1-2. (a) Re nyoko petapeta ka diputsiso difeng? (b) King so se šupetsang gore Jehova o tikemisele go re gelepa?

 JEHOVA a ka re gelepa gore re tiyisele dintshitshire mo re kene re phela fote re jabolele mmereko wa rune wa go hlawolega. O re gelepa ka mokgo mang mara? Fote mo Jehova a re gelepa tsotsone di ka re berekela ka mokgo mang? Ga hlogotaba yowa, re nyoko kraya diphetolo tsa diputsiso tsone. Mara, mo re soko bane re petapeta ka tsona, tla re lebeleleneng putsiso ya go yelana natso ya gore: Ayitsano Jehova o tikemisele go re gelepa?

² Mantsu yaa Pawulo wa lepostola a ma berekiyeng mo a ngwalela Maheberu lengwalo ma ka re gelepa gore re kraye phetolo. Pawulo o ngwadiye gore: “Ke gelepa ke Jehova, nka sa tšhabe selo. Motho a ka mmaka ying mara?” (Maheb. 13:6) Puku ye nngwana ya go hlatolla mantsu ya Bhayibele yi re lentsu go “gelepa,” la gore ba le berekisiye ga temanyana yowa, le bolabolela ga motho wa gore ka go yakgoswa o taboga a ye gelepa motho wa gore o llela gore ba mo thuše. O fo nagana Jehova ka go yakgoswa a gelepa motho wa gore o gomele ke mathatha. A re kamake gore taba yowa yi šihlela gore Jehova o tikemisele go re gelepa. Mo re na le Jehova, re ka tiyisela dintshitshire re kene re jabodiye.

3. Ke mekgwa yifeng kararo ya yona ya gore Jehova o berekisa yona gore a re gelepe re thogo tiyisela dintshitshire re kene re jabodiye?

³ Ke mekgwa yifeng ye mengwana ya go šupetsa gore Jehova wa re gelepa gore re tiyisele dintshitshire re kene re jabodiye? Gore re kraye phetolo, tla re lebeleleneng puku ya Jesaya. Ke ntaba mara? Diporofeto tsa go tlala tso Jehova a di hlohletseleng Jesaya gore a di ngwale di sa na di bereka le ga malata ya Modimo lekgono. Fote  ga go tlala mo Jesaya a bolabola ka Jehova, o berekisa mantsu ya gore di lula go ma kwisisa. Mo re beyisa, re ka lebelela Jesaya tema 30. Ga tema yone, Jesaya o berekisa mešupetso ya gabutši ya go hlatolla ka mokgo Jehova a gelepang batho bage. O ngwadiye gore Jehova o re gelepa ka mokgo, (1) o re theetsela di mmaba fote o fetola merapelo ya rune, (2) wa re yetetsa (3) wa re rufa gana byalo fote o nyoko re rufa le ka tsa ku mahlong. Tla re lebeleleneng kararo ya mekgwa yowa ya go šupetsa gore Jehova wa re gelepa.

4. (a) Jehova o yye a ma hlatolla ka mokgo mang Majuda ya dinako tsa Jesaya fote o yye a lisetsa gore ma makegele king? (b) King so Jehova a se tshepisiyeng bo ba gore ba tshepega? (Jesaya 30:18, 19)

⁴ Ga mantsu ya mathomo ga Jesaya tema 30, Jehova o hlatolla Majuda go le “barwayi ba go woma dihlogo,” ba gore “ba dulela go sinya.” O tokegele ka gore: “Ke batho ba go tiwomisa dihlogo, . . . ba gore a ba nyake go theetsela molawo wa Jehova.” (Jes. 30:1, 9) Ka taba la gore batho ba ganne go theetsela, Jesaya o hlayye gore Jehova o nyoko ba lisetsa gore ba tlele ke tsa go sasamela. (Jes. 30:5, 17; Jer. 25:8-11) Nnete Mabhabhilona ma yye ma tseya Majuda ma ma yisa bobhantiting. Mara hone ga Majuda yane, ne go na le ba gore baa tshepega fote Jesaya ne a ma tshwarele molayetsa wa tshepo. O ba butsiye gore tšatši le lengwana Jehova o nyoko maka gore ba boyele Jerusalema fote. (Bala Jesaya 30:18, 19.) Fote go f’lo makega ka mokgonone. Jehova o ba ntshiye bobhantiting. Mara, go fitiye mengwagangwaga gore Jehova a ba ntshe bobhantiting. Taba ya gore, “Jehova o yemme a kene a lefisiye pelo gore a makele wene tsa gabutši” yi šupetsa gore ka dinako tse dingwana di ka tseya nako gore batho ba go tshepega ba yakgoswe ba ba gelepa. Gabutšibutši, Maisrayele ma fetsiye 70 ya mengwaga ma le bobhantiting ku bhabhilona mo ba bangwana ba soko bane ba ba dumelela gore ba boyele Jerusalema. (Jes. 10:21; Jer. 29:10) Mo batho ba šele ba boyele gaye, tsa go llisa ke go kwa go baba di ye dya fela, ke mokane ba llisa ke gore ne ba jabodiye la go sa hlayisege.

5. Jesaya 30:19 yi re tshepisa ying?

⁵ Lekgono re ka kgomoletsa ke mantsu yawa ya gore: “Nnete o nyoko makela wene tsa gabutši mo o mo llela gore a go gelepe.” (Jes. 30:19) A re kamake gore Jesaya o re botsa gore Jehova o nyoko re theetsela di mmaba mo re mo llela, fote o nyoko yakgoswa a fetola merapelo ya rune. Jesaya o tokegele ka gore: “O nyoko go fetola ka nthago ga mo a go kwile.” Mantsu yawa ma fo šupetsa gabutši gore Papa wa rune o tikemisele go re gelepa mo re mo kgopela gore a re thuše. Go fo tšiba tsotsone go re gelepa gore re tiyisele re kene re jabodiye.

6. Mantsu ya Jesaya ma šupetsa ka mokgo mang gore Jehova wa theetsela mo ye mongwana le ye mongwana ga malata yage a rapela?

⁶ King se sengwana sa gore temanyana yowa yi re tšhutisa sona ga taba ya merapelo ya rune? Jehova o theetsela motho ye mongwana le ye mongwana mo a rapela. Ke ntaba re reyane? Ga sekopa sa mathomo sa Jesaya tema 30, lentsu “wene” le bolabolela batho ba go tlala ka taba la gore Jehova mo a yeletsa batho bage o ba yeletsa go le mogoba. Mara, ga temanyana 19 “wene” yi bolabolela ga motho ka wweši; molayetsa wowa wo yeletsa ye mongwana le ye mongwana. Jesaya o ngwadiye gore: “O ka sa ro lla, nnete o nyoko makela wene tsa gabutši; fote mo go le wene o nyoko go fetola.” Ka taba la gore Jehova ke Papa wa go nyakanana ka matla, a ka sa tsoge a butsiye morwayi kela morwediya wa gore o kgongwele gore , “Di nyaka o tiyisele go tshwana le magagenu.” Mara, o hlupega ka ye mongwana le ye mongwana wa rune fote o theetsela merapelo ya rune di mmaba.—Pis. 116:1; Jes. 57:15.

7. Jesaya le Jeso ba yi šihlele ka mokgo mang taba ya gore di nyaka re sa lisetse go rapela?

⁷ Mo re rapela Modimo re mo kgotolela tso di re kokonang, Jehova a ka yakgoswa a re neya matšhika ya gore re tiyisele seyemo sone. Fote mo nkare dintshitshire tsone a di yakgoswe di fela, re  ka kgopela Jehova gatleletlele gore a re neye matšhika ya gore re tiyisele. Phela le yene o re re make ka mokgonone. Tsotsone di nyarele ga mantsu ya Jesaya ya gore: “Ga [Jehova] le sa mo khutsisi.” (Jes. 62:7) Di ra gore king tsotsone? Mo re rapela Jehova di nyaka re mo rapele gatleletlele tsa nkare a re nyake go bona Jehova a khutsa. Mantsu ya Jesaya ma re gopotsa mešupetso ya Jeso ya go bolabola ka thapelo yo yi leng ga Luka 11:8-10, 13. Gana hone, Jeso o re hlohletsele gore re ‘sa lisetse’ go rapela fote ‘re ye mahlong re kgopela’ moya wa go hlawolega. Fote re ka kgopela Jehova gore a re yetetse mo di nyaka re segelela dipheto tsa gabutši.

8. Mantsu ya ma leng ga Jesaya 30:20, 21 ma makegiye ka mokgo mang ku botala?

⁸ Bala Jesaya 30:20, 21. Mo masole ya Bhabhilona ma dukulugele Jerusalema mongwaga le hafo, tso batho ke mo ba ghulana natso ke mo ba šele ba di tlwayele go tshwana le sekgwa le meetši. Mara temanyana 20 le 21, Jehova o tshepisiye Majuda gore mo ma ka tisola ke mokane ma tšhentšha maphelelo ya wona o nyoko ma phonisa. Mo Jesaya a bolabola ka Jehova o re ke “Thitšere ye Kgolo,” fote o tshepisiye batho gore Jehova o nyoko ba tšhutisa ka mokgo ba tshwaneleng ba mo rapele ka gona gore a thogo yamogela merapelo ya bona. Mantsu yane ma yye ma makega nakwela Majuda ba ma lokolla bobhantiting. Jehova o tišupetsiye go le yene Thitšere ye Kgolo mo ba yetetsa ke yene, fote batho bage ba yye ba phomelela mo ba tsosa morapelo wa mannete. Le rune lekgono, re rufegiye la go sa hlayisegi ka taba la gore Jehova ke Thitšere ya rune ye Kgolo.

9. Mokgwa wo mongwana wo Jehova a o berekisang gore a re yetetse lekgono ke wofeng?

⁹ Mo Jesaya a ya mahlong a berekisa mešupetso ga taba yowa, o re tshwanisiye le bo ba tšhutisiwang ba gore ba tšhutisa ke Jehova a berekisa mekgwa ka mmedi. Wa mathomo, Jesaya o hlaye gore: “O nyoko bona Thitšere ye Kgolo ka maahlo yago.” Ga mošupetso wowa, Thitšere yi bonala yi yemme mahlong ga bo yi ba tšhutisang. Ye lune, phela ke taba ye kgolo ka matla ga rune go tikraya re tšhutisa ke Modimo lekgono. Jehova o re yetetsa ka mokgo mang? O re yetetsa a berekisa mokgahlo wage. Di re jabodisa ka matla mo Jehova a re yetetsa ka dilo tsa go kwagala a berekisa mokgahlo wage! Tso ba re tšhutisang tsona megahlanong ya phutego, megahlanong ye mogolo, megahlanong ye megolonyana, ka di kgatiso tsa rune, setiši sa JW le mekgwa ye mengwana di re gelepa gore re tiyisele dintshitshire re kene re jabodiye.

10. Re nyoko ko kwa “lentsu ka nthago ga [rune]” ka mokgo mang?

¹⁰ Jesaya o hlayye mokgwa wa bobedi wo Jehova a wo berekisang mo a re yetetsa, wa gore: “O nyoko kwa lentsu ka nthago gago.” Gabutšibutši moporofeta yewa o re Jehova o tshwana le mong  thitšere, ya gore o sepela ka nthago ga bo a ba tšhutisang o ba šupetsa tsela yo ba tshwaneleng ba sepele ga yona a kene a ba yetetsa. Lekgono re kwa lentsu la Modimo ka nthago ga rune. Ka mokgo mang mara? Lentsu la Modimo ba le ngwadiye ku botala ka ho Bhayibeleng, re soko bane re ba gona. Byalo, mo re bala Bhayibele, di fo ba nkare re kwa lentsu la Modimo ka nthago ga rune.—Jes. 51:4.

11. Ke dilo difeng ka dipedi tso re tshwaneleng re di make gore re thogo tiyisela re kene re jabodiye, fote ke ntaba?

¹¹ Tso Jehova a re yetetsang ka tsona a berekisa mokgahlo wage le Lentsu lage di ka re berekela ka mokgo mang? Lebelela dilo ka dipedi tso Jesaya a di hlayyeng. Sa mathomo, “tsela ke yowa.” Sa bobedi, “ariye ka yona.” (Jes. 30:21) Go fo tšiba “tsela”aa gwa yenela. Di nyaka ‘re ye ka yona.’ Lentsu la Jehova le tso mokgahlo wo re botsang tsona di re tšhutisa tso Jehova a di nyakang ho ga rune. Fote re tšhuta le ka mokgo re ka berekisang tso re di tšhutang. Gore re thogo tiyisela re kene re jabodiye mo re berekela Jehova, di nyaka re make dilo tsone ka dipedi. Mo nkare re tšhuta re boya re di maka a go jiki Jehova o nyoko re rufa.

12. Jesaya 30:23-26, yi re Jehova o nyoko rufa batho bage ka mokgo mang?

¹² Bala Jesaya 30:23-26. Seporofeto sowa se makegiye ka mokgo mang ga Majuda ya gore ma boyele ga naga ya gore ke ya Israyele ka nthago ga mo ma tšwa bobhantiting ku Bhabhilona? Jehova o ba rufiye ka dilo tsa go tlala gore ba thogo phela fote ba ye mahlong ba kene ba mmerekela. Jehova o rufiye batho bage ka tsa go ja tsa go tlala. Sa go di phala ka moka o ba neyye tso ba di hlokang gore ba thogo ba le senghana sa thina ka matla naye fote ba thomise go mo rapela ka mokgwa wa gabutši fote. Ka nako yonone batho ba Modimo ke mo ba ro thomisa go kraya dilo tsa go tlala tsa gabutši tsa gore di tšwa ga Modimo. Temanyana 26, yi šupetsa gore Jehova o yye a ba gelepa gore ba thogo yelela ke Lentsu lage gabutši. (Jes. 60:2) Tso Jehova a ba rufiyeng ka tsona di gelepiye malata yage gore ma dule ma mmerekela ma jabodiye fote ma na le matšhika “ka taba la mo pelo yi dulisegiye.”—Jes. 65:14.

13. Seporofeto sa go tsosa morapelo wa mannete se makegiye ka mokgo mang ga di nako tso tsa rune?

¹³ Ayitsano seporofeto so se bolabolang ka go tsosa morapelo wa mannete se ya bereka le ga rune lekgono? Nnete se ya bereka! Ka mokgo mang mara? Go tlugisela ka 1919 C.E., dimiliyoni tsa batho di lukulugiye ga dikereke tsa lefase ka mokana ga lona tsa matsaka go leng Bhabhilona ye Mogolo. Ba ga poleke ya gore yi kawone ka matla go phala Naga yo ne ba Tshepisiye Maisrayele yona. Ba ba yisiye ga Pharadeyisi ya tso tsa Modimo. (Jes. 51:3; 66:8) Anthe Pharadeyisi ya tso tsa Modimo king?

14. Anthe pharadeyisi ya tso tsa Modimo king, fote ke bomang bo ba dulang ga pharadeyisi yone lekgono? (Lebelela Hlatollo ya Lentsu.)

 ¹⁴ Go tlugisela ka 1919 C.E., bo ba go tlotsiwa ne ba kene ba jabolela go phela Pharadeyising ya tso tsa Modimo. b Mo nako yi kene yi ya, bo ba gore ba na le tshepo ya go tl’le phela ho lefaseng go leng “dinku tse dingwana,” le bona ba kenne ga naga ya gore ba tikwisa ka tso tsa Modimo fote ba jabolela tsa go tlala tso Jehova a ba rufang ka tsona.—Joh. 10:16; Jes. 25:6; 65:13.

15. Pharadeyisi ya tso tsa Modimo re ka yi kraya kaye?

¹⁵ Re ka yi kraya kaye pharadeyisi ya tso tsa Modimo lekgono? Bo ba rapelang Jehova ba krayega lefaseng ka mokana ga lona. Byalo, le poleke ya tso tsa Modimo yi ka krayega go gongwana le go gongwana ho lefaseng. Le rune lekgono, re ka ba ga pharadeyisi ya tso tsa Modimo mo re ka thega morapelo wa mannete fote di sa yi ka gore re dula kaye.

16. Re ka maka byang gore re ye mahlong re kene re bona tsa gabutši ga pharadeyisi ya tso tsa Modimo?

¹⁶ Di nyaka re ya mahlong re šupetsa gore re leboga phutego ya Sekreste ya lefaseng ka mokana ga lona, gore re sa khwanyudisi ga pharadeyisi ya tso tsa Modimo. Tsotsone re ka di maka ka mokgo mang? Ka go lebelela tsa gabutši ga magageru go seng ga tso ba di kekemisang fela. (Joh. 17:20, 21) Ke ntaba di sa nyake taba yone re yi tseyela fase? Nagana ka taba ya go fo tshwanisela ke yowa. Ke nnete gore phakeng ya go bafala re nyaka go bona mehlare ya mehlobohlobo. Go fo tshwana le diphutegong tsa rune lekgono, go na le batho ba mohlobohlobo ba gore ba ba tshwanisa le mehlare. (Jes. 44:4; 61:3) Re nabela go fo ya mahlong re kene re lebelele tsa gabutši ga “mašahla” yane, re sa lebelele go sa felegelela ga “mehlare” yone yi leng thina le rune. Byalo, re sa lisetse go sa felegelela ga rune kela ga ba bangwana ka ho phutegong go re tlonya gore re sa bone taba ya gabutši ya go ba ngata ka yyoši ga diphutego tsa lefase ka mokana ga lona tsa Sekreste.

17. King so ye mongwana le ye mongwana wa rune a ka se makang gore ka ho phutegong re dule re le ngata ka yyoši?

¹⁷ King so ye mongwana le ye mongwana wa rune a ka se makang gore ka ho phutegong re dule re le ngata ka yyoši? Ke mo re kwana le go phidisana le ba bangwana gabutši. (Mat. 5:9; Marom.  12:18) Mo re kene re kikirisana le taba ya gore re phidisane gabutši le ba bangwana ka ho phutegong, ka mokgonone re nyoko napa re bafatsa pharadeyisi ya tso tsa Modimo. A re lebale gore Jehova o gogiye ye mongwana le ye mongwana ye a leng ga pharadeyisi ya tso tsa Modimo gore le yene a be ga morapelo wa go yela. (Joh. 6:44) O fo nagana gore Jehova o jabola go segela kaye mo a bona re karakara ka matla gore re thogo phidisana le ba bangwana gabutši, le ho a bona malata yage ya gore o ma tseyela gedimo ma mamarelanne go le selo ka ssoši!—Jes. 26:3; Hagh. 2:7.

18. King so di nyakang re dula re ghayela ka sona fote ke ntaba?

¹⁸ Tso Modimo a re rufang ka tsona ka taba la gore re malata yage, di re berekela ka mokgo mang? O fo nagana ka tso re di tšhutang ka Lentsung la Modimo le ka dikgatisong tsa rune. Mo re kene re tšhuta re boya re ghayela, tsotsone di nyoko re gelepa gore re be le mekgwa ya Sekreste ka ho phutegong ya gore yi nyoko re tšhofa gore re ‘nyakanane ka matla le magageru fote re sa timakisi.’ (Marom. 12:10) Mo re ghayela ka tsa gore a yi botala ba re rufiye ka tsona, re napa re tiyisa senghana sa rune le Jehova. Fote mo re nagana ka tsa gabutši tso Jehova a re tshepisang gore o nyoko re neya tsona ku mahlong, re napa re maka taba ya go mmerekela go ya go yye yi ba ya mannete ho ga rune. Tsotsone ka mokana ga tsona di nyoko re gelepa gore re berekele Jehova re kene re jabodiye gana byalo.

19. (a) Jesaya 30:18, yi re king sa gore a re se kamake? (b) King so se ka re gelepang gore re tiyisele re kene re jabodiye?

¹⁹ Jehova “o nyoko tlogamela” a yemela rune, mo a fetsa ka batho ba lefase lowa ba dipelo tse diphifadu. (Jes. 30:18) A re kamake gore Jehova “ke Modimo wa go maka dilo gabutši” fote a ka sa lisetse lefase la Sathane le napa le nama mawoto nako ya go lefa. (Jes. 25:9) Re yemme re kene re lefisiye dipelo gore letšatši lone la gore Jehova a re phonise le segele. Mo re sa yemme ka mokgonone, re tikemisele go ya mahlong re kene re tseyela gedimo taba ya go rapela, go bala Lentsu la Modimo re boya re maka tso le di hlayang fote re ghayela ka tso re rufiwang ka tsona. Tsotsone di nyoko maka gore Jehova a re gelepe re tiyisele re kene re jabodiye mo re mmerekela.