamake gore o yye a gopola gore Jehova o berekisiye mantsu yanane mo a kgeta  Moše le Jesaya gore go be baporofeta Bage. (Ek. 3:10; Jes. 6:8) Fote Hezekiyele ke mo a di tšiba tsa gore Jehova o yye a gelepa baporofeta bone ka babedi gore ba thogo hlula dintshitshire tse dikgolo. Byalo, mo Jehova a botsa Hezekiyele gabedi gore: “O roma ke nna,” moporofeta yene ne a sa sinyi mo a šala a tshepa tsa gore Jehova o nyoko mo thega. Go tokegela gana hone, Hezekiyele o ngwadiye gatleletlele gore: “Lentsu la Modimo le ntlele.” (Hezek. 3:16) Fote taba ya gore, “Lentsu la Modimo la ntlela fote,” o yi ngwadiye gatleletlele. (Hezek. 6:1) Phela Hezekiyele ke mo a sa kamake le ka gonyana gore Jehova ke yene a mo rommeng. Go tokegela gana hone, ka taba la gore papa Hezekiyele ke mo go le moprista, di ka makega gore o yye a tšhutisa Hezekiyele gore Jehova ke mo a dula a botsa baporofeta Bage gore o nyoko ba gelepa. Mo re beyisa, Jehova o yye a botsa Isaka, Jakobo le Jeremiya gore: “Ke nago.”—Gen. 26:24; 28:15; Jer. 1:8.

4. Hezekiyele o yye a tiyisa ke ditaba difeng tsa gore di ya kgomoletsa?

⁴ Mara Maisrayele ya go tlala ke mo ma nyoko wo yamogela ka mokgo mang molayetsa wo Hezekiyele a ba leyelang wona? Jehova o hlayye gore: “Ba ntlo ya Israyele ba ka sa go theetsele ka taba la gore a ba kwane natso tsa go ntheetsela.” (Hezek. 3:7) Mo ba sa yamogele molayetsa wa Hezekiyele, tsotsone di rela gore ba gana Jehova. Mantsu yane ma gelepiye Hezekiyele gore a thogo di bona tsa gore mo batho ba sa wo yamogele molayetsa, tsotsone a di rele gore yene aa maka tsona ga mmereko wage wa go porofeta. Fote Jehova o yye a gelepa Hezekiyele gore a sa kamake taba ya gore mo molayetsa wo a wo sabalatsiyeng wa go yahlula wo makega ke gona  batho ba nyoko ‘tšibang gore moporofeta ke mo a le gana hone.’ (Hezek. 2:5; 33:33) A go jiki ditaba tsone tsa go kgomoletsa di yye dya neya Hezekiyele matšhika ya gore a ye mahlong ka mmereko wa go tšhomayela.

5. Jesaya 44:8, yi re king so se re tiyisang?

⁵ Le rune di re tiyisa ka matla go fo tšiba gore ke Jehova ye a re rommeng gore re make mmereko wa go tšhomayela. Phela o re makiye batho mo a šinya a maka gore re be “dihlatse” tsage. (Jes. 43:10) Aa šiyo mayemo ya go phala yawa! Jehova o yye a hlohletsela Hezekiyele ka gore: “O sa tšhabe selo,” byalo le ga rune Jehova o sa na a re: “O sa hlagasele.” Mara ke ntaba di nyaka re sa lisetse ba ba gore baa re phigisa ba re šigamisa? Go fo tshwana le Hezekiyele, re romme ke Jehova fote wa re thega.—Bala Jesaya 44:8.

6. (a) King so Jehova a se hlayyeng sa go šupetsa gore o nyoko dula a re thega? (b) King so se re kgomoletsang se boya se re tiyisa?

⁶ Jehova o tshepisa gore o nyoko re gelepa. Mo re beyisa, Jehova o hlayye gore: “Ke lune dihlatse tsaka,” ke mokane a re: “Mo le feta ga poleke ya meetši, ke nyoko ba le lune, le mo le feta dinokeng, di ka sa le khunghule. Le mo le ka sepela mollong wo ka sa le tlabolele, kela la tshilela ke dihlase tsa wona.” (Jes. 43:2) Mo re kene re maka mmereko wa rune wa go tšhomayela, ka dinako tse dingwana re nyoko fela re gahlana le tsa go re ghula tsa gore re ka šinya re di tshwanisa le mogogola kela ra gahlana le dintshitshire tsa go thathafa ka matla tsa gore re ka šinya re di tshwanisa le mollo. Le mo go le ka mokgonone, ka taba la gore Jehova wa re gelepa re nyoko thogo ya mahlong re kene re maka mmereko wa go tšhomayela. (Jes. 41:13) Go fo tshwana le ka dinako tsa bo Hezekiyele, batho ba go tlala lekgono a ba kwane nawo molayetsa wo re ba leyelang wona. Mara a re yi lebale taba ya gore mo ba sa wo yamogele molayetsa wowa, tsotsone a di rele gore mmereko wa rune wa go tšhomayela a re ya wo maka gabutši. Di ya re kgomoletsa fote di ya re tiyisa go tšiba gore Jehova wa jabola mo a bona re ya mahlong re sabalatsa molayetsa wowa ka go tshepega. Pawulo wa lepostola o hlayye gore: “Ye mongwana le ye mongwana o nyoko kraya patela yage di ya ka mmereko wo a wo makiyeng.” (1 Makor. 3:8; 4:1, 2) Mogageru ye mongwana wa mosadi wa gore ke botala go le mošupatsela o re: “Di njabodisa ka matla go tšiba gore Jehova o nyoko re rufa mo re karakara.”

7. Mo Hezekiyele a nagana ka tso a yyeng a di bona ga mmono, di ka fo ba di maka gore a tikwe ka mokgo mang? (Lebelela sethombhe sa ka tawong.)

⁷ Hezekiyele o di bonne tsa gore moya wa go hlawolega wa Modimo wo na le matšhika. So Hezekiyele a se bonneng ga mmono se mo gelepiye gore a thogo di bona tsa gore moya wa go hlawolega ke wona wo gelepang mangeloyi ya go ba le matšhika gore ma thogo tšhofa mabilo ya koloyi ya Jehova. (Hezek. 1:20, 21) Mara Hezekiyele o yitseri king ka tso a di bonang? Mo a ngwala tso a bonneng di makega o yitseri. “Mo ke yi bona, ka yinamisa sefahlego.” Ka taba la gore Hezekiyele ke mo a makatsiye ke tso a di bonang, o yye a wela fase. (Hezek. 1:28) Ka nthago, mo Hezekiyele a nagana ka dilo tsa go makatsa tso a di bonneng ga mmono wone, di ka makega gore ke mo di šihlela taba ya gore mo a gelepa ke moya wa Modimo wa go hlawolega, o nyoko fo ya mahlong a maka mmereko wa go tšhomayela.

8-9. (a) Hezekiyele o yye a makegela king mo Jehova a re gage a tlogamele? (b) Jehova o yye a gelepa Hezekiyele ka mokgo mang gore a thogo tilukiselela mmereko wa go tšhomayela ga batho ba go thathafa?

⁸ Jehova o yye a botsa Hezekiyele a re: “Morwayi wa motho tlogamela gore ke thogo go bolabodisa.” Hezekiyele o yye a tiyisa ke moya wa Modimo wa go hlawolega le tso ba mmutsiyeng tsona. Hezekiyele o ngwadiye gore: “Ke yye ka ba le matšhika ke mokane ka tlogamela.” (Hezek. 2:1, 2) Ka nthago, mo Hezekiyele a kene a maka mmereko wa go tšhomayela, ke mo a yetetsa ke “letsogo” la Modimo—go leng moya wa Modimo wa go hlawolega. (Hezek. 3:22; 8:1; 33:22; 37:1; 40:1) Moya wa go hlawolega wa Modimo wo yye wa tiyisa Hezekiyele gore a thogo  maka mmereko wo ba mo neyyeng wona wa go tšhomayela ga “ba go tiwomisa dihlogo le ba dipelo tsa letlapa.” (Hezek. 3:7) Jehova o butsiye Hezekiyele gore: “Ke makiye sefahlego sago gore se tiye go tshwana le sefahlego sa bona fote ke makiye gore mopo wago wo tiye go tshwana le wa bona. Ke makiye gore mopo wago wo tshwane le dhayimondi, wo tiye go tshwana le letlapa. Ba sa go tshosanye kela wa hlagasedisa ke difahlego tsa bona.” (Hezek. 3:8, 9) Gabutšibutši, Jehova ke mo a botsa Hezekiyele gore: ‘O sa lisetse batho ba go fo tiwomisa dihlogo ba go kgongwetsa. Ke nyoko go tiyisa.’

⁹ Ka nthagonyana, Moya wa go hlawolega wa Modimo wo yye wa fo ba le Hezekiyele mo a kene a maka mmereko wa go tšhomayela. Hezekiyele o ngwadiye gore, “Letsogo la Jehova le ho gaka.” Ka taba la gore ne di nyaka gore moporofeta yene a tšhomayele a sa kamake le ka gonyana, di mo tsere beke gore a tšhute a boye a kwisise molayetsa wo di nyakang a wo sabalatsa. (Hezek. 3:14, 15) Ke mokane Jehova a mmotsa gore a ye ga poleke ya gore go fo ba molala, gana hone o yye “a kena ke moya wa Modimo.” (Hezek. 3:23, 24) Hezekiyele ke mo a tilukiselele gabutši gore a ka thomisa mmereko wa go tšhomayela.

10. King so se ka re gelepang gore re ye mahlong ka mmereko wa rune wa go tšhomayela fote ke ntaba?

¹⁰ King so se ka re gelepang gore re thogo ya mahlong ka mmereko wa rune wa go tšhomayela? Gore re thogo kraya phetolo, o fo nagana ka tso di yyeng dya makegela Hezekiyele. Nakwela a soko thomisa ka mmereko wage wa go tšhomayela, moya wa go hlawolega wa Modimo wo yye wa mo neya matšhika gore a thogo maka mmereko. Lekgono, go fo tshwana le Hezekiyele le rune re ka maka mmereko wa go tšhomayela mo re gelepa ke moya wa Modimo wa go hlawolega. Ke ntaba re reyane? Ka taba la gore Sathane o yemme ka mawoto o nyaka go re lisisa go maka mmereko wowa wa go tšhomayela. (Kut. 12:17) Batho ba tseya nkare Sathane o na le matšhika ka matla fote rune re ka sa di kgone tsa go mo hlula. Mara ka mmereko wo wa go tšhomayela re ro mo tsosa fase! (Kut. 12:9-11) Ka mokgo mang mara? Mo re tšhela letsogo ga mmereko wa go tšhomayela, re šupetsa gore diparapara tsa Sathane a di re tshosanye. Ka moka nako mo re tšhomayela, Sathane o šala a pawogiye. Byalo, taba yowa ya gore re fo ya mahlong re tšhomayela le mo ba re phigisa yi šihlela  taba yifeng? Yi napa yi šupetsa gore re tiyisa ke moya wa Modimo wa go hlawolega fote Jehova wa re yamogela.—Mat. 5:10-12; 1 Pet. 4:14.

11. Moya wa Modimo wa go hlawolega wo nyoko re gelepa ka mokgo mang fote king so re tshwaneleng go se maka gore a dule a re neya wona?

¹¹ Re tšhuta ying ga taba yo ya gore Jehova o yye a neya Hezekiyele matšhika ya go maka mmereko wa go tšhomayela? Moya wa Modimo wa go hlawolega wo ka re gelepa gore re thogo tshwaragana le dintshitshire tso re gahlanang natso ga mmereko wa go tšhomayela. (2 Makor. 4:7-9) Byalo, king so re tshwaneleng re se make gore Modimo a ye mahlong a re neya mmereko wage wa go hlawolega? Di nyaka re sa tinwe go rapela, fote re sa kamake gore Jehova o nyoko re theetsela. Jeso o butsiye bo ba mo latelelang gore: “Ariyeneng mahlong le kgopela, . . . ariyeneng mahlong le nyaka, . . . ariyeneng mahlong le kokota.” Jehova o nyoko “neya bo ba mo kgopelang moya wa go hlawolega.”—Luk. 11:9, 13; Meber. 1:14; 2:4.

12. Hezekiyele 2:9–3:3, yi re lengwalo lone la go phutiwa ke mo le tšwa kaye fote ke mo le tshwere ditaba tsa mošaga mang?

¹² Hezekiyele ke mo a tiyisa ke moya wa go hlawolega wa Modimo fote tumelo yage ne yi tiyisa ke lentsu la Modimo. Ga mmono wo Hezekiyele a wo bonneng, o bonne letsogo le tshwere lengwalo la go phutiwa. (Bala Hezekiyele 2:9–3:3.) Lengwalo lone ke mo le tšwa kaye? Ke mo le tshwere ditaba tsa mošaga mang? Le tiyisiye tumelo ya Hezekiyele ka mokgo mang? Tla re boneneng ša. Lengwalo lone ke mo le tšwa ga setulo sa go lawola sa Modimo. Di ka makega gore Jehova o berekisiye kanne ya mangeloyi ya Hezekiyele a ma bonneng gore ma mo netse lengwalo lone. (Hezek. 1:8; 10:7, 20) Ga lengwalo lone ke mo ba ngwadiye lentsu la Modimo—ke mo go le molayetsa wa go yahlula wo ne di nyaka Hezekiyele a wo sabalatse ga Majuda ya go woma dihlogo ya gore ne ma le bobhantiting. (Hezek. 2:7) Molayetsa wone ke mo ba wo ngwadiye ka ho pelo le ka ho nthago ga lengwalo lone.

13. Jehova o butsiye Hezekiyele gore a make ying ka lengwalo lone la go phutiwa fote ke ntaba lengwalo lone le tswetswenya?

¹³ Jehova o butsiye moporofeta yene gore a je lengwalo la go phutiwa fote “a tlatse dimpa [tsage] ka lona.” Hezekiyele o yye a theetsela a ja lengwalo la go phutiwa ka mokana ga lona. Sekopa sowa sa mmono se ra gore king mara? Ne di nyaka Hezekiyele a tšibe a boye a kwisise molayetsa wo a tshwaneleng a wo sabalatse. Ke mo di nyaka a dula a nagana ka wona fote di šupetse gore wa mo tikisa le yene beng. Ke mokane go yye gwa makega selo sa go makatsa ka matla. Mo Hezekiyele a ja lengwalo lone la go phutiwa “ke mo le tswetswenya go tshwana le mamapo.” (Hezek. 3:3) Ke ntaba? Taba ya gore Hezekiyele ke yene ye a yemelang Jehova ke mo yi tswetswenya fote yi jabodisa. (Pis. 19:8-11) Hezekiyele ke mo a sa yi tseyi ka gonyana taba ya gore Jehova o mo kgetiye gore a bereke go le yene moporofeta wage.

14. King so se gelepiyeng Hezekiyele gore a tilukiselele go maka mmereko wo ba mo neyyeng wona?

¹⁴ Ka nthagonyana, Jehova o butsiye Hezekiyele gore: “Tseyela hlogong o boye o theetsele mantsu ka mokana ga wona ya ke go botsang wona.” (Hezek. 3:10) Jehova ke mo a botsa Hezekiyele gore mantsu yane ba ma ngwadiyeng ga lengwalo la go phutiwa a ma tshware ka hlogo a boye a ghayele ka wona. Mo Hezekiyele a kene a maka tsotsone, ke mo di nyoko tiyisa tumelo yage. Fote ke mo di nyoko mo gelepa gore molayetsa wone a tshwaneleng a wo sabalatse wo tikise batho. (Hezek. 3:11) Mo molayetsa wone wa Modimo wo šele wo le ka pelong ya Hezekiyele, a wo kwisisa gabutši fote wo le ho molomong wage, tsotsone di rela gore Hezekiyele o ko ba a šele a tilukisiye gore a ye maka mmereko wo ba mo neyyeng wona.—Tshwanisa le Pisalema 19:14.

15. King so di nyakang re se “tseyela hlogong” gore re thogo tiyisela?

¹⁵ Mo re nyaka gore re tiyisele ga mmereko wa rune wa go tšhomayela, di nyaka re ye mahlong re tiyisa tumelo ya rune ka lentsu la Modimo. Di nyaka  re di “tseyele hlogong” ka moka dilo tso Jehova a re botsang tsona. Lekgono Jehova o bolabola le rune a berekisa Lentsu lage go leng Bhayibele. Byalo, re nyoko maka byang gore Lentsu la Modimo le hlohletsele tso re di naganang, ka mokgo re tikwang le tso di re tšhofang?

16. Di nyaka re le bala ka mokgo mang Lentsu lo la Modimo fote re ka maka byang gore le thogo kenelela ka ho dipelong tsa rune?

¹⁶ Mo re ja tsa go ja di boya di ghayega mmele wa rune wa tiyelela, go fo tshwana le mo re bala Lentsu la Modimo re boya re ghayela ka lona, tumelo ya rune yi napa yi tiyelela. A re lebale tso re tšhutang ga lengwalo la go phutiwa. Ga taba ya Lentsu la Modimo, Jehova o nyaka gore re “tlatse dimpa tsa [rune] ka lona,” go leng go le kwisisa gabutši. Tsotsone re ka di maka ka go rapela, re bala re boya re ghayela. Re thomisa ka go rapela gore re thogo kwisisa dilo ka mokgo Jehova a di tseyang. Ke mokane re bala se sengwananyana sa go tšwa ka ho Bhayibeleng. Re ya yemanyana gore re thogo ghayela re boya re nagana gabutši ka tso re di balang. Maphomela go nyoko ba mafeng? Mo re dula re ghayela pelo ya rune ya go tshwanisela yi nyoko moma Lentsu lo la Modimo.

17. Ke ntaba di le gabutši go ghayela ka tso re di balang ka ho Bhayibeleng?

¹⁷ Mara ke ntaba di nyaka re bala Bhayibele re boya re ghayela ka yona? Mo re maka ka mokgonone, re nyoko ba le matšhika ya go ya mahlong re tšhomayela ka molayetsa wa Mmušo gana byalo fote di nyoko re gelepa gore re thogo sabalatsa molayetsa wa go yahlula wa gore wo teya go baba. Fote, mo re ghayela ka mekgwa ya gabutši ya Jehova, tsotsone di nyoko tiyisa senghana so re nang naso naye. Re nyoko jabolela tsa go tswetswenya kela tsa go jabodisa go leng go beba le go kgotsofala.—Pis. 119:103.

18. King sa gore batho bo re ba tšhomayelelang ba ka sa se phigisi, fote ke ntaba?

¹⁸ Rune a re tshwane le Hezekiyele, a yi rune baporofeta. Mara re tikemisele go sabalatsa molayetsa wa go tšwa ga Jehova wo a wo ngwadiyeng ka Lentsung lage Bhayibele go segela re yenetsa mmereko wa go tšhomayela. Mo nako ya go yahlula yi segela, batho bo re ba tšhomayelelang ba ka sa thomisi ba hlaya gore a re ya ba botsa kela ba re Modimo o ba takisiye maahlo. (Hezek. 3:19; 18:23) So se šalang ke gore ba nyoko di bona tsa gore molayetsa wo re wo tšhomayelang ke mo wo tšwa ga Modimo.

19. Matšhika ya go ya mahlong re maka mmereko wa go tšhomayela re nyoko ma kraya kaye?

¹⁹ Mara king so se nyoko re neyang matšhika ya go fo ya mahlong re maka mmereko wa go tšhomayela? Re nyoko tiyisa ke kararo ya dilo tso di yyeng dya tiyisa Hezekiyele. Re ya mahlong re tšhomayela ka taba la gore re ya di tšiba gore ke Jehova ye a re rommeng, re tiyisa ke moya wa Modimo wa go hlawolega fote tumelo ya rune yi tiyisa ke Lentsu la Modimo. Mo Jehova a re gelepa, tsotsone di re tšhofa gore re ye mahlong ka mmereko wa go tšhomayela fote re tiyisele “go segela mafelelong.”—Mat. 24:13.